#World_Health
Published 25 June 2023

ရောဂါတစ်ခုစတင်ပျံ့ပွားရာမှာ ကပ်ရောဂါအဆင့်ဖြစ်မလာခင် ထိန်းချုပ်နိုင်ဖို့ရာ စောစီးစွာရှာဖွေတွေ့ရှိဖို့က အရေးကြီးပါတယ်။

NYU အဘူဒါဘီရှိ သုတေသီများထုတ်လုပ်လိုက်တဲ့ ကပ်ခွာအသစ်က လူတစ်ယောက် ရောဂါလက္ခဏာမပြခင်မှာပင် ရောဂါပဋိဇီဝပစ္စည်းတွေကို မိနစ်ပိုင်းအတွင်း တွေ့ရှိနိုင်မှာဖြစ်ပါတယ်။

အဆိုပါကပ်ခွာအသစ်က ကိုဗစ်-၁၉ရောဂါနဲ့ အခြားဗိုင်းရပ်စ်ရောဂါများကိုထိန်းချုပ်ရာမှာ အရေးပါတဲ့ ကိရိယာဖြစ်လာနိုင်ပါတယ်။

တစ်ခါသုံးကပ်ခွာတွေက သာမန်ကပ်ခွာပလာစတာလို ပုံစံမျိုးဖြစ်ပြီး ရွှေရောင်နာနိုအမှုန်လေးများပါဝင်ကာ သွေးထဲက ပဋိပစ္စည်းတွေကို တွေ့ရှိဖို့အတွက် အသုံးပြုရပါတယ်။

ရောဂါကိုစောစီးစွာရှာဖွေတွေ့ရှိခြင်းဖြင့် အနာဂတ်မှာ ရောဂါပျံ့ပွားခြင်းကိုကာကွယ်တဲ့နေရာမှာ ကပ်ခွာအသစ်က အရေးပါတဲ့ကဏ္ဍက ပါဝင်လာနိုင်ပါတယ်လို့ NYU အဘူဒါဘီရှိ တွဲဖက်ပရော်ဖက်ဆာ'မိုဟာမက်ကာဆာမက်'က ပြောပြသွားပါတယ်။

အသုံးပြုပုံကတော့ လက်ထိပ်ကိုသွေးဖောက်ပြီး ကပ်ခွာ ကပ်လိုက်ရတာဖြစ်ပါတယ်။

ကိုဗစ်လိုဗိုင်းရပ်စ်တွေရှိ/မရှိကို IgM ၊ IgG ပဋိပစ္စည်းများ တွေ့ရှိပါက ကပ်ခွာက ရောဂါရှိကြောင်း သိရှိမှာဖြစ်ပါတယ်။

ပဋိပစ္စည်းတွေ့ရှိပါက မိနစ်ပိုင်းအတွင်းမှာပဲ ကပ်ခွာပေါ်ကအစက်လေးက အနီရောင်ပြောင်းသွားမှာဖြစ်ပါတယ်။

အစက်ပုံစံအမျိုးမျိုးကလည်း ကိုဗစ်ကူးစက်မှု ဘယ်လောက်ဖြစ်ပွားနေလဲဆိုတာကို ပြသနေမှာဖြစ်ပါတယ်။

အခြားကူးစက်ရောဂါတွေကိုလည်း တွေ့ရှိနိုင်အောင် ဒီနည်းပညာကို အလွယ်တကူပြောင်းလဲနိုင်မယ်လို့ ကပ်ခွာတီထွင်တဲ့သုတေသီများ ယုံကြည်ထားပါတယ်။

အလွန်သေးတဲ့အပ်ငယ်များဖြင့် အလွယ်တကူလက်ထိပ်ဖောက်နိုင်အောင်လည်း ဆောင်ရွက်သွားနိုင်ဖွယ်ရှိကြောင်း စာတမ်းပြုစုသူ'မူဟာမက်ဒင်ဒီလီယာမန်'က ဆိုပါတယ်။

ကုန်ကျစရိတ်လည်း နည်းပါးတာကြောင့် နည်းပညာမြင့်ပစ္စည်းများ ရရှိရန်ခက်ခဲတဲ့ ကျေးလက်နေရာများမှာ အသုံးဝင်နိုင်ပါတယ်။

အနာဂတ်မှာ ဒီလိုကပ်ခွာစမ်းသပ်နည်းတွေကို စမတ်ဖုန်းတွေဖြင့် ပေါင်းစပ်အသုံးပြုနိုင်အောင် ဖန်တီးနိုင်ချေရှိနေပါသေးတယ်လို့ ကာဆာမက်က ဆိုပါတယ်။

Source: NY Post #World_Health #အခြားဗိုင်းရပ်စ်များအား မိနစ်ပိုင်းအတွင်းရှာဖွေတွေ့ရှိနိုင်မည့်ကပ်ခွာအသစ်
#Yangon_Times

Posted 24 June 2023

တပ်မတော်သား အားကစားသမားများအနေဖြင့် ကာကွယ်ရေးနှင့်ဆိုင်သည့် ကိုယ်ခံပညာရပ်များတွင် ဆုအသီးသီးရရှိခဲ့ကြသကဲ့သို့ ရိုးရာအားကစားနည်း ပြိုင်ပွဲများတွင်လည်း ယဉ်ကျေးမှုအမွေကို လက်ဆင့်ကမ်း ထိန်းသိမ်းနိုင်အောင် ယှဉ်ပြိုင်ခဲ့ကြပြီး ရွှေတံဆိပ် ဆွတ်ခူးနိုင်သည်အထိ စွမ်းဆောင်ရည်များကို ပြသနိုင်ခဲ့ကြတယ်လို့ နစက ဥက္ကဋ္ဌ၊တပ်မတော်ကာကွယ်ရေးဦးစီးချုပ် ဗိုလ်ချူပ်မှူးကြီးမင်းအောင်လှိုင်ကပြောကြားပါတယ်။

(၃၂)ကြိမ်မြောက် အရှေ့တောင်အာရှအားကစားပြိုင်ပွဲနှင့် (၁၂)ကြိမ်မြောက် အာဆီယံမသန်စွမ်းသူများ အားကစားပြိုင်ပွဲတို့တွင် နိုင်ငံ့ဂုဏ်ဆောင် တပ်မတော်သား အားကစားသမားများနှင့် အုပ်ချုပ်သူနည်းပြများအား ဂုဏ်ပြုဆုချီးမြှင့်ခြင်းအခမ်းအနားကို ဇွန်လ ၂၄ရက်  ကနေပြည်တော်တွင်  ကျင်းပခဲ့ရာ နစကဥက္ကဋ္ဌ ၊တပ်မတော်ကာကွယ်ရေးဦးစီးချုပ် ဗိုလ်ချူပ်မှူးကြီးမင်းအောင်လှိုင်က ယင်းကဲ့သို့ပြောကြားခဲ့ခြင်းဖြစ်တယ်လို့ နစကရဲ့ သတင်းထုတ်ပြန်ချက်အရသိရပါတယ်။

နိုင်ငံ့သားကောင်း၊ တပ်မတော်သားကောင်းဟူသည့် စိတ်ဓာတ်ခံယူချက်များဖြင့် အမိနိုင်ငံတော်၏အလံကို တင့်တယ်ဝင့်ထည်စွာ လွှင့်ထူနိုင်အောင် ကြိုးပမ်းခဲ့ကြခြင်းအားဖြင့် မြန်မာပီသသည့်စိတ်ကို ပြသခဲ့ကြသည့် တပ်မတော်သားအားကစားသမားများနှင့်တကွ အားကစားသမား တစ်ဦးတစ်ယောက်ချင်းစီကို ဂုဏ်ယူအသိအမှတ်ပြုပါကြောင်း လည်း ဗိုလ်ချူပ်မှူးကြီးက ဆက်လက်ပြောဆိုတယ်လို့ သတင်းထုတ်ပြန်ချက်မှာဖော်ပြထားပါတယ်။

လက်ဝှေ့၊ ဂျူဒို၊ အလေးမ၊တိုက်ကွမ်ဒို၊ မြန်မာ့သိုင်း စသည့် အားကစားနည်းများမှ ကိုယ်ကာယကြံ့ခိုင်မှု အပြင်နိုင်ငံတော်ကာကွယ်ရေးတာဝန်ကို ထမ်းဆောင်နေကြရသည့်  တပ်မတော်သားများအတွက် တိုက်ပွဲဝင်အသင့်ဖြစ်စေသည့်  ကာကွယ်ရေးစွမ်းအားများကိုပါ ရရှိစေမည်ဖြစ်ကြောင်းလည်းဗိုလ်ချူပ်မှူးကြီးက ပြောဆိုခဲ့တယ်လို့သိရပါတယ်။

ထို့နောက် တပ်မတော်ကာကွယ်‌ရေးဦးစီးချုပ် ဗိုလ်ချူပ်မှူးကြီးမင်းအောင်လှိုင်နှင့်ဇနီး၊နစက ဒုတိယဥက္ကဋ္ဌ ဒုတိယတပ်မတော်ကာကွယ်ရေးဦးစီးချုပ် ၊ကာကွယ်ရေးဦးစီးချုပ်(ကြည်း)နှင့် ဇနီး၊ ညှိနှိုင်းကွပ်ကဲရေးမှူး(ကြည်း၊ ရေ၊ လေ) ကာကွယ်ရေးဦးစီးချုပ် (ရေ)၊ ကာကွယ်ရေးဦးစီးချုပ်(လေ)၊ စစ်ရေးချုပ်နှင့် စစ်ထောက်ချုပ်တို့က ဆုရရှိခဲ့ကြသည့် နိုင်ငံဂုဏ်ဆောင်အားကစားသမားများကို တပ်မတော်ကာကွယ်ရေးဦးစီးချုပ်၏ ဂုဏ်ပြုမှတ်တမ်းလွှာနှင့် ဂုဏ်ပြုဆုငွေများကို အသီးသီးပေးအပ်ချီးမြှင့်ခဲ့ကြပါတယ်။

အဲဒီနောက် (၃၂)ကြိမ်မြောက် အရှေ့တောင်အာရှအားကစားပြိုင်ပွဲနှင့် (၁၂)ကြိမ်မြောက်အာဆီယံ မသန်စွမ်းသူများ အားကစားပြိုင်ပွဲတို့တွင် နိုင်ငံ့ဂုဏ်ဆောင် တပ်မတော်သားအားကစားသမားများနှင့် အုပ်ချုပ်သူနည်းပြများကိုယ်စား တပ်ကြပ်ကြီး စိုးပေက ကျေးဇူးတင်စကားပြောကြားခဲ့တယ်လို့သတင်းရရှိပါတယ်။

တရုတ်ပြည် စီချွမ်ပြည်နယ်မှ ကမ္ဘာ့အကြီးဆုံးရေနှင့်ဆိုလာဓာတ်အားပေးစခန်းကြီးအား ဇွန်လ(၂၅)ရက်နေ့တွင် စတင်လည်ပတ်ရန်မျှော်မှန်း

တရုတ်နိုင်ငံအနောက်တောင်ပိုင်း စီချွမ်ပြည်နယ်ရှိ ကမ္ဘာ့အကြီးဆုံးရေအားလျှပ်စစ်ဓာတ်အားပေးစက်ရုံ ကီလာဓာတ်အားပေးစက်ရုံ ဆောက်လုပ်သူတွေဟာ ဇွန်လ ၂၅ ရက်နေ့ ချောမွေ့စွာ စတင်လည်ပတ်နိုင်စေရန် အပြီးသတ်ဖိုကြိုးပမ်းနေကြပါတယ်။
#Asia_Development
#Published_ 24 June 2023
#Yangon_Times

#Health_Matters
Published_ 24 June 2023

- ဉာဏ်ရည်တုက မျိုးဆက် Z ရဲ့ ဆေးပညာလုပ်ငန်းမှာ အံ့မခန်းဖြစ်စရာတွေ ဆောင်ယူနိုင်မလားဆရာ ...??

#Health_Matters #မျိုးဆက် Z က ဉာဏ်ရည်တု
#Dr.KML #YMG #Yangon_Media_Group

#Health_Matters
Published_ 24 June 2023

- ဉာဏ်ရည်တုက ဆရာဝန်တွေရဲ့ အခန်းကဏ္ဍကို မှေးမှိန်သွားစေနိုင်သလား၊ ဘာကွာသွားမလဲ ဆရာ ...??

#Health_Matters #မျိုးဆက် Z က ဉာဏ်ရည်တု
#Dr.KML #YMG #Yangon_Media_Group

#Health_Matters
Published_ 24 June 2023

- မျိုးဆက် Z ဟာ ဉာဏ်ရည်တုမျိုးဆက်ဖြစ်လို့ ကျန်းမာရေးစောင့်ရှောက်မှုလုပ်ငန်းတွေမှာ သမားရိုးကျကနေ ဘယ်လိုခွဲထွက်လာမလဲဆရာ ...??

#Health_Matters #မျိုးဆက် Z က ဉာဏ်ရည်တု
#Dr.KML #YMG #Yangon_Media_Group

#Local_News
Published_24 June 2023

လှပါတယ်မေရယ်´ ...သီချင်း၊ အနားမှာနေပါကွယ်´ စံပယ်လို နှင်းဆီလိုလို´ ပန်ပေးပါရစေ စံပယ်ကုန်း´စသည့်သီချင်းများရေးသားဖန်တီးသူ စန္ဒယားငွေစိုးကွယ်လွန်သွားကြောင်း မြန်မာနိုင်ငံဂီတအစည်းအရုံးမှ သိရသည်။

စန္ဒယားငွေစိုးကွယ်လွန်သွားတယ်ဆိုတာ ဟုတ်ပါတယ် သူ့အိမ်ကို ဂီတအစည်းအရုံးဥက္ကဌဦးလွင်မြင့်ကိုယ်တိုင်သွားနေပါတယ်။ တနင်္လာနေ့ကျရင်နာရေးပို့ဖို့ အစီအစဥ်တွေဆောင်ရွက်နေပါတယ်´ဟု မြန်မာနိုင်ငံဂီတ အစည်းအရုံးမှပြန်ကြားရေးမှူးက ပြောသည်။

`စန္ဒယားငွေစိုးဟာ ငယ်ငယ်ကတည်းက သူငယ်ချင်းပါ။ သူဟာ သူ့ရဲ့ထူးခြားချက်အနေနဲ့ ကမ္ဘာဂီတကိုလည်း တီးခတ်နိုင်တယ်။ ဂီတလောကအတွက်ဆုံးရှုံးမှုတစ်ခုပေါ့။ တော်တော်စိတ်ထဲမကောင်းဘူး။ တွံတေးသိန်းတန် သီချင်းတွေအားလုံးဟာ သူတီးခတ်ပေးတာများပါတယ်´ဟု မြန်မာနိုင်ငံဂီတအစည်းအရုံးဥက္ကဌဦးလွင်မြင့်က ပြောသည်။

ဇွန်လ ၂၄ ရက် မနက် ၁ နာရီတွင် ကွယ်လွန်ခဲ့ခြင်းဖြစ်ပြီး ဇွန်လ၂၆ ရက်မနက် ၁၁ နာရီတွင် ရေဝေး၌သဂြိုဟ်သွားမည်ဖြစ်ကြောင်းသိရသည်။

#Local_News #သီချင်းရေးသားဖန်တီးသူ စန္ဒယားငွေစိုးကွယ်လွန်
#ymg/tthl #Yangon_Time

#Local_News
Published-24 June 2023

ရန်ကုန်တိုင်းဒေသကြီးတွင် ကလေးငယ် ၄၀၀ ခန့် ဆီးချိုရောဂါဖြစ်ပွားနေပြီး လက်ရှိဆေးဝါးကုသမှုခံယူနေသည့် ကလေးငယ် ၂၀၀ ခန့်ရှိနေပြီဖြစ်ကြောင်း ရန်ကုန်ကလေးဆေးရုံကြီးက သိရသည်။

ကလေးဆီးချိုရောဂါသည် လူသိနည်းသည့်ရောဂါအမျိုးအစားဖြစ်ပြီး ရန်ကုန်ကလေးဆေးရုံကြီးအနေဖြင့် ကလေးဟော်မုန်းနှင့် ဆီးချိုရောဂါကုသမှုဌာနကို ၂၀၁၄ ခုနှစ်တွင် စတင်ဖွင့်လှစ်ကာ ကုသပေးလျက်ရှိနေကြောင်း၊ ကုသပေးနေသော အမျိုးအစားကို ၂ မျိုးခွဲထားရာ (၁)ကလေးဆီးချို (၂) ကလေးဆီးချိုနှင့် မွေးကင်းစကလေးဆီးချိုတို့ ဖြစ်ကာ အမျိုးအစား (၁) ဖြစ်စသည့် ကလေးဆီးချိုရောဂါဖြစ်ပွားသူများပြားနေခြင်းဖြစ်ကြောင်း သိရသည်။

"အမျိုးအစား(၁) ကလေးဆီးချိုက ဘာကြောင့်ဖြစ်တာလဲဆိုတော့ ခန္ဓာကိုယ်ထဲမှာ ပန်ခရိယက်စ်ကိုဖျက်တဲ့ Anti- body တွေ ပေါ်လာတဲ့အခြေအနေတွေရှိတယ်။ အဲဒါကြောင့် လိုအပ်တဲ့ အင်ဆူလင်မထုတ်နိုင်တော့ဘဲ သေးသွားတဲ့သဘောရှိတယ်။ အဲတော့ အင်ဆူလင်လိုအပ်တဲ့ပမာဏကိုမထုတ်လုပ်နိုင်တော့တဲ့အခြေအနေမှာ ကလေးဆီးချိုဖြစ်တဲ့သဘောရှိပါ တယ်။ အဲဒါကိုလည်း ဆင်ဆူလင်တစ်မျိုးနဲ့ပဲကုသနိုင်ပါတယ်။ အင်ဆူလင်ကသောက်ဆေးမရှိပါဘူး။ ထိုးဆေးပဲရှိပါတယ်။ အမျိုးအစား(၁) ကလေးဆီးချိုဟာ ဘယ်လောက်ကြာအောင်ဖြစ်မလဲဆိုရင်တော့ အခုထိလက်ခံထားတာကတစ်သက်လုံးဖြစ်မယ်ဆိုတဲ့အခြေအနေပါ။ ဒီကလေးဟာ အမျိုးအစား(၁) ကလေးဆီးချိုဖြစ်မယ်ဆိုရင် တစ်သက်လုံးအင်ဆူလင်ထိုးရမယ်ဆိုတဲ့ အခြေအနေမျိုးပါ။ ကလေးဆီးချိုလို့ပြောလိုက်ပေမဲ့ အမျိုးအစားလေးတွေ နည်းနည်းတော့ကွဲပါတယ်"ဟု ရန်ကုန်ကလေးဆေးရုံကြီး ကလေးအထူးကုဆရာဝန်ကြီးတစ်ဦး က ပြောသည်။

အမျိုးအစား(၂)ဆီးချိုရောဂါသည် ကလေး၏ ကလေး၏ lifestyle အပေါ်ပြောင်းလဲမှုလုပ်ခြင်း၊ အစားအသောက်အနေအထိုင်ပေါ်မူတည်၍ဖြစ်နိုင်ချေလျော့နည်းသွားစေသော်လည်း ဆီးချိုရောဂါမျိုးရိုးရှိသူ၊ အထိုင်များသူ၊ အချိုများသည့် အစားအသောက် များစားသုံးပါက အမျိုးအစား(၂) ဆီးချိုရောဂါဖြစ်ပွားနိုင်ခြေများကြောင်း၊ အမျိုးအစား(၂)ဆီးချိုရောဂါ လကဏာအနေဖြင့် ဆီးသွားများခြင်း၊ ရေမကြာခဏငတ်နေခြင်း၊ ကလေးကတဖြည်းဖြည်းပိန်လာခြင်း၊ နုံးချည့်နေခြင်းစသည့်အခြေအနေများရှိလျှင် နီးစပ်ရာကလေးဆရာဝန်များနှင့်ပြသခြင်း၊ ဆီးချိုဖောက်စက်ဖြင့် ဖောက်ကြည့်၍ သကြားဓာတ်များနေလျှင် နီးစပ်ရာကလေးဝန် ဆရာဝန်နှင့်တိုင်ပင်၍ ကုသမှုခံယူရန် လိုအပ်ကြောင်းလည်း သိရသည်။

#Local_News #ကလေးငယ်၄၀၀ခန့်ဆီးချိုရောဂါဖြစ်ပွားနေ
#Yangon_Times/BM

ကြိမ်၊ဝါးထုတ်ကုန်များပြည်ပဈေးကွက်ရရန်လိုအပ်နေသေး

‘ကြိမ်၊ဝါးထုတ်ကုန်တွေက ပြည်ပဈေးကွက်မရှိသလောက်ဖြစ်နေပြီ။ အွန်လိုင်းကနေပဲ ဈေးကွက်ချဲ့ထွင်လို့မရဘူး ပြည်ပကိုသွားပြီး နိုင်ငံတကာပြပွဲတွေမှာ သွားပြမှရမှာ’(ဒေါ်စန္ဒာထွန်း၊ကြိမ်၊ဝါးလုပ်ငန်းရှင်)
#Local_News
#Published_ 24 June 2023
#Yangon_Times

အာနန္ဒာနှင့်ဓမ္မရံကြီးဘုရားတွင်ရေဝပ်ရသည့်အကြောင်းရင်းရှာတွေ့

အာနန္ဒာမှာကွန်ကရစ်ခင်းများကြောင့်ရေမစုပ်နိုင်ခြင်း၊ရေထွက်ပေါက်မရှိခြင်း၊မြေသားကြမ်းခင်းမြင့်
တက်နေခြင်းနဲ့ ဓမ္မရံကြီးမှာမြေအနေအထားမြင့်မောက်ခြင်း၊ဘုရားအတွင်းမြေစာပုံရှိခြင်း၊မဟာရံတံတိုင်းတွင်
မူလရေထွက်ပေါက်များမရှိလို့ရေဝပ်၊ရေလျှံခြင်းဖြစ်
(ရှေးဟောင်းသုတေသနနှင့်အမျိုးသားပြတိုက်ဦးစီးဌာန(ပုဂံဌာနခွဲ))
#Local_News
#Published_ 24 June 2023
#Yangon_Times

မုန်တိုင်းဒဏ်သင့်ရခိုင်ဒေသပြည်နယ်၌ ရေလုပ်ငန်းလုပ်ကိုင်သူများ လုပ်ငန်းလည်ပတ်ဖို့ အခက်အခဲရှိနေ

အောက်ခြေရေလုပ်သားတွေရဲ့ အသက်မွေးကြောင်းပစ္စည်းတွေမျောပါသွားတာတွေ၊ ပစ္စည်းဆုံးရှုံးတာတွေကိုပြန်လည်ဝယ်ယူဖို့ ငွေကြေးမတတ်နိုင်သေးတဲ့အတွက် နောက်ဆက်တွဲအနေနဲ့ စားဝတ်နေရေး အခက်အခဲရှိနေတာပါ ((((ကိုလင်းလင်း မေတ္တာရောင်ချည်ပရဟိတ အသင်းတာဝန်ခံ)))))
#Local_News
#Published_ 23 June 2023
#ymg/ynzw
#Yangon_Times

#Daily_News
Published_ 24 June 2023

၁။ မုန်တိုင်းဒဏ်သင့် ရခိုင်ဒေသပြည်နယ်၌ ရေလုပ်ငန်းလုပ်ကိုင်သူများ လုပ်ငန်းလည်ပတ်ဖို့အခက်အခဲရှိနေ

၂။ အာနန္ဒာဘုရားနှင့်ဓမ္မရံကြီးဘုရားတွင်ရေဝပ် ၊ရေလျှံရသည့် အကြောင်းရင်းများသိရပြီဖြစ်

၃။ ကြိမ်၊ ဝါးထုတ်ကုန်များ ပြည်ပဈေးကွက်ပြန်ရရှိရန် လိုအပ်နေသေး

၄။ တရုတ်ပြည် စီချွမ်ပြည်နယ်မှ ကမ္ဘာ့အကြီးဆုံးရေနှင့်ဆိုလာဓာတ်အားပေးစခန်းကြီးအား ဇွန်လ(၂၅)ရက်နေ့တွင် စတင်လည်ပတ်ရန်မျှော်မှန်း.... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Time #Daily_News #YMG