အခုဩဂုတ်လအတွက်  ဆန်ရည်ညွှန်းဈေးနှုန်းတွေ အရင်လအတိုင်းငြိမ်ပြီး တန်းနေတယ်လို့ စားသုံးသူရေးရာဦးစီးဌာနက လစဉ်ထုတ်ပြန်တဲ့ ရည်ညွှန်းဆန်ဈေးနှုန်းအရ သိရပါတယ်။

‎
‎‎#Local_News
‎Published 14 August 2025
‎#ဆန် #ဈေးနှုန်းများငြိမ်နေ
‎#YMG/NN #Yangon_Times

အိန္ဒိယနဲ့ ဥဇဘက်ကစ္စတန်နိုင်ငံတွေက မြန်မာနိုင်ငံကို အရည်အသွေးမြင့် ဝါမျိုးစေ့နဲ့ ဝါမျိုးကောင်းမျိုးသန့်တွေ တင်ပို့ဖို့ ကမ်းလှမ်းထားတယ်လို့ မြန်မာကုန်သွယ်မှုမြှင့်တင်ရေးအဖွဲ့ကနေ သိရပါတယ်။

‎
‎‎#Local_News
‎Published 14 August 2025
‎#ဝါမျိုးစေ့နဲ့ဝါမျိုးကောင်းမျိုးသန့် #အိန္ဒိယနှင့်ဥဇဘတ်ကစ္စတန်ကမ်းလှမ်း
‎#YMG/NN #Yangon_Times

#Local_News
Published 14 August 2025

▪️ မြစ်ကမ်းပါးပြိုကျမှုလျော့ပါးစေရန်အတွက်သံလွင်မြစ်ဘေးတွင် Floating Structure အလျားပေ ၁၀၀၀ ခန့် တပ်ဆင်သွားမည်ဖြစ်ကြောင်း သိရသည်။

▪️ ကရင်ပြည်နယ် ဘားအံမြို့တွင် ရေကြီးရေလျှံမှုဖြစ်စဉ်များကြောင့် ဘားအံမြို့ အမှတ်(၈)ရပ်ကွက်တွင် သံလွင်မြစ်ကမ်းပါး အလျား ပေ၂၉၀၀ ခန့် ပြိုကျမှုဖြစ်ပွားခဲ့ရာ ပြည်နယ်ဝန်ကြီးချုပ်ဦးစောမြင့်ဦးနှင့် တာဝန်ရှိသူများသည် ဩဂုတ် ၁၃ ရက် နံနက်ပိုင်းက သွားရောက်ကြည့်ရှုစစ်ဆေးခဲ့‌ကြောင်း သိရသည်။

▪️ ထိုသို့ ကြည့်ရှုစစ်ဆေးရာ ကရင်ပြည်နယ်ရေအရင်းအမြစ်နှင့်မြစ်ချောင်းများဖွံ့ဖြိုးတိုးတက်ရေးဦးစီးဌာန ညွှန်ကြားရေးမှူး ဦးလှမိုးက မြစ်ကမ်းပါးပြိုကျမှုအခြေအနေနှင့်လက်တလောကမ်းပါးပြိုကျမှုလျော့ပါးစေရန် Floating Structure အလျားပေ ၁၀၀၀ ခန့် ဆောင်ရွက်မည့် အစီအစဉ်များကို ရှင်းလင်းတင်ပြခဲ့ကြောင်း၊ ပြည်နယ်ဝန်ကြီးချုပ်က Floating Structure များအမြန်ဆုံး တည်ဆောက်ကာကွယ်ရန်၊ လာမည့်ရေနည်းရာသီတွင်စစ်ဆေး၍ ကမ်းထိန်းလုပ်ငန်းအစီအမံများ ရေးဆွဲတင်ပြရန်မှာကြားခဲ့‌ ကြောင်းသိရသည်။

#YMG/SW #Yangon_Times

#Local_News
Published 14 August 2025

▪️ မြန်မာနိုင်ငံဆိုင်ရာ တရုတ်သံရုံးတွင် ကောင်စစ်ဆိုင်ရာအထောက်အထား (ဗီဇာ)လျှောက်ထားရန် တန်းစီနေရာပြောင်းလဲသတ်မှတ်ထားကြောင်း အဆိုပါသံရုံးက ထုတ်ပြန်ထားသည်။

▪️ သံရုံးသို့လာရောက်လျှောက်ထားမည့် လူများအနေဖြင့် ခရီးစဉ်လမ်းကြောင်းကို ကြိုတင်စီမံထားရှိနိုင်ရန်အတွက် ယခုကဲ့သို့ ထုတ်ပြန်ခြင်းဖြစ်ကြောင်း သိရသည်။

▪️ ထိုသို့ ပြောင်းလဲသတ်မှတ်ရာတွင်ဩဂုတ်လ (၁၃) ရက်နေ့မှစ၍ မြန်မာနိုင်ငံဆိုင်ရာ တရုတ်သံရုံးရှိ ကောင်စစ်ဆိုင်ရာအထောက်အထား (ဗီဇာ) လျှောက်ရန် တန်းစီရမည့်နေရာကို ယခင်ပြည်ထောင်စုရိပ်သာလမ်းမှ ဗဟိုလမ်းသို့ ပြောင်းရွှေ့သွားမည်ဖြစ်သည်ဟု အသိပေးထားသည်။

#YMG/SW #Yangon_Times

#Local_News

Published 14 August2025

▪️ ကမ္ဘာ့ခရီးသွားလုပ်ငန်းနေ့ (World Tourism Day) အထိမ်းအမှတ်အဖြစ် ဆောင်းပါးပြိုင်ပွဲကို ကျင်းပပြုလုပ်သွားမည်ဖြစ်‌သည့်အတွက် ဟိုတယ်နှင့်ခရီးသွားကဏ္ဍကို စိတ်ပါဝင်စားသူ မြန်မာနိုင်ငံသားများ ပေးပို့ယှဉ်ပြိုင်နိုင်ကြောင်း ဟိုတယ်နှင့်ခရီးသွားလာရေးဝန်ကြီးဌာန ဟိုတယ်နှင့်ခရီးသွားညွှန်ကြားမှုဦးစီးဌာနက ဖိတ်ခေါ်ထားသည်။

▪️ အဆိုပါ ပြိုင်ပွဲတွင် Sustainable ၂၀၂၅ ခုနှစ်၊ ကမ္ဘာ့ခရီးသွားလုပ်ငန်းနေ့ဆောင်ပုဒ်ဖြစ်သော "Tourism and Transformation ခရီးသွားကဏ္ဍရေရှည်ဖွံ့ဖြိုးဖို့၊ စဉ်ဆက်မပြတ်ဖော်ဆောင်စို့” ခေါင်းစဉ်အောက်မှ မြန်မာဘာသာဖြင့် ဆောင်းပါရေးသားရမည်ဖြစ်ပြီး စာမျက်နှာ (၅ မှ ၈ မျက်နှာအထိ) A4 စာရွက်တွင် Pyidaungsu Font Size 131 Line Spacing 1.5 ကိုအသုံးပြုရမည်ဖြစ်ကြောင်း သိရသည်။

▪️ ဝင်ရောက်ယှဉ်ပြိုင်အနိုင်ရရှိသူများအား ဆုကြေးသတ်မှတ်ချက်အနေဖြင့် ပထမဆု (၅၀၀,၀၀ဝိ/-)၊ ဒုတိယဆု (၄၀၀,၀၀ဝိ/-) တတိယဆု (၃၀၀,၀၀ဝိ/-)နှင့် နှစ်သိမ့်ဆု(၁၀၀,၀၀ဝိ/-) (၇)ဆု တို့ကို ချီးမြှင့်သွားမည်ဖြစ်ပြီး ဆောင်းပါများကို လာမည့် စက်တင်ဘာ( ၅ )ရက် နောက်ဆုံးထားကာ This email address is being protected from spambots. You need JavaScript enabled to view it. သို့ ပေးပိုးရမည်ဖြစ်ကြောင်း ၊ဆောင်းပါးပေးပို့ရာတွင် အမည်၊ ဆက်သွယ်ရန်လိပ်စာ၊ အီးမေးလ်နှင့် ဖုန်းနံပါတ်တို့ကို ပြည့်စုံစွာ ဖော်ပြ၍ ကိုယ်တိုင်ရေး စာမူဖြစ်ကြောင်း ကတိခံဝန်ချက်နှင့်အတူ ပေးပို့ရမည်ဖြစ်ပြီး အသေးစိတ်အချက်အလက်များကို ဟိုတယ်နှင့်ခရီးသွားလာရေးဝန်ကြီးဌာန၊ ရုံးဖုန်း ၀၆၇ ၃၄၀၆၁၀၄ သို့ ရုံးချိန်အတွင်း ဆက်သွယ်စုံစမ်းမေးမြန်းနိုင်ကြောင်း သိရသည်။

▪️ ထို့အပြင် ပြိုင်ပွဲတွင်ရွေးချယ်ခံရသူများကို ဟိုတယ်နှင့်ခရီးသွားလာရေးဝန်ကြီးဌာန၏ Website: www.tourism.gov.mm/en/announcements www.tourism.gov.mm/mm/announceme တို့တွင် ကြေညာပေးသွားမည်ဖြစ်ပြီး ဆုရရှိသူအချို့အား ၂၀၂၅ ခုနှစ်၊ စက်တင်ဘာလ (၂၇) ရက် နေ့၊ ကမ္ဘာ့ခရီးသွားလုပ်ငန်းနေ့ အခမ်းအနားတွင် ဆုများကိုချီးမြှင့် ပေးအပ်သွားမည်ဖြစ်ကြောင်းလည်း သိရသည်။

#YMG/NN #Yangon_Times

#Local_News

Published 13 August 2025

▪️ မန္တလေးတိုင်းဒေသကြီး ပျော်ဘွယ်မြို့နယ်တွင် ပြင်းထန်ငလျင်ကြောင့် ထိခိုက်ခံစားခဲ့ရသော အိမ်ထောင်စုများအား ပြန်လည်ထူထောင်ရေးအတွက် ငွေသားထောက်ပံ့ခြင်းအစီအစဥ်ကို သြဂုတ်လ(၁၃)ရက်က ဆက်လက်ပြုလုပ်ခဲ့ရာ ငွေကျပ်သိန်း ၃၀၀ကျော်ထောက်ပံ့ကူညီခဲ့ကြောင်း မြန်မာနိုင်ငံကြက်ခြေနီအသင်းမှသိရသည်။

▪️ ထိုသို့ထောက်ပံ့ရာတွင် ရှမ်းပွဲနှင့် မြို့မရပ်ကွက်များရှိ ငလျင်ဘေးသင့် အိမ်ထောင်စု (၁) စုလျှင် ထောက်ပံ့ငွေ ကျပ် ၄၀၀,၀၀၀/ နှုန်းဖြင့် အိမ်ထောင်စုပေါင်း (၇၉) စုအတွက် စုစုပေါင်း ကျပ် ၃၁,၆၀၀,၀၀၀ / ကို အဆိုပါ အိမ်ထောင်စုများ လက်ဝယ်အရောက် ထောက်ပံ့ပေးခဲ့ခြင်းဖြစ်ပြီး ကျန်းမာရေး မကောင်းသဖြင့် စုရပ်သို့ မလာရောက်နိုင်သည့် အိမ်ထောင်စု(၂)စု မှ အမျိုးသမီး (၁)ဦး အမျိုးသား (၁)ဦး ကိုလည်း အိမ်တိုင်ရာရောက် သွားရောက် ထောက်ပံ့ပေးခဲ့‌ကြောင်းသိရသည်။

▪️ ငွေသား ထောက်ပံ့ခြင်း အစီအစဉ်ကို ဆောင်ရွက်ရာတွင် လေ့ကျင့်ထားသော ကြက်ခြေနီစေတနာလုပ်အားရှင်များသည် အဆိုပါ ရပ်ကွက်များ အတွင်းသို့ ပြီးခဲ့သည့် ဇွန်လ နှင့် ဇူလိုင်လ များအတွင်း၌ ကွင်းဆင်းကာ စနစ်တကျ လေ့လာဆန်းစစ်ခြင်းများကိုတစ်အိမ်ထောင်စုချင်း စီ အလိုက် အိမ်တိုင်ယာရောက် စနစ်တကျလေ့လာဆန်းစစ်ခြင်းများကို အသင်း ၏ သတ်မှတ်ချက်စံနှုန်းများနှင့်အညီ အကျိုးခံစားခွင့်ရှိသူများ စာရင်း ကို ရပ်ရွာအတွင်း အများပြည်သူဆိုင်ရာနေရာများတွင် ကြေငြာပေးခဲ့ပြီး community engagement and accountability လုပ်ငန်းစဉ်ကိုပါ ပွင့်လင်းမြင်သာစွာ တပြိုင်နက်ဆောင်ရွက်ခဲ့ကြောင်းသိရသည်။

▪️ မြန်မာနိုင်ငံကြက်ခြေနီအသင်း(MRCS)သည် အပြည်ပြည်ဆိုင်ရာ ကြက်ခြေနီနှင့်လခြမ်းနီအသင်းများ ဖက်ဒရေးရှင်း(IFRC)၏ ပံ့ပိုးကူညီမှုဖြင့် ငွေသားထောက်ပံ့ခြင်းဖြစ်ပြီး အသင်း ဘေးအန္တရာယ်ဆိုင်ရာ စီမံခန့်ခွဲမှုဌာနမှ ဝန်ထမ်းများ၊ ဒေသခံကြက်ခြေနီစေတနာလုပ်အားရှင်များ၊ လာရောက် အားဖြည့် ကူညီသည့် မွန်ပြည်နယ်နှင့် ဧရာဝတီတိုင်းဒေသကြီး တို့မှ ကြက်ခြေနီ စေတနာလုပ်အားရှင် များသည် ရပ်ရွာလူထုနှင့်အတူ ပူးပေါင်း ဆောင်ရွက်ခဲ့ခြင်း ဖြစ်‌ကြောင်းသိရသည်။

#YMG/SW #Yangon_Times