#World_Health
Published 15 January 2026

■ အဆင့်ဆင့်ထုတ်လုပ်စားစရာ (UPF)တွေဖြစ်တဲ့ ဝက်အူချောင်း၊ အာလူးကြော်၊ စက်ရုံထုတ်အသားများ၊ အသင့်စားစရာတွေကြောင့် နှလုံးရောဂါ၊ ဆီးချို၊ သက်တမ်းတိုခြင်းတို့ အပါအဝင် ဘေးအန္တရာယ်ပေါင်း ၃၀ ကျော် ဆက်စပ်နေကြောင်း တွေ့ရှိထားပြီး ဖြစ်ပါတယ်။

■ လေ့လာချက်အသစ်ထဲမှာ UPF အစားအစာတွေနဲ့ ဆက်စပ်နေတဲ့ ဘေးအန္တရာယ်စာရင်းထဲ အဆုတ်ကင်ဆာကိုပါ ထည့်သွင်းလာပါတယ်။

■ UPF တွေကို လျှော့ချစားသုံးခြင်းဖြင့် အဆုတ်ကင်ဆာဖြစ်နိုင်ခြေ လျော့နည်းစေနိုင်တယ်လို့ သုတေသီတွေ ယူဆထားပါတယ်။

■ ပျမ်းမျှအသက် ၆၂ နှစ်ရှိတဲ့ လူပေါင်း ၁၀၁,၀၀၀ ကျော်ရဲ့ စားသောက်ပုံတွေကို မေးမြန်းပြီး လေ့လာခဲ့ကြပါတယ်။

■ တာရှည်ခံဆေး၊ ဓာတုပစ္စည်းများပါဝင်တဲ့ စားစရာတွေကို UPF လို့ များသောအားဖြင့် သတ်မှတ်ပါတယ်။

■ ဒီလေ့လာချက်ထဲမှာတော့ ရေခဲမုန့်၊ အချဉ်ရည်၊ ချိုချဉ်၊ အချိုရည်၊ အသင့်စား ဟမ်ဘာဂါ၊ ပီဇာတို့ ပါဝင်ပါတယ်။

■ UPF စားစရာတွေက အာဟာရတန်ဖိုး နည်းပါးပြီး သကြား၊ ဆား၊ ပြည့်ဝဆီတို့ မြင့်မားစွာ ပါဝင်ပါတယ်။

■ ထိုထဲမှာမှ လူပေါင်း ၁,၇၀၆ ဦးက အဆုတ်ကင်ဆာ ဖြစ်ပွားခဲ့တာကို တွေ့ရပါတယ်။

■ ဒီလေ့လာချက်က ဆေးလိပ်သောက်ခြင်းလိုမျိုး အချက်အလက်တွေ ထည့်သွင်းထားခြင်းမရှိဘဲ UPF စားသုံးမှုများခြင်းရဲ့ သက်ရောက်မှုကို ပြသချင်တာ ဖြစ်ပါတယ်။

■ ဒီအတွက် အစားအစာနဲ့ ပတ်သက်ပြီး ဖြည်းဖြည်းချင်း သတိထားချင့်ချိန်စားကြဖို့နဲ့ UPF စားစရာများ ဝယ်ယူရရှိနေတာတွေကို ဖြေရှင်းကြဖို့ ပညာရှင်များ အကြံပြုထားပါတယ်။

Source: Metro