#Local_News
Published 3 May 2025

▪️ မန္တလေးငလျင်ကြောင့် ခြေလက်ဆုံးရှုံးသူ လူနာများအားလုံးကို ၎င်းတို့၏ ဘဝနေထိုင်မှု ပိုမိုကောင်းမွန်စေရေးအတွက် ခြေတုလက်တုများ တပ်ဆင်ပေးရန် စီစဉ်လျက်ရှိကြောင်း ကျန်းမာရေးဝန်ကြီးဌာန ပြည်ထောင်စုဝန်ကြီး ပါမောက္ခဒေါက်တာသက်ခိုင်ဝင်းက ပြောကြားသည်။

▪️ မေလ ၂ ရက်နေ့ မနက်ပိုင်းက ရန်ကုန်မြို့ရှိ အမျိုးသားပြန်လည်သန်စွမ်းရေးဆေးရုံ၊ ခြေတုလက်တုနှင့် အားပြုကိရိယာအလုပ်ရုံသို့ ရောက်ရှိစဥ် ယခုလိုပြောကြားခဲ့ခြင်းဖြစ်သည်။

▪️ ထို့အပြင် နိုင်ငံတော်အကြီးအကဲမှလည်း စေတနာအပြည့်အ၀ဖြင့် အလုံးစုံခြေတုလက်တုများအပြီးအစီး တပ်ဆင်ပေးနိုင်သည်အထိ အပြည့်အ၀ ကျန်းမာရေး စောင့်ရှောက်မှုပေးရန်လမ်းညွန်ထားကြောင်းလည်း ပြောကြား ခဲ့သည်။

▪️ ၎င်းအပြင်  အမျိုးသားပြန်လည်သန်စွမ်းရေးဆေးရုံရှိ ခြေတုလက်တု နှင့် အားပြုကိရိယာအလုပ်ရုံသည် ကိုယ်လက်အင်္ဂါဆုံးရှုံးပြီး ပြန်လည်သန်စွမ်းရေး လိုအပ်သော လူနာများအတွက် အဓိကအားပြု ဆောင်ရွက်နေသည့်ဌာနဖြစ်သဖြင့် လုပ်ငန်းများ ပိုမိုတိုးတက်ဆောင်ရွက်နိုင်ရေးနှင့် အရည်အသွေးပိုမိုကောင်းမွန်သော ခြေတုလက်တုများ တပ်ဆင်ထုတ်လုပ်နိုင်ရေးအတွက် အဆင့်မြှင့်တင်ရေးလုပ်ငန်းများ ဆောင်ရွက်သွားမည် ဖြစ်ကြောင်း ၊

▪️ ထို့အပြင် ခြေတုလက်တု ကျွမ်းကျင်ပညာရှင်များကို အရေအတွက် ပိုမို၍ လေ့ကျင့်သင်ကြားပေးရန်နှင့် ၎င်းတို့၏ အသက်မွေး ဝမ်းကျောင်းတိုးတက်ဖွံ့ဖြိုးရေးအတွက်ပါ တစ်ပါတည်း စဉ်းစားဆောင်ရွက်ပေးကြရမည်ဖြစ်ကြောင်းဖြင့်လည်း ထည့်သွင်းပြောကြားခဲ့ကြောင်း သိရသည်။

#YMG/NN #Yangon_Times

#Local_News
Published 3 May 2025

▪️ လာမည့် မေ (၅) ရက်တွင် မြန်မာ့ရိုးရာ ပန်းဆယ်မျိုး အထိမ်းအမှတ်အဖြစ် အထူးထုတ် (၂,၀၀၀)ကျပ်တန် စာပို့တံဆိပ်ခေါင်းသစ် (၁) မျိုးကို ရောင်းချပေးသွား မည်ဖြစ်ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာန၊ မြန်မာ့စာတိုက်လုပ်ငန်းမှ သိရသည်။

▪️ ထို (၂,၀၀၀)ကျပ်တန် အထူးထုတ် စာပို့တံဆိပ်ခေါင်းကို မေ (၅) ရက်၊ နံနက် (၉) နာရီခွဲအချိန်မှ စတင်ကာ နေပြည်တော် ဗဟိုစာတိုက်ကြီး၊ ရန်ကုန်စာတိုက်ကြီး၊ မန္တလေးစာတိုက်ကြီး နှင့် တိုင်းဒေသကြီးနှင့် ပြည်နယ်များရှိ စာတိုက်ကြီးများ၌ တပြိုင်တည်း ရောင်းချပေးသွားမည်ဖြစ်‌ကြောင်း သိရသည်။

▪️ စတင်ရောင်းချသည့်နေ့တွင် အထူးအစီအစဉ်တစ်ရပ်အနေဖြင့် ဝယ်ယူသည့် စာပို့တံဆိပ်ခေါင်းများကို နေပြည်တော်ဗဟိုစာတိုက်ကြီး၊ ရန်ကုန်စာတိုက်ကြီး နှင့် မန္တလေးစာတိုက်ကြီးတို့၌ နေ့စွဲအမှတ်အသား တံဆိပ်ရိုက်နှိပ်ပေးသွားမည်ဖြစ်ကြောင်း သိရသည်။

▪️ ပြီးခဲ့သည့်ဧပြီလ ၂၈ရက်ကလည်း (၁၂)လရာသီပွဲတော်များနှင့် ပန်းများအထိမ်း အမှတ် Block stamp အထူးထုတ် (၂,၄၀၀ကျပ်တန်) တံဆိပ်ခေါင်းသစ် တစ်မျိုးကို ပိုဆောင်ရေးနှင့်ဆက်သွယ်ရေးဝန်ကြီးဌာန မြန်မာ့စာတိုက်လုပ်ငန်းမှ ရောင်းချပေးခဲ့ကြောင်း သိရသည်။

#YMG/SW #Yangon_Times

#Daily_News

Published 02 May 2025

၁။ အွန်လိုင်းမှ တဆင့်နိုင်ငံကူးလက်မှတ်လျှောက်ထားမှုကို ပြန်လည်လက်ခံ

၂။ အိမ်ထောင်စုတစ်လစာ စားအုန်းဆီငါးလီတာစီ အိမ်အရောက်မှာယူနိုင်ပြီ

၃။ ဗဟိုဘဏ်ကစက်သုံးဆီလုပ်ငန်းရှင်များအတွက် အမေရိကန်ဒေါ်လာ (၃၈) သန်း ရောင်းပေးမည်

၄။ ကမ္ဘာ့ကုန်သွယ်ရေးတင်းမာမှုများကြား တရုတ်စက်ရုပ်ဆန်းသစ်တီထွင်မှုအပိုင်းကဏ္ဍအရှိန်အဟုန်ဖြင့် ဆက်လက်တိုးတက် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၂ မေ ၂၀၂၅

အိန္ဒိယနိုင်ငံရဲ့ မီဒီယာနှင့်ဖျော်ဖြေရေးနည်းပညာအားသာမှုကို တီထွင်ဖန်တီးသူ Creator များမှတစ်ဆင့် ချိတ်ဆက်ရယူကြပါက မြန်မာနိုင်ငံအပါအဝင် နည်းပညာအားနည်းမှုရှိတဲ့နိုင်ငံများ အကျိုးရှိမှာ ဖြစ်တယ်  လို့  ပြန်ကြားရေး ဝန်ကြီး ဌာန ဒုတိယဝန်ကြီးဦးရဲတင့်ကပြောပါတယ်။

မေလ ၂ ရက်နေ့မနက်က အိန္ဒိယနိုင်ငံ မွမ်ဘိုင်းမြို့ရှိ Jio World Centerတွင် လေးရက်ကြာကျင်းပနေတဲ့ WAVES 2025 ကမ္ဘာ့ အသံအရုပ်နှင့် ဖျော်ဖြေရေးထိပ်သီးတွေ့ဆုံပွဲရဲ့ အစိတ်အပိုင်းတစ်ခုဖြစ်တဲ့ Global Media Dialogue ကမ္ဘာလုံးဆိုင်ရာ မီဒီယာဆွေးနွေးပွဲ၌ မြန်မာပြန်ကြားရေးဒုဝန်ကြီးက ယင်းကဲ့သို့ ဆွေးနွေးခဲ့ခြင်းဖြစ်ပါတယ်။

ပြန်ကြားရေးဒုဝန်ကြီးဦးရဲတင့်က မြန်မာနိုင်ငံမှာ ကြုံတွေ့ခဲ့ရတဲ့ မန္တလေးငလျင်ကြီးမှာ အိန္ဒိယအစိုးရ နှင့် ပြည်သူတွေရဲ့ ကူညီခဲ့မှုတွေကိုလည်း မြန်မာအစိုးရနှင့်ပြည်သူတွေက ကျေးဇူးတင်ကြောင်း ပြောကြားခဲ့ ပါတယ်။

ကမ္ဘာလုံးဆိုင်ရာ မီဒီယာဆွေးနွေးပွဲတွင် သဘာပတိနှင့်တွဲဖက်သဘာပတိများအဖြစ် အိန္ဒိယအစိုးရ ပြန်ကြားရေးနှင့်ရုပ်သံလွှင့်ဝန်ကြီးဌာန ဝန်ကြီး မစ္စတာ Sh. Ashwini Vaishnaw ၊ အိန္ဒိယနိုင်ငံ ပြည်ပရေးရာဝန်ကြီးဌာန ဝန်ကြီး  Dr S  Jaishankar တို့ဆောင်ရွက်ကြပြီး  အိန္ဒိယနိုင်ငံ၏ Creative Industry ၏ တိုးတက်ဖြစ်ထွန်းမှုများနှင့် နိုင်ငံတကာနှင့် ပူးပေါင်းဆောင်ရွက်ရေးကိစ္စများ  နှင့်ပတ်သက်   ပြီး အမှာစကားများပြောကြား ခဲ့ပါတယ်။

အိန္ဒိယပြန်ကြားရေးနှင့် ရုပ်သံလွှင့်ဝန်ကြီးဌာနဝန်ကြီး Sh. Ashwini Vaishnaw က “ မီဒီယာအကြောင်း     အရာများဖန်တီးမှုနှင့်သုံးစွဲမှု များမှာ နည်းပညာများနှင့်အတူ လျင်မြန်စွာပြောင်းလဲနေပါတယ်။ ကျွန် တော်တို့ဇာတ်လမ်းပြောဆိုတင်ဆက်ပုံတွေကို ပုံသွင်းပေးနေပါတယ်” လို့ ပြောကြားပါတယ်။

အိန္ဒိယပြည်ပရေးရာဝန်ကြီး Dr S  Jaishankar ကလည်း “ ကမ္ဘာလုံးဆိုင်ရာလုပ်ငန်းခွင်တွေနှင့် လုပ်သား အင်အားတွေဟာ စိတ်ပိုင်းဆိုင်ရာခံယူချက်၊မူဘောင်၊မူဝါဒတွေနှင့်လက်တွေ့ကျင့်သုံးမှုတွေမှာ ပြောင်းလဲ ဖို့လိုအပ်လာနေပါတယ် လို့ပြောလိုက်ပြီး WAVES ကို ကမ္ဘာလုံးဆိုင်ရာမီဒီယာများနှင့်ဖျော်ဖြေရေး ကဏ္ဍ တွေရဲ့ အဓိကပြဿနာတွေကို ချင့်ချိန်စဉ်းစာဆောင်ရွက်နိုင်တဲ့ ပလက်ဖောင်းဖြစ်လာဖို့ယုံကြည်တယ် လို့ ပြောသွားပါတယ်။

အဆိုပါဆွေးနွေးပွဲတွင် နိုင်ငံပေါင်း ၇၇ နိုင်ငံမှ အစိုးရပိုင်းဆိုင်ရာတာဝန်ရှိသူများ၊မီဒီယာများ၊ ရုပ်သံနှင့် ဖျော်ဖြေရေးကျွမ်းကျင်သူများ၊ လုပ်ငန်းအဖွဲ့အစည်းများမှ ကိုယ်စားလှယ်များတက်ရောက်ခဲ့ကြပါတယ်။

အဲဒီနောက် အချက်၁၃ချက်ပါ ကမ္ဘာလုံးဆိုင်ရာမီဒီယာဆွေးနွေးပွဲကြေညာချက် GMD declaration ကို ထုတ်ပြန်ခဲ့ပါတယ်။ အဆိုပါကြေညာချက်မှာ “ နယ်စပ်ဖြတ်ကျော် မိတ်ဖဖက်ဖြစ်မှု၊ပူးတွဲထုတ်လုပ်မှု၊ ကုန်သွယ်ရေးနှင့်ရင်းနှီးမြှပ်နှံမှုများမှတစ်ဆင့်  အခွင့်အလမ်းများတိုးချဲ့ရေး၊ မီဒီယာများရှင်သန်ရေး   နှင့်ကြံ့ကြံခံနိုင်ရေးဆောင်ရွက်ကြမယ်” လို့လည်းဖော်ပြပါရှိပါတယ်။

WAVES 2025 သို့ မြန်မာနိုင်ငံမှ အစိုးရနှင့် ပုဂ္ဂလိကမီဒီယာကိုယ်စားလှယ်များလည်း တက်ရောက်ခဲ့ ကြောင်းသိရှိရပါတယ်။

#ymg/knl

၂ မေ ၂၀၂၅

အိန္ဒိယနိုင်ငံရဲ့ မီဒီယာနှင့်ဖျော်ဖြေရေးနည်းပညာအားသာမှုကို တီထွင်ဖန်တီးသူ Creator များမှတစ်ဆင့် ချိတ်ဆက်ရယူကြပါက မြန်မာနိုင်ငံအပါအဝင် နည်းပညာအားနည်းမှုရှိတဲ့နိုင်ငံများ အကျိုးရှိမှာ ဖြစ်တယ်  လို့  ပြန်ကြားရေး ဝန်ကြီး ဌာန ဒုတိယဝန်ကြီးဦးရဲတင့်ကပြောပါတယ်။

မေလ ၂ ရက်နေ့မနက်က အိန္ဒိယနိုင်ငံ မွမ်ဘိုင်းမြို့ရှိ Jio World Centerတွင် လေးရက်ကြာကျင်းပနေတဲ့ WAVES 2025 ကမ္ဘာ့ အသံအရုပ်နှင့် ဖျော်ဖြေရေးထိပ်သီးတွေ့ဆုံပွဲရဲ့ အစိတ်အပိုင်းတစ်ခုဖြစ်တဲ့ Global Media Dialogue ကမ္ဘာလုံးဆိုင်ရာ မီဒီယာဆွေးနွေးပွဲ၌ မြန်မာပြန်ကြားရေးဒုဝန်ကြီးက ယင်းကဲ့သို့ ဆွေးနွေးခဲ့ခြင်းဖြစ်ပါတယ်။

ပြန်ကြားရေးဒုဝန်ကြီးဦးရဲတင့်က မြန်မာနိုင်ငံမှာ ကြုံတွေ့ခဲ့ရတဲ့ မန္တလေးငလျင်ကြီးမှာ အိန္ဒိယအစိုးရ နှင့် ပြည်သူတွေရဲ့ ကူညီခဲ့မှုတွေကိုလည်း မြန်မာအစိုးရနှင့်ပြည်သူတွေက ကျေးဇူးတင်ကြောင်း ပြောကြားခဲ့ ပါတယ်။

ကမ္ဘာလုံးဆိုင်ရာ မီဒီယာဆွေးနွေးပွဲတွင် သဘာပတိနှင့်တွဲဖက်သဘာပတိများအဖြစ် အိန္ဒိယအစိုးရ ပြန်ကြားရေးနှင့်ရုပ်သံလွှင့်ဝန်ကြီးဌာန ဝန်ကြီး မစ္စတာ Sh. Ashwini Vaishnaw ၊ အိန္ဒိယနိုင်ငံ ပြည်ပရေးရာဝန်ကြီးဌာန ဝန်ကြီး  Dr S  Jaishankar တို့ဆောင်ရွက်ကြပြီး  အိန္ဒိယနိုင်ငံ၏ Creative Industry ၏ တိုးတက်ဖြစ်ထွန်းမှုများနှင့် နိုင်ငံတကာနှင့် ပူးပေါင်းဆောင်ရွက်ရေးကိစ္စများ  နှင့်ပတ်သက်   ပြီး အမှာစကားများပြောကြား ခဲ့ပါတယ်။

အိန္ဒိယပြန်ကြားရေးနှင့် ရုပ်သံလွှင့်ဝန်ကြီးဌာနဝန်ကြီး Sh. Ashwini Vaishnaw က “ မီဒီယာအကြောင်း     အရာများဖန်တီးမှုနှင့်သုံးစွဲမှု များမှာ နည်းပညာများနှင့်အတူ လျင်မြန်စွာပြောင်းလဲနေပါတယ်။ ကျွန် တော်တို့ဇာတ်လမ်းပြောဆိုတင်ဆက်ပုံတွေကို ပုံသွင်းပေးနေပါတယ်” လို့ ပြောကြားပါတယ်။

အိန္ဒိယပြည်ပရေးရာဝန်ကြီး Dr S  Jaishankar ကလည်း “ ကမ္ဘာလုံးဆိုင်ရာလုပ်ငန်းခွင်တွေနှင့် လုပ်သား အင်အားတွေဟာ စိတ်ပိုင်းဆိုင်ရာခံယူချက်၊မူဘောင်၊မူဝါဒတွေနှင့်လက်တွေ့ကျင့်သုံးမှုတွေမှာ ပြောင်းလဲ ဖို့လိုအပ်လာနေပါတယ် လို့ပြောလိုက်ပြီး WAVES ကို ကမ္ဘာလုံးဆိုင်ရာမီဒီယာများနှင့်ဖျော်ဖြေရေး ကဏ္ဍ တွေရဲ့ အဓိကပြဿနာတွေကို ချင့်ချိန်စဉ်းစာဆောင်ရွက်နိုင်တဲ့ ပလက်ဖောင်းဖြစ်လာဖို့ယုံကြည်တယ် လို့ ပြောသွားပါတယ်။

အဆိုပါဆွေးနွေးပွဲတွင် နိုင်ငံပေါင်း ၇၇ နိုင်ငံမှ အစိုးရပိုင်းဆိုင်ရာတာဝန်ရှိသူများ၊မီဒီယာများ၊ ရုပ်သံနှင့် ဖျော်ဖြေရေးကျွမ်းကျင်သူများ၊ လုပ်ငန်းအဖွဲ့အစည်းများမှ ကိုယ်စားလှယ်များတက်ရောက်ခဲ့ကြပါတယ်။

အဲဒီနောက် အချက်၁၃ချက်ပါ ကမ္ဘာလုံးဆိုင်ရာမီဒီယာဆွေးနွေးပွဲကြေညာချက် GMD declaration ကို ထုတ်ပြန်ခဲ့ပါတယ်။ အဆိုပါကြေညာချက်မှာ “ နယ်စပ်ဖြတ်ကျော် မိတ်ဖဖက်ဖြစ်မှု၊ပူးတွဲထုတ်လုပ်မှု၊ ကုန်သွယ်ရေးနှင့်ရင်းနှီးမြှပ်နှံမှုများမှတစ်ဆင့်  အခွင့်အလမ်းများတိုးချဲ့ရေး၊ မီဒီယာများရှင်သန်ရေး   နှင့်ကြံ့ကြံခံနိုင်ရေးဆောင်ရွက်ကြမယ်” လို့လည်းဖော်ပြပါရှိပါတယ်။

WAVES 2025 သို့ မြန်မာနိုင်ငံမှ အစိုးရနှင့် ပုဂ္ဂလိကမီဒီယာကိုယ်စားလှယ်များလည်း တက်ရောက်ခဲ့ ကြောင်းသိရှိရပါတယ်။

#ymg/knl

#Local_News
Published 2 May 2025

▪️ အင်အားပြင်းငလျင်လှုပ်ခတ်မှုကြောင့် ပြိုကျခဲ့သည့် မန္တလေးမြို့ Sky Villa အဆောက်အဦ ဓါတ်လှေကားခွင်အတွင်းမှ မ(၁)ဦးနှင့် မ(ကလေး)(၁) အပါအဝင် ရုပ်အလောင်းသုံးခုအား ယနေ့ထုတ်ယူနိုင်ခဲ့ကြောင်း သိရသည်။

▪️ Sky Villa အဆောက်အဦ (B)အဆောင်၊ (C) အဆောင်နှင့် (D)အဆောင်များအား ၂.၅.၂၀၂၅ ရက်နေ့တွင် မြန်မာနိုင်ငံမီးသတ်တပ်ဖွဲ့မှ ယန္တရားများ နှင့်အတူ ဖယ်ရှားရှင်းလင်းခြင်းနှင့် ရုပ်အလောင်းထုတ်ယူနိုင်ရေးဆောင်ရွက်လျက်ရှိရာ နံနက်၁၀ နာရီ မိနစ်၄၀ အချိန်တွင် (C)အဆောင်၊ အခန်းအမှတ်(P4)မှ သေဆုံး မ(၁)ဦး၏ ရုပ်အလောင်းအား ထုတ်ယူနိုင်ခဲ့ပြီး နေ့လည် ၁၂နာရီ ၅၅မိနစ် အချိန်တွင် (C)အဆောင်၊ ဓါတ်လှေကားခွင်အတွင်းမှ မ(၁)ဦးနှင့် မ(ကလေး)(၁)ဦး၏ ရုပ်အလောင်းအား ထုတ်ယူနိုင်ခဲ့ကြောင်း သိရသည်။

▪️ ငလျင်ကြောင့် Sky Villa အဆောက်အဦပြိုကျမှုတွင် ၅၂ဦးကို အသက်ရှင်လျှက် ကယ်တင်နိုင်ခဲ့ပြီး လက်ရှိအထိ ရုပ်အလောင်းတစ်ရာကျော် ရှာဖွေ ထုတ်ယူနိုင်ခဲ့ကြောင်း သိရသည်။

#YMG/SW #Yangon_Times