#Local_News
Published_ 28 March 2023

ကုန်အမှတ်တံဆိပ် မှတ်ပုံတင်ခြင်းကိုယ်တိုင်ဆောင်ရွက်လိုသူတွေအတွက်လျှောက်လွှာလက်ခံ ဆောင်ရွက်ပေး မယ့်မူပိုင်ခွင့်ဦးစီးဌာနရုံးခွဲတွေကို လာမယ့်ဘဏ္ဍာနှစ်အတွင်း ရန်ကုန်မြို့နဲ့ မန္တလေးမြို့တွေမှာ စတင်ဖွင့်လှစ်ပေး သွားမည်ဟုလို့စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနရုံးချုပ်ကနေသိရသည်။

ကုမ္ပဏီကြီးတွေအနေနဲ့ ကိုယ့်ရဲ့ကုန်အမှတ် တံဆိပ်တွေ မှတ်ပုံတင်တာတွေကို ကိုယ်စားလှယ်တွေနဲ့ဆောင်ရွက်လေ့ရှိပေမယ့်လည်း အသေးစား၊အငယ်စားနဲ့အလတ်စားစီးပွားရေးလုပ်ငန်းတွေနဲ့ ကိုယ်တိုင်မှတ်ပုံတင်လိုတဲ့ အခြားလုပ်ငန်းရှင်တွေအတွက် အဆင်ပြေစေဖိရန်အတွက် မူပိုင်ခွင့်ဦးစီးဌာနရုံးခွဲတွေကို တိုးချဲ့ဖွင့်လှစ်ပြီးလက်ခံ ဆောင်ရွက်ပေးသွားဖို့ စီစဉ်တာဖြစ်ကြောင်းသိရသည်။

လက်ရှိမှာတော့ ကိုယ်တိုင်လျှောက်ထားတာတွေကို နေပြည်တော်ရှိ မူပိုင်ခွင့်ဦးစီးဌာနရုံးချုပ်မှာသာ ကောင်တာ ဖွင့်လှစ်ပြီး လက်ခံဆောင်ရွက်ပေးနေကြောင်းသိရသည်။

ထပ်မံတိုးချဲ့ဖွင့်လှစ်မယ့် မူပိုင်ခွင့်ဦးစီးဌာနရုံးခွဲတွေကို ရန်ကုန်တိုင်းဒေသကြီး၊ ပန်းဘဲတန်းမြို့နယ်၊ ကမ်းနား လမ်းရှိ ကုန်သွယ်ရေးဦးစီးဌာနရုံး၊ ဒုတိယထပ်မှာကောင်တာဖွင့်လှစ်ဆောင်ရွက်သွားရန်စီစဉ်ထားကြောင်းသိရသည်။

အလားတူအထက်မြန်မာပြည်အတွက်လည်း မန္တလေးမြို့မှာ ယာယီရုံးခွဲတစ်ခုဖွင့်လှစ်ပြီး လျှောက်လွှာတွေကို လက်ခံဆောင်ရွက်ပေးဖို့စီစဉ်လျက်ရှိကြောင်းသိရသည်။

ymg/pspk
#Yangon_Media_Group

#World_Health
Published 28 March 2023

ဒီလိုရာသီတွေမှာ လူအတော်များများ လည်ချောင်းထဲမှာ ယားယံတဲ့ခံစားချက်မျိုး ခံစားကြရပါတယ်။

ရာသီတုပ်ကွေး H3N2 အပြင် ကိုဗစ်ရောဂါနဲ့ အက်ဒီနိုဗိုင်းရပ်စ်တို့လည်း အဖြစ်များနေတဲ့အချိန်မှာ လည်ချောင်းနာခြင်းခံစားကြရပြီး ချောင်းဆိုးဖျားနာကြပါတယ်။

လည်ချောင်းနာ ချောင်းဆိုးခြင်းမှသက်သာစေရန် အနားယူခြင်းနဲ့ လည်ချောင်းစိုစွတ်စေတဲ့ အစားအသောက်များ စားပေးသင့်ကြောင်း ကျွမ်းကျင်သူများကဆိုပါတယ်။

လည်ချောင်းနာခြင်းအပြင် ချောင်းဆိုးနဲ့ အခြားလက္ခဏာများပါ ရှိနေရင် ဆေးနဲ့ကုသဖို့လိုအပ်ပေမယ့် လည်ချောင်းယားယံရုံပဲဆိုရင်တော့ အိမ်မှာတင်သက်သာအောင် ပြုလုပ်နိုင်တဲ့နည်းလမ်းများရှိကြောင်း ဖော်တစ်ဆေးရုံမှ အကြီးတန်းအကြံပေးဒေါက်တာ'ဆက်ဗ်ယာဆာချီဆက်စ်နာ'က ပြောပြခဲ့ပါတယ်။

ပထမဆုံးနည်းလမ်းကတော့ လုံလောက်အောင်အနားယူသင့်ပြီး အသံဖြင့်အလုပ်လုပ်ရတဲ့သူဆိုရင် ချက်ချင်းအနားယူရမှာဖြစ်ပါတယ်။

လည်ချောင်းကိုအစိုဓာတ်ရရှိစေရန် ရေ၊ စွပ်ပြုတ်နွေးနွေး၊ ကော်ဖီ၊ လက်ဘက်ရည်တို့ သောက်သုံးသင့်ပါတယ်။

အသီးအနှံလတ်လတ်ဆတ်ဆတ်တွေနဲ့ ဟင်းသီးဟင်းရွက်တွေကိုလည်း စားသုံးပေးသင့်ပါတယ်။

ရေနွေးနဲ့ဆားဖြင့် ပလုတ်ကျင်းပေးခြင်းကလည်း အရေးကြီးတဲ့နည်းလမ်းတစ်ခုဖြစ်ပါတယ်။

စိုထိုင်းမှုထိန်းပေးတဲ့ကိရိယာဖြင့် လည်ချောင်းကိုထိန်းသိမ်းနိုင်သလို မရှိပါက ရေနွေးငွေ့ရှူပေးခြင်းဖြင့် နာကျင်ခြင်းကို သက်သာစေပါတယ်။

ထိုအချိန်အတွင်း ဆေးလိပ်အရက် ရှောင်ရှားသင့်သလို အဖန်၊ အချဉ်များကို ကန့်သတ်စားသုံးရမှာဖြစ်ပါတယ်။

အနားယူပြီးတော့ လက္ခဏာတွေမသက်သာဘူးဆိုရင် ဆရာဝန်နဲ့ပြသသင့်ပါတယ်။

Source: India Today
#Yangon_Media_Group

#LocalNews
Published_ 27 March 2023

နေပြည်တော်တွင်တပ်မတော်နေ့ ပျော်ပွဲရွှင်ပွဲများ ပြုလုပ်နေသည့် နေရာများကို ၁ဝ၇ မမရှော့တိုက်ဒုံးဖြင့် ပစ်ခတ်ရန် စီစဉ်နေသူများအား ဖမ်းဆီမိကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

ယင်းဖမ်းမိသူများမှာ ယနေ့ မတ်လ ၂၇ ရက်တွင် ကျရောက်သည့် (၇၈)နှစ်မြောက် တပ်မတော်နေ့တွင် နေပြည်တော်ကောင်စီနယ်မြေအတွင်းပြည်သူများ စုဝေး၍ ပျော်ပွဲရွှင်ပွဲများ ပြုလုပ်နေသည့် နေရာများနှင့် စစ်ရေးပြ အခမ်းအနားကျင်းပပြုလုပ်နေသည့် စစ်ရေးပြကွင်း(ရှမ်းစု)နေရာတို့ကို ဖောက်ခွဲဖျက်ဆီးခြင်းများ၊ ၁၀၇ မမ ရှော့တိုက်ဒုံးများဖြင့် အဝေးမှပစ်ခတ်ရန် စီစဉ်လျက်ရှိသူများဖြစ်ကြောင်း၊လုံခြုံရေးတပ်ဖွဲ့ဝင်များက သတင်းအရ ဖမ်းဆီးနိုင်ခဲ့ခြင်း ဖြစ်ကြောင်း ယင်းထုတ်ပြန်ချက်တွင် ပါရှိသည်။

ယင်းတို့ကို မတ်လ ၂၄ ရက် နံနက်ပိုင်းတွင် နေပြည်တော်ကောင်စီနယ်မြေအတွင်းသို့ ၁၀၇ မမ ရှော့တိုက်ဒုံးများဖြင့် အဝေးက ပစ်ခတ်ရန် စီစဉ်လျက်ရှိသည့် စိန်လွင်(ခ) မောင်စိန်(ခ)ခရေ အား နေပြည်တော်ကောင်စီနယ်မြေ၊ ပျဉ်းမနားမြို့နယ်၊ ဇီးဖြူပင်ကျေးရွာ၊ အဝေရာဆည်အနီးရှိ သရက်ခြံအတွင်း၌ ၁၀၇ မမ ရှောတိုက်ဒုံး ၁ လုံး နှင့်အတူ ဖမ်းဆီးရမိခဲ့ကြောင်း သိရသည်။

ယင်း၏ ထွက်ဆိုချက်အရ ပျဉ်းမနားမြို့နယ်၊ ဇီးဖြူပင်ကျေးရွာအဝင်လမ်း အရှေ့ဘက်ရှိ တောင်ယာတဲ၌ ဝင်းမျိုးထက်(ခ)ဝင်းနိုး(ခ)ဘီလား နှင့် ၎င်း၏ ယောက်ဖဖြစ်သူ NLD ပါတီဝင် အုပ်ချုပ်ရေးမှူးဟောင်း ဟန်ဇော်မင်းနှင့် ဇနီးခင်မျိုးသက်တို့ အား ဖမ်းမိကာ ယင်းတို့ လင်မယားပိုင်ဆိုင်သည့် ဇီးဖြူပင်ကျေးရွာရှိ နေအိမ်ခြံဝင်းအတွင်း မြေမြှုပ်သိမ်းဆည်းထားသော ၁၀၇ မမရှော့တိုက်ဒုံး ၁ လုံးကို ထပ်မံသိမ်းဆည်းရမိခဲ့ကြောင်း သိရသည်။

အဖမ်းခံရသူများ ထွက်ဆိုချက်အရ ၁၀၇ မမရှော့တိုက်ဒုံး ၂ လုံး၏ ထိပ်ဖူးများနှင့် ဖောက်ခွဲရေးဆက်စပ်ပစ္စည်းများကို အဝေရာဆည်အနီးနှင့် ဇီးဖြူပင်ရွာ ၊အဝေရာဆည် အနီး ခြုံပုတ်အတွင်းမှ ၁၀၇ မမရှော့တိုက်ဒုံး ထိပ်ဖူး ၂ ခု၊ ဆားကစ်ပြား ၂ ခုနှင့် Remote ၁ ခုတို့ကိုလည်းကောင်း၊ ဇီးဖြူပင်ရွာနေ သန်းထွန်း(ခ)ချင်းတွင်း ၏ နေအိမ်အတွင်းမှ MG-1 လက်ပစ်ဗုံး ၁ လုံး၊ လက်ပစ်ဗုံးစနက်တံ ၄ ခု၊ လျှပ်စစ် ဒီတိုနေတာ ၁၆ ခု၊ ယမ်းပျော့ ၄ ချောင်းနှင့် ဖောက်ခွဲရေးဆက်စပ်ပစ္စည်းများကိုလည်းကောင်း သိမ်းဆည်းရမိခဲ့ခြင်း ဖြစ်ကြောင်း၊ ထို့အပြင် မတ်လ ၂၅ ရက် ညနေပိုင်းတွင် မရမ်းတောင်(အထက်)ကျေးရွာအနီး၌ သိုဝှက်သိမ်းဆည်းထားသည့် ပစ္စတိုအပစ် လက်ကိုင် ၁ ခု၊ စနိုက်ပါမှန်ပြောင်း ၁ ခု၊ PVC ပိုက်ဖြင့် ပြုလုပ်ထားသည့် လက်လုပ်မိုင်း ၁ လုံး၊ ၁၂ ဗို့ကျည် ၁၄၆ တောင့်၊ ယမ်းပျော့ ၁ ချောင်း၊ ယမ်းမှုန့် ၅၀ ကျပ်သား၊ အစိမ်းရောင် ကျောပိုးအိတ် ၁ လုံး၊ ပြောက်ကျားပုခက် ၄ ခု၊ သေနတ်လွယ်ကြိုး ၁ ချောင်းနှင့် ဖောက်ခွဲရေးဆက်စပ်ပစ္စည်းများ ထပ်မံသိမ်းဆည်းရမိခဲ့ကြောင်း သိရသည်။

အဆိုပါ ဖြစ်စဉ်တွင် အမျိုးသား ၂ ဦးကို ၁၀၇ မမရှော့တိုက်ဒုံး ၂ လုံး၊ ၁၀၇ မမ ရှော့တိုက်ဒုံး ထိပ်ဖူး ၂ ခု၊ ဆားကစ်ပြား ၂ ခု၊ Remote ၁ ခု၊ ပစ္စတိုအပစ်လက်ကိုင် ၁ ခု၊ စနိုက်ပါမှန်ပြောင်း ၁ ခု၊ MG-1 လက်ပစ်ဗုံး ၁ လုံး၊ လက်ပစ်ဗုံးစနက်တံ ၄ ခု၊ PVC ပိုက်ဖြင့် ပြုလုပ်ထားသည့် လက်လုပ်မိုင်း ၁ လုံး၊ ၁၂ ဗို့ကျည် ၁၄၆ တောင့်၊ လျှပ်စစ် ဒီတိုနေတာ ၁၆ ခု၊ ယမ်းပျော့ ၅ ချောင်း၊ ယမ်းမှုန့် ၅၀ ကျပ်သား၊ အစိမ်းရောင် ကျောပိုးအိတ် ၁ လုံး၊ ပြောက်ကျားပုခက် ၄ ခု၊ သေနတ်လွယ်ကြိုး ၁ ချောင်းနှင့် ဖောက်ခွဲရေးဆက်စပ်ပစ္စည်းများနှင့်အတူ ဖမ်းဆီးရမိခဲ့ကြောင်း သိရသည်။

ယင်းတို့၏ ထွက်ဆိုချက်အရ ၎င်းတို့ ၂ ဦးသည် NLD ပါတီဝင် အုပ်ချုပ်ရေးမှူးဟောင်း တရားခံပြေး ဟန်ဇော်မင်း၏ ချိတ်ဆက်ပေးမှုဖြင့် ရှမ်းပြည်နယ် (တောင်ပိုင်း)၊ ဖယ်ခုံမြို့ ဝန်းကျင်တွင် လှုပ်ရှားလျက်ရှိသော ဖမ်းဆီးရန်ကျန် တရားခံ ဗိုလ်တေဇ(ခ)ဟန်မင်းထွန်း ခေါင်းဆောင်သည့် နေပြည်တော် PDF အမည်ခံအကြမ်းဖက် အဖွဲ့သို့ ဝင်ရောက်ခဲ့ကြောင်း၊ မတ်လ ၂၂ ရက်တွင် ဖမ်းဆီးရန်ကျန် တရားခံ ဗိုလ်တေဇ (ခ)ဟန်မင်းထွန်း၊ စိန်လွင်(ခ)မောင်စိန်(ခ)ခရေနှင့် ဝင်းမျိုးထက်(ခ)ဝင်းနိုး(ခ)ဘီလားတို့ ၃ ဦးသည် မော်တော်ဆိုင်ကယ် ၂ စီးဖြင့် ၁၀၇ မမရှော့တိုက်ဒုံး ၂ လုံးနှင့် ဖောက်ခွဲရေး ဆက်စပ်ပစ္စည်းများကို သယ်ဆောင်၍ ဖယ်ခုံမြို့ဝန်းကျင်မှ ပျဉ်းမနားမြို့နယ်၊ မရမ်းတောင်(အထက်)ကျေးရွာသို့ လာရောက်ခဲ့ပြီး မရမ်းတောင်(အထက်)ကျေးရွာ အနီး တောအတွင်း၌ ၁၀၇ မမရှော့တိုက်ဒုံး တပ်ဆင်ပုံနှင့် ပစ်ခတ်နည်းအဆင့်ဆင့်အား လေ့ကျင့်သင်ကြား ခဲ့ကြောင်း၊ ၎င်းနောက် ၁၀၇ မမရှော့တိုက်ဒုံး ၂ လုံးနှင့် ဖောက်ခွဲရေးဆက်စပ်ပစ္စည်းများကို နေရာ ၄ နေရာခွဲ၍ သိုဝှက်သိမ်းဆည်းထားခဲ့ကြောင်း ဖော်ထုတ်သိရှိရကြောင်း ထုတ်ပြန်ချက်တွင် ပါရှိသည်။

ymg/mt
#Yangon_Media_Group

#World_Health
Published 28 March 2023

ကိုယ်ဝန်ဆောင်စဉ်ကာလအတွင်း ကိုယ်အလေးချိန်အလွန်တက်လာတဲ့ အမျိုးသမီးတွေက မွေးလာတဲ့ကလေးတွေဟာ နောက်ပိုင်းမှာ အဝလွန်ပြီး ဆီးချိုရောဂါဖြစ်လာနိုင်ချေများကြောင်း လေ့လာတွေ့ရှိထားပါတယ်။
သန္ဓေသားတွေ မွေးလာတဲ့ကလေးတွေမှာ အာဟာရဓာတ်လွန်ကဲခြင်းဖြင့် သူတို့ရဲ့ဦးနှောက်က ကျန်းမာရေးမညီညွတ်တဲ့အစားအစာတွေကို စားချင်စိတ်ရှိလာကြကြောင်း ရတ်ဂါစ်တက္ကသိုလ်မှ သုတေသီများကဆိုပါတယ်။

ဒီဖြစ်ရပ်ကိုစမ်းသပ်ဖို့အတွက် သုတေသီအဖွဲ့က ကြွက်တွေနဲ့စမ်းသပ်ကြရာ ကိုယ်ဝန်ဆောင်ချိန်နဲ့ နို့တိုက်ကျွေးကာလတွေမှာ အဆီများတဲ့အစားအစာများ စားသုံးစေခဲ့ကာ အဝလွန်တဲ့အခြေအနေ ရောက်ရှိစေခဲ့ပါတယ်။

နောက်တစ်ဖွဲ့ကိုတော့ ကျန်းမာရေးညီညွတ်တဲ့အစာများသာ ကျွေးခဲ့ပြီး နှိုင်းယှဉ်ကြည့်ခဲ့ကြရာ အဝလွန်တဲ့ကြွက်မိခင်တွေရဲ့ ကလေးတွေဟာ အခြားကလေးတွေထက် သိသိသာသာ အစားများခဲ့တာကို တွေ့ရှိခဲ့ကြပါတယ်။

ကိုယ်ဝန်ဆောင်ချိန်နဲ့ နို့တိုက်ကျွေးစဉ်ကာလအတွင်း အာဟာရဓာတ်လွန်ကဲခြင်းဖြင့် ဖွံ့ဖြိုးဆဲကလေးတွေရဲ့ဦးနှောက်မှာ အပြောင်းအလဲဖြစ်ပြီး အနာဂတ်မျိုးဆက်တွေကိုပါ ထိခိုက်စေနိုင်ကြောင်း စာတမ်းပြုစုသူပရော်ဖက်ဆာ'မာ့ခ်ရော့စီ'က ဖော်ပြခဲ့ပါတယ်။

"အဝလွန်မိခင်တွေကနေ မွေးလာတဲ့ကလေးတွေဟာ အရွယ်ရောက်တဲ့အချိန်မှာ ပိုမိုသွယ်လျတဲ့မိခင်တွေကနေ မွေးလာတဲ့ကလေးတွေထက် ကိုယ်အလေးချိန်ပိုများနိုင်ပြီး ဒီလိုမျိုးစမ်းသပ်ချက်များအရ ကလေးဘဝမှာ မသင့်လျော်တဲ့အစားအစာများ စားတတ်တဲ့အကျင့်တွေ တတ်မြောက်လာတတ်ပါတယ်"

ဒီအတွက်ဖြေရှင်းနည်းတွေကို ရှာဖွေကြရာမှာ ခန္ဓာကိုယ်သွယ်လျချင်သူတွေအနေနဲ့ ကျန်းမာရေးနဲ့ညီညွတ်တဲ့ အစားအစာတွေကို စားသုံးသင့်ပါတယ်။

ရရှိလာတဲ့အချက်အလက်များအရ နောင်အခါ ကိုယ်အလေးချိန်ကျဆင်းလာနိုင်တဲ့ နည်းလမ်းများဖြစ်လာနိုင်တယ်လို့ မျှော်လင့်နေကြပါတယ်။

ကမ္ဘာ့အဝလွန်ရောဂါဖက်ဒရေးရှင်းရဲ့ ခန့်မှန်းချက်အရ နောက် ၁၂ နှစ်အတွင်း ကမ္ဘာ့လူဦးရေရဲ့ ၅၁ ရာခိုင်နှုန်းဟာ အဝလွန်လာနိုင်ချေရှိတယ်လို့ သိရပါတယ်။

အပြောင်းအလဲတွေ ဘယ်လိုဖြစ်လဲဆိုတာကို သေချာမသိသေးတာကြောင့် လုပ်စရာတွေရှိသေးသလို အလွန်အကျွံစားသုံးခြင်းကို ဖြစ်စေတဲ့အခြေအနေတွေကိုလည်း သိလာရကြောင်း ရော့စီကပြောကြားလိုက်ပါတယ်။

Source: The Jerusalem Post
#Yangon_Media_Group

Published 28 March 2023

လက်နက်အများကြီးကိုင်ဆောင်ထားတဲ့ အသက် ၂၈နှစ်အရွယ် အမျိုးသမီးတစ်ဦးက တင်နက်ဆီပြည်နယ်ရဲ့ မြို့တော် နက်ရှ်ဗီးလ်က ပုဂ္ဂလိကခရစ်ယာန်ကျောင်းတစ်ကျောင်းကို မတ် ၂၇ ရက်တနင်္လာနေ့က ဝင်ရောက်ပစ်ခတ်တဲ့အတွက် ကလေးငယ်(၃)ဦးနှင့် ဝန်ထမ်း(၃)ဦးသေဆုံးခဲ့ရပါတယ်။ နောက်ပိုင်းမှာ ရဲတွေက အဲဒီအမျိုးသမီးကို ပစ်သတ်ခဲ့ပါတယ်။

ဘာကြောင့် ဒီလိုလုပ်တယ်ဆိုတာကို ချက်ခြင်းမသိရသေးပေမယ့် သူမဟာ ကျောင်းရဲ့ အသေးစိတ်မြေပုံကိုတော့ ရေးဆွဲ ခဲ့ပါတယ်။ အဲဒီအထဲမှာ အဆောက်အအုံရဲ့ ဝင်ပေါက်တွေလည်းပါဝင်ပါတယ်။ ကြေညာစာတမ်းတစ်ခုနှင့် အခြားစာတွေ လည်းတွေ့ရပြီး ရဲက အဲဒါတွေကိုစစ်ဆေးနေတယ်လို့ ပြည်နယ်ရဲချုပ် ဂျွန်ဒရိတ်က သတင်းထောက်တွေကိုပြောပါတယ်။

သူမဟာ အသက်၂၈နှစ်အရွယ် အော်ဒရေးအဲလစ်ဇဘက်ဟေးလ်ဆိုသူဖြစ်ပြီး နက်ရှ်ဗီးလ်ဒေသမှာနေထိုင်သူဖြစ်တယ်။ အမည်ကိုအသံထွက်ကြည့်ပြီး အမျိုးသမီးတစ်ဦးလို့ရည်ညွှန်းတာဖြစ်တယ်လို့လည်း ရဲချုပ်ကပြောပါတယ်။

သူမဟာ လိင်ပြောင်းထားသူတစ်ဦးလို့သိရပြီး သူမဟာ အမျိုးသားအဖြစ် ဒါမှမဟုတ်အမျိုးသမီးအဖြစ် ဘယ်လို အသတ်မှတ်ခံထားသလဲဆိုတာကိုတော့မသိရပါဘူး။

နက်ရှ်ဗီးလ်ရဲဌာနဟာ တနင်္လာနေ့ မနက်၁၀နာရီ ၁၃နိနစ်ခန့်မှာ ကျောင်းပစ်ခတ်မှုသတင်းရရှိလို့  အခင်းဖြစ်တဲ့နေရာ ရဲအရာရှိတွေ ရောက်ရှိသွားတဲ့အခါ အဆောက်အဦဒုတိယထပ်ကနေ သေနတ်ပစ်သံတွေကြားရတယ်လို့ ရဲပြောရေးဆိုခွင့် ရသူ ဒွန်အာရွန်က သတင်းထောက်တွေကိုပြောပါတယ်။

ရဲအရာရှိနှစ်ဦးက အဲဒီပစ်ခတ်သူကို အဆောက်အဦရဲ့ ဧည့်စောင့်ခန်းမမှာ သေနတ်နှင့်ပစ်ခဲ့ပါတယ်။ သူမဟာ ၁၀နာရီ ၂၇ မိနစ်မှာသေဆုံးသွားပါတယ်။

အဲဒီအမျိုးသမီးဟာ ယခင်က ဒီကျောင်းက ကျောင်းသူဟောင်းတစ်ဦးလည်းဖြစ်တယ်လို့ ဒရိတ်က ပြောပါတယ်။ သူမဟာ အဝင်တံခါးတစ်ခုကို သေနတ်နှင့်ပစ်ခတ်ပြီးဝင်ရောက်ခဲ့တာလို့ ရဲချုပ်ကပြောပါတယ်။

မွန်ရိုးကာရယ်ဂျူနီယာကလေးဆေးရုံရောက်ပြီးနောက် သေနတ်ဒဏ်ရာကြောင့် ကလေးငယ်(၃)ဦးသေဆုံးခဲ့ပါတယ်။ ကျောင်းဝန်ထမ်း(၃)ဦးလည်း သေနတ်နှင့်ပစ်ခတ်ခံရလို့ သေဆုံးခဲ့ပါတယ်။

သေဆုံးခဲ့တဲ့ ကျောင်းသူကျောင်းသားကလေးတွေဟာ အားလုံးအသက်(၉)နှစ်အရွယ်တွေဖြစ်ကြပြီး သူတို့ဟာ အိဗလင်း ဒိုင်ခေါ့စ်၊ဟာလီစကရပ်နှင့် ဝီလျံကင်နေတို့ဖြစ်ကြပါတယ်။ သေဆုံးခဲ့တဲ့ ဝန်ထမ်း(၃)ဦးက အသက်၆၁နှစ်အရွယ် ကျောင်း ထိန်းသိမ်းစောင့်ရှောက်သူ မိုက်ဟေးလ်၊အသက် ၆၁နှစ်အရွယ် အစားဝင်ကျောင်းဆရာမ စင်သီယာပိခ်နှင့် ကျောင်းအုပ် ဆရာမကြီးဖြစ်တဲ့ အသက်၆၀အရွယ် ကက်သရင်းကွန်းတို့ဖြစ်ကြပါတယ်။

သေသွားခဲ့သူတွေကလွဲပြီး ကျန်သူတွေ သေနတ်နှင့်အပစ်မခံရဘူးလို့ ရဲကပြောပါတယ်။

Source Reuters

#နက်ရှ်ဗီးခရစ်ယာန်ကျောင်းသေနတ်ပစ်မှုကလေး(၃)ဦးသေဆုံး

#တင်နက်ဆီပြည်နယ်၊နက်ရှ်ဗီးခရစ်ယာန်ကျောင်းသေနတ်ပစ်မှု

#YangonMediaGroup

Published 27 March 2023

နိုင်ငံတော်သမ္မတ(ငြိမ်း) ဦးသိန်းစိန်အပါအဝင် အငြိမ်းစားတပ်မတော်အရာရှိကြီးများကို နစက ဥက္ကဋ္ဌ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့်ဇနီးဦးဆောင်တဲ့  တပ်မတော်(ကြည်းရေလေ)မိသားစုတွေက ယနေ့ မတ်လ ၂၇ရက်နေ့၊( ၇၈)နှစ်မြောက် တပ်မတော်နေ့အထိမ်းအမှတ်အဖြစ် ဂါရဝပြုကန်တော့ခဲ့ကြတယ်လို့ သိရပါတယ်။

တပ်မတော်အငြိမ်းစားအရာရှိကြီးတွေဟာ မိမိတို့၏ မိဘဆရာတွေဖြစ်ကြောင်း၊ ထို့ကြောင့်မိမိတို့အနေဖြင့် နှစ်စဉ်နှစ်တိုင်း ယခုအချိန်ကာလတွင် ဂါရဝပြု ကန်တော့လျက်ရှိပါကြောင်း၊ ၊ဗုဒ္ဓဘာသာအစဉ်အလာ နှင့်အညီယခုကဲ့သို့ အထက်အောက်ရိုသေလေးစားမှုဖြင့်ကျေးဇူးတရားကိုသိရှိစွာဂါရဝ ပြုကန်တော့ခြင်းသည် မိမိတို့တပ်မတော်၏ အစဉ်အလာကောင်း တစ်ခုပင်ဖြစ်ပါကြောင်း ဗိုလ်ချုပ်မှူးကြီးမင်းအောင်လှိုင်က ဂါရဝပြုစကားပြောကြားခဲ့တဲ့အကြောင်း သတင်းထုတ်ပြန်ချက်မှာဖော်ပြထားပါတယ်။

အဲဒီနောက် အငြိမ်းစားတပ်မတော်အရာရှိကြီးတွေကို မြန်မာ့ရိုးရာထုံးတမ်းအစဉ်အလာနှင့်အညီရိုသေစွာဖြင့် ဂါရဝပြု ကန်တော့ခဲ့ကြပါတယ်။

အခမ်းအနားတွင် ကန်တော့ခံအငြိမ်းစား တပ်မတော်အရာရှိကြီးများ ကိုယ်စားနိုင်ငံတော်သမ္မတ(ငြိမ်း) ဗိုလ်ချုပ်ကြီး သိန်းစိန်နှင့် ဒုတိယဗိုလ်ချုပ်ကြီး ထွန်းကြည်တို့က ဩဝါ ဒစကားများပြန်လည်ပြောကြားခဲ့ကြတယ်လို့ နစကရဲ့ သတင်းထုတ်ပြန်ချက်မှာဖော်ပြထားပါတယ်။

-ymg/knl

#ဗိုလ်ချုပ်မှူးကြီးမင်းအောင်လှိုင်

#၇၈နှစ်မြောက်တပ်မတော်နေ့

#YangonMediaGroup

#LocalNews
Published_ 27 March 2023

မတ်လ၂၇ရက်တွင် စက်သုံးဆီပေါက်ဈေး၌ ဓာတ်ဆီ ၁ လီတာလျှင် ၂၁၂၀ကျပ်အထိ ရောက်ရှိလာပြီး ယနေ့လက်ကားရောင်းချဈေးမှာ တစ်လီတာ၂၀၁၄ ကျပ်အတက်နှုန်းထားဖြင့် ဈေးပြန်တက်လာ ကြောင်း စက်သုံးဆီတင်သွင်းမှုကြီးကြပ်ရေးအဖွဲ့ PPRD ၏ နေ့စဉ် ဈေးနှုန်းအပြောင်းအလဲများအရ သိရပါတယ်။

#YMG#Yangon_Media_Group

#World_Entertainment
Published 25 March 2023

နယူးယော့ခ်မြိုရှိ အမွှာတာဝါနှစ်ခုကြား ကြိုးတန်းလျှောက်ခဲ့တာ နှစ်ပေါင်း ၅၀ နီးပါးကြာမြင့်ပြီဖြစ်ပေမယ့် 'ဖီလစ်ပီတစ်'က ဆက်ပြီးကြိုးတန်းလျှောက်ဖို စဉ်းစားနေဆဲဖြစ်ပါတယ်။

#YMG#Yangon_Media_Group

Published 27 March 2023

လေယာဉ်ပျံကိုရူးသွပ်နေတဲ့ ကမ္ဘောဒီးယားနိုင်ငံက အမျိုးသား တစ်ဦးဟာ သူကိုယ်တိုင်က လေယာဉ်ပျံတစ်ခါမျှမစီးဖူး  သော်လည်း သူ့ရဲ့အိမ်ကို ကိုယ်ပိုင် ဂျက်လေယာဉ်တစ်စီးဒီဇိုင်းနှင့် တည်ဆောက်ခဲ့ပါတယ်။

သူဟာ ခရတ်ပေါင် ဆိုတဲ့ ဆောက်လုပ်ရေးအလုပ်သမားတစ်ဦးဖြစ်ပါတယ်။ သူဟာ သူတစ်သက်တာ လုံးစုဆောင်းလာခဲ့တဲ့  ဒေါ်လာ နှစ်သောင်းခန့်ကိုအသုံးပြုပြီး ကွန်ကရစ်နှင့်ပြုလုပ်ထားတဲ့ လေယာဉ်ပျံအိမ်တစ်လုံးကို တည်ဆောက်ခဲ့ပါတယ်။ အဲဒီလေယာဉ်ပျံအိမ်ကလေးဟာ တောင်ပံတွေ၊အမြီး၊ လေယာဉ်ဆင်းဂီယာနှင့်အင်ဂျင်တွေပါ ပုံစံထုတ်တပ်ဆင်ထားပါတယ်။ သူ့ရဲ့အိမ်ဟာ နာမည်ကျော် အန်ကာဝပ်ဘုရားကျောင်းတော်ကြီးတည်ရှိရာ ကမ္ဘောဒီးယား နိုင်ငံ ဆီရမ်ယိမြို့အနီးမှာတည်ရှိပါတယ်။

Source AFP

#လေယာဉ်ပျံစွဲလမ်းသူကမ္ဘောဒီးယားအမျိူးသား

#ဂျက်လေယာဉ်အိမ်

#YangonMediaGroup

#LocalNews
Published_ 27 March 2023

ပြည်တွင်းမှာ ဆန်စပါးဈေးတွေမြင့်တက်လာလို့ ပြည်ပကိုဆန်နဲ့ဆန်ကွဲတွေတင်ပို့ရာမှာ ခွဲတမ်းအကန့်အသတ်စနစ် (Quota)နဲ့တင်ပို့ဖို့ရှိတယ်လို့ မြန်မာနိုင်ငံဆန်စပါးအသင်းချုပ်မှ သိရပါတယ်။

#YMG#Yangon_Media_Group

#LocalNews
Published_ 27 March 2023

မဟာသင်္ကြန်ကာလအတွင်း YRTC အောက်မှာရှိတဲ့ YBS ယာဉ်လိုင်းတွေထဲက လမ်းကြောင်းတူယာဉ်လိုင်းအချို့ ခေတ္တရပ်နားမှာဖြစ်ပေမယ့် ရန်ကုန်တိုင်းဒေသကြီးအတွင်း သွားလာနေတဲ့ခရီးသွားပြည်သူတွေ အခက်အခဲ မရှိအောင်စီစဉ်ထားတယ်လို့ YRTC ကသိရပါတယ်။

#YMG#Yangon_Media_Group

#Local_News
Published_ 27 March 2023

ဗန်းမော်ဆရာတော်ဘုရားကြီးဟာ ထိုင်းနိုင်ငံဘန်ကောက်မှာ (၁၄)ရက်ကြာကျန်းမာရေးစစ်ဆေးမှုနဲ့ဆေးကုသမှုခံယူနေတယ်လို သိရပါတယ်၊၊

#YMG#Yangon_Media_Group