#World_Politics
Published 29 November 2022

ဗြိတိန်ဝန်ကြီးချုပ်'ရီရှီဆူနက်ခ်'က နိုင်ငံခြားရေးမူဝါဒနဲ့ပတ်သက်ပြီး တနင်္လာနေ့က ပထမဆုံးမိန့်ခွန်းပြောကြားရာမှာ တရုတ်နိုင်ငံရဲ့ ကြီးထွားလာတဲ့ အာဏာရှင်စနစ်က ဗြိတိန်တို့ရဲ့ အကျိုးစီးပွားအတွက် စိန်ခေါ်မှုတစ်ခုဖြစ်လာနိုင်ပြီး ယူကေနဲ့တရုတ်တို့ရဲ့ ဆက်ဆံရေးရွှေရောင်လွှမ်းတဲ့ခေတ်က ပြီးဆုံးသွားပြီးဖြစ်ကြောင်း ကြေညာလိုက်ပါတယ်။

ဒါပေမဲ့ 'ဆူနက်ခ်'က တရုတ်ဟာ ခြိမ်းခြောက်မှုတစ်ရပ်ဖြစ်လာမယ်လို့ သမုတ်နေခြင်းကိုတော့ ဆက်လက်မခေါ်ဆိုတော့တာကြောင့် သူ့ရဲ့ကွန်ဆာဗေးတစ်ပါတီမှ နိုင်ငံရေးမှာရန်လိုလားတဲ့ တရုတ်လူမျိုးတွေတော့ စိတ်ပျက်စရာဖြစ်ခဲ့ပါတယ်။

ဒီမတိုင်ခင်တုန်းက 'ဆူနက်ခ်'လိုလူမျိုးဟာ တရုတ်ကို ယူကေရဲ့လုံခြုံရေးထိပါးလာနိုင်တဲ့နိုင်ငံအဖြစ် မှတ်ယူမယ်လို့ ထင်ထားကြတာဖြစ်ပါတယ်။

လန်ဒန်ရှိ မြို့တော်ဝန်နှစ်စဉ်စားသောက်ပွဲမှ 'ဆူနက်ခ်'ကပြောကြားရာမှာ ယူကေက တရုတ်လိုပြိုင်ဘက်တွေကို ရင်ဆိုင်သွားမှာဖြစ်ကြောင်း၊ အပြောတွေနဲ့သာမဟုတ်ဘဲ ခိုင်မာတဲ့လက်တွေ့လုပ်ရပ်များဖြင့် ဆောင်ရွက်မှာဖြစ်ကြောင်း၊ အမေရိကန်၊ ကနေဒါ၊ ဩစတြေးလျ၊ ဂျပန်တို့အပါအဝင် စိတ်တူကိုယ်တူရှိတဲ့ မဟာမိတ်နိုင်ငံများနဲ့ ဆက်ဆံရေးမြှင့်တင်သွားမှာဖြစ်ကြောင်း ဆိုလိုက်ပါတယ်။

"တရုတ်က ကျွန်ုပ်တိုရဲ့အကျိုးစီးပွားအတွက် စနစ်ကျကျစိန်ခေါ်မှုတစ်ရပ် ဖြစ်လာတာကို လက်ခံရမှာဖြစ်ပြီး အာဏာရှင်စနစ်ဘက်ကို ပိုသွားလာတာနဲ့အမျှ စိန်ခေါ်မှုကလည်း ပိုမိုပြင်းထန်လာမှာဖြစ်ပါတယ်" လို ဆိုခဲ့ပါတယ်။

တရုတ်မှာ တင်းကျပ်တဲ့ဇီးရိုးကိုဗစ်ကန့်သတ်ချက်ကို ဆန္ဒပြမှုများဖြစ်ပေါ်ခဲ့ပြီးနောက် တရုတ်ရဲ့ထိန်းချုပ်ကိုင်တွယ်ပုံနဲ့ပတ်သက်ပြီး 'ဆူနက်ခ်'က "ဆန္ဒပြသံတွေကို နားမထောင်ဘဲ တရုတ်အစိုးရက ဖြိုခွဲဖို့ဆုံးဖြတ်ခဲ့ကာ BBC သတင်းထောက်တစ်ဦးကိုလည်း တိုက်ခိုက်ခဲ့ပါတယ်" လို့ ပြောကြားလိုက်ပါတယ်။

ဇူလိုင်လက ဝန်ကြီးချုပ်ဟောင်း'ဘိုရစ်ဂျွန်ဆန်'ရဲ့နေရာမှာ ဆက်ခံမယ့်သူရွေးချယ်ဖို့ ကွန်ဆာဗေးတစ်မှဦးဆောင်သူတွေယှဉ်ပြိုင်ကြရာမှာ 'ဆူနက်ခ်'က "တရုတ်ဟာ ဗြိတိန်နဲ့ ကမ္ဘာ့လုံခြုံရေး၊ ချမ်းသာကြွယ်ဝရေးတိုအတွက် အကြီးမားဆုံးအန္တရာယ်ဖြစ်တယ်" လို့ ထုတ်ဖော်ပြောကြားခဲ့ပါတယ်။

ယူကေတက္ကသိုလ်တွေမှာ တရုတ်ယဉ်ကျေးမှုနဲ့ ဘာသာစကားတို့ကို မြှင့်တင်ပေးတဲ့ တရုတ်အစိုးရပါဝင်ထောက်ပံ့ထားတဲ့ ကွန်ဖြူးရှပ်စ်တက္ကသိုလ်အဖွဲ့အစည်းအားလုံးကို ပိတ်ပစ်ဖို့ကတိပြုခဲ့ပါသေးတယ်။

တရုတ်ရဲ့ ဆိုက်ဘာတိုက်ခိုက်မှုများကို နိုင်ငံတကာမဟာမိတ်တွေနဲ့ ပူးပေါင်းကာ ဦးဆောင်ကာကွယ်သွားမှာဖြစ်ပြီး တရုတ်သူလျှိထောက်လှမ်းရေးလုပ်ငန်းများကို တန်ပြန်ဆောင်ရွက်ဖို့ ဗြိတိန်ကုမ္ပဏီတွေနဲ့ တက္ကသိုလ်တွေကို ကူညီသွားမယ်လို့လည်း ဆိုပါတယ်။

အတိုက်အခံအလုပ်သမားပါတီမှ နိုင်ငံခြားရေးပြောရေးဆိုခွင့်ရှိသူ 'ဒေးဗစ်လမ်မီ'က ကွန်ဆာဗေးတစ်အစိုးရအဖွဲ့ဟာ တရုတ်အပေါ်သဘောထားကို ပြောင်းပြန်လှန်ပစ်လိုက်ပြန်ပြီလို့ မှတ်ချက်ချလိုက်ပါတယ်။

Source: AP News
#Yangon_Media_Group

#World_Health
Published 29 November 2022

တစ်ကမ္ဘာလုံးမှ စုံတွဲတွေမှာ ကလေးမရခြင်းပြဿနာက ၁၅ ရာခိုင်နှုန်းခန့်ရှိနေပြီး ဒီပြဿနာတွေဟာ အမျိုးသမီးတွေနဲ့ သက်ဆိုင်နေတယ်လို့ ယူဆခဲ့ကြပါတယ်။

ဒါပေမဲ့ အမျိုးသားဘက်မှ မျိုးမအောင်တဲ့အခြေအနေက ကလေးမရခြင်းပြဿနာရဲ့ ၅၀ ရာခိုင်နှုန်းပါဝင်နေတာကို မသိရှိကြပါဘူး။

အမျိုးသားတွေရဲ့ မျိုးအောင်နိုင်စွမ်းက နေထိုင်မှုပုံစံများအပါအဝင် အချက်အလက်အများအပြားပေါ် မူတည်နေပါတယ်။

အမျိုးသားတွေ မျိုးမအောင်ခြင်းနဲ့ ကျန်းမာရေးတို့ကြား ပတ်သက်မှုတွေကို အမေရိကန်ပြည်ထောင်စု အိုဟိုင်ယိုမှ ဒေါက်တာ'နီးလ်ပါရက်ခ်'က ရှင်းပြသွားပါတယ်။

ကလေးယူဖို့ စဉ်းစားထားတဲ့အမျိုးသားတွေအနေနဲ့ ၃ လမတိုင်ခင်ကတည်းက ကြိုတင်သတိထားသင့်ပြီး ဆေးလိပ်၊ အသောက်အစား၊ ဆေးခြောက်တို့ကို သတိပြုရမှာဖြစ်သလို အဝလွန်ခြင်း၊ စိတ်ပိုင်းဆိုင်ရာဖိစီးမှုဖြစ်ခြင်းတို့နဲ့ ပတ်သက်နေပါတယ်။

မျိုးအောင်ဖို့ရာ အရေးကြီးတဲ့သုတ်ပိုးတွေ ကျန်းမာသန်စွမ်းဖို့လိုအပ်ပြီး အသက်ကြီးလာတာနဲ့အမျှ အကောင်ရေနဲ့ အရည်အသွေးကျဆင်းလာပါတယ်။

သုတ်ရည်တစ်ခါထွက်တိုင်း သုတ်ပိုးအကောင်ရေ ၁၅ သန်းမှ ၂၀၀ ကြားရှိရင် ကျန်းမာတယ်ယူဆပြီး ၁၅ သန်းအောက်ဆိုရင် သုတ်ပိုးအကောင်ရေနည်းတယ်လို့ ဆိုနိုင်ပါတယ်။

အပူချိန်မြင့်တဲ့အခါ သုတ်ပိုးအကောင်ရေကျဆင်းပြီး လှုပ်ရှားနိုင်စွမ်းတဝက်မျှ လျော့နည်းသွားတတ်တာကြောင့် မျိုးပွားအင်္ဂါကို အေးမြအောင်ထားဖို့ ဒေါက်တာ'ဝေါင်ချင်ယင်'က အကြံပြုထားပါတယ်။

အမျိုးသားတွေရဲ့ မျိုးအောင်နိုင်စွမ်းကို ကာကွယ်ထိန်းသိမ်းနိုင်မယ့်နည်းလမ်း ၅ ခုက..

(၁) ဆေးလိပ်ရှောင်ရှားခြင်း
ဆေးလိပ်နဲ့စီးကရက်တွေမှာ ခန္ဓာကိုယ်အစိတ်အပိုင်းအများအပြားကို ထိခိုက်နိုင်ပါတယ်။

ဆေးလိပ်သောက်ခြင်းဖြင့် ပုံသဏ္ဍာန်မမှန်တဲ့ သုတ်ပိုးတွေဖြစ်ပေါ်ကာ အကောင်ရေနည်းသွားတတ်ပါတယ်။

(၂) ကိုယ်အလေးချိန်ထိန်းသိမ်းခြင်း
အဝလွန်တဲ့အခါ လိင်မှုဆိုင်ရာ စိတ်ဝင်စားမှုနဲ့ ယုံကြည်ချက်တို့ ထိခိုက်စေရုံမက သုတ်ပိုးလှုပ်ရှားနိုင်စွမ်းကို လျော့ကျစေပါတယ်။

ကိုယ်အလေးချိန်အနည်းငယ် လျှော့ချနိုင်တယ်ဆိုရင်တောင် သုတ်ပိုးအရည်အသွေးကို တိုးတက်စေနိုင်ပါတယ်။

(၃) အေးမြစွာထားရှိခြင်း
ရေပူချိုးခြင်းလိုမျိုး လုပ်ရပ်တွေမှာ သုတ်ပိုးဖွံ့ဖြိုးမှုကို ထိခိုက်စေနိုင်တာကြောင့် အေးမြအောင်ထားခြင်း၊ ပေါ့ပါးချောင်ချိတဲ့အတွင်းခံဝတ်ခြင်းတို့ဖြင့် သုတ်ပိုးကျန်းမာရေးကို တိုးတက်စေမှာဖြစ်ပါတယ်။

(၄) ကျန်းမာရေးနှင့်ညီညွတ်စွာစားသုံးခြင်း
အဆင့်ဆင့်ထုပ်ပိုးထားတဲ့ အသင့်စားအစားအစာတွေက ကျားဟော်မုန်းဖြစ်တဲ့ တက်စ်တိုစတီရုန်းပမာဏကို လျော့နည်းစေပါတယ်။
အိုမီဂါ ၃ ပါဝင်တဲ့ ငါးလိုမျိုးအစားအစာတွေက သုတ်ပိုးလှုပ်ရှားနိုင်စွမ်းကို ကောင်းမွန်စေပါတယ်။

(၅) ဆေးဝါးများသတိထားသုံးစွဲခြင်း
ဆေးဝါးအမျိုးအစားအားလုံးက လိင်ပိုင်းဆိုင်ရာလိုအင်ဆန္ဒနဲ့ သုတ်ပိုးစွမ်းဆောင်ရည်တို့ကို ထိခိုက်စေပါတယ်။

အရက်သောက်ခြင်းကလည်း တက်စ်တိုစတီရုန်းထုတ်လုပ်မှုကို လျော့နည်းစေပါတယ်။

Source: SCMP
#Yangon_Media_Group

#World_Health
Published 29 November 2022

ကျွန်ုပ်တို့အများစုဟာ စိတ်ညစ်မှုအနည်းနဲ့အများကြုံတွေ့ကြရပြီး အဲဒီအခါကျရင် ပုံမှန်ထက်ထိုင်းမှိုင်းလေးလံမှုများ ခံစားကြရမှာပါ။

ရင်ထဲမှာ ဟာတာတာနဲ့ အပြစ်ရှိသလို ခံစားရပြီး စိတ်ပျက်အားငယ်ကြရမှာပါ။

စိတ်အာရုံရှုပ်ထွေးခြင်းကို လျှော့ချနိုင်အောင် ကြိုးစားကြပေမယ့် ပြဿနာတွေသာ ပိုဆိုးလာကြပါတယ်။

ဖြေရှင်းနိုင်တဲ့နည်းလမ်းတွေထဲမှာ တောက်ပစူးရှတဲ့အရာတစ်ခုကို အာရုံစိုက်ကြည့်လိုက်တဲ့အခါ အာရုံမပျံ့လွင့်တော့ပါဘူး။

နောက်နည်းလမ်းတစ်ခုကတော့ ခန္ဓာကိုယ်ထဲက အာရုံခံစားမှုတွေဖြစ်တဲ့ အကြောတင်းမာမှုများ၊ ဖိအားများ၊ အပူ၊ အအေး၊ ဗိုက်ထဲက မအီမသာဖြစ်မှုများကို ရှုမှတ်တာပဲဖြစ်ပါတယ်။

ခန္ဓာကိုယ်ထဲမှာ ခံစားရတာတွေကို ရှုမှတ်ပြီး ဒုက္ခတွေသက်သာအောင် လေ့ကျင့်နိုင်ပါတယ်။

ဒီလိုမျိုးသတိရှုမှတ်ရာမှာ ဖယောင်းတိုင်ကိုသုံးပြီး တည်ငြိမ်လုပ်သင့်ပါတယ်။

ကိုယ့်ရဲ့စိတ်ကိုစုစည်းပြီး မီးတောက်ပေါ်မှာပဲ အာရုံထားသင့်ကာ အာရုံလွဲစရာတစ်ခုခုပေါ်လာရင် ပြန်ပြီးစုစည်းရမှာဖြစ်ပါတယ်။

ဖယောင်းတိုင်ဖြင့် တရားထိုင်ရှုမှတ်ရမယ့်နည်းလမ်း အဆင့်ဆင့်ကတော့ ..

(၁) အနှောင့်အယှက်မရှိတဲ့နေရာကိုရှာပြီး ခန္ဓာကိုယ်ဖြောင့်မတ်စွာ ထိုင်ပါ၊ ခန္ဓာကိုယ်ကို ဖယောင်းတိုင်နဲ့ အနည်းဆုံး ၁ ပေခွဲကျော်လောက်ခွာထိုင်ပြီး အသက်ရှူထုတ်ခြင်းကို စတင်သတိပြုလိုက်ပါ။

(၂) ဖယောင်းတိုင်ကိုစိုက်ကြည့်ပြီး စိတ်ရဲ့အဓိကအာရုံအဖြစ်ထားပါ။

(၃) မျက်လုံးကိုတည်ငြိမ်စွာထားပါ။

(၄) မီးတောက်ကိုအာရုံစိုက်ပြီး သူ့ရဲ့အရောင်၊ အရွယ်အစားအကြီးအသေးတို့ကို ကြည့်ရှုကာ ဒီလိုနည်းလမ်းနဲ့ ဖယောင်းတိုင်ကို ဘယ်လိုခံစားရလဲဆိုတာ မှတ်ရှုပါ။

(၅) အခြားအရာများသို့ အာရုံပျံ့လွင့်သွားရင် မီးတောက်ကိုပြန်ပြီးအာရုံစိုက်ပါ။

(၆) မျက်လုံးပင်ပန်းလာတဲ့အခါ မျက်လုံးကိုပိတ်ပြီး မျက်လုံးထဲမှာပဲ ဖယောင်းတိုင်ကိုပုံဖော်ကြည့်ပါ၊ အဆင်သင့်ဖြစ်ပြီဆိုမှ မျက်လုံးပြန်ဖွင့်ပြီး ဖယောင်းတိုင်ကိုထပ်မံအာရုံစိုက်ပါ။

(၇) အသက်ရှူထုတ်ခြင်းကို မထိန်းချုပ်ဘဲနဲ့ သဘာဝအတိုင်းလှုပ်ရှားပါစေ။

(၈) ဖယောင်းတိုင်ကိုအာရုံစိုက်လျက် မီးအလင်းရောင်က ကိုယ့်ကိုယ်ထဲ ဝင်ရောက်စီးဆင်းနေသလို အာရုံဖော်ကြည့်ပါ။

(၉) မီးတောက်ကိုပဲဆက်ပြီး ကြည့်နေပေးပါ။

(၁၀) စိတ်တွေက တခြားရောက်နေပြီဆိုရင် ဖယောင်းတိုင်ကို အာရုံပြန်စိုက်ပါ။

(၁၁) ဖယောင်းတိုင်ကို အာရုံပြန်စိုက်နိုင်အောင် အသက်မှန်မှန်ရှူပါ။

(၁၂) တဖြည်းဖြည်းနဲ့ မျက်လုံးကို အခန်းဆီသို့ အာရုံလွှဲလိုက်ပါ။

Source: The Jerusalem Post
#Yangon_Media_Group

#World_Industry
Published 28 November 2022

အမေရိကန်မှာ ကျေးဇူးတော်နေ့ပြီး နောက်တစ်နေ့ဖြစ်တဲ့ Black Friday ဈေးဝယ်ရာသီရောက်လာပြီဖြစ်တာကြောင့် လူငယ်အများအပြားဟာ တစ်လက်သုံးပစ္စည်းများ အထူးသဖြင့် ဇိမ်ခံပစ္စည်းများကို ရွေးချယ်ဝယ်ယူဖို့ စီစဉ်လာကြပါတယ်။

#Yangon_Media_Group

Published 28 November 2022

ဆူကီယာကီနာဘေး လို့ သိကြတဲ့ ဂျပန်စတိုင် ဟော့ပေါ့ပွဲတော်ကို နိုဝင်ဘာ ၂၇ ရက်က တိုကျိုမှာ ကျင်းပခဲ့ရာမှာ အစား အသောက် သဘောကျသူတွေနှင့် ခရီးသွားတွေအတွက် ဆွဲဆောင်မှုတစ်ခုဖြစ်ခဲ့ပါတယ်။

အဲဒီပွဲတော်ကို တိုကျိုမြို့လယ်ရှိ ပန်းခြံတစ်ခုအတွင်းမှာကျင်းပခဲ့တာဖြစ်ပြီး ဟော့ပေါ့စားသောက်ဆိုင်တွေဟာ သူတို့ရဲ့ အကောင်းဆုံး ဟင်းလျာတွေကို တည်ခင်းခဲ့ကြပါတယ်။

ဟော့ပေါ့ပွဲတော်မှာ ဟင်းတစ်ပွဲကို အမေရိကန်ဒေါ်လာ ၅.၅ မှ ၁၁ ဒေါ်လာအထိ ဈေးနှုန်းရှိပြီး နာမည်ကြီး စားသောက်ဆိုင်တွေဟာ တစ်ရက်ကို ပွဲပေါင်း နှစ်ထောင်ကျော်ရောင်းချကြရပါတယ်။

ဒါပေမယ့် လတ်တလောမှာ ပင်လယ်စာနှင့် အမဲသားတွေလိုမျိုး ဟော့ပေါ့ထဲထည့်ရတဲ့ အမယ်တွေရဲ ဈေးတွေက တက်နေလို့ ဟောပေါ့ရဲ့ဈေးနှုန်းတွေလည်း တက်သွားပါတယ်။

ဂျပန်ဒေသခံတွေဟာ အစားအသောက်ဈေးတွေတက်နေလို့ သောကတွေပွားနေကြပါတယ်။ ယခုအထိ ဂျပန်နိုင်ငံရဲ့ အကြီးဆုံးစားသောက်ဆိုင်တွေရဲ့ ၇၀ ရာခိုင်နှုန်းဟာ ဈေးတွေတက်ကုန်ကြပါတယ်။အဲဒီထဲက ၂၀ရာခိုင်နှုန်းဆိုရင် နှစ်ခါ တောင်ဈေးတက်ခဲ့တာပါ။ ဂျပန်မိသားစုတွေဟာ တစ်နှစ်ကို ယန်းခုနှစ်သောင်း ဒါမှမဟုတ် အမေရိကန်ဒေါ်လာ ၅၀၀ခန့် ကို အစားအစာအတွက် ပိုသုံးနေကြရပါတယ်။

Source CCTV+

#Sukiyaki_nabe

#Japan_Hotpot_Festival

#Japan_Food_Prices_Rise

#DailyNews
Published _ 28 November 2022

၁။ ဈေးကွက်ထဲ၌ တရုတ်အာလူးများ ဈေးကောင်းပိုရနေ

၂။ ၇ လကျော်ကာလအတွင်း ပြည်ပသို့ရေထွက်ကုန်ပစ္စည်းတင်ပို့မှုမှ ကန်ဒေါ်လာ ၄၆၀ သန်းနီးပါးရရှိ၊ ယမန်နှစ်ထက် ၈ သန်းကျော်လျော့ကျ

၃။ နာမကျန်းဖြစ်ပြီး စားရေးနေရေးခက်ခဲ၍ အကူအညီတောင်းခံလာသည့် အငြိမ့်မိခင်ကြီး(၄၀)နီးပါးရှိလာ

၄။ Black Friday ရာသီအထိမ်းအမှတ်အဖြစ် တစ်လက်သုံးပစ္စည်းများနှင့်ဇိမ်ခံပစ္စည်းများအား အမေရိကန်တွင်အထူးလျှော့ဈေးဖြင့်ရောင်းချလျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group