ဆန်တပြည် ၁၀၀ကျပ် ၊ကြက်ဥ တစ်ကတ် ၁၀၀ ကျပ် ဖြင့် လူ၃၀၀ ခန့် ကို ရောင်းချပေးမည်

ကုန်ဈေးနှုန်းမြင့် တတ်လာတာကြောင့် အခက်ခဲ ဖြစ်နေတဲ့ အခြေခံလူတန်းစားများအတွက် ရည်ရွယ်ပြီး အလှူသဘောပုံစံနဲ့ ရောင်းချပေးတာဖြစ်တယ်လို့ Aladdin Men Fashion Shop ဆိုင်ကတာဝန်ရှိ သူကပြောသည်။
#Ynagon_Times/LW
#Local_News
#Published_ 26 August 2023
#YMG #Yangon_Times

ရခိုင် ၊မွန် ၊မကွေး ၊ကရင်တွင်လည်း ဆန်ဈေးသက်သာစွာရောင်းပေးမည်

‘ရန်ကုန်အပြင် မွန်ပြည်နယ်၊မကွေးတိုင်း၊ကရင်ပြည်နယ်နဲ့ပဲခူးတိုင်းတွေမှာ အခွန်လွတ်ဈေးတွေမှာ ပြည်နယ်နဲ့တိုင်းအစိုးရတွေရဲ့ အစီအစဉ်နဲ့ ဈေးတွေမှာဆန်တစ်ပြည်ကို ကျပ်(၂၅၀၀)၊(၂၄၀၀) ရောင်းချနိုင်ဖို့ မြန်မာနိုင်ငံဆန်စပါးအသင်းချုပ်က ဆန်တွေကိုဈေးနှုးန်သက်သာစွာပေးပို့ရောင်းချထားတယ်’ ......... ဦးရဲမင်းအောင်( ဥက္ကဌ၊မြန်မာနိုင်ငံဆန်စပါးအသင်းချုပ်)
#Ynagon_Times/tthl
#Local_News
#Published_ 26 August 2023
#YMG #Yangon_Times

ရန်ကုန်မြစ်အတွင်း ငါးရက်ကြာ ထူးကဲဒီရေ မြင့်တက်မည်

ရန်ကုန်မြစ်ရေဟာ အမြင့်ပေ ၂၀ ဒဿမ ၀၅ ပေကနေ ၂၁ ဒဿမ ၆၅ ပေခန့်အထိ သာမန်ထက် ထူးကဲတဲ့ ဒီရေမြင့်တက်လာဖွယ်ရှိ
#Ynagon_Times/MY
#Local_News
#Published_ 26 August 2023
#YMG #Yangon_Times

Published_ 26 August 2023

ဖိလစ်ပိုင်နိုင်ငံ၊ မနီလာမြို့၌ ဩဂုတ် ၂၂ ရက်မှ ၂၄ ရက်အထိ ကျင်းပခဲ့သော တောင်တရုတ်ပင်လယ်တွင်းနိုင်ငံများ လိုက်နာရမည့် လုပ်ထုံးလုပ်နည်းဆိုင်ရာ ကြေညာ ချက် အကောင်အထည်ဖော်ရေးနှင့်စပ်လျဉ်းသည့် (၄၀) ကြိမ်မြောက် အာဆီယံ-တရုတ် လုပ်ငန်းအဖွဲ့အစည်းအဝေးတွင် နိုင်ငံခြားရေးဝန်ကြီးဌာန၊ အာဆီယံရေးရာ ဦးစီးဌာန မှ ဒုတိယညွှန်ကြားရေးမှူးချုပ် ဦးမန်ဟောက်ထန် သည် တရုတ်နိုင်ငံ၊ နိုင်ငံခြားရေးဝန်ကြီး ဌာန၊ နယ်နိမိတ်နှင့်သမုဒ္ဒရာရေးရာဌာန ကိုယ်စားလှယ် Mr. Tan Qingsheng နှင့် အတူ ပူးတွဲဥက္ကဋ္ဌအဖြစ် ဆောင်ရွက်ခဲ့ကြောင်း သိရပါတယ်။

အစည်းအဝေးသို့ အာဆီယံအဖွဲ့ဝင်နိုင်ငံများနှင့် တရုတ်နိုင်ငံမှ ကိုယ်စားလှယ်များ နှင့် အာဆီယံအတွင်းရေးမှူးချုပ်ရုံးမှ ကိုယ်စားလှယ်များ တက်ရောက်ခဲ့ကြပြီး တောင်တရုတ်ပင်လယ်တွင်းနိုင်ငံများ လိုက်နာရမည့် လုပ်ထုံးလုပ်နည်းဆိုင်ရာ ကြေညာချက် အကောင်အထည်ဖော်မှုများကို ပြန်လည်သုံးသပ်၍ ဖြစ်ပေါ်တိုးတက်မှု အခြေအနေများအပေါ် ဆွေးနွေးခဲ့ကြပါတယ်။

ထို့နောက် အဖွဲ့ဝင်နိုင်ငံများအကြား ယုံကြည်မှု တိုးတက်စေရေးအတွက် လက်တွေ့ ကျတဲ့ ပင်လယ်ရေကြောင်း ပူးပေါင်းဆောင်ရွက်မှုများ၏ အရေးပါမှုကို ထပ်မံ အတည်ပြုခဲ့ ကြပြီး ၂၀၂၃ ခုနှစ်အတွက် DOC အကောင်အထည်ဖော်ရေး ဆိုင်ရာ နှစ်အလိုက် လုပ်ငန်းစီမံချက်အောက်ရှိ လုပ်ငန်းစဉ်များ အကောင်အထည်ဖော်မှု၏ ဖြစ်ပေါ်တိုးတက် မှုများကို ဆွေးနွေးခဲ့တယ်လို့ ဆိုပါတယ်။

အစည်းအဝေးတွင် တောင်တရုတ်ပင်လယ်ဆိုင်ရာ ကျင့်ထုံး၏ တစ်ခုတည်းသော ညှိနှိုင်းစာသား တတိယအကြိမ် ဆွေးနွေးမှုအတွက် ရှေ့လုပ်ငန်းစဉ်များကို ဆွေးနွေးခဲ့ ကြပြီး၊ စာသားညှိနှိုင်းမှုတွင် အရေးကြီးသည့် milestone issues (၄)ခု အပေါ် အမြင်ချင်းဖလှယ်ခဲ့ကြပြီး ပူးတွဲသဘာပတိများဖြစ်ကြသည့် မြန်မာနိုင်ငံနှင့် တရုတ်နိုင်ငံမှ ပူးတွဲအဆိုပြုသည့် တောင်တရုတ်ပင်လယ်ဆိုင်ရာ ကျင့်ထုံး၏ တစ်ခုတည်းသော ညှိနှိုင်းစာသားပါ အရေးကြီးတဲ့ ကိစ္စရပ်များ ဆွေးနွေးမှုဆိုင်ရာ စာတမ်းကို အနာဂတ်တွင် လုပ်ငန်းအဖွဲ့မှ ဆက်လက်ဆွေးနွေးရာတွင် ကိုးကားဆွေးနွေးရန် လမ်းညွှန်စာတမ်းအဖြစ် မှတ်တမ်းတင်ခဲ့ကြောင်း သတင်းရရှိပါတယ်။
Yangon_Times/mnn
#local_news
#Yangon_Media_Group

၂၆ ဩဂုတ် ၂၀၂၃

သမ္မတဂျိုးဘိုင်ဒင်က ဒေါ်နယ်ထရမ့်ရဲ့  တရားခံမှတ်တမ်းကိုယ်တစ်ပိုင်း ဓာတ်ပုံကိုတွေ့ရပြီး သူဟာ လူချောပဲ လို့ ပြောလိုက် ကြောင်း သတင်းဌာနတွေက သတင်းရေးသားကြပါတယ်။

၂၀၂၀ ရွေးကောက်ပွဲရလာဒ်ကို ပြန်ပြောင်းဖို့ကြိုးစားမှုနှင့် တရားစွဲခံရတဲ့ သမ္မတဟောင်းဒေါ်နယ်ထရမ့် ဖမ်းဆီးခံပြီး ရဲက ရိုက်ထားတဲ့ တရားခံမှတ်တမ်းကိုယ်တစ်ပိုင်းပုံကို သူတွေ့လိုက်ရတယ်လို့ သမ္မတ ဂျိုးဘိုင်ဒင်က သတင်းထောက်တွေကို ပြောခဲ့တာဖြစ်ပါတယ်။

“ လူချောပဲ။ အံ့အားသင့်စရာလူပဲ” လို့  တာဟိုးရေကန်မှာ လေ့ကျင့်ခန်းလုပ်ပြီး အိမ်ဖြူတော်အရာရှိတွေနှင့်အတူ ထွက်လာတဲ့ ဘိုင်ဒင်က သတင်းထောက်  တွေကို ဟာသလုပ်ခဲ့တာလို့ သတင်းတွေမှာဖော်ပြထားပါတယ်။

ဘိုင်ဒင်ဟာ ထရမ့်ရဲ့အမှုတွေနှင့်ပတ်သက်လို့ မှတ်ချက်ပေးဖို့ အလွန်ရှောင်ရှားခဲ့သူဖြစ်ပါတယ်။ သူတို့အနေနှင့် တရားရုံးနှင့် တရားစီရင်မှုရဲ့ လွတ်လပ်မှုကို ထိန်းသိမ်းပေးချင်လို့ဖြစ်တယ်လို့ အိမ်ဖြူတော်အရာရှိတွေက ပြောခဲ့ကြဖူးပါတယ်။

ထရမ့်ဟာ ကြာသပတေးနေ့ညက ဖူလ်တန်ခရိုင်အကျဉ်းထောင်မှာ အဖမ်းခံဖို့ ကြိုတင်စာရင်းပေးခဲ့ပါတယ်။ တိုက်တိုက်ဆိုင်ဆိုင်ပါပဲ အဲဒီညမှာ ဘိုင်ဒင်က ပြန်လည်ရွေးကောက်ပွဲဝင်ဖို့ စည်းရုံးလှုပ်ရှားမှုတစ်ခုပြုလုပ်ခဲ့ပါတယ်။ သူက အဲဒီနေ့မှာ “ ဘာကိုမှမရည်ရွယ်ပါဘူး။ ဒီနေ့ဟာ ကျွန်တော့်ရဲ့ မဲဆွယ်စည်းရုံးပွဲအတွက် ကြီးကျယ်တဲ့နေ့တစ်နေ့ပဲ လို့ထင်ပါတယ်” လို့ တွစ်တာ (အိတ်စ်)မှာ ပို့စ်ရေးတင်ခဲ့ပါတယ်။

Source NDTV

Published_ 26 August 2023

နိုင်ငံပေါင်း(၂၁)နိုင်ငံမှတက္ကသိုလ်များပါဝင်ပြသမည့် တရုတ်-အာဆီယံပညာရေးဆိုင်ရာ China-ASEAN Education Cooperation Week(CAECW)2023 and One Belt One Road University Presidents’ Forum 2023ဆွေးနွေးပွဲတွင် ရန်ကုန်နိုင်ငံခြားဘာသာတက္ကသိုလ်(YUFL)ပါဝင်မည်ဖြစ်ပြီး ပြခန်းတစ်ခုပါဝင်ပြသ မည်ဖြစ်ကြောင်းသိရသည်။

အဆိုပါဆွေးနွေးပွဲတွင် နိုင်ငံပေါင်း(၂၁)နိုင်ငံမှတက္ကသိုလ်ပြခန်းပေါင်း(၁၀၀)ကျော်ပြသမည့်အစီအစဉ်တွင် ရန်ကုန်နိုင်ငံခြားဘာသာတက္ကသိုလ်မှပါဝင်၍ ပြခန်းတစ်ခုပြသမည်ဖြစ်သည်။

တရုတ်-အာဆီယံပညာရေးပူးပေါင်းဆောင်ရွက်မှုရက်သတ္တပတ်(CAECA)၂၀၂၃နှင့် One Belt One Road တက္ကသိုလ်ဥက္ကဋ္ဌများဖိုရမ်(China-ASEAN Education Cooperation Week(CAECW)2023 and One Belt One Road University President’s Forum 2023)ဆွေးနွေးပွဲကို တရုတ်နိုင်ငံ၊ကွေ့ကျိုးပြည်နယ်၊ ကွေ့ရန်မြို့တွင် ဩဂုတ်လ၂၉ရက်မှ၃၀ရက်အထိကျင်းပသွားမည်ဖြစ်သည်။

ယင်းဆွေးနွေးပွဲတွင် ရန်ကုန်နိုင်ငံခြားဘာသာတက္ကသိုလ်(YUFL)မှပါဝင်ပြသမည့် တက္ကသိုလ်ပြခန်း နမူနာကို ဩဂုတ်လ၂၅ရက်တွင် ပညာရေးဝန်ကြီးဌာန၊ဒုတိယဝန်ကြီးမှ ကြည့်ရူကာလိုအပ်သည်များကိုမှာကြားခဲ့ ကြောင်းသိရသည်။
Yangon Times/tthl
#Local_News
#YMG #Yangon_Times

Published-26 August 2023

တရုတ် မြန်မာနယ်စပ်ကုန်သွယ်ရေးစခန်းတစ်ခုဖြစ်သည့် ဖီမော်နယ်စပ်ကုန်သွယ်ရေးဂိတ် အဆင့်မြှင့် တင်နိုင်ရေးအတွက် ကချင်ပြည်နယ်ဝန်ကြီးချုပ်နှင့် တရုတ်ပြည်သူ့သမ္မတနိုင်ငံ၊ နုကျန်းပြည်နယ်ခွဲ ကွန်မြူနစ်ပါတီ၊ ပါတီကော်မတီအတွင်းရေးမှူးတို့ ဆွေ့ဆုံဆွေးနွေးခဲ့ကြကြောင်း သိရသည်။

ထို့အပြင် ဖီမော်ဒေသ နှင့် မြစ်ကြီးနားခရိုင်၊ ပူတာအိုခရိုင်တို့အကြား လမ်းပန်းဆက်သွယ်ရေး၊ လယ်ယာစိုက်ပျိုး ရေးဇုန်အကောင်အထည်ဖော်ရေး၊ အသက်မွေးဝမ်း‌ကျောင်းပညာရေးသင်တန်းကျောင်း တက်ရောက်ပညာ သင်ကြားနိုင်ရေးနှင့် ရေအားလျှပ်စစ်ထုတ်လုပ်ရေးဆိုင်ရာကိစ္စရပ်များ ပူးပေါင်းဆောင်ရွက်နိုင်ရေးတို့ကို ဆွေးနွေးခဲ့ကြကြောင်း သိရသည်။

အဆိုပါဆွေးနွေးပွဲတစ်ရပ်ကို ယခုလ ဩဂုတ်(၂၄)ရက်က ကချင်ပြည်နယ်အစိုးရအဖွဲ့ရုံး မလိခခန်းမ၌ ကချင်ပြည်နယ်အစိုးရအဖွဲနှင့် တရုတ်ပြည်သူ့သမ္မတနိုင်ငံ၊ နုကျန်းပြည်နယ်ခွဲ ကွန်မြူနစ်ပါတီ၊ ပါတီကော်မတီအတွင်းရေးမှူး ဦးဆောင်သော ကိုယ်စားလှယ်အဖွဲ့တို့ တွေ့ဆုံဆွေးနွေးခဲ့ကြခြင်းဖြစ်သည်၊

အလားတူ ကချင်ပြည်နယ်နှင့် မြစ်ကြီးနားခရိုင်၊ ချီဖွေခရိုင်၊ ပူတာအိုခရိုင်တို့နှင့် နယ်စပ်ကုန်သွယ်ရေး၊ စီးပွားရေး ရင်းနှီးမြှုပ်နှံလိုမှုများနှင့် ပညာရေး၊ ကျန်းမာရေး၊ လမ်းပန်းဆက်သွယ်ရေးကဏ္ဍများကို ပူးပေါင်းဆောင်ရွက်ရန်  ထပ်မံဆွေးနွေးခဲ့သည်။

နှစ်နိုင်ငံဆွေးနွေးမှုအတွက် ကချင်ပြည်နယ်ဝန်ကြီးချုပ်က ပြည်နယ်ချင်းချစ်ခင်ရင်းနှီးမှု တိုးမြှင့် ဆောင်ရွက်ခြင်းသည် နှစ်နိုင်ငံစီးပွားရေး ဖွံဖြိုးတိုးတက်ရေးအတွက် ဖြစ်သောကြောင့် ကြိုးပမ်းဆောင်ရွက်ကြရန် တိုက်တွန်းစကား ပြောကြားခဲ့သည်။

အဆိုပါ တွေ့ဆုံဆွေးနွေးမှု၏ အနှစ်ချုပ်သည် နှစ်နိုင်ငံနယ်စပ်ဒေသ ဖွံဖြိုးတိုးတက်ရေးအတွက် ဖြစ်ပြီး၊ ယင်းနယ်စပ်ဒေသများအတွင်း ကုန်စည်စီးဆင်းမှု၊ ပညာရေး၊ ယဉ်ကျေးမှု၊ အသက်မွေးဝမ်း‌ကျောင်းသင်ကြားရေး၊ လယ်ယာစိုက်ပျိုးရေးကဏ္ဍများတွင် ပူးပေါင်းဆောင်ရွက်ရန် နှင့် ရေအားလျှပ်စစ် ထုတ်လုပ်ရေး ဆိုင်ရာ ကိစ္စရပ် များ ပူးပေါင်းဆောင်ရွက်ရန် ဆွေးနွေးခဲ့ ကြခြင်းဖြစ်သည်။

ကချင်ပြည်နယ်နှင့် တရုတ်နိုင်ငံတို၏ နယ်နိမိတ်ထိစပ်မှုသည် (၆၁၃ ဒဿမ ၆၄) မိုင် ရှည်လျားကြောင်း သိရသည်။
Yangon Times/my
#Local_News
#YMG #Yangon_Times

Published_ 26 August 2023

ကမ္ဘောဇဘဏ် လီမိတတ် ၏ အကြွေးဝယ်ကတ် (VISA /UPI) Credit Card များရယူသုံးစွဲ ထားပြီး ချေးငွေ သွင်းရန် ကျန်ရှိနေသူများ အနေဖြင့် ၁၀ရက် အတွင်း ချေးငွေများ ပြန်လာသွင်းရန် အတွက် Legal& Compliance Function ၊ ကမ္ဘောဇဘဏ် လီမိတတ် မှ သြဂုတ် လ ၂၆ ရက်တွင် နိုင်ငံပိုင်သတင်းစာ တွင် ထည့်သွင်းကြေညာထားကြောင်း သိရသည်။

သတ်မှတ်ထားသည့် ၁၀ ရက် အတွင်း ချေးငွေ ပြန်လာ သွင်းခြင်း မရှိပါက ယင်းစာရင်း ပိုင်ရှင်များ ကို အမည်၊မှတ်ပုံတင်၊နေရပ် လိပ်စာနှင့်တကွ နိုင်ငံ ပိုင်သတင်းစာတွင် ထပ်မံကြေညာချက် ထုတ်ပြန်သွားမည် ဖြစ်ပြီး တရားဥပဒေအရ အရေးယူမှုများ လုပ်ဆောင်သွားမည် ဖြစ်ကြောင်း ကြေညာချက် တွင် ပါရှိသည်။

အဆိုပါ ချေးငွေ လာသွင်းရန် ပျက်ကွက်နေ သူ များ ကို ချေးငွေပြန်လာသွင်းရန် အတွက် ပြီးခဲ့သည့် မေလ ၁၉ရက်နှင့်၂၀ ရက် တို့ တွင် လည်း နိုင်ငံ ပိုင်သတင်းစာ တို့တွင် ပထမအကြိမ် အသိပေး ကြေညာချက် ထုတ်ပြန် ခဲ့ ကြောင်း သိရသည်။
Yangon Times/LW
#Local_News
#YMG #Yangon_Times

Published_ 26 August 2023

နည်းပြတန်ဟက်၏အတောင့်တင်းဆုံး ပွဲထွက် ၁၁ယောက် စာရင်းတွင် မပါဝင်သော်လည်း ပွဲကစားခွင့်ရရှိရန် ယုံကြည်မှုရှိကြောင်းဆွီဒင် နောက်ခံလူ လင်ဒယ်လော့ဖ်က ဖွင့်ဟပြောကြားခဲ့သည်။

လင်ဒယ်လော့သည် ယခုရာသီတွင် မန်ယူသို့ ရောက်ရှိသည့် ၆ရာသီ မြောက်အဖြစ် ကစားမည်ဖြစ်ပြီး ပြီးခဲ့သည်ရာသီမှစ၍ ဗာရန်းနှင့်မာတီနက်ဇ်တို့၏အရန်ကစားသမားအဖြစ်သာရှိနေခဲ့သည်။

၎င်းသည်ပြီးခဲ့သည့် ရာသီတွင်ဒဏ်ရာကင်းစင်ခဲ့ပြီး ပရီးမီးယားလိဂ်ပွဲစဉ် ၁၄ ပွဲ ပွဲထွက်ကစားခဲ့ရကာမက်ဂွိုင်းယားတက်ဦးစားပေး၍ခံစစ်အရန်လူအဖြစ်နည်းပြက သတ်မှတ်နေရာပေးခဲ့သည်။

"ကမ္ဘာ့အကြီးဆုံးကလပ်တစ်ခုမှာ ကစားနေကြတဲ့ ကစားသမားတွေအတွက် နေရာတိုင်းမှာပြိုင်ဆိုင်မှုရှိနေမှာပါ၊ ဒါဟာပြဿနာမဟုတ်ပါဘူး။

ကျွန်တော်တို့ အတူတကွ ညီညွတ်စွာရှိနေကြပါတယ်" ဟု လင်ဒယ်လော့ က ပြောကြားခဲ့သည်။မန်ယူအသင်းသည် ယခုနွေရာသီတွင် ဗဟိုနောက်ခံလူသစ်တစ်ယောက်ကိုခေါ်ယူရန် စီစဉ်နေခဲ့သော်လည်း မက်ဂွိုင်းယား ဝက်စ်ဟမ်းသို့ပြောင်းရွှေ့မှုပျက်ပြယ်ခဲ့ပြီးနောက် နောင့်နှေးသွားခဲ့သည်။

အခြားသတင်း တစ်ရပ်တွင် မန်ယူဘယ်နောက်ခံလူ လုခ်ရှောသည် ကြွက်သားဒဏ်ရာကြောင့် ရက်သတ္တပတ် ၆ပတ်ခန့်အနားယူရဖွယ်ရှိသည်ဟု နည်းပြတန်ဟက်က ပြောကြားခဲ့သည်။

တိုက်စစ်မှူးသစ် ဟွိုင်လန်းမှာမှု နော်တင်ဟမ်နှင့်ပွဲစဉ်မတိုင်မီ လေ့ကျင့်ရေးတွင် အသင်းနှင့်ပူးပေါင်းခဲ့ကြောင်း သိရသည်။
ref: 90min
#World_Sport
#YMG #Yangon_Times

Published 26 August 2023

ဇူလိုင် ၂၆ ရက်နေ့က အာဏာသိမ်းပိုက်ခဲ့တဲ့ နိုင်ဂျာနိုင်ငံရဲ့ ခေါင်းဆောင်က ပြင်သစ်သံအမတ် ဆဲလ်ဗိန်းအစ်တ်ကို နိုင်ငံအတွင်းမှ ၄၈ နာရီအတွင်း ထွက်ခွာရန် အမိန့်ပေးလိုက်ပါတယ်။

နိုင်ဂျာနဲ့ ကိုလိုနီနိုင်ငံဟောင်း ပြင်သစ်တို့ကြား ဆက်ဆံရေးကလည်း ပိုပြီးဆိုးရွားနေပါတယ်။

မကြာသေးမီက အိမ်နီးချင်း ဘာကီနာဖာဆိုနဲ့ မာလီနိုင်ငံတို့မှာ အာဏာသိမ်းမှု ဖြစ်ပွားခဲ့သလိုပင် နိုင်ဂျာနိုင်ငံမှာလည်း ပြင်သစ်ဆန့်ကျင်ရေး ကြီးထွားလာစဥ် စစ်တပ်က အာဏာသိမ်းလိုက်တာ ဖြစ်ပြီး အချို့ပြည်သူတွေက ပြင်သစ်ဟာ သူတို့ရဲ့ ပြည်တွင်းရေးကို ဝင်ရောက်စွက်ဖက်နေတယ်လို့ စွပ်စွဲနေကြပါတယ်။

နိုင်ဂျာတို့ရဲ့ အကျိုးစီးပွားနဲ့ ဆန့်ကျင်ဘက်ဖြစ်နေတဲ့ ပြင်သစ်အစိုးရ လုပ်ရပ်တွေကို တုန့်ပြန်တဲ့အနေနဲ့ ပြင်သစ်သံအမတ်ကို နှင်ထုတ်ရန် ဆုံးဖြတ်လိုက်တာဖြစ်ကြောင်း စစ်အာဏာရှင် ခန့်အပ်ထားတဲ့ နိုင်ငံခြားရေးဝန်ကြီးဌာနက ပြောကြားခဲ့တယ်လို့ ထုတ်ပြန်ထားပါတယ်။

ထိုထဲမှာ နိုင်ငံခြားရေးဝန်ကြီးအသစ်ကို တွေ့ဆုံရန် ဖိတ်ကြားချက်ကို ပြင်သစ်သံအမတ်က ငြင်းပယ်လိုက်တာကြောင့်လည်း ပါဝင်နေပါတယ်။

ပြင်သစ်သံတမန်ကို နှင်ထုတ်တဲ့ အခြေအနေကဲ့သို့ပင် အမေရိကန်နဲ့ ဂျာမနီသံအမတ်များကိုလည်း နိုင်ဂျာက နိုင်ငံအတွင်းမှ ထွက်ခွာရန် အမိန့်ပေးခဲ့တယ်ဆိုတဲ့ ထုတ်ပြန်ချက်တွေဟာလည်း အွန်လိုင်းမှာ အတော်လေး ပျံ့နှံ့နေပါတယ်။

အမေရိကန် နိုင်ငံခြားရေးဝန်ကြီးဌာနဘက်မှ သောကြာနေ့က ပြောကြားရာမှာတော့ နိုင်ဂျာဟာ သူတို့နိုင်ငံခြားရေးဝန်ကြီးဌာနကနေ ဒီလိုထုတ်ပြန်ခြင်း မရှိဘူးလို့ အသိပေးထားကြောင်း သိရှိရပါတယ်။

နိုင်ဂျာအာဏာသိမ်းခေါင်းဆောင်နဲ့ လုံခြုံရေးတပ်ဖွဲ့မှ သတင်းရင်းမြစ် ပြောကြားချက်အရ ပြင်သစ်သံအမတ်တစ်ဦးကိုသာ ထွက်ခွာရန် အမိန့်ပေးခဲ့တာ ဖြစ်ပါတယ်။

အဆိုပါ အာဏာသိမ်းမှုကြောင့် နိုင်ဂျာနဲ့ ပြင်သစ်နိုင်ငံတို့ကြား ကာလကြာရှည်စွာ ရှိနေခဲ့တဲ့ ဆက်ဆံရေးက စတင်ပြိုကွဲရာ ဖြစ်လာခဲ့ပြီး အခုလို သံအမတ်ကို နှင်ထုတ်လိုက်ခြင်းကြောင့် ပဋိပက္ခများ ဖြစ်ပွားရာနေရာ ဆာဟယ်လ်ဒေသက အစ္စလာမ်သောင်းကျန်းမှုတွေကို ပူးပေါင်းချေမှုန်းသွားမယ့် မျှော်လင့်ချက်တွေဟာလည်း မရေမရာ ဖြစ်လာပါတယ်။

အာဏာသိမ်းခံရတဲ့ သမ္မတ မိုဟာမက်ဘာဇွန်းမ်ကို အာဏာပြန်အပ်ဖို့နဲ့ အာဏာသိမ်းမှုကို တွန်းလှန်ရန် အနောက်အာဖရိက ဒေသတွင်းအဖွဲ့အစည်း ECOWAS ရဲ့ ကြိုးပမ်းအားထုတ်မှုတွေကို ထောက်ပံ့သွားမယ်လို့ ပြင်သစ်က ဆိုပါတယ်။

နိုင်ဂျာနိုင်ငံဟာ ယူရေနီယံ အများဆုံးထွက်ရှိရာ ဒေသတွေထဲက တစ်ခုဖြစ်ပြီး ဒေသတွင်းရှိ အစ္စလာမ်စစ်သွေးကြွတွေကို ကူညီတိုက်ထုတ်ပေးနေတဲ့ အမေရိကန်၊ ပြင်သစ်၊ အခြားနိုင်ငံများမှ တပ်ဖွဲ့များ အခြေချရာနေရာလည်း ဖြစ်ပါတယ်။
Source: Reuters
#World_News
#YMG #Yangon_Times

Published_ 25 August 2023

ဆယ်ကျော်သက်အရွယ်တွေမှာ အဆင့်ဆင့်ထုတ်လုပ်ထုပ်ပိုးထားတဲ့ အစားအစာများ စားသုံးခြင်းနဲ့ အသက်ကြီးလာတဲ့အခါ စိတ်ဖိစီးမှု မြင့်တက်လာခြင်းတို့ကြား ဆက်စပ်မှုကို သုတေသနတစ်ခုကနေ ဖော်ပြလိုက်ပါတယ်။

အဆိုပါ အစားအစာများ လွန်ကျူးစွာ စားသုံးခြင်းဖြင့် စိတ်ပိုင်းဆိုင်ရာ ပြဿနာတွေ အဖြစ်များနိုင်ကြောင်း ရေးသားဖော်ပြထားပါတယ်။

အသက် ၁၃ နှစ်မှ ၁၇ နှစ်ကြား ဆယ်ကျော်သက်တွေထဲက အဆင့်ဆင့်ထုပ်ပိုးထားတဲ့ စားစရာ အစားများသူတွေရဲ့ စိတ်ကျန်းမာရေး နောက်ဆက်တွဲများကို လေ့လာခဲ့ကြပါတယ်။

ဒီလိုစားစရာတွေ စားသုံးခြင်းကြောင့် စိတ်ပိုင်းဆိုင်ရာ ပြဿနာများ မြင့်တက်လာနိုင်ကာ နောက်ပိုင်းမှာ စိတ်ဓာတ်ကျခြင်းဝေဒနာလည်း ဖြစ်လာနိုင်ပါတယ်လို့ တွေ့ရှိဖော်ပြခဲ့ပါတယ်။

ထိုစားစရာတွေကို အများဆုံးစားသုံးသူတွေက အနည်းဆုံးစားသုံးသူတွေထက် စိတ်ကျန်းမာရေးပြဿနာ ဖြစ်နိုင်ချေ ၁၄ ရာခိုင်နှုန်းပိုများနေပါတယ်။

အရင်လေ့လာချက်တွေမှာတော့ အဆင့်ဆင့်ထုပ်ပိုးထားတဲ့ စားစရာတွေဟာ ကင်ဆာနဲ့ ဒီမန်ရှာရောဂါများလည်း ဖြစ်နိုင်ချေများစေပါတယ်။

အာလူးကြော်၊ ကွတ်ကီး၊ အေးခဲထားသော အသားများ၊ ဆိုဒါ စတာတွေက အသိဥာဏ်ပိုင်း ယုတ်လျော့စေတာနဲ့ သက်ဆိုင်နေပါတယ်။

လမ်းဘေးစာ အများအပြား စားသုံးသူတွေမှာ ဒီမန်ရှာလက္ခဏာ တွေ့ရှိနိုင်ချေ ၂၅ ရာခိုင်နှုန်းပိုများကြောင်း လေ့လာချက်တစ်ခုမှာလည်း တွေ့ရှိထားပါတယ်။

လမ်းဘေးစာ စားသုံးမှု ၁၀ ရာခိုင်နှုန်းမြင့်လာတိုင်း ကင်ဆာဖြစ်နိုင်ချေ ၂ ရာခိုင်နှုန်း များလာပါတယ်။
Source: New York Post.
#World_Health
#YMG #Yangon_Times

Published-26 August 2023

အထူးစီးပွားရေးဇုန်များနှင့် စက်မှုဇုန်များရှိပြီးဖြစ်သော်လည်း တိုးတက်မှုများနည်းပါးခဲ့ဟု နစက ဥက္ကဌ ဗိုလ်ချုပ်မှူးကြီးမင်းအောင်လှိုင်က စီးပွားရေး ရာကော်မတီ အစည်းအဝေးအမှတ်အတွင်း ပြောသည်။

မြန်မာနိုင်ငံရှိ အထူးစီးပွားရေးဇုန်များ ဖြစ်သည့် ကျောက်ဖြူအထူးစီးပွားရေးဇုန်၊ထားဝယ်အထူးစီးပွားရေးဇုန်၊ သီလဝါအထူး စီးပွားရေးဇုန်တို့သည် မြန်မာနိုင်ငံအတွက်သာမက အိမ်နီးချင်းနှင့် ဒေသတွင်းနိုင်ငံများ၏ စီးပွားရေးနှင့် ဖွံ့ဖြိုးတိုးတက်ရေးတို့အတွက် အထောက်အကူပြုသဖြင့် တိုးတက်မှုအမြန်ဆုံးရရှိရန်နှင့် အလုပ်ဖြစ်ရန်အမြန်ဆုံးဆောင်ရွက်ရမည်ဟု ယင်းကဆိုသည်။

အလားတူ ကျောက်ဖြူ ရေနက်ဆိပ်ကမ်း၊ထားဝယ်ရေနက်ဆိပ်ကမ်းများသည်လည်း နိုင်ငံဖွံ့ဖြိုးတိုးတက်ရေးကို အထောက် အကူပြုစေနိုင်သောကြောင့် စီမံကိန်းများ အမြန်ဆုံးအကောင်အထည်ဖော်ဆောင် ရွက်နိုင်ရန် အဆိုပါ အစည်းအဝေးအတွင်း သက်ဆိုင်ရာဝန်ကြီးဌာနများကို ပြောကြားလိုက်သည်။

အထူးစီးပွားရေးဇုန်များကို အကောင်အထည် ဖေါ်ဆောင်ရခြင်းမှာ အမျိုးသားစီးပွားဖွံ့ဖြိုးရေတိုး တက်ရေးစီမံကိန်း၏ အဓိကရည်မှန်းချက်များကို အထောက်အကူဖြစ်စေရန်၊ အလုပ်အကိုင်အခွင့် အလမ်းများရရှိစေရန်၊ ပြည်ပပို့ကုန်တိုးတက်၍ နိုင်ငံခြားဝင်ငွေတိုးတက်ရရှိစေရန်၊ စက်မှုကဏ္ဍ စီးပွားရေးနှင့် လူမှုရေးကဏ္ဍများ ဖွံ့ဖြိုးတိုးတက်စေရန်၊ ပြည်တွင်းပြည်ပမှ ရင်းနှီးမြှုပ်နှံသူများမြှင့်တင်ရန် ရည်ရွယ်ခြင်း ဖြစ်ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန က ထုတ်ပြန်ထားသည်။
Yangon_Times/PP
#Local_News
#YMG #Yangon_Times