#World_Electricity
Published 20 March 2023
အမေရိကန်မှာ သန့်စင်စွမ်းအင်ကဏ္ဍကြီးထွားလာဖို တွန်းအားပေးနေတဲ့အချိန်မှာပဲ တိုင်းပြည်အတွင်း ကျွမ်းကျင်လျှပ်စစ်ပညာရှင်များ ရှားပါးပြတ်လပ်လာပါတယ်။
#YMG#Yangon_Media_Group
#World_Health
Published 20 March 2023
စစ်ဘက်ဆိုင်ရာလေယာဉ်မှူးတွေကြား ကင်ဆာဖြစ်ပွားနှုန်း မြင့်မားနေတာကို ပင်တဂွန်စစ်ဌာနချုပ်ရဲ့ လေ့လာချက်တစ်ခုမှာ တွေ့ရှိခဲ့ရပြီး လေယာဉ်တွေကို လောင်စာဆီဖြည့်၊ ထိန်းသိမ်းလွှတ်တင်ရတဲ့ မြေပြင်မှဝန်ထမ်းတွေဟာလည်း နာမကျန်းဖြစ်တတ်ကြကြောင်း ပထမဦးဆုံးတွေ့ရှိခဲ့ကြပါတယ်။
ကင်ဆာခံစားနေရတဲ့ ဝေဟင်နဲ့မြေပြင်ရှိဝန်ထမ်းများအကြောင်းကို အငြိမ်းစားလေတပ်သားများက နှစ်ပေါင်းများစွာတိုင်အောင် သတိပေးထားခဲ့တဲ့အပေါ်မှ အချက်အလက်များကို ရှာဖွေခဲ့တာဖြစ်ပါတယ်။
အစောပိုင်းလေ့လာမှုတွေမှာတော့ လေတပ်သားများက သာမန်အမေရိကန်ပြည်သူတွေထက် ကင်ဆာဖြစ်နိုင်ချေမများဘူးလို့ တွေ့ရှိခဲ့တာဖြစ်ပါတယ်။
၁၉၉၂ မှ ၂၀၁၇ အတွင်း တာဝန်ထမ်းဆောင်ခဲ့တဲ့ စစ်ဘက်ဆိုင်ရာလေတပ်မှ လေယာဉ်ဝန်ထမ်းတွေနဲ့ မြေပြင်ဝန်ထမ်းပေါင်း ၉ သိန်းနီးပါးကို နှစ်ရှည်လများလေ့လာခဲ့တဲ့အခါ လေယာဉ်ဝန်ထမ်းတွေဟာ အရေပြားကင်ဆာဖြစ်နိုင်ချေ ၈၇ ရာခိုင်နှုန်း၊ သိုင်းရွိုက်ကင်ဆာ ၃၉ ရာခိုင်နှုန်း၊ အမျိုးသားတွေမှာ ဆီးကျိတ်ကင်ဆာဖြစ်နိုင်ချေ ၁၆ ရာခိုင်နှုန်း၊ အမျိုးသမီးတွေမှာ ရင်သားကင်ဆာဖြစ်နိုင်ချေ ၁၆ ရာခိုင်နှုန်းနဲ့ ကင်ဆာအမျိုးအစားမရွေးဖြစ်နိုင်ချေ ၂၄ ရာခိုင်နှုန်း အသီးသီးပိုများခဲ့ကြောင်း ပင်တဂွန်က တွေ့ရှိခဲ့ပါတယ်။
မြေပြင်ဝန်ထမ်းတွေကတော့ ဦးနှောက်နဲ့ အာရုံကြောကင်ဆာဖြစ်နိုင်ချေ ၁၉ ရာခိုင်နှုန်း၊ သိုင်းရွိုက်ကင်ဆာဖြစ်နိုင်ချေ ၁၅ ရာခိုင်နှုန်း၊ ကျောက်ကပ်ကင်ဆာ ၉ ရာခိုင်နှုန်း၊ အမျိုးသမီးတွေမှာ ရင်သားကင်ဆာဖြစ်နိုင်ချေ ၇ ရာခိုင်နှုန်း၊ ကင်ဆာအမျိုးအစားမရွေးဖြစ်နိုင်ချေ ၃ ရာခိုင်နှုန်းအသီးသီး မြင့်မားနေပါတယ်။
ဒါပေမဲ့ မြေပြင်ဝန်ထမ်းတွေရော လေယာဉ်ဝန်ထမ်းတွေမှာပါ အဆုတ်ကင်ဆာဖြစ်နိုင်ချေကတော့ နည်းပါးပြီး လေယာဉ်ဝန်ထမ်းတွေမှာ ဆီးကျိတ်နဲ့ အူမကြီးကင်ဆာတို့ဖြစ်နိုင်ချေပါ နည်းပါးသွားပါတယ်။
အချက်အလက်တွေထဲက ကွာဟချက်တွေကြောင့် ကင်ဆာအမှန်တကယ်ဖြစ်သူအရေအတွက်က ပိုများနေနိုင်ကြောင်း ပင်တဂွန်က သတိပေးလိုက်ပါတယ်။
ဒီလေ့လာချက်ကြောင့် ခေါင်းဆောင်တွေနဲ့ မူဝါဒချမှတ်သူတွေအနေနဲ့ စိတ်ချရတဲ့အနေအထားဖြစ်အောင် သက်သေပြဖို့အချိန်တန်ပြီဖြစ်ကြောင်း အငြိမ်းစားလေတပ်ဗိုလ်မှူးကြီး 'ဗင့်စ်အယ်ကာဇာ'က ပြောပြသွားပါတယ်။
ဒီလေ့လာချက်ကို ၂၀၂၁ ကာကွယ်ရေးဥပဒေမူကြမ်းမှာ ကွန်ဂရက်က တောင်းဆိုခဲ့ပါတယ်။
လေယာဉ်ဝန်ထမ်းတွေ ထိတွေ့နေရတဲ့ လောင်စာဆီတွေ၊ သန့်ရှင်းရေးပစ္စည်းတွေ၊ ဆင်ဆာတွေ၊ ပါဝါအရင်းအမြစ်တွေ၊ ရေဒါစနစ်တို့နဲ့ပတ်သက်ပြီး အနီးကပ်ကြည့်ရှုစစ်ဆေးပေးဖို့ ပင်တဂွန်ကို တောင်းဆိုထားတာကြာပါပြီ။
လေယာဉ်ဝန်ထမ်းတွေဟာ သာမန်လူတွေထက် ကင်ဆာဖြစ်နိုင်ချေပိုများပေမယ့် စစ်ဘက်ဆိုင်ရာလေ့ကျင့်ခန်းပြုလုပ်ရခြင်းနဲ့ ပုံမှန်ကျန်းမာရေးစစ်ဆေးမှုများကြောင့် ရောဂါစောစီးစွာသိရှိရကာ အသက်ရှင်နိုင်ချေပိုများပါတယ်။
စစ်ဘက်ဆိုင်ရာကျန်းမာရေးစနစ် ကင်ဆာအချက်အလက်တွေက ၁၉၉၀ မတိုင်ခင်အထိ ယုံကြည်စိတ်ချရတဲ့အနေအထားမဟုတ်ဘဲ ရှေ့ဆယ်စုနှစ်တွေက လေယာဉ်မှူးတွေ မပါဝင်ခဲ့ပါဘူး။
Source: abc News
#Yangon_Media_Group
#DailyNews
Published_ 20 March 2023
၁။ ရန်ကုန်ရွှေဈေး အကယ်ဒမီအခေါက်ရွှေ သိန်း ၃၀ နီးပါး ရှိလာ
၂။ ရန်ကုန်၊ မန္တလေးနှင့် ထိုင်းနိုင်ငံများတွင် သင်္ကြန်တွင်းတရားစခန်းများ ပြန်ဖွင့်မည်
၃။ ဓာတ်ဆီဈေး တစ်လီတာ ၂၀၃၅ ကျပ်အထိ ပြန်လည်ကျဆင်းလာ
၄။ သန့်စင်စွမ်းအင်ကဏ္ဍကိုဦးစားပေးလာသော်ငြား လျှပ်စစ်ကျွမ်းကျင်ပညာရှင်များ အမေရိကန်တွင် ရှားပါးလျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group #Daily_News #YMG
#World_Health
Published 20 March 2023
ညဘက်အိပ်ရေးပျက်တာတွေ၊ ခြေထောက်တုန်လှုပ်တာတွေဟာ အိမ်မွေးတိရိစ္ဆာန်တွေကြောင့်လို့ ကျွမ်းကျင်သူများက ဆိုပါတယ်။
ခွေးမမွေးသူတွေနဲ့ယှဉ်ရင် ခွေးပိုင်ရှင်တွေဟာ အိပ်စက်မှုပိုင်းမှာပြဿနာများရှိတတ်ပြီး ကြောင်ပိုင်ရှင်တွေကတော့ ညအိပ်တဲ့အခါ ခြေထောက်တုန်လှုပ်တာမျိုး ပိုအဖြစ်များပါတယ်။
အိမ်မွေးတိရိစ္ဆာန်မွေးထားခြင်းဟာ လုံခြုံမှုနဲ့ အဖော်ရတယ်လို့ ထင်မှတ်ထားကြပေမယ့် ရလဒ်တွေအရတော့ အိပ်စက်မှုကို ပိုဆိုးရွားစေပါတယ်။
လေ့လာချက်တွေအရ ခွေးပိုင်ရှင်တွေဟာ ခွေးမမွေးသူတွေထက် အိပ်မပျော်ခြင်း၊ အသက်ရှူကျပ်ခြင်း၊ မငြိမ်မသက်ဖြစ်ခြင်း၊ အိပ်ငိုက်ခြင်း၊ အိပ်ဆေးလိုအပ်ခြင်း၊ ခြေထောက်တုန်လှုပ်ခြင်းတို့ ပိုပြီးဖြစ်နိုင်ချေရှိပါတယ်။
ကြောင်ပိုင်ရှင်တွေကတော့ ကြောင်မမွေးသူတွေထက် အိပ်ပျော်ဖို့ခက်ခဲခြင်း၊ ခြေထောက်တုန်လှုပ်ခြင်းတို့ ပိုဖြစ်တတ်ပါတယ်။
ဒီအကြောင်းအရင်းက ကြောင်တွေဟာ ညဘက်မှာ ပိုပြီးလှုပ်ရှားတာကြောင့်လို့ ယူဆပေမယ့် အတည်မပြုနိုင်သေးပါဘူး။
အိမ်မွေးတိရိစ္ဆာန်တွေနဲ့ ပတ်သက်ပြီး အိပ်စက်မှုပြဿနာများနဲ့ ဖြေရှင်းနည်းတို့အကြောင်း နားလည်သိရှိလာနိုင်ပါသေးတယ်။
ဒီလိုတွေတွေ့ရှိထားပေမယ့် အိမ်မွေးတိရိစ္ဆာန်တွေကို အိပ်ရာမှာခေါ်သိပ်ခြင်းဖြင့် အိပ်စက်မှုကိုကူညီပေးနိုင်တယ်လို့ မိုင်ယိုဆေးရုံက တွေ့ရှိထားပါတယ်။
သူတို့ဘေးနားထားပြီးအိပ်စက်တဲ့အခါ လုံခြုံမှုနဲ့ သက်တောင့်သက်သာဖြစ်မှုကို ခံစားရစေတယ်လို့ ဒေါက်တာ'လွိုက်စ်ခရန်'က ပြောပြခဲ့ပါတယ်။
အခုခေတ်မှာ လူတွေက နေ့ဘက်တွေမှာ အပြင်ရောက်နေတာကြောင့် အိမ်မွေးလေးတွေနဲ့ ဝေးကွာနေရပြီး အိမ်ရောက်တဲ့အခါ ညဘက်အိပ်ရာပေါ်ထားခြင်းဖြင့် သူတို့နဲ့အတူ ရှိနေစေပါတယ်။
Source: Daliy Mail #World_Health #အိမ်မွေးတိရိစ္ဆာန်
#YMG #Yangon_Media_Group
Published 19 March 2023
ဆယ်စုနှစ်များစွာ ခိုးယူခံခဲ့ရတဲ့ အက်ကာရဲ့ တန်ဖိုးမဖြတ်နိုင်တဲ့ရတနာပစ္စည်းပေါင်းစုံကို ဗြိတိန်ထံမှ ပြနလည် ရရှိတဲ့အတွက် ကမ္ဘောဒီးယားနိုင်ငံမှာ အထိမ်းအမှတ်ပွဲတစ်ခု သောကြာနေ့က ပြုလုပ်ခဲ့ပါတယ်။ အဲဒီပွဲကို ကမ္ဘောဒီးယားဝန်ကြီးချုပ် ဟွန်ဆန်တက်ရောက်ပြီး အဲဒီ ဗြိတိသျှတို့ခိုးသွားခဲ့တဲ့ ရတနာတွေကို ထုတ်ဖော်ပြသခဲ့ပြီး အခြားသောကာလရှည် ပျောက်ဆုံးနေတဲ့ ရတနာတွေကို ပြန်ပေးဖို့လည်း တောင်းဆိုလိုက်ပါတယ်။
ရွေသရဖူတွေ၊ လည်ဆွဲတွေနှင့် ခါးလှည့်အဆင်တန်ဆာတွေဟာ အန်ကာခေတ်တုန်းက ရတနာစုတွေဖြစ်ပါတယ်။ အန်ကာခေတ်ဟာ အေဒီ ၉ရာစုကနေ ၁၄ ရာစုအထိကြာညောင်းခဲ့ပြီး အဲဒီအချိန်တုန်းက အရှေတောင်အာရှမှာ ခမာအင်ပါယာမှာအစိတ်အပိုင်းကြီးကြီးမားမားကြီးစိုးလွှမ်းမိုးခဲ့တာပါ။
Source AFP
#အန်ကာခေတ်ရှေးဟောင်းပစ္စည်းများ
#ကမ္ဘောဒီးယား
#YangonMediaGroup
Published 19 March 2023
ရုရှားသမ္မတဗလက်ဒီမာပူတင်ဟာ မမျှော်လင့်ထားတဲ့ ခရီးတစ်ခုအဖြစ် ဒီကနေ့ မတ်လ ၁၉ ရက်နေ့မှာ ရုရှားက သိမ်းပိုက် ထားတဲ့ ဒွန်းဘတ်ဒေသက မာရီယူပူးလ်မြို့ကို သွားရောက်ခဲ့ပါတယ်။
ပူတင်ဟာ ခရိုင်းမီးယားမှာ လေယာဉ်ဆိုက်ပြီးသိပ်မကြာခင်မှာပဲ ပူတင်ဟာ ရုရှားတပ်တွေ မနှစ်ကတည်းက ထိန်းချုပ်ထားတဲ့ မာရီယူပူးလ်မြို့ကို သွားရောက်ခဲ့တာ ဖြစ်ပါတယ်။
ပူတင်ဟာ မာရီယူပူးလ်ကို ရဟတ်ယာဉ်နဲ့သွားရောက်ခဲ့ပြီး မြို့ရဲ့ ခရိုင်တော်တော်များများကို ကားမောင်းပြီးလှည့်လည် ကြည့်ရှုခဲ့ပါတယ်လို့ ကရင်မလင်က သတင်းထုတ်ပြန်ပါတယ်။ အဲဒီအပြင် နက်ဗ်စကီမိုက်ခရို ခရိုင်မှာ ဒေသခံတွေ နှင့်လည်း ပူတင်ကစကားပြောဆိုခဲ့ပြီး မာရီယူပူးလ်ရဲ့ ပင်လယ်ကမ်းရိုးတန်းတလျောက်စစ်ဆေးခဲ့တယ်လို့လည်း သတင်းထုတ်ပြန်ချက်မှာဖော်ပြထားပါတယ်။
သမ္မတပူတင်က နိုင်ငံတကာတရားရုံးက စစ်ရာဇဝတ်မှုတွေနှင့် ဖမ်းဝရမ်းထုတ်အပြီး နောက်တစ်ရက်မှာ ပူတင်ဟာ ယခုလို အံအားသင့်စရာ ခရီးတစ်ခုသွားရောက်ခဲ့ခြင်းဖြစ်ပါတယ်။
Source: WION/AFP Video
#ရုရှားသမ္မတဗလက်ဒီမာပူတင်
#ဒွန်းဘတ်ဒေသ၊မာရီယူပူးလ်မြို့
#YangonMediaGroup
Published 19 March 2023
အမေရိကန်သမ္မတဟောင်း ဒေါ်နယ်ထရမ့်က လာမယ့် အင်္ဂါနေ့မှာ သူ့ကိုဖမ်းဆီးလိမ့်မယ်လို့ မျှော်လင့်ထားတဲ့အကြောင်း မတ်၁၈ရက်က ပြောကြားလိုက်ပြီး သူ့ကိုထောက်ခံသူတွေအနေနှင့် ဆန္ဒပြပွဲတွေ စတင်ကြဖို့ လှုံ့ဆော်လိုက်ပါတယ်။
အဆိုပါကိစ္စဟာ မန်ဟန်တန်ဒိစတြိတ်ရှေ့နေရုံးက ပေါက်ကြားလာတာဖြစ်တယ်လို့ ထရမ့်က ကိုးကားလိုက်ပြီး သူ့ရဲ့ Truth လူမှုပလက်ဖောင်းမှာ သူကရေးသားလိုက်ပါတယ်။ “ ဦးဆောင်ရီပတ်ဘလီကန်ကိုယ်စားလှယ်လောင်းနှင့် အမေရိကန်ပြည်ထောင်စုရဲ့ သမ္မတဟောင်းဟာ လာမယ့်အပတ် အင်္ဂါနေ့မှာ ဖမ်းဆီးခံရပါလိမ့်မယ်။ ကန့်ကွက်ဆန္ဒပြကြ။ နိုင်ငံကိုပြန်ဆောင်ယူကြ” လို့ သူကရေးသားခဲ့ပါတယ်။
ထရမ့်နှင့် နှစ်ပေါင်းများစွာအကြာက ဇာတ်လမ်းရှုပ်ခဲ့တဲ့ စက်ဖနီကလစ်ဖို့အမည်ရင်းရှိတဲ့ စတုန်းမီဒန်နီယယ်ကို ထရမ့်က ၂၀၁၆ ရွေးကောက်ပွဲမတိုင်ခင် သူတို့ကိစ္စတွေလူသိရှင်ကြားမလုပ်ဖို့ နှုတ်ပိတ်တဲ့အနေနှင့် ဒေါ်လာ တစ်သိန်း သုံးသောင်းပေးခဲ့တဲ့အပေါ် စုံစမ်းစစ်ဆေးရေးတွေက အာရုစိုက်ထားကြပါတယ်။
တရာလိုရှေ့နေတွေဟာ ဒီအမှုနှင့်ပတ်သက်လို ထရမ့်ကို တရားစွဲဖို့သင့်မသင့် ချိန်ဆနေကြပါတယ်။
တကယ်လို့ မန်ဟန်တန်ဒိစတြိတ်ရှေ့နေရုံးက ထရမ့်ကို စွဲချင်တင်ခဲ့မယ်ဆိုရင် အသက် ၇၆နှစ်အရွယ်ရှိပြီဖြစ်တဲ့ ဒေါ်နယ်ထရမ့်ဟာ ရာဇဝတ်မှုနှင့် ပထမဆုံးတရားစွဲခံရတဲ့ အမေရိကန်သမ္မတဖြစ်လာတော့မှာပါ။
တကယ်လို မန်ဟန်တန်တရားသူကြီးက သူ့ကိုစွဲချင်တင်ခဲ့ရင် သူ့အမှုသည်အနေနှင့် အမှုကိုရင်ဆိုင်လိမ့်မယ်လို့ ထရမ့်ရှေ့နေက စီအင်န်ဘီစီရုပ်သံကိုပြောပါတယ်။
ထရမ့်က ဒင်နီယယ်နှင့် ဇာတ်လမ်းရှုပ်ခဲ့တယ်ဆိုတဲ့အပေါ်ငြင်းဆိုထားပါတယ်။
စာလုံးကြီးတွေနှင့်ရေးထားတဲ့ ပို့စ်မှာ ထရမ့်က “ အကျင့်ပျက်ခြားပြီးအကြီးအကျယ်နိုင်ငံရေးလုပ်စားနေတဲ့ မန်ဟန်တန် ဒိစတြိတ်ရှေ့နေများရုံးဆီက တရားမဝင်ပေါက်ကြားလာမှု” လို့ရေးသားထားပါတယ်။
ဗုဒ္ဒဟူးနေ့တုန်းက ဒန်နီယယ်ဟာ အမှုစွဲရှေ့နေတွေနှင့်တွေ့ဆုံခဲ့ပြီး “လိုအပ်လာရင် သက်သေအဖြစ်ထွက်ဆိုပေးမယ်” လို့ ကတိပေးခဲ့တယ်လို့ သူမရဲ့ရှေ့နေ ချားလ်စ် ဘရူးစတားကပြောပါတယ်။
ဒီလစောစောပိုင်းတုန်းက ဒိစတြိတ်ရှေ့နေ အယ်ဗင်ဘရက်ရဲ့အဖွဲ့နှင့် ထရမ့်ကိုတွေ့ဖို့အခွင့်အရေးပေးခဲ့ပေမယ့် ထရမ့်က သူ့ကိုယ်သူ အပြစ်ရှိသလိုဝန်ခံတဲ့သဘောသက်ရောက်နိုင်လို့ ရှောင်ရှားခဲ့ပါတယ်။
ဒီလိုဖိတ်ခေါ်ခြင်းဟာ သူ့ကိုတရားစွဲတော့မယ်ဆိုတာ သေချာသလောက်ဆိုတဲ့သဘောပဲလို့ ကျွမ်းကျင်သူတွေက ပြောဆိုနေကြပါတယ်။
Source WION
#သူ့ကိုဖမ်းရင်ဆန္ဒပြကြဖို့ထရမ့်ပြော
#ဒေါ်နယ်ထရမ့်#စတုန်းမီဒန်နီယယ်လ်
#YangonMediaGroup
Page 399 of 778