#World_Health
Published 4 May 2023

ကမ္ဘာတဝှမ်းရှိ အာရုံကြောသိပ္ပံပညာရှင်များဟာ ဦးနှောက်လျှို့ဝှက်ချက်များ ဖော်ထုတ်ရာမှာ ပူးပေါင်းပါဝင်ခဲ့ကြပါတယ်။

သေလုမြောပါးဖြစ်နေပြီးနောက် သေဆုံးသွားခဲ့တဲ့ လူ ၂ ဦးရဲ့ဦးနှောက်ထဲက လျှို့ဝှက်ဆန်းကြယ်တဲ့လှုပ်ရှားမှုကို သုတေသီအဖွဲ့က တွေ့ရှိခဲ့ပါတယ်။

လူတစ်ယောက်မသေဆုံးမီ ဦးနှောက်လုံးဝမပိတ်ချခင် နောက်ဆုံးအချိန်မှာ ဦးနှောက်ထဲမှ သိပ္ပံနည်းလမ်းများကို နားလည်ဖို့ကာလရှည်စွာ ကြိုးပမ်းနေခဲ့ပါတယ်။

နှလုံးနဲ့ အသက်ရှူလမ်းကြောင်းဆိုင်ရာ ပိတ်ဆို့တာမျိုးဖြစ်လာတဲ့အခါ ဂမ်မာလှိုင်းမြင့်တက်လာတာကို အရင်လေ့လာမှုတွေမှာ တွေ့ရှိခဲ့ပါတယ်။

လူတစ်ဦးသေဆုံးပြီးနောက် နောက်ဆုံးအခိုက်အတန့်အတွင်း ဦးနှောက်အတွင်းဖြစ်ပျက်မှုများကို ပိုမိုနားလည်စေရန် အမေရိကန်အခြေစိုက် မီချီဂန်တက္ကသိုလ်မှသိပ္ပံပညာရှင်များက အသက်ရှူကိရိယာဖြုတ်ပြီးနောက် သေဆုံးလုနီးပါးဖြစ်နေတဲ့ လူနာ ၄ ဦးမှ EEG နဲ့ ECG တို့ကို ခွဲခြိမ်းစိတ်ဖြာခဲ့ကြပါတယ်။

လူနာ ၄ ဦးက ကိုမာအခြေအနေမှာ ရှိနေခဲ့တာဖြစ်ပါတယ်။

လူနာ ၂ ဦးမှာ ဂမ်မာလှုပ်ရှားမှုများ လှုံ့ဆော်ခြင်းဖြင့် အောက်ဆီဂျင်နည်းပါးခြင်းတွေ့ရှိလာကြောင်း သုတေသီများဖော်ပြထားပါတယ်။

"ဦးနှောက်လုပ်ဆောင်ချက်က နှလုံးရပ်တန့်ချိန်မှာ နားလည်ရခက်ခဲပါတယ်။ သတိလစ်သွားတာက နှလုံးရပ်တာနဲ့ ဆက်စပ်နေကာ သေခါနီးအချိန်မှာ သတိရှိနေလားဆိုတာ မသေချာပါဘူး" လို့ သိပ္ပံပညာရှင်တွေက ဖော်ပြထားပါတယ်။

သိပ္ပံပညာရှင်များက ၂၀၁၄ ခုနှစ်ကတည်းက အာရုံကြောအထူးကြပ်မတ်ဆောင်မှာ သေဆုံးခဲ့တဲ့လူနာများရှိတဲ့ မီချီဂန်တက္ကသိုလ်ကနေ ဖြစ်ရပ်များကို စစ်ဆေးခဲ့ပါတယ်။

ဦးနှောက်အစိတ်အပိုင်းတစ်ခုမှ ဂမ်မာလှိုင်းများစောင့်တက်သွားကာ ဦးနှောက်နှစ်ခြမ်းစလုံးမှာ တာဝေးချိတ်ဆက်မှုဖြစ်ပျက်သွားတာကို သတိပြုမိကြပါတယ်။

သေလုမြောပါးလူနာတွေရဲ့ဦးနှောက်မှာ ကော်တီကယ်အနောက်နေရာများလှုပ်ရှားမှုဖြစ်/မဖြစ် ဆုံးဖြတ်ပေးတာဖြစ်ပါတယ်။

ဂမ်မာလှိုင်းတွေက ဟော့ဇုံလို့ခေါ်တဲ့ ဦးနှောက်အစိတ်အပိုင်းမှာ အစပိုင်းတည်ရှိနေကာ အိပ်မက်မက်သူတွေ၊ ထင်ယောင်ထင်မှားဖြစ်တဲ့လူနာတွေမှာ ပတ်သက်နေပါတယ်။

ဦးနှောက်ထဲကဟော့ဇုံဟာ သတိရှိနေတဲ့ဖြစ်စဉ်အတွက် အလွန်အရေးကြီးတဲ့နေရာဖြစ်ပါတယ်။

မြင့်တက်လာတဲ့ ဂမ်မာလှိုင်းများကြောင့် သူတို့မြင်တွေ့သမျှကိုဖော်ပြလို့ရလောက်တဲ့အထိ လူနာတွေ အသက်မရှင်ခဲ့ကြပါဘူး။

ဒီတွေ့ရှိချက်ယန္တရားများနဲ့ ဇီဝကမ္မဆိုင်ရာအရေးပါမှုတို့ကို ပြည့်ပြည့်စုံစုံလေ့လာရန် လိုအပ်နေသေးသလို အချက်အလက်များအရ သေဆုံးခါနီးဦးနှောက်ဟာ လှုပ်ရှားနေဆဲဖြစ်ကြောင်း ဖော်ပြနေပါတယ်။

Source: India Today #World_Health #သေလုမြောပါးဖြစ်နေသည့်လူများ #ထူးခြားသော လှုပ်ရှားမှု #YMG #Yangon_Media_Group

#World_News
Published_ 4 May 2023

ယူကရိန်းဒရုန်းတွေက ညသန်းခေါင်ကျော်မှာ ရုရှားသမ္မတ'ဗလာဒီမာပူတင်'ရဲ့အသက်ကို ဇီဝိန်ချွေဖို့ ကရင်မ်လင်ရုံးချုပ်ကို တိုက်ခိုက်ခဲ့တယ်လို့ ယူဆရကြောင်း ရုရှားသမ္မတရုံးက အတည်ပြုလိုက်ပါတယ်။

ဒီဖြစ်ရပ်ကို အကြမ်းဖက်တိုက်ခိုက်မှုနဲ့ ရုရှားသမ္မတအား လုပ်ကြံသတ်ဖြတ်ရန်ကြိုးပမ်းမှုလို့ ကရင်မ်လင်နန်းတော်က သတ်မှတ်ဖော်ပြလိုက်ပါတယ်။

စစ်ရေးပဋိပက္ခ နေ့ချင်းညချင်းတင်းမာမှုမြင့်တက်လာခြင်းနဲ့ ပတ်သက်လို့ တုန့်ပြန်ဆောင်ရွက်မှာဖြစ်ကြောင်း ရုရှားက အခိုင်အမာဆိုလိုက်ပါတယ်။

"ညက ယူကရိန်းအစိုးရဟာ ရုရှားဖက်ဒရေးရှင်းသမ္မတရဲ့ ကရင်မ်လင်နေအိမ်ကို ဒရုန်းဖြင့်တိုက်ခိုက်ရန် ကြိုးပမ်းခဲ့ကြပါတယ်။ နန်းတော်ကို ဒရုန်း ၂ စင်းက ပစ်မှတ်ထားခဲ့ပါတယ်" လို့ ကရင်မ်လင်သတင်းဌာနက ဖော်ပြထားပါတယ်။

"ဒီလုပ်ရပ်တွေကို အကြမ်းဖက်လုပ်ရပ်အဖြစ်သတ်မှတ်ပြီး ရုရှားသမ္မတရဲ့အသက်ကို လုပ်ကြံဖို့ကြိုးစားခဲ့တာဖြစ်တယ်။ တိုက်ခိုက်ချိန်တုန်းက ပူတင်ဟာ အဆောက်အအုံထဲမှာ ရှိမနေခဲ့ဘူး" လို့ ဖော်ပြထားပါတယ်။

"ဒီလိုလုပ်ကြံမှုကို ရုရှားအနေနဲ့ သင့်လျော်တဲ့ မည်သည့်အချိန်နေရာမှာမဆို တုန့်ပြန်ခွင့်ရှိပါတယ်" လို့လည်း ဖော်ပြခဲ့ပါတယ်။

ဒီစွပ်စွဲမှုနဲ့ပတ်သက်ပြီး ယူကရိန်းအရာရှိတွေဘက်က ဖြေကြားခြင်းမရှိသေးပါဘူး။

ညသန်းခေါင်ကျော် ၂ နာရီခန့် မီးများမှိတ်သွားတဲ့အချိန်မှာ ကရင်မ်လင်နံရံအနောက်ဘက်ကနေ ပေါက်ကွဲသံ ၂ ခုကြားခဲ့ရကြောင်း ရုရှားပြည်သူများက ပြောပြပါတယ်။

ပြည်သူတွေရိုက်ကူးထားတဲ့ ဗီဒီယိုတွေထဲမှာ ကရင်မ်လင်နန်းတော်အထက် ကောင်းကင်မှာ မီးခိုးတွေပြည့်နေခဲ့ပါတယ်။

ယူကရိန်းဒရုန်း ၂ စင်းက တိုက်ခိုက်တာဖြစ်ပြီး ၂ စင်းစလုံးဖျက်ဆီးခံလိုက်ရပြီဖြစ်ကြောင်း အာဏာပိုင်များက ဆိုပါတယ်။

ထိခိုက်ဒဏ်ရာရသူမရှိခဲ့ဘူးလို့ TASS သတင်းဌာနက ဖော်ပြထားပါတယ်။

ရုရှားကလက်ရှိအချိန်မှာ နှစ်စဉ်မေလ ၉ ရက်ဒုတိယကမ္ဘာစစ်အောင်ပွဲ အထိမ်းအမှတ်ပွဲများမတိုင်မီ လုံခြုံ​ရေးအစီအမံများ ပြင်ဆင်လျက်ရှိပြီး နာဇီဂျာမနီတွေအပေါ် ဆိုဗီယက်ပြည်ထောင်စုအောင်ပွဲနေချိန် ဖြစ်ပါတယ်။

စစ်ပွဲလုံခြုံရေးဆိုင်ရာ စိုးရိမ်မှုများကြောင့် အရာရှိများက လူထုစုဝေးပွဲများကို ထိန်းချုပ်ကန့်သတ်ထားပါတယ်။
Source: WION
#World_News ##ကရင်မ်လင်နန်းတော် #ပူတင်လွတ်မြောက်ခဲ့
#YMG #Yangon_Media_Group

#World_Health
Published 4 May 2023

မျက်လုံးက ဦးနှောက်အတွက် ပြတင်းပေါက်လိုဖြစ်ပြီး မျက်လုံးအနောက်၊ အမြင်အာရုံကြော၊ မျက်ကြည်လွှာတို့ကို ကြည့်ခြင်းဖြင့် အာရုံကြောစနစ်ထဲသို့ တိုက်ရိုက်တွေ့မြင်နိုင်ကြောင်း ဖလော်ရီဒါမှ မျက်စိအထူးကုဒေါက်တာ'ခရစ္စတင်းဂရီယာ'က CNN ကိုပြောကြားလိုက်ပါတယ်။

လက္ခဏာမစမီကပင် မျက်လုံးကိုစစ်ဆေးခြင်းဖြင့် အယ်လ်ဇိုင်းမားရောဂါရှိ/မရှိ စစ်ဆေးနိုင်ဖွယ်ရှိကြောင်း လေ့လာတွေ့ရှိထားပါတယ်။

ရောဂါအစောပိုင်းအဆင့်တွေကတည်းက တွေ့ရှိနိုင်ရင် ကျန်းမာစွာနေထိုင်နိုင်ပြီး သွေးပေါင်ချိန်မြင့်ခြင်း၊ ကိုလက်စ်ထရောလ် ဆီးချိုမြင့်ခြင်းတို့ကို ထိန်းချုပ်နိုင်မှာဖြစ်ကြောင်း အာရုံကြောပညာရှင် ဒေါက်တာ'ရစ်ချတ်အစ်ဆက်ဆန်'က ပြောကြားလိုက်ပါတယ်။

သုတေသီတွေက သိမြင်နိုင်စွမ်းချို့တဲ့လာတဲ့ လူပေါင်း ၈၆ ယောက်ရဲ့ မျက်ကြည်လွှာတွေနဲ့ ဦးနှောက်များထံမှ လှူဒါန်းထားတဲ့ တစ်ရှူးတွေကို လေ့လာခဲ့ကြပါတယ်။

ဒီလေ့လာမှုဟာ မျက်ကြည်လွှာနမူနာနဲ့ပတ်သက်ပြီး အကြီးမားဆုံးလေ့လာမှုဖြစ်ပါတယ်။

ဒီနောက် အယ်လ်ဇိုင်းမားနောက်ပိုင်းအဆင့်ဖြစ်နေတဲ့ လူတွေကို သာမန်သိမြင်နိုင်စွမ်းရှိတဲ့သူတွေရဲ့ နမူနာတွေနဲ့ နှိုင်းယှဉ်ခဲ့ကြပါတယ်။

အယ်လ်ဇိုင်းမားနဲ့ မှတ်ဉာဏ်ကျဆင်းသူများမှာ အဓိကအမှတ်အသားဖြစ်တဲ့ ဘီတာအမယ်လွိုက်ပရိုတိန်း သိသိသာသာများလာကြောင်း Acta Neuropathologica ဂျာနယ်မှာ ဖော်ပြခဲ့ပါတယ်။

မှတ်ဉာဏ်ပြဿနာရှိသူတွေမှာ မိုက်ခရိုဂလိုင်ယယ်ဆဲလ်များ ၈၀ ရာခိုင်နှုန်းလျော့နည်းသွားပါတယ်။

ဒီဆဲလ်တွေက ဦးနှောက်နဲ့ မျက်ကြည်လွှာတို့မှ ရှင်းလင်းတဲ့ဘီတာအမယ်လွိုက်များ အပါအဝင် အခြားဆဲလ်များပြုပြင်ထိန်းသိမ်းဖို့လည်း တာဝန်ရှိနေပါတယ်။

မြင်လွှာအစွန်အဖျားရှိဆဲလ်များမှာ တစ်ရှူးကျုံ့ခြင်းနဲ့ ရောင်ရမ်းခြင်းတို့က နောင်ဖြစ်လာမယ့်သိမြင်နိုင်မှုအခြေအနေအတွက် အကြီးမားဆုံးကြိုတင်ခန့်မှန်းချက်တွေဖြစ်ကြောင်း လေ့လာတွေ့ရှိခဲ့ပါတယ်။

ဒီတွေ့ရှိချက်များကြောင့် ဆရာဝန်များအနေနဲ့ အယ်လ်ဇိုင်းမားရောဂါ အစောပိုင်းနဲ့ ပိုမိုတိကျစွာသိရှိနိုင်စေမယ့် ပုံရိပ်ဖော်နည်းပညာများ ဖွံ့ဖြိုးတိုးတက်လာစေရန် ဦးတည်လာနိုင်တယ်လို့ အစ်ဆက်ဆန်မှ ပြောကြားခဲ့ပါတယ်။

Source: The Jerusalem Post #World_Health #အယ်လ်ဇိုင်းမားကနဦးလက္ခဏာ
#YMG #Yangon_Media_Group

#Asia_Development
Published 3 May 2023

ကမ္ဘောဒီးယားရှိ တရုတ်ကလှူဒါန်းထားတဲ့ ဆေးရုံတစ်ရုံမှ လူနာတွေဟာ ဆေးရုံမှဆရာဝန်တွေနဲ့ သူနာပြုတွေ တရုတ်တိုင်းရင်းဆေးပညာ(TCM) အသုံးပြုခြင်းကနေ အကျိုးကျေးဇူးများရရှိခဲ့ကြပါတယ်။

#Asia_Development #ကမ္ဘောဒီးယား #တရုတ်တိုင်းရင်းဆေးနည်းပညာ
#YMG #Yangon_Media_Group

#Daily_News
Published_ 3 May 2023

၁။ ရန်ကုန်တိုင်းရွှေအသင်းရည်ညွှန်းသတ်မှတ်ဈေး ၂၃သိန်းကျော်သတ်မှတ်ထားပြီး ပြင်ပပေါက်ဈေး ၂၉သိန်း၇သောင်းကျော်ရှိနေ

၂။ ကိုဗစ်လက္ခဏာလုံးဝမပြဘဲ ကိုဗစ်ပိုးတွေ့ရသူပိုများနေ၍ သတိပြုကာကွယ်ရန်လိုဟုဆို

၃။ ရွှေတိဂုံစေတီတော်တွင် ကဆုန်လပြည့်ဗုဒ္ဓနေ့၌ ကဆုန်ညောင်ရေသွန်းလောင်းလှူပူဇော်ပွဲကျင်းပ

၄။ကမ္ဘောဒီးယားမှ တရုတ်လှူဒါန်းထားသည့် ဆေးရုံတွင် တရုတ်တိုင်းရင်းဆေးနည်းပညာဖြင့်လူနာများကိုကုသပေးနေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

Published 3 May 2023

မြန်မာနိုင်ငံသို့ရောက်ရှိနေတဲ့ တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီး မစ္စတာချင်းကန်ဟာ နိုင်ငံတော် အေးချမ်းသာယာရေးနှင့်ဖွံ့ဖြိုးရေးကောင်စီဥက္ကဋ္ဌတာဝန်ယူခဲ့တဲ့  အငြိမ်းစား ဗိုလ်ချူပ်မှူးကြီးသန်းရွှေနှင့် မေလ ၂ရက်နေ့က တွေ့ဆုံခဲ့တယ်လို့ တရုတ်အစိုးရပိုင်မီဒီယာတွေက သတင်းထုတ်ပြန်ပါတယ်။

တရုတ်နိုင်ငံဟာ မြန်မာနိုင်ငံက အားထားရတဲ့ အိမ်နီးချင်းကောင်းနှင့် မိတ်ဖက်ကောင်းနိုင်ငံဖြစ်ပြီး မြန်မာနိုင်ငံတည်ငြိမ်ရေးနှင့် ဖွံ့ဖြိုးတိုးတက်မှုတိုးမြှင့်ရေးတို့အတွက် အမြဲထောက်ခံအားပေးပါတယ်လို့ တရုတ်နိုင်ငံခြားရေး ဝန်ကြီးက အငြိမ်းစားဗိုလ်ချူပ်မှူးကြီးသန်းရွှေနှင့်တွေ့ဆုံစဉ်ပြောကြားခဲ့တယ်လို့ CGTNရဲ့သတင်းထုတ်ပြန်ချက်အရသိရပါတယ်။

မြန်မာနိုင်ငံရဲ့အချုပ်အခြာအာဏာနှင့်နယ်မြေတည်တံ့ခိုင်မြဲမှုကို တရုတ်က လေးစားပြီး မြန်မာနိုင်ငံရဲ့ပြည်တွင်းငြိမ်းချမ်းရေး လုပ်ငန်းစဉ်တိုးတက်ရေးကိုထောက်ခံတယ်လို့ မစ္စတာချင်းက ပြောပါတယ်။  မြန်မာနိုင်ငံရဲ့ လွတ်လပ်ရေးစောင့်ရှောက်ထိန်းသိမ်းမှု၊နိုင်ငံရေးတည်ငြိမ်အောင်ထိန်းသိမ်းထားမှုနှင့် ရေရှည်တည်တံ့ခိုင်မြဲသည့်ဖွံ့ဖြိုးတိုးတက်ရးသဘောပေါက်နားလည်မှုတို့အတွက် မြန်မာနိုင်ငံကို အကူအညီများဆက်ပေးရန် တရုတ်က အသင့်အနေအထားရှိတယ်လို့လည်းသူကပြောပါတယ်။

အတူတကွမျှဝေကြသည့်အနာဂတ်နှင့်အတူ တရုတ်-မြန်မာ လူမှုအသိုက်အဝန်းတည်ထောင်ရန်တရုတ်ဘက်က  မြန်မာနိုင်ငံနှင့် လက်တွဲလုပ်ဆောင်လိုတယ်လို့လည်း တရုတ်နိုင်ငံခြားရေးဝန်ကြီးက ဗိုလ်ချူပ်မှူးကြီးသန်းရွှေ(ငြိမ်း)ကိုပြောကြားခဲ့တယ်လို့ ဆင်ဟွာသတင်းမှာဖော်ပြထားပါတယ်။

မြန်မာနိုင်ငံနှင့် အိမ်နီးချင်းကောင်းပီသတဲ့ ချစ်ကြည်ရင်းနှီးမှုရှိပြီး မြန်မာနိုင်ငံရဲ့လူမှုစီးပွားဖွံ့ဖြိုးတိုးတက်ရေးအတွက်  ခိုင်မာတဲ့ထောက်ခံအားပေးမှုတွေအတွက် တရုတ်ကိုကျေးဇူးတင်တယ်လို့ အငြိမ်းစား ဗိုလ်ချူပ်မှူးကြီးသန်းရွှေက တရုတ်နိုင်ငံခြားရေးဝန်ကြီးကိုပြန်လည်ပြောကြားခဲ့ပါတယ်။ တရုတ်နှင့်မြန်မာနှစ်နိုင်ငံအကြား ဆွေမျိုးပေါက်ဖော်ချစ်ကြည်ရေးဆက်လက်သယ်ဆောင်နိုင်ပြီး ချစ်ကြည်စွာပူးပေါင်းဆောင်ရွက်မှုတိုးမြှင့်နိုင်မယ်လို့ သူယုံကြည်တယ်လို့လည်း ဗိုလ်ချူပ်မှူးကြီးသန်းရွှေ(ငြိမ်း)က ပြောပါတယ်။ အဲဒီအပြင် အသီးအပွင့်ဖြစ်ထွန်းတဲ့ နှစ်နိုင်ငံဆက်ဆံရေးအတွက် ပိုမိုတွန်းအားပေးဆောင်ရွက်နိုင်ကြလိမ့်မယ်လို့ မျှော်လင့်တယ်လို့လည်း အငြိမ်းစား ဗိုလ်ချူပ်မှူးကြီးက ပြောကြားခြ့တဲ့အကြောင်း ဆင်ဟွာကသတင်းဖော်ပြထားပါတယ်။

Source: Xinhua/CGTN

#ဗိုလ်ချူပ်မှူးကြီးသန်းရွှေ

#တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီးQin Gang

#တရုတ်-မြန်မာဆက်ဆံရေး

#YangonMediaGroup