Published 10 July 2022

အီလွန်မတ်စ်ရဲ့ ဖခင်ဖြစ်သူ အာရိုးမတ်စ်က သူ့သားရဲ့ နိုင်ငံရေးရည်မှန်းချက်ကို ရိပ်ဖမ်းသံဖမ်းပြောလိုက်ပြီး သူ့သားဟာ နုံအပေမယ့် သမ္မတဝင်ရွေးရင် နိုင်မှာပဲလို့ဆိုပါတယ်။

တက်ဆ်လာရဲ့ အရှင်သခင်ဖြစ်တဲ့သူ့သားဟာ  အိမ်ဖြူတော်အတွက် ဝင်ပြိုင်မယ်လို့ ဆုံးဖြတ်လိုက်ရင် နိုင်မယ်လို့ ယုံကြည်တဲ့ အကြောင်း သည်ဆန်း သတင်းစာကိုပြောခဲ့တာဖြစ်ပါတယ်။

ဒါပေမယ့် တောင်အာဖရိကလူမျိုး အင်ဂျင်နီယာတစ်ဦးဖြစ်ပြီး အသက် ၇၆နှစ်ရှိပြီဖြစ်တဲ့ အာရိုးမတ်စ်က  သူနှင့်ခပ်တန်းတန်း  ဆက်ဆံရေးသာရှိတဲ့ သားဖြစ်သူဟာ  “နိုင်ငံရေးမှာ အတော်ရိုးအလွန်းတယ်” လို့ ပြောလိုက်ပါတယ်။

တွစ်တာကို ဝယ်မယ်လို့ ကမ်းလှမ်းလိုက်ပြီး တွစ်တာနှင့်သူ ဘာလုပ်ချင်တယ်ဆိုတာတွေကို ပြောဆိုခြင်းဖြင့် အီလွန်မတ်စ်ဟာ နိုင်ငံရေးထဲ အတင်းအကြပ် ရောက်ရှိလာခဲ့တာဖြစ်တယ်လို့ ထရမ့်ကိုထောက်ခံတဲ့ ဖခင်ဖြစ်သူ အာရိုးက သူ့သားအကြောင်းကို ပြောပါတယ်။

“ ဒီမိုကရက်တစ်ပါတီမှာ လေးချောင်းထောက်ပေါ် ရပ်တည်နေတာ။ အဲဒီထဲက တစ်ချောင်းက တွစ်တာဖြစ်တယ်။ အဲဒီခြေတစ်ချောင်းသာ ရိုက်ထုတ်ပစ်နိုင်ရင် စားပွဲပြုတ်ကျပြီ။ အဲဒါကြောင့် သူဟာ နိုင်ငံရေးထဲ ဝင်လာတာ သိသာတယ်” လို့ သူကပြောပါတယ်။

“သူ တွစ်တာကို မကမ်းလှမ်းခင်ကလေးတင် သူဟာ နိုင်ငံရေးမှတ်ချက်တွေပေးပြီး  နိုင်ငံရေးထဲဝင်လာတာ ကျွန်တော်  သတိပြုမိတယ်။ မင်းကိုယ်မင်း နိုင်ငံရေးအဝန်းအဝိုင်းထဲ ရောက်လာပြီုဆိုတာ သတိထားမိရဲ့လား၊ မင်းက လုံခြုံရေးကရော ကောင်လို့လားလို့ ကျွန်တော်မေးမိတယ်”လို့ အီလွန်မတ်ရဲ့ ဖခင်ကပြောပါတယ်။

“ သူ့လုံခြုံရေးကကောင်းတယ်လို့ သူကပြောတယ်။ ဟုတ်ပါပြီ အဲဒါဆို မင်းလုံခြုံရေးကို ဘယ်သူကစစ်ဆေးပေးနေလဲ၊ စစ်ဆေးနေတဲ့သူတွေကို ဘယ်သူကစစ်ဆေးနေလဲ..လို့ ကျွန်တော်မေးလိုက်ပါတယ်” လို့ သူကဆက်ပြောပါတယ်။

နိုင်ငံရေးမှာ မျှမျှတတကစားကြတယ်ဆိုတာ မရှိဘူးနော်လို့ ကျွန်တော်က သူ့ကိုထပ်သတိပေးလိုက်ပါသေးတယ်လို့လည်း သူက ဆိုပါတယ်။

အီလွန်ဟာ သမ္မတကောင်းတစ်ဦးဖြစ်လာနိုင်သလားလို့ မေးတဲ့အခါ သူ့ဖခင်က “ အင်း.. ဒါပေမယ့် သူက ဘာထပ်ပြောသလဲ ဆိုတော့ သူလိုချင်တဲ့ တွစ်တာဟာ လူတိုင်းကို မျှမျှတတလှုပ်ရှားစေနိုင်လိမ့်မယ်တဲ့” လို့ ပြန်ဖြေပါတယ်။

ဒါပေမယ့်သူဟာ နိုင်ငံရေးမှာ နုံလွန်းအလွန်းတယ်။နိုင်ငံရေးဆိုတာ လူတိုင်း မျှမျှတတ အခွင့်အရေးပေးတာမဟုတ်ဘူး” လို့ အာရိုးက ပြောပါတယ်။

Source : The SUN

Published 10 July 2022

ဝန်ကြီးချုပ်ဟောင်း ရှင်ဇိုအာဘေးကို ပစ်သတ်ခဲ့တဲ့ အမျိုးသားဟာ တကယ်တမ်းတော့ ဘာသာရေးအုပ်စုတစ်စုရဲ့ ခေါင်းဆောင်ကို သတ်ပစ်ဖို့ ကနဦးကြံရွယ်ခဲ့တာဖြစ်ပြီး အကြောင်းရင်းကတော့ သူ့မိခင်ဟာ အဲဒီကို လှူဒါန်းတာတွေကြောင့် ဒေဝါလီခံခဲ့ရတယ်လို့ သူယုံကြည်ခဲ့ကြတာကြောင့် စုံစမ်းစစ်ဆေးရေးသတင်းအရင်းအမြစ်တွေက ကျိုဒိုသတင်းဌာနကို ပြောပါတယ်။

အသက်၄၁နှစ်ရှိပြီဖြစ်တဲ့ တက်ဆူယာယာမာဂူချီဟာ သူ့အနေနှင့်လည်း ဝန်ကြီးချုပ်ဟောင်း အာဘေးကိုလည်း သတ်ဖို့ရည်ရွယ်ခဲ့တယ်လို့ပြောပါတယ်။ ဘာဖြစ်လို့လည်းဆိုတော့ အာဘေးဟာ အဲဒီဘာသာရေးအုပ်စုကို ဂျပန်မှာ မြှင့်တင်ပေးနေလို့ဖြစ်တယ်လို့ ယုံကြည်ထားတာကြောင့် လို့ ပြောပါတယ်။

တနင်္ဂနွေနေ့မှာကျင်းပမယ့် အောက်လွှတ်တော်အမတ်တွေရွေးကောက်ပွဲမတိုင်ခင် အာဘေးက မဲဆွယ်စည်းရုံးခဲ့တဲ့ နေရာတွေကို သူထပ်ခါသွားရောက်ခဲ့တယ်လို့လည်း သူကပြောပါတယ်တဲ့။

အနောက်ဖက်က နာယာစီရင်စုရဲ့ဘူတာရုံတစ်ခုအနီး မိန့်ခွန်းပြောနေစဉ် နောက်ကျောကနေ သေနတ်နှင့်ပစ်ခံရပြီး ငါးနာရီ အကြာမှာ အာဘေး သေဆုံးခဲ့ရပါတယ်။အိမ်လုပ်သေနတ်နှင့်ပစ်ခတ်ခဲ့တဲ့ ယာမာဂူချီကို အခင်းဖြစ်ရာနေရာမှာပဲ ဖမ်းဆီးမိခဲ့ပါတယ်။

သူဟာ အာဘေးရဲ့ နိုင်ငံရေးယုံကြည်ချက်ကို ဆန့်ကျင်တဲ့သူဖြစ်လို့ သူ့အနေနှင့် မှုခင်းကျူးလွန်တာမဟုတ်ဘူးလို့ ယာမာဂူချီက ငြင်းဆိုခဲ့တယ်လို့ ရဲကပြောပါတယ်။

ရဲတွေက သူ့အိမ်ကို သောကြာနေ့မှာ ရှာဖွေတဲ့အခါ ယမ်းတွေနှင့် အိမ်လုပ်သေနတ်တွေဖြစ်ပုံရတဲ့ အရာတွေကို တွေ့ရှိခဲ့တယ်လို့ ရဲကပြောပါတယ်။

အလုပ်လက်မဲ့ဖြစ်နေတဲ့ ယာမာဂူချီဟာ ယခင်က ၂၀၂၀ခုနှစ် ဆောင်းဦးရာသီလောက်က ကန်ဆိုင်းဒေသက စက်ရုံတစ်ရုံမှာ အလုပ်လုပ်ခဲ့ပါတယ်။ ဒါပေမယ့် ဒီနှစ် မေလမှာ သူအလုပ်ကနှုတ်ထွက်ခဲ့ပါတယ်လို့ အလုပ်ခန့်ထားရေးအေဂျင်စီကနေသိရှိရပါတယ်။ ၂၀၀၅ခုနှစ်ဩဂုတ်လကနေ သုံးနှစ်လောက် သူဟာ ရေကြောင်း ကိုယ်ပိုင်ကာကွယ်ရေးတပ်ဖွဲ့ဝင်တစ်ဦးဖြစ်ခဲ့ပါတယ်။

စနေနေ့က အာဘေးရဲ့ ရုပ်အလောင်းကိုသယ်ဆောင်လာတဲ့ ကားဟာ တိုကျိုမှာရှိတဲ့ သူ့အိမ်ကိုရောက်ရှိပါတယ်။ နာယာကနေမောင်းလာတဲ့ကားထဲမှာ အာဘေးရုပ်အလောင်းနှင့်အတူ ဇနီးအာကီလည်းလိုက်ပါလာခဲ့ပါတယ်။

ဂျပန်ဝန်ကြီးချုပ် ဖူမီယိုကီရှီဒါက သူ့အိမ်ကို ဝမ်းနည်းကြောင်းသတင်းလာမေးသွားခဲ့ပါတယ်။

အာဘေးဟာ သွေးထွက်လွန်ပြီး ကွယ်လွန်ခဲ့တာလို့ ရဲကပြောပါတယ်။ သူ့ရဲ့ လက်မောင်းအထက်နှင့်လည်ပင်းမှာ သေနတ်ဒဏ်ရာနှစ်ခုတွေ့ရပြီး  လည်ပင်းက နောက်ထပ်ဒဏ်ရာကတော့ သေနတ်ကြောင်းဟုတ်မဟုတ်မသိဘူးလို့ ရဲက ဆက်ပြောပါတယ်။

Source: KyodoNews

#WorldHealth
Published 10 July 2022

ကလေးမွေးရေကန်ထဲမှာ မွေးဖွားခြင်းက ပုံမှန်မွေးဖွားခန်းတွေမှာ မွေးရသလို ဘေးကင်းစိတ်ချရတဲ့အပြင် မွေးဖွားနေစဉ်အတွင်း နာကျင်ခြင်းနဲ့ စိတ်ပူပန်ခြင်းတို့ကိုပါ သက်သာစေကြောင်း သုတေသီများဖော်ပြထားပါတယ်။

ရေထဲမှာ မွေးဖွားခြင်းက မိခင်အတွက်ရော ကလေးအတွက်ပါ ကောင်းကျိုးများရရှိစေနိုင်တယ်လို့ BMJ Open မှာ အင်္ဂါနေ့က ဖော်ပြခဲ့ပါတယ်။

နာကျင်ခြင်းသက်သာဖို့နဲ့ အဆင်ပြေလွယ်ကူဖို့ ကလေးမွေးကန်ပါဝင်တဲ့ မွေးဖွားခြင်းတွေကို ရေထဲမှာမွေးတယ်လို့ သတ်မှတ်ပြီး ကလေးထွက်ရာလမ်းကြောင်းက ရေထဲရှိမနေရင်တောင် ထိုကဲ့သို့သတ်မှတ်လို့ ရပါတယ်။

ကလေးမွေးဖွားနည်းမျိုးစုံနဲ့ မွေးခဲ့တဲ့ ကိုယ်ဝန်သည် ၁ သိန်းခွဲကို သုတေသီများက လေ့လာမှု များ ပြုလုပ်ခဲ့ကြပါတယ်။

ကလေးမွေးကန်ထဲမှာ မွေးဖွားခြင်းက မွေးဖွားစဉ်နာကျင်ခြင်းနဲ့ မွေးဖွားအပြီး သွေးထွက်များ ခြင်းတို့ကိုပါ လျော့ကျစေနိုင်ပါတယ်။

ရေထဲမွေးဖွားခြင်းရဲ့ အကျိုးသက်ရောက်မှုတွေနဲ့ပတ်သက်ပြီး အမေရိကန်နဲ့ ယူကေဆေးပညာရပ်ဝန်းမှာ အမျိုးမျိုးပြောဆိုနေကြပါတယ်။

၂၀၀၆ ခုနှစ်က ယူကေသားဖွားမီးယပ်တော်ဝင်ကောလိပ်က ကလေးမွေးကန်ထဲမွေးဖွားခြင်းကို ကောင်းကြောင်းပြောကြပေမယ့် အမေရိကန်သားဖွားမီးယပ်ကောလိပ်က ၂၀၁၄ မှာ ရေထဲမွေးဖွားခင်းက ကလေးရေမွန်းခြင်း၊ ကလေးနဲ့မိခင်ရောဂါပိုးဝင်ရောက်နိုင်ခြင်း၊ ချက်ကြိုးညပ်ခြင်းများ ဖြစ်တတ်ကြောင်း ဖော်ပြခဲ့ကြပါတယ်။

သိပ္ပံပညာရှင်အချို့ကတော့ ကလေးဟာမွေးမွေးချင်း အသက်မရှူသွင်းကြဘဲ နှာခေါင်းနဲ့ ပါးစပ်မှာရှိနေတဲ့အရည်တွေကို အရင်မျိုချရကြောင်း ရှင်းပြကြပါတယ်။

အဲဒီနောက် ကလေးရေရှူသွင်းမိတဲ့ကိစ္စက အန္တရာယ်ရှိတယ်လို့ မပြောကြတော့ပါဘူး။

ကလေးမွေးကန်အတွက်ထည့်ထားတဲ့ရေက မသန့်ရှင်းတဲ့အခါမှာတော့ ရောဂါပိုးဝင်ရောက်ခြင်းကတော့ အဖြစ်များတဲ့ပြဿနာဖြစ်ပါတယ်။

ထို့နောက် ရေထဲမွေးရင်း ချက်ကြိုးပြတ်တတ်တဲ့ ပြဿနာလည်းတွေ့ရပေမယ့် ဖြစ်ပွားမှုနှုန်းနည်းပြီး ၁ ထောင်မှာ ၁.၃ ယောက်နှုန်းသာရှိပါတယ်။

အောက်စဖိုဒ်ဘရွတ်ခ်စ်တက္ကသိုလ်ရဲ့ ဖော်ပြချက်အရ ရေထဲကလေးမွေးခြင်းက ဘေးကင်းစိတ်ချရတဲ့ နည်းလမ်းဖြစ်ကြောင်း ဖော်ပြခဲ့ပါတယ်။

Source: The Jerusalem Post
#Yangon_Media_Group

#WorldHealth
Published 10 July 2022

စီးကရက်အတု(vape)သောက်သုံးတဲ့ ကလေးလူငယ်အရေအတွက်ဟာ ၂ နှစ်အတွင်း ၂ ဆနီးပါးများပြားလာကြောင်း အစိုးရကထုတ်ပြန်သတိပေးထားပါတယ်။

ဒီလိုပြဿနာတွေအတွက် TikTok လို ဆိုရှယ်မီဒီယာတွေကို အပြစ်တင်နေကြပါတယ်။

တစ်တော့လို ဗီဒီယိုတွေမှာ စီးကရက်အတုသောက်ပြတဲ့ပုံတွေကို ပြသလာကြပြီး ကြည့်ရှုသူသန်းပေါင်းများစွာ ရှိနေတာပဲဖြစ်ပါတယ်။

ဗြိတိန်မှ အသက် ၁၁ နှစ်ကျော်ကလေး ၂ ထောင်ကို စစ်တမ်းကောက်ယူကြည့်ရာ ၇ ရာခိုင်နှုန်းက စီးကရက်အတုသုံးစွဲလာကြပြီး ၂၀၂၀ ခုနှစ်တုန်းက ၄ ရာခိုင်နှုန်းသာ ရှိခဲ့တာဖြစ်ပါတယ်။

ထိုကာလအတွင်း စမ်းသပ်သုံးစွဲလာကြတဲ့ သူတွေကလည်း ၁၆ ရာခိုင်နှုန်းထိ များပြားလာပါတယ်။

သုံးစွဲသူ တဝက်ခန့်လောက်က TikTok, Instagram, Snapchat တို့ကနေ စီးကရက်အတုသောက်သုံးတဲ့ ဗီဒီယိုတွေကို ကြည့်ရှုခဲ့ကြပါတယ်။

စီးကရက်အတု ကိရိယာတွေကို ကလေးလူငယ်တွေ စွဲလမ်းလာရတာက တောက်ပတဲ့ အရောင်အသွေး၊ ဈေးသက်သာမှုနဲ့ အသီးအနံ့အရသာ ပါဝင်မှုတို့ကြောင့်ဖြစ်ကြောင်း ကျွမ်းကျင်သူတွေက သတိပေးထားပါတယ်။

စီးကရက်အတုတွေကို ၅ ဒေါ်လာလောက်နဲ့ ဝယ်ယူရရှိနိုင်ပြီး အသက်အရွယ်ခွင့်ပြုချက်မလိုဘဲ အွန်လိုင်းကနေ ဝယ်ယူနိုင်ပါတယ်။

ပြီးခဲ့တဲ့နှစ်အတွင်း နီကိုတင်းပါဝင်တဲ့ puff bars ဆိုတဲ့ ပစ္စည်းအသစ်ထွက်ရှိလာပါတယ်။

နီကိုတင်းအပြင် ထိုပစ္စည်းတွေမှာ အဆုတ်အထိ ရှိက်သွင်းဝင်ရောက်စေတဲ့ အန္တရာယ်ပြု အမှုန်များပါဝင်ပြီး အဆုတ်ရောဂါဖြစ်စေတဲ့ ဓာတုအနံ့အရသာတွေလည်း ပါဝင်ပါတယ်။

ဆေးလိပ်နှင့် ကျန်းမာရေးဌာန(ASH)မှ အမှုဆောင်ချုပ်'ဒီဘိုရာအာနော့'က အသက်မပြည့်သူများအား ရောင်းချခြင်း၊ ကလေးလူငယ်များ သုံးစွဲချင်အောင်ထုပ်ပိုးထားခြင်း၊ ဆိုရှယ်မီဒီယာတွေကနေ ရောင်းချခြင်းများနဲ့ ပတ်သက်ပြီး ဥပဒေများချမှတ်ဖို့ တောင်းဆိုလိုက်ပါတယ်။

အကုန်လုံးခြုံငုံကြည့်တဲ့အခါ အသက် ၁၁ နှစ်မှ ၁၅ နှစ်အတွင်း ကလေး ၄ ရာခိုင်နှုန်း၊ အသက် ၁၆ နှစ်နဲ့ ၁၇ နှစ်အတွင်း လူငယ် ၁၄ ရာခိုင်နှုန်းတိုက လက်ရှိမှာ စီးကရက်အတုသုံးစွဲနေတယ်လို့ သိရှိထားပါတယ်။

ကလေးတွေကြား ဆေးလိပ်သောက်သုံးခြင်းကတော့ ၂၀၂၀ ခုနှစ်က ၁၆ ရာခိုင်နှုန်းရှိရာကနေ ၂၀၂၂ မှာ ၁၄ ရာခိုင်နှုန်းအထိ ကျဆင်းသွားခဲ့ပါတယ်။

ဆိုရှယ်မီဒီယာတွေကနေ စီးကရက်အတုရောင်းချခြင်းက အဓိကအားဖြင့် TikTok ဖြစ်ပြီး ၄၅ ရာခိုင်နှုန်းရှိကာ Instagram က ၃၁ ရာခိုင်နှုန်း၊ Snapchat ကနေ ၂၂ ရာခိုင်နှုန်းအသီးသီးရှိခဲ့ပါတယ်။

အသက်မပြည့်သေးတဲ့ စီးကရက်အတုသောက်သုံးသူတွေရဲ့ ၄၇ ရာခိုင်နှုန်းက ဆိုင်တွေကနေ ဝယ်ယူကြတာဖြစ်ပြီး ၁၀ ရာခိုင်နှုန်းက အွန်လိုင်းနဲ့ ၄၃ ရာခိုင်နှုန်းကတော့ တစ်ယောက်ယောက်ဆီကရခဲ့တာဖြစ်ပါတယ်။

စမ်းသပ်သုံးစွဲကြည့်ရတဲ့အကြောင်းအရင်းကို မေးကြည့်ရာမှာ အနံ့အရသာကြိုက်နှစ်သက်ခြင်းနဲ့ သောက်ရတဲ့အတွေ့အကြုံကို သဘောကျကြတာကြောင့်ဖြစ်ပါတယ်။

ဆေးလိပ်သောက်ခြင်းက ငယ်ရွယ်တဲ့လူတွေရဲ့ကျန်းမာရေးကို အန္တရာယ်ကြီးစွာသက်ရောက်စေပြီး စီးကရက်အတုသုံးစွဲခြင်းဖြင့် ဆေးလိပ်ဖြတ်ခြင်းကိုအထောက်အကူဖြစ်စေကြောင်း အထောက်အထားတွေရှိပါတယ်။

Source: DailyMail.
#Yangon_Media_Group

#WorldEnvironment
Published 9 July 2022

အင်ဒိုနီးရှား တံငါရွာလေးတစ်ရွာက လူတစ်ယောက်ဟာ ကြံ့ခေါင်းပုံစံအရုပ်ကိုစွပ်ပြီး ကလေးငယ်တွေအတွက် ရုပ်သေးပြပွဲ ပြုလုပ်ပေးနေပါတယ်။

#Yangon_Media_Group

Published 9 July 2022

အမေရိကန်သမ္မတ ဂျိုးဘိုင်ဒင်က ယူကရိန်းကို ရုရှားသမ္မတ ပူတင် ကျူးကျော်မယ့် အစီအစဉ်ကို သတိပေးခဲ့တဲ့အတွက် စီအိုင်အေ ဌာနချုပ်က ဝန်ထမ်းတွေကို သောကြာနေ့က ချီးကျူုးစကားပြောကြားလိုက်ပြီး  အမေရိကန်စပိုင်တွေကို သူက “ ဆိတ်ငြိမ်တဲ့ရဲစွမ်းသတ္တိ လို့ သူက သုံးနှုံးပြီး ဂုဏ်ပြုခဲ့ပါတယ်။

စီအိုင်အေရဲ့ ၇၅ နှစ်ပြည့်အခမ်းအနားကို ဘိုင်ဒင် တက်ရောက်ခဲ့တာဖြစ်ပြီး သူဟာ စီအိုင်အေနှင့် ၅၂နှစ်တာ ပတ်သက်ခဲ့တယ်လို့လည်းပြောပါတယ်။ ပထမဆုံးက စိတ်ထိန်းချုပ်ကိရိယာတွေနှင့်အေဂျင်စီရဲ့အခြားညှင်းပန်းနှိပ်စက်မှုတွေ အတွက် လွှတ်တော်ကော်မတီတစ်ခုကို ၁၉၇၅မှာ ဖွဲ့စည်းခဲ့တဲ့အထဲ ဂျူနီယာဆီနိတ်အမတ်တစ်ဦး အဖြစ်ပါဝင်ခဲ့ရတာဖြစ်တယ်လို့ သူကပြောပါတယ်။

စီအိုင်အေက စပိုင်တွေဟာ ပူတင်ရဲ့ အစီအစဉ်တွေကို ထုတ်ဖော်ခဲ့ပြီး စစ်ပွဲနှင့်ပတ်သက်ပြီး အခြားနိုင်ငံတွေကို အမေရိကန်က ကြိုတင် သတိပေးနိုင်ခဲ့တယ်လို့လည်း ဘိုင်ဒင်ကပြောပါတယ်။

Source Reuters