ကမ္ဘာ့ရွှေဈေးနှင့်ငွေလဲနှုန်းများကျဆင်းနေ၍ ရွှေဈေးပါ ကျရိပ်ရှိနေတယ်လို့ ရွှေဈေးကွက်ထဲက သိရပါတယ်။
#Local_News
Published 4 November 2024
#ကမ္ဘာ့ရွှေဈေး #ရွှေဈေးကျ
#YMG/NN #Yangon_Times

ရန်ကုန်မြို့၊ သီရိမင်္ဂလာဟင်းသီးဟင်းရွက် လက်ကားဈေးကြီးသို့ တစ်ရက်လျှင် ဟင်းသီးဟင်းရွက်နဲ့ သစ်သီးဝလံ ကုန်ပိဿာချိန်သုံးသိန်းကျော် ဝင်ရောက်နေပြီး ရန်ကုန်မြို့တွင်းရှိ လက်လီဈေးတွေအပြင် နယ်စုံသို့ ပြန်လည်ဖြန့်ဖြူးပေးနေတယ်လို့ ရန်ကုန်မြို့တော်စည်ပင်သာ‌ယာရေးကော်မတီမှ သိရပါတယ်။
#Local_News
Published 4 November 2024
#သီရိမင်္ဂလာဈေး #ဟင်းသီးဟင်းရွက်လက်ကားဈေး
#YMG/NN #Yangon_Times

မြန်မာလှေလှော်အသင်း လက်ရည်စစ်ပွဲတွေမှာ အောင်ပွဲရပြီး ကမ္ဘာ့အကောင်းဆုံး(၁၂)သင်းမှာပါဝင်ကာ ၂၀၂၅ခုနှစ် ၊ တရုတ်နိုင်ငံ ၊ ချန်ဒူးမြို့မှာ သြဂုတ်လ ၉ရက်နဲ့ ၁၀ရက်တို့မှာ ကျင်းပမယ့် ကမ္ဘာ့အားကစားပြိုင်ပွဲချန်ပီယံရှစ် နဂါးလှေလှော်ပြိုင်ပွဲသို့ ဝင်ရောက်ယှဉ်ပြိုင်ခွင့်ရရှိသွားတယ်လို့ သိရပါတယ်။
#Local_News
Published 4 November 2024
#ကမ္ဘာ့အားကစားပြိုင်ပွဲ #ချန်ပီယံရှစ် #နဂါးလှေလှော်ပြိုင်ပွဲ
#YMG/tthl #Yangon_Times

#Local_News
Published 4 November 2024

▪️ လယ်ယာမြေနှင့်စပ်လျဉ်း၍ သက်ဆိုင်သူမည်သူမဆို သက်ဆိုင်ရာလယ်ယာမြေ စီမံခန့်ခွဲမှု အဖွဲ့ အဆင့်ဆင့် မှ ဥပဒေနှင့်အညီ ချမှတ်ထားသောအမိန့်ကို လိုက်နာရမည်ဖြစ်ကြောင်း ဗဟိုလယ်ယာမြေစီမံခန့်ခွဲမှုအဖွဲ့ ၏ လယ်ယာမြေ  လုပ်ပိုင်ခွင့်ပြုလက်မှတ် ပုံစံ(၇) ရရှိသူများ လိုက်နာရမည့် စည်းကမ်းချက်များ၌ ဖော်ပြထားသည်။

▪️ ထို့အပြင် လယ်ယာမြေ လုပ်ပိုင်ခွင့်မရမီကာလအတွင်း သို့မဟုတ် လယ်ယာမြေ လုပ်ပိုင်ခွင့်နှင့်စပ်လျဉ်း၍ အငြင်းပွားမှုဖြစ်ပေါ်နေသောကာလအတွင်း လယ်ယာမြေကို ရောင်းချခြင်း၊ပေါင်နှံခြင်း၊ငှားရမ်းခြင်း၊ လဲလှယ်ခြင်း သို့မဟုတ် ပေးကမ်းခြင်းမပြုရ ကြောင်း ၊စိုက်ပျိုးထုတ်လုပ်မှုအရင်းအနှီးအတွက်သာ လယ်ယာမြေ လုပ်ပိုင်ခွင့်ကိုပေါင်နှံခွင့်ရှိပြီး အစိုးရဘဏ်သို့မဟုတ် အစိုးရကအသိအမှတ်ပြုသောဘဏ်တွင်သာပေါင်နှံရမည်ဖြစ်ကြောင်း သိရသည်။

▪️ လယ်ယာမြေကို ရာသီသီးနှံအမျိုးအစားမှ အခြားသီးနှံအမျိူးအစားသို့ ခွင့်ပြုချက်မရှိဘဲ ပြောင်းလဲစိုက်ပျိုးခြင်းမရှိရကြောင်း ၊ခိုင်လုံသောအကြောင်းပြချက်မရှိဘဲ လယ်ယာမြေကိုလှပ်ထားခြင်းမပြုရ

▪️ သို့ရာတွင် လယ်ယာမြေကို လှပ်ထားရန်အကြောင်းတစ်စုံတစ်ရာပေါ်ပေါက်ပါက ရပ်ကွက်သို့မဟုတ်ကျေးရွာအုပ်စု လယ်ယာမြေစီမံခန့်ခွဲမှုအဖွဲ့မှတဆင့် မြို့နယ်လယ်ယာမြေစီမံခန့်ခွဲမှု အဖွဲ့သို့ တင်ပြရမည် ယင်းသို့လှပ်ထားခြင်းသည်လည်း ရွေ့ပြောင်းတောင်ယာမြေမှအပ နှစ်နှစ်ဆက်တိုက်မပိုစေရကြောင်း သိရသည်။

▪️ လယ်ယာမြေကိုလက်ရှိထားပိုင်ခွင့်၊ လယ်ယာမြေလုပ်ပိုင်ခွင့် ရာသီသီးနှံကိုပြောင်းလဲ စိုက်ပျိုးနိုင်ခွင့်၊ ယင်းသို့လုပ်ပိုင်ခွင့်မှ ပေါ်ထွက်လာသည့်  အကျိုး
အမြတ်ကိုခံစားပိုင်ခွင့် ရှိမည်ဖြစ်ကြောင်း၊ လယ်ယာမြေကို အားလုံးဖြစ်စေ၊ တစ်စိတ်တစ်ပိုင်းဖြစ်စေ၊ လုပ်ပိုင်ခွင့်အား သတ်မှတ်ထားသော စည်းကမ်းချက်များနှင့်အညီ ရောင်းချခွင့်၊ ပေါင်နှံခွင့်၊ ငှားရမ်းခွင့်၊လဲလှယ်ခွင်နှင့်ပေးကမ်းခွင့် ရှိမည်ဖြစ်ကြောင်း သိရသည်။

▪️ လယ်ယာမြေလုပ်ပိုင်ခွင့်ကို အမွေဆက်ခံခွင့်နှင့်စပ်လျဉ်း၍ အငြင်းပွားမှုပေါ်ပေါက်လာပါက တည်ဆဲဥပဒေနှင့် အညီ သက်ဆိုင်ရာတရားရုံး၏
အဆုံးအဖြတ်ခံယူနိုင်ခွင့် သတ်မှတ်သည့် စည်းကမ်းချက်များကို ဖောက်ဖျက်ခြင်းမရှိသရွေ့ လယ်ယာမြေ လုပ်ပိုင်ခွင့်၊ လယ်ယာမြေတွင် စိုက်ပျိုးရေးလုပ်ငန်းဖွံ့ဖြိုးတိုးတက်ရေးအတွက် အစိုးရသို့မဟုတ် အစိုးရအသိအမှတ်ပြုထားသည့်
အဖွဲ့အစည်း အသင်းအဖွဲ့များ၏ ရင်းနှီးမြှုပ်နှံမှုဖြင့်လည်းကောင်း ၊ ပုဂ္ဂလိကရင်းနှီးမြှုပ်နှံသူများနှင့်လည်း အကျိုးတူလုပ်ကိုင်ခွင့်၊ လယ်ယာမြေတွင် နိုင်ငံခြားသား သို့မဟုတ် နိုင်ငံခြားသားပါဝင်သောအဖွဲ့အစည်းများနှင့်ပူးပေါင်း၍ ပြည်ထောင်စု သမ္မတမြန်မာနိုင်ငံတော်နိုင်ငံခြားရင်းနှီးမြုပ်နှံမှုဥပဒေ နှင့်အညီ အကျိုးတူလုပ်ကိုင်ခွင့် ရရှိမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 4 November 2024

▪️ မြန်မာအလုပ်သမား (၁၄၀၀) ဝန်းကျင်အား ဂျပန်ကုမ္ပဏီများမှ ခေါ်ယူသွားမည်ဖြစ်ကြောင်း ဂျပန်နိုင်ငံဆိုင်ရာ မြန်မာသံရုံး၏ထုတ်ပြန်ချက်အရ သိရသည်။

▪️ ထိုသို့ခေါ်ယူရာတွင် ဂျပန်ကုမ္ပဏီ (၄၃၁)ခုမှ မြန်မာအလုပ်သမား (၁,၄၀၀) ဝန်းကျင်ခေါ်ယူမည်ဖြစ်ပြီး အမျိုးသမီးအလုပ်သမား (၁,၀၀၀) ကျော်နှင့် အမျိုးသားလုပ်သား (၃၀၀) ကျော် ခေါ်ယူခြင်းဖြစ်ကြောင်း သိရသည်။

▪️ ဂျပန်နိုင်ငံမှ မြန်မာလုပ်သားများခေါ်ယူရာတွင် အဓိကအားဖြင့် သက်ကြီးစောင့်ရှောက်ရေး၊စားသောက်ကုန်ထုတ်လုပ်ရေးနှင့် ဆောက်လုပ်ရေးလုပ်ငန်းဆိုင်ရာ အလုပ်အကိုင်ထောင်ကျော်ကို ခေါ်ယူထားခြင်းဖြစ်သည်။ 

▪️ ထိုသို့ခေါ်ယူရာတွင် အလုပ်သမားဝန်ကြီးဌာနက ပေးပို့လာသည့် အလုပ်ကမ်းလှမ်းစာပါအချက်အလက်များကို စိစစ်ပြီး ထုတ်ပြန်ပေးနေသည့်အပြင် အလုပ်ခေါ်သည့် ကုမ္ပဏီနှင့် စက်ရုံများသည် တရားဝင်တည်ထောင်ထားခြင်း ရှိ၊မရှိ နှင့် စာရွက်စာတမ်းအထောက်အထားများကို စိစစ်နေကြောင်း သိရသည်။

#YMG/NN #Yangon_Times

#Local_News
Published 4 November 2024

▪️ နစက ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်သည် မကြာမီရက်ပိုင်းအတွင်း တရုတ်ပြည်သူ့ သမ္မတနိုင်ငံသို့ သွားရောက်မည်ဟု ယခင်ရက်များက ထွက်ပေါ်ခဲ့တဲ့သတင်းများအပေါ် နစကသတင်းထုတ်ပြန်ရေးအဖွဲ့က ယနေ့အတည်ပြုထုတ်ပြန်ပါတယ်။

▪️ တရုတ်ပြည်သူ့သမ္မတနိုင်ငံရဲ့ ဖိတ်ကြားချက်အရ ဗိုလ်ချုပ်မှူးကြီးသည် တရုတ်ပြည်သူ့သမ္မတနိုင်ငံ၊ ကူမင်းမြို့တွင် နိုဝင်ဘာလ ၆ ရက်မှ ၇ ရက် အထိကျင်းပပြုလုပ်မည့် အဋ္ဌမအကြိမ်မြောက် မဟာမဲခေါင်ဒေသခွဲ ထပ်သီး အစည်းအဝေး 8 Greater Mekong Subregion(GMS)၊ (၁၀)ကြိမ်မြောက်ဧရာဝတီ- ကျောက်ဖရား- မဲခေါင် စီးပွားရေးပူးပေါင်းဆောင်ရွက်မှုမဟာဗျူဟာ ထိပ်သီးအစည်းအဝေး 10th Ayeyawady-Chao Phraya-Mekong Economic Cooperation Strategy (ACMECS)Summit နှင့် (၁၁)ကြိမ်မြောက် ကမ္ဘောဒီးယား-လာအို-မြန်မာ- ဗီယက်နမ် ပူးပေါင်းဆောင်ရွက်မှု ထိပ်သီးအစည်းအဝေး 11th Cambodia-Lao PDR- Myanmar-Vietnam (CLMV) Summit တို့သို့ ပါဝင်တက်ရောက်ခြင်း၊ တရုတ်ပြည်သူ့ သမ္မတနိုင်ငံ အစိုးရအဖွဲ့တာဝန်ရှိသူများနှင့် တွေ့ဆုံဆွေးနွေးခြင်းများကို ဆောင်ရွက်သွားမည်ဖြစ်တယ်လို့ သတင်းမှာဖော်ပြထားပါတယ်။

▪️ ယင်းအပြင် တရုတ်နှင့်မြန်မာနှစ်နိုင်ငံ အစိုးရနှင့် ပြည်သူများအကြား ချစ်ကြည်ရေး၊ စီးပွားရေးနှင့် ကဏ္ဍပေါင်းစုံတွင် ပူးပေါင်းဆောင်ရွက်မှုများ ပိုမိုတိုးတက်ခိုင်မာအောင် ဆွေးနွေးဆောင်ရွက်သွားမည်ဖြစ်တယ်လို့လည်း သတင်းထုတ်ပြန်ထားပါတယ်။

#@ymg/knl>