လာမယ့်ဆောင်းရာသီမှာ မြန်မာနိုင်ငံမှာ စိုစွတ်အေးမြတဲ့ရာသီဥတု လာနီညာဖြစ်နိုင်ခြေရှိတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။
#Local_News
Published 28 October 2024
#ဆောင်းရာသီ #လာနီညာဖြစ်နိုင်ခြေရှိ
#YMG/tthl #Yangon_Times

#Local_News
Published -28 October 2024

▪️ တောင်ကိုရီးယားနိုင်ငံသို့ မြန်မာကုန်ထုတ်လုပ်သားသစ်(၁၅၂)ဦးသည် ယနေ့ အောက်တိုဘာ ၂၈ ရက်က ကိုရီးယားနိုင်ငံသို့ရောက်ရှိလာခဲ့ကြောင်း မြန်မာသံရုံး၊ ဆိုးလ်မြို့ထံမှ သိရသည်။

▪️ အဆိုပါလုပ်သားများအား အစိုးရပြည်ပအလုပ်အကိုင်အေဂျင်စီ(POEA)မှတစ်ဆင့် EPS စနစ်ဖြင့် စေလွှတ်ခြင်းဖြစ်သည်။

▪️ ၎င်းတို့သည်  ရန်ကုန်လေဆိပ်မှတစ်ဆင့် မြန်မာအမျိုးသားလေကြောင်းလိုင်း UB 8301 (Charter Flight)ခရီးစဥ်ဖြင့် အင်ချွန်းလေဆိပ်သို့ရောက်ရှိခဲ့ရာရောက်ရှိလာသည့် မြန်မာကုန်ထုတ်လုပ်သားသစ်များအား မြန်မာသံရုံး၊ ဆိုးလ်မြို့မှ အလုပ်သမားသံအရာရှိကကြိုဆို၍ အလုပ်သမားများ သိရှိလိုက်နာသင့်သည့် အချက်များကိုမှာကြား၍ လိုအပ်သည်များကို ကူညီပံ့ပိုးပေးခဲ့ကြောင်း သိရသည်။

#YMG/NN #Yangon_Times

#Local_News
Published_ 28 October 2024

▪️ ရန်ကုန်မြို့၌ တည်ဆောက်လျက်ရှိတဲ့ ၅၀၀ ကေဗွီ လှိုင်သာယာ (အနောက်ပိုင်းတက္ကသိုလ်) ဓာတ်အားခွဲရုံစီမံကိန်း ဆောင်ရွက်ပြီးစီးသွားပါက ၅၀၀ ကေဗွီ ဓာတ်အားလိုင်းစနစ်ဖြင့် မြန်မာနိုင်ငံမြောက်ပိုင်းမှ ထုတ်လုပ်လျက်ရှိတဲ့ လျှပ်စစ်ဓာတ်အားများကို မြန်မာနိုင်ငံတောင်ပိုင်းသို့ ဗို့အားပြည့်ဝ တည်ငြိမ်စွာ ပို့လွှတ်နိုင်မည်ဖြစ်ကြောင်း သိရပါတယ်။

▪️ လျှပ်စစ်စွမ်းအားဝန်ကြီးဌာနဝန်ကြီး ဦးဉာဏ်ထွန်းနှင့် တာဝန်ရှိသူများသည် အောက်တိုဘာ ၂၇ ရက်တွင် လှိုင်သာယာမြို့နယ်အတွင်း လျှပ်စစ်ဓာတ်အားပို့လွှတ်ရေးနှင့် ကွပ်ကဲရေးဦးစီးဌာနက အကောင်အထည်ဖော်ဆောင်ရွက်လျက်ရှိတဲ့ ၅၀၀ ကေဗွီ လှိုင်သာယာ(အနောက်ပိုင်းတက္ကသိုလ်) ဓာတ်အားခွဲရုံတည်ဆောက်ရေးစီမံကိန်းသို့ သွားရောက်စစ်ဆေးခဲ့ပါတယ်။

▪️ ဝန်ကြီးက လျှပ်စစ်ဓာတ်အားအမြန်ပို့လွှတ်နိုင်ရေး ဦးစားပေးလုပ်ငန်းအလိုက်ခွဲခြားပြီး ဆောင်ရွက်ဖို့နဲ့ လူအင်အား၊ ယန္တရားနှင့် စက်အင်အားများ တိုးချဲ့ပြီးအဆိုင်းစနစ်ဖြင့် ဆောင်ရွက်ရန်၊ လုပ်ငန်းခွင်ဘေးအန္တရာယ်ကင်းရှင်းရေး၊ လုံခြုံရေးသတိ၊ အသိ အမြဲရှိစေရေး၊ လုပ်ငန်းခွင်သုံးပစ္စည်းများ စနစ်တကျအသုံးပြုစေရေး၊ စီမံကိန်းတွင် တပ်ဆင်အသုံးပြုမည့် စက်ပစ္စည်းများ အရည်အသွေး စံချိန်စံညွှန်း ပြည့်မီရေးနှင့် ဘဏ္ဍာငွေများ လေလွင့်ဆုံးရှုံးမှုမရှိစေရေး အထူးအလေးထား ဆောင်ရွက်သွားကြဖို့မှာ ကြားခဲ့ပါတယ်။

▪️ ထို့နောက် စီမံကိန်းလုပ်ငန်းခွင်အတွင်း Control Building နှင့် Switch Yard တည်ဆောက်ခြင်းလုပ်ငန်းများ ဆောင်ရွက်နေမှု၊ ထရန်စဖော်မာများ၊ Shunt Reactor တပ်ဆင်နေမှုနှင့် Hybrid Gas Insulated Switchgear (HGIS) တပ်ဆင်နေမှုတိုကို လှည့်လည်ကြည့်ရှုစစ်ဆေးခဲ့ပါတယ်။

▪️ ၅၀၀ ကေဗွီ ဓာတ်အားခွဲရုံများ တည်ဆောက်နေဆဲကာလတွင် ၂၃၀ ကေဗွီဗိုအားဖြင့် လျှပ်စစ်ဓာတ်အားများ စတင်ပို့လွှတ်ပေးလျက် ရှိပြီး ၅၀၀ ကေဗွီစနစ်ဖြင့် ပို့လွှတ်နိုင်ရန်အတွက် ဓာတ်အားလိုင်းနှင့် ဓာတ်အားခွဲရုံများ တည်ဆောက်ခြင်းအပါအဝင် စီမံကိန်းတစ်ခုလုံးအနေဖြင့် ၇၉ ရာခိုင်နှုန်း ပြီးစီးနေပြီဖြစ်ကာ ၂၀၂၅ ခုနှစ် ဧပြီလအတွင်း စီမံကိန်းတစ်ခုလုံး ရာနှုန်းပြည့်ပြီးစီးနိုင်ရေး ကြိုးပမ်းဆောင်ရွက်လျက်ရှိကြောင်း သတင်းရရှိပါတယ်။

#Ymg_mnn #Yangon_Media_Group

#Daily_News
Published 26 October 2024

၁။ ရန်ကုန်၊ အရှေ့ဒဂုံရှိ ရေနစ်မြုပ်ခဲ့သည့်နေရာအချို့သို့ ထမင်းထုတ်များဆက်ဝေပေးနေရဆဲဖြစ်ဟုဆို

၂။ ‌ရွှေဈေးနှုန်းတည်ငြိမ်စေရန် ရွှေရည်ညွှန်းစျေးသတ်မှတ်ရေးကော်မတီဖွဲ့စည်း

၃။ နိုင်ငံတကာယာဉ်မတော်တမဆမှု ကယ်ဆယ်ရေးစွမ်းရည်ပြိုင်ပွဲတွင် မြန်မာမီးသတ်မှ Best Team Leader ဆုရရှိ

၄။ တရုတ်-အိန္ဒိယနှစ်နိုင်ငံနှင့် ပြည်သူ့အကျိုးစီးပွားအတွက် လမ်းကြောင်းမှန်အတိုင်း ဆက်လက်ပူးပေါင်းဆောင်ရွက်ရန် ရှီနှင့်မိုဒီ ခေါင်းဆောင်နှစ်ဦးဆွေးနွေး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

YBSယာဉ်မောင်းတွေဟာ ပုတ်ပြတ် (ခေါက်ကြေး)ယူ၍ လုယက်‌မောင်းနှင်ကြပြီး အခေါက်ရေ များလိုစိတ်နဲ့ စည်းကမ်းမဲ့ လုယက်မောင်းနှင်နေကြတာ၊ ကျော်တက်မောင်းနှင်မရပါက  ဒေါသရန်လိုစိတ်တွေနဲ့ ခရီးသည်တွေ အပါအဝင် ယာဉ်မောင်းအချင်းချင်း မချေမငံဆက်ဆံတာ၊ ခိုက်ရန်ဖြစ်ပွားတာ‌၊ မီးနီဖြတ်မောင်းတာ၊လမ်းပြောင်းပြန်မောင်းနှင်တာတို့ ပြုလုပ်တတ်ကြတယ်လို့ (YRTC)  ဒုဥက္ကဌက ဆိုပါတယ်။
#Local_News
Published 26 October 2024
#YBS #(YRTC) 
#YMG/NN #Yangon_Times

နိုင်ငံ(၉)နိုင်ငံ ပါဝင်ယှဉ်ပြိုင်ကြတဲ့ နိုင်ငံတကာမော်တော်ယာဉ်မတော်တဆမှုကယ်ဆယ်ရေးစွမ်းရည်ပြိုင်ပွဲမှာ မြန်မာနိုင်ငံမီးသတ်တပ်ဖွဲ့မှ Best Team Leader ဆုရရှိခဲ့တယ်လို့ မြန်မာနိုင်ငံမီးသတ်တပ်ဖွဲ့မှ သိရပါတယ်။
#Local_News
Published 26 October 2024
#မြန်မာမီးသတ် #Best_Team_Leaderဆုရရှိ
#YMG/tthl #Yangon_Times