#World_Science
Published 29 October 2022

ရေခဲပြင်များ အရည်ပျော်လာခြင်းဟာ ရှေးဟောင်းပိုးမွှားဗိုင်းရပ်စ်တွေ ပတ်ဝန်းကျင်ကို ပျံ့နှံ့လာနိုင်တယ်လို့ အိုဟိုင်ယိုတက္ကသိုလ်မှ အဏုဇီဝပညာရှင်'ဇီဖင်ရှောင်'က ရှင်းပြခဲ့ပါတယ်။

သုတေသီတွေရဲ့ နည်းပညာများဖြင့် ရေခဲပြင်များအတွင်း ဘယ်လိုအရာတွေရှိသလဲဆိုတာကို ပိုမိုသိရှိလာကြပါတယ်။

တိဘက်ကုန်းပြင်မြင့်ရှိ ဂူလီယာရေခဲထုမှ နှစ်ပေါင်း ၁၅,၀၀၀ သက်တမ်းရှိ ဗိုင်းရပ်ဒါဇင်ကျော်နဲ့ သူတို့ရဲ့လုပ်ဆောင်ပုံများကို သိရှိခဲ့ကြပါတယ်။

အဆိုပါရေခဲပြင်များအတွင်း ဗိုင်းရပ်စ်တွေ ကျန်ရှိနေတာဖြစ်နိုင်ပြီး အဏုဇီဝပိုးမွှားလည်း ရှိနေနိုင်ကြောင်း သုတေသီအဖွဲ့က ဖော်ပြခဲ့ပါတယ်။

သုတေသီများတွေ့ရှိခဲ့တဲ့ ဗိုင်းရပ်စ် ၃၃ မျိုးမှာ ၂၈ မျိုးက အရင်က မမြင်တွေ့ဖူးပါဘူး။

ထိုဗိုင်းရပ်စ်တွေက အေးလွန်းတဲ့ဒေသမှာ ရှင်သန်ကူးစက်နိုင်တာကို နောက်ထပ်အဏုဇီဝပညာရှင်ဖြစ်တဲ့ 'မက်သယူးဆာလီဗန်'က ပြောပြလိုက်ပါတယ်။

အဆိုပါရေခဲပြင်များမှ အများဆုံးတွေ့ရတဲ့ဗိုင်းရပ်စ်တွေက မီသိုင်လိုဘက်တီရီယမ်လို့ခေါ်တဲ့ ဘက်တီးရီးယားတွေဖြစ်ပါတယ်။

အေးခဲနေတဲ့ဗိုင်းရပ်စ်တွေက အပင် ဒါမှမဟုတ် မြေကြီးကနေ အစပြုနိုင်ပြီး သူတို့ရဲ့လက်ခံကောင်များအတွက် အဟာရရရှိဖို့ အကူအညီပေးတာဖြစ်နိုင်ပါတယ်။

ကိုဗစ်ကပ်ရောဂါနောက်ပိုင်း အခုလို ရှေးဟောင်းဗိုင်းရပ်စ်များ ပေါ်ပေါက်လာတာဟာ စိုးရိမ်စရာဖြစ်လာပြီး ရေခဲအရည်ပျော်ခြင်းကနေ မီသိန်းနဲ့ ကာဗွန်အများအပြားပါရှိခြင်းက အန္တရာယ်ကြီးမားတဲ့အနေအထားဖြစ်ပါတယ်။

အဆိုပါဘက်တီးရီးယားနဲ့ ဗိုင်းရပ်စ်တွေ ရာသီဥတုပြောင်းလဲမှုကို ဘယ်လိုတုံ့ပြန်သလဲ၊ ရေခဲခေတ်ကနေ အခုပူနွေးတဲ့ကာလကိုရောက်တဲ့အခါ ဘာတွေဖြစ်မလဲဆိုတာတွေကို သိပ်မသိရသေးပါဘူး။

အဆိုပါဗိုင်းရပ်စ်များနဲ့ပတ်သက်ပြီး လေ့လာစရာတွေ အများကြီး ကျန်နေပါသေးတယ်။

Source: Science Alert
#Yangon_Media_Group

#World_Health
Published 29 October 2022

HIV လူနာတွေလိုမျိုး ခုခံအားအပြင်းအထန်ကျဆင်းတဲ့သူတွေမှာ မျောက်ကျောက်ရောဂါကြောင့် ရောဂါလက္ခဏာပြင်းထန်နိုင်သလို သေဆုံးသည်အထိအန္တရာယ်ရှိကြောင်း ဗုဒ္ဓဟူးနေ့က အမေရိကန်လေ့လာချက်တစ်ခုမှာ ဖော်ပြခဲ့ပါတယ်။

မျောက်ကျောက်ရောဂါအပြင်းအထန်ဖြစ်ပွားနေတဲ့ အမေရိကန်လူနာ ၅၇ ဦးကိုလေ့လာခဲ့ရာ ၈၃ ရာခိုင်နှုန်းနီးပါးက ခုခံအားအလွန်အမင်းကျဆင်းနေပြီး ဒါဟာ HIV ကူးစက်ခြင်းကြောင့်ဖြစ်လာရတာ ဖြစ်ပါတယ်။
ဒါ့အပြင် AIDS ဖြစ်နေတဲ့လူနာအများစုဟာ ကုသမှုခံယူခြင်းမရှိကြပါဘူး။

မျောက်ကျောက်ရောဂါနဲ့ HIV နှစ်မျိုးစလုံးကူးစက်ခြင်းက ပိုမိုဆိုးရွားတဲ့အဖြစ်ကို ဦးတည်နေတယ်လို့ အမေရိကန်ရောဂါထိန်းချုပ်ကာကွယ်ရေးစင်တာ(CDC)မှ မျောက်ကျောက်ရောဂါဆိုင်ရာတာဝန်ခံ ဒေါက်တာ'ဂျိုနသန်မာမင်'က ဖော်ပြထားပါတယ်။

မျောက်ကျောက်က နိုင်ငံ ၉၀ ကျော်မှာ ပျံ့ပွားနေကြောင်း တင်ပြထားကြကာ ကူးစက်သူပေါင်း ၇၆,၇၅၇ ဦးရှိပြီး အရေးပေါ်ကျန်းမာရေးအခြေအနေအဖြစ် WHO က ကြေညာထားပါတယ်။

မေလက အမေရိကန်မှာ စတင်ပျံ့ပွားခဲ့ရာ လူပေါင်း ၂၈,၀၀၀ ကျော်ကူးစက်ခဲ့ပြီးနောက် ကာကွယ်ဆေးအကူအညီဖြင့် ဩဂုတ်လလယ်ခန့်မှာ သိသိသာသာကျဆင်းခဲ့ပါတယ်။

မျောက်ကျောက်ရောဂါက အနီးကပ်ထိတွေ့ခြင်းမှ ကူးစက်တတ်သလို အပြင်းထန်ဆုံးလက္ခဏာတွေအကြောင်း ကျန်းမာရေးအရာရှိများက လေ့လာနေကြပါတယ်။

ထိုထဲကမှ ၄၇ ဦးဟာ HIV ပါကူးစက်နေပြီး ၄ ဦးသာ HIV ကုသနည်းခံယူလျက်ရှိပါတယ်။

၉၅ ရာခိုင်နှုန်းက အမျိုးသားများဖြစ်ပြီး ၆၈ ရာခိုင်နှုန်းက လူမည်းလူမျိုးများဖြစ်ပါတယ်။

လူနာ ၁၇ ဦး အထူးကြပ်မတ်ဆောင်မှာ တင်ခဲ့ရကာ ၁၂ ဦးသေဆုံးထားပါတယ်။

ကျန်းမာရေးဝန်ထမ်းများအနေနဲ့ မျောက်ကျောက်ရောဂါသံသယရှိ လူနာတွေအားလုံးကို HIV ပါစစ်ဆေးကြဖို့ သုတေသီများက တိုက်တွန်းထားပါတယ်။

HIV ကူးစက်ထားပြီး မျောက်ကျောက်ရောဂါသံသယရှိသူတွေကို ရောဂါအတည်မပြုနိုင်ခင်မှာပဲ အစောဆုံးကုသမှုဆောင်ရွက်ပေးဖို့လည်း တိုက်တွန်းထားပါတယ်။

မျောက်ကျောက်ရောဂါကူးစက်သူတွေကိုလည်း HIV ကုသနည်းဖြင့် အမြန်ဆုံးကုသပေးဖို့ အကြံပြုထားပါတယ်။

Source: Reuters
#Yangon_Media_Group

#World_Industry
Published 28 October 2022

တောင်အာဖရိကမှ မိဘတွေက သူတို့ကလေးတွေကို ဝိုင်ထုတ်လုပ်အလုပ်လုပ်ဖို့ သဘောကျကြမှာမဟုတ်ပါဘူး။

 
#Yangon_Media_Group

Published 28 October 2022

နာဆာသိပ္ပံပညာရှင်တွေဟာ Reconnaissance Orbiter (MRO) မစ်ရှင်အဖြစ်  ၁၆နှစ်တာ အင်္ဂါဂြိုဟ်ကို စောင့်ကြည့်နေခဲ့တာကနေ ဥက္ကာပျံထိမှန်ခဲ့ပြီးကျန်ခဲ့တဲ အကြီးမားဆုံး တွင်းသစ်ကြီးတစ်ခုရဲ့ ပုံတွေကို ဖော်ထုတ်ပြသခဲ့ကြပါတယ်။ ၂၀၂၁ ဒီဇင်ဘာလတုန်းက ဥက္ကာပျံကြီးတစ်ခု ထိမှန်လို့ တွင်းကြီးတစ်ခုဖြစ်ခဲ့တာပါ။ ကျောက်တုံးကြီးအရွယ် ရေခဲတုံးတွေတွေကို အင်္ဂါဂြိုဟ်ရဲ့ မြေပြင်တစ်လျောက် တွေ့ရှိခဲ့ကြပါတယ်။ အကြီးဆုံးတွင်းကြီးတစ်ခုဖြစ်ပေါ်ခဲ့တာ နှင့်ပတ်သက်ပြီး ဘာဖြစ်တာလဲ ဘယ်တုန်းက ဘာတွေလုပ်လို့လဲဆိုတာ ပြောနိုင်တာက အကြီးအကျယ်ရှာဖွေ့တွေ့ရှိမှုကြီးနှစ်ခုပါလို့ သိပ္ပံပညာရှင် လီလီယာပိုဆီယိုလိုဗာ ကပြောပါတယ်။

Source AFP/NASA

#DailyNews
Published _ 28 October 2022

၁။ ခရီးသွား Site များတွင် မသန်စွမ်းခရီးသွားများသွားလာရ လွယ်ကူအောင်ဆောင်ရွက်ပေးစေချင်ဟုဆို

၂။ စက်မှုကုန်ချော တင်ပို့မှုမှ အမေရိကန်ဒေါ်လာ ၆ ဒသမ ၃၇ ဘီလီယံရရှိထား

၃။ ဒါးပိန်ပန်းပု ကျေးရွာကို ခရီးသွားနေရာအသစ်သတ်မှတ်ရန် စီစဉ်နေ

၄။ ယခင်က လူဖြူများသာပိုင်ဆိုင်ခဲ့သည့် ဝိုင်လုပ်ငန်းများတွင် တောင်အာဖရိကလူမည်းလူမျိုးများ ဝင်ရောက်လာကြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#World_Technology
Published 28 October 2022

ရည်မှန်းချက်ကြီးတဲ့ အမေရိကန်ကုမ္ပဏီတစ်ခုက ပျံသန်းနိုင်တဲ့မော်တော်ကားကို လာမယ့် ၃ နှစ်အတွင်း ဈေးကွက်ထဲ ပထမဆုံးတင်သွင်းနိုင်ရန် နီးစပ်နေပြီဖြစ်ပါတယ်။

ကယ်လီဖိုးနီးယား ဆန်မက်တီယိုရှိ Alef Aeronautics မှဖန်တီးလိုက်တဲ့ Alef Model A ယာဉ်ဟာ တွန်းကန်ပေးတဲ့ပန်ကာ ၈ လုံးပါဝင်ပြီး လျှပ်စစ်မော်တော်ယာဉ်အမျိုးအစား ဖြစ်ပါတယ်။

သာမန်မော်တော်ကားတွေမှာ တပ်ဆင်တဲ့အင်ဂျင်များအစား အဆိုပါပန်ကာတွေကြောင့် လမ်းပေါ်ကနေ လေထဲသို့တည့်တည့်ပင့်တင်ပေးနိုင်မှာဖြစ်ပါတယ်။

လေထဲရောက်တဲ့အခါ ၉၀ ဒီဂရီစောင်းနိုင်ကာ ကားရဲ့အပေါ်ပိုင်းက အရှေ့ဘက်သို့ဦးတည်သွားပြီး တစ်နာရီကို ၂၆၀ မိုင်ဖြင့် လေထဲမှာမောင်းနှင်နိုင်မှာဖြစ်ပါတယ်။

ကားထဲမှာ လူနှစ်ယောက်လိုက်ပါနိုင်ကာ ကားရဲ့ဝင်ရိုးထောက်တိုင်များကြောင့် လူတွေဟာ အရှေ့ကိုပဲ မျက်နှာမူနေမှာဖြစ်ပါတယ်။

Alef Aeronautics ရဲ့တည်ထောင်သူ 'ဂျင်မ်ဒူခေါ့ဗ်နီ'က အဆိုပါယာဉ်အတွက် ဒေါ်လာ ၃ သိန်းကျသင့်မှာဖြစ်ပြီး ၂၀၂၅ ခုနှစ်မှာ စတင်ထုတ်လုပ်တင်ပို့သွားမှာဖြစ်ပါတယ်။

ဆန်မက်တီယိုရှိ သတင်းထောက်မိတ်ဆက်ပွဲမှာ ပြသခဲ့ရာ မောင်းနှင်နိုင်တဲ့အကွာအဝေး မိုင် ၂၀၀ ရှိပြီး ပျံသန်းနိုင်တဲ့အကွာအဝေး မိုင် ၁၀၀ ရှိပါတယ်။

စမ်းသပ်ပျံသန်းပုံတွေကိုတော့ ကုမ္ပဏီက ထုတ်ဖော်ပြသခြင်းမရှိသေးပါဘူး။

အဆိုပါယာဉ်တွေဟာ ပုံမှန်လမ်းတွေမှာလည်း မောင်းနှင်နိုင်သလို ပျံသန်းဖို့အတွက် လေယာဉ်ပြေးလမ်းလည်း မလိုအပ်ပါဘူး။

ကုမ္ပဏီရဲ့ဖော်ပြချက်အရ Alef Model A ဟာ လေထဲသို့ ဒေါင်လိုက်တက်သွားပြီး ကားလမ်းပိတ်တဲ့အချိန် လေထဲကနေ ပျံသန်းသွားနိုင်မှာဖြစ်ပါတယ်။

လမ်းမှာသွားနေရင်း အတားအဆီးတစ်ခုခုတွေ့တဲ့အခါ ၉၀ ဒီဂရီမစောင်းဘဲ ပျံသန်းသွားနိုင်တဲ့စနစ်ပါရှိနိုင်ပါတယ်။

ပျံသန်းခွင့်ရဖို့အတွက် လေကြောင်းအာဏာပိုင်များဆီ ခွင့်ပြုချက်ရရှိရန်လိုပြီး ယာဉ်စည်းကမ်းအတိုင်း ကျင့်ကြံလိုက်နာရမှာဖြစ်ပါတယ်။
ကားတံခါးက သာမန်ဘေးကိုဖွင့်တဲ့တံခါးအပေါ်ဘဲ လိပ်ပြာပုံစံ အပေါ်သို့ထောင်တက်သွားပြီး ကားအထဲဒီဇိင်းကတော့ ပြိုင်ကားတွေရဲ့ပုံစံဖြစ်ပါတယ်။

ဇကာပေါက်လိုဖြစ်နေတဲ့ ကားကိုယ်ထည်ကြောင့် လေဝင်ထွက်နိုင်ပြီး ဘေးအန္တရာယ်ကင်းစွာ ပျံသန်းနေနိုင်မှာဖြစ်ပါတယ်။

Source: Daily Mail
#Yangon_Media_Group