#LocalNews
Published-22 March 2023

ထိုင်းနိုင်ငံသို့ အထောက်အထားမဲ့ ဝင်လာသည့် ကလေးငယ်တစ်ဦး ၊ အမျိုးသမီး ၇ ဦး ၊အမျိုးသား ၄ ဦး ကို ထိုင်းရဲတပ်ဖွဲ့က မတ်လ ၂၀ ရက်တွင် ဖမ်းမိခဲ့ကြောင်း သိရသည်။

အဆိုပါ ကလေးငယ်အပါ ၁၂ ဦး မှာ ထိုင်းနိုင်ငံ၊ ကန်ကျနဘူရီခရိုင်၊ မင်မြို့၊ ဝမ်ဒို့ကျေးရွာ စမ်ဖရန်၊ဝမ်ဖာရဖီမြို့အနီး စစ်ဆေးရေးဂိတ်တွင် ဖမ်းဆီးမိခြင်းဖြစ်ကြောင်း သိရသည်။

ယင်း မြန်မာ ၁၂ ဦးကို ပစ်ကပ်ကားတစ်စီးဖြင့်တင်ဆောင်ကာ မောင်းနှင်လာစဉ် စစ်ဆေးရေးဂိတ်က မောင်းပြေးခဲ့စဉ် ဖမ်းမိခြင်း ဖြစ်ကြောင်း၊စစ်ဆေးချက်များအရ ပို့ဆောင်သူက ပို့ဆောင်ခ ဘတ် ၇၀၀၀ ကနေ ၈၀၀၀ ထိရရှိပြီး ယခင်ကလည်း ၄ ကြိမ်ခန့် ပို့ဆောင်ဖူးသည့်အတွေ့အကြုံရှိကြောင်း ယာဉ်မောင်းက ပြောဆိုထားသည်။

လက်ရှိတွင်ဖမ်းဆီးမိသူအားလုံးကို ဥပဒေအရ ကန်ကျနဘူရီ ရဲစခန်း က ဆက်လက်ဆောင်ရွက်မည် ဖြစ်ကြောင်း သိရသည်။

ymg/mt
#Yangon_Media_Group

#LocalNews
Published-21 March 2023

ကိုရီးယားသမ္မတနိုင်ငံရှိ သင်္ဘောတည်ဆောက်ရေးလုပ်ငန်းများတွင်လုပ်ကိုင်ရန် ကျွမ်းကျင်ဂဟေလုပ်သားများအဖြစ် မတ်လ၂၁ရက်က E-7-3 ဗီဇာဖြင့် ၃၆ဦးထပ်မံစေလွှတ်ခဲ့သောကြောင့် မတ်လ အတွင်း ၃ကြိမ်စေလွှတ်ခဲ့ပြီဖြစ်ကြောင်း ဆိုလ်းမြို့ မြန်မာသံရုံးကသိရသည်။

ပြီးခဲ့သည့် ယခု မတ်လ ၁၂ရက်က Samasung Heavy Industries တွင်လုပ်ကိုင်မည့် မြန်မာဂဟေလုပ်သား ၁၇ ဦးကို ပထအကြိမ်အနေဖြင့်လည်းကောင်း၊ မတ်လ ၁၇ရက်တွင် Samsung Heavy Industries တွင်လုပ် ကိုင်မည့် မြန်မာဂဟေလုပ်သား ၃၃ ဦးကို ဒုတိယအကြိမ်အနေဖြင့်လည်းကောင်း စေလွှတ်နိုင်ခဲ့ပြီးဖြစ်ကြောင်း ဆိုလ်းမြို့ မြန် မာသံရုံး၏ထုတ်ပြန်ချက်တွင် ဖော်ပြထားသည်။

မြန်မာလုပ်သားများရောက်ရှိချိန်တွင် မြန်မာသံရုံး၊ ဆိုလ်းမြို့မှ အလုပ်သမားသံအရာရှိကကြိုဆို၍ လိုအပ်သည်များ ပံ့ပိုးကူညီပေးခဲ့ကြောင်းလည်း သိရသည်။

#ymg/mt
#Yangon-Media-Group

#LocalNews
Published_ 22 March 2023

ယခုဘဏ္ဍာရေးနှစ်ကုန်တွင် စီးပွားရေးတိုးတက်မှု ၃ ဒသမ ၄ ရာခိုင်နှုန်း ရရှိလာနိုင်မည်ဟု ခန့်မှန်းထားကြောင်း အမျိုးသားစီမံကိန်းကော်မရှင်ဥက္ကဋ္ဌ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က မတ်လ ၂၁ ရက် ပြုလုပ်သည့် အမျိုးသားစီမံကိန်းကော်မရှင် (၁/၂၀၂၃)အစည်းအဝေးတွင် ပြောသည်။

၂၀၂၁ ခုနှစ်၊ အောက်တိုဘာလတွင် ဘဏ္ဍာရေးနှစ်ကာလပြောင်းလဲခဲ့ပြီး ကြားကာလ ၆ လ စီမံကိန်းနှင့် ၂၀၂၂ - ၂၀၂၃ ဘဏ္ဍာရေးနှစ် အမျိုးသားစီမံကိန်းတို့ကို ရေးဆွဲအကောင်အထည်ဖော်ခဲ့ကာ ယခုလက်ရှိ ၂၀၂၂ - ၂၀၂၃ ဘဏ္ဍာရေးနှစ် အမျိုးသားစီမံကိန်းတွင် ဘဏ္ဍာရေးနှစ်တစ်နှစ်အပြည့် ဖြစ်တော့မည် ဖြစ်ကြောင်း သိရသည်။

၂၀၂၀-၂၀၂၁ ဘဏ္ဍာရေးနှစ် ၂၀၂၀ ပြည့်နှစ်၊ အောက်တိုဘာလမှ ၂၀၂၁ ခုနှစ်၊ စက်တင်ဘာလအတွင်း စီးပွားရေးတိုးတက်မှုနှုန်း အနုတ် ၅ ဒသမ ၉ ရာခိုင်နှုန်း ကျဆင်းခဲ့ရာမှ ကြားကာလ ၆ လ စီမံကိန်း အကောင်အထည်ဖော်မှုတွင် ၂ ဒသမ ၄ ရာခိုင်နှုန်းနှင့် ၂၀၂၂ - ၂၀၂၃ ဘဏ္ဍာရေးနှစ် စီမံကိန်းပထမ ၆လ အကောင်အထည်ဖော်မှုတွင် ၃ ဒသမ ၄ ရာခိုင်နှုန်း ပြန်လည်တိုးတက်ရရှိလာခဲ့ကြောင်း၊ ယခုဘဏ္ဍာရေးနှစ်ကုန်တွင် ယာယီခန့်မှန်းခြေစာရင်းအရ တစ်နှစ်လုံးအတွက် တိုးတက်မှုနှုန်း ၃ ဒသမ ၄ ရာခိုင်နှုန်း ရရှိလာနိုင်မည်ဟု သက်ဆိုင်ရာဌာနများက ခန့်မှန်းထားကြကြောင်း နစက ဥက္ကဌက ဆိုသည်။

လာမည့် ၂၀၂၃-၂၀၂၄ ဘဏ္ဍာရေးနှစ် အမျိုးသားစီမံကိန်းတွင် နိုင်ငံတော်၏ ရှေ့လုပ်ငန်းစဉ် ၅ ရပ်၊ ဦးတည်ချက် ၁၂ ရပ်တို့နှင့် ချိတ်ဆက်ပြီး ချမှတ်ထားသည့်စီမံကိန်းများ အကောင်အထည်ဖော်ဆောင်ရွက်မှုများကို အမြဲသုံးသပ်စိစစ်ပြီးလိုအပ်ချက်များကို ပြင်ဆင်ဆောင်ရွက်ခြင်း (Plan, Do, Check, Act- PDCA)ဖြင့် အကောင်အထည်ဖော်မည်ဆိုပါက ကိုဗစ်-၁၉ မတိုင်မီ အခြေအနေထက် ကျော်လွန်ရရှိနိုင်မည်ဖြစ်ကြောင်း၊ ၂၀၂၃-၂၀၂၄ ဘဏ္ဍာရေးနှစ် အမျိုးသားစီမံကိန်းဥပဒေကြမ်းပါလုပ်ငန်းများကို ဥပဒေအဖြစ်ပြဋ္ဌာန်းပြီးပါက သတ်မှတ်ထားသည့် နည်းလမ်းများနှင့်အညီ အောင်မြင်အောင် အကောင်အထည်ဖော်ဆောင်ရွက်ရန်လည်း နစက ဥက္ကဌက ပြောကြားခဲ့ခြင်း ဖြစ်သည်။

ymg/mt
#Yangon_Media_Group

#World_Politics
Published 22 March 2023

တရုတ်နဲ့ရုရှားတို့ဟာ အင်္ဂါနေ့က သူတို့ရဲ့ဆက်ဆံရေးမှာ ခေတ်သစ်တစ်ခုတည်ထောင်လိုက်ပြီး အနောက်နိုင်ငံကိုဆန့်ကျင်ကာ ရပ်တည်လိုက်ကြပါတယ်။

အာရှဒေသအတွင်း နေတိုး(NATO)အဖွဲ့ တိုးချဲ့လာခြင်းအပေါ် နှစ်နိုင်ငံစလုံးက စိုးရိမ်ပူပန်မိကြောင်း ဖော်ပြကာ အမေရိကန်ကြောင့် ကမ္ဘာ့လုံခြုံရေးထိခိုက်စေတယ်လို့ စွပ်စွဲလိုက်ကြပါတယ်။

အလွန်ရင်းနှီးကျွမ်းဝင်ကြတဲ့ ရုရှားသမ္မတ'ဗလာဒီမာပူတင်'နဲ့ တရုတ်သမ္မတ'ရှီကျင့်ဖင်'တို့ဟာ တနင်္လာနေ့က ၄ နာရီခွဲကြာမြင့်တဲ့အထိ ဆွေးနွေးပြောဆိုခဲ့ပါတယ်။

ခေါင်းဆောင်နှစ်ဦးဟာ သူတို့ရဲ့မိတ်ဖက်ဆက်ဆံရေးမှာ ပိုမိုနက်နဲအောင်ဆောင်ရွက်ကြဖို့ သဘောတူခဲ့ကြောင်း AFP က ဖော်ပြထားပါတယ်။

သတင်းဖော်ပြချက်အရ ယူကရိန်းပဋိပက္ခအဆုံးသတ်ရေးနဲ့ ပတ်သက်တဲ့ တရုတ်ရဲ့အကြံပြုကမ်းလှမ်းချက်တွေကို ငြင်းပယ်လိုက်တဲ့ အနောက်နိုင်ငံအား ပူတင်က စွပ်စွဲလိုက်ပါတယ်။

ယူကရိန်းအရေးနဲ့ပတ်သက်ပြီး ဆွေးနွေးရန်အဆင်သင့်ရှိကြောင်းဆိုလိုက်ကာ ပဋိပက္ခနဲ့ပတ်သက်တဲ့ တရုတ်အကြံပြုချက် ၁၂ ချက်ကိုလည်း ချီးကျူးပြောဆိုလိုက်ပါတယ်။

တရုတ်အကြံပြုကမ်းလှမ်းချက်တွေကို လက်ခံရန်ဆန္ဒမရှိတဲ့ ယူကရိန်းကိုလည်း ပူတင်ကစွပ်စွဲလိုက်ပါတယ်။

"ယူကရိန်းနဲ့ အမေရိကန်တို့အနေနဲ့ တရုတ်နိုင်ငံမှချမှတ်လိုက်တဲ့ ငြိမ်းချမ်းရေးအစီအစဉ်တွေကို လက်ခံဖို့အသင့်ဖြစ်ပြီဆိုရင် ငြိမ်းချမ်းရေးလမ်းစဉ်အတွက် အခြေခံအဖြစ် ယူဆနိုင်ပါတယ်၊ ဒါပေမဲ့အခုထိတော့ သူတို့ဘက်က အသင့်ရှိမနေပါဘူး" လို့ ပူတင်က ဆက်လက်ပြောကြားခဲ့ပါတယ်။

တရုတ်နဲ့ရုရှားတို့ ပူးပေါင်းထုတ်ပြန်ရာမှာ အနောက်နိုင်ငံကို ဦးတည်ပြောဆိုချင်တဲ့သဘောတွေ့ရပြီး သူတို့က စစ်ရေးတစ်ဖက်သတ်အသာစီးရရှိရန် နိုင်ငံတကာနဲ့ ဒေသတွင်းလုံခြုံရေးနဲ့ တစ်ကမ္ဘာလုံးဆိုင်ရာတည်ငြိမ်အေးချမ်းရေးအား ထိခိုက်နေခြင်းကို ရပ်တန့်ဖို့ အမေရိကန်ကို တောင်းဆိုလိုက်ကြပါတယ်။

အာရှအတွင်း နေတိုးအဖွဲ့ကြီးထွားလာခြင်းအပေါ် စိုးရိမ်ပူပန်ကြောင်းလည်း ထုတ်ဖော်ခဲ့ကြကာ "အာရှ-ပစိဖိတ်နိုင်ငံတွေမှာ စစ်ရေးနဲ့လုံခြုံရေးကိစ္စများနဲ့ပတ်သက်ပြီး နေတိုးနဲ့ဆက်နွယ်နေကြတာကို နှစ်နိုင်ငံစလုံးမှ စိုးရိမ်မိပါတယ်" လို့ ဖော်ပြသွားပါတယ်။

Source: WION
#Yangon_Media_Group

#World_Health
Published 22 March 2023

ကလေးအသက်အရွယ် ၄ လမှ ၆ လကစပြီး မြေပဲထုတ်ကုန်ပစ္စည်းများ ကျွေးထားပါက မြေပဲဓာတ်မတည့်ခြင်းဖြစ်နိုင်ချေ ၇၇ ရာခိုင်နှုန်းလျော့နည်းနိုင်ကြောင်း လေ့လာတွေ့ရှိထားပါတယ်။

ဒီလေ့လာချက်ကို ယူကေကျန်းမာရေးနှင့်စောင့်ရှောက်ရေး သုတေသနစင်တာမှ ပရော်ဖက်ဆာ'ဂရေဟမ်ရောဘတ်စ်'နဲ့ ပရော်ဖက်ဆာ'ဂီဒွန်လက်ခ်'တို့က ဦးဆောင်ပြုလုပ်ခဲ့ကာ Allergy and Clinical Immunology ဂျာနယ်မှာ ဖော်ပြခဲ့ပါတယ်။

မြေပဲနဲ့ဓာတ်မတည့်တဲ့ကလေးတွေဟာ အသက် ၁ နှစ်လောက်ကစပြီး လက္ခဏာပြတတ်ပါတယ်။
အသက် ၄ လခန့်အရွယ်မှာ မြေပဲထောပတ်ခရင်မ်လိုမျိုး ကျွေးထားမယ်ဆိုရင် ဓာတ်မတည့်တာမျိုး မဖြစ်နိုင်ဘူးလို့ ဆိုပါတယ်။

အသက် ၁၂ လအရွယ်မှ မြေပဲထုတ်ကုန်များ စတင်ကျွေးမယ်ဆိုရင်တော့ ဓာတ်မတည့်ခြင်း ၃၃ ရာခိုင်နှုန်း ဖြစ်နိုင်ချေနည်းစေပါတယ်။

ဆယ်စုနှစ်များစွာတိုင်အောင် မြေပဲကို တမင်ရှောင်စားခြင်းကြောင့် အသက်အစောပိုင်းမှာ မြေပဲစကျွေးဖို့ကို မိဘများက စိုးရိမ်နေကြပါတယ်။

အခုအထောက်အထားအရ လွယ်ကူရိုးရှင်းပြီး ကုန်ကျစရိတ်သက်သာတဲ့နည်းလမ်းဖြင့် အနာဂတ်မျိုးဆက်တွေအတွက် ပြည်သူ့ကျန်းမာရေးကို ထိရောက်စေမှာဖြစ်ကြောင်း ရောဘတ်စ်က ဆိုပါတယ်။
ကလေးအသက်ကြီးလာမှ မြေပဲစကျွေးမယ်ဆိုရင် အကျိုးသက်ရောက်မှု နည်းပါးသွားပါတယ်။

မြေပဲဓာတ်မတည့်ခြင်းက အကြောင်းအရင်းမရှိဖြစ်တတ်တာကြောင့် လူထုတစ်ရပ်လုံးမှာ ပစ်မှတ်ထားဆောင်ရွက်သင့်ကြောင်း တွေ့ရှိထားပါတယ်။

နှင်းခူရောဂါပြင်းထန်တဲ့ ကလေးငယ်တွေမှာတော့ ၄.၆ ရာခိုင်နှုန်းသာ လျှော့ချနိုင်ပြီး ကျန်းမာရေးပြဿနာနည်းပါးတဲ့ ကလေးတွေမှာသာ မြေပဲဓာတ်မတည့်ခြင်း လျှော့ချနိုင်ချေများတာဖြစ်ပါတယ်။
မြေပဲဓာတ်မတည့်ခြင်းအဖြစ်များတဲ့ နိုင်ငံတွေမှာ ကလေးအသက် ၄ လမှ ၆ လကနေစပြီး မြေပဲထုတ်ကုန်များ စတင်ကျွေးသင့်ကြောင်း သုတေသီများသုံးသပ်ထားပါတယ်။

Source: The Jerusalem Post.
#Yangon_Media_Group

#LocalNews
Published_ 21 March 2023

သင်္ကြန်ကာလရုံးပိတ်ရက်မတိုင်မီ ဧပြီ ၇ ရက်မှ ၈ ရက်အထိအထူးရထားတွေပြေးဆွဲပေးသွားဖိုရှိတယ်လို့ မြန်မာ့မီးရထား၊ရန်ကုန်ဘူတာကြီးမှ တာဝန်ရှိသူတစ်ဦးထံမှသိရပါတယ်၊၊

#YMG#Yangon_Media_Group

#World_Agriculture
Published 20 March 2023

မိုးခေါင်ရေရှားမှုဒဏ်ကိုခံနေရတဲ့ အမေရိကန်အနောက်တောင်ပိုင်းမှာ ရေနည်းနည်းဖြင့် အထွက်နှုန်းကောင်းစေမယ့် ဆည်မြောင်းနည်းလမ်းတွေကို ရှာဖွေနေကြပါတယ်။

#YMG#Yangon_Media_Group

#LocalNews
Published_ 21 March 2023

နွေရာသီမတ်လနှောင်းပိုင်းမှာလည်း လေဖိအားနည်းရပ်ဝန်းတစ်ကြိမ်ဖြစ်ပေါ်နိုင်ပြီး မိုးရွာတာ၊မြူကျတာတွေဖြစ်ပေါ်ဦးမှာဖြစ်တယ်လို မိုးလေဝသနှင့်ဇလဗေဒညွှန်ကြားမှုဦးစီးဌာနမှသိရပါတယ်၊၊

#YMG#Yangon_Media_Group

#LocalNews
Published_ 21 March 2023

ကမ္ဘာ့ရွှေဂယက်ကြောင့် ပြည်တွင်းရွှေဈေးကစားလိုသူများအနေဖြင့် သံယောက်လိုက်ပြီး လူမူကွန်ယက်များတွေဈေးမြင့်တက်လာဈေးရန်ဝါဒဖြန့်မူတွေရှိတယ်လို့ ရန်ကုန်ရွှေအသင်းက ထုတ်ပြန်ထားပါတယ်။

#YMG#Yangon_Media_Group

#LocalNews
Published_ 21 March 2023

အခုနှစ်သင်္ကြန်ပိတ်ရက်ရှည်ကာလတွေမှာကချင် ပြည်နယ်၊ပူတာအိုဒေသသို့လာရောက်လည်ပတ်မယ့်သူတွေများလာဖို့ရှိတယ်လို့ ပူတာအိုဒေသခံခရီးသွားလမ်းညွှန်တစ်ဦးထံမှသိရပါတယ်၊၊

#YMG#Yangon_Media_Group

#DailyNews
Published_ 21 March 2023

၁။ သင်္ကြန်ပိတ်ရက်ရှည်ကာလတွင် ပူတာအိုဒေသသို့ လာရောက်လည်ပတ်မည့်သူ များမည်ဟုဆို

 ၂။ ရွှေစျေးကစားလိုသူတွေရဲ့ဝါဒဖြန့်မူများကိုယုံကြည်ပြီး အရောင်းအဝယ်မလုပ်ဖို့ ရန်ကုန်ရွှေအသင်းထုတ်ပြန်

၃။ နွေရာသီမတ်လနှောင်းပိုင်း၌ လေဖိအားနည်းရပ်ဝန်းနှင့် မိုးရွာခြင်း၊ မြူကျခြင်းများ ဖြစ်ပေါ်ဦးမည်

၄။ အမေရိကန်အရီဇိုးနားတွင် ရေအနည်းငယ်ဖြင့် အထွက်နှုန်းကောင်းစေမည့်ရေသွင်းနည်းလမ်းများအား စိုက်ပျိုးရေးသိပ္ပံပညာရှင်များ အဖြေရှာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group #Daily_News #YMG

#LocalNews
Published_ 21 March 2023

ပဲခူးတိုင်း၊ ပြည်ခရိုင်၊ နတ်တလင်းမြို့၊ ရန်ကုန်-ပြည်လမ်းဘေးမြောင်းထဲ မှာမတ် ၁၉ ရက်နေ့လယ်ပိုင်းက မိသားစုငါးဦး ရေဆင်းချိုးရာမှ သုံးဦးမှာ ရေနစ်သေဆုံးခဲ့တယ်လို့ ရွှေကြာလူမှုကယ်ဆယ်ရေးအသင်းထံမှသိရပါတယ်။

#YMG#Yangon_Media_Group