တရုတ်အနောက်တောင်ဘက် ရှီဇန်ကိုယ်ပိုင်အုပ်ချုပ်ခွင့်ရ ဒေသရှိ ဒါထန်ဘာဆူ လေအားလျှပ်စစ် စီမံကိန်းဟာ ကမ္ဘာပေါ်မှာ အမြင့်ပေအများဆုံးမှာရှိတဲ့ လေအားလျှပ်စစ် စီမံကိန်းဖြစ်ပြီး ကြာသပတေးနေ့က ဓာတ်အားအပြည့်အဝဖြင့် တရားဝင်စတင် လည်ပတ်ပြီဖြစ်ပါတယ်။
#Asia_Development
Published 4 November 2024
#ကမ္ဘာ့ပေအမြင့်ဆုံး #လေအားလျှပ်စစ်စက်ရုံ
#YMG #Yangon_Times #Yangon_Media_Group

#Daily_News
Published 4 November 2024

၁။ မြန်မာလှေလှော်အသင်း လက်ရည်စစ်ပွဲများအောင်ပွဲရပြီး "ကမ္ဘာ့အားကစားပြိုင်ပွဲချန်ပီယံရှစ်နဂါးလှေလှော်ပြိုင်ပွဲ"သို့ဝင်ခွင့်ရ

၂။ ‌သီရိမင်္ဂလာဈေးသို့ တစ်ရက်လျှင် ကုန်ချိန်သုံးသိန်းကျော် ဝင်ရောက်ပြီး ပြန်လည်ဖြန့်ဖြူးနေ

၃။ အခုအပတ်စားအုန်းဆီဈေးရာဂဏန်းတက်၊ ရန်ကုန်(၄၄)မြို့နယ်သို့ ရည်ညွှန်း‌ဈေးဖြင့်အိမ်တိုင်ရာ ရောက်ပို့ပေးနေ

၄။ ကမ္ဘာ့ပေအမြင့်ဆုံး လေအားလျှပ်စစ်စက်ရုံ တရုတ်နိုင်ငံ ရှီဇန်ဒေသ၌စတင်လည်ပတ်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 04 November 2024

▪️ အမေရိကန်သမ္မတ ရွေးကောက်ပွဲမှာ ဒေါ်နယ်ထရမ့် အနိုင်ရပါက ဥရောပအနေနဲ့ ယူကရိန်းအပေါ် ထောက်ပံ့နေခြင်းကို ပြန်လည်စဉ်းစားသုံးသပ်ရန် လိုအပ်လိမ့်မယ်လို့ ဟန်ဂေရီဝန်ကြီးချုပ် ဗစ်တာအော်ဘန်က တနင်္လာနေ့က ပြောကြားလိုက်ပြီး စစ်ပွဲဝန်ထုပ်ကြီးကို ဥရောပတစ်တိုက်တည်း ထမ်းဆောင်နိုင်မှာ မဟုတ်ဘူးလို့ ဆိုပါတယ်။

▪️ အော်ဘန်ဟာ ယူကရိန်းကို စစ်ရေးထောက်ပံ့ခြင်းအပေါ် ဆန့်ကျင်သူဖြစ်ပြီး ထရမ့်က ယူကရိန်းအတွက် ငြိမ်းချမ်းရေး ညှိနှိုင်းပေးနိုင်မယ်လို့ ယုံကြည်နေပါတယ်။

▪️ အော်ဘန်က ရီပတ်ဘလစ်ကန် ကိုယ်စားလှယ်လောင်း သမ္မတဟောင်းထရမ့်ဟာ လာမယ့် အင်္ဂါနေ့ အမေရိကန် ရွေးကောက်ပွဲမှာ ဒီမိုကရက်တစ် ကိုယ်စားလှယ်လောင်း ကာမယ်လာဟားရစ်ကို အနိုင်ရမယ်လို့ ထောက်ခံနေပါတယ်။

▪️ "အမေရိကားမှာ ငြိမ်းချမ်းရေးလိုလားတဲ့ သမ္မတတစ်ဦးရှိတာကို ဥရောပအနေနဲ့ သိထားဖို့ လိုအပ်ပါတယ်။ ထရမ့်သာ အနိုင်ရလို့ အမေရိကားလည်း ငြိမ်းချမ်းရေး လိုလားတယ်ဆိုရင် ဥရောပဟာ ဆက်ပြီး စစ်ပွဲလိုလားနေလို့ မရတော့ပါဘူး" လို့ ဆိုပါတယ်။

▪️ လာမယ့်သီတင်းပတ် ဘူဒါပတ်စ်မှာ ပြုလုပ်မယ့် ဥရောပနိုင်ငံရေး အသင်းအဖွဲ့ အစည်းအဝေးမှာ ဥရောပခေါင်းဆောင်များ တွေ့ဆုံပြီး ယူကရိန်းအရေးကို ဦးစားပေး ဆွေးနွေးသွားဖွယ် ရှိပါတယ်။

▪️ အမေရိကန် ရွေးကောက်ပွဲရလဒ်က ယူကရိန်းစစ်ပွဲနဲ့ ဥရောပလုံခြုံရေးကို ဘယ်လိုသက်ရောက်မလဲ ဆိုတာကို ဥရောပက စိုးရိမ်ပူပန်နေကြပါတယ်။

▪️ အော်ဘန်က ရုရှားနဲ့ ဆက်ဆံရေးနီးစပ်ပြီး ယူကရိန်းထောက်ပံ့ရေးကို ဆန့်ကျင်နေတဲ့အတွက် ဘယ်လ်ဂျီယံက မကျေမနပ် ဖြစ်နေပါတယ်။

▪️ ဟန်ဂေရီအစိုးရက ထရမ့်ကို ယူကရိန်းမှာ ငြိမ်းချမ်းရေး ရယူပေးနိုင်မယ့် အခွင့်အလမ်းကြီး တစ်ခုအဖြစ် ရှုမြင်နေတယ်လို့ ဟန်ဂေရီ နိုင်ငံခြားရေးဝန်ကြီး ပီတာဇစ်ဂျာတိုက ဇူလိုင်လမှာ ပြောခဲ့ပါသေးတယ်။

▪️ ဒါ့အပြင် အော်ဘန်တို့က အင်္ဂါနေ့ရွေးကောက်ပွဲမှာ ထရမ့် အနိုင်ရစေရန် ဆုတောင်းလိုက်ပါတယ်။

#Source: WION

#World_Health
Published 04 November 2024
▪️ ပရိုတိန်းဓာတ်ဟာ လူ့ခန္ဓာကိုယ်ထဲက လုပ်ဆောင်ချက် အားလုံးနီးပါးမှာ အရေးပါတဲ့ကဏ္ဍက ပါဝင်နေပါတယ်။

▪️ ကြွက်သား တည်ဆောက်ခြင်းသာမက ဇီဝကမ္မ ကျန်းမာရေးဖြစ်စဉ်တွေကိုလည်း အကျိုးရှိစေတယ်လို့ တွေ့ရှိလာပါတယ်။

▪️ ပရိုတိန်းကို အမိုင်နိုအက်ဆစ်တွေနဲ့ ဖွဲ့စည်းထားပြီး အင်ဇိုင်း၊ ဟော်မုန်း၊ ပဋိဇီဝပစ္စည်းများ ထုတ်လုပ်ရာမှာ ကူညီပေးပါတယ်။

▪️ ခန္ဓာကိုယ်က ပရိုတိန်းကို မထိန်းသိမ်းနိုင်တာကြောင့် ပုံမှန်စားသုံးပေးဖို့ လိုအပ်ပါတယ်။

▪️ ပရိုတိန်းရဲ့ ကျန်းမာရေးအကျိုးကျေးဇူးများကို ဖော်ပြလိုက်ပါတယ်။

▪️ (၁) ကြွက်သားထုထည်နဲ့ ကျန်းမာရေးကို ထိန်းသိမ်းရာမှာ ကူညီပေးပြီး အသက်အရွယ်ကြောင့် ကြွက်သားဆုံးရှုံးလာခြင်းကို လျှော့ချပေးကာ သက်ရှည်ကျန်းမာစေပါတယ်။

▪️ (၂) ပရိုတိန်းကို ထည့်သွင်းစားသုံးခြင်းဖြင့် အရိုးသိပ်သည်းဆကို တိုးများစေကာ အရိုးအက်ခြင်း၊ အရိုးပွခြင်းတို့မှ ကာကွယ်ပေးပါတယ်။

▪️ (၃) ဗိုက်ပြည့်တင်းစေတာကြောင့် ဆာလောင်မှုကို လျှော့ချပေးသဖြင့် အစားသိပ်မစားဖြစ်တော့ဘဲ ကိုယ်အလေးချိန် ထိန်းသိမ်းရာမှာ အကူအညီဖြစ်စေပါတယ်။

▪️ (၄) ပဋိဇီဝပစ္စည်းများနဲ့ ခုခံအားဆဲလ်များ ထုတ်လုပ်ရာမှာ ကူညီပေးတာကြောင့် ရောဂါကူးစက်မှုများမှ ကာကွယ်ပေးပြီး ကိုယ်ခံအားမြှင့်တင်ပေးပါတယ်။

▪️ (၅) ဇီဝကမ္မဖြစ်စဉ် ကျန်းမာရေးကို ကောင်းမွန်စေကာ ကယ်လိုရီများကို ပိုမိုလောင်ကျွမ်းစေသဖြင့် ဆီးချိုရောဂါလိုမျိုး ဇီဝဖြစ်စဉ်ရောဂါများ ဖြစ်နိုင်ခြေနည်းစေပါတယ်။

▪️ (၆) ဦးနှောက်ကျန်းမာရေးမှာလည်း ပတ်သက်ပြီး ထရစ်ပ်တိုဖန်လိုမျိုး အမိုင်နိုအက်ဆစ်များက ဆယ်ရိုတိုနင်တွေ ထွက်ရှိစေပြီး စိတ်အခြေအနေနဲ့ မှတ်ဉာဏ်ပိုင်းဆိုင်ရာတို့ကို တိုးတက်စေပါတယ်။

▪️ (၇) တစ်ရှူးများ ပြုပြင်ပေးပြီး ပြန်လည်သက်သာစေသဖြင့် နာမကျန်းဖြစ်မှုများမှ လျင်မြန်စွာ သက်သာစေကာ သက်ရှည်ကျန်းမာပြီး ကြံ့ခိုင်စေပါတယ်။

▪️ (၈) သွေးဖိအား လျော့နည်းစေခြင်း၊ ကိုလက်စ်ထရောလ် ပမာဏ သင့်တင့်စေခြင်း၊ ထရိုင်ဂလစ်စရိုက် လျှော့ချခြင်းတို့ကြောင့် နှလုံးကျန်းမာရေးကို ထောက်ကူပေးပြီး နှလုံးသွေးကြော ရောဂါများဖြစ်ခြင်းမှ ကာကွယ်ပေးပါတယ်။

#Source: DoctorNDTV

#World_Health
Published 04 November 2024

▪️ ဆမ်မာဂလူတိုက်လို့ခေါ်တဲ့ ဒြပ်ပေါင်းဟာ ဆီးချိုရောဂါ ဒုတိယအမျိုးအစားနဲ့ ကိုယ်အလေးချိန် လျှော့ချခြင်းတို့အတွက် အသုံးများပါတယ်။

▪️ ဒါ့အပြင် အယ်လ်ဇိုင်းမားရောဂါ ဖြစ်နိုင်ခြေကိုလည်း လျှော့ချပေးနိုင်တယ်လို့ တွေ့ရှိလာပါတယ်။

▪️ ဒါကို ကေ့စ်ဝက်စ်တန်းရီဆာ့ဗ် ဆေးတက္ကသိုလ်မှ လေ့လာအကြံပြုခဲ့တာ ဖြစ်ပါတယ်။

▪️ ဆမ်မာဂလူတိုက်ကို အခြား ဆီးချိုကုသဆေး ၇ မျိုးနဲ့ နှိုင်းယှဉ်ခဲ့ရာမှာ အယ်လ်ဇိုင်းမားရောဂါ ဖြစ်နိုင်ခြေကို သိသိသာသာ လျှော့ချပေးနိုင်တယ်လို့ တွေ့ရှိခဲ့ပါတယ်။

▪️ အယ်လ်ဇိုင်းမားရောဂါ ဆိုတာဟာ မှတ်ဉာဏ်ပိုင်းနဲ့ တွေးတောစဉ်းစားမှုတို့ကို ထိခိုက်စေတဲ့ ဦးနှောက်ချို့ယွင်းမှုတစ်မျိုး ဖြစ်ပါတယ်။

▪️ လက်ရှိမှာ ထိုအတွက် ကုသဆေးမရှိသေးဘဲ ရင်သားကင်ဆာ ဆီးကျိတ်ကင်ဆာတို့ထက် သေဆုံးသူ ပိုများထားပါတယ်။

▪️ အမေရိကန်မှာ ပြီးခဲ့တဲ့ ၃ နှစ်အတွင်း ဆီးချိုရောဂါသည် ၁ သန်းနီးပါးထံမှ အချက်အလက်များကို ဆန်းစစ်ခဲ့ကြပါတယ်။

▪️ ဆမ်မာဂလူတိုက်အသုံးပြုတဲ့ သူတွေမှာ အခြားဆီးချိုဆေးများ သုံးစွဲသူတွေနဲ့ယှဉ်ရင် အယ်လ်ဇိုင်းမားဖြစ်နိုင်ခြေ သိသိသာသာ ပိုနည်းတာကို တွေ့ခဲ့ကြပါတယ်။

▪️ Wegovy နဲ့ Ozempic တို့လိုဆေးတွေမှာပါဝင်တဲ့ ဆမ်မာဂလူတိုက်က သွေးတွင်းသကြားဓာတ်ကို ထိန်းညှိပေးကာ ဆီးချိုဝေဒနာသည်တွေမှာ ဆာလောင်စိတ်ကို လျှော့ချပေးပါတယ်။

▪️ ဒီတွေ့ရှိချက်ဟာ လက်တွေ့အထောက်အထားကနေ ရရှိတာဖြစ်တယ်လို့ Centre for AI in Drug Discovery မှ ညွှန်ကြားရေးမှူး ရှူက ပြောပါတယ်။

▪️ ရောဂါကာကွယ်ကုသနိုင်ဖို့အတွက် နောက်ထပ်လေ့လာမှုတွေ ပြုလုပ်ဖို့ လိုအပ်တယ်လို့ ရှူက ပြောသွားပါတယ်။

#Source: India Today

#World_Science
Published 3 November 2024

▪️ ဟောင်ကောင်မှ ဝေးလံခေါင်ဖျားကျွန်းတစ်ခုမှာ ဒိုင်နိုဆော ရုပ်ကြွင်းများကို ပထမဆုံးအနေနဲ့ တွေ့ရှိခဲ့ကြောင်း ဟောင်ကောင်အရာရှိများ ကြေညာလိုက်ပါတယ်။

▪️ ရုပ်ကြွင်းတွေဟာ ခရီတေးရှပ်စ်ခေတ်က ဒိုင်နိုဆောကြီးတစ်ကောင်ဖြစ်ပြီး နှစ်ပေါင်း ၁၄၅ သန်းမှ ၆၆ သန်းလောက် သက်တမ်းရှိမယ်လို့ ယူဆရပါတယ်။

▪️ ဒိုင်နိုဆောမျိုးစိတ်အကြောင်း အတည်ပြုနိုင်ဖို့ သိပ္ပံပညာရှင်များ ဆက်လက်လေ့လာသွားဦးမှာ ဖြစ်ပါတယ်။

▪️ ကျောက်ဖြစ်ရုပ်ကြွင်းကို ယူနက်စ်ကို စာရင်းဝင် Global Geopark ရှိ ပို့တ်ကျွန်းမှာ တွေ့ရှိခဲ့ပြီး ဟောင်ကောင်ဈေးဝယ်ထွက်နေရာတစ်ခုမှာ ပြသထားပါတယ်။

▪️ ဒီတွေ့ရှိမှုဟာ အလွန်အရေးပါပြီး ဟောင်ကောင် ရုပ်ကြွင်းဂေဟစနစ် သုတေသနအတွက် အထောက်အထားသစ် ရရှိစေတယ်လို့ ဖွံ့ဖြိုးရေးဝန်ကြီး ဘာနဒက်လင်းဟွန်ဟိုက ပြောပါတယ်။

▪️ ပညာရှင်များရဲ့ ပြောကြားချက်အရ ဒိုင်နိုဆောအလောင်းကို ဂေါ်ဖြင့်မြှုပ်နှံခဲ့ကာ ရေကြီးပြီးနောက် မျက်နှာပြင်မှာ ပေါ်လာခဲ့တာဖြစ်ပါတယ်။

▪️ အခုတော့ တွေ့ရှိခဲ့တဲ့ နေရာမှာပဲ ပြန်လည်မြှုပ်နှံထားတယ်လို့ ဖော်ပြထားပါတယ်။

▪️ ဒီမတိုင်ခင် ဟောင်ကောင်မှာ ဒိုင်နိုဆောခေတ်က ငါးရုပ်ကြွင်းကိုလည်း တွေ့ရှိထားပါတယ်။

▪️ ဟောင်ကောင်ဟာ မြို့ပြရှုခင်းများကြောင့် ကျော်ကြားသလို နိုင်ငံတဝက်လောက်က ဥယျာဉ်ကြီး ဖြစ်ကြောင်း၊ မြို့စွန်တွေမှာဆိုရင် ဒိုင်နိုဆောခေတ်က ကျောက်တုံးတွေ တွေ့ရတတ်ပေမယ့် ရုပ်ကြွင်းတွေက အရည်ပျော်သွားကြတာကြောင့် ရှာတွေ့ရန်ခက်ခဲကြောင်း၊ ပို့တ်ကျွန်းကတော့ သင့်လျော်တဲ့ ပတ်ဝန်းကျင်မှာ ထိုခေတ်က ကျောက်တုံးများရှိတဲ့ ကျွန်းတွေထဲက တစ်ခုဖြစ်ကြောင်း ဟောင်ကောင် တရုတ်တက္ကသိုလ်မှ ကျောက်ဖြစ်ရုပ်ကြွင်းပညာရှင် ပရော်ဖက်ဆာ မိုက်ကယ်ပစ်မန်းက ပြောပါတယ်။

▪️ တရုတ်ပြည်မကြီးမှ ပညာရှင်များကို လက်တွေ့စူးစမ်းမှု ပြုလုပ်ဖို့ ခွင့်ပြုထားကြောင်း အစိုးရက ပြောပါတယ်။

▪️ ရုပ်ကြွင်းတွေကို ဆင်မ်ရှာရွှေရှိ ဟောင်ကောင် အမွေအနှစ်ရှာဖွေရေးစင်တာမှာ အောက်တိုဘာ ၂၅ ရက်နေ့ကစပြီး ပြသထားပါတယ်။

#Source: WION