#Local_News
Published_ 6 January 2023

အကျဉ်းထောင်အတွင်းရှိ တီဘီလူနာ၊ HIV လူနာများအသည်းရောင်အသားဝါ B ပိုး၊ C ပိုးရှိသူများကို ရှာဖွေဆေးကုသပေးနေပြီး ဆီးချို၊သွေးတိုးလူနာများအတွက်လည်း လိုအပ်သောဆေးဝါးများပေးသွားမည်ဖြစ်ကြောင်း ကျန်းမာရေးဝန်ကြီးဌာနမှ သိရသည်၊၊

ယင်းကဲ့သို့ ဆောင်ရွက်ပေးလျက်ရှိကြောင်းကို အကျဉ်းထောင်များတွင် ကျန်းမာရေးစောင့်ရှောက်မှုဆိုင်ရာ လုပ်ငန်းညှိနှိုင်းဆွေးနွေးပွဲ၌ ပြည်ထောင်စုဝန်ကြီး ဒေါက်တာသက်ခိုင်ဝင်း၏ ပြောကြားချက်အရ သိရခြင်းဖြစ်သည်၊၊

ပြည်ထောင်စုဝန်ကြီးက အချုပ်ထောင်များနှင့်အကျဉ်းထောင်များတွင်ရှိသည့်အကျဉ်းသားများအတွက် ကိုဗစ်ကာကွယ်ထိန်းချုပ်ရေးများဆောင်ရွက်ပေးလျက်ရှိကြောင်း၊ မကြာမီ အကျဉ်းထောင်များတွင် မကူးစက်စေသည့်ရောဂါများဖြစ်သော ဆီးချို သွေးတိုးရောဂါဖြစ်နေသူများအတွက် ဆေးနှင့်ဆေးပစ္စည်းများမပြတ်လတ်အောင် စီစဉ်ထားရှိပေးရန်လိုအပ်ကြောင်း၊ အကျဉ်းထောင်အတွင်း တီဘီလူနာများကို စောင့်ရှောက်နိုင်ရန် အင်းစိန်အကျဉ်းထောင်တွင် တီဘီလူနာဆောင်ဖွင့်ထားကြောင်း၊ အလားတူ အခြားအကျဉ်းထောင်များ၏ အဝင်ဝတွင် တီဘီ HIV ရောဂါ ရှာဖွေကုသမှုလုပ်ငန်းများ ဆောင်ရွက်လျက်ရှိကြောင်း ပြောကြားသည်၊၊

ဆက်လက်၍ အကျဉ်းထောင်နှင့်အလုပ်စခန်းများသို့ Mobile Teamနဲ့သွားပြီးတီဘီလူနာရှာဖွေခြင်းလုပ်ငန်းများလည်းဆောင်ရွက်လျက်ရှိကြောင်း၊ထောင်အဝင်ကျန်းမာရေးစစ်ဆေးခြင်း၌ HIV ပိုးရှိမရှိ၊ တီဘီရှိမရှိစစ်ဆေးခြင်းအပြင် အသည်းရောင်အသားဝါ B ပိုး၊ C ပိုးရှိမရှိကိုလည်း ကျန်းမာရေးဝန်ကြီးဌာနက အကျဉ်းထောင်များတွင်ဆောင်ရွက်သွားမည်ဖြစ်ကြောင်း၊ အကျဉ်းထောင်အတွင်းကိုယ်ဝန်ဆောင်မိခင်နှင့်ကလေးစောင့်ရှောက်ရေးလုပ်ငန်းများလည်း ဆောင်ရွက်သွားမည်ဖြစ်ကြောင်း ပြည်ထောင်စုဝန်ကြီးဒေါက်တာသက်ခိုင်ဝင်းက ထည့်သွင်းပြောခဲ့သည်၊၊

#ymg/tthl
#Yangon_Media_Group

#Local_News
Published _6 January 2022

ရှမ်းပြည်နယ်၊ မူဆယ်မြို့နယ်၊ နမ့်ခွမ်ကျေးရွာအနီး၊ မူဆယ်-လားရှိးပြည်ထောင်စုလမ်းမကြီးတွင် ယာဉ်တိမ်းမှောက်မှုတစ်ခု ယနေ့ ဇန်နဝါရီလ ၆ ရက် နံနက်ပိုင်းက ဖြစ်ပွားရာယာဉ်အတွင်း ညပ်‌နေသည့် ယာဉ်မောင်းအား ကယ်ထုတ်ခဲ့ရကြောင်း မြန်မာနိုင်ငံ မီးသတ်တပ်ဖွဲ့က သိရသည်။

မူဆယ်-လားရှိးပြည်ထောင်စုလမ်းမကြီး၊ လက်ပံပင်ကွေ့၊ မိုင်တိုင်အမှတ်(၂၇၉/၄) တွင် AJ Dong Feng (၂၂)ဘီး(အနီရောင်)ယာဉ် တစ်စီး အရှိန်မထိန်းနိုင်ဘဲ လမ်းဘေးရှိ ရေမြောင်းအတွင်းသို့ ထိုးကျတိမ်းမှောက်မှုဖြစ်ပွားခဲ့ခြင်း ဖြစ်သည်။

ယင်းအခင်းဖြစ်ရာနေရာသို့ မူဆယ်ခရိုင်မီးသတ်စခန်းမှ သန္ဓေမီးသတ်တပ်ဖွဲ့ဝင်များက ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ကြကြောင်း၊ ယာဉ်ခေါင်းခန်းတွင် ညပ်မိနေသူ ယာဉ်မောင်း ကျား(၁)ဦးအား (အသက်ရှင်)လျက် ကယ်ထုတ်နိုင်ခဲ့ပြီး မြင့်မြတ် ပါရမီလူမှုကူညီရေးအသင်းယာဉ်ဖြင့် မူဆယ်မြို့နယ်ပြည်သူ့ဆေးရုံသို့ ကူညီပို့ဆောင်ပေးခဲ့ကြောင်း သိရသည်။

#ymg/mt
#Yangon _Media_Group

#Local_News
Published_5 January 2023

အသက် ၆၅ နှစ်နဲ့အထက် ခိုကိုးရာမဲ့ဘိုးဘွားတွေကို ရန်ကုန်တိုင်းဒေသကြီး ဒဂုံမြို့သစ်(တောင်ပိုင်း)၊ ၁၄၆ ရပ်ကွက်၊ သံ လွင် ၃ လမ်းမှာ ရှိတဲ့ Saved The Aged မှာ စောင့်ရှောက်ပေးနေတယ်လို့ သိရပါတယ်။

#Yangon_Media_Group

#Local_News
Published_5 January 2023

လက်ရှိပြည်တွင်းခရီးသွားလုပ်ငန်းလည်ပတ်မှုဟာ ရာခိုင်နှုန်းအားဖြင့်ကြည့်မယ်ဆိုရင် နည်းနေသေးတယ်လို့ ပြည်တွင်းခရီးသွားကုမ္ပဏီတွေရဲ့ ပြောပြချက်အရ သိရပါတယ်။

#Yangon_Media_Group

#Local_News
Published_5 January 2023

ကျောက်စိမ်း၊ ကျောက်မျက်ရတနာအပါအဝင် သတ္တုတွင်းထွက်ပစ္စည်းတွေ ပြည်ပတင်ပို့မှုကနေ အမေရိကန်ဒေါ်လာ ၂၁၉ ဒသမ ၈၃ သန်းရရှိထားတယ်လို စီးပွားရေးနှင့်ကူးသန်းရောင်းဝယ်ရေးဝန်ကြီးဌာနရဲ့ ကုန်သွယ်မှုစာရင်းဖော်ပြချက်အရ သိရပါတယ်။

#Yangon_Media_Group

#Local_News
Published_ 5 January 2023

ဆီးချိုသွေးချိုဝေဒနာရှင်တွေအနေနဲ့ ပုံမှန်သောက်နေကျဆေးဝါးတွေမပြတ်ရအောင် မွန်ပြည်နယ်အပါအဝင်တစ်နိုင်ငံလုံးမှာ ဆီးချိုသွေးချိုဆေးဝါးတွေအခမဲ့ပေးနိုင်အောင် ဆောင်ရွက်လျက်ရှိတယ်လို့ ကျန်းမာရေးဝန်ကြီးဌာနမှ သိရပါတယ်၊၊

#Yangon_Media_Group