Published 20 Oct 2022

ဗြိတိန်ဝန်ကြီးချုပ်အဖြစ်မှ နှုတ်ထွက်မည်ဖြစ်ကြောင်း လစ်ထရပ်စ်က ကြာသပတေးနေ့က ပြောကြားလိုက်ပါတယ်။ သူမဟာ ဗြိတိန်ဝန်ကြီးချုပ်အဖြစ် ရက်သတ္တပတ်ခြောက်ပတ်မျှသာ တာဝန်ထမ်းဆေင်ခဲ့ရပြီး သူမရဲ့ စီးပွားရေးအစီအစဉ်တွေကြောင့် ဈေးကွက်တွေ ကမောက်ကမဖြစ်ခဲ့ရတဲ့အပြင် သူမရဲ့ ကွန်ဆာဗေးတစ်ပါတီလည်း နှစ်ခြမ်းကွဲခဲ့ရပါတယ်။

ခေါင်းဆောင်ကို လာမယ့်အပတ်အတွင်းရွေးချယ်မယ်လို့ သိရပါတယ်။

သူမရဲ့ အမှတ်၁၀ ဒေါင်းနင်းလမ်းအိမ်တံခါးဝအပြင်ဘက်မှာ သူမကပြောကြားရာမှာ သူမဟာ ကွန်ဆာဗေးတစ်ခေါင်းဆောင်းအဖြစ် တာဝန်ယူတဲ့အချိန်မှာ သူမပေးခဲ့တဲ့ကတိတွေကို မလုပ်ပေးနိုင်ခဲ့ပဲ ပါတီရဲ့ ယုံကြည်မှု ဆုံးရှုံးခဲ့ရတာကို လက်ခံတယ်လို့ပြောပါတယ်။

“ လက်ရှိအခြေအနေမှာ ကျွန်မကို ကွန်ဆာဗေးတစ်ပါတီခေါင်းဆောင်အဖြစ် ပေးအပ်တဲ့ တာဝန်ကို မဆောင်ရွက်နိုင်ခဲ့တာကို သိပါတယ်။အဲဒါကြောင့် ကျွန်မဟာ ဗြိတိန်ဘုရင်မင်းမြတ်နှင့်တွေ့ဆုံပြီး ကျွန်မပါတီခေါင်းဆောင်အဖြစ်မှ နှုတ်ထွက်ပါမယ်လို့ အသိပေးခဲ့ပါတယ်” လို့ သူမကပြောပါတယ်။

“ ဒီမနက်မှ ကျွန်မ ၁၉၂၂ ကော်မတီဥက္ကဋ္ဌ ဆာဂရေဟမ်ဘရက်ဒီနှင့်တွေ့ပါတယ်။ လာမယ့်အပတ်အတွင်း ခေါင်းဆောင် အသစ်ရွေးချယ်ပေးဖို့သဘောတူခဲ့ပါတယ်။  ကျွန်မတို့ရဲ့ ဘဏ္ဍာရေးအစီအစဉ်တွေနှင့် ကျွန်မတို့နိုင်ငံရဲ့ စိးပွားရေးတည်ငြိမ်ရေး၊နိုင်ငံတော်လုံခြုံရေးတို့ကို ထိန်းသိမ်းနိုင်မယ့် လမ်းကြောင်းမှာပဲ ကျွန်မတို့ အသေအချာ ဆက်လက်ရှိနေကြမှာပါ” လို့ သူမကပြောပါတယ်။

Source Reuters

#Liz_Truss

#UK_PM_Resigned

#UK_Politics

#DailyNews
Published _ 20 October 2022

၁။ မြန်မာ-တရုတ် နယ်စပ်ကုန်သွယ်ရေး ကန်ဒေါ်လာ ၁ ဒသမ ၂၈ ဘီလီယံကုန်သွယ်မှုပြုလုပ်ထား

၂။ မြစ်ဝကျွန်းပေါ်ဒေသများတွင် ငရုတ်သီးအစိုဝယ်လိုအားကောင်းနေ

၃။ ကျေးရွာနေပြည်သူများကို နားအကြားအာရုံအခမဲ့ စမ်းသပ်ပေးပြီး နားကြားကိရိယာများ အခမဲ့ပေးနေ

၄။ ဂျပန်ဒီဇိုင်နာပညာရှင်ကြီးများဖြစ်သည့် 'ကင်ဇို'နှင့်'မီယာကဲ'တို့ဆုံးပါးပြီးနောက် ဖက်ရှင်လောကအပြောင်းအလဲဖြစ်လာဖွယ်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#World_Health
Published 20 October 2022

အစစအရာရာဈေးတက်နေတဲ့အချိန်မှာ ကြက်ဥကတော့ ဈေးနှုန်းသင့်တင့်စွာနဲ့ပဲ အဟာရဓာတ်များစွာ ပေးစွမ်းနိုင်ဆဲဖြစ်ပါတယ်။

စားသောက်စရာတွေထဲမှာ ကြက်ဥက အဟာရအရှိဆုံးအစားအစာဖြစ်တယ်လို့ Healthspan မှ အဟာရကျွမ်းကျင်ပညာရှင်'ရော့ဘ်ဟော့ဘ်ဆန်'က ပြောကြားခဲ့ပါတယ်။

"ကြက်ဥက ဈေးသက်သာပြီး ကြိုက်တဲ့ပုံစံနဲ့ သုံးဆောင်နိုင်သလို မနက်စာပဲဖြစ်ဖြစ်၊ နေ့လယ်စာပဲဖြစ်ဖြစ်၊ ညစာပဲဖြစ်ဖြစ် စားသုံးဖို့သင့်တော်ပါတယ်၊ ကြက်ဥရဲ့အဟာရဓာတ်ပါဝင်မှု တမူထူးကဲပါတယ်" လို့ ပြောပြခဲ့ပါတယ်။

ကြက်ဥအနှစ်မပါဘဲနဲ့ ကြက်ဥအကာချည်းပဲ တစ်နေ့ ၂ လုံးစားသုံးမယ်ဆိုရင် ဗိုက်တာမင်-စီနဲ့ ဘီ၃ ကလွဲပြီး လိုအပ်တဲ့ဗိုက်တာမင်တွေနဲ့ သတ္တုဓာတ်တွေ ရရှိစေမှာဖြစ်ပါတယ်။

ပရိုတိန်းဓာတ်က ကြွက်သားများတောင့်တင်းအောင် ဆက်လက်ထိန်းသိမ်းထားသလို ဆဲလ်တွေကိုလည်း ထောက်ပံ့ပေးပါတယ်။
ပရိုတိန်းက ဗိုက်ပြည့်လွယ်တာကြောင့် ကိုယ်အလေးချိန်လျှော့ရာမှာလည်း အထောက်အကူဖြစ်စေပါတယ်။

ပရိုတိန်းက ကြွက်သားတည်ဆောက်ထိန်းသိမ်းနိုင်တာကြောင့် လေ့ကျင့်ခန်းလုပ်တဲ့သူတွေ ကြိုက်နှစ်သက်ကြပါတယ်။

လေ့ကျင့်ခန်းလုပ်ပြီး အစာစားချင်တဲ့အခါ ကြက်ဥပြုတ် ဒါမှမဟုတ် ကြက်ဥဆန်းဒ်ဝစ်ချ်တို့ စားသုံးနိုင်ပါတယ်။

အစာစားချိန်ခြားနားလွန်းတဲ့လူတွေမှာ ပရိုတိန်းစားသုံးပေးခြင်းဖြင့် အဆာခံတဲ့အပြင် သွေးတွင်းသကြားဓာတ်ကိုလည်း ထိန်းသိမ်းပေးပါတယ်။

ကြက်ဥမှာပါဝင်တဲ့ ဗိုက်တာမင်-ဒီက ခန္ဓာကိုယ်ထဲက ရောဂါအချို့ကို ကာကွယ်ပေးနိုင်ပါတယ်။

အရိုးကျန်းမာရေးအတွက် သင့်တော်ပြီး ဗိုက်တာမင်-ဒီချို့တဲ့ပါက အချို့သောကင်ဆာများ၊ နှလုံးရောဂါ၊ သွေးကြောကျဉ်းရောဂါများ ဖြစ်လာနိုင်ပါတယ်။

ဗိုက်တာမင် အေ၊ ဒီ၊ အီး၊ သတ္တုဓာတ်၊ ဆယ်လီနီယမ်၊ သံဓာတ်တို့က ရောဂါဝင်ရောက်လာတဲ့အခါ ပဋိပစ္စည်းများ ထုတ်လုပ်ပေးပါတယ်။

ကြက်ဥမှာ ကောင်းကျိုးပြုကိုလက်စ်ထရောပါဝင်တာကြောင့် နှလုံးသွေးကြောရောဂါဖြစ်ခြင်းမှ ကာကွယ်ပေးနိုင်ပါတယ်။

ဒါကြောင့် ကျန်းမာရေးနဲ့ညီညွတ်ပြီး ဈေးသက်သာတဲ့ ကြက်ဥကို အမျိုးမျိုးသောဟင်းလျာများမှာ ထည့်သွင်းစားသောက်သင့်တယ်လို့ အကြံပြုသွားပါတယ်။

Source: The Sun
#Yangon_Media_Group

#World_Military
Published 20 October 2022

ရုရှားတို့က ဒုံးကျည်များ၊ ဒရုန်းများဖြင့် တိုက်ခိုက်ခဲ့ရာ ယူကရိန်းရှိ ဓာတ်အားပေးစက်ရုံအချို့ ထိမှန်ပျက်စီးသွားရပြီးနောက် ကြာသပတေးနေ့မှာ တစ်နိုင်ငံလုံးပထမဆုံးအနေနဲ့ လျှပ်စစ်ဓာတ်အားသုံးစွဲမှုကို ကန့်သတ်လိုက်ရပါတယ်။

လျှပ်စစ်ဓာတ်အားပေးဝေမှုကို နံနက် ၈ နာရီမှ ည ၁၁ နာရီအထိ ကန့်သတ်သွားမှာဖြစ်ကြောင်း အစိုးရအရာရှိများနဲ့ ယူကရယ်နာဂိုဓာတ်အားလိုင်းရုံးတို့မှ ကြေညာလိုက်ပါတယ်။

လျှပ်စစ်ဓာတ်အားသုံးစွဲမှုကို အတတ်နိုင်ဆုံးလျှော့ချပြီး မသုံးစွဲဘူးဆိုရင် ယာယီဓာတ်အားပြတ်တောက်မှုဖြစ်လာနိုင်ကြောင်းလည်း သမ္မတလက်ထောက်တစ်ဦးက သတိပေးခဲ့ပါတယ်။

ဆောင်းရာသီကာလအတွင်း ဓာတ်အားသုံးစွဲမှု ခြိုးခြံဖို့ ထပ်မံတောင်းဆိုလာရနိုင်ပါတယ်လို့ ယူကရယ်နာဂိုရုံးက ပြောကြားခဲ့ပါတယ်။

ရုရှားတို့ဟာ လတ်တလောရက်များအတွင်း ယူကရိန်းရှိ ဓာတ်အားပေးစက်ရုံများနဲ့ ရေအားပေးအချက်အခြာစက်ရုံများကို အဓိကပစ်မှတ်ထားတိုက်ခိုက်လာပါတယ်။

"အဓိကအဆောက်အအုံအချို့ ထပ်မံထိခိုက်ခဲ့ပြီး ဒီကနေ့မှာ စွမ်းအင်အချက်အခြာ အဆောက်အအုံ ၃ ခု ပျက်စီးခဲ့ပါတယ်"လို့ ယူကရိန်းသမ္မတ'ဗိုလိုဒီမီယာဇယ်လန်စကီ'က ဗုဒ္ဓဟူးနေ့ညချမ်းမိန့်ခွန်းမှာ ပြောကြားခဲ့ပါတယ်။

"လာမယ့်ဆောင်းရာသီအတွက် ဖြစ်လာနိုင်တဲ့ကိစ္စများကို ကြိုတင်ပြင်ဆင်နေပါတယ်၊ ရုရှားတို့က စွမ်းအင်အဆောက်အအုံတွေကို အဓိကထားတိုက်ခိုက်နေတယ်လို့ ယူဆရပါတယ်၊ မဟာမိတ်များရဲ့အကူအညီနဲ့ ရန်သူဒုံးကျည်တွေနဲ့ ဒရုန်းတွေကို ၁၀၀ ရာခိုင်နှုန်းပစ်ချနိုင်စွမ်းရှိလာမှာပါ" ယူကရိန်းနိုင်ငံရှိ ဓာတ်အားပေးစက်ရုံများရဲ့ ၃ ပုံ ၁ ပုံဟာ ရုရှားလေကြောင်းတိုက်ခိုက်မှုကြောင့် ပျက်စီးထားရပြီဖြစ်ပါတယ်။

ထိခိုက်သွားတဲ့ ဓာတ်အားပေးစက်ရုံတွေကို ပြင်ဆင်ဖို့ လနဲ့ချီပြီးကြာနိုင်ကြောင်း လဗစ်ဗ်မြို့တော်ဝန်က ရုပ်သံမှာပြောကြားသွားပါတယ်။
ရုရှားတို့အသုံးပြုခဲ့တဲ့ အီရန်နိုင်ငံထုတ်ဒရုန်း စုစုပေါင်း ၂၃၃ စင်းကို ယူကရိန်းဘက်က ပစ်ချနိုင်ခဲ့ပါတယ်။

ကြာသပတေးနေ့ အစောပိုင်းကလည်း ယူကရိန်းတောင်ပိုင်းမြို့မိုင်ကိုလစ်ဗ်ကို ဒရုန်း ၅ စင်းတိုက်ခိုက်ခဲ့ရာ ပျက်စီးမှုမည်မျှရှိသလဲဆိုတာကို သေချာမသိရသေးပါဘူး။

ရုရှားဟာ အီရန်နိုင်ငံထုတ် Shahed-136 kamikaze ဒရုန်းတွေနဲ့ ပစ်မှတ်များဆီသွားရောက်ပြီး ဖောက်ခွဲခဲ့တယ်လို့ ယူကရိန်းက စွပ်စွဲထားကာ အီရန်ဘက်က လက်နက်ပစ္စည်းထောက်ပံ့တာကို ငြင်းဆန်လိုက်ပြီး ရုရှားတို့ကလည်း အသုံးမပြုဘူးလို့ ငြင်းလိုက်ပါတယ်။

ဗုဒ္ဓဟူးနေ့က ကုလသမဂ္ဂလုံခြုံရေးကောင်စီအစည်းအဝေးမှာ အမေရိကန်၊ ဗြိတိန်၊ ပြင်သစ်တို့က ကိစ္စရပ်တစ်ခုကို တင်ပြခဲ့ကြပြီး အီရန်တို့ဟာ ရုရှားကိုဒရုန်းများပေးပို့နေကြောင်း စွပ်စွဲလိုက်ပါတယ်။

ယူကရိန်းနဲ့ အနောက်နိုင်ငံတို့ စွပ်စွဲထားတဲ့အတိုင်း ထိုလက်နက်ဒရုန်းတွေက အီရန်ထုတ်ဟုတ်လား မဟုတ်လားဆိုတာကို စစ်ဆေးရန် ကုလဘက်ကနေ ကျွမ်းကျင်သူများစေလွှတ်မယ်ဆိုပါက ရုရှားအနေနဲ့ ကုလအထွေထွေအတွင်းရေးမှူးချုပ် 'အန်တိုနီယိုဂူတာရက်စ်'နဲ့ ပူးပေါင်းဆောင်ရွက်မှုကို ပြန်လည်အကဲဖြတ်ရတော့မှာဖြစ်ကြောင်း ကုလသမဂ္ဂဆိုင်ရာ ရုရှားဒုသံအမတ်ကြီး'ဒီမစ်ထရီပိုလီယန်စကီ'က သတင်းထောက်တွေကို ပြောကြားခဲ့ပါတယ်။

Source: Reuters
#Yangon_Media_Group

#World_Health
Published 20 October 2022

ဆံပင်ဖြောင့်ဆေး မကြာခဏအသုံးပြုသူတွေဟာ သားအိမ်ကင်ဆာဖြစ်နိုင်ချေများပြားကြောင်း လေ့လာတွေ့ရှိချက်ကို ဖော်ပြထားပါတယ်။

"ဆံပင်ဖြောင့်ဆေး လုံးဝအသုံးမပြုသူတွေထဲက ၁.၆၄ ရာခိုင်နှုန်းသောအမျိုးသမီးတွေသာ အသက် ၇၀ အရွယ်မှာ သားအိမ်ကင်ဆာဖြစ်နိုင်ချေရှိပေမယ့် ဆံပင်ဖြောင့်ဆေးအသုံးပြုသူတွေမှာတော့ ၄.၀၅ ရာခိုင်နှုန်းအထိရှိနေကြောင်း အမေရိကန်သဘာဝပတ်ဝန်းကျင်ကျန်းမာရေးတက္ကသိုလ်မှ 'အဲလက်ဇန်ဒရာဝှိုက်'က ပြောကြားခဲ့ပါတယ်။

အမေရိကန် CDC ရဲ့ဖော်ပြချက်အရ သားအိမ်ကင်ဆာက ဖြစ်ပွားနှုန်းမြင့်မားလာကာ အထူးသဖြင့် လူမည်းအမျိုးသမီးတွေမှာ ပိုအဖြစ်များပါတယ်။

မတူညီတဲ့ဒေသလူမျိုးတွေထဲက အသက် ၃၅ နှစ်မှ ၇၄ နှစ်အတွင်းရှိ အမျိုးသမီးများကို လေ့လာခဲ့ရာ ၃၇၈ ဦးက သားအိမ်ကင်ဆာဖြစ်ပွားခဲ့ပါတယ်။

ဆံပင်ဖြောင့်ဆေးသုံးစွဲသူတွေမှာ သားအိမ်ကင်ဆာဖြစ်လာနိုင်ချေက ယခုနှစ်များအတွင်း ပိုမိုမြင့်မားလာပါတယ်။

အနည်းငယ်မျှသာ သုံးစွဲသူတွေမှာလည်း သားအိမ်ကင်ဆာဖြစ်နိုင်ချေရှိပေမယ့် သိပ်တော့မမြင့်မားခဲ့ပါဘူး။

အစောပိုင်းလေ့လာချက်များအရ ဆံပင်ဖြောင့်ဆေးတွေမှာ ဟော်မုန်းများကိုထိခိုက်စေတဲ့ ဓာတုပစ္စည်းများပါဝင်ကာ ရင်သားနဲ့ သားအိမ်ခေါင်းကင်ဆာဖြစ်နိုင်ချေ မြင့်မားကြောင်း ဖော်ပြထားပါတယ်။

ဒီလေ့လာချက်တွေဟာ ဆံပင်ဖြောင့်ဆေးနဲ့ သားအိမ်ကင်ဆာတို့ကြား ဆက်စပ်ပုံကို ပထမဆုံးတွေ့ရှိခဲ့တာဖြစ်ကြောင်း၊ ဒီလိုဖြစ်စေတဲ့ဓာတုပစ္စည်းကို နောက်ထပ်ရှာဖွေမှုများ ပြုလုပ်ရဦးမှာဖြစ်ကြောင်း ဖော်ပြခဲ့ပါတယ်။

လူမည်းအမျိုးသမီးတွေက ဆံပင်ဖြောင့်ဆေးနဲ့ အခြားပစ္စည်းများကို ပိုပြီးအသုံးပြုကြတာကြောင့် အခြားလူမျိုးများထက် စောစီးစွာကင်ဆာဖြစ်ပွားရတာ ဖြစ်နိုင်ကြောင်း ယူဆရပါတယ်။

Source: Reuters
#Yangon_Media_Group

Published 19 Oct 2022

ဗြိတိန်ဝန်ကြီးချုပ် လစ်ထရပ်စ်က သူမအနေဖြင့် ခေါင်းဆောင်အဖြစ်မှ နှုတ်ထွက်လိမ့်မည်မဟုတ်လို့ ဗုဒ္ဓဟူးနေ့က ပါလီမန်မှာပြောခဲ့ပါတယ်။

သူမအနေဖြင့် အရှက်ရဖွယ် အခွန်ဖြတ်တောက်မှုကို ပြောင်းပြန်လှန်ပြီးကတည်းက ပထမဆုံးမေးခွန်းတွေနှင့် ရင်ဆိုင်ရာမှာ သူမကပြောခဲ့တာပါ။

ပါလီမန်ရဲ့ စကားစစ်ထိုးပွဲတစ်ခုအတွင်း အတိုက်အခံလေဘာခေါင်းဆောင် ကီယာစတာမာက အမတ်တွေကို “သူမဘာကြောင့် ဒီရာထူးမှာရှိနေရမှာလဲ” လို့ မေးခွန်းထုတ်ခဲ့ပါတယ်။

“ကျွန်တော့်မှာ စာရင်းရှိတယ်.. ၄၅ပီ အခွန်ဖြတ်..သွားပြီ ကော်ပိုရေးရှင်အခွန်ဖြတ်  သွားပြီ .. (၂)နှစ်တာ စွမ်းအင် ပိတ်တားခြင်း,,သွားပြီ ..အခွန်မဲ့ ဈေးဝယ်ခြင်း..သွားပြီ..စီးပွားရေး ယုံကြည်ရမှု..သွားပြီ..။ သူမထောက်ခံတဲ့ အချစ်ဆုံးသူငယ်ချင်း ဘဏ္ဍာရေးဝန်ကြီးဟောင်း..သူလည်းသွားပြီ...အားလုံးသွားကြပြီ.. ဘာကြောင့် သူမ ဒီမှာ ရှိနေရမှာလဲ” လို့ အတိုက်အခံခေါင်းဆောင်ကမေးခွန်းထုတ်ခဲ့တာဖြစ်ပါတယ်။

အဲဒီအခါ ထရပ်စ်က “ကျွန်မဟာ ဖိုက်တာ (Fighter )သာဖြစ်ပြီး အရှုံးပေးသူ(Quitter)မဟုတ်ဘူး”လို့ ပြန်လည်ချေပခဲ့ပါတယ်။

Source AFP

#Liz_Truss

#Keir_Starmer

#UK_Politics