#Local_News
Published_ 28 Aug 2022
ကျန်းမာရေးဝန်ကြီး ဒေါက်တာသက်ခိုင်ဝင်းသည် ထိုင်းနိုင်ငံ ဘန်ကောက်မြို့ Bangrak Medical Center Building ၌ ကျင်းပသည့် ပြည်သူ့ကျန်းမာရေး အရေးပေါ် အခြေအနေများဆိုင်ရာ အာဆီယံစင်တာ အတွင်းရေးမှူးရုံး ဖွင့်ပွဲအခမ်းအနားသို့ တက်ရောက်ခဲ့ကြောင်း သိရပါတယ်။
ဖွင့်ပွဲအခမ်းအနားသို့ ထိုင်းနိုင်ငံ၊ ဒုတိယဝန်ကြီးချုပ်နှင့် ပြည်သူ့ကျန်းမာရေးဝန်ကြီး၊ အာဆီယံ အထွေထွေအတွင်းရေးမှူးချုပ် H.E. Mr. Lim Jock Hoi နှင့် ဖိတ်ကြားထားသော အာဆီယံနိုင်ငံများမှ ကျန်းမာရေးဝန်ကြီးများ၊ ဒုတိယဝန်ကြီးများနှင့် တာဝန်ရှိသူများ တက်ရောက်ကြပါတယ်။
အခမ်းအနားတွင် ထိုင်းနိုင်ငံ၊ ဒုတိယဝန်ကြီးချုပ်နှင့် ပြည်သူ့ကျန်းမာရေးဝန်ကြီး H.E. Mr. Anutin Charnvirakul က အဖွင့်အမှာစကားပြောကြားပြီး ဂျပန်နိုင်ငံ ကျန်းမာရေး၊ အလုပ်သမားနှင့် ဖူလုံရေးဝန်ကြီး H.E. Mr. Katsunobu KATO က ပေးပို့သည့် အထိမ်းအမှတ် အဖွင့်အမှာစကား ဗီဒီယိုကို ပြသပါတယ်။
ထို့နောက် ပြည်သူ့ကျန်းမာရေး အရေးပေါ် အခြေအနေများဆိုင်ရာ အာဆီယံစင်တာ အတွင်းရေးမှူးရုံး စတင်ဖြစ်ပေါ်လာပုံ အထိမ်းအမှတ် ဗီဒီယိုကိုပြသ၍ ဖွင့်ပွဲအခမ်းအနားကို ဒုတိယဝန်ကြီးချုပ်နှင့်အတူ တက်ရောက်လာကြသည့် အာဆီနိုင်ငံများက ကိုယ်စားလှယ်များက စက်ခလုတ်နှိပ်၍ ဖွင့်လှစ်ပေးကြပါတယ်။
ပြည်သူ့ကျန်းမာရေးအရေးပေါ် အခြေအနေများဆိုင်ရာ အာဆီယံစင်တာ အတွင်းရေးမှူးရုံး၊ ASEAN Center for Public Health Emergency and Emerging Diseasesကို ဂျပန်နိုင်ငံအထောက်အပံ့ဖြင့် ဖွင့်လှစ်နိုင်ခဲ့ခြင်းဖြစ်ပြီး အာဆီယံနိုင်ငံများ၏ ပြည်သူ့ကျန်းမာရေး အရေးပေါ် ဆိုင်ရာအခြေအနေများကို တုံ့ပြန်ဆောင်ရွက်နိုင်ခြင်း၊ ကူးစက်မြန်ရောဂါဖြစ်ပွားမှုများ ကာကွယ်၊ ထိန်းချုပ်၊ ကုသရေး လုပ်ငန်းများအတွက် အာဆီယံနိုင်ငံများအချင်းချင်း ပိုမိုနီးကပ်စွာ ပူးပေါင်းဆောင်ရွက်နိုင်ခြင်း၊ အာဆီယံနိုင်ငံများအတွင်း ပြည်သူ့ကျန်းမာရေးဆိုင်ရာ သတင်းအချက်အလက်များဖလှယ်နိုင်ခြင်း၊ သင်တန်းများဖွင့်လှစ်ပို့ချနိုင်ခြင်းတို့ကို ဆောင်ရွက်နိုင်မှာဖြစ်ပါတယ်။
ဝန်ကြီးသည် ထိုင်းနိုင်ငံ၊ ဒုတိယဝန်ကြီးချုပ်နှင့် ပြည်သူ့ကျန်းမာရေးဝန်ကြီး H.E. Mr. Anutin Charnvirakul နှင့် တွေ့ဆုံရာတွင် မြန်မာ-ထိုင်း နှစ်နိုင်ငံကျန်းမာရေးစောင့်ရှောက်မှုလုပ်ငန်းများ ပိုမိုပူးပေါင်း ဆောင်ရွက်ရေး၊ နှစ်နိုင်ငံ နယ်စပ်ဒေသများ၌ ကိုဗစ်-၁၉ ရောဂါအပါအဝင် ကူးစက်ရောဂါများ ကာကွယ် တားဆီးထိန်းချုပ်ရေး လုပ်ငန်းများကို ပိုမိုမြှင့်တင်ဆောင်ရွက်ရေး၊ ထိုင်းနိုင်ငံမှ ကိုဗစ်-၁၉ ရောဂါကာကွယ် တာဆီးထိန်းချုပ်ရေးလုပ်ငန်းများအတွက် မြန်မာနိုင်ငံသို့ လှူဒါန်းမည့် ဆေးနှင့်ဆေးပစ္စည်းများ၊ ဓာတ်ခွဲခန်းသုံး ပစ္စည်းများ၊ ကိုဗစ်-၁၉ ရောဂါ ကာကွယ်ဆေးများ ဆိုင်ရာ၊ နှစ်နိုင်ငံပူးပေါင်း ဆောင်ရွက်သွားမည့် ကိစ္စရပ်များနှင့် ပတ်သက်၍ ဆွေးနွေးခဲ့ကြောင်း သိရပါတယ်။
ygm_mnn
#Yangon_Media_Group
#Local_News
Published_ 28 Aug 2022
ထောက်ရှာပင်-ကန်းနီရေနံမြေရှိ တွင်းအမှတ် ၃၁၃ မှ သဘာဝဓာတ်ငွေ့ တစ်ရက်လျှင် ကုဗပေ ၁ ဒသမ ၅ သန်းခန့် ထွက်ရှိနိုင်မည်ဖြစ်ပြီး ထွက်ရှိလာမည့် သဘာဝဓာတ်ငွေ့များကို စက်မှုလုပ်ငန်းများနှင့် လျှပ်စစ်ဓာတ်အား ထုတ်လုပ်ခြင်းလုပ်ငန်းများ အသုံးပြုသွားနိုင်မည်ဖြစ်ကြောင်း သိရပါတယ်။
စွမ်းအင်ဝန်ကြီးဌာနဝန်ကြီး ဦးမျိုးမြင့်ဦးသည် မကွေးတိုင်း ဝန်ကြီးချုပ် ဦးတင့်လွင်၊ တာဝန်ရှိသူများနှင့်အတူ မြန်မာ့ရေနံနှင့် သဘာဝဓာတ်ငွေ့လုပ်ငန်း လက်အောက်ရှိ ထောက်ရှာပင်-ကမ်းနီရေနံမြေတွင်းအမှတ် ၃၁၃ သို့ ရောက်ရှိကြပြီး တွင်းတူးဖော်ရေးလုပ်ငန်း ဆောင်ရွက်နေမှုများကို ကြည့်ရှုစစ်ဆေးခဲ့ပါတယ်။
ဝန်ကြီးက နစကဥက္ကဋ္ဌ၏ လမ်းညွှန်ချက်အရ ရေနံနှင့်ရေနံထွက်ပစ္စည်းများ ပြည်ပမှတင်သွင်းမှု လျှော့ချနိုင်ရေးနှင့် ပြည်တွင်းထုတ်လုပ်မှုတိုးတက်ရေး စီမံချက်နှင့်အညီ ရေနံမြေများမှ ရေနံတိုးတက်ထုတ်လုပ်နိုင်ရေးသည် ဝန်ကြီးဌာန၏ အဓိကလုပ်ငန်းတာဝန်ဖြစ်တယ်လို့ ဆိုပါတယ်။
ရေနံမြေများသည် ရေနံစိမ်းနှင့် သဘာဝဓာတ်ငွေ့များကို ကိုင်တွယ်လုပ်ကိုင်နေရခြင်းကြောင့် မီးဘေးအန္တရာယ်ကင်းဝေးစေရေး ဂရုပြုဆောင်ရွက်ရန်နှင့် လုပ်ငန်းခွင်ဘေးအန္တရာယ် ကင်းရှင်းရေးအလေးထား ဆောင်ရွက်သွားရန်၊ ဝန်ထမ်းများနှင့်ရေနံမြေ လုံခြုံရေးကို အလေးထားဆောင်ရွက်သွားရန် မှာကြားခဲ့ကြောင်း သတင်းရရှိပါတယ်။
ygm_mnn
#Yangon_Media_Group
#Local_News
Published _ 27 August 2022
ယနေ့ ဩဂုတ်လ ၂၇ ရက်နေ့ ရန်ကုန်ရွှေဈေးကွက် အဖွင့်ဈေးအရ အကယ်ဒမီ မီးလင်းအခေါက်ရွှေ ၁ ကျပ်သားကို ၂၈ သိန်းခွဲအထိ ဈေးပေါက်နေတယ်လို့ သိရပါတယ်။
#Yangon_Media_Group
#Local_News
Published-27 August 2022
တရုတ်-မြန်မာ ဝမ်တိန်ဘက်ခြမ်းတွင် ကိုဗစ်-၁၉ ပိုးတွေ့ရှိသော်လည်း နယ်စပ်ကုန်သွယ်ရေးမှာ ပုံမှန်အတိုင်းလည်ပတ်နေတယ်လို့ မူဆယ်ကုန်စည်ဒိုင်၊ ဆန်ကုန်သည်များအသင်းကနေ သိရပါတယ်။
#Yangon_Media_Group
#LocalNews
Published_27 August 2022
နိုင်ငံခြားငွေများ တရားမဝင်ရောင်းဝယ်နေသည့် အွန်လိုင်းလုပ်ငန်းများကို နိုင်ငံခြားသုံးငွေစီမံခန့်ခွဲမှုဥပဒေနှင့် စည်းမျဉ်းများအရ ထိရောက်စွာအရေးယူဆောင်ရွက်သွားမည်ဖြစ်ကြောင်း မြန်မာနိုင်ငံတော် ဗဟိုဘဏ်က ယနေ့ သြဂုတ်လ ၂၇ ရက်တွင် ထုတ်ပြန်လိုက်သည်။
အများပြည်သူအနေဖြင့် နိုင်ငံခြားငွေ ဈေးနှုန်းဆွဲတင်နေမှူများ၊အွန်လိုင်းမှ တရားမဝင် နိုင်ငံခြားငွေများ ရောင်းဝယ်သူများအပေါ် ယုံကြည်ဆောင်ရွက်ခြင်းမပြုကြရန်လည်း အဆိုပါထုတ်ပြန်ချက်တွင် ဖော်ပြထားသည်။
မြန်မာနိုင်ငံတော် ဗဟိုဘဏ်အနေဖြင့် စက်သုံးဆီတင်သွင်းသူများသို့ နိုင်ငံခြားငွေကြေးလွယ်ကူစွာ ရရှိနိုင်ရေး ဘဏ်များနှင့် စက်သုံးဆီလုပ်ငန်းရှင်ကြီးများ ဆွေးနွေးဆောင်ရွက်လျက်ရှိပြီး တိုင်းပြည်စီးပွားရေးကို အဓိက ထိန်းကျောင်းပံ့ပိုးပေးနေသော အခြားဆက်စပ်ဝန်ကြီးဌာနများနှင့်အတူ ထိန်းညှိဆောင်ရွက်လျက်ရှိကြောင်း ၎င်းတွင် ထည့်သွင်းရေးသား ထုတ်ပြန်ထားသည်။
ymg/mt
#Yangon_Media_Group
#Health_Matters
Published - 27 August 2022
-အိုမီခရွန်ဗီဇပြောင်းတွေ အမျိုးမျိုးထွက်ပေါ်နေတဲ့အန္တရာယ် ဘယ်လောက်ကြီးသလဲ??
#Yangon_Media_Group
#Local_News
Published_27 August 2022
စစ်ကိုင်းတိုင်းရှိ မေတ္တာရိပ်ဂေဟာမှာ မိဘမဲ့ကလေးငယ်တွေနဲ့ဘိုးဘွားတွေကိုစောင့်ရှောက်ထားပြီး လတ်တလောမှာ အလှူရှင်တွေနည်းပါးတာနဲ့ ကျန်းမာရေးအရကိစ္စတွေအတွက် သွားလာရခက်ခဲတာတွေကြုံတွေ့နေရတယ်လို့ မေတ္တာရိပ်ဂေဟာတည်ထောင်သူ ရှင်ချမ်းကပြောပါတယ်၊၊
#Yangon_Media_Group
Page 1550 of 1973
