သကြားစက်တွေမှ ကြံစိုက်ပျိုးမယ့်သူတွေအတွက် ကြံမျိုးဆစ်တွေ စိုက်စရိတ်တွေနဲ့ လိုအပ်တဲ့စက်ပစ္စည်းတွေကိုပါ အရစ်ကျနဲ့ ရောင်းချပေးတာတွေ ရှိတဲ့အတွက် ပြောင်းစိုက်တောင်သူတွေအနေနဲ့ ကြံစိုက်ပျိုးမှု ကို ပြောင်းလာရာ ပြောင်းစိုက်တောင်သူ ၂၀ရာခိုင်နှုန်းကျော် ကြံစိုက်ပျိုးမှုကို ပြောင်းစိုက်လာတယ်လို့ဆိုပါတယ်။
Yangon Times/LW
#Local_News
#Published_ 6 February 2024
#YMG #Yangon_Times #Yangon_Media_Group

ပင်လယ်ဓားပြဖမ်းသွားသည့် စားအုန်းဆီသင်္ဘောပေါ်က မြန်မာသင်္ဘောသား (၈)ဦးပြန်လွတ်လာ

"ဇန်နဝါရီလမှာ အာဖရိကတိုက် အနောက်ဘက်ကမ်းရိုးတန်းမှာ သွားလာနေတဲ့ စားအုန်းဆီတင်ကုန်တင်သင်္ဘောပေါ်က သင်္ဘောသားတွေအနက် မြန်မာသင်္ဘောသား(၈)ဦး ကပ္ပတိန်၊ ကုန်းဘတ်အရာရှိနဲ့ အခြားအဆင့်သင်္ဘောသား‌တွေ၊စက်ခန်းအရာရှိနဲ့ အခြားအဆင့်သင်္ဘောသားတွေကို ပြန်ပေးဆွဲ ခေါ်ဆောင်သွားတာဖြစ်ပြီး အခုလမှာ ပြန်လွတ်လာတယ်" မြန်မာနိုင်ငံပင်လယ်ကူးသင်္ဘောသား အလုပ်သမားများအဖွဲ့ချုပ်(MSF)ဥက္ကဌဦးစိုးမင်းအောင်
Yangon Times/tthl
#Local_News
#Published_ 6 February 2024
#YMG #Yangon_Times #Yangon_Media_Group

Published_6February 2024

အိန္ဒိယနိုင်ငံ၊နယူးဒေလီမြို့တွင်အိန္ဒိယ-မြန်မာ ချစ်ကြည်ရေးအသင်း မိတ်ဆုံစားပွဲနှင့် သက်ဆိုင်ရာ နယ်ပယ်အသီးသီးတွင် အောင်မြင်ထူးချွန်သည့် အမျိုးသမီးများအား ဆုချီးမြှင့်ပွဲအခမ်းအနားကျင်းပခဲ့ကြောင်း မြန်မာနိုင်ငံခြားရေး ဝန်ကြီးဌာန၏ထုတ်ပြန်ချက်အရ သိရသည်။

ဆုချီးမြှင့်ပွဲအခမ်းအနားကို ၄-၂-၂၀၂၄ ရက်နေ့၊ ၁၁:၀၀ နာရီမှ ၁၆:၀၀ နာရီအထိ မြန်မာသံရုံး၊ နယူးဒေလီမြို့၌ ကျင်းပပြုလုပ်ခဲ့သည်။

အခမ်းအနားကို မြန်မာသံအမတ်ကြီးက အဖွင့်အမှာစကားပြောကြား၍  ဖွင့်လှစ်ခဲ့ရာတွင် မြန်မာ-အိန္ဒိယ နှစ်နိုင်ငံ ပြည်သူများအကြား ချစ်ကြည်ရင်းနှီးမှု၊ နားလည်ယုံကြည်မှု၊ ကူးလူးဆက်သွယ်မှု ပိုမိုအားကောင်းလာစေရန် ရည်ရွယ်၍ အိန္ဒိယ-မြန်မာ ချစ်ကြည်ရေးအသင်းအား မြန်မာသံရုံးမှ ဦးဆောင်ဖွဲ့စည်းခဲ့ခြင်းဖြစ်ပါကြောင်း၊ အိန္ဒိယ- မြန်မာ ချစ်ကြည်ရေးအသင်း၏ ရည်ရွယ်ချက်၊ ရည်မှန်းချက်များ အကောင်အထည်ဖော်ရာတွင် ချစ်ကြည်ရေးအသင်းအဖွဲ့ဝင်များနှင့် မြန်မာသံရုံးမှ အနီးကပ်ပူးပေါင်း ဆောင်ရွက်လျက်ရှိပါကြောင်း၊ မြန်မာသံရုံးမှ စီစဉ်သည့် လူမှုရေးပွဲများတွင် ဧည့်သည်တော်များအနေဖြင့် ယခုကဲ့သို့ စည်းစည်းလုံးလုံးဖြင့် စုရုံးရောက်ရှိလာကြသည့်အတွက် များစွာကျေနပ်အားရမိပြီး နှစ်နိုင်ငံ ပြည်သူများအကြား ချစ်ကြည်ရင်းနှီးမှုအား ဖော်ကျူးပြသနေခြင်း ဖြစ်ပါကြောင်း  ပြောကြားခဲ့သည်။ 

အခမ်းအနား ဒုတိယပိုင်းတွင် လူမှုအကျိုးပြုလုပ်ငန်းများတွင် ပါဝင်သည့် အမျိုးသမီးများ၊ စွမ်းဆောင်ရည်ပြည့် အမျိုးသမီးများအား Women Prestige Awards 2024 ဆုများ ချီးမြှင့်ပေးခဲ့သည်။

အဆိုပါ အခမ်းအနားသို့ မိတ်ဖက်နိုင်ငံများမှ သံတမန်များ၊ အိန္ဒိယ-မြန်မာချစ်ကြည်ရေး အသင်းအဖွဲ့ဝင်များ၊ အိန္ဒိယစီးပွားရေး အဖွဲ့အစည်းများ၊ လုပ်ငန်းရှင်များ၊ မိတ်ဆွေများနှင့် မိသားစုဝင်များ တက်ရောက်ခဲ့ကြကြောင်း၊ 
ဧည့်သည်တော်များကို အိန္ဒိယ အကအလှများ၊ တေးသံသာများ၊ အိန္ဒိယတူရိယာများဖြင့် တီးမှုတ်ဖျော်ဖြေကြခဲ့ကြပြီး နေ့လယ်စာဖြင့် တည့်ခင်းဧည့်ခံခဲ့ကြောင်း သိရသည်။
Yangon Times/tthl
#Local_News
#Published_ 6 February 2024
#YMG #Yangon_Times #Yangon_Media_Group

Published_ 6 February 2024

ရှမ်းပြည်နယ်တွင် 'သက်မွေးပညာသင်တန်းစင်တာ' ဖွင့်လှစ်လိုက်ပြီဖြစ်ပြီး တိုင်းရင်းသားလူငယ်များ ကွန်ပျူတာသင်တန်းနှင့်ဆိုင်ကယ်စက်ပြင်သင်တန်းစသည့် သက်မွေးပညာသင်တန်းများတက်ရောက်နိုင်တော့မည်ဖြစ်ကြောင်း သိရသည်။

အဆိုပါ'ရှမ်းပြည်နယ် တိုင်းရင်းသားရေးရာနှင့်သက်မွေးပညာသင်တန်းစင်တာ'ကို မဲခေါင်-လန်ချန်း ပူးပေါင်းဆောင်ရွက်မှုအထူးရန်ပုံငွေနှင့် နိုင်ငံတော်၏ ဘဏ္ဍာရန်ပုံငွေဖြင့် တည်ဆောက်ခဲ့သည်ဟုဆိုသည်။

(၇၇)နှစ်မြောက် ရှမ်းပြည်နယ်နေ့ကို ကြိုဆိုဂုဏ်ပြုသောအားဖြင့် ရှမ်းပြည်နယ်တိုင်းရင်းသားရေးရာနှင့် သက်မွေးပညာသင်တန်းစင်တာ အဆောက်အအုံဖွင့်ပွဲအခမ်းအနားကို တောင်ကြီးမြို့၌ကျင်းပခဲ့ပြီး နစကအဖွဲ့ဝင် ဒေါက်တာဘရွှေ၊ ခွန်စံလွင်နှင့် မြန်မာနိုင်ငံဆိုင်ရာ တရုတ်သံရုံးမှသံမှူးကြီး ဒေါက်တာကျန်းကျိဟုန်တို့က ကမ္ပည်းမော်ကွန်းကျောက်စာကို စက်ခလုတ်နှိပ်ဖွင့်လှစ်ပေးကြ၍ အမွှေးနံ့သာရည်ဖြင့် ပက်ဖျန်းပေးကြပြီး စုပေါင်းမှတ်တမ်းတင်ဓာတ်ပုံရိုက်ကြသည်။

ဖွင့်ပွဲအခမ်းအနားတွင် နစကအဖွဲ့ဝင် ဒေါက်တာဘရွှေက"သင်တန်းစင်တာတွင် တိုင်းရင်းသားများ၏ စကား၊ စာပေ၊ အနုပညာနှင့် ယဉ်ကျေးမှုများဆွေးနွေးဖလှယ်ခြင်း၊ တိုင်းရင်းသားအချင်းချင်း ချစ်ကြည်ရင်းနှီးမှုရရှိစေရန် ဆောင်ရွက်ခြင်း၊ တိုင်းရင်းသားများ၏ အသိပညာများမြှင့်တင်ပေးခြင်း၊ မျှဝေခြင်းစသည့် တိုင်းရင်းသားစည်းလုံးညီညွတ်ရေးကို ဆောင်ရွက်နိုင်ရန်နှင့် ရှမ်းပြည်နယ်အတွင်းရှိ တိုင်းရင်းသားများအားလုံး လူမှုဘဝဖွံ့ဖြိုးတိုးတက်စေရေးအတွက် အထောက်အကူပြုဖြစ်စေမည့် အသက်မွေးဝမ်းကျောင်းပညာ သင်တန်းများ၊ တိုင်းရင်းသားရိုးရာလက်မှုပညာ သင်တန်းများ စသည်တို့ကို ဆောင်ရွက်နိုင်ရန် ရည်ရွယ်ချက်များဖြင့် တည်ဆောက်ခဲ့ခြင်းဖြစ်ကြောင်း"ထည့်သွင်းပြောခဲ့သည်။

ယင်းနောက် ပြည်ထောင်စုဝန်ကြီး Jeng Phang နော်တောင်က မိမိတို့ဝန်ကြီးဌာနသည် တိုင်းရင်းသားလူမျိုးများ၏ လူမှုစီးပွားရေးဖွံ့ဖြိုးတိုးတက်စေရေး ဆောင်ရွက်လျက်ရှိပြီး တိုင်းဒေသကြီးနှင့် ပြည်နယ်အလိုက် တိုင်းရင်းသားဒေသများတွင် လိုအပ်လျက်ရှိသည့် အသက်မွေးဝမ်းကျောင်းပညာ သင်တန်းများကို ဖွင့်လှစ်ပို့ချပေးလျက်ရှိကြောင်း၊ ယခု ရှမ်းပြည်နယ်တွင် စင်တာအဆောက်အအုံကို တရားဝင်ဖွင့်လှစ်နိုင်ပြီဖြစ်သည့်အတွက် တိုင်းရင်းသားလူငယ်များအတွက် ကွန်ပျူတာသင်တန်း၊ မော်တော်ဆိုင်ကယ်စက်ပြင်သင်တန်းနှင့် ဒေသနှင့် ကိုက်ညီသင့်မြတ်လျော်ကန်မည့် သက်မွေးပညာ ကာလတိုသင်တန်းများကို နှစ်စဉ်ဖွင့်လှစ်ပို့ချပေးသွားမည်ဖြစ်ကြောင်း ပြောကြားခဲ့ ကြောင်းသိရသည်။
Yangon Times/tthl
#Local_News
#Published_ 6 February 2024
#YMG #Yangon_Times #Yangon_Media_Group

Published 6 February 2024
ပြီးခဲ့တဲ့ ဇန်နဝါရီလ ၂၁ ရက်ကစပြီး ဖြစ်ပွားခဲ့သည့် ရှမ်းပြည်နယ် ဆီဆိုင် မြို့နယ်အတွင်း တိုက်ပွဲများကြောင့် စစ်ဘေးရှောင်ရသူ လေးသောင်းကျော် ထိရှိလာတယ်လို့ စစ်ဘေးရှောင်များကို ကူညီပေးနေသူများထံက သိရသည်။

အဆိုပါ ဆီဆိုင်မြို့နယ်အတွင်းမှ စစ်ဘေး‌ရှောင်ရသူများတွင်   ကယား(ကရင်နီ)ပြည်နယ်မှ တိမ်းရှောင်လာသည့်  ဒေသခံပြည်သူများ ပါဝင်ပြီး ယင်းပြည်သူများက  ထပ်ဆင့်တိမ်းရှောင်ရခြင်းဖြစ်ကာ ဒေသခံပြည်သူများ အပါဝင် စစ်ဘေးရှောင် စုစုပေါင်း ၄,၃၇၃၀ အထက်ရှိကြောင်း သိရသည်။

""အရင် ကယားပြည်နယ်မှာ တိုက်ပွဲတွေဖြစ်လို့ ဆီဆိုင်မှာလာပြီး စစ်ဘေးရှောင်နေကျတာသောင်းနဲ့ချီရှိတယ် အခု ဆီဆိုင် မှာလည်း တိုက်ပွဲတွေဖြစ်တော့ ထပ်ဆင့်ရှောင်ရသလို ဖြစ်တာပေါ့ ဒေသခံတွေလည်းရှောင်ရတယ် အဲ့တော့ စစ်ဘေးရှောင်ပြည်သူ ပိုများသွားတာ""ဟု ဒေသခံတစ်ဦးကပြောသည်။

အဆိုပါ စစ်ဘေးရှောင် ပြည်သူများသည် ရှမ်းပြည်နယ် တောင်ပိုင်းရှိ တောင်ကြီး ညောင်ရွှေ နှင့် ဟိုပုံး တို့တွင် သွားရောက်နေထိုင်လျက်ရှိကာ နေရာထိုင်ခင်း အခက်ခဲများ ဖြစ်ပေါ်လျက်ရှိကြောင်း သိရသည်။

စစ်ဘေးရှောင်သူများထဲတွင် အမျိုးသမီးများ ကလေးသူငယ်များနှင့် ကိုယ်ဝန်ဆောင်များလည်း ပါရှိတာကြောင့် နေထိုင် စားနပ်ရိက္ခာအပြင် ဆေးဝါးနှင့်စောင်များလည်း လိုအပ်နေကြောင်း သိရသည်။
Yangon Times/LW
#Local_News
#Published_ 6 February 2024
#YMG #Yangon_Times #Yangon_Media_Group

Published-6 February 2024

ရန်ကုန်မြို့ပတ် ရထားလမ်းပိုင်းတွင် ခရီးသည်များ စိတ်အေးချမ်းသာစွာ စီးနင်းနိုင်ရေးအတွက်စပိန်နိုင်ငံမှ ဝယ်ယူထားသည့်DEMU တွဲဆိုင်းသစ်များဖြင့် ပြေးဆွဲပေးသွားမည်ဖြစ်ကြောင်း မြန်မာ့မီးရထားမှ သိရသည်။

အဆိုပါ တွဲဆိုင်းသစ်များကို ပို့ဆောင်ရေးနှင့်ဆက်သွယ်ရေးဝန်ကြီးဌာန၊ မြန်မာ့မီးရထားက ရန်ကုန်မြို့ပတ်ရထားလမ်း အဆင့်မြှင့်တင်ရေးစီမံကိန်းတွင် ပြေးဆွဲအသုံးပြုရန်အတွက် စပိန်နိုင်ငံမှ ဝယ်ယူထားခြင်းဖြစ်ကြောင်း
သိရသည်။

ထို့အပြင် ခေတ်မီ DEMU ဒီဇယ်လျှပ်စစ် ရထားတွဲဆိုင်းသစ်များအနက် ပထမအသုတ်အဖြစ် (၆)တွဲပါ တွဲဆိုင်းသည်ဖေဖော်ဝါရီ ၄ ရက်က BBC ONYX သင်္ဘောဖြင့် ရန်ကုန် သီလဝါဆိပ်ကမ်းသို့ စတင်ရောက်ရှိခဲ့ပြီး တွဲဆိုင်းသစ်များကို ဆိပ်ကမ်းမှ ချယူဆောင်ရွက်လျက်ရှိကာ မကြာမီ စမ်းသပ်ပြေးဆွဲမှုများ ဆောင်ရွက်သွားမည် ဖြစ်ကြောင်းသိရသည်။

ရန်ကုန်မြို့ပတ်ရထားလမ်းပိုင်းတွင် ပြေးဆွဲအသုံးပြုမည့် ယင်းတွဲဆိုင်းများသည် Spain နိုင်ငံအခြေစိုက်ရထားထုတ်လုပ်ရေးကုမ္ပဏီ ဖြစ်သည့်  Construcciones y Auxiliar de Ferrocarriles (CAF) ထံမှ ၀ယ်ယူထားသည့် DEMU တွဲများဖြစ်ကြောင်းသိရသည်။
Yangon Times/NN
#Local_News
#Published_ 6 February 2024
#YMG #Yangon_Times #Yangon_Media_Group