#Local_News
Published_ 5 October 2022

ရွှေတိဂုံစေတီတော်ကြီးကို ပြည်ပခရီးသွားတွေနေ့စဉ် ဝင်ရောက်လာပြီဖြစ်တယ်လို့ ရွှေတိဂုံစေတီတော် ဂေါပကအဖွဲ့ထံမှ သိရပါတယ်၊၊

#Yangon_Media_Group

#Local_News
Published _5 October 2022

ပြည်တွင်းမှာ အမေရိကန်ဒေါ်လာဈေးက ပြီးခဲ့တဲ့ တစ်ပတ်ကထက် နည်းနည်းပြန်တက်လာတာဟာ ပြည်ပကိုထွက်တဲ့ သူတွေလိုက်ဝယ်နေတာတွေကြောင့် ဖြစ်တယ်လို့ သိရပါတယ်။

#Yangon_Media_Group

#DailyNews
Published _ 5 October 2022

၁။ ပြည်ပကိုထွက်မည့်သူများ အဝယ်လိုက်နေ၍ အမေရိကန်ဒေါ်လာဈေး အနည်းငယ် ပြန်တက်လာဟုဆို

၂။ ရွှေတိဂုံစေတီတော်ကို ပြည်ပခရီးသွားများနေ့စဉ်ဝင်ရောက်၊ အဖွဲ့လိုက် Tour များ လာရောက်ခြင်း မရှိသေးဟုဆို

၃။ ဓာတ်ဆီ 92 တစ်လီတာ ကျပ် ၁၉၀၀ အောက်ထပ်မံကျဆင်းလာ

၄။ လုယူခံခဲ့ရသည့် နယူးဇီလန်ဒေသခံလူမျိုးများ၏ ရုပ်ကြွင်းများအား ဩစတြီးယားပြန်လည်အပ်နှံ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published _ 5 October 2022

အိန္ဒိယပဲမျိုးစုံ ကုန်သွယ်မှုအဖွဲ့ (India Pulses and Grains Association - IPGA) က နှစ်နိုင်ငံအကြား ကုန်သွယ်မှု တိုးတက်လာရေးကို အကြောင်းပြပြီး မြန်မာနိုင်ငံက ပဲအဝယ်တွေကို ရူပီးငွေနဲ့ ပေးချေလိုကြောင်း တောင်းဆိုထားတယ်လို့ ANI India က ဖော်ပြထားပါတယ်။

#Yangon_Media_Group

#Local_News
Published _5 October 2022

မွန်ပြည်နယ်၊ ကျိုက်ထိုမြို့နယ်၊ ကျိုက်ထီးရိုးတောင်ခြေ ကင်မွန်းချောင်းရဲစခန်းကို ယနေ့ အောက်တိုဘာလ ၅ ရက် နံနက်က အဝေးက လှမ်းပစ်မှု ဖြစ်ပွားခဲ့ကြောင်း သက်ဆိုင်ရာက သိရသည်။

အဆိုပါ ပစ်ခတ်မှုကို လက်နက်ကိုင်အဖွဲ့အစည်းတစ်ခုမှ ပြုလုပ်ခဲ့ခြင်း ဖြစ်ကြောင်း၊ ဒေသလုံခြုံရေးများကလည်း လုံခြုံရေးပြန်လည် လုပ်ဆောင်ခဲ့သောကြောင့် လက်နက်ကိုင်အချို့ ဆုတ်ခွာခဲ့ကြကြောင်းလည်း သိရသည်။

"ထိခိုက်မှုဘာမှ မရှိဘူး။ အဝေးကနေ လှမ်းပစ်တာ။ လုံခြုံရေးဘက်ကလည်း လုံခြုံရေးကိစ္စ ဆက်လုပ်နေတယ်။ အခုလည်း လုပ်နေပါတယ်"အဆိုပါ သက်ဆိုင်ရာ တာဝန်ရှိသူက ပြောသည်။

ယခုအခါ ဘုရားဖူးပွင့်လင်းရာသီဖြစ်သောကြောင့် နှစ်စဉ်ပြုလုပ်နေကျ ဖြစ်သည့် ဆံတော်ရှင်ကျိုက်ထီးရိုးစေတီတော် ဗုဒ္ဓပူဇနိယပွဲတော်ကြီးကို အောက်တိုဘာလ ၉ ရက် မှ ၂၀၂၃ ခုနှစ် မေလ ၃ ရက်ထိ (၇)လတိုင်တိုင်ကျင်းပခြင်း စတင်တော့မည် ဖြစ်သည်။

ယင်းကြောင့် ဆံတော်ရှင်ကျိုက်ထီးရိုးစေတီတော်မြတ် ဘဏ္ဍာတော်ထိန်း‌ ဂေါပကအဖွဲ့အနေဖြင့် ဘုရားလာရောက်ဖူးမြော်သူများအား အခမဲ့တည်းခိုနိုင်ရန် ပြည့်စုံဓမ္မာရုံနှင့် ဆီမီး(၉၀၀၀) ဓမ္မာရုံတို့ကို စီစဉ်ထားရှိကြောင်း၊ မိမိဆန္ဒအ‌ရ အခပေးတည်းခိုနိုင်ရန် ဟိုတယ်များ၊ တည်းခို‌ဆောင်များကိုလည်း စီစဉ်ထားရှိကြောင်း သိရသည်။

ကင်မွန်းစခန်း တောင်ခြေတွင် သန့်ရှင်းသည့် ထမင်းဆိုင်များနှင့် အမှတ်တရပစ္စည်းဆိုင်များ ဖွင့်လှစ်ရောင်းချသွားမည်ဖြစ်ပြီး ရင်ပြင်တော်တွင် ဘုရားဖူးများ အဆင်ပြေစွာ စားသောက်နိုင်ရန် ထမင်းဆိုင်များ အမှတ်တရပစ္စည်းဆိုင်များကို ဘဏ္ဍာတော်ထိန်းဂေါပကအဖွဲ့၏ ထုတ်ပြန်ထားသည့် စည်းကမ်းချက်များ၊ ကျန်းမာရေးနှင့် ညီညွတ်သည့်ဆိုင်များ ဖြစ်စေရန် ကြိုတင်ပြင်ဆင်နေချိန်လည်း ဖြစ်သည်။

ကိုဗစ်-၁၉ ရောဂါ ဖြစ်ပွားနေသည့် ၂၀၁၉-၂၀၂၀ ကာလတွင် ဗုဒ္ဓပူဇနိယပွဲတော် မကျင်းပနိုင်ခဲ့သော်လည်း ၂၀၂၁-၂၀၂၂ ခုနှစ်တွင် ပြန်လည်ကျင်းပခဲ့ရာ လာရောက်ဖူးမြော်သူ (၄)သိန်းကျော်ခန့်ရှိကြောင်း ကျိုက်ထီးရိုးစေတီတော် ဂေါပက အဖွဲ့စာရင်းများအရ သိရသည်။

#ymg/mt
#Yangon_Media_Group

#Local_News
Published_5 October 2022

၂၀၂၂-၂၀၂၃ ဘဏ္ဍာနှစ်၏ ငါးလကျော်အတွင်း ပင်လယ်ရေကြောင်းမှ အမေရိကန်ဒေါ်လာ ၁၂ ဒသမ ၅၅ ဘီလျံကုန်သွယ်မှုပြုလုပ်ခဲ့ပြီး ယခင်နှစ်ထက် ကန်ဒေါ်လာ သုံးဘီလျံ ကျော်တိုးလာကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ကုန်သွယ်မှုစာရင်းများအရ သိရသည်။

ပင်လယ်ရေကြောင်းမှ ကုန်သွယ်မှုပြုလုပ်ရာ၌ ကန်ဒေါ်လာ ၅ ဒသမ ၄၂ ဘီလျံပို့ကုန်ဝင်ရရှိထားပြီး ယမန်နှစ်ကာလတူတွင် ကန်ဒေါ်လာ ၄ ဒသမ ၃ ဘီလျံခန့်ပို့ကုန်ဝင်ငွေရရှိသဖြင့် ယမန်နှစ်ထက် ကန်ဒေါ်လာ ၁ ဒသမ ၁၃ ဘီလျံခန့် တိုးလာကြောင်း စာရင်းများအရ သိရသည်။

ယင်းအပြင် သွင်းကုန်တန်ဖိုးမှာလည်း အမေရိကန်ဒေါ်လာ ၇ ဒသမ ၁၂ ဘီလျံ ရရှိထားပြီး ယမန်နှစ်ကာလတူတွင် ကန်ဒေါ်လာ ၅ ဒသမ ၂၅ ဘီလျံသွင်းကုန်တန်ဖိုးရရှိထားပြီး ယမန်နှစ်ထက် ၁ ဒသမ ၈၇ ဘီလျံတိုးလာကြောင်းသိရသည်။

ကုန်သွယ်မှုဆောင်ရွက်ရာတွင် မြန်မာနိုင်ငံမှ လယ်ယာထွက်ကုန်များ၊ တိရစ္ဆာန်ထွက်ပစ္စည်းများ၊ သတ္တုတွင်းထွက်များ၊ သစ်တောထွက်ကုန်များ၊ စက်မှုကုန်ချောများ တင်ပို့ခဲ့ပြီး လူသုံးကုန်ပစ္စည်း၊ လုပ်ငန်းသုံးကုန်ကြမ်းများ၊ ရင်းနှီးမြှုပ်နှံမှုကုန်ပစ္စည်းများကို မြန်မာနိုင်ငံသို့ အများဆုံးတင်သွင်းခဲ့ခြင်းဖြစ်ကြောင်း သိရသည်။

#ymg/sth
#Yangon_Media_Group