#World_Health
Published 6 July 2023

ရေချိုးရင်း သွားတိုက်တဲ့အလေ့အကျင့်က တကယ်တမ်းတော့ ကျန်းမာရေးပြဿနာများ ဖြစ်စေနိုင်တယ်လို့ အင်္ဂလန်မှ သွားနှင့်ခံတွင်းဆိုင်ရာ ညွှန်ကြားရေးမှူး ဒေါက်တာ'ပေယယ်ဘယ်လာ'က မကြာသေးမီက ရှင်းပြသွားပါတယ်။

ပထမဆုံးပြဿနာကတော့ ဘေစင်ရေပိုက်ခေါင်းမှ ထွက်တဲ့ရေအပူချိန်ထက် ရေချိုးခန်းထဲကရေက သိသိသာသာ ပိုနွေးနိုင်တာကြောင့်ပါ။

ဒါဟာ သွားတိုက်တံရဲ့ အမွှေးအမျှင်များကို ပျော့ပျောင်းစေပြီး သွားကိုသန့်ရှင်းတဲ့နေရာမှာ ထိရောက်မှုလျော့ပါးစေပါတယ်။

အီလက်ထရစ်သွားတိုက်တံ အများစုဟာ ရေစိုခံကြပေမယ့် ပစ္စည်းစနစ်နဲ့ အမွှေးအမျှင်တွေကို ထိခိုက်စေနိုင်တာကြောင့် ရေထဲထည့်ထားတာမျိုးတော့ မလုပ်သင့်ကြောင်း ဆိုပါတယ်။

သွားတွေနဲ့ ခန္ဓာကိုယ်အစိတ်အပိုင်းတွေအတွက် ထိုရေကိုပဲအသုံးပြုမယ်ဆိုပါက ရောဂါပိုးမွှားတွေ ပါးစပ်ထဲသို့ ရောက်ရှိစေနိုင်ပြီး ကိုယ်ခံအားစနစ်ကို ထိခိုက်စေကာ နာမကျန်းဖြစ်စေနိုင်ပါတယ်။

ရေချိုးပိုက်ခေါင်းမှာ ဘက်တီးရီးယားတွေ ပေါက်ဖွားနေနိုင်ပြီး ထိုရေချိုးပိုက်ခေါင်းအောက်မှာ သွားတိုက်မယ်ဆိုရင် ပါးစပ်ထဲကို ဘက်တီးရီးယားတွေ ရောက်ရှိလာနိုင်ပါတယ်။

သွားတိုက်ဆေးတွေ ရေချိုးခန်းကြမ်းပြင်ပေါ် ဖိတ်ကျတဲ့အခါမှာလည်း ချော်လဲပြီး ဒဏ်ရာရတတ်ပါတယ်။
ရေချိုးခန်းထဲမှာ စိုစွတ်မှုရှိနေပြီး ဘက်တီးရီးယားများ ပေါက်ဖွားနိုင်တာကြောင့် သွားတိုက်တံကို ရေချိုးခန်းထဲမှာ မထားမိဖို့ အရေးကြီးကြောင်းလည်း ဘယ်လာက အကြံပြုလိုက်ပါတယ်။

ရေချိုးခန်းထဲမှာပဲ သွားတိုက်တာရော ရေချိုးတာရော အကုန်လုံးပေါင်းလုပ်လိုက်ရင် ရေချွေတာရာ ရောက်တယ်လို့ မယူဆသင့်ဖို့လည်း လိုအပ်ပါတယ်။

ရေချွေတာရန် ပိုမိုထိရောက်တဲ့ နည်းလမ်းကတော့ သွားတိုက်နေစဉ် ဘေစင်ပိုက်ခေါင်းကို ပိတ်ထားဖို့ကြောင်း အကြံပြုသွားပါတယ်။

Source: NY Post #World_Health #ရေချိုးရင်းသွားမတိုက်သင့်သည့်အကြောင်းအရင်း
#Yangon_Time #YMG

တရုတ်-အမေရိကန် အဆိုတော်နှင့်သီချင်းရေးဆရာမ ကိုကိုလီ Coco Lee ဟာ ပြီးခဲ့တဲ့ ရုံးပိတ်ရက်မှာ ကိုယ့်ကိုကိုယ် သေကြောင်းကြံခဲ့ပြီးနောက် ဇူလိုင် ၅ရက် ဗုဒ္ဓဟူးနေ့မှာ သေဆုံးသွားပြီလို့ သူမရဲ့မိသားစုကပြောပါတယ်။

အင်စတာဂရမ်မှာ မစ်လီရဲ့ ညီမတွေဖြစ်တဲ့ နန်စီနှင့်ကာရိုလီတို့က ပို့စ်တင်ရေးသားရာမှာ အသက် ၄၈နှစ်အရွယ် ရှိပြီဖြစ်တဲ့ ကိုကိုလီဟာ လွန်ခဲ့တဲ့ နှစ်အနည်းငယ်အတွင်း စိတ်ကျရောဂါခံစားနေရပြီး တနင်္ဂနွေနေ့တုန်းက ကိုယ့်ကိုကိုယ် သေကြောင်းကြံခဲ့တာဖြစ်တယ်လို့ ဖော်ပြထားပါတယ်။

“ သူမကို ဆေးရုံက အတတ်နိုင်ဆုံး ကိုမာဖြစ်သွားတာကို ကုသ ကယ်တင်ဖို့ကြိုးစားခဲ့ကြပေမယ့် နောက်ဆုံးမှာ ဇူလိုင် ၅ရက်နေ့မှာ သူမကွယ်လွန်သွားပါပြီ” လို့ သူတို့ကရေးသားထားပါတယ်။

ကိုကိုလီဟာ ၁၉၉၀ဝန်းကျင်ကစပြီး သူမရဲ့ အနုပညာအလုပ်ကို ဟောင်ကောင်မှာစတင်ခဲ့ပါတယ်။ အဲဒီနောက် ပထမဆုံး အင်္ဂလိပ်ဘာသာဖြင့် သီဆိုတဲ့ သူမရဲ့အယ်ဘမ်ဟာ အမေရိကန်ထိပ်တန်းဇယားထဲ ဝင်ခဲ့ပါတယ်။

သူမဟာ မရေမတွက်နိုင်တဲ့ ရောင်းအကောင်းဆုံးသီချင်းတော်တော်များများကို သီဆိုခဲ့ပါတယ်လို့ သူမရဲ့ညီမတွေက ပြောပါတယ်။

“ ကိုကိုဟာ နိုင်ငံတကာ ဂီတမြင်ကွင်းမှာ တရုတ်အဆိုတော်တွေအတွက် ကမ္ဘာသစ်တစ်ခုဖွင့်လှစ်နိုင်ဖို့ မမောမပန်းနိုင် အလုပ်လုပ်ပေးခဲ့ပါတယ်” လို့သူတို့ကပြောပါတယ်။

အလွန်တော်ပြီးထူးချွန်တဲ့ အစ်မတစ်ယောက်ဖြစ်တဲ့ သူမကအတွက် ကျွန်မတို့ ဂုဏ်ယူနေပါတယ်လို့ သူတို့က ဆက်ပြောပါတယ်။

Source: CNA

#CoColee_dies

#CoColee

တရုတ်နိုင်ငံရဲ့ သန်း ၂၀ မြောက် စွမ်းအင်သစ်ယာဉ်ကို တရုတ်တောင်ပိုင်း ကွမ်တုံပြည်နယ်မြို့တော် ကွမ်ကျိုးမှာ တနင်္လာနေ့က ထုတ်လုပ်လိုက်ပြီဖြစ်ပြီး တိုင်းပြည်ရဲ့ စွမ်းအင်သစ်ယာဉ်ကဏ္ဍမှာ မှတ်ကျောက်တစ်ခု ဖြစ်လာပါတယ်။

#Asia_Development
Published 5 July 2023
#စွမ်းအင်သစ်ယာဉ်ထုတ်လုပ်မှုအစီးရေသန်း(၂၀)ပြည့်
#Yangon_Time #YMG

#Daily_News
Published_ 5 July 2023

၁။ မိုးရာသီဖြစ်သော်လည်းစီးပွားရေးကိစ္စဖြင့်လာရောက်သည့် တရုတ်ခရီးသွားဝင်ရောက်မှုတိုးနေ

၂။ ရွှေတိဂုံနယ်မြေစိမ်းလန်းစိုပြေစေရန် အပင်ပေါင်း (၃၀၀)ခန့်ထပ်မံစိုက်ပျိုး

၃။ အာဆီယံအမျိုးသမီး ယူ-၁၉ ချန်ပီယံရှစ် ပြိုင်ပွဲအတွက်  မြန်မာဒိုင်လူကြီးလေးဦး တာဝန်ပေးအပ်ခံရ

၄။ တရုတ်နိုင်ငံမှ စွမ်းအင်သစ်ယာဉ်ထုတ်လုပ်မှု အစီးရေသန်း(၂၀)ပြည့်မြောက်ခဲ့ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Time #Daily_News #YMG

‘လက်ရှိအချိန်မှာတော့ အလှူငွေရံပုံငွေက ကျပ်သိန်း(၅၀၀)ကျော်ရရှိခဲ့ပြီဖြစ်ပေမယ့်လည်း အလှူငွေပမာဏမပြည့်သေးလိုအကူအညီထပ်မံအကူအညီတောင်းခံတာပါ’အကျဉ်းကျခံနေရသည့်
သင်္ဘောသားရန်နောင်ဖြိုး၏မိခင်
#Local_News
Published 5 July 2023
#အကျဉ်းကျခံနေသည့်မြန်မာသင်္ဘောသားနှစ်ဦး
#tthl #Yangon_Time #YMG

မြန်မာစာ (၇၆ )မှတ်၊ သင်္ချာ (၉၇)မှတ်၊ ဓာတုဗေဒ(၉၅)မှတ်၊ ရူပဗေဒ(၉၅)မှတ်၊ဇီဝဗေဒ(၉၈)မှတ်တို့ အသီးသီးရရှိ

#Local_News
Published 5 July 2023
#ငါးဘာသာဂုဏ်ထူးရှင်ကျောင်းသား
YMG/my #Yangon_Time #YMG

ဒိုင်ကြီးကြပ်အဖြစ် ဦးလှမင်း၊ ကွင်းလယ်ဒိုင်လူကြီးအဖြစ် ဒေါ်ဇင်မာဦး၊ အကူဒိုင်လူကြီးများအဖြစ် ဒေါ်ဂေးပလောင်နဲ့ ဒေါ်ဝင့်ဝါထွန်းတို့ဖြစ်

#Local_News
Published 5 July 2023
#အာဆီယံအမျိုးသမီးယူ-၁၉
Ymg/myn #Yangon_Time #YMG

#Local_News
Published -5 July 2023

မွန်ပြည်နယ်၊ ပေါင်မြို့နယ်၊ ရင်းငြိမ်တောင်ကျေးရွာတွင် ထင်းတင်ကုန်တင်ကား ရထားလမ်းကူး မောင်းတံကို ဝင်တိုက်ပြီးခဲ့ပြီး ယာဉ်မောင်းဖြစ်သူ ထိခိုက်ဒဏ်ရာရရှိခဲ့ကြောင်း ဒေသခံများထံက သိရသည်။

ဇူလိုင် ၅ ရက် နေ့လယ် ၁၂ နာရီအချိန်ဝန်းကျင်ခန့်တွင် မော်လမြိုင်ဘက်မှ သထုံဘက်သို့ မောင်းနှင်လာသည့် ထင်းတင်ကုန်တင်ကားသည် ရင်ငြိမ်းတောင်ကျေးရွာ ရထားလမ်းကူးတွင် အရှိန်မထိန်းနိုင်ဘဲ မောင်းတံကိုဝင်တိုက်ခဲ့ကြောင်းယာဉ်မောင်းဖြစ်သူမှာ ကားခေါင်းခန်းတွင် ညှပ်မိနေသောကြောင့် ကယ်ဆယ်ရေးအဖွဲ့ဝင်များမှ ကယ်ထုတ်ခဲ့ရပြီး ခြေထောက်နှစ်ဖက်တွင် ထိခိုက်ဒဏ်ရာများ ရရှိခဲ့ကြောင်း သိရသည်။

"မောင်းတံကို အရှိန်မထိန်းနိုင်ဘဲ လမ်းဘယ်ဘက်အခြမ်းက အိမ်၂လုံးကြား ရောက်ရှိသွားပါတယ်။ ဘေးက အိမ်ကို ဝင်တိုက်ပြီးမှ ရပ်သွားတာ"ဟုဒေသခံတစ်ဦးက ဆိုသည်။

နေအိမ်တွင်နေထိုင်သူများ ထိခိုက်ဒဏ်ရာ ရရှိခဲ့ခြင်း မရှိကြောင်း သိရသည်။

#Local_News #ရထားလမ်းကူးမောင်းတံဝင်တိုက်မိ၍ ယာဉ်မောင်းဒဏ်ရာရ
#Yangon_Times/BM

‘ရွှေတိဂုံစေတီတော်နယ်မြေအတွင်း စိမ်းလန်းစိုပြေစေဖို့ အခုနှစ် ၂၀၂၃ ခုနှစ် မိုးရာသီကာလမှာ ကျွန်းပင်၊ပျဉ်းကတိုးပင်၊ ပျဉ်းမနားပင်၊ကံကော်ပင်၊ ထိုင်ဝမ်ဗန်ဒါပင်အပါအဝင် အပင်ပေါင်း(၃၀၀)ခန့် ထပ်မံစိုက်ပျိုးခဲ့တယ်။’ရွှေတိဂုံစေတီတော်ဂေါပကအဖွဲ့

#Local_News
Published 5 July 2023
#အပင်ပေါင်း(၃၀၀)ခန့်စိုက်ပျိုး
#tthl #Yangon_Time #YMG

‘တရုတ်နဲ့လေကြောင်းတိုက်ရိုက်ပျံသန်းမှုတွေရှိနေတဲ့အတွက် မိုးရာသီဆိုတော့အပန်းဖြေခရီးအတွက်မဟုတ်ဘဲ စီးပွားရေးကိစ္စအတွက်လာရောက်တဲ့တရုတ်ခရီးသွားတွေတိုးနေပါတယ်’ မြန်မာနိုင်ငံခရီးသွားလုပ်ငန်းရှင်များအသင်း၊
ဥက္ကဌဦးနောင်းနောင်းဟန်
#Local_News
Published 5 July 2023
#တရုတ်ခရီးသွားဝင်ရောက်မှုတိုး
#Yangon_Time #YMG

#Local_News
Published 5 July 2023

ဒုတိယ ဗိုလ်ချုပ်ကြီး ညိုစောကို နိုင်ငံတော်စီမံအုပ်ချုပ်ရေးကောင်စီ ဥက္ကဌ၏ အကြံပေးပုဂ္ဂိုလ်အဖြစ် ခန့်အပ်လိုက်ကြောင်း ယနေ့ ဇူလိုင်(၅)ရက်တွင် နစကမှ ထုတ်ပြန်လိုက်သည်။

နိုင်ငံတော်စီမံအုပ်ချုပ်ရေးကောင်စီသည် ဖွဲ့စည်းပုံအခြေခံဉပဒေပုဒ်မ (၄၁၉) အရ ဒုတိယဗိုလ်ချုပ်ကြီး ညိုစော ကို နိုင်ငံတော်စီမံအုပ်ချုပ်ရေးကောင်စီ ဥက္ကဌ၏ အကြံပေးပုဂ္ဂိုလ်အဖြစ် ခန့်အပ်၍ ပြည်ထောင်စုဝန်ကြီးအဆင့် သတ်မှတ်တာဝန်ပေးလိုက်ကြောင်း ထုတ်ပြန်ချက်တွင် ဖော်ပြထားသည်။

အကြံပေးပုဂ္ဂိုလ် ဒုတိယ ဗိုလ်ချုပ်ကြီးညိုစော၏ ခံစားခွင့်ဆိုင်ရာများကို  ပြည်ထောင်စုအစိုးရအဖွဲ့ရုံးက ဆောင်ရွက်ပေးရမည်ဖြစ်ကြောင်း ထုတ်ပြန်ချက်တွင် ပါရှိသည်။

အဆိုပါထုတ်ပြန်ချက်ကို အမိန့်အရ နစက အတွင်းရေးမှူး ဒုတိယဗိုလ်ချုပ်ကြီး အောင်လင်းဒွေးက ထုတ်ပြန်ခဲ့ခြင်းဖြစ်သည်။

#Ymg/my #Local_News
#Yangon_Times

#World_Politics
Published 5 July 2023

ရှန်ဟိုင်းပူးပေါင်းဆောင်ရွက်ရေးအဖွဲ့ (SCO)ခေါင်းဆောင်များဟာ တိုးချဲ့လာတဲ့ ဥရောပအာရှအစုအဖွဲ့အတွင်း ပိုမိုနီးကပ်တဲ့ဆက်ဆံရေး ထူထောင်ရန်နဲ့ ပူးပေါင်းဆောင်ရွက်မှု မြှင့်တင်ရန် ကြိုးပမ်းခဲ့ကြပေမယ့် အခြားတိုင်းပြည်များကို ဆန့်ကျင်တာမျိုး မရှိကြောင်း အင်္ဂါနေ့က အလေးပေး ပြောကြားခဲ့ကြပါတယ်။

အဖွဲ့အစည်းရဲ့ ပြဿနာများ၊ လုံခြုံရေးအခက်အခဲများ ဖြေရှင်းရန် အယူဝါဒနဲ့ ရင်ဆိုင်ဖြေရှင်းခြင်း ချဉ်းကပ်ပုံများကို SCO အဖွဲ့ဝင်များက ဆန့်ကျင်ကြောင်း အိန္ဒိယမှကျင်းပတဲ့ အွန်လိုင်းထိပ်သီးအစည်းအဝေးအပြီးမှာ ခေါင်းဆောင်းများက ပူးတွဲကြေညာလိုက်ပါတယ်။

ခေါင်းဆောင်များက နေတိုး(NATO)အဖွဲ့တိုးချဲ့ခြင်းနဲ့ ယူကရိန်းကို အနောက်တိုင်းမှ စစ်ရေးထောက်ပံ့မှုများကို တိုက်ရိုက်မရည်ညွှန်းဘဲ အချို့သောနိုင်ငံတွေ ကမ္ဘာလုံးဆိုင်ရာ ဒုံးကျည်ကာကွယ်ရေးစနစ်များ အကန့်အသတ်မရှိ တစ်ဖက်သတ်တိုးချဲ့ခြင်းရဲ့ ဆိုးကျိုးတွေကို ဝေဖန်လိုက်ပါတယ်။

အာဖဂန်နစ္စတန်မှာ ဖြစ်ပေါ်နေတဲ့ အခြေအနေကို စိုးရိမ်ကြောင်း ထုတ်ဖော်ပြောဆိုရာမှာ ခေါင်းဆောင်များက အာဖဂန်မှာ လူမျိုးရေး၊ ဘာသာရေး၊ နိုင်ငံရေးအုပ်စုအားလုံးမှ ကိုယ်စားလှယ်များ ပါဝင်မှုဖြင့် အစိုးရတစ်ရပ်ထူထောင်ရန် အရေးကြီးတယ်လို့ ယူဆကြောင်း ပြောကြားခဲ့ကြပါတယ်။

တရုတ်နိုင်ငံကို အာရှ၊ ဥရောပတို့နဲ့ ချိတ်ဆက်မယ့် ပိုးလမ်းမဟောင်းကို ပြန်လည်တည်ဆောက်ရန် မျှော်မှန်းထားတဲ့ တရုတ်နိုင်ငံရဲ့ ရပ်ဝန်းတစ်သွယ်စီမံကိန်းကြီးကိုလည်း အဖွဲ့ဝင်တွေက အားပေးထောက်ပံ့ခဲ့ကြပါတယ်။

ဥရောပအာရှဆိုင်ရာ လုံခြုံရေးနဲ့ နိုင်ငံရေးဆိုင်ရာ အဖွဲ့အစည်းကို ၂၀၀၁ ခုနှစ်က တရုတ်နဲ့ ရုရှားတို့က ဖွဲ့စည်းခဲ့ပြီး အိန္ဒိယ၊ ပါကစ္စတန်၊ ကာဇက်စတန်၊ ကာဂျစ်သမ္မတနိုင်ငံ၊ တာဂျစ်ကစ္စတန်၊ ဥဇဘက်ကစ္စတန်တို့ ပါဝင်ပါတယ်။

အင်္ဂါနေ့မှာ အီရန်ကလည်း ထိုအဖွဲ့ထဲဝင်ရောက်လာခဲ့ကာ ၉ နိုင်ငံမြောက်အဖွဲ့ဝင် ဖြစ်လာပါတယ်။

ပြီးခဲ့တဲ့လက ကာလတိုပုန်ကန်မှုတစ်ခုအပြီး နိုင်ငံတကာအစည်းအဝေးတစ်ခုမှာ ရုရှားသမ္မတ'ဗလာဒီမာပူတင်'ကို ပထမဆုံးပြန်လည် မြင်တွေ့ခဲ့ရပြီး ရုရှားနိုင်ငံရဲ့ တည်ငြိမ်မှုနဲ့ စည်းလုံးညီညွတ်မှုအကြောင်း SCO ခေါင်းဆောင်များကို အာမခံလိုက်ပါတယ်။

အထူးစစ်ဆင်ရေးဆင်နွှဲခဲ့တဲ့အပေါ် ရုရှားကို အနောက်တိုင်းမှ ဖိအားတွေ၊ ဒဏ်ခတ်ပိတ်ဆို့မှုတွေ၊ ရန်လိုမှုတွေကို ရုရှားက ကြံ့ကြံ့ခံသွားမှာဖြစ်ကြောင်း အစည်းအဝေးမှာ ပြောကြားလိုက်ပါတယ်။

အမေရိကန်ကို ရင်ဆိုင်တဲ့နေရာမှာ တရုတ်၊ အိန္ဒိယ၊ အီရန်တို့ကို ရုရှားက အဓိကမိတ်ဖက်နိုင်င့များအဖြစ် ရှုမြင်ထားပါတယ်။

တရုတ်သမ္မတ'ရှီကျင့်ဖင်'က အပြန်အလှန်ဖလှယ်မှုများ အားကောင်းစေရန်၊ ဘုံလုံခြုံရေး အာမခံရန်၊ စည်းလုံးညီညွတ်မှု၊ အပြန်အလှန် ယုံကြည်မှုမြှင့်တင်ရန် တောင်းဆိုလိုက်ပါတယ်။

ဂျီ၂၀-ထိပ်သီးအစည်းအဝေးကို အိန္ဒိယက လက်ခံကျင်းပမှာဖြစ်ရာ စက်တင်ဘာလအတွင်း ပူတင်ရော ရှီကျင့်ဖင်ပါ နယူးဒေလီကို ရောက်လာရန်မျှော်မှန်းရပြီး ဘိုင်ဒင်နဲ့ အခြားအဖွဲ့ဝင်နိုင်ငံခေါင်းဆောင်များလည်း တက်ရောက်ဖွယ်ရှိပါတယ်။

Source: Reuters #World_Politics #ရှန်ဟိုင်းပူးပေါင်းဆောင်ရွက်ရေးအဖွဲ့ တိုးချဲ့ခြင်း
#Yangon_Time #YMG