ပြည်တွင်းမှာ စက်သုံးဆီဖူလုံမှုရှိပြီး ရောင်းဈေးတွေလည်းကျဆင်း‌နေတယ်လို့ သိရပါတယ်။
#Local_News
Published 23 Apirl 2025
#စက်သုံးဆီဖူလုံမှုရှိ #စက်သုံးဆီဈေးကျဆင်း‌
#YMG/NN #Yangon_Times

#Local_News
Published 23 April 2025

▪️ ငလျင်ဒဏ်သင့်စစ်ကိုင်းတွင် ဧပြီလ ၂၁ရက်မှစတင်ကာ မလေးရှားနိုင်ငံ Malaysia Field Hospital (MFH) မှယာယီဆေးရုံဖွင့်ကာ အခမဲ့ကုသပေးနေကြောင်း သိရသည်။

▪️ အဆိုပါဆေးရုံကိုစစ်ကိုင်းမြို့၊ ပါရမီရပ်ကွက်က နှစ် ၇၀၀ ကွင်းအတွင်း ဖွင့်လှစ်ထားခြင်းဖြစ်ပြီးမလေးရှားစစ်တပ်နှင့် တော်ဝင်လေတပ်မှ ဝန်ထမ်း ၆၉ ဦး ပါဝင်ကုသနေကြောင်း၊ဆေးရုံတွင် ကုတင် ၂၀ နှင့် လူနာဆောင်များ၊ ခွဲစိတ်ခန်းများ၊ အထူးကြပ်မတ်ကုသဆောင်များအပြင် အထွေထွေခွဲစိတ်ကုသရေးနှင့် အရိုးကုသရေးဆိုင်ရာ အထူးဌာန နှစ်ခုပါဝင်ကြောင်း သိရသည်။

▪️ ဆေးရုံ၌ ပြင်ပလူနာဆေးခန်းများကိုလည်းဝန်ဆောင်မှုပေးလျက်ရှိပြီး ပတ်ဝန်းကျင်ဒေသများမှ ပြင်ပလူနာ ၈၀ မှ ၁၀၀ ခန့် လက်ခံကုသပေးရန် မျှော်မှန်းထားကြောင်း၊ လက်ရှိတွင် လူနာအများအပြား လာရောက်ကုသလျှက်ရှိပြီး ပထမဆုံးခွဲစိတ်ကုသမှုကို အောင်မြင်စွာပြုလုပ်နိုင်ခဲ့ကြောင်း သိရသည်။

#YMG/SW #Yangon_Times

#Local_News
Published 23 April  2025

▪️ မိုင်းဖုန်းဆရာတော်ကြီး၏ ငလျင်ဘေးသင့်ခဲ့သော တောင်ကြီး၊ မန္တလေး၊ စစ်ကိုင်း၊ နေပြည်တော်မြို့များသို့ သွားရောက်ကူညီထောက်ပံ့ လှူဒါန်းခြင်းခရီးစဉ်အတွင်း ရန်ကုန်မြို့သို့ပါ ယနေ့ကြွရောက်မည်ဖြစ်ကြောင်း သိရသည်။

▪️ ထိုသို့ ကြွရောက်ရာတွင်ဧပြီလ ၂၃ ရက်နေ့၁၃၈၇-ခု တန်ခူးလပြည့်ကျော်(၁၁)ရက်နေ့တွင်  ကြွရောက်မည်ဖြစ်ပြီး ထောက်ကြံ့မြို့ ၊ဘွက်ကြီး ကျေးရွာရှိ သာသနာ့လက်ာရမိုင်းဖုန်းကျောင်းတိုက်၌ တရားဟောကြားပေးသွားမည်ဖြစ်ကြောင်း သိရသည်။

▪️ 'မေတ္တာဓာတ်ခံယူ တရားတော်နာယူနိုင်ကြစေဖို့ ဓမ္မမိတ်ဆွေများအားလုံးတို့အား အသိပေးပါတယ်'ဟု ၎င်း ကျောင်းတိုက်က အသိပေးထားသည်။

▪️ မိုင်းဖုန်းဆရာတော်ကြီးသည်မန္တလေးငလျင်ကြီးဒဏ်ကြောင့် ပျက်စီးမှုများဖြစ်ပေါ်ခဲ့သည့် စစ်ကိုင်းတိုင်း၊ စစ်ကိုင်းတောင်ရိုးရှိ ဘုရားစေတီများပြုပြင်မွမ်းမံရန်နှင့် ငလျင်ဒဏ်သင့် ရဟန်း၊ သာမဏေ၊ သူတော်၊ သီလရှင်များအတွက် အလှူငွေနှင့် လှူဖွယ်ပစ္စည်းများကို သီတဂူဆရာတော်ကြီးထံသို့ မိုင်းဖုန်းဆရာတော်ကြီးနှင့် တပည့် ဒကာ၊ ဒကာမများမှ ယနေ့ ဧပြီ ၂၁ ရက်က ဆက်ကပ်လှူဒါန်းခဲ့ကြသည်။

▪️ ထိုသို့လှုဒါန်းရာတွင် မိုင်းဖုန်းဆရာတော်ကြီးနှင့် တပည့် ဒကာ၊ ဒကာမများက အလှူငွေကျပ်သိန်း(၃၃၀)၊ ရိက္ခာထုတ် (၅၀၀)၊ ဆန်အိတ်(၂၅၀)အိတ်၊ ဆီ(၃)ပိဿာပုံး (၂၅၀)ပုံးနှင့် ဖိနပ်အရံ(၃၀၀)တို့ကို ဆက်ကပ်လှူဒါန်းခဲ့ကြခြင်း ဖြစ်သည်။

▪️ ထို့အပြင် သီတဂူဆရာတော်ကြီးသည် ဧပြီ ၂၁ ရက်နံနက်ပိုင်းကလည်း မန္တလေးငလျင်ကြီးဒဏ်ကြောင့် ထိခိုက်ပျက်စီးမှုများဖြစ်ပေါ်ခဲ့သည့် ကောင်းမှုတော်စေတီတော်ကြီးအား ကြည့်ရှုတော်မူခဲ့သည်။

▪️ ဧပြီ ၂၂ ရက်ညပိုင်းက နေပြည်တော်ရှိ မာရဝိဇယ ဗုဒ္ဓရုပ်ပွားတော်မြတ်ကြီးအား ဖူးမြှော်ကြည်ညိုခဲ့ ကြောင်းသိရသည်။

▪️ ထို့နောက်  နေပြည်တော်၌ ယနေ့မနက်ပိုင်းတွင် တရားဟောကြား ရေစက်သွန်းချ လျှက်ရှိရာ ရန်ကုန်သို့  အစောဆုံး ယနေ့ညနေပိုင်းတွင် ကြွရောက်နိုင်မည် ဖြစ်ကာ ညပိုင်းတွင်ထောက်ကြံ့မြို့၊ ဘွက်ကြီးကျေးရွာရှိ သာသနာ့လက်ာရမိုင်းဖုန်းကျောင်းတိုက်၌ တရားဟောကြားပေးသွားမည်ဖြစ်ကာ ကိုးမိုင်သျှမ်းကျောင်း တရားပွဲအပြီး ရွှေတိဂုံဘုရားသို့သွား ရောက်ဖူးမျှော်နိုင်ကြောင်း သိရသည်။

#YMG/NN #Yangon_Times

#Local_News
Published 23 April  2025

▪️ နေပြည်တော်၊ မန္တလေး၊ စစ်ကိုင်းစသည့် ငလျင်ဒဏ်သင့်ဒေသများသို့ဈေးကားများဖြင့် အခြေခံစားကုန်များရောင်းချပေးနေကြောင်း စီးပွားရေးနှင့်ကူးသန်းရောင်းဝယ် ရေးဝန်ကြီးဌာနမှ သိရသည်။

▪️ စီးပွားရေးနှင့်ကူးသန်းရောင်းဝယ် ရေးဝန်ကြီးဌာနနှင့် မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) တို့၏ စီစဉ်မှုဖြင့် ဆန်၊ ဆီ၊ ဆား၊ ပဲ၊ ငါးပိနှင့် ကုန်မျိုးစုံ ဈေးကားများသည် ပြည်ထောင်စုနယ်မြေ နေပြည်တော်အတွင်း ငလျင်ဒဏ်သင့် ဝန်ထမ်းအိမ်ရာများသို့ မတ် ၃၀ ရက်မှစ၍ အိမ်တိုင်ရာရောက် သွားရောက်ကာ သက်သာသောဈေးနှုန်းများဖြင့် ရောင်းချပေးလျက်ရှိပြီး ယနေ့တွင် ၂၂ ရက်မြောက်နေ့အဖြစ် ဈေးကားခုနစ်စီးဖြင့် လှည့်လည်ရောင်းချပေးကြောင်း သိရသည်။

▪️ ထို့အပြင် မတ် ၃၀ ရက်မှ ဧပြီ ၂၁ ရက်အထိ ရေဆင်းစိုက်ပျိုးရေးတက္ကသိုလ်၊ နေပြည်တော်ဘူတာကြီး၊ စက်ခေါင်းအလုပ်ရုံ ဌာနဝန်ထမ်းအိမ်ရာ၊ သူနာပြုသင်တန်းကျောင်း၊ ဥတ္တရသီရိ ဆေးရုံဝန်ထမ်း အိမ်ရာများ၊ ပိတောက်အိမ်ရာ၊ ကံ့ကော်အိမ်ရာ၊ ဓနသိဒ္ဓိရပ်ကွက်အိမ်ရာ၊ ဗလ သိဒ္ဓိရပ်ကွက်အိမ်ရာ၊ ဉာဏသိဒ္ဓိရပ်ကွက်အိမ်ရာ၊ သုခသိဒ္ဓိ ရပ်ကွက်အိမ်ရာ၊ ဝဏ္ဏသိဒ္ဓိ ရပ်ကွက်အိမ်ရာ၊ ပညာရေးဝန်ထမ်းအိမ်ရာ၊ နေပြည်တော်ကောင်စီ ဝန်ထမ်းအိမ်ရာရှိ ဝန်ထမ်းများအား ဆန်ခြောက်ပြည်ဆံ့ (မနောသုခ-Export Quality) ၉၁၀၆ အိတ်၊ ဆန် ငါးပြည်ဆံ့ (ဖျာပုံပေါ်ဆန်း) ၂၀၈၃ အိတ်၊ ဆီ ပိဿာ ၂၂၉၇၀ ၊ ဆား ၂၅ ကျပ်သားပါအိတ် အထုပ် ၅၆၀၀၊ ကုလားပဲ ၂၀ ကျပ်သားပါအိတ် ၄၈၀၄ ထုပ်၊ ငါးပိ ၂၀ ကျပ်သားပါ ၁၀၆၄ ဘူး၊ ငါးခြောက် ၁၀ ကျပ် သားပါ ၃၄ ထုပ်၊ ကြက်ဥ၊ ဘဲဥများနှင့်၊ ခေါက်ဆွဲခြောက် ထုပ်များကိုလည်း ရောင်းချပေးခဲ့ ကြောင်းနှင့် နေ့စဉ်ဆက်လက် ရောင်းချပေးသွားမည်ဖြစ်ကြောင်း သိရသည်။

▪️ ထို့အတူ မန္တလေးမြို့တွင်လည်း  ဈေးကားလေးစီးဖြင့် လှည့်လည်ရောင်းချပေးလျက်ရှိရာ ယမာန်‌ နေ့ အထိ ဆန် ၂၄ ပြည်ဆံ့ (မနောသုခ) ၄၆၁ အိတ်၊ စားအုန်းဆီ ပိဿာ ၃၇၄၀၀ ၊ ဆား ၂၅ ကျပ်သားပါ ၆၅ ထုပ်၊ ကုလားပဲ ၂၅ ကျပ်သားပါ ၅၅ ထုပ်၊ ငါးပိ ၂၅ ကျပ်သားပါ ၅၂ ဘူး၊ ငါးခြောက် ၁၀ ကျပ်သားပါ အထုပ် ၈၀၊ ကြက်ဥ ၈၈၆၈ လုံး၊ ဘဲဥ ၁၄၈၉ လုံး၊ ခေါက်ဆွဲခြောက် များကို ရောင်းချပေးခဲ့ကြောင်း သိရသည်။

▪️ စစ်ကိုင်းမြို့တွင်လည်း  ဈေးကားလေးစီး ဖြင့် ရောင်းချပေးလျက်ရှိရာ ယနေ့အထိ ဆန် ၂၄ ပြည်ဆံ့ (ရွှေဝါထွန်း)အိတ် ၂၆၀ ၊ စားအုန်း ဆီ ပိဿာ ၃၇၄၀ ၊ ဆားပိဿာ ၂၀၊ ကုလားပဲ ၉၇ ဘူး၊ ငါးပိ ရှစ်ပိဿာ၊ ငါးခြောက်ရှစ်ပိဿာ၊ ကြက်သွန်နီ ၄၇၅ ပိဿာ၊ အသားတု ၁၆ ပိဿာ၊ ကြက်ဥ၊ ဘဲဥများနှင့် ပုစွန်ခြောက်များကို သက်သာသော ဈေးနှုန်းများဖြင့် ရောင်းချပေးခဲ့ပြီး ရေသန့်များကိုလည်း အခမဲ့ဖြန့်ဝေပေးခဲ့ကြောင်းနှင့် နေ့စဉ်ဆက်လက် ရောင်းချပေးမည်ဖြစ်ကြောင်း သိရသည်။

#YMG/NN #Yangon_Times

#Local_News
Published_23 April 2025

▪️ အွန်လိုင်းလိမ်လည်မှု နှင့် ဒုစရိုက်မှုလုပ်ငန်းများတွင် ဆက်စပ် ပါဝင်ခဲ့ကြသည့် ပြည်ပနိုင်ငံသားများအား ထပ်မံ ပြည်နှင်ခဲ့ရာ ဧပြီလ ၂၂ ရက် က ဖိလစ်ပိုင်နိုင်ငံသား ၁၀ ဦးနှင့် ရဝမ်ဒါ နိုင်ငံသား ၁၀ ဦး၊ စုစုပေါင်းဦးရေ ၂၀ ကို မြန်မာ-ထိုင်း အမှတ်(၂)ချစ်ကြည်ရေးတံတားမှတစ်ဆင့် သက်ဆိုင်ရာနိုင်ငံများသို့ လူသားချင်းစာနာထောက်ထားမှုနှင့် နိုင်ငံအချင်းချင်းချစ်ကြည်ရင်းနှီးမှုတို့ကိုရှေးရှု၍ ဥပဒေ လုပ်ထုံးလုပ်နည်းများနှင့်အညီ ထပ်မံ ပြည်နှင် လွှဲပြောင်းပေးခဲ့ကြောင်း သိရသည်။

▪️ ပြည်နှင်လွှဲပြောင်းပေးအပ်ပွဲကို ကျင်းပခဲ့ရာ ကရင်ပြည်နယ်လူမှုရေးရာဝန်ကြီး ဦးစောထွန်းအောင်နှင့် တာဝန်ရှိ သူများ၊ ထိုင်းနိုင်ငံဆိုင်ရာ၊ ဖိလစ်ပိုင်သံရုံး Attache and Assistance to Nationals Officer Ms. Musetar Cabrito Moso ໐ ရဝမ်ဒါသမ္မတနိုင်ငံသံရုံးမှ First Counsellor Mr. Bonny Musefano နှင့် တာဝန်ရှိ သူများ၊ ထိုင်းနိုင်ငံ တာ့ခ်ခရိုင်လူဝင်မှုကြီးကြပ်ရေးဦးစီးဌာနမှ တာဝန်ရှိသူများ တက်ရောက်ခဲ့ကြပြီး မြန်မာနိုင်ငံ မှ တာဝန်ရှိသူများက သက်ဆိုင်ရာနိုင်ငံမှ တာဝန်ရှိသူများထံသို့ ပြည်နှင်လွှဲပြောင်းလက်ခံရေးဆိုင်ရာ အထောက်အထားစာရွက်စာတမ်းများကို စနစ်တကျလွှဲပြောင်းပေးအပ်ခဲ့ကြောင်း သိရသည်။

▪️ ဇန်နဝါရီလ ၃၀ ရက်မှ ဧပြီလ ၂၂ ရက်အထိ မြန်မာနိုင်ငံအတွင်းသို့ တရားမဝင် ဝင်ရောက်လာ သည့် ပြည်ပနိုင် ငံသား စုစုပေါင်း ၉၀၃၂ ဦးကို စစ်ဆေးဖော်ထုတ်ထိန်းသိမ်းနိုင်ခဲ့ကာ ၇၃၀၈ ဦးကို ထိုင်းနိုင်ငံမှ တစ်ဆင့် သက် ဆိုင်ရာနိုင်ငံများသို့ ဥပဒေလုပ်ထုံးလုပ်နည်းများနှင့်အညီ စနစ်တကျ ပြည်နှင်လွှဲပြောင်းပေးခဲ့ပြီး ပြည်ပနိုင်ငံသား ၁၇၂၃ ဦးကို သက်ဆိုင်ရာနိုင်ငံများသို့ လွှဲပြောင်းပေးရန်အသင့်ဖြစ်နေပြီဖြစ်ကြောင်းနှင့် ၎င်းတို့ကို ကောင်းမွန်စွာ ထိန်းသိမ်းစောင့်ရှောက်ထားကြောင်း သိရသည်။

#Yangon_Times/PP

၂၂ ဧပြီ ၂၀၂၅

မြန်မာနစကအစိုးရနှင့် ကိုးကန့် MNDAA နှစ်ဖွဲ့စလုံးကဖိတ်ခေါ်တဲ့အတွက် အပစ်အခတ်ရပ်စဲမှု စောင့်ကြည့်ရေးအဖွဲ့တစ်ဖွဲ့ကို မြန်မာနိုင်ငံမြောက်ပိုင်းလားရှိုးသို့ စေလွှတ်ထားတယ်လို့ တရုတ်နိုင်ငံက အတည်ပြုပါတယ်။

လားရှိုးမြို့ ပြန်လည်လွှဲပြောင်းပေးမှုအပေါ် မီဒီယာရဲ့မေးမြန်းချက်ကို တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရပုဂ္ဂိုလ် မစ္စတာ ကွမ်ကျားကွင်က ဖြေကြားခဲ့တာဖြစ်ပါတယ်။

အဲဒီအဖွဲ့ဟာ မြန်မာတပ်မတော်နှင့် MNDAA တို့အကြား အပစ်အခတ်ရပ်စဲမှုကိုကြီးကြပ်ပြီး လာရှိုးရဲ့ မြို့ပေါ်ဒေသ ချောမွေ့စွာ လွှဲပြောင်းမှုကို ကိုယ်တိုင်မျက်မြင်တွေ့ရမှာဖြစ်ပါတယ်လို့ သူကဆက်ပြော  ပါတယ်။

မြန်မာအစိုးရနှင့် ကိုးကန့်ရဲ့ Myanmar National Democratic Alliance Army (MNDAA)တို့အကြား ကူမင်းမှာကျင်းပခဲ့တဲ့ ငြိမ်းချမ်းရေးဆွေးနွေးပွဲအတွင်း ရရှိခဲ့တဲ့ သဘောတူညီချက်တွေကို အကောင် အထည်ဖော်ဖို့  နှစ်ဖွဲ့စလုံးက ဖိတ်ခေါ်ခဲ့တာလို့လည်း ဆိုပါတယ်။

လားရှိုးမြို့ပေါ်ကနေ MNDAA ဆုတ်ခွာသွားပြီး တပ်မတော်ဝင်ရောက်လာမှုတွေနှင့် တရုတ်ရဲ့ အပစ်အခတ်ရပ်စဲမှုစောင့်ကြည့်ရေးအဖွဲ့လည်းရောက်ရှိနေတယ်လို့ ယခုရက်ပိုင်းတွင် ဆိုရှယ်မီဒီယာများ တွင် သတင်းများပျံ့နှံ့ခဲ့တာဖြစ်ပါတယ်။

#ymg/knl