#Local_News
Published 20 June 2025
▪️ အသေးစား လေအားလျှပ်စစ်ထုတ်လုပ်ခြင်းကို ရေယာဉ်များနှင့် အခြားသင့်လျော်သည့်နေရာများတွင်ပါ စမ်းသပ်တပ်ဆင်သွားရန်သိပ္ပံနှင့်နည်းပညာဝန်ကြီးဌာနဒုတိယဝန်ကြီး ဒေါက်တာအောင်ဇေယျက ပြောကြားခဲ့ကြောင်း သိရသည်။
▪️ သိပ္ပံနှင့်နည်းပညာဝန်ကြီးဌာန ဒုတိယဝန်ကြီး က ဇွန် ၁၆ ရက်တွင် ရန်ကုန်မြို သုတေသနနှင့်တီထွင်ဆန်းသစ်မှုဦးစီးဌာနရှိ ပြန်ပြည့်မြဲစွမ်းအင်နှင့် အီလက်ထရောနစ် နည်းပညာသုတေသနဗဟိုဌာန၌ ပြုလုပ်သည့် အသေးစားလေအားလျှပ်စစ် သုတေသန လုပ်ငန်းများဆိုင်ရာ ညှိနှိင်းဆွေးနွေးပွဲ၌ ယခုကဲ့သို့ ပြောကြားခဲ့ခြင်းဖြစ်သည်။
▪️ ဒုတိယဝန်ကြီးက ယနေ့ခေတ်တွင် ကမ္ဘာ့စွမ်းအင်အကျပ်အတည်း၊ ကမ္ဘာကြီးပူ နွေးလာပြီး ရာသီဥတုပြောင်းလဲမှုနှင့် သဘာဝဘေးများဆိုင်ရာ ဆိုးကျိုးသက်ရောက်မှုများကို ကျော်လွှားနိုင်ကာ ကမ္ဘာကြီးရေရှည်တည်တံ့ရန်အတွက် နိုင်ငံတကာတွင် ၂၀၅၀ ပြည့်နှစ်၌ ကာဗွန်ထုတ်လွှတ်မှုကင်းစင်ရေးကို ဦးတည်ဆောင်ရွက်လျက်ရှိကြောင်း၊ ပြန်ပြည့်မြဲစွမ်းအင်ရင်းမြစ်များမှ လျှပ်စစ်ဓာတ်အားထုတ်လုပ်မှုများ သိသိသာသာမြင့်တက်လာလျက်ရှိကြောင်း၊ နိုင်ငံတော်ရှိ လေအားလျှပ်စစ်အရင်းအမြစ်များမှ MSME များအပါအဝင် နိုင်ငံ့အကျိုးပြုလုပ်ငန်းများနှင့် ပြည်သူများ၏ လူမှုစီးပွားဘဝဖွံ့ဖြိုးတိုးတက်ရေးတိုအတွက် တစ်တပ်တစ်အား အထောက်အကူပြုနိုင်မည့် လေအားလျှပ်စစ်သုတေသနလုပ်ငန်းများကို ဆောင်ရွက်ရန်၊ နိုင်ငံ့ရေမြေ သဘာဝပတ်ဝန်းကျင်နှင့် ကိုက်ညီကာ ကျေးလက်နှင့် မြို့ပြဒေသမရွေး တပ်ဆင်အသုံးပြုနိုင်သော လျှပ်စစ်ထုတ်လုပ်စွမ်းရည် မြင့်မား၍ အကျိုးကျေးဇူးများပြားစေမည့် တီထွင်ဆန်းသစ်နည်းပညာများဖြင့် အသေးစားလေအားလျှပ်စစ်သုတေသနလုပ်ငန်းများကို မြှင့်တင်ဆောင်ရွက်ရန် ပြောကြားခဲ့သည်။
▪️ ထို့နောက် အသေးစား လေအားလျှပ်စစ်တာဘိုင်ပုံစံငယ်ကို ကြည့်ရှုစစ်ဆေးပြီး ရေရှည်ကြံ့ခိုင်မှုရှိသော ဒီဇိုင်းဖြစ်ရန်၊ တာဘိုင်များ ထပ်မံတိုးချဲ့ပေါင်းစပ်တပ်ဆင်ကာ ထုတ်လုပ်ရရှိသည့် လျှပ်စစ်စွမ်းအား၏ အရည်အသွေးကောင်းမွန်ရေး စနစ်တကျထိန်းချုပ်ဆောင်ရွက်ရန်၊ လျှပ်စစ်ရေတင်စနစ်များတွင် စမ်းသပ်တပ်ဆင်သုံးစွဲရန်၊ ရေယာဉ်များနှင့် အခြားသင့်လျော်သည့် နေရာများတွင်ပါ လက်တွေ့ကျကျ စမ်းသပ်တပ်ဆင်ကြရန် မှာကြားပြီးမြောက်ဒဂုံစက်မှုဇုန်ရှိ နည်းပညာလွှဲပြောင်းလက်ခံထားသော စက်ရုံတွင် စမ်းသပ်တပ်ဆင်ထားသော အသေးစားလေအား လျှပ်စစ်တာဘိုင်ကို သွားရောက်ကြည့်ရှုစစ်ဆေးခဲ့ကြောင်း သိရသည်။
#YMG/SW #Yangon_Times
ပုဂ္ဂလိကလုံခြုံရေးဝန်ထမ်း(၁၀) ဦးအထက် ခန့်အပ်လိုတဲ့ လုပ်ငန်းရှင်တွေအနေနဲ့ ခွင့်ပြုမိန့်လျှောက်ထားရမယ်လို့ ပုဂ္ဂလိကလုံခြုံရေးဝန်ဆောင်မှုဆိုင်ရာ ကြီးကြပ်ကွပ်ကဲရေး ဗဟိုကော်မတီအစည်းအဝေးအမှတ်စဉ် (၁/၂၀၂၅)မှ သိရပါတယ်။
#Local_News
Published 20 June 2025
#ပုဂ္ဂလိကလုံခြုံရေးဝန်ထမ်း #ကုမ္ပဏီများခွင့်ပြုမိန့်လျှောက်ထားရ
#YMG/SW #Yangon_Times
ရန်ကုန်မြို့ရှိ ဘုရင့်နောင် ကုန်စည်ဝန်းကနေ နယ်ဒေသတွေကိုနေ့စဉ်ကုန်တင်ယာဉ် ၄၅၀ခန့်နဲ့ ကုန်မျိုးစုံတင်ပို့နေတယ်လို့ မြန်မာနိုင်ငံ အဝေးပြေး ကုန်စည်ပို့ဆောင်ရေးလုပ်ငန်းရှင်များအသင်းက သိရပါတယ်။
#Local_News
Published 20 June 2025
#ကုန်မျိုးစုံတင်ပို့နေ #ကုန်စည်ပို့ဆောင်ရေးလုပ်ငန်းရှင်များအသင်း
#YMG/NN #Yangon_Times
မြန်မာ့ကျောက်မျက်ရတနာရောင်းဝယ်ရေးလုပ်ငန်းလိုင်စင်တွေကိုရန်ကုန်အပါအဝင်မြို့၅မြို့မှာ လျှောက်ထားနိုင်တယ်လို့ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနက သိရပါတယ်။
#Local_News
Published 20 June 2025
#ကျောက်မျက်ရတနာရောင်းဝယ်ရေးလိုင်စင် #လျှောက်ထားနိုင်
#YMG/NN #Yangon_Times
ရန်ကုန်မြို့တော်စည်ပင်သာယာရေးကော်မတီအနေနဲ့အမှိုက်အမျိုးအစားများ ခွဲခြားစွန့်ပစ်ရေး လုပ်ဆောင်ရာမှာ Shopping Mall တွေ အဆင့်မြင့်အရောင်းဆိုင်ကြီးတွေနဲ့လည်း ပူးပေါင်းလုပ်ဆောင်သွားမယ်လို့ သိရပါတယ်။
#Local_News
Published 20 June 2025
#အမှိုက်အမျိုးအစားခွဲခြားစွန့်ပစ်ရေး #Shopping_Mall
#YMG/SW #Yangon_Times
#Local_News
Published 20 June 2025
▪️ တက္ကသိုလ်ဝင်စာမေးပွဲ စတုတ္ထနေ့၌ ကျောင်းသား/ ကျောင်းသူ ၆၂၇၈၉ ဦးလာရောက်ဖြေဆိုကြကြောင်း ပညာရေးဝန်ကြီးဌာနမှ သိရသည်။
▪️ နေပြည်တော်ကောင်စီနယ်မြေ၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ ကချင်ပြည်နယ်တို့မှ ၂၀၂၅ ခုနှစ်၊ တက္ကသိုလ်ဝင်စာမေးပွဲ ပြန်လည်ဖြေဆိုကြမည့် ကျောင်းသား/ ကျောင်းသူများသည် ဇွန် ၁၆ ရက်မှစတင်၍ သက်ဆိုင်ရာမြို့နယ်အသီးသီးရှိ စာစစ်ဌာန ၁၉၅ ခု၌ ဝင်ရောက်ဖြေဆိုနေခြင်းဖြစ်သည်။
▪️ ထိုသို့ဖြေဆိုကြရာတွင် ယမန်နေ့ တက္ကသိုလ်ဝင်စာမေးပွဲ စတုတ္ထနေ့တွင် ဓာတုဗေဒဘာသာရပ်နှင့် ပထဝီဝင်ဘာသာရပ်တို့ကို ဝင်ရောက်ဖြေဆိုသူ ကျောင်းသား/ ကျောင်းသူ ၆၂၇၈၉ ဦး (ဖြေဆိုရာခိုင်နှုန်း ၉၈.၆၁ ရာခိုင်နှုန်း) ရှိကြောင်း သိရသည်။
▪️ ထိုသို့ ကျောင်းသား၊ ကျောင်းသူများ စိတ်အေးချမ်းသာစွာ စာမေးပွဲဖြေဆိုနေမှုများကို နေပြည်တော်ကောင်စီဥက္ကဋ္ဌ၊ တိုင်းဒေသကြီးနှင့်ပြည်နယ်အသီးသီးမှ ဝန်ကြီးချုပ်များ၊ တိုင်းမှူးများနှင့် ပညာရေးဝန်ကြီးဌာနမှ တာဝန်ရှိသူများက သွားရောက်ကြည့်ရှုအားပေးကြပြီး ကျောင်းသား/ ကျောင်းသူများနှင့် လိုက်ပါပို့ဆောင်ပေးသည့် မိဘအုပ်ထိန်းသူများအား ရင်းရင်းနှီးနှီးတွေ့ဆုံအားပေးစကားပြောကြားကာ လိုအပ်သည်များကို တာဝန်ရှိသူများနှင့် ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။
▪️ ထို့အပြင် စာမေးပွဲများ ပြန်လည်ကျင်းပနေစဉ်ကာလအတွင်း ကျောင်းသား၊ ကျောင်းသူများ အေးချမ်းစွာဖြေဆိုနိုင်ရေးအတွက် စာမေးပွဲများ ကျင်းပနေသည့် မြို့နယ်များအလိုက် တာဝန်ရှိသူများ၊ ကျန်းမာရေးဝန်ထမ်းများ၊ မီးသတ်တပ်ဖွဲ့နှင့် လုံခြုံရေးတပ်ဖွဲ့ဝင်များ၊ ယာဉ်ထိန်းတပ်ဖွဲ့ဝင်များဖြင့် လုံခြုံရေးဆိုင်ရာကိစ္စရပ်များနှင့် အခြားလိုအပ်သည်များကို စနစ်တကျ စီမံဆောင်ရွက်ထားရှိကြောင်း သိရသည်။
#YMG/NN #Yangon_Times
#Local_News
Published 20 June 2025
▪️ တောင်ငူမြို့ရှိ ခပေါင်းချောင်းရေတိုး၍ နေအိမ်အချို့သို့ ရေတိုးဝင်ရောက်နေကြောင်း ဒေသခံများထံမှ သိရသည်။
▪️ 'တောင်ငူ၊ စစ်တောင်းမြစ်၊ ခပေါင်းချောင်းရေ ည12နာရီဝန်းကျင်မှာ တစ်ဟုန်ဒိုးတိုးလာပါတယ်၊ ၁နာရီ ကျော်လောက်မှာလည်း ခပေါင်းချောင်းဘေးအိမ်က အိမ်သာ ထိရောက်လာတယ်၊ နောက်အိမ်သာပြိုပြီး ရေစီးနဲ့မျှော ပါသွားပါတယ်၊ အခုမနက် အစောပိုင်းမှာလည်း ခပေါင်းချောင်းရေကမ်းနဲ့အညီရေတိုးနေပါတယ်၊ ချောင်းဘေးအနိမ့်ပိုင်းခြံများ ရေတွေရောက်လာတယ် ကင်းဆိပ်အနောက်ပိုင်းကတ္တရာလမ်းပေါ်ရေအနည်းငယ်ကျော်နေပါတယ်'ဟု ဒေသခံတစ်ဦးက ပြောသည်။
▪️ မိုးလေဝသနှင့် ဇလဗေဒညွှန်ကြားမှုဦးစီးဌာန၏ ယနေ့မနက် ၆နာရီခွဲအချိန်တိုင်းထွာချက်များချက်အရ စစ်တောင်းမြစ်ရေသည် တောင်ငူမြို့တွင် ၃၈၈ စင်တီမီတာ ရှိပြီး ၂၄နာရီအတွင်း ၁၀စင်တီမီတာအထိပြန်လည်ကျဆင်းနိုင်ကြောင်း သိရသည်။
▪️ ထို့အပြင် စစ်တောင်းမြစ်ရေသည် တောင်ငူမြို့တွင် စိုးရိမ်ရေမှတ် ၆၀၀ စင်တီမီတာအထိရှိကြောင်း သိရသည်။
#YMG/NN #Yangon_Times
Page 64 of 2083
