#Local_News
Published 4 March 2025

▪️ မြန်မာနိုင်ငံတွင် ရှေးခေတ်များစွာကတည်းက ပုဂံရှေးဟောင်းယဉ်ကျေးမှုဒေသရှိ အပယ်ရတနာဘုရားနှင့် စူဠာမဏိစေတီတို့ရှိ နံရံဆေးပန်းချီများတွင်သနပ်ခါးလိမ်းခြယ်သုံးစွဲမှု တည်ရှိခဲ့ကြောင်းကို လေ့လာတွေ့ရှိရကြောင်း ရှေးဟောင်းသုတေသနနှင့်အမျိုးသားပြတိုက်ဦးစီးဌာန (ပုဂံဌာနခွဲ) ပြုပြင်ထိန်းသိမ်းရေးဌာနစုမှ သိရသည်။

▪️ အဆိုပါ နံရံဆေးပန်းချီများသည် သမိုင်းအထောက်အထားများအဖြစ် ခိုင်မာစွာ တည်ရှိပြသလျက်ရှိပြီး ရှေးဟောင်းယဉ်ကျေးမှုအတွက် တန်ဖိုးဖြတ်၍ မရသည့်  သမိုင်းအမွေအနှစ်ပုံများဖြစ်ကြောင်း သိရသည်။

▪️ ရှေးဟောင်းသုတေသနနှင့်အမျိုးသားပြတိုက်ဦးစီးဌာနသည် ပုဂံဒေသရှိ ရှေးဟောင်းယဉ်ကျေးမှုအမွေအနှစ်များကို ထိန်းသိမ်းပြုပြင်စောင့်ရှောက်လျက်ရှိပြီး အပယ်ရတနာဘုရားရှိ သနပ်ခါးလိမ်းခြယ်မှုဟန် ပါဝင်သည့် နံရံဆေးပန်းချီများကို မှတ်တမ်းပြုစုထားရှိပြီးဖြစ်သည်။

▪️ ထို့အတူ ၁၉၉၁ - ၁၉၉၂ ခုနှစ်တွင် ရှေးဟောင်းသုတေသနနှင့် အမျိုးသားပြတိုက်ဦးစီးဌာနနှင့် ကုလသမဂ္ဂဖွံ့ဖြိုးမှုအစီအစဉ်တို့ ပူးပေါင်းပြီး ပြုပြင်ထိန်းသိမ်းရေးစီမံကိန်းလုပ်ငန်း ဆောင်ရွက်ခဲ့ရာ စူဠာမဏိစေတီအတွင်းရှိ နံရံဆေးပန်းချီကားများအား သန့်စင်ချေးချွတ်ရာမှ သနပ်ခါးလိမ်းခြယ်နေသောပုံများကို တွေ့ရှိမှတ်တမ်းပြုစုနိုင်ခဲ့ခြင်းဖြစ်ကြောင်း သိရသည်။

#YMG/NN #Yangon_Times

#Local_News
Published 4 March 2025

မန္တလေးတိုင်းဒေသကြီး၊ ချမ်းအေးသာစံမြို့နယ်၌ ယနေ့မနက်ပိုင်းတွင် နေအိမ်မီးလောင်မှု တစ်ခုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

‌မတ်လ ၄ရက်နေ့၊ မနက်၁၀နာရီ ၁၃ မိနစ်အချိန်ခန့်က  မန္တလေးတိုင်းဒေသကြီး၊ ချမ်းအေးသာစံမြို့နယ်၊ ၅၇x၅၈ လမ်း၊ ၂၉ လမ်း(C) တွင် နေအိမ်မီးလောင်မှုဖြစ်ပွားခဲ့ကြောင်း သိရသည်။

အဆိုပါ သတင်းရရှိသဖြင့် ချမ်းအေးသာစံမြို့နယ်မီးသတ်စခန်းမှ မီးငြှိမ်းသတ်ယာဉ်(၃)စီး၊ ရေသယ်ယာဉ်(၂)စီးဖြင့် ထွက်ခွာငြှိမ်းသတ်ခဲ့ရာ၁၀ နာရီ၃၁မိနစ် အချိန်၌  မီးထိန်းနိုင်ခဲ့ပြီး ၁၀ နာရီ၃၄ မိနစ်အချိန်၌  မီးငြိမ်းခဲ့ ကြောင်း သိရသည်။

မီးလောင်မှုဖြစ်စဉ်အပါအဝင် ဆုံးရှုံးမှုတန်ဖိုးများအား ဆက်လက်စုံစမ်းနေကြောင်း သိရသည်။

#YMG/NN #Yangon_Times

#Local_News
Published 4 March 2025

▪️ မတ်လ (၈) ရက်နေ့တွင် ကျရောက်သည့် အပြည်ပြည်ဆိုင်ရာ အမျိုးသမီးများနေ့ကို ဂုဏ်ပြုသောအားဖြင့် ပြင်သစ်ယဉ်‌ကျေးမှုဌာနသည် အမျိုးသမီးအခွင့်အရေးနေ့ကို စီစဉ်ကျင်းပသွားမည်ဖြစ်‌ကြောင်း သိရသည်။

▪️ အဆိုပါအစီအစဉ်ကို မြန်မာနိုင်ငံဆိုင်ရာပြင်သစ်သံရုံးက ပံ့ပိုးကူညီပေးထားပြီး မိတ်ဖက်များ၏ ပူးပေါင်းပါဝင်မှုဖြင့် ပြင်သစ်ယဉ်ကျေးမှုဌာနက စီစဉ်တင်ဆက်သွားမည်ဖြစ်ကြောင်း၊ ပြောင်းလဲနေသော ကမ္ဘာကြီး၌ အခက်အခဲမျိုးစုံ ရင်ဆိုင်နေရသည့်အလျောက် ကျား,မတန်းတူညီမျှရေး အရေးကိစ္စမှာလည်း အရေးတကြီးထည့်သွင်းစဉ်းစားရမည့် အရာတစ်ခု ဖြစ်ရာ ယင်းအတွက် အလွှာစုံမှ အမျိုးသမီးများ၏ အခွင့်အရေးများကို ကာကွယ်စောင့်ရှောက်ခြင်းဖြင့် ပိုမိုကောင်းမွန်သော စီးပွားရေးရပ်ဝန်းတစ်ရပ်ကိုလည်းကောင်း၊ နောင်လာမည့် မျိုးဆက်သစ်များ အမွေဆက်ခံနိုင်မည့် ပိုမိုသာယာဝပြောသော ကမ္ဘာကြီးကိုလည်းကောင်း ဖန်တီးတည်ဆောက်နိုင်မည်ဖြစ်‌ကြောင်း သိရသည်။

▪️ ယခုနှစ် အမျိုးသမီးအခွင့်အရေးနေ့ကို အမျိုးသမီးများ၏ လူမှုစီးပွား-ယဉ်ကျေးမှုကဏ္ဍဆိုင်ရာ အခွင့်အရေးများ မြှင့်တင်ရန်၊ အတွေးအမြင်၊ အသိပညာဖလှယ်မျှဝေသော စကားဝိုင်းများ ဖော်ဆောင်ရန်၊ ရည်ရွယ်သည့်ပန်းတိုင် ရောက်ရှိရေးအတွက် ဝိုင်းဝန်းစဉ်းစားအဖြေရှာရန် အစရှိသည့် ဦးတည်ချက်များအပေါ် လွှမ်းခြုံဖြန့်ကျက်နိုင်သော အမျိုးသမီးအကပြိုင်ပွဲ၊ စကားဝိုင်းဆွေးနွေးပွဲ၊ ဇာတ်လမ်းပြသမှုနှင့် တိုက်ရိုက်ဂီတဖျော်ဖြေပွဲများ ထည့်သွင်းကာ ကျင်းပသွားမည်ဖြစ်‌ကြောင်း သိရသည်။

▪️ အမျိုးသမီးအခွင့်အရေးနေ့၊ ၂၀၂၅ အစီအစဉ်ကို မတ်လ (၈) ရက်၊ မွန်းလွဲ ၃နာရီတွင်ပြင်သစ်ယဉ်ကျေးမှုဌာန၌ ကျင်းပသွားမည်ဖြစ်ရာစိတ်ဝင်စားသူ မည်သူမဆို အခမဲ့ ပါဝင်တက်ရောက်နိုင်‌ကြောင်း သိရသည်။

#YMG/SW #Yangon_Times

#Local_News
Published_3 March 2025

▪️ ရုရှားဖက်ဒရေးရှင်းနိုင်ငံသို့ တရားဝင်ချစ်ကြည်ရေးခရီးစဉ် ရောက်ရှိနေသည့် နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ၊နိုင်ငံတော်ဝန်ကြီးချုပ်ဗိုလ်ချုပ်မှူးကြီးမင်းအောင်လှိုင် ဦးဆောင်သည့် မြန်မာအဆင့်မြင့်ကိုယ်စားလှယ် အဖွဲ့ သည် ရုရှား ဖက်ဒရေးရှင်းနိုင်ငံဆိုင်ရာ မြန်မာနိုင်ငံသံအမတ်ကြီး ဦးသစ်လစ်အုန်း၊ မြန်မာစစ်သံ (ကြည်း၊ ရေ၊လေ) တို့လိုက်ပါ၍ ယနေ့ ဒေသစံတော်ချိန် ညနေပိုင်းတွင် မော်စကိုမြို့ရှိမြန်မာထေရဝါဒ ဗုဒ္ဓစင်တာသို့သွားရောက်၍ ဆရာတော်အား ဖူးမြော်ကြည်ညိုကြကြောင်း သိရသည်။

▪️ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့် ချစ် ကြည်ရေးကိုယ်စားလှယ်အဖွဲ့ဝင် များ ကမော်စကိုမြို့၊ မြန်မာထေရဝါဒဗုဒ္ဓစင်တာသို့ ရောက်ရှိကြပြီး သဒ္ဓမဇောတိကသိမ်တော်အတွင်း၌ ကျောင်း ထိုင်ဆရာတော် မဟာသဒ္ဓမဇောတိကဓဇ၊ ဒေါက်တာ ဘဒ္ဒန္တအစ္ဆရိယအားဖူးမြော်ကြည်ညို၍ သာသနာရေးဆိုင်ရာကိစ္စရပ်များ၊ သီတင်းသုံးနေထိုင်ရမှုနှင့် သွားလာရေးအခြေအနေများ၊ ထေရဝါဒဗုဒ္ဓစင်တာအတွက် လိုအပ်ချက်များ ၊ရုရှားနိုင်ငံတွင် ထေရဝါဒ ဗုဒ္ဓသာသနာပြန့်ပွားရေးနှင့်ပတ်သက်၍ သာသနာပြုလုပ်ငန်းများ ဆောင်ရွက်နေမှု အခြေအနေများနှင့်ပတ်သက်၍ မေးမြန်းလျှောက်ထားပြီး လိုအပ်ချက်များကို ဖြည့်ဆည်းဆောင်ရွက်ပေးကြကြောင်း သိရသည်။

▪️ ယင်းနောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့် ချစ်ကြည်ရေးခရီးစဉ်တွင် လိုက်ပါလာသည့်အဖွဲ့ဝင်များသည် ဆရာတော်ကြီးထံမှ ငါးပါးသီလခံယူဆောက်တည်ကြပြီး တရားတော်များ နာယူကြည်ညိုကြကာကျောင်း ထိုင်ဆရာတော်ကြီးနှင့် သံဃာတော်အရှင်သူမြတ်တို့အား နဝကမ္မဝတ္ထုငွေများနှင့် လှူဖွယ်ပစ္စည်းများ ဆက်ကပ်လှူဒါန်းခဲ့ကြောင်း သိရသည်။

▪️ အဆိုပါမော်စကိုမြို့ရှိ မြန်မာထေရဝါဒ ဗုဒ္ဓစင်တာအား ရုရှားနိုင်ငံတွင် ထေရဝါဒ ဗုဒ္ဓသာသနာတော်ထွန်းကား ပြန့်ပွားရေးအတွက် နိုင်ငံတော် ဩဝါဒါစရိယ၊ ရွှေကျင်နိကာယ ဥက္ကဋ္ဌ ဂဏာဓိပတိ သောဠသမ ရွှေကျင် သာသနာပိုင်၊ သီတဂူ ကမ္ဘာ့ဗုဒ္ဓတက္ကသိုလ်များနှင့် သီတဂူဆေးရုံတော်များ၏ အဓိပတိ၊ အဘိဓဇမဟာရဋ္ဌဂုရု၊ အဘိဓဇအဂ္ဂမဟာ သဒ္ဓမ္မဇောတိက၊ မဟာဓမ္မကထိက ဗဟုဇနဟိတဓရ သီတဂူ ဆရာတော် ဒေါက်တာဘဒ္ဒန္တဉာဏိဿရ နှင့် အပြည်ပြည်ဆိုင်ရာ သာသနာပြုတက္ကသိုလ်၊ ပါမောက္ခ မဟာဌာနမှူး ဓမ္မဒူတဆရာတော်ဒေါက်တာအရှင်ဆေကိန္ဒတို့၏ ဩဝါဒကိုခံယူ၍ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်ဗိုလ်ချုပ်မှူးကြီး မင်းအောင်လှိုင်နှင့်ဇနီး ဒေါ်ကြူကြူလှတို့အား အမှူထား၍ တပ်မတော်(ကြည်း၊ ရေ၊ လေ) မိသားစုများ ရုရှားဖက်ဒရေးရှင်းနိုင်ငံသံရုံးနှင့် စစ်သံရုံး မိသားစုများ၊ ရုရှားနိုင်ငံတွင် ပညာတော် သင် ရောက်ရှိလျက်ရှိသည့် သင်တန်းသား မိသားစုများ ပူးပေါင်းကာ ၂၀၁၃ ခုနှစ်တွင် စတင်စီစဉ် ဆောင်ရွက် ခဲ့ကြကာ ၂၀၁၅ ခုနှစ်တွင် ကျောင်းရေစက်ချ အခန်းအနားကို ဆောင်ရွက်ခဲ့ခြင်းဖြစ်ကြောင်း သိရသည်။

▪️ အလားတူ မြန်မာ့ထေရဝါဒ ဗုဒ္ဓဝိဟာရ၌ ရဟန်းရှင်လူများ စိတ်အေးချမ်းသာစွာဖြင့် တရား အားထုတ်နိုင်ရန် သီတဂူဆရာ တော်ကြီး၏ ဩဝါ ဒကိုခံယူ၍ နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့် ဇနီးဒေါ်ကြူကြူလှ၊ မြန်မာသံရုံးနှင့် မြန်မာစစ်သံ(ကြည်း၊ရေ၊လေ) မိသားစုများ၊ ရဟန်းရှင်လူပြည်သူအများ၊ ရုရှား နိုင်ငံရောက်ပညာတော်သင် သင်တန်းသားအရာရှိများ စုပေါင်း၍ တည်ဆောက်လှူဒါန်းခဲ့ခြင်းဖြစ်ပြီး ၂၀၂၁ ခုနှစ်တွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့် အလှူရှင်များက ရေစက်ချလှူဒါန်းခဲ့ခြင်းဖြစ်ကြောင်း၊ ယခုအခါတွင် ရုရှားနိုင်ငံရှိဗုဒ္ဓဘာသာဝင်များနှင့် အိမ်နီးချင်းနိုင်ငံများမှ ဗုဒ္ဓဘာသာဝင်များ သာသနာရေးလုပ်ငန်းများဆောင်ရွက်ရာတွင် အလေးထားရသည့်နေရာတစ်ခုဖြစ်ကြောင်း သိရသည်။

#Yangon_Times/PP

Published_3 March 2025

ရုရှားဖက်ဒရေးရှင်းနိုင်ငံသမ္မတ H.E. Vladimir Vladimirovich Putin ၏ ဖိတ်ကြားချက်အရ တရားဝင် ချစ် ကြည် ရေးခရီးစဉ် သွားရောက်ရန်အတွက် နိုင်ငံတော် စီမံအုပ်ချုပ်ရေးကောင်စီဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့ ရုရှားနိုင်ငံသို့ရောက်ရှိပြီ ဖြစ်ကြောင်း သိရသည်။

ယနေ့နံနက်ပိုင်း တွင် အထူး လေယာဉ်ဖြင့် နေပြည်တော်တပ်မတော် လေဆိပ်မှထွက်ခွာခဲ့သည့် နိုင်ငံတော်စီမံ အုပ်ချုပ်ရေး ကောင်စီဥက္ကဋ္ဌ၊ နိုင်ငံတော်ဝန်ကြီးချုပ် ဦးဆောင် သည့် မြန်မာအဆင့်မြင့်ကိုယ်စား လှယ်အဖွဲ့ သည်ဒေသစံတော်ချိန် ညနေပိုင်းတွင် မော်စကိုမြို့ရှိ ဘနုကာဘာအပြည်ပြည်ဆိုင်ရာ လေဆိပ်သို့ ရောက်ရှိ ကြရာ ရုရှား စီးပွားရေးဖွံ့ဖြိုး တိုးတက်မှုဝန်ကြီး Mr, Maxim Reshetnikov ၊ ရုရှား နိုင်ငံခြားရေး ဝန်ကြီးဌာန ဒုတိယ ဝန်ကြီးနှင့် တာဝန်ရှိသူများ၊ ရုရှားဖက်ဒရေးရှင်း နိုင်ငံဆိုင်ရာ မြန်မာနိုင်ငံသံအမတ်ကြီး ဦးသစ်လင်း အုန်း၊ မြန်မာ နိုင်ငံဆိုင်ရာ ရုရှားဖက်ဒရေးရှင်း နိုင်ငံ သံအမတ်ကြီး H.E. Mr. Iskander Azizovi မြန်မာစစ် သံ(ကြည်း၊ ရေ၊လေ) ဗိုလ်မှူးချုပ်မိုးကျော်တို့က ကြိုဆိုနှုတ်ဆက်ကြကြောင်း သိရသည်။

လေဆိပ်တွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် အား ရုရှားဖက်ဒရေးရှင်းနိုင်ငံ နိုင်ငံတော်ဂုဏ်ပြုတပ်ဖွဲ့ က နိုင်ငံတော်အဆင့် ချစ်ကြည်ရေးခရီးစဉ် လာရောက် သည့် နိုင်ငံ့ခေါင်းဆောင်များ အား ကြိုဆိုသည့် အစဉ်အလာနှင့်အညီ ဂုဏ်ပြုကြိုဆိုခဲ့ကြကြောင်း သိရသည်။

ကြိုဆိုရာတွင်နှစ်နိုင်ငံနိုင်ငံတော် သီချင်း များကို တီးမှုတ်ဂုဏ်ပြု အလေးပြု ကြပြီး နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌ နိုင်ငံတော်ဝန်ကြီး ချုပ် ဗိုလ်ချုပ်မှူးကြီး မင်းအောင်လှိုင် က ရုရှားဖက်ဒရေးရှင်းနိုင်ငံ ဂုဏ်ပြုတပ် ဖွဲ့၏ ချီတက်အလေးပြုခြင်းကို ခံယူခဲ့ကြောင်း သိရသည်။

#Daily_News

Published 3 March 2025

၁။ ကမ္ဘာ့ရွှေဈေးကျခြင်းနှင့် အထည်ပျက်ရောင်းချမှုများလာခြင်းကြောင့် ရွှေဈေးကျလာ

၂။ နာနတ်လျှော်စိုက်ပျိုးထုတ်လုပ်ရန် မြေနေရာနှင့်နည်းပညာပေးမည်

၃။ ကပ်ရောဂါအသွင်ဖြစ်ပွားနိုင်၍ အသည်းရောင်အသားဝါ(အေ)ရောဂါကြိုတင်ကာကွယ်ရန်သတိပေး

၄။ တရုတ်ပြည်မှတစ်ပတ်ရစ်ကားများ ပြည်ပတင်ပို့မှုတိုးတက်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group