#World_Science
Published 06 November 2024
▪️ ရှေးဟောင်းပစ္စည်း တူးဖော်ရေးပညာရှင်တွေဟာ လွန်ခဲ့တဲ့ နှစ်ပေါင်း ၃၅၀ လောက်က မြှုပ်နှံခဲ့ကြတဲ့ အထက်တန်းစား အမျိုးသမီး သွေးစုပ်ဖုတ်ကောင်ကို တူးဖော်တွေ့ရှိပြီး ထုတ်ဖော်တင်ပြခဲ့ကြပါတယ်။

▪️ လက်တွေ့လောကမှ သွေးစုပ်ဖုတ်ကောင်ရဲ့ အုတ်ဂူကို လွန်ခဲ့တဲ့ ၂ နှစ်က ပိုလန်နိုင်ငံ ပီယင်ရှိ အလယ်ခေတ်သင်္ချိုင်းမှာ တူးဖော်တွေ့ရှိခဲ့ကြပါတယ်။

▪️ သုတေသီတွေက သွေးစုပ်ဖုတ်ကောင်ကို ဇိုရှာလို့ အမည်ပေးထားပြီး ပုံဖော်ကြည့်ရာမှာ အသက် ၁၈ နှစ်အရွယ် အမျိုးသမီးငယ်ဖြစ်ပြီး အသားဖြူဖြူ၊ ဆံပင်တို၊ မျက်လုံးပြာတို့ရှိပြီး ချွန်ထွက်နေတဲ့ အစွယ်သွားလည်း ရှိပါတယ်။

▪️ အလောင်းတွေ့တဲ့အချိန်မှာ ဦးခေါင်းပေါ် ပိုးသားဦးထုပ် တွေ့ရတဲ့အတွက် အသိုင်းအဝိုင်းမြင့်တဲ့ထဲမှ ဖြစ်နိုင်ပါတယ်။

▪️ ဒါပေမဲ့ မကောင်းဆိုးဝါး ပုံပေါက်တယ်လို့ စွပ်စွဲခံရပြီး အလောင်းရဲ့ လည်ပင်းမှာ တံစဉ်းဖြင့်ပိတ်ထားပြီး ခြေမတွေကို သော့ခလောက်ကြီးနဲ့ ခတ်ထားတာ တွေ့ရပါတယ်။

▪️ ဒါဟာ ထိုအမျိုးသမီးသာ သွေးစုပ်ဖုတ်ကောင်ဖြစ်ခဲ့ရင် အုတ်ဂူကနေ ပြန်ထလာမှာစိုးတဲ့အတွက် ယခုလိုခတ်ထားတာ ဖြစ်မယ်လို့ ယူဆရကြောင်း သုတေသန ပရော်ဖက်ဆာ ဒဲရီယပ်ဇ်ပိုလင်စကီက ပြောပါတယ်။

▪️ အကယ်၍ သွေးစုပ်ဖုတ်ကောင် ပြန်ထလာတဲ့အခါ လည်ပင်းက တံစဉ်းနဲ့ဖြတ်မိစေရန် ကာထားတာ ဖြစ်နိုင်ပါတယ်။

▪️ အရိုးတွေကို ဓာတ်မှန်ရိုက်ကြည့်ရာမှာ ရင်သားအရိုးမှာ ပုံမှန်မဟုတ်ဘဲ နာကျင်ခံစားခဲ့ရဖွယ် ရှိတယ်လို့ ဆေးဘက်ဆိုင်ရာ စစ်ဆေးရေးမှူး ဒေါက်တာ ဟယ်သာအက်ဂါက ဆိုပါတယ်။

▪️ ထိုသင်္ချိုင်းနေရာကို သွေးစုပ်ဖုတ်ကောင်ကွင်းပြင်လို့ ခေါ်ကြပြီး ထိုထဲက အုတ်ဂူ ၁၀၀ မှာ ၃၀ လောက်က ဒီလိုမျိုး ထိန်းချုပ်ကာကွယ်ထားတာမျိုး တွေ့ရတတ်ပါတယ်။

▪️ အချို့အလောင်းတွေရဲ့ မျက်နှာတွေကို အောက်ဘက်စိုက်ထားကြကာ အချို့ဆိုရင် ကျောက်တုံးတွေနဲ့ ဖိထားသလို ပါးစပ်ထဲမှာ အကြွေစေ့တွေ ထားတတ်ကြပါတယ်။

▪️ ပိုလန်မှာ ၁၇ ရာစုနှစ်လောက်က သွေးစုပ်ဖုတ်ကောင်များ ပျံ့နှံ့နေတယ်ဆိုပြီး သတင်းထွက်ပေါ်နေခဲ့တာကြောင့် ထူးထူးခြားခြား မြှုပ်နှံခဲ့ကြပါတယ်။

#Source: WION

#World_Health
Published 06 November 2024
▪️ အမျိုးသမီးများ အတူတူရှိနေပါက ယင်းတို့ ဘယ်လိုခံစားရတယ်၊ ဘာက ကောင်းတယ် မကောင်းဘူးဆိုတာတွေကို ဖွင့်ဟပြောဆိုတတ်ကြပါတယ်။

▪️ ဒါပေမဲ့ အွန်လိုင်းမှာဆိုရင်တော့ ယင်းတို့အပေါ် လူအများက တုံ့ပြန်လာမှာကို စိုးရိမ်တဲ့အတွက် နှုတ်ဆိတ်နေတတ်တယ်လို့ သိရပါတယ်။

▪️ ဒါကို ဂျေရုဆလမ် ဟီဘရူးတက္ကသိုလ်၊ ဘင်ဂူရီယန်တက္ကသိုလ်နဲ့ ရော့တာဒမ် အီရတ်စ်မတ်စ် စီးပွားရေးကျောင်းတို့မှ သုတေသီများက ဦးဆောင်လေ့လာခဲ့တာ ဖြစ်ပါတယ်။

▪️ စမ်းသပ်ခန်းထဲမှာ လူပေါင်း ၁၁၇၀ ကျော်ကို ခေါ်ယူခဲ့ရာ ယင်းတို့မကျေနပ်တဲ့အခါ ယောက်ျားတွေလောက် လိုင်းပေါ်မတင်ဘဲ ကျေနပ်မှုရှိတဲ့ အမျိုးသမီးရော အမျိုးသားရော တူညီတဲ့နှုန်းရှိပါတယ်။

▪️ မကောင်းတဲ့ ကိစ္စတွေကို ဝေမျှမှုနှုန်း ကွာခြားရတဲ့ အကြောင်းအရင်းကတော့ အမျိုးသမီးတွေက အွန်လိုင်းပေါ်မှာ အခြားသူတွေ တိုက်ခိုက်မှာကို စိုးရိမ်တာကြောင့် ဖြစ်ပါတယ်။

▪️ ကမ္ဘာကြီးမှာ အမျိုးသမီးတွေလည်း မပူမပန်ရဘဲ ယင်းတို့ခံစားချက်တွေကို ထုတ်ဖော်ခွင့်ရဖို့ ပြောင်းလဲမှုတွေ လိုအပ်ကြောင်း သုတေသီများ ထောက်ပြသွားပါတယ်။

▪️ အခြားအကြောင်းအရာတွေမှာ မိန်းမတွေနဲ့ ယောက်ျားတွေက ထင်မြင်ချက် တူညီကြပေမယ့် မကောင်းတဲ့ အကြောင်းအရာကို ထုတ်ဖော်တဲ့နေရာမှာတော့ မိန်းမတွေက အကျိုးဆက်ကို စိုးရိမ်တဲ့အတွက် တုန့်နှေးနေတတ်တယ်လို့ တွေ့ရှိကြပါတယ်။

▪️ ဒီလိုမျိုး ထင်မြင်ချက် ကွာဟမှု အနည်းငယ်ဖြစ်ရုံမျှဖြင့် အွန်လိုင်းကနေ သုံးသပ်ချက်တွေ ကောက်ယူရာမှာ ထိခိုက်စေပြီး စီးပွားရေးအပေါ် သက်ရောက်နိုင်တယ်လို့ သတိပေးနေကြပါတယ်။

▪️ သုံးစွဲသူများ၊ စီးပွားရေးလုပ်ငန်းများ၊ အသင်းအဖွဲ့များကြားမှာ ဒီလိုကွာဟချက်တွေက အထင်လွဲမှားမှုတွေ ဖြစ်လာနိုင်စေတယ်လို့ ပြောထားပါတယ်။

#Source: The Jerusalem Post

ပါလက်စ်တိုင်းကို လူမျိုးသုဉ်းသတ်ဖြတ်နေသည့် အစ္စရေးလ်အားထောက်ပံ့နေသောအမေရိကန်အစိုးရကို ပြည်သူများဆန္ဒပြကန့်ကွက်

မီချီဂန် ဒီယာဘွန်းမှာ စနေနေ့က ဆန္ဒပြသူရာနဲ့ချီ စုဝေးခဲ့ကြပြီး အရှေ့အလယ်ပိုင်းအရေးနဲ့ ပတ်သက်လို့ အမေရိကန် နိုင်ငံခြားရေးမူဝါဒကို ဆန့်ကျင်ထုတ်ဖော်ခဲ့ကြပါတယ်။
#World_News
Published 5 November 2024
#ပါလက်စ်တိုင်း #ဆန္ဒပြသူရာနဲ့ချီစုဝေး
#YMG #Yangon_Times #Yangon_Media_Group

#Daily_News
Published 5 November 2024

၁။ ဗိုလ်တထောင်စေတီတွင် မသိုးရွှေကြာသင်္ကန်းယှဉ်ပြိုင်ရက်ခတ် ပူဇော်ပွဲကျင်းပမည်

၂။ ‌အိပ်စပိုတာများအဝယ်လိုက်နေ၍ ဘုရင့်နောင်၌  ဆန်အဝင်အထွက်ညီမျှနေ

၃။ ရန်ကုန်နိုင်ငံခြားဘာသာတက္ကသိုလ်(YUFL)မှ သင်တန်းသားများစတင်ခေါ်ယူနေ

၄။ ပါလက်စ်တိုင်းကို လူမျိုးသုဉ်းသတ်ဖြတ်နေသည့်အစ္စရေးလ်အားထောက်ပံ့နေသော အမေရိကန်အစိုးရကို ပြည်သူများဆန္ဒပြကန့်ကွက် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_Politics
Published 05 November 2024
▪️ နိုဝင်ဘာ ၅ ရက်နေ့ အမေရိကန်သမ္မတ ရွေးကောက်ပွဲ မဲဆန္ဒပေးခြင်းမတိုင်မီ သမ္မတဟောင်း ဒေါ်နယ်ထရမ့်က ခန့်မှန်းချက်များအရ ဦးဆောင်နေကာ အထူးသဖြင့် အဆုံးအဖြတ်ပြည်နယ် ၇ ခုစလုံးမှာ အသာရနေတယ်လို့ AtlasIntel နောက်ဆုံးရစစ်တမ်းမှာ တွေ့ရှိထားပါတယ်။

▪️ ထိုစစ်တမ်းမှာ ဖြေဆိုသူ ၄၉ ရာခိုင်နှုန်းလောက်က လာမယ့် ရွေးကောက်ပွဲမှာ ဒေါ်နယ်ထရမ့်ကို မဲပေးမယ်လို့ သိရပါတယ်။

▪️ စစ်တမ်းထဲမှာ ထရမ့်က ဒီမိုကရက်တစ် ကိုယ်စားလှယ်လောင်း ကာမယ်လာဟားရစ်ကို ၁.၈ ရာခိုင်နှုန်းအသာဖြင့် ဦးဆောင်ထားပါတယ်။

▪️ ဒီစစ်တမ်းကို နိုဝင်ဘာ ပထမဆုံး ၂ ရက်မှာ အမေရိကန်မှ မဲပေးသူ ၂၅၀၀ နီးပါးကို မေးမြန်းခဲ့တာဖြစ်ပြီး အများစုက အမျိုးသမီးတွေ ဖြစ်ပါတယ်။

▪️ အဆုံးအဖြတ်ပြည်နယ်တွေနဲ့ ပတ်သက်လို့ နောက်ထပ်စစ်တမ်းတစ်ခုမှာလည်း ထရမ့်ဟာ အရီဇိုးနား၊ ဂျော်ဂျီယာ၊ မီချီဂန်၊ နေဗာဒါ၊ မြောက်ကယ်ရိုလိုင်းနား၊ ပန်ဆယ်လ်ဗေးနီးယား၊ ဝစ္စကွန်ဆန်တို့ အားလုံးမှာ အနိုင်ရဖို့ အလေးသာနေပါတယ်။

▪️ အရီဇိုးနားမှာ ထရမ့်က ကွာခြားချက်အများဆုံးဖြင့် ၅၁.၉ - ၄၅.၁ ရာခိုင်နှုန်း အသာရနေပြီး နေဗာဒါမှာ ၅၁.၄ - ၄၅.၉ ရာခိုင်နှုန်း၊ မြောက်ကယ်ရိုလိုင်းနားမှာ ၅၀.၄ - ၄၆.၈ ရာခိုင်နှုန်းဖြင့် ဦးဆောင်နေပါတယ်။

▪️ အမေရိကန်သမ္မတ ရွေးကောက်ပွဲတွေမှာ ပြည်နယ်တွေကို ၃ ပိုင်းခွဲခြားနိုင်ပါတယ်။

▪️ အနီရောင်ပြည်နယ်တွေက ရီပတ်ဘလစ်ကန်တွေ ၁၉၈၀ တည်းက ဆက်တိုက်အနိုင်ရခဲ့ပြီး အပြာရောင်ပြည်နယ်တွေကတော့ ၁၉၉၂ ခုနှစ်တည်းက ဒီမိုကရက်တွေ လွှမ်းမိုးထားပါတယ်။

▪️ ထိုပြည်နယ်အပိုင်း ၂ ပိုင်းက ယေဘုယျအားဖြင့် ရလဒ်တွေကို မှန်းဆလို့ရပါတယ်။

▪️ အဆုံးအဖြတ်ပြည်နယ်တွေကတော့ နှစ်ဖွဲ့ကြား ပြိုင်ဆိုင်မှု အလွန်ပြင်းထန်ကာ အနိုင်ရသွားသူတွေက အလွန်ကျဉ်းမြောင်းတဲ့ ရလဒ်ဖြင့်သာ အနိုင်ရလေ့ရှိပါတယ်။

▪️ အောက်တိုဘာ ၂၉ ရက်နေ့က Reuters/Ipsos စစ်တမ်းကောက်ယူရာမှာတော့ ကာမယ်လာဟားရစ်က ထရမ့်ကို အသာရနေပေမယ့် စက်တင်ဘာနောက်ပိုင်းတည်းက ဦးဆောင်မှု လျော့နည်းလာပါတယ်။

#Source: NDTV

#World_Science
Published 05 November 2024
▪️ သိပ္ပံပညာရှင်တွေဟာ အခုဆိုရင် မားစ်ဂြိုဟ် (အင်္ဂါဂြိုဟ်)မှာ သစ်ပင်တစ်ပင် စိုက်ပျိုးဖို့ စီစဉ်နေကြပါတယ်။

▪️ အပင်ကြီးထွားဖို့အတွက် အင်္ဂါဂြိုဟ်သို့ ကာဗွန်ဒိုင်အောက်ဆိုဒ်များ သယ်ယူပြီး သစ်ပင်များ ကြီးထွားဖို့ အပူချိန် မြှင့်တင်ပေးဖို့ လိုအပ်တယ်လို့ သုတေသနထဲမှာ တွေ့ရှိထားပါတယ်။

▪️ မားစ်ဂြိုဟ်ပေါ်မှာ သစ်ပင်စိုက်ပျိုးမယ့် အစီအစဉ်ကို ပိုလန်နိုင်ငံ ဝါဆောနည်းပညာတက္ကသိုလ်မှ ပရော်ဖက်ဆာ ရောဘတ်အိုလ်ဇူစကီက ဦးဆောင်ထားပါတယ်။

▪️ ဂြိုဟ်ပေါ်က မျက်နှာပြင် စွမ်းအင်မျှခြေကို လေ့လာခဲ့ကာ အငွေ့ပျံခြင်းနဲ့ ကာဗွန်ဒိုင်အောက်ဆိုဒ် စုဖွဲ့မှုတို့ကြား အပူဖလှယ်ခြင်း၊ မျက်နှာပြင်အောက် လေထုလှည့်ပတ်ခြင်းဖြင့် အပူသယ်ယူခြင်း၊ အပူဖလှယ်ခြင်းတို့ကို လေ့လာခဲ့ပါတယ်။

▪️ ဖန်လုံအိမ်သက်ရောက်မှု ထပ်မံတိုးမြှင့်ခြင်းဖြင့် တောင်ပိုင်းဝင်ရိုးစွန်းမှာ အပင်ကြီးထွားရန် သင့်လျော်တဲ့နေရာ ဖြစ်လာမယ်လို့ သုတေသနစာတမ်းမှာ ဖော်ပြထားပါတယ်။

▪️ အိုလ်ဇူစကီနဲ့အဖွဲ့က ၁၉၇၀ ဝန်းကျင်လောက်က အပူချိန်နဲ့ ဖိအားအချက်အလက်များကို အသုံးပြုပြီး အင်္ဂါဂြိုဟ်ပေါ်က ဖြစ်စဉ်အမျိုးမျိုးကို ပုံတူပြုလုပ်ခဲ့ကြပါတယ်။

▪️ ကာဗွန်ဒိုင်အောက်ဆိုဒ် မြင့်မားလာခြင်းနဲ့ ဖန်လုံအိမ်အတုယောင် ပူနွေးခြင်းဖြင့် ဖန်လုံအိမ်သက်ရောက်မှု ဖြစ်ပေါ်လာခြင်းကို လေ့လာခဲ့ကြတယ်လို့ ဖော်ပြထားပါတယ်။

▪️ မားစ်ဂြိုဟ်ပေါ်မှာ လေထုအခြေအနေက ယခုထက်ထိ သက်ရှိရှင်သန်ဖို့ မဖြစ်နိုင်သေးဘဲ ဖိအားနည်း ဖန်လုံအိမ်ကို ထည့်သွင်းစဉ်းစားဖို့ လိုအပ်တယ်လို့ ဆိုပါတယ်။

▪️ ပတ်ဝန်းကျင် အခြေအနေ အခြေခံပြောင်းလဲခြင်းက ကာဗွန်ဒိုင်အောက်ဆိုဒ် စက်ဝန်းနဲ့ အရည်ဖြစ်ပေါ်မှုကို ထိန်းချုပ်နေပါတယ်။

▪️ အပူချိန်အနေဖြင့် ဒီဂရီဆယ်ဂဏန်းလောက်ကို မြင့်မားဖို့လိုအပ်နေပြီး သစ်ပင်ကြီးထွားဖို့အတွက် မားစ်ဂြိုဟ်နေ့ရက်ပေါင်း အနည်းဆုံး ၁၁၀ ရက်လောက် စိုက်ပျိုးထားဖို့ လိုအပ်ပါတယ်။

#Source: WION