Published 2 April 2023

အိန္ဒိယနိုင်ငံ ကူးသန်းရောင်းဝယ်ရေးနှင့် စက်မှုဝန်ကြီးဌာနက ၂၀၂၃ခုနှစ်အတွက် နိုင်ငံခြားကုန်သွယ်ရေးမူဝါဒအသစ်ကို ထုတ်ပြန်ခဲ့ရာ ရူပီးအခြေခံကုန်သွယ်ရေးကို နိုင်ငံတကာအသွင်ပြုလုပ်ရေးကို အဆိုပါမူဝါဒအသစ်မှာ အသားပေးထားခဲ့ ပါတယ်။ အိန္ဒိယရဲ့ ကုန်သွယ်ရေးမူဝါဒအသစ်၂၀၂၃ အသစ်ရဲ့ အဓိကအချက်အလက်တွေကို ကောက်နှုတ်ဖော်ပြအပ် ပါတယ်။

-အိန္ဒိယနိုင်ငံ ကူးသန်းရောင်းဝယ်ရေးနှင့်စက်မှုဝန်ကြီး ပီယတ်ဂိုယယ်က က မတ်၃၁ရက်နေ့မှာ ၂၀၂၃-၂၀၂၈ ငါးနှစ်တာ နိုင်ငံခြားကုန်သွယ်ရေးမူဝါဒအသစ်ကို ကြေညာခဲ့ပါတယ်။

- ယခုနိုင်ငံခြားကုန်သွယ်ရေးမူဝါဒအသစ်မှာ ရူပီးဖြင့်ကုန်သွယ်မှုကို နိုင်ငံတကာသုံးပြုလုပ်ရေးကို အဓိက အသားပေးထား ပါတယ်။

-အိန္ဒိယရဲ့ ကုန်ပစ္ဏည်းတွေနှင့် ဝန်ဆောင်မှုတွေကို ပြည်ပပို့ကုန်တိုးမြှင့်ဆောင်ရွက်ဖို့ မူဝါဒကရည်ရွယ်ထားပြီး ၂၀၂၃ခုနှစ် ဧပြီလ(၁)ရက်ကစပြီး မူဝါဒအသစ်ဟာ အကျုံးဝင်ပါတယ်။ ၂၀၃၀ အရောက်မှာ အိန္ဒိယရဲ့ကုန်စည်နှင့်ဝန်ဆောင်မှုတန်ဖိုး ဟာ အမေရိကန်ဒေါ်လာ ၂ ထရီလီယံရှိလာမယ်လို့မျှော်မှန်းထားပါတယ်။

-မူဝါဒအသစ်အရ အိန္ဒိယရဲ့ အီလက်ထရွန်းနစ်ကူးသန်းရောင်းဝယ်ရေး e-commerce တွေတိုးတက်လာဖို့ရှိပြီး ၂၀၂၃ခုနှစ်  မှာ အမေရိကန်ဒေါ်လာ ၂၀၀ဘီလျံမှ ၃၀၀ဘီလျံအထိရှိနေမယ်လို့ ခန့်မှန်းတွက်ချက်ထားပါတယ်။

-နိုင်ငံခြားကုန်သွယ်မှုမဟာဗျူဟာအသစ်အောက်မှာ နို့ထွက်ပစ္စည်းတွေကို ပျှမ်းမျှပို့ကုန်လိုက်နာရန်အချက်များကနေ ကင်းလွတ်ခွင့်ပြုထားပြီး အထည်ချုပ်လုပ်ငန်းတွေအတွက် အထူးခွင့်ပြုချက်အစီအစဉ်ကို တိုးပေးထားပါတယ်။

-ဖာရီဒါဘက်၊မိုရာဒါဘက်၊မီယာဇာပါနှင့် ဗာရာဏသီတို့ကို ပို့ကုန်ဒေသအသစ်တွေအဖြစ် သတ်မှတ်လိုက်ပါတယ်။

-အဲဒီအပြင် ကုန်သွယ်မှုခွင့်ပြုချက်တွေအတွက် အလိုအလျောက်စနစ်တွေနှင့်ခွင့်ပြုဖို့ပါဝင်နေပြီး အသေးစားနှင့် အလတ်စား လုပ်ငန်းတွေ အစိုးရရဲ့ အထောက်အပံ့ အသေအချာရရှိစေဖို့ အစီအမံတွေလည်းပါဝင်ပါတယ်။

Source:India_Today

#YangonMediaGroup

#အိန္ဒိယနိုင်ငံခြားကုန်သွယ်မှုမူဝါဒ၂၀၂၃

#ရူပီးကုန်သွယ်မှုနိုင်ငံတကာပြုလုပ်ရေး

#အိန္ဒိယစီးပွားကုန်သွယ်ရေး

#local_news
Published_ 2 April 2023

မကွေးမြို့အနီး အကောင်အထည်ဖော်ဆောင်ရွက်နေသည့် နေရောင်ခြည်စွမ်းအင်နှင့်သဘာဝဓာတ်ငွေ့အင်ဂျင် ပေါင်းစပ်သုံး(Solar+Gas Engine Hybrid) စက်ရုံကိုဒီဇင်ဘာလတွင် ၁၂၀ မဂ္ဂါဝပ်ထုတ်လုပ်နိုင်ရေး ဆောင်ရွက်လျက်ရှိကြောင်း သိရပါတယ်။

လျှပ်စစ်စွမ်းအားဝန်ကြီးဌာနဝန်ကြီး ဦးသောင်းဟန်သည် မကွေးတိုင်းဒေသကြီးဝန်ကြီးများ၊ ဌာနဆိုင်ရာ တာဝန်ရှိသူများနှင့်အတူ မကွေးမြို့အနီးရှိ ၁၂၀ မဂ္ဂါဝပ်ထုတ်လုပ်နိုင်သည့် နေရောင်ခြည်စွမ်းအင်နှင့် သဘာဝဓာတ်ငွေ့အင်ဂျင်ပေါင်းစပ်သုံး (Solar+Gas Engine Hybrid)ဓာတ်အားပေးစက်ရုံ စီမံကိန်းလုပ်ငန်း ဆောင်ရွက်နေမှုအား သွားရောက်ကြည့်ရှုစစ်ဆေးခဲ့ကြောင်း သိရပါတယ်။

မကွေးမြို့အနီးရှိ ၁၂၀ မဂ္ဂါဝပ်ထုတ်လုပ်နိုင်သည့် ဓာတ်အားပေးစက်ရုံစီမံကိန်းသို့ ရောက်ရှိရာ ကုမ္ပဏီတာဝန်ရှိသူများက စီမံကိန်းဆိုင်ရာအချက်အလက်များနှင့် စီမံကိန်းလုပ်ငန်းများ ဆောင်ရွက်နေမှုအခြေအနေတို့ကို ရှင်းလင်းတင်ပြကြပါတယ်။

တင်ပြမှုများအပေါ် ဝန်ကြီးကသတ်မှတ်ရက်များတွင် လျှပ်စစ်ဓာတ်အားထုတ်လုပ်နိုင်ရမည်ဖြစ်သော်လည်း အကြောင်းအမျိုးမျိုးကြောင့် နောက်ကျနေသည်များရှိ၍ ယခုတွင်တည်ဆောက်ရေးလုပ်ငန်းများ စတင်နေပြီဖြစ်ပြီး ထပ်မံသတ်မှတ်ထားသည့်ရက်များတွင် လျှပ်စစ်မီးထုတ်လုပ်နိုင်ရန် လိုအပ်တယ်လို့ ဆိုပါတယ်။

ယင်းသို့ထုတ်လုပ်နိုင်ရန်အတွက် ရောက်ရန်ကျန် စက်ပစ္စည်းများကိုလည်း အမြန်ဆုံးရောက်ရှိအောင်ဆောင်ရွက်ဖို့ တိုက်တွန်းပြောကြားပါတယ်။

ထို့နောက် စီမံကိန်းလုပ်ငန်းခွင်အတွင်း မြေပြုပြင်ခြင်းလုပ်ငန်းဆောင်ရွက်နေမှု၊ Engine Foundation လုပ်ငန်းများဆောင်ရွက်နေမှု၊ ဓာတ်အားပေးစက်များရောက်ရှိနေမှု၊ Construction Power တည်ဆောက်ခြင်းလုပ်ငန်းဆောင်ရွက်ပြီးစီးမှု၊ ခြံစည်းရိုးကာရံခြင်းလုပ်ငန်းဆောင်ရွက်နေမှုနှင့် စီမံကိန်းအဝင်လမ်း တည်ဆောက်ခြင်းလုပ်ငန်း ဆောင်ရွက်ပြီးစီးမှုအခြေအနေတို့အား ကြည့်ရှုစစ်ဆေးခဲ့ပါတယ်။

အဆိုပါ ၁၂၀ မဂ္ဂါဝပ်ထုတ်လုပ်နိုင်သည့် နေရောင်ခြည်စွမ်းအင်နှင့် သဘာဝဓာတ်ငွေ့ အင်ဂျင်ပေါင်းစပ် သုံး (Solar+Gas Engine Hybrid) ဓာတ်အားပေးစက်ရုံစီမံကိန်းသည် မကွေးတိုင်းဒေသကြီး မကွေး မြို့နယ် သပြေစမ်းကျေးရွာအနီးရှိမြေဧရိယာ ဧက ၄၉၀ ပေါ်တွင် တည်ဆောက်လျက်ရှိပြီး စက်တပ်ဆင်အင်အားမှာ ၁၂၀ မဂ္ဂါဝပ်ဖြစ်ပါတယ်။

စီမံကိန်းတစ်ခုလုံး ပြီးစီးပါက ထွက်ရှိလာမည့် ဓာတ်အားများကို ၁၃၂ ကေဗွီ မကွေးပင်မဓာတ်အားခွဲရုံမှတစ်ဆင့် နိုင်ငံတော် ဓာတ်အားစနစ်သို့ ချိတ်ဆက်ပို့လွှတ်ဖြန့်ဖြူးသွား မှာဖြစ်ပါတယ်။

မကွေးတိုင်းဒေသကြီး၌ နေရောင်ခြည်စွမ်းအင်သုံး လျှပ်စစ်ဓာတ်အားများ ထပ်မံထုတ်လုပ်နိုင်ရန် စီမံဆောင်ရွက်လျက်ရှိကြောင်း သတင်းရရှိပါတယ်။

ymg_mnn
#မကွေးမြို့ #နေရောင်ခြည်စွမ်းအင်နှင့်သဘာဝဓာတ်ငွေ့အင်ဂျင် #ဓာတ်အားပေးစက်ရုံစီမံကိန်း
#YMG #Yangon_Media_Group

 #World_Health
Published 2 April 2023

လူတွေက မနက်ထထချင်းမှာ ခက်ခက်ခဲခဲနိုးထကြရပြီး ဒါဟာ ပြောင်းလဲဖို့ခက်ခဲတာတော့ မဟုတ်ပါဘူး။

သုတေသီတို့က ခန္ဓာကိုယ်အတွက် ကောင်းတဲ့အရာတွေနဲ့ မကောင်းတဲ့အရာတွေကို လေ့လာဖော်ပြခဲ့ကြပါတယ်။

သာယာလှပနိုးကြားတဲ့ မနက်ခင်းပိုင်ဆိုင်နိုင်ဖို့ ရှောင်ရှားသင့်တဲ့ အချက် ၇ ချက်ကိုဖော်ပြလိုက်ပါတယ်။

(၁) နိုးစက်အချိန်ဆွဲခြင်း မလုပ်ပါနှင့်
နှိုးစက်မြည်တဲ့အချိန်မှာ ချက်ချင်းထဖို့ခက်ခဲတာကြောင့် အချိန်ဆွဲတဲ့ခလုတ်ကို နှိပ်ကြလေ့ရှိပါတယ်။

နိုးစက်မြည်တဲ့အသံ နောက်ဆုတ်လိုက်တိုင်း အိပ်စက်ခြင်းစက်ဝန်းအသစ် ပြန်ရောက်သွားပြီး နောက်မိနစ်အနည်းငယ်ကျရင် ထပ်မံပျက်ပြယ်သွားမှာဖြစ်ပါတယ်။

(၂) မနက်ကော်ဖီသောက်ပြီးမှ သွားတိုက်တာမျိုးမလုပ်ပါနှင့်
အချို့တွေက ကော်ဖီနဲ့ မနက်စာစားပြီးမှ သွားတိုက်တာမျိုးလုပ်တတ်ပေမယ့် ဆိုးကျိုးကပိုများနေပါတယ်။

စားပြီးမှသွားတိုက်တဲ့အခါ သကြားဓာတ်တွေက သွားတွေကိုပွတ်တိုက်မိပြီး ကြွေလွှာကိုထိခိုက်စေပါတယ်။

(၃) မနက်ပိုင်းရေမချိုးပါနှင့်
မနက်ပိုင်းမှာ ရေနွေးနဲ့ချိုးတဲ့အခါ ကြွက်သားတွေကိုပြေလျော့စေတာကြောင့် နိုးကြားဖို့နဲ့ ခန္ဓာကိုယ်စွမ်းအားမြှင့်တင်ဖို့ ခက်ခဲသွားမှာဖြစ်ပါတယ်။

ရေအေးဖြင့်ချိုးခြင်းက ခန္ဓာကိုယ်ကို အားအင်ပေးပြီး အာရုံတွေနိုးကြားစေတယ်ဆိုတာတော့ အငြင်းပွားနေရဆဲပါ။

(၄) အမှောင်ထဲမနေပါနှင့်
လူတွေရဲ့ ဇီဝစက်ဝန်းဟာ အလင်းထိတွေ့ခြင်းနဲ့ ဆက်စပ်နေပါတယ်။

မနက်ခင်းရဲ့သဘာဝအလင်းရောင်က အိပ်စက်ခြင်းကိုကူညီပေးတဲ့ မယ်လာတိုနင်ဟော်မုန်းထွက်ရှိမှုကို ရပ်တန့်ပေးပါတယ်။

ညဘက်မှာ လိုက်ကာတွေဖွင့်ထားခြင်းဖြင့် မနက်ရောက်တဲ့အခါ နေရောင်ဝင်ရောက်လာပြီး အလွယ်တကူနိုးစေမှာဖြစ်ပါတယ်။

(၅) ဖုန်းနိုတီများမကြည့်ပါနှင့်
မနက်မျက်လုံးဖွင့်တဲ့အချိန်မှာ ဖုန်းထဲက ဖေ့စ်ဘွတ်ခ်၊ WhatsApp ၊ အီးမေးလ်နိုတီများ ဝင်ကြည့်တဲ့အခါကျ မကောင်းတဲ့ခံစားချက်တွေကိုသာ ဖြစ်စေမှာပါ။

ဒါ့အပြင် သတင်းအကြောင်းအရာတစ်ခုခု လွတ်သွားမှာကိုစိုးရိမ်တဲ့ အခြေအနေကလည်း စိတ်ဖိစီးမှုကို ဖြစ်စေပါတယ်။

(၆) အစားအသောက်တစ်မျိုးတည်းကိုပဲ စွဲမြဲမနေပါနှင့်
တစ်နေ့တာရဲ့အစမှာ ကွတ်ကီး၊ ကိတ်၊ ချောကလက်၊ ပရိုတိန်း၊ ကာဗိုဟိုက်ဒရိုက်များက နောက်ပိုင်းမှာ အချိုစားချင်စိတ်ကို ကာကွယ်ပေးပါတယ်။

(၇) နောက်ဆုံးမိနစ်ရောက်မှမထပါနှင့်
မနက်တိုင်းမှာ အိပ်ရာထရတော့မလား ထပ်အိပ်ရမလားဆိုတာ အမြဲဒွိဟဖြစ်ကြပါတယ်။

အိမ်ကနေမထွက်ခင် တစ်နာရီအလိုမှာအိပ်ရာထပြီး ကော်ဖီအေးဆေးသောက်၊ သတင်းဖတ်ခြင်းတို့ပြုလုပ်သင့်ပါတယ်။

နောက်ကျမှထရတယ်ဆိုရင် ခန္ဓာကိုယ်ကို ပင်ပန်းစေသလို စိတ်အာရုံထွေပြားစေပါတယ်။

Source: The Jerusalem Post
#မနက်အိပ်ရာထချိန် #သတိပြုရှောင်ရှားသင့်သည့်အလေ့အထ(၇)မျိုး
#YMG#Yangon_Media_Group

Published 2 April 2023

မြောက်ကိုရီးယားခေါင်းဆောင်က နိုင်ငံရဲ့ နျူကလီးယားလက်နက်ခဲယမ်းစုကိုတိုးချဲ့ဖို့အတွက် လောင်စာဗုံး Bomb Fuel တွေ ထုတ်လုပ်မှုတိုးမြှင့် ဖို့အမိန့်ပေးပြီးနောက် မြောက်ကိုရီးယားရဲ့ အဓိက နျူကလီးယားလုပ်ငန်းခွင်မှာ လှုပ်ရှားမှုတွေ မြင့်တက်လာတာကို ဂြိုဟ်တုရုပ်ပုံတွေမှာ မြင်တွေ့လာနေရတယ်လို့ အမေရိကန်ရဲ့ ဉာဏ်ကြီးရှင်အဖွဲ့တစ်ဖွဲ့က ဧပြီ(၁)ရက်နေ့က သတင်းထုတ်ပြန်ပါတယ်။

ဝါရှင်တန်အခြေစိုက် “၃၈မြောက်” မြောက်ကိုရီးယားစောင့်ကြည့်ရေးစီမံချက်က ပြောကြားရာမှာ သူတို့ဟာ မတ်လ(၃)ရက်မှ (၁၇)ရက်အထိရရှိတဲ့ ဂြိုဟ်တုပုံရိပ်တွေကိုအခြေခံပြီး အဲဒီလှုပ်ရှားမှုတွေကိုခြေရာခံမိတယ်လို့ ဆိုပါတယ်။ ယွန်ဗြောင်လုပ်ငန်းခွင်ထဲမှာ စမ်းသပ် အပေါ့စား ရေသုံး နျူကလီးယားဓာတ်ပေါင်းဖိုတစ်ခုလို့ ညွှန်းဆိုနေပြီး လုပ်ငန်းက ပြီးစီးလုရှိနေကာ စတင်အသုံးပြုဖို့ အကူးအပြောင်းအဆင့်ရောက်နေပြီလို့ သူတို့ကပြောပါတယ်။

ယွန်ဗြောင်လုပ်ငန်းခွင်ထဲမှာ ၅ မဂ္ဂဝပ်နျူကလီးယားဓာတ်ပေါင်းဖိုတစ်ခုကို ဂြိုဟ်တုပုံရိပ်တစ်ခုကပြသနေပြီး ဆက်လက် လည်ပတ်နေပါတယ်။ အဆိုပါ ဓာတ်ပေါင်းဖိုအနီးတစ်ဝိုက်မှာ အထောက်အကူပြု အဆောက်အအုံတွေတည်ဆောက်နေ တာလည်းတွေ့ရပါတယ်။အဲဒီအပြင် ဓာတ်ပေါင်းဖိုရဲ့ အအေးခံစနစ်ကနေထွက်လာတဲ့ ရေတွေကိုလည်းပုံမှာတွေ့ရတယ် လို့ အဆိုပါအဖွဲ့ကပြောပါတယ်။ယွန်ဗြောင် ယူနေရနီယမ်သန့်စင်စက်ရုံအနီတစ်ဝိုက်မှာ ဆောက်လုပ်ရေးအသစ်တွေ စတင်နေတာတွေ့ရပြီး ဒါဟာ ယင်းရဲ့ စွမ်းရည်ကိုမြှင့်တင်တာဖြစ်နိုင်တယ်လို့ဆိုပါတယ်။

“ ဒါဟာ မြောက်ကိုရီးယားရဲ့ နျူကလီးယားလက်နက်စု ထုတ်လုပ်မှုတိုးချဲ့ဖို့ နိုင်ငံရဲ့ နျူကလီးယားဆိုင်ရာ ပစ္စည်းတွေ တိုးမြှင့်ဖို့ မကြာသေးမီက ကင်ဂျုန်အမ်က ညွှန်ကြားခဲ့ပြီးနောက်   ဒီလိုလုပ်ဆောင်မှုတွေမြင်တွေ့လာရတာဖြစ်တယ်” လို့  အမေရိကန်အဖွဲ့ရဲ့ အစီရင်ခံစာမှာဖော်ပြထားပါတယ်။

ပြီးခဲ့တဲ့ အင်္ဂါနေ့ကလည်း မြောက်ကိုးရီးယားဟာ တောင်ကိုရီးယားနှင့် အမေရိကန်ပြည်ထောင်စုတို့ရဲ့ စစ်ရေးလေ့ကျင့် ခန်းတွေအရှိန်မြှင့်တင်လာတာကို ရှုတ်ချပြီးနောက် သူတို့ရဲ့ နျူကလီးယားထိပ်ဖူး အငယ်စား အသစ်တစ်မျိုးကို ထုတ်ပြခဲ့ ပါတယ်။ ပြီးတော့ လက်နက်စုကိုတိုးချဲ့ဖို့ နျူကလီးယားလက်နက်တွေတိုးထုတ်ဖို့ သန္နိဋ္ဌာန်ချဆောင်ရွက်နေကြတာ  ဖြစ်ပါတယ်။

Source: Reuters

#မြောက်ကိုရီးယားခေါင်းဆောင်ကင်မ်

#မြောက်ကိုရီးယား_နျူကလီးယားလက်နက်ထုတ်လုပ်ရေးမြှင့်တင်

#တောင်ကိုရီးယား_အမေရိကန်_စစ်ရေးလေ့ကျင့်မှုတိုးမြှင့်

#YangonMediaGroup

 #local_news
Published_ 2 April 2023

လက်ရှိတွင် စားသုံးဆီလက်ကျန် တန်ချိန် ၃ သောင်းကျော်ရှိပြီး ဧပြီလအတွင်း တန်ချိန် ၄ သောင်းခွဲကျော် ထပ်မံရောက်ရှိမည်ဖြစ်ကြောင်း မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်းမှ သိရပါတယ်။

သင်္ကြန်ကာလ၌ လက်ကျန်စားသုံးဆီ တန် ၃၀၀၀၀ ရှိပြီး သင်္ကြန်မတိုင်မီမှာ သင်္ဘောရှစ်စင်းနဲ့ တန်ချိန် ၃၅၀၀၀ ခန့် ထပ်မံရောက်ရှိမည်ဖြစ်၍ စုစုပေါင်း တန်ချိန် ၆၅၀၀၀ ရှိမည်ဖြစ်ကာ၊ သင်္ကြန်အပြီး၌ တန်ချိန် ၁ သောင်းကျော်ရှိ သင်္ဘောနှစ်စင်း ထပ်မံရောက်ရှိမည်ဖြစ်ကာ အားလုံးပေါင်း တန်ချိန် ၇သောင်းခွဲကျော် ရှိမှာဖြစ်ပါတယ်။

ဧပြီလ၌ သင်္ကြန်ကာလအခါကြီးရက်ကြီးတွေမှာ အလှူအတန်းများပြား၍ စားသုံးသူတွေကို အလုံအလောက် စားသုံးနိုင်ရန်အတွက် တင်သွင်းထားခြင်းဖြစ်တယ်လို့ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းမှ သိရပါတယ်။

စားသုံးဆီတင်သွင်းမှုပိုင်းတွင်စားသုံးဆီကို ပြည်သူတွေအတွက် ကျန်းမာရေးနဲ့ညီညွတ်တဲ့ စားသုံးဆီဖြစ်စေရေး၊ စားသုံးသူများထံကို သင့်တင့်မျှတတဲ့ဈေးနှုန်းနဲ့ ရောင်းချနိုင်ဖို့နှင့် ဆီဖူလုံမှုရှိအောင် ဆောင်ရွက်နေတယ်လို့ ဆိုပါတယ်။

လက်ရှိအချိန်တွင် စားသုံးဆီလက်ကျန် တန်ချိန် ၃ သောင်းကျော်ခန့် ရှိပြီး သင်္ကြန်မတိုင်မီ ဆီတင်သင်္ဘောကြီးရှစ်စင်းဖြင့် ဆီတန်ချိန် ၃ သောင်းခွဲ ထပ်ရောက်မည်ဖြစ်ပြီး သင်္ကြန်ကာလပြီးလျှင်လည်း ဆီသင်္ဘောကြီးနှစ်စင်းဖြင့် ဆီတန်ချိန် ၁ သောင်းကျော် ထပ်မံရောက်ရှိလာမည်ဖြစ်ရာ စုစုပေါင်းဧပြီကာလအတွင်း ဆီတန်ချိန် ၇ သောင်း ၆ ထောင်ခန့်ရှိဖြစ်ကြောင်း မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းမှ သိရပါတယ်။

ymg_mnn
#စားသုံးဆီ # မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်း
#YMG #Yangon_Media_Group

#World_Science
Published 2 April 2023

ပြင်သစ်ဒီဇိုင်နာတစ်ဦးက ဥက္ကာခဲအစစ်ဖြင့်ပြုလုပ်ထားတဲ့ လက်ကိုင်အိတ်တစ်ခုကို ထုတ်လုပ်ရောင်းချလိုက်ပါတယ်။

Mini Meteorite Swipe Bag အိတ်ဟာ ပဲရစ်ဖက်ရှင် Coperni မှဖန်တီးတာဖြစ်ပြီး ယူရိုငွေ ၃၅,၀၀၀ ကျသင့်မှာဖြစ်ပါတယ်။

လွန်ခဲ့တဲ့နှစ်ပေါင်း ၅၅,၀၀၀ ခန့်က ကမ္ဘာပေါ်ကိုကျလာတဲ့ လကျောက်နဲ့ အစေးတွေကနေ ကန့်သတ်အရေအတွက်ဖြင့် ထုတ်လုပ်ထားပါတယ်။

ထိပ်ကနေ အောက်အထိ ၉ လက်မရှိကာ ရှေးဟောင်းသုတေသနပညာ၊ ဒီဇိုင်း၊ ဂန္တဝင်အနုပညာတို့ဖြင့် သိမ်မွေ့စွာပေါင်းစပ်ထားတာဖြစ်ပါတယ်။

ဒီအမှတ်တံဆိပ်ကုမ္ပဏီကနေပဲ ဖန်အကြည်ဖြင့်လုပ်ထားတဲ့ ဒေါ်လာ ၂,၈၀၀ တန်လက်ဆွဲအိတ်လည်း ရောင်းချထားပြီးဖြစ်ရာ အထဲမှာဘာပါလဲဆိုတာကို မြင်နေရပါတယ်။

ရောင်းချတဲ့တစ်အိတ်ချင်းစီက အနည်းငယ်ကွဲပြားပြီး အသိအမှတ်ပြုခံထားရပါတယ်။

တစ်ခုချင်းစီက လက်နဲ့အသေအချာပြုလုပ်ထားတာဖြစ်ပြီး ပုံထဲကနဲ့ အနည်းငယ်ကွဲပြားနိုင်ပါတယ်။

ဒီလက်ဆွဲအိတ်နဲ့ပတ်သက်ပြီး အွန်လိုင်းပေါ်မှာ အကောင်းရောအဆိုးရော မှတ်ချက်ပေးနေကြပါတယ်။

ကျောက်နဲ့လုပ်ထားတာဖြစ်ပေမယ့် အလေးချိန် ၃.၉ ပေါင်သာရှိကာ သာမန်လက်ဆွဲအိတ်ထက် ပိုပေါ့ပါးပါတယ်။

အဆိုပါရှားပါးလကျောက်ကို အီတလီမှာ လက်လုပ်ဖန်တီးပြီး Semar အီတလီစက်ရုံကထုတ်လုပ်တဲ့အိတ်နဲ့ ပူးပေါင်းထားတာဖြစ်ပါတယ်။

Coperni က ထိုကျောက်ကို ဘယ်လိုရရှိသလဲဆိုတာ မသိကြပါဘူး။

ပြတိုက်တစ်ခုခု ဒါမှမဟုတ် ပစ္စည်းစုဆောင်းသူဆီက ဝယ်ထားတာဖြစ်နိုင်တယ်လို့လည်း သိရပါတယ်။

ဥက္ကာခဲဟာ အာကာသကရောက်လာတဲ့ အာကာသကျောက်တုံးမှ အစအနဖြစ်ပါတယ်။

ဒီအိတ်ကိုဝယ်ယူနိုင်လောက်တဲ့ သူတွေအတွက် နောက်အပတ်ကစပြီး မှာယူမှုကို လက်ခံတော့မှာဖြစ်ပါတယ်။
Source: Daily Mail
#ဥက္ကာခဲ #လက်ဆွဲအိတ်အား #ပြင်သစ်ဒီဇိုင်နာ
#YMG#Yangon_Media_Group

#Local_News
Published-2 April 2023

မြန်မာနိုင်ငံ၌ အိမ်ရှင်အဖြစ်လက်ခံကျင်းပမည့် ၂၀၂၄ ပါရီအိုလံပစ် အမျိုးသမီးဘောလုံးပြိုင်ပွဲ အာရှဇုန် ခြေစစ်ပွဲ ပထမအဆင့် အုပ်စု(ခ)တွင် အိမ်ရှင်မြန်မာ၊ အီရန်၊ ဘင်္ဂလားဒေ့ရှ်၊ မော်လ်ဒိုက်စ်တို့ ကျရောက်ခဲ့ပြီး ဘင်္ဂလားဒေ့ရှ်၊ မော်လ်ဒိုက်စ်အသင်းတို့ ပြိုင်ပွဲမှ နုတ်ထွက်ခဲ့သည့်အတွက် အိမ်ရှင်မြန်မာအသင်းနှင့် အီရန်အသင်း (၂)သင်းသာ ဆက်လက်ယှဉ်ပြိုင်ရမည်ဖြစ်ကြောင်း မြန်မာနိုင်ငံဘောလုံးအဖွဲ့ချုပ်က သိရသည်။

အာရှဘောလုံးအဖွဲ့ချုပ်မှ ဘင်္ဂလားဒေ့ရှ်၊ မော်လ်ဒိုက်စ်အသင်းတို့၏ နုတ်ထွက်မှုကို လက်ခံခဲ့ပြီးနောက် အသစ်ပြန်လည် ရေးဆွဲခဲ့သည့် ပွဲစဉ်ဇယားကို ပြန်လည်ပြုပြင်ရေးဆွဲမှုအရ မြန်မာအသင်းနှင့် အီရန်အသင်းတို့ အိမ်ကွင်း၊ အဝေးကွင်းစနစ်ဖြင့် (၂)ပွဲ ယှဉ်ပြိုင်ရမည်ဖြစ်ပြီး အဆိုပါပွဲစဉ် (၂)ပွဲလုံးကို မြန်မာနိုင်ငံတွင်သာ ယှဉ်ပြိုင်ကစားမည်ဖြစ်ကြောင်း သိရသည်။

မြန်မာအသင်းနှင့်အီရန်အသင်းတို့သည် ဧပြီလ (၅)ရက်နှင့် (၈)ရက်၊ မြန်မာ စံတော်ချိန်ညနေ (၄)နာရီ အချိန် သုဝဏ္ဏဘောလုံးကွင်း၌ ယှဉ်ပြိုင်ကစားမည်ဖြစ်ပြီး နှစ်ပွဲပေါင်း ရမှတ်အများဆုံးရရှိသည့်အသင်းအနေဖြင့်၂၀၂၄ ပါရီအိုလံပစ် အမျိုးသမီးဘောလုံးပြိုင်ပွဲ အာရှဇုန်ခြေစစ်ပွဲ ဒုတိယအဆင့်သို့ တက်ရောက်ခွင့်ရရှိမည်ဖြစ်ကြောင်း သိရသည်။

ယင်းတွင် အကယ်၍ ၂ပွဲကစားပြီး ရမှတ်တူခဲ့ပါက ဧပြီလ ၈ ရက်ယှဉ်ပြိုင်မည့်ပွဲစဉ်အပြီး အချိန်ပို ၃၀ မိနစ် ဆက်လက်ကစားမည်ဖြစ်ကာ ပွဲကစားချိန်အတွင်း အနိုင်အရှုံးရလဒ်မပေါ်ခဲ့ပါက ပင်နယ်တီ အဆုံးအဖြတ် ဆက်လက်ခံယူရမည်ဖြစ်ကြောင်း သိရသည်။

ymg/mt
#ပါရီအိုလံပစ် #အမျိုးသမီးဘောလုံးပြိုင်ပွဲ #အာရှဇုန်ခြေစစ်ပွဲ #မြန်မာနှင့်အီရန်
#YMG #Yangon_Media_Group

#Local_News
Published-1 April 2023

ဂျပန်ကုမ္ပဏီ (၂၈၀)ကျော်​က မြန်မာအလုပ်သမားဦး​ရေ (၈၀၀)​ကျော်​ ခေါ်ယူမည်ဖြစ်ကြောင်း ဂျပန်​နိုင်​ငံ၊ တိုကျိုမြို့ရှိ မြန်မာသံရုံးက မတ်​လ ၃၁ ရက်​​တွင်​ ထုတ်ပြန်​လိုက်​သည်​။

အဆိုပါထုတ်ပြန်ချက်အရ မြန်မာသံရုံး၊ တိုကျိုမြို့အနေဖြင့် အလုပ်သမားဝန်ကြီးဌာနက နိုင်ငံခြားရေးဝန်ကြီးဌာနမှတစ်ဆင့် ပေးပို့လာသည့် အလုပ်ကမ်းလှမ်းစာ (Demand Letter) များကို အချိန်နှင့်တစ်ပြေးညီ စိစစ်ဆောင်ရွက်ပေးလျက်ရှိကြောင်း သိရသည်​။

ထိုသို့ စိစစ်ဆောင်ရွက်ရာတွင် ဂျပန်နိုင်ငံရှိ အလုပ်သမားကြီးကြပ်ရေးကုမ္ပဏီနှင့် အလုပ်ခေါ်ယူသည့် စက်ရုံ/ ကုမ္ပဏီများသည် ဂျပန်နိုင်ငံတွင် တရားဝင်တည်ထောင်ထားခြင်း ရှိ/ မရှိ စာရွက်စာတမ်း အထောက်အထားများ စိစစ်ပြီး စိစစ်တွေ့ရှိချက် များ၊ သဘောထားမှတ်ချက် များကို နိုင်ငံခြားရေးဝန်ကြီးဌာနမှတစ်ဆင့် အလုပ်သမားဝန်ကြီးဌာနသို့ ပြန်လည်ပေးပို့လျက်ရှိကြောင်း သိရသည်။

မြန်မာသံရုံး၊ တိုကျိုမြို့မှ (၂၀၂၃) ခုနှစ်၊ ​မတ်​လ (၁၆) ရက်​နေ့မှ ​မတ်​လ (၃၁) ရက်​​နေ့အတွင်း စိစစ်ပြီး နိုင်ငံခြားရေးဝန်ကြီးဌာနသို့ ပေးပို့ပြန်ကြားခဲ့သည့် အလုပ်ကမ်းလှမ်းစာ (၂၈၄) ခုနှင့် ပတ်သက်သည့် အချက်အလက် များအား အသိပေးအကြောင်းကြားအပ်ပါသည်​ဟု ပါရှိပြီး
အဆိုပါထုတ်​ပြန်​ချက်​အရ ဂျပန်ကုမ္ပဏီ (၂၈၄)ခုက မြန်မာအလုပ်သမား အမျိုးသား (၃၀၀)​​ကျော်​၊ အမျိုးသမီး(၄၀၀)​ကျော်​၊ စုစု​ပေါင်း ဦး​ရေ(၈၀၀)​ကျော်​ ခေါ်ယူမည်ဖြစ်ကြောင်း သိရသည်။

မတ်​လ (၁) ရက်​မှ ​မတ်​လ (၁၅) ရက်​​နေ့အတွင်းကလည်း နိုင်ငံခြားရေးဝန်ကြီးဌာနသို့ စိစစ်ပေးပို့ပြန်ကြားခဲ့​သော အလုပ်ကမ်းလှမ်းစာ (၂၀၆) ခုတွင် မြန်မာအလုပ်သမား အမျိုးသား၊ အမျိုးသမီး စုစုပေါင်း ဦး​ရေ (၈၀၀)​​ကျော်​ ခေါ်ယူမည်ဖြစ်ကြောင်း မြန်မာသံရုံး၊ တိုကျိုမြို့က ထုတ်ပြန်ခဲ့သည်​။

#ymg/mt
#ဂျပန်ကုမ္ပဏီ(၂၈၀)​ကျော်​ #မြန်မာအလုပ်သမား(၈၀၀)​ကျော်​
#YMG #Yangon_Media_Group

#Local_News
Published-1 April 2023

ရခိုင်ပြည်နယ်အတွင်းရှိ လေယာဉ်ကွင်းများ ကို အဆင့်မြှင့်တင်ရန် ဆောင်ရွက်လျက်ရှိကြောင်း နိုင်ငံတော်စီမံအုပ်ချုပ်ရေးကောင်စီကသိရသည်။

အဆိုပါလေယာဉ်ကွင်းများ အဆင့်မြှင့်တင်ရန် လုပ်ဆောင်နေသည်ကို နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က ဧပြီလ ၁ ရက်တွင် ကြည့်ရှုစစ်ဆေးခဲ့ကြောင်း သိရသည်။

ယင်းအဆင့်မြှင့်မည့် လေယာဉ်ကွင်းများဖြစ်သော စစ်တွေ၊ ကျောက်ဖြူနှင့် သံတွဲလေယာဉ်ကွင်းများ၏ သမိုင်းအကျဉ်းနှင့် လေယာဉ်ကွင်းဆိုင်ရာ အချက်အလက်များ၊ လေယာဉ်များဆင်းသက်နိုင်မှု၊ လေဆိပ် ဆိုင်ရာအချက်အလက်များ၊ လေဆိပ်အထောက်အကူပြုစက်ကိရိယာများနှင့် လေကြောင်းဆက်သွယ်ရေးစက်များတပ်ဆင်ထားမှု၊ လုံခြုံရေးစက်ပစ္စည်းများတပ်ဆင်ထားရှိမှု၊ လေယာဉ်ပြေးလမ်းများနှင့် လေဆိပ်များ တိုးချဲ့တည်ဆောက်ခြင်းနှင့် အဆင့်မြှင့်တင်မှု လုပ်ငန်းများ အဆင့်လိုက်ဆောင်ရွက်နိုင်ရေး ဆက်လက်ဆောင်ရွက်သွားမည့် အခြေအနေများကို နိုင်ငံတော်စီမံအုပ်ချုပ်ရေးကောင်စီဥက္ကဋ္ဌထံ သက်ဆိုင်ရာဌာနများအနေဖြင့် တင်ပြကြကြောင်းလည်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

နစကဥက္ကဌက လေယာဉ်ကွင်းများတိုးချဲ့ခြင်းနှင့် အဆင့်မြှင့်တင်မှုများဆောင် ရွက်ရာတွင် လေယာဉ်ပြေးလမ်းများကို ရေရှည်အတွက် မျှော်တွေးပြီး စနစ်တကျတွက်ချက် ဆောင်ရွက်ရန်လိုကြောင်း၊ လေယာဉ်ပြေးလမ်းများ တိုးချဲ့အဆင့်မြှင့်တင်ရာတွင် သတ်မှတ်စံချိန်စံညွှန်းနှင့် ကိုက်ညီမှုရှိစေရန် ၊ လေယာဉ်ရပ်နားရန်နေရာများ တည်ဆောက်ရာတွင်လည်း စနစ်တကျတည်ဆောက်ရန်လိုကြောင်းပြောကြားခဲ့သည်။

ယင်းအပြင် ကျောက်ဖြူရေနက်ဆိပ်ကမ်းမှာနောင်အချိန်တွင် ဆိပ်ကမ်းစက်မှုလုပ်ငန်းများတိုးတက်လာပြီး ကုန်သွယ်မှုများပါ မြင့်တက်လာနိုင်ခြင်းကြောင့် နိုင်ငံခြားခရီးသွားများလည်း ပိုမိုဝင်ရောက်လာနိုင်ပြီး ကုန်တင်လေယာဉ်ကြီးများပါ ဝင်ရောက်လာနိုင်သဖြင့် လေယာဉ်ပြေးလမ်းတိုးချဲ့ရာ၌ ၎င်းအတွက်လည်း မျှော်မှန်းဆောင်ရွက်သွားရန်လည်း နစက ဥက္ကဌကဆိုသည်။

စစ်တွေလေယာဉ်ကွင်းမှာ ပြည်နယ်၏မြို့တော်ကွင်းဖြစ်သောကြောင့် A-320 ၊ B-737 စသည့် လေယာဉ်များ ဆင်းသက်နိုင်မည့် လေယာဉ်ပြေးလမ်းတိုးချဲ့ ခြင်းနှင့် လေဆိပ်တိုးချဲ့အဆင့်မြှင့်တင် ဆောင်ရွက်ခြင်းကို အဆင့်လိုက်ဦးစားပေးအနေဖြင့် ဆောင်ရွက်ရန်၊သံတွဲလေယာဉ်ကွင်းသည်လည်း ပြည်တွင်း၊ ပြည်ပခရီးသွားများဝင်ရောက်မှုများပြားသည့်အတွက် ဂျက်လေယာဉ်များ ဆင်းသက်နိုင်သည်အထိ မြှင့်တင်ဆောင်ရွက်ရန်လည်း နစက ဥက္ကဌကပြောကြားခဲ့ကြောင်း သိရသည်။

ymg/mt
#ရခိုင်ပြည်နယ် #လေယာဉ်ကွင်းများအဆင့်မြှင့်တင်
#YMG #Yangon_Media_Group

#Local_News
Published-1 April 2023

စစ်တွေမြို့ဘိုးဘွားရိပ်သာမှ သက်ကြီးဘိုးဘွားများအား နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် နှင့် ဇနီး ဒေါ်ကြူကြူလှ တို့နှင့်အဖွဲ့က ယနေ့ ဧပြီလ ၁ ရက်တွင် ရခိုင်ပြည်နယ်၊ စစ်တွေမြို့ရှိ ဘိုးဘွားရိပ်သာမှ သက်ကြီးဘိုးဘွားများအတွက် အာဟာ ရဖြည့်စားသောက်ဖွယ်ရာများနှင့် အသုံးအဆောင်ပစ္စည်းများ ပေးအပ်လှူဒါန်းခဲ့ကြကြောင်း သိရသည်။

ယင်း ဘိုးဘွားရိပ်သာအတွက် အလှူရှင်များက လှူဒါန်း လျက်ရှိသကဲ့သို့ နိုင်ငံတော်မှလည်း နှစ်စဉ် ထောက်ပံ့လှူဒါန်းပေးလျက်ရှိကြောင်း ၊ ဘိုးဘွား ရိပ်သာတွင် ဂိလာန အဆောင်တစ်ဆောင် ဆောက်လုပ်ပေးရန် လိုအပ်လျက် ရှိသည့်အပေါ် နစက ဥက္ကဌအား ရခိုင်ပြည်နယ် အစိုးရအဖွဲ့က တင်ပြခဲ့ကြောင်း သိရသည်။

အဆိုပါ ရခိုင်ပြည်နယ် ဘိုးဘွားရိပ်သာကို ၁၉၈၄ ခုနှစ်တွင် သင်္ဂနက် ကျေးရွာ၌ စတင်ဖွင့်လှစ်ခဲ့ကာ ၁၉၉၇ ခုနှစ်တွင် စစ်တွေမြို့၊ မေယုလမ်း၊ ဓညဝတီ(က) ရပ်ကွက်သို့ ပြောင်းရွှေ့ဖွင့်လှစ်ခဲ့ခြင်းဖြစ်ကြောင်း၊ ရိပ်သာတွင် အဘိုး ၉ ဦး၊ အဘွား ၃၂ ဦး တို့ကို ပြုစုစောင့်ရှောက်ပေးလျက်ရှိပြီး အသက်အကြီးဆုံး အဘွားမှာ ၉၃ နှစ်ဖြစ်ပြီး အသက်အကြီးဆုံး အဘိုးမှာ ၈၆ နှစ်ဖြစ်ကြောင်း နှင့် ဘိုးဘွားများ၏ စားသောက် နေထိုင်ရေး၊ ကျန်းမာရေး၊ လူမှုရေး ဆိုင်ရာစောင့်ရှောက်မှုများကို ဆောင်ရွက်ပေးလျက် ရှိကြောင်း သိရသည်။

ymg/mt
#စစ်တွေမြို့ဘိုးဘွားရိပ်သာ #သက်ကြီးဘိုးဘွား #အာဟာရဖြည့်စားသောက်ဖွယ်ရာများ #ပစ္စည်းများလှူဒါန်း
# YMG #Yangon_Media_Group

#Local_News
Published_ 1 April 2023

ပို့ကုန်ရငွေမူဝါဒအသစ်ကြောင့်နယ်စပ်ကုန်သွယ်ရေးလမ်းကြောင်းကဆန်နှင့်ဆန်ကွဲတင်ပို့မှုအခုမတ်လဆန်းပိုင်းမှစတင်ကာလျော့ကျလာတယ်လို နယ်စပ်ကုန်သည်တွေထံမှ သိရပါတယ်။

# ပို့ကုန်ရငွေ #မူဝါဒအသစ် #နယ်စပ်ကုန်သွယ်ရေးလမ်းကြောင်း #ဆန်နှင့်ဆန်ကွဲတင်ပိုမှု #YMG#Yangon_Media_Group

#Local_News
Published_1 April 2023

စစ်ကိုင်းတိုင်းဒေသကြီး၊ ကန့်ဘလူမြို့နယ်အတွင်း သေနတ်ဖြင့်ဝင်ပစ်ကာ နေအိမ်များမီးရှို့ခံရ ၊ အရပ်သား ၉ ဦး သေဆုံးပြီးအိမ်အလုံး ၇၀ မီးလောင်ပျက်စီးခဲ့ကြောင်း နစက သတင်းထုတ်ပြန်ရေးအဖွဲ့က သိရသည်။

မတ်လ ၃၀ ရက် ည ၁၀ နာရီခန့် က နစက ဆန့်ကျင် အဖွဲ့က အဆိုပါ ကျေးရွာ၏အနောက်တောင်ဘက်မှ ဝင်ရောက်ကာ သေနတ်များဖြင့် ပစ်ခတ်ခြင်း၊နေအိမ်များကို မီးရှို့ ဖျက်ဆီးခြင်းများ ပြုလုပ်သောကြောင့် ကျေးရွာနေ အရပ်သား ၉ ဦးတို့ကျည်ထိမှန်ဒဏ်ရာ၊ မီးလောင်ဒဏ်ရာများဖြင့် သေဆုံးခဲ့ကြောင်းနှင့် နေအိမ် ၇၀ လုံး၊ နွားတင်းကုပ် ၃၁ လုံးတို့ မီးလောင်ပျက်စီးဆုံးရှုံး ခဲ့ကြောင်း သိရသည်။

ယခုအခါ ဖြစ်စဉ်တွင် ပါဝင်ခဲ့သည့် ကျူးလွန်သူများကို ဖမ်းဆီးအရေးယူနိုင်ရေးနှင့် နယ်မြေဒေသတည်ငြိမ်အေးချမ်း ရေးအတွက် လုံခြုံရေးတပ်ဖွဲ့ဝင်များက လိုအပ်သည့် လုံခြုံရေးလုပ်ငန်းစဉ်များနှင့်အညီ ဆက်လက် ဆောင်ရွက်လျက်ရှိကြောင်း သိရသည်။

ymg/mt
#ကန့်ဘလူမြို့နယ် #နေအိမ်များမီးရှို့ခံရ #အလုံး ၇၀ မီးလောင်ပျက်စီး
# YMG #Yangon_Media_Group