#World_Business
Published 8 May 2023

အမေရိကန်ကွန်ဂရက်လွှတ်တော်အနေနဲ့ ကြွေးမြီကန့်သတ်ချက်ကိစ္စကို မဖြေရှင်းနိုင်ခြင်းကြောင့် ဖွဲ့စည်းပုံအခြေခံဥပဒေဆိုင်ရာအကျပ်အတည်း ဖြစ်စေနိုင်ပြီး ဖက်ဒရယ်အစိုးရရဲ့ ယုံကြည်စွာကြွေးမြီချေးယူနိုင်စွမ်းအပေါ် မေးခွန်းထုတ်စရာဖြစ်လာနိုင်တယ်လို့ အမေရိကန်ဘဏ္ဍာရေးဝန်ကြီး 'ဂျဲနတ်ယယ်လန်'က တနင်္ဂနွေနေ့မှာ ပြင်းထန်စွာသတိပေးထုတ်ပြန်လိုက်ပါတယ်။

ကြွေးမြီကန့်သတ်ချက်ကို ဇွန်လအစောပိုင်းအရောက်မှာ မမြှင့်တင်နိုင်ပါက ဘဏ္ဍာရေးဈေးကွက်မှာ အကျိုးဆက်များရှိလာနိုင်ပြီး ဖက်ဒရယ်အစိုးရအနေနဲ့ ပေးဆောင်စရာရှိသည်များကို ပေးနိုင်ဖွယ်မရှိကြောင်း သတိပေးခဲ့တာဖြစ်ပါတယ်။

အမေရိကန်ပြည်သူများရဲ့ ဦးခေါင်းကိုသေနတ်ဖြင့်ချိန်ထားသလိုမျိုး အဆိုပါကိစ္စနဲ့ပတ်သက်ပြီး စေ့စပ်ညှိနှိုင်းများမပြုလုပ်သင့်ကြောင်း ယယ်လန်က ABC program ကို ပြောကြားခဲ့ပါတယ်။

ဘယ်လိုအခြေအနေပဲဖြစ်ဖြစ် ကြွေးမြီကန့်သတ်ချက်ကို မြှင့်တင်ပေးရန် သမ္မတဘိုင်ဒင်က ကွန်ဂရက်လွှတ်တော်ကို တောင်းဆိုထားပါတယ်။

ရီပတ်ဘလစ်ကန်ဦးဆောင်တဲ့ အောက်လွှတ်တော်က ပြီးခဲ့တဲ့လက အစိုးရရဲ့ ၃၁.၄ ထရီလီယံကြွေးမြီကန့်သတ်ချက်ကို တိုးမြှင့်မယ့်ဥပဒေကြမ်းကို အတည်ပြုခဲ့ပေမယ့် လာမယ့်ဆယ်စုနှစ်အတွင်း အသုံးစရိတ်ဖြတ်တောက်မှုများပါ ထည့်သွင်းလာကာ ဘိုင်ဒင်နဲ့ ဒီမိုကရက်တစ်အဖွဲ့ဝင်များက ဆန့်ကျင်ထားကြပါတယ်။

ဒီကိစ္စနဲ့ပတ်သက်ပြီး တွေ့ဆုံဆွေးနွေးရန် ဘိုင်ဒင်က ရီပတ်ဘလစ်ကန်အောက်လွှတ်တော်ဥက္ကဌ 'ကီဗင်မက္ကာသီ'၊ ရီပတ်ဘလစ်ကန်အထက်လွှတ်တော်လူနည်းစုခေါင်းဆောင် 'မစ်ချ်မက်ကော်နယ်'၊ ထိပ်တန်းလွှတ်တော်ဒီမိုကရက်များနဲ့ အင်္ဂါနေ့၌ အိမ်ဖြူတော်မှာ တွေ့ဆုံဖို့ပြင်ဆင်နေပါတယ်။

"ဒါက ကွန်ဂရက်ရဲ့ အလုပ်တာဝန်ပါပဲ။ အဲဒါကို အောင်မြင်အောင်မလုပ်နိုင်ရင် စီးပွားရေးနဲ့ဘဏ္ဍာရေးဆိုင်ရာ ကပ်ဘေးကို ကိုယ်တိုင်ကြုံကြရလိမ့်မယ်" လို့ ယယ်လန်ကပြောကြားခဲ့ပါတယ်။

ကြွေးမြီကန့်သတ်ချက်တိုးမြှင့်ခြင်းနဲ့ပတ်သက်ပြီး ဘိုင်ဒင်က ညှိနှိုင်းမှာမဟုတ်ပေမယ့် ကန့်သတ်ချက်အသစ်ထုတ်ပြန်ပြီးနောက် အသုံးစရိတ်ဖြတ်တောက်မှုများဆွေးနွေးသွားမယ်လို့ အခိုင်အမာပြောကြားခဲ့ပါတယ်။

ကွန်ဂရက်က ကြွေးမြီကန့်သတ်ချက်တိုးမြှင့်မှုကို အခြားအသုံးစရိတ်သတ်မှတ်ချက်များ အတိုင်းအတာများနဲ့ မကြာခဏတွဲထားလေ့ရှိပါတယ်။

အမေရိကန်က အစိုးရချေးငွေအပေါ် ကန့်သတ်ချက်ပုံမှန်သတ်မှတ်ထားပါတယ်။

လက်ရှိမှာ ကန့်သတ်ချက်က နိုင်ငံနှစ်စဉ်စီးပွားရေးထွက်ကုန်ရဲ့ ၁၂၀ ရာခိုင်နှုန်းခန့် အကြမ်းဖျင်းရှိပါတယ်။

ကြွေးမြီများက ဇန်နဝါရီလမှာ ထိုကန့်သတ်ချက်သို့ရောက်ရှိခဲ့ပြီး ဘဏ္ဍာရေးဌာနက တာဝန်ဝတ္တရားများကို ကန့်သတ်ချက်အတွင်းမှာသာ ထားရှိခဲ့ပေမယ့် ဇူလိုင် ဒါမှမဟုတ် ဩဂုတ်လမှာ အမေရိကန်အနေနဲ့ ချေးယူခြင်းလုံးဝရပ်တန့်သွားနိုင်ပါတယ်။

အမေရိကန်ငွေချေးစာချုပ်တွေကို ကမ္ဘာ့ဘဏ္ဍာရေးစနစ်အတွက် အခိုင်မာဆုံး လုံခြုံစိတ်ချရဆုံး ရင်းနှီးမြှုပ်နှံမှုအဖြစ်သတ်မှတ်ထားကြပေမယ့် ရင်းနှီးမြှုပ်နှံသူများက ဒါတွေကိုမေးခွန်းထုတ်လာကြကာ ကမ္ဘာ့ဘဏ္ဍာရေးဈေးကွက်အတွင်း ရိုက်ခတ်မှုများ ဖြစ်ပေါ်လာနိုင်ပါတယ်။

အမေရိကန်ပြည်ထောင်စုရဲ့ စီးပွားရေးကို နှောင့်ယှက်စေမယ့် ကြွေးမြီအန္တရာယ်ကို ရှောင်ရှားနိုင်ဖို့ အမေရိကအနေနဲ့ ပေးချေစရာရှိတာတွေကို ပေးချေဖို့လိုအပ်ကြောင်း အထက်လွှတ်တော်ဒီမိုကရက်'ဟာကင်မ်ဂျက်ဖရီစ်'က ပြောကြားခဲ့ပါတယ်။

ကြွေးမြီပေးဆောင်ရန်ပျက်ကွက်ခြင်းဟာ အမေရိကန်အတွက် ကပ်ဘေးဖြစ်စေနိုင်ပြီး အတိုးနှုန်းများအပေါ် ဆိုးရွားစွာသက်ရောက်နိုင်တယ်လို့ ဘဏ္ဍာရေးလက်ထောက်ဝန်ကြီးက ပြောကြားခဲ့ပါတယ်။

Source: Reuters #World_Business #ဖွဲ့စည်းပုံအခြေခံဥပဒေဆိုင်ရာ ##အမေရိကန်ကြွေးမြီကိစ္စ မဖြေရှင်းနိုင် #YMG #Yangon_Media_Group

#World_Technology
Published 8 May 2023

တိရိစ္ဆာန်မှထုတ်လုပ်တာမျိုးမဟုတ်တဲ့ သားရေနဲ့ တာရှည်ခံနိုင်တဲ့ဖက်ရှင်တွေဟာ ရေပန်းစားလျက်ရှိပြီး ကမ္ဘာပေါ်မှာ သရက်သီးအများဆုံးထွက်ရှိရာ အိန္ဒိယက သရက်သီးသားရေဖြင့် ထုတ်လုပ်ဖို့ကြိုးစားနေပါတယ်။

အော်ဂဲနစ်ရင်းမြစ်များနဲ့ သဘာဝအတိုင်းပြိုကွဲနိုင်တဲ့ သားရေကဲ့သို့ပစ္စည်းတွေမှ ရရှိသွားမှာဖြစ်ပါတယ်။

ချန်နိုင်းရှိ CSIR-CLRI အဖွဲ့အစည်းမှ သိပ္ပံပညာရှင်များနဲ့ သုတေသီများက စပါးကောက်ရိုး၊ ဂျုံကောက်ရိုး၊ ကြံကောက်ရိုး၊ လိမ္မော်သီးအခွံ၊ ငှက်ပျောသီးအခွံတို့မှ ထွက်ရှိတဲ့ပစ္စည်းများနဲ့ စိုက်ပျိုးရေးထွက်ကုန်အများအပြားကို စမ်းသပ်ခဲ့ကြပါတယ်။

ခန့်မှန်းချက်များအရ သရက်သီးအများအပြားက ခူးဆွတ်ပြီးနောက်မှာ အရည်အသွေးမမီတာကြောင့် ပြုန်းတီးရာရောက်နေပြီး သရက်သီးမှအခွံတွေက အဓိကကုန်ကြမ်းဖြစ်နေပါတယ်လို့ CSIR-CLRI မှ သိပ္ပံပညာရှင်အကြီးအကဲ ဒေါက်တာ'ထနီကိုင်ဗေလန်'က ပြောကြားခဲ့ပါတယ်။

ထုတ်လုပ်မှုနည်းစနစ်ကတော့ သရက်သီးပျော့ဖတ်ကို သဘာဝအတိုင်းရရှိလာတဲ့ ပိုလီမာနဲ့ ပေါင်းထည့်ပြီး ရရှိလာတဲ့ပစ္စည်းကနေ အလွှာများပြုလုပ်ရပါတယ်။

CLRI အဖွဲ့က သရက်သီးအမျိုးအစားအားလုံးကနေ ထုတ်လုပ်မှုနည်းပညာအသစ်ကို အကောင်အထည်ဖော်ခဲ့ပြီး အိန္ဒိယတဝှမ်းမှထွက်ရှိတဲ့ သရက်သီးများဖြင့် ပြုလုပ်နိုင်ကြောင်း သက်သေပြခဲ့ပါတယ်။

သရက်သီးအခြေပြုပစ္စည်းတွေက တိရိစ္ဆာန်သားရေလိုမျိုး တာရှည်မခံနိုင်ပေမယ့် အားသာချက်အချို့လည်းရှိနေပါတယ်။

ဒီနည်းပညာကို စက်ယန္တရားဖြင့်ထုတ်လုပ်ပြီး ၃ ရက်အတွင်းထုတ်လုပ်နိုင်ပေမယ့် မူလသားရေပမာဏအတိုင်းထုတ်လုပ်ဖို့ကတော့ ၂ ပတ်ကျော်လိုအပ်ပါတယ်။

တိရိစ္ဆာန်သားရေထုတ်လုပ်ရာမှာ ရေနဲ့ အခြားဓာတုပစ္စည်းများ များစွာလိုအပ်ပေမယ့် သရက်သီးသားရေကတော့ အနည်းငယ်သာလိုအပ်ပါတယ်။

CLRI မှ သရက်သီးအခြေပြုပစ္စည်းထုတ်လုပ်တဲ့ နည်းပညာမူပိုင်ခွင့်အတွက် ဝယ်ယူထားပြီး မကြာမီ ခါးပတ်၊ ပိုက်ဆံအိတ်၊ ကျောက်မျက်သေတ္တာများ ထုတ်လုပ်ပေးနိုင်ရန် မျှော်လင့်ထားကြောင်း CLRI မှပြောကြားခဲ့ပါတယ်။

ဒါ့အပြင် CLRI က စပါးကောက်ရိုး၊ ဂျုံကောက်ရိုး၊ ကြံကောက်ရိုးတို့မှ သားရေကဲ့သို့ပစ္စည်းများ ထုတ်လုပ်ရန်နည်းပညာမူပိုင်ခွင့်ကိုလည်း တင်သွင်းခဲ့ပါတယ်။

Source: WION #သရက်သီးအခွံဖြင့်ထုတ်လုပ်
#YMG #Yangon_Media_Group

#World_Science
Published 8 May 2023

သန္ဓေသားတစ်ဦးရဲ့ ရှားပါးအခြေအနေတစ်ရပ်ကို ကုသရန်အတွက် ဗိုက်ထဲမှမမွေးရသေးတဲ့ကလေးကို ဆရာဝန်တွေက ဦးနှောက်ခွဲစိတ်မှုပြုလုပ်ခဲ့ရကာ ဆေးသိပ္ပံပညာအတွက် အပြောင်းအလဲတစ်ခုဖြစ်လာပါတယ်။

ဦးနှောက်ထဲကသွေးကြောများပုံမှန်မဟုတ်တဲ့ ရှားပါးအခြေအနေ (VOGM)ကို ကုသရန် သန္ဓေသားကို ခွဲစိတ်ခဲ့တာဖြစ်ပါတယ်။

ဒီအခြေအနေဟာ ဦးနှောက်ထဲရှိ သွေးလွှတ်ကြောများက သွေးကြောမျှင်များနဲ့ချိတ်ဆက်ရမယ့်အစား သွေးပြန်ကြောများကိုတိုက်ရိုက်ချိတ်ဆက်နေကာ သွေးစီးဆင်းမှုကိုနှောင့်နှေးစေတာဖြစ်ကြောင်း ဘော့စ်တွန်ကလေးဆေးရုံက ပြောကြားခဲ့ပါတယ်။

ကလေးမမွေးရသေးခင် သားအိမ်ထဲမှာ အာထရာဆောင်းအကူအညီဖြင့် ခွဲစိတ်မှုပြုလုပ်ခဲ့တာဖြစ်ပါတယ်။

ခွဲစိတ်မှုအပြီးမှာ မွေးဖွားပြီးဖြစ်လာနိုင်တဲ့အခြေအနေဆိုးတွေကို အပြီးတိုင်ကုသနိုင်ခဲ့တယ်လို့ Stroke ဂျာနယ်မှာ ဖော်ပြထားပါတယ်။

ရောဂါအခြေအနေဟာ နှလုံးနဲ့အဆုတ်ဆီကို သွေးတွေတဟုန်ထိုးတိုးဝင်စေပြီး ခန္ဓာကိုယ်အနှံ့သွေးရရှိစေရန် ပိုမိုကြာရှည်စွာလုပ်ဆောင်ရပါတယ်။

အချို့သောမွေးကင်းစကလေးတွေမှာ နှလုံးကြောင့် အခြားနေရာများမှာ သွေးပိတ်ဆို့ခြင်းဖြစ်ပေါ်စေနိုင်ပါတယ်။

ဒါ့အပြင် နှလုံးကနေအဆုတ်သို့သွားတဲ့ သွေးလွှတ်ကြောမှာ သွေးပေါင်ချိန် ဆောင့်တက်လာနိုင်ပါတယ်။

ဒီလိုအခြေအနေမျိုးဖြစ်တဲ့ ကလေး ၅၀ -၆၀ ရာခိုင်နှုန်းလောက်က ချက်ချင်းနေမကောင်းဖြစ်လာပြီး သေဆုံးနိုင်ချေ ၄၀ ရာခိုင်နှုန်းရှိတယ်လို့ ဘော့စ်တွန်ကလေးဆေးရုံမှ ဒေါက်တာ'ဒါရင်အော်ဘက်ခ်'က CNN ကိုပြောပြခဲ့ပါတယ်။

ကလေးက အခုဆိုရင် အလွန်အခြေအနေကောင်းမွန်နေပြီး ဇီဝကမ္မအချက်အလက်တွေအားလုံး သာမန်ဖြစ်နေပါပြီလို့ ကလေးအမေဖြစ်သူ 'ကင်ညက်တာကိုးလ်မန်း'က ပြောပြခဲ့ပါတယ်။

သန္ဓေသားသက်တမ်း ရက်သတ္တပတ် ၃၀ အကြာမှာ အာထရာဆောင်းဖြင့် ဒီအခြေအနေကိုတွေ့ရှိခဲ့ပြီး VOGM တွေ့ရှိပြီးနောက် ကလေးမှာနှလုံးကြီးနေတယ်လို့ ဆရာဝန်များက ပြောပြခဲ့ပါတယ်။

ကိုယ်ဝန်သက်တမ်း ၃၄ ပတ်မြောက်မှာ ခွဲစိတ်မှုပြုလုပ်ခဲ့တာဖြစ်ပါတယ်။

ခွဲစိတ်ပြီးနောက် ကလေးမွေးဖွားလာကာ အသက် ၃ ပတ်ရှိပြီဖြစ်တဲ့ကလေးဟာ နှလုံးသွေးကြောဆိုင်ရာ အထောက်အပံ့များ မလိုအပ်တော့ပါဘူး။

အာရုံကြောစစ်ဆေးမှုများလည်း ပုံမှန်ဖြစ်နေကာ MRI မှာလည်း အခြေအနေတိုးတက်ကြောင်း တွေ့ရှိခဲ့ပါတယ်။

#Source: India Today #World_Science #ဦးနှောက်ခွဲစိတ်မှုပြုလုပ်
#YMG #YMG #Yangon_Media_Group

Published 7 May 2023

ဘင်္ဂလားပင်လယ်အော်မှာ အားကောင်းတဲ့ ဆိုင်ကလုန်းမုန်တိုင်းဖြစ်နိုင်ပြီး မြန်မာနိုင်ငံဘက်ကို ဦးတည်နေပြီး နာဂစ်မုန်တိုင်းလို ပြင်းထန်မယ်လို့ ဆိုရှယ်မီဒီယာများတွင် ပြောဆိုနေမှုအပေါ်  နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ် ဇော်မင်းထွန်းက ရှင်းလင်းခဲ့ပါတယ်။ ဗိုလ်ချူပ်ဇော်မင်းထွန်းက သဘာဝဘေးအန္တရာယ် ကြိုတင်ကာကွယ်ရေးဆောင်ရွက်နေမှုတွေကိုလည်းပြောဆိုခဲ့ပါတယ်။

#ymg/knl

#YangonMediaGroup

#ဆိုင်ကလုန်းမုန်တိုင်း

#မြန်မာနိုင်ငံသဘာဝဘေးအန္တရာယ်ကြိုတင်ကာကွယ်ရေး

#TV Yangon Times Matters အစီအစဉ်
Published_ 7 May 2023

အစီအစဉ်တင်ဆင်သူ ဆရာဟိန်းလတ်က ကိုဆန်း (ဂီတမြို့)နှင့်အတူ

ညီအစ်ကိုတွေစုပြီး"ဂီတမြို့"ထူထောင်ဖြစ်တဲ့အကြောင်း

ဂီတမြို့မှာ ပန်းချီသင်တန်း၊ တူရိယာသင်တန်း၊ အဆိုသင်တန်း စသဖြင့် သင်ကြားပေးနေတဲ့အကြောင်း

ကိုဓီရာမိုရ်က မြန်မာသီချင်းတွေကိုစီးရီးလိုက်ရေးထားမယ်လို့ တစ်ခါမှမတွေးထားမိဖူးဘူး။ အခုဆို "ကျွန်မရုပ်ရည်ကိုယ်ပိုင်သံစဉ်သီချင်းများ" အခွေကိုသူဇာအောင်က သီဆိုပြီး မြန်မာနိုင်ငံတွင်မကဘဲ ဂျပန်နိုင်ငံတွင်ပါ ဖြန့်ချီပေးသွားမှာဖြစ်ကြောင်း"စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #ကိုဆန်း(ဂီတမြို့)
#YMG #Yangon_Media_Group

#Local_News
Published_ 7 May 2023

ရန်ကုန်တိုင်းမှာ ရေဘေး၊ မုန်တိုင်းအရှိန်သက်ရောက်မှုဘေးစတဲ့ သဘာဝဘေးတွေကြုံတွေ့ပါက ကူညီကယ်ဆယ်ရေးတွေဆောင်ရွက်နိုင်ဖို့ ကြိုတင်ပြင်ဆင်မှုတွေ ဆောင်ရွက်ထားဖို့ရှိတယ်လို့ရန်ကုန်မြို့ရှိလူမှုကူညီရေးအဖွဲ့တွေထံမှ သိရပါတယ်၊၊

#Local_News #ရန်ကုန်တိုင်း #သဘာဝဘေးအတွက်ကြိုတင်ပြင်ဆင်
#YMG #Yangon_Media_Group

#TV Yangon Times Matters အစီအစဉ်
Published_ 7 May 2023

အစီအစဉ်တင်ဆင်သူ ဆရာဟိန်းလတ်က ကိုဆန်း (ဂီတမြို့)နှင့်အတူ

ညီအစ်ကိုတွေစုပြီး"ဂီတမြို့"ထူထောင်ဖြစ်တဲ့အကြောင်း

ဂီတမြို့မှာ ပန်းချီသင်တန်း၊ တူရိယာသင်တန်း၊ အဆိုသင်တန်း စသဖြင့် သင်ကြားပေးနေတဲ့အကြောင်း

ကိုဓီရာမိုရ်က မြန်မာသီချင်းတွေကိုစီးရီးလိုက်ရေးထားမယ်လို့ တစ်ခါမှမတွေးထားမိဖူးဘူး။ အခုဆို "ကျွန်မရုပ်ရည်ကိုယ်ပိုင်သံစဉ်သီချင်းများ" အခွေကိုသူဇာအောင်က သီဆိုပြီး မြန်မာနိုင်ငံတွင်မကဘဲ ဂျပန်နိုင်ငံတွင်ပါ ဖြန့်ချီပေးသွားမှာဖြစ်ကြောင်း"စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #ကိုဆန်း(ဂီတမြို့)
#YMG #Yangon_Media_Group

#Local_News
Published_ 7 May 2023

ရန်ကုန်မှာ လျှပ်စစ်မီးခဏခဏပျက်တဲ့အတွက် မီးစက်အသုံးပြုသူတွေများလာပြီး မီးစက်ပြုပြင်ထိန်းသိမ်းရေး လုပ်ငန်းများ အလုပ်တွင်ကျယ်လာတယ်လို့ သိရပါတယ်။

#Local_News #ရန်ကုန် # မီးစက်ပြုပြင်ရေး
#YMG #Yangon_Media_Group

#Local_News
Published _7 April 2023

မြန်မာ- ထိုင်း- တရုတ်(၃)နိုင်ငံပူးပေါင်း၍တရားဥပဒေစိုးမိုးရေးလုစစ်ဆင်ရေးကာလအတွင်း ရန်ကုန်မှလားရှိုးသို့ လေကြောင်းလိုင်းဖြင့်သွားရောက်မည့် နိုင်ငံခြားသားများအား ခွင့်မပြုထားကြောင်းသိရသည်။

မြန်မာနိုင်ငံအတွင်း နိုင်ငံခြားသားများ တရားမဝင် ဝင်ရောက်လာပြီး Online Scam နှင့် Online Gambling တို့တွင် ပါဝင်ကျူးလွန်နေကြသဖြင့် ပုံရိပ်မထိခိုက်စေရေးကာကွယ်နိုင်ရန် မြန်မာ- ထိုင်း- တရုတ်(၃)နိုင်ငံပေါင်းစပ်ညှိနှိုင်း၍ တရားဥပဒေစိုးမိုးရေးလုပ်ငန်းများကို စစ်ဆင်ရေးကာလ သတ်မှတ်၍ ဆောင်ရွက်လျက်ရှိကြောင်း လေကြောင်း ရဲတပ်ဖွဲ့ခွဲမှူးရုံးက ထုတ်ပြန်ထားသည်။

ယင်းလုပ်ငန်းစဉ်များ စစ်ဆင်ရေးဆောင်ရွက်နေစဉ်ကာလအတွင်း မေလ ၆ ရက်ကစ၍ ရန်ကုန်မှ လားရှိုးသို့ လေကြောင်းလိုင်းဖြင့်သွားရောက်မည့် နိုင်ငံခြားသားများ (UN ဝန်ထမ်းများ၊ သံရုံးဝန်ထမ်းများ၊ INGQ ဝန်ထမ်းများမပါ )အား သွားခွင့်မပြုဘဲ စိစစ်ဟန့်တားသွားရန်နှင့် ရန်ကုန်-လားရှိုး လေကြောင်းလိုင်းဖြင့်လိုက်ပါမည့် နိုင်ငံခြားသား UN ဝန်ထမ်းများ၊ သံရုံးဝန်ထမ်းများ၊ INGO ၀န်ထမ်းများရှိပါက ၎င်းတို့၏အမည်စာရင်းအား တင်ပြသွားရန် ညွှန်ကြားထားကြောင်း သိရသည်။

လားရှိုး လေဆိပ်သို့ မေလ ၆ ရက်မှ စတင်၍ လေကြောင်းလိုင်းဖြင့်လိုက်ပါမည့် နိုင်ငံခြားသား (UN ဝန်ထမ်းများ၊ သံရုံးဝန်ထမ်းများ၊ INGO ဝန်ထမ်းများမပါ )တို့အား သွားခွင့်မပြုဘဲ စိစစ်ဟန့်တားသွားရန်နှင့် နိုင်ငံခြားသား UN ဝန်ထမ်းများ၊ သံရုံးဝန်ထမ်းများ၊ INGO ဝန်ထမ်းများ ရှိပါက၎င်းတို့၏ အမည်စာရင်းအား အချိန်နှင့်တစ်ပြေးညီတင်ပြသွားရန်တင်ပြသွားရန် အကြောင်းကြားထားကြောင်း သိရသည်။

#ymg/pl #Local_News #မြန်မာ- ထိုင်း- တရုတ် #လေကြောင်းလိုင်း #ရန်ကုန်မှလားရှိုး
#YMG #Yangon_Media_Group

#TV Yangon Times Matters အစီအစဉ်
Published_ 7 May 2023

အစီအစဉ်တင်ဆင်သူ ဆရာဟိန်းလတ်က ကိုဆန်း (ဂီတမြို့)နှင့်အတူ

ညီအစ်ကိုတွေစုပြီး"ဂီတမြို့"ထူထောင်ဖြစ်တဲ့အကြောင်း

ဂီတမြို့မှာ ပန်းချီသင်တန်း၊ တူရိယာသင်တန်း၊ အဆိုသင်တန်း စသဖြင့် သင်ကြားပေးနေတဲ့အကြောင်း

ကိုဓီရာမိုရ်က မြန်မာသီချင်းတွေကိုစီးရီးလိုက်ရေးထားမယ်လို့ တစ်ခါမှမတွေးထားမိဖူးဘူး။ အခုဆို "ကျွန်မရုပ်ရည်ကိုယ်ပိုင်သံစဉ်သီချင်းများ" အခွေကိုသူဇာအောင်က သီဆိုပြီး မြန်မာနိုင်ငံတွင်မကဘဲ ဂျပန်နိုင်ငံတွင်ပါ ဖြန့်ချီပေးသွားမှာဖြစ်ကြောင်း"စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #ကိုဆန်း(ဂီတမြို့)
#YMG #Yangon_Media_Group

#Local_News
Published_ 7 May 2023

ရန်ကုန်တိုင်းဒေသကြီး ဒဂုံ(တောင်ပိုင်း) မြို့နယ် အောင်မြင့်မိုရ်အိမ်ရာနှင့် ကျောက်တန်းမြို့နယ် သီလဝါအိမ်ရာရှိ တန်ဖိုးနည်း၊ တန်ဖိုးသင့်အိမ်ခန်း ၂၀၄ ခန်းကို မေလ ၉ ရက်တွင် မဲနှိုက်ရွေးချယ်ပေးမည်ဖြစ်ကြောင်း မြို့ပြနှင့်အိမ်ရာ ဖွံ့ဖြိုးရေးဦးစီးဌာန၏ ထုတ်ပြန်ချက်တွင် ဖော်ပြထားသည်။

အဆိုပါတန်ဖိုးနည်း၊ တန်ဖိုးသင့် အိမ်ခန်းများကို ဝယ်ယူလိုသူများ အနေဖြင့် ဆောက်လုပ်ရေး၊ အိမ်ရာနှင့် အခြေခံ အဆောက်အအုံ ဖွံ့ဖြိုးရေးဘဏ် (CHID Bank) တွင် အိမ်ရာစုဆောင်းငွေ ငွေကျပ် သိန်း ၃၀ နှင့် အထက်ရှိရန်လိုကြောင်းနှင့် ယခု မဲနှိုက်ဝယ်ယူနိုင်မည့် သူများမှာ CHID Bankတွင် ၂၀၂၃ ခုနှစ် ဒီဇင်ဘာလ ၃၁ ရက်အထိ အိမ်ရာစုဆောင်းငွေ ငွေကျပ် သိန်း ၃၀ အထက် စုဆောင်းထားသူ ၂၇၈၈ ဦးထဲမှ စာရင်းပါဝင်သူများဖြစ်ကြောင်း သိရသည်။

လက်ရှိတွင် ဝယ်ယူရန် စာရင်းပေးထားသူ ၆၉၉ ဦးရှိပြီး ၎င်းတို့ကို မေ ၉ ရက်တွင် ရန်ကုန်မြို့ မြို့ပြနှင့်အိမ်ရာ ဖွံ့ဖြိုးရေးဦးစီးဌာန (ရန်ကုန်တိုင်းဒေသကြီးရုံး) စုဝေးခန်းမ၌ မဲနှိုက်ရွေးချယ်မည်ဖြစ်ကြောင်း၊ကိုဗစ်-၁၉ ရောဂါစည်းကမ်းချက်များနှင့်အညီ လူစုလူဝေးမဖြစ်စေရန် ဆောင်ရွက်မည်ဖြစ်ကြောင်းနှင့် အဆိုပါမဲနှိုက်ရွေးချယ်မှုတွင် တန်ဖိုးနည်း၊ တန်ဖိုးသင့်အိမ်ခန်းကို ရောင်းချပေးမည်ဖြစ်ကြောင်း သိရသည်။

#ymg/pl #Local_News #အိမ်ခန်းပေါင်း ၂၀၀ ကျော် #မဲနှိုက်ရွေးချယ်
#YMG #Yangon_Media_Group

#Local_News
Published_ 7 May 2023

အကယ်ဒမီပေးပွဲမှအပြန်ဇာတ်ပို့သရုပ်ဆောင်တစ်ဦးရာသီဥတုကြောင့်ကားပေါ်၌ကွယ်လွန်သွားကြောင်း မြန်မာနိုင်ငံရုပ်ရှင်အစည်းအရုံးမှသိရသည်၊၊

ကွယ်လွန်သူသည် ဇာတ်ပို့သရုပ်ဆောင် ဦးအောင်သာဖြစ်ပြီး ကွယ်လွန်ချိန်မှာ အသက် (၆၈)နှစ်ရှိပြီဖြစ်သည်ဟုဆိုသည်၊၊

"ရာသီဥတုကြောင့်ပါ၊၊ နေကတအားပြင်းတယ်၊၊ သူက အသက်ကြီးပြီးကျန်းမာရေးမကောင်းဘူး၊၊ကျွန်တော်တို့က ကားတန်းနဲ့ထွက်ရတာ၊၊ ကားတန်းမှာလူတွေ စစ်နေတုန်း မူးပြီးလဲကျသွားတာ၊၊ ကွယ်လွန်သွားတာ၊၊ မနက်(၈)နာရီခွဲမှာဆုံးသွားပါတယ်"ဟု မြန်မာနိုင်ငံရုပ်ရှင်အစည်းအရုံးမှတာဝန်ရှိသူတစ်ဦးက YMG ကို အတည်ပြုပြောသည်၊၊

ကွယ်လွန်သွားသည့် ဇာတ်ပို့သရုပ်ဆောင် ဦးအောင်သာကို နေပြည်တော်ကုတင်၁၀၀၀ဆံ့ဆေးရုံကြီးကို ပို့ဆောင်ပေးခဲ့ကြောင်းနှင့်မိသားစုဝင်များကို ဆက်သွယ်ပေးထားပြီဖြစ်ပြီး မိသားစုဝင်များနေပြည်တော်ကိုလိုက်လာပြီး နေပြည်တော်တွင်သဂြိုဟ်သွားမည်ဖြစ်ကြောင်းသိရသည်၊၊

လတ်တလောတွင်နေ့အပူချိန်များပြင်းနေပြီး သက်ကြီးရွယ်အိုနှင့်နာမကျန်းဖြစ်သူများ အပူကြောင့် အသက်ဆုံးရှုံးခြင်း၊ သတိလစ်ခြင်းများအဖြစ်များနေကြောင်းသိရသည်၊၊

#ymg/tthl #Local_News #အကယ်ဒမီပေးပွဲမှအပြန် #ဇာတ်ပို့သရုပ်ဆောင်တစ်ဦး
#YMG #Yangon_Media_Group