#World_Politics
Published 22 March 2023

တရုတ်နဲ့ရုရှားတို့ဟာ အင်္ဂါနေ့က သူတို့ရဲ့ဆက်ဆံရေးမှာ ခေတ်သစ်တစ်ခုတည်ထောင်လိုက်ပြီး အနောက်နိုင်ငံကိုဆန့်ကျင်ကာ ရပ်တည်လိုက်ကြပါတယ်။

အာရှဒေသအတွင်း နေတိုး(NATO)အဖွဲ့ တိုးချဲ့လာခြင်းအပေါ် နှစ်နိုင်ငံစလုံးက စိုးရိမ်ပူပန်မိကြောင်း ဖော်ပြကာ အမေရိကန်ကြောင့် ကမ္ဘာ့လုံခြုံရေးထိခိုက်စေတယ်လို့ စွပ်စွဲလိုက်ကြပါတယ်။

အလွန်ရင်းနှီးကျွမ်းဝင်ကြတဲ့ ရုရှားသမ္မတ'ဗလာဒီမာပူတင်'နဲ့ တရုတ်သမ္မတ'ရှီကျင့်ဖင်'တို့ဟာ တနင်္လာနေ့က ၄ နာရီခွဲကြာမြင့်တဲ့အထိ ဆွေးနွေးပြောဆိုခဲ့ပါတယ်။

ခေါင်းဆောင်နှစ်ဦးဟာ သူတို့ရဲ့မိတ်ဖက်ဆက်ဆံရေးမှာ ပိုမိုနက်နဲအောင်ဆောင်ရွက်ကြဖို့ သဘောတူခဲ့ကြောင်း AFP က ဖော်ပြထားပါတယ်။

သတင်းဖော်ပြချက်အရ ယူကရိန်းပဋိပက္ခအဆုံးသတ်ရေးနဲ့ ပတ်သက်တဲ့ တရုတ်ရဲ့အကြံပြုကမ်းလှမ်းချက်တွေကို ငြင်းပယ်လိုက်တဲ့ အနောက်နိုင်ငံအား ပူတင်က စွပ်စွဲလိုက်ပါတယ်။

ယူကရိန်းအရေးနဲ့ပတ်သက်ပြီး ဆွေးနွေးရန်အဆင်သင့်ရှိကြောင်းဆိုလိုက်ကာ ပဋိပက္ခနဲ့ပတ်သက်တဲ့ တရုတ်အကြံပြုချက် ၁၂ ချက်ကိုလည်း ချီးကျူးပြောဆိုလိုက်ပါတယ်။

တရုတ်အကြံပြုကမ်းလှမ်းချက်တွေကို လက်ခံရန်ဆန္ဒမရှိတဲ့ ယူကရိန်းကိုလည်း ပူတင်ကစွပ်စွဲလိုက်ပါတယ်။

"ယူကရိန်းနဲ့ အမေရိကန်တို့အနေနဲ့ တရုတ်နိုင်ငံမှချမှတ်လိုက်တဲ့ ငြိမ်းချမ်းရေးအစီအစဉ်တွေကို လက်ခံဖို့အသင့်ဖြစ်ပြီဆိုရင် ငြိမ်းချမ်းရေးလမ်းစဉ်အတွက် အခြေခံအဖြစ် ယူဆနိုင်ပါတယ်၊ ဒါပေမဲ့အခုထိတော့ သူတို့ဘက်က အသင့်ရှိမနေပါဘူး" လို့ ပူတင်က ဆက်လက်ပြောကြားခဲ့ပါတယ်။

တရုတ်နဲ့ရုရှားတို့ ပူးပေါင်းထုတ်ပြန်ရာမှာ အနောက်နိုင်ငံကို ဦးတည်ပြောဆိုချင်တဲ့သဘောတွေ့ရပြီး သူတို့က စစ်ရေးတစ်ဖက်သတ်အသာစီးရရှိရန် နိုင်ငံတကာနဲ့ ဒေသတွင်းလုံခြုံရေးနဲ့ တစ်ကမ္ဘာလုံးဆိုင်ရာတည်ငြိမ်အေးချမ်းရေးအား ထိခိုက်နေခြင်းကို ရပ်တန့်ဖို့ အမေရိကန်ကို တောင်းဆိုလိုက်ကြပါတယ်။

အာရှအတွင်း နေတိုးအဖွဲ့ကြီးထွားလာခြင်းအပေါ် စိုးရိမ်ပူပန်ကြောင်းလည်း ထုတ်ဖော်ခဲ့ကြကာ "အာရှ-ပစိဖိတ်နိုင်ငံတွေမှာ စစ်ရေးနဲ့လုံခြုံရေးကိစ္စများနဲ့ပတ်သက်ပြီး နေတိုးနဲ့ဆက်နွယ်နေကြတာကို နှစ်နိုင်ငံစလုံးမှ စိုးရိမ်မိပါတယ်" လို့ ဖော်ပြသွားပါတယ်။

Source: WION
#Yangon_Media_Group

#World_Health
Published 22 March 2023

ကလေးအသက်အရွယ် ၄ လမှ ၆ လကစပြီး မြေပဲထုတ်ကုန်ပစ္စည်းများ ကျွေးထားပါက မြေပဲဓာတ်မတည့်ခြင်းဖြစ်နိုင်ချေ ၇၇ ရာခိုင်နှုန်းလျော့နည်းနိုင်ကြောင်း လေ့လာတွေ့ရှိထားပါတယ်။

ဒီလေ့လာချက်ကို ယူကေကျန်းမာရေးနှင့်စောင့်ရှောက်ရေး သုတေသနစင်တာမှ ပရော်ဖက်ဆာ'ဂရေဟမ်ရောဘတ်စ်'နဲ့ ပရော်ဖက်ဆာ'ဂီဒွန်လက်ခ်'တို့က ဦးဆောင်ပြုလုပ်ခဲ့ကာ Allergy and Clinical Immunology ဂျာနယ်မှာ ဖော်ပြခဲ့ပါတယ်။

မြေပဲနဲ့ဓာတ်မတည့်တဲ့ကလေးတွေဟာ အသက် ၁ နှစ်လောက်ကစပြီး လက္ခဏာပြတတ်ပါတယ်။
အသက် ၄ လခန့်အရွယ်မှာ မြေပဲထောပတ်ခရင်မ်လိုမျိုး ကျွေးထားမယ်ဆိုရင် ဓာတ်မတည့်တာမျိုး မဖြစ်နိုင်ဘူးလို့ ဆိုပါတယ်။

အသက် ၁၂ လအရွယ်မှ မြေပဲထုတ်ကုန်များ စတင်ကျွေးမယ်ဆိုရင်တော့ ဓာတ်မတည့်ခြင်း ၃၃ ရာခိုင်နှုန်း ဖြစ်နိုင်ချေနည်းစေပါတယ်။

ဆယ်စုနှစ်များစွာတိုင်အောင် မြေပဲကို တမင်ရှောင်စားခြင်းကြောင့် အသက်အစောပိုင်းမှာ မြေပဲစကျွေးဖို့ကို မိဘများက စိုးရိမ်နေကြပါတယ်။

အခုအထောက်အထားအရ လွယ်ကူရိုးရှင်းပြီး ကုန်ကျစရိတ်သက်သာတဲ့နည်းလမ်းဖြင့် အနာဂတ်မျိုးဆက်တွေအတွက် ပြည်သူ့ကျန်းမာရေးကို ထိရောက်စေမှာဖြစ်ကြောင်း ရောဘတ်စ်က ဆိုပါတယ်။
ကလေးအသက်ကြီးလာမှ မြေပဲစကျွေးမယ်ဆိုရင် အကျိုးသက်ရောက်မှု နည်းပါးသွားပါတယ်။

မြေပဲဓာတ်မတည့်ခြင်းက အကြောင်းအရင်းမရှိဖြစ်တတ်တာကြောင့် လူထုတစ်ရပ်လုံးမှာ ပစ်မှတ်ထားဆောင်ရွက်သင့်ကြောင်း တွေ့ရှိထားပါတယ်။

နှင်းခူရောဂါပြင်းထန်တဲ့ ကလေးငယ်တွေမှာတော့ ၄.၆ ရာခိုင်နှုန်းသာ လျှော့ချနိုင်ပြီး ကျန်းမာရေးပြဿနာနည်းပါးတဲ့ ကလေးတွေမှာသာ မြေပဲဓာတ်မတည့်ခြင်း လျှော့ချနိုင်ချေများတာဖြစ်ပါတယ်။
မြေပဲဓာတ်မတည့်ခြင်းအဖြစ်များတဲ့ နိုင်ငံတွေမှာ ကလေးအသက် ၄ လမှ ၆ လကနေစပြီး မြေပဲထုတ်ကုန်များ စတင်ကျွေးသင့်ကြောင်း သုတေသီများသုံးသပ်ထားပါတယ်။

Source: The Jerusalem Post.
#Yangon_Media_Group

#LocalNews
Published_ 21 March 2023

သင်္ကြန်ကာလရုံးပိတ်ရက်မတိုင်မီ ဧပြီ ၇ ရက်မှ ၈ ရက်အထိအထူးရထားတွေပြေးဆွဲပေးသွားဖိုရှိတယ်လို့ မြန်မာ့မီးရထား၊ရန်ကုန်ဘူတာကြီးမှ တာဝန်ရှိသူတစ်ဦးထံမှသိရပါတယ်၊၊

#YMG#Yangon_Media_Group

#World_Agriculture
Published 20 March 2023

မိုးခေါင်ရေရှားမှုဒဏ်ကိုခံနေရတဲ့ အမေရိကန်အနောက်တောင်ပိုင်းမှာ ရေနည်းနည်းဖြင့် အထွက်နှုန်းကောင်းစေမယ့် ဆည်မြောင်းနည်းလမ်းတွေကို ရှာဖွေနေကြပါတယ်။

#YMG#Yangon_Media_Group

#LocalNews
Published_ 21 March 2023

နွေရာသီမတ်လနှောင်းပိုင်းမှာလည်း လေဖိအားနည်းရပ်ဝန်းတစ်ကြိမ်ဖြစ်ပေါ်နိုင်ပြီး မိုးရွာတာ၊မြူကျတာတွေဖြစ်ပေါ်ဦးမှာဖြစ်တယ်လို မိုးလေဝသနှင့်ဇလဗေဒညွှန်ကြားမှုဦးစီးဌာနမှသိရပါတယ်၊၊

#YMG#Yangon_Media_Group

#LocalNews
Published_ 21 March 2023

ကမ္ဘာ့ရွှေဂယက်ကြောင့် ပြည်တွင်းရွှေဈေးကစားလိုသူများအနေဖြင့် သံယောက်လိုက်ပြီး လူမူကွန်ယက်များတွေဈေးမြင့်တက်လာဈေးရန်ဝါဒဖြန့်မူတွေရှိတယ်လို့ ရန်ကုန်ရွှေအသင်းက ထုတ်ပြန်ထားပါတယ်။

#YMG#Yangon_Media_Group

#LocalNews
Published_ 21 March 2023

အခုနှစ်သင်္ကြန်ပိတ်ရက်ရှည်ကာလတွေမှာကချင် ပြည်နယ်၊ပူတာအိုဒေသသို့လာရောက်လည်ပတ်မယ့်သူတွေများလာဖို့ရှိတယ်လို့ ပူတာအိုဒေသခံခရီးသွားလမ်းညွှန်တစ်ဦးထံမှသိရပါတယ်၊၊

#YMG#Yangon_Media_Group

#DailyNews
Published_ 21 March 2023

၁။ သင်္ကြန်ပိတ်ရက်ရှည်ကာလတွင် ပူတာအိုဒေသသို့ လာရောက်လည်ပတ်မည့်သူ များမည်ဟုဆို

 ၂။ ရွှေစျေးကစားလိုသူတွေရဲ့ဝါဒဖြန့်မူများကိုယုံကြည်ပြီး အရောင်းအဝယ်မလုပ်ဖို့ ရန်ကုန်ရွှေအသင်းထုတ်ပြန်

၃။ နွေရာသီမတ်လနှောင်းပိုင်း၌ လေဖိအားနည်းရပ်ဝန်းနှင့် မိုးရွာခြင်း၊ မြူကျခြင်းများ ဖြစ်ပေါ်ဦးမည်

၄။ အမေရိကန်အရီဇိုးနားတွင် ရေအနည်းငယ်ဖြင့် အထွက်နှုန်းကောင်းစေမည့်ရေသွင်းနည်းလမ်းများအား စိုက်ပျိုးရေးသိပ္ပံပညာရှင်များ အဖြေရှာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group #Daily_News #YMG

#LocalNews
Published_ 21 March 2023

ပဲခူးတိုင်း၊ ပြည်ခရိုင်၊ နတ်တလင်းမြို့၊ ရန်ကုန်-ပြည်လမ်းဘေးမြောင်းထဲ မှာမတ် ၁၉ ရက်နေ့လယ်ပိုင်းက မိသားစုငါးဦး ရေဆင်းချိုးရာမှ သုံးဦးမှာ ရေနစ်သေဆုံးခဲ့တယ်လို့ ရွှေကြာလူမှုကယ်ဆယ်ရေးအသင်းထံမှသိရပါတယ်။

#YMG#Yangon_Media_Group

#LocalNews
Published-21 March 2023

ရန်ကုန်တိုင်းဒေသကြီး၊သန်လျင်မြို့နယ်တွင် နိုင်ငံခြားပြန်သင်္ဘောသား ၂ ဦးအရက်သောက်ရင်း ရေဆင်းကူးရာမှရေနစ်သေဆုံးခဲ့ကြောင်း ရွှေရောင်တွဲလက်လူမှုကူညီရေးအသင်းကသိရသည်။

မတ်လ၂၀ရက် ညနေ၄နာရီခန့်က အဆိုပါ နိုင်ငံခြားက ပြန်လာသည့် သင်္ဘောသား ၂ ဦး က သန်လျင် အမှုထမ်းရပ်ကွက် ရွှေဝါလမ်းသွယ် အမှတ်၁၇ ရှိ ဦးကိုကိုမြတ်နေအိမ်သို့အလည်လာပြီးနောက် သန်လျင်မြို့နယ် ပဲခူးစုရပ်ကွက် ၊ စက်ကန် ၂ တွင်ရေသွားကူးကြရာ အထက်ပါအတိုင်း ၂ ဦးမှာ ရေနစ်ခဲ့ခြင်းဖြစ်ကြောင်း သိရသည်။

ရေနစ်ခဲ့သူမှာ ဦးသူရိန်ဖြစ်ပြီး ၎င်းရေနစ်နေသည်ကို ဦးပြည့်စုံက သွား၍ကယ်ရာတွင် ၂ ဦးလုံး ပြန်မပေါ်လာတော့ကြောင်း အသက်ရှင် ကျန်ရှိသူ ဦးကိုကိုမြတ်က ပြောပြချက်အပေါ် ကိုးကား၍ ရွှေရောင်တွဲလက်လူမှုကူညီရေးအသင်းတာဝန်ရှိသူက ဆိုသည်။

ဦးသူရိန်မှာ အင်းစိန်မြို့နယ်တွင်နေထိုင်သူဖြစ်ပြီး ဦးပြည့်စုံမှာ ဒလ မြို့နယ်တွင် နေထိုင်သူဖြစ်ကြောင်း သိရသည်။

"အရက်သောက်နေရင်း ရေဆင်းကူးတာလိုက် သောက်လိုက်နဲ့ အင်းစိန်က အစ်ကိုက ရေနစ်တဲ့အခါ ဒလက အစ်ကိုသွားကယ်တာ။ အဲဒီမှာ ၂ ယောက်လုံး ပြန်မပေါ်မလာတော့တာ။ နောက်တစ်ယောက်ကတော့ ရေမကူးတတ်တော့ ကမ်းစပ်မှာသောက်နေတာကြောင့် အသက်ရှင်ပါတယ်"ဟု ရွှေရောင်တွဲလက်လူမှုကူညီရေးအသင်းမှ တာဝန်ရှိသူတစ်ဦးကပြောသည်။

ရွှေရောင်တွဲလက်လူမှုကူညီရေးအသင်းနှင့်လူမှုကူညီရေးအသင်းများ ရှာဖွေကယ်ဆယ်မှုများဆောင်ရွက်ရာတွင် ဦးပြည့်စုံအလောင်းကို မတ်လ၂၀ရက် ညနေ၅နာရီအချိန်တွင်ပြန်လည်တွေ့ရှိသဖြင့် သန်လျင်ဆေးရုံရင်ခွဲရုံသို့ပို့ဆောင်ပေးခဲ့ကြောင်း၊ လက်ရှိတွင်ဦးသူရိန်၏အလောင်းကို ဆက်လက်ရှာဖွေနေဆဲဖြစ်ကြောင်းလည်း အသင်းကသိရသည်။

#ymg/mt
#ရေဆင်းကူး
#အရက်သောက်
#သင်္ဘောသား
#ရေနစ်သေဆုံး
#Yangon-Media-Group

#LocalNews
Published_ 21 March 2023

ရန်ကုန်တိုင်းဒေသကြီး ၊ ရန်ကင်းမြို့နယ် ပါရီလမ်းမပေါ်ရှိ မဉ္ဇူလမ်းထိပ်တွင် သမီးရည်းစားနှစ်ဦး စကားများရန်ဖြစ်ပြီး လူငယ်အမျိုးသားက ကိုယ့်ကိုကိုယ်ကတ်ကြေးဖြင့် ထိုးမှုဖြစ်ပွားခဲ့ကြောင်း ရန်ကင်းပရဟိတလူငယ်ဥက္ကဌ ကိုရွှေမိုးအောင် က YMG ကိုပြောသည်။

ယနေ့ မတ်လ ၂၁ ရက် နေ့လယ်ပိုင်းက အဆိုပါ ကပ်ကြေးဖြင့် ကိုယ့်ကိုကိုယ်ထိုးသူ အသက်၁၉နှစ်အရွယ် လူငယ်အမျိုးသားမှာ ကောင်မလေးဖြစ်သူ ပြန်သွားသည့်အခါ ကိုယ့်ကိုကိုယ် ဓါးဖြင့် ထိုးသောကြောင့် ဗိုက်တွင် ပြတ်ရှဒဏ်ရာ ၆ ချက်ရရှိခဲ့ပြီး ရဲဆေးစာဖြင့် စံပြဆေးရုံသို့ ပို့ပေးခဲ့ကြောင်း သိရသည်။

ဘေးပတ်ဝန်းကျင်မှ ရဲစခန်းသို့ဖုန်းဆက်အကြောင်းကြားသည့်အတွက် သွားရောက်ခေါ်ဆောင်ဆောင်စဉ် ပြတ်ရှဒဏ်ရာများဖြင့်လူနာမှာ သွေးထွက်လွန်ကာ အားနည်းမူးဝေနေကြောင်း သိရသည်။

လက်ရှိအချိန်တွင် အသက်အန္တရာယ်စိုးရိမ်ရန်မလိုတော့ကြောင်းနှင့် စံပြဆေးရုံတွင်ကုသမူခံယူနေကြောင်း ရန်ကင်းလူငယ်ပရဟိတအသင်းမှသိရသည်။

ymg/ynzw
#Yangon_Media_Group

#LocalNews
Published_ 21 March 2023

မလေးရှားနိုင်ငံတွင် ထိုင်လျက် သေဆုံးနေသည့် မြန်မာတစ်ဦးကို ယနေ့တွေ့ရှိခဲ့သောကြောင့် ယခုအခါ ရေခဲတိုက်သို့ ပို့ဆောင်ထားပြီး မည်သူမည်ဝါဖြစ်သည်ကို စုံစမ်းနေဆဲဖြစ်ကြောင်း လိုက်ပါကူညီခဲ့သည့် မြန်မာလူမူကူညီရေးအသင်း (မလေးရှား) က သိရသည်။

ယနေ့တွင် အဆိုပါ သေဆုံးနေသည့် အမည်မသိ အမျိုးသားအလောင်း ကို တွေ့ရှိကြောင်း မြန်မာလူမူကူညီရေးအသင်း (မလေးရှား) သို့ မလေးရှားနိုင်ငံ ချဲရပ်ရဲစခန်းက ဆက်သွယ်လာခြင်း ဖြစ်ကြောင်း၊အဆိုပါ အမျိုးသားမှာ ချဲရပ်မြို့ ALAMAT:KEDAI 33, KOPITIAM, NO.30, JALAN WARAS 1, TMN CONNAUGHT, KLအောက်ဖက်တွင်ထိုင်လျက်သေဆုံးနေခြင်း ဖြစ်ကြောင်း သိရသည်။

"အခုက ဆေးရုံ ရေခဲတိုက်ကို ပို့ထားတယ်။ဘယ်သူဆိုတာ စုံစမ်းနေဆဲပါ"ဟု မြန်မာလူမူကူညီရေးအသင်း (မလေးရှား) ၏ တာဝန်ရှိသူကိုဆန်းဝင်းက ပြောသည်။

ymg/mt
#Yangon_Media_Group