#WorldPolitics
Published - 04 March 2022
ရုရှားနဲ့စစ်ရေးပဋိပက္ခဖြစ်ပွားနေတဲ့ကာလမှာ နိုင်ငံတော်လုံခြုံရေးကိစ္စတွေကို ပိုပြီးစိုးရိမ်ပူပန်နေရတဲ့အတွက် ဥရောပသမဂ္ဂ(EU)အဖွဲ့ဝင်ဖြစ်မြောက်ရေးက အခုအချိန်မှာ ယူကရိန်းအတွက်အဓိကမဟုတ်ကြောင်း ယူကရိန်းသမ္မတ'ဗိုလိုဒီမီယာဇဲလန်စကီ'က ကြာသပတေးနေ့က ဝန်ခံလိုက်ပါတယ်။

"အခုအချိန်မှာ ယူကရိန်းအနေနဲ့ ဥရောပသမဂ္ဂအဖွဲ့ဝင်ဖြစ်ရေးက အဓိကမကျဘူးလို့ ကျွန်တော်ထင်ပါတယ်။ အရေးကြီးဆုံးက နိုင်ငံတော်လုံခြုံရေးနဲ့စစ်ပွဲအခြေအနေတွေပါပဲ။ ဒါပေမဲ့ ယူကရိန်းအပေါ် သူတို့ရဲ့သဘောထားပြသမှုကလည်း အရေးပါတဲ့ထောက်ပံ့မှုဖြစ်ပါတယ်" လို့ 'ဇဲလန်စကီ'က ပြောကြားသွားတာဖြစ်ပါတယ်။

ယူကရိန်းကို တရားဝင်ဥရောပသမဂ္ဂအဖွဲ့ဝင်အဖြစ် အသိအမှတ်ပြုဖို့ တောင်းဆိုချက်တင်သွင်းပြီး ရက်ပိုင်းအကြာမှာ 'ဇဲလန်စကီ'က အခုလိုပြောကြားလာတာဖြစ်ပါတယ်။
ယူကရိန်းကို အဖွဲ့ဝင်အဖြစ်အမြန်ဆုံးလက်ခံသွားဖို့ 'ဇဲလန်စကီ'က တနင်္လာနေ့က တောင်းဆိုလိုက်ပြီး နောက်တစ်နေ့ဥရောပပါလီမန်၌ မိန့်ခွန်းပြောကြားရာမှာလည်း အဖွဲ့ဝင်ဖြစ်မြောက်ရေးကို အားဖြည့်ကူညီပေးဖို့ တိုက်တွန်းခဲ့ပါတယ်။

"သင်တို့က ကျွနိုပ်တို့နဲ့အတူရှိနေပြီး လက်လွှတ်မခံနိုင်ဘူးဆိုတာကို သက်သေပြပေးပါ။ တကယ့်ဥရောပသားတွေဖြစ်တယ်ဆိုတာကို သက်သေပြပေးပါ။ ဘဝရှင်သန်ခြင်းက သေဆုံးခြင်းတရားကို အနိုင်ယူပြီး အမှန်တရားက အကြောက်တရားကို အနိုင်ယူနိုင်တယ်ဆိုတာ သက်သေပြပေးပါ" လို့ 'ဇဲလန်စကီ'ကပြောကြားခဲ့ရာ အားလုံးက မတ်တပ်ရပ်ပြီးလက်ခုပ်ဩဘာပေးခဲ့ကြပါတယ်။

ဒါပေမဲ့လည်း ဥရောပသမဂ္ဂထိပ်သီးအရာရှိတွေက ယူကရိန်းအားအဖွဲ့ဝင်အဖြစ်သတ်မှတ်ဖို့ကိစ္စမှာ နှောင့်နှေးနေကြကြောင်း၊ အဖွဲ့ဝင်ဖြစ်လာဖို့အရေးက ချက်ချင်းအထမမြောက်နိုင်သလို နှစ်တွေအများကြီးကြာသွားနိုင်ကြောင်း သတိပေးလိုက်ပါတယ်။

လက်ရှိဥရောပသမဂ္ဂအဖွဲ့ထဲကို အဖွဲ့ဝင်အသစ်တွေဝင်ရောက်လာဖို့က ဖြတ်လမ်းနည်းမရှိပါဘူး။အဖွဲ့ဝင်ဖြစ်လာရန် ဝင်ရောက်ဖို့လျှောက်ထားတဲ့နိုင်ငံတွေအနေနဲ့ နိုင်ငံရေးနဲ့စီးပွားရေးအခြေအနေတွေမှာ သတ်မှတ်ချက်တွေပြည့်မီဖို့လိုပါတယ်။

ယူကရိန်းနိုင်ငံရှိ အနောက်နိုင်ငံအဖွဲ့လိုလားသူနိုင်ငံရေးသမားတွေကြားမှာ ယူကရိန်းအနေနဲ့ ဥရောပသမဂ္ဂအဖွဲ့ဝင်ဖြစ်မြောက်ရေးအကြောင်းကို နှစ်ပေါင်းများစွာတိုင်အောင် ဆွေးနွေးပြောကြားခဲ့ကြပါတယ်။

သို့ပေမယ့်လက်တွေ့မှာတော့ အောင်မြင်မှုမရသေးပါဘူး။ဥရောပသမဂ္ဂအဖွဲ့ဝင်ဖြစ်မြောက်ရေးဟာ ၂၀၁၄ တော်လှန်ရေးအဖြစ်အပျက်များရဲ့ အဓိကအချက်တစ်ချက်ဖြစ်နေပါတယ်။

ယူကရိန်းတပ်ဖွဲ့များက ပုန်ကန်ရေးနယ်မြေများဖြစ်တဲ့ ဒိုနက်စ်နဲ့လူဟန့်စ်က်ဒေသများကို ချေမှုန်းရန်ကြိုးပမ်းခဲ့ပြီးနောက် ယူကရိန်းအရှေ့ဘက်ဒေသတွေမှာ နှစ်ရှည်လများပဋိပက္ခတွေ ဖြစ်ပွားနေခဲ့တာဖြစ်ပါတယ်။
Source: RT

Published 3 March 2022

ယူကရိန်းနှင့်ရုရှားက ငြိမ်းချမ်းရေးဆွေးနွေးကြတဲ့ ကိုယ်စားလှယ်နှစ်ဖွဲ့ဟာ ဒီကနေ့ မတ်(၃)ရက်နေ့က ဘီလာရုစ်နိုင်ငံမှာ ဒုတိယအကျော့ အဖြစ်ထပ်မံတွေ့ဆုံဆွေးနွေးနေကြပါတယ်။

ယူကရိန်းပါလီမန်ရဲ့ ပြည်သူ့အစေခံပါတီခေါင်းဆောင် ဒေးဗစ် အရက်ခါမီယားက ဆွေးနွေးပွဲမကြာမီစတင်မယ့်အကြောင်း ထုတ်ဖော်ပြောကြားခဲ့ပါတယ်။

အရက်ခါမီးယားဟာ ယူကရိန်းကိုယ်စားလှယ်အဖွဲ့ဝင်တစ်ဦးအနေနှင့် ငြိမ်းချမ်းရေးဆွေးနွေးပွဲမှာ ပါဝင်လာပြီး ရုရှားနှင့် စေ့စပ်ညှိနှိုင်းရာမှာ ကိဗစ်အနေနှင့် ရရှိလိုတဲ့အချက်တွေကို အသေးစိတ်ကို သူက သတင်းထုတ်ပြန်ခဲ့ပါတယ်။

အရာရာဟာ အခြေအနေပေါ်မူတည်နေတဲ့အလျောက် ယူကရိန်းရဲ့ အနိမ့်ဆုံးလိုလားချက်ဟာ  လူသားချင်းစာနာထောက်ထားချင်းဆိုင်ရာ စင်္ကြံတွေပဲဖြစ်တယ်လို့ သူကပြောပါတယ်။

ပိုလန်နှင့်ဘီလာရုစ်နယ်စပ်အနီးက ဘီလိုဗက်ကာရာ ပွတ်ရှ်ချာမှာပြုလုပ်မယ့်ဆွေးနွေးပွဲအတွင်း နှစ်ဘက်ဟာ အပစ်အခတ်ရပ်စဲရေးတစ်ခုကို ဆွေးနွေးမယ်လို့ မော်စကိုရဲ့ စေ့စပ်ညှိနှိုင်းရေးမှူးချုပ်ဗလက်ဒီမာမီဒင်စကီက ဗုဒ္ဓဟူးနေ့က ပြောထားပါတယ်။

ယူကရိန်းနှင့်ရုရှားနှစ်ဖွဲ့ဟာ ပြီးခဲ့တဲ့တနင်္လာနေ့ကပဲ ဘီလာရုစ်နိုင်ငံက ဂိုမယ်ဒေသမှာ ပထမဆုံးအကြိမ်တွေ့ဆုံခဲ့ကြပြီး ဖြစ်ပါတယ်။ ယူကရိန်းသမ္မတ ဇီလင်စကီးက ပထမဆုံးဆွေးနွေးပွဲအပေါ် ကျေနပ်အားရမှုမရှိကြောင်း ထုတ်ဖော်ပြောဆိုခဲ့ပါတယ်။ “ ကျွန်တော်တိုရချင်တဲ့ရလာဒ်တွေ အခုထက်ထိမထွက်သေးပါဘူး” လို့ သူကပြောပါတယ်။

Source:Agencies/RT

Published 3 March 2022
ပြင်သစ်သမ္မတ အီမန်နျူယယ်မာခရွန်က ရုရှားခေါင်းဆောင် ဗလာဒီမာပူတင်နှင့် ယူကရိန်းမှာ ရုရှားစစ်ပွဲရပ်သွားအောင် ဆွဲဆောင်သိမ်းသွင်းလို့ရသမျှ ပြောဆိုဆွေးနွေးသွားမယ်လို့ ပြောလိုက်ပါတယ်။

“ကျွန်တော်ဟာ သမ္မတပူတင်နှင့် ကျွန်တော်လုပ်နိုင်သမျှ၊လိုအပ်တဲ့အထိ ဆက်လက်ဆက်သွယ်ပြောဆိုဖို့ ရွေးချယ်ထားပြီဖြစ်တယ်။  သူ့ကို အကြမ်းဖက်မှုတွေကနေ ဖယ်ခွာဖို့ ကျွန်တော် အိတ်သွန်ဖာမှောက်နည်းလမ်းရှာမှာပဲဖြစ်တယ်။ပြင်သစ်အနေနှင့် ပဋိပက္ခတွေ ကူးစက်ပြန့်ပွားတာကို ကာကွယ်ဖို့ ဆွေးနွေးပြောဆိုတာတွေဆက်လုပ်သွားမှာဖြစ်တယ်” လို့ သူက မတ်လ(၂)ရက်ကပြောကြားတဲ့ ရုပ်မြင်သံကြားမိန့်ခွန်းမှာ  ထည့်သွင်းပြောကြားခဲ့တာဖြစ်ပါတယ်။

Source AFP

#LocalNews_Politics
Published - 3 March 2022

အမေရိကန်ပြည်ထောင်စုအနေဖြင့် အာဆီယံ၏ ဦးဆောင်မှုအတိုင်းလိုက်ပါဆောင်ရွက်မှာဖြစ်တဲ့အတွက် ဒီလထဲမှာ ဝါရှင်တန်မှာ ပြုလုပ်မယ့် အမေရိကန်-အာဆီယံ ထိပ်သီးဆွေးနွေးပွဲကို မြန်မာနိုင်ငံအတွက် နိုင်ငံရေးမဟုတ်တဲ့ ကိုယ်စားလှယ်ကို ဖိတ်ကြားမယ်လို့ပြောပါတယ်။

မတ်လ၂၈ရက်နေ ၂၉ရက်အထိ သမ္မတဂျိုးဘိုင်ဒင်က အမေရိကန်ပြည်ထောင်စုနှင့်အာဆီယံခေါင်းဆောင်တွေအကြား အထူးထိပ်သီးဆွေးနွေးပွဲကို အိမ်ရှင်အဖြစ်လက်ခံကျင်းပမှာဖြစ်ပါတယ်။

“ အမေရိကန်ပြည်ထောင်စုဟာ အဆင့်မြင့်အာဆီယံ အခမ်းအနားအတွက် မြန်မာနိုင်ငံမှ နိုင်ငံရေးမဟုတ်တဲ့ ကိုယ်စားလှယ် တစ်ဦးကို ဖိတ်ကြာတဲ့ ဆုံးဖြတ်ချက်ကို ထောက်ခံပါတယ်" လို့ အမေရိကန်အစိုးရ နိုင်ငံခြားရေးဝန်ကြီးဌာန ပြောရေးဆိုခွင့်ရသူ တစ်ဦးက ဘားမားဆိုတဲ့ အမည်ဟောင်းကို သုံးနှုံးပြီးပြောပါတယ်။

“ အဲဒါကြောင့် ထိပ်သီးဆွေးနွေးပွဲကို အဲဒီအတိုင်းပဲ ကျွန်တော်တို့က မြန်မာနိုင်ငံမှ နိုင်ငံရေးမဟုတ်တဲ့ကိုယ်စားလှယ် တစ်ဦးကို ဖိတ်ကြားဖို့ဆုံးဖြတ်ခဲ့ပါတယ်။ အာဆီယံရဲ့ ဘုံသဘောတူညီချက်(၅)ချက်ကို မြန်မာအစိုးရဟာ အဓိပ္ပါယ်ပြည့်ဝတဲ့ တိုးတက်မှုတွေပြုလုပ်ဖို့ပျက်ကွက်ခဲ့တယ်" လို့ အဲဒီအရာရှိကပြောပါတယ်။

ပြီးခဲ့တဲ့နှစ်က အာဆီယံဟာ မြန်မာက အာဆီယံသဘောတူညီချက်(၅)ချက်ကို အကောင်အထည်ဖော်ဖို့ ပျက်ကွက်ခဲ့တယ်ဆိုပြီး အစည်းအဝေးတွေကို နိုင်ငံရေးမဟုတ်တဲ့ကိုယ်စားလှယ်ကိုသာ ဖိတ်ကြားခဲ့ပေမယ့် မြန်မာက ငြင်းပယ်ခဲ့ပြီးကိုယ်စားလှယ်စေလွှတ်ခြင်းမရှိခဲ့တာဖြစ်ပါတယ်။
Source CNA

Published 2 March 2022

ယူကရိန်းနိုင်ငံတော်အရေးပေါ်ဌာနက ထုတ်ပြန်တဲ့ ဗွီဒီယိုမှာ မီးသတ်သမားတွေဟာ ရုရှားတို့ရဲ့ ဒုံးကျည်ဖြင့် တိုက်ခိုက်ခံခဲ့ရတဲ့ ခါကစ်ဒေသရဲဌာန အဆောက်အအုံကို မီးငြိမ်းသတ်နေတာတွေကြရပါတယ်။

မီးသတ်သမားတွေဟာ ရုရှားတို့ရဲ့ ဒုံးကျည်နှင့်အပစ်ခံရလို့ မီးလောင်နေတဲ့ ခါကစ်ဒေသရဲဌာနအဆောက်အအုံကို မတ်လ(၂)ရက်နေ့က ဝိုင်းဝန်းမီးငြှိမ်းသတ်နေကြပါတယ်။

အဲဒီတိုက်ခိုက်ခံရမှုကြောင့် ထိခိုက်သေဆုံးသူတွေရှိမရှိနှင့် ဘယ်လောက်ရှိသလဲဆိုတာ မသိကြရသေးပါဘူး

ပြီးခဲ့တဲ့ (၂၄)နာရီအတွင်းတော့ ခါကစ်မှာ လက်နက်ကြီးတွေနှင့်အပစ်ခံရတဲ့အတွက် လူအနည်းဆုံး၁၂ဦး သေဆုံးပြီး ၁၁၂ဦး ဒဏ်ရာရရှိထားတယ်လို့ ဒေသဆိုင်ရာအုပ်ချုပ်ရေးမှူး အိုလက်ဆိုင်နီဂူဗော့က မတ်(၂)ရက်နေ့ကပြောကြားထားပါတယ်။

Source: Ukraine State Emergency Service/Agencies

Published 02 March 2022

တရုတ်နိုင်ငံ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်ယီဟာ ယူကရိန်းနိုင်ငံခြားရေးဝန်ကြီး ဒီမီထရိုကူလီဘာနှင့် အင်္ဂ်ါနေ့က တယ်လီဖုန်းဖြင့် ဆက်သွယ်ပြောဆိုခဲ့ကြပါတယ်။

ဖုန်းဆက်သွယ်ပြောဆိုရာမှာ ပထမဦးဆုံး ယူကရိန်းနိုင်ငံခြားရေးဝန်ကြီး ကူဘီလာက ယူကရိန်း-ရုရှား ပထမအကျော့ ဆွေးနွေးပွဲအကြောင်းကို အကျဉ်းချုပ်ပြီးရှင်းပြပြီး တိုက်ခိုက်မှုတွေရပ်တန့်ဖို့က ယူကရိန်းအတွက် ထိပ်ဆုံးဦးစားပေးဖြစ်တယ်လို့ပြောပါတယ်။

Source CMG