#LocalNews
Published_10 October 2022
တိုင်းရင်းသားလက်နက်ကိုင် အဖွဲ့အစည်းအားလုံးနှင့် လေးလအတွင်း တွေဆုံဆွေးနွေးလိုကြောင်း ရှမ်းပြည်ပြန်လည်ထူထောင်ရေးကောင်စီ (RCSS) ၏ ဗဟိုအလုပ်အမှုဆောင်ကော်မတီ က အောက်တိုဘာလ ၁၀ ရက် (ယနေ့)တွင် ကမ်းလှမ်းချက်ထုတ်ပြန်လိုက်သည်။
လက်ရှိနိုင်ငံရေး၊ စစ်ရေး ပဋိပက္ခများကြောင့် နေရပ်စွန့်ခွာသည့် ပြည်တွင်း၊ ပြည်ပ စစ်ပြေးရှောင်များ အမြောက်အများရှိခြင်း၊ စီးပွားရေးကျဆင်းခြင်း၊ စိုက်ပျိုးရေးသီးနှံများ ဈေးကွက်မရှိခြင်း၊ စားဝတ်နေရေးကျပ်တည်းခြင်း၊ ခရီးသွားလာရေးခက်ခဲခြင်းတို့ မြေဇာပင် ပြည်သူများစွာ အတိဒုက္ခရောက်နေခဲ့ရကြောင်း၊ရှမ်းပြည်ပြန်လည်ထူထောင်ရေးကောင်စီ (RCSS) အနေဖြင့် တွေ့ဆုံဆွေးနွေးခြင်း နည်းလမ်းဖြင့် လက်ရှိ နိုင်ငံရေး၊ စစ်ရေး ပြဿနာများ ဖြေရှင်းရန် ပေါ်လစီချမှတ်ထားခြင်းဖြစ်ကြောင်း၊ တွေ့ဆုံဆွေးနွေးခြင်းမှတစ်ဆင့် အပြန်အလှန် ဝင်ထွက်သွားလာ ဆက်ဆံနိုင်ရေး၊အထင်မှားမှုများကို လျှော့ချနိုင်ရေး၊ နားလည်မှုရှိရေး၊ ယုံကြည်မှုတည်ဆောက်နိုင်ရေးနှင့် လူထု၊တိုင်းပြည်အကျိုးအတွက် နိုင်ငံရေးနည်းလမ်းဖြင့် နိုင်ငံရေးပြဿနာများ ဖြေရှင်းနိုင်ရေးတို့အတွက် ရည်ရွယ်ခြင်း ဖြစ်ကြောင်းလည်း အဆိုပါထုတ်ပြန်စာတွင် ပါရှိသည်။
ယင်းတို့အနေဖြင့် အဖွဲ့အစည်းအားလုံးနှင့် တွေ့ဆုံဆွေးနွေးခြင်းမှ မဟာမိတ်ဖြစ်လာနိုင်ရေး၊ စည်းလုံးညီညွတ်မှု တည်ဆောက်နိုင်ရေးနှင့် ဖက်ဒရယ်ပြည်ထောင်စု တည်ဆောက်နိုင်ရေး အထိ ဆောင်ရွက်နိုင်မည်ဟု ယုံကြည်သောကြောင့်ဖြစ်ကြောင်း ၊ ရှမ်းပြည်နယ်နှင့် ပြည်ထောင်စုအတွင်းရှိ တိုင်းရင်းသားလက်နက်ကိုင် တော်လှန်ရေးအဖွဲ့အစည်းများနှင့် တွေ့ဆုံဆွေးနွေးနိုင်ရေးအတွက် အောက်တိုဘာလ ၁၀ ရက်မှ ၂၀၂၃ ခုနှစ် ဖေဖော်ဝါရီလ ၁၀ ရက်အတွင်း RCSS အနေဖြင့် တွေ့ဆုံဆွေးနွေးမှုရန် သတ်မှတ်ထားကြောင်းလည်း အဆိုပါ ကမ်းလှမ်းစာအရ သိရသည်။
ရှမ်းပြည်ပြန်လည်ထူထောင်ရေးကောင်စီ(RCSS)အနေဖြင့် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) ကို လက်မှတ်ရေးထိုးပြီးသား အဖွဲ့လည်းဖြစ်သည်။
ymg/mt
#Yangon_Media_Group
#LocalNews
Published_10 October 2022
ကိုဗစ်-၁၉ ကာလအလွန် ထိုင်းနိုင်ငံသို့ တရားဝင်လုပ်သားဦးရေ ၅၆၀၀၀ ကျော်စေလွှတ်ခဲ့ကြောင်း အလုပ်သမားဝန်ကြီးဌာန၏ စာရင်းများအရ သိရသည်။
မြန်မာရွှေ့ပြောင်းလုပ်သားများ အလုပ်အကိုင် အခွင့်အလမ်းများ ရရှိနိုင်ရန်အတွက် ကပ်ရောဂါကာလအလွန် MoU လုပ်ငန်းစဉ်များ ပြန်လည်စတင်ခဲ့ပြီး မေ ၁၀ ရက်မှ စက်တင်ဘာ ၂၉ ရက်အထိ MoU အလုပ်သမား စုစုပေါင်း ၅၆,၂၃၇ ဦး စေလွှတ်ခဲ့ကြောင်း သိရသည်။
ပြည်ပနိုင်ငံများသို့ လုပ်သားစေလွှတ်မှုကို ကိုဗစ်ကပ်ရောဂါ ကူးစက်ပျံ့ပွားနေသည့် ၂၀၂၀ ပြည့်နှစ် မတ်လ အတွင်းက ရပ်ဆိုင်းထားခဲ့ရာမှ ယခုအခါ ထိုင်းနိုင်ငံက ပြန်လည်ခေါ်ယူခဲ့ခြင်း ဖြစ်သည်။
လက်ရှိတွင် ပြည်တွင်း၌ အလုပ်အကိုင်ရှားပါးမှုကြောင့် တရားမဝင်သွားရောက်သည့် လုပ်သားအများအပြားရှိနေကြောင်း၊ ယင်းကြောင့် MoU စနစ်ဖြင့် တရားဝင်သွားရောက်လုပ်ကိုင်ပါက သက်ဆိုင်ရာနိုင်ငံတွင် စနစ်တကျ နေထိုင်အလုပ်လုပ်ကိုင်နိုင်ခြင်း၊ အလုပ်သမားများ၏ ရပိုင်ခွင့်နှင့် အခွင့်အရေးများ နစ်နာဆုံးရှုံးမှုမရှိဘဲ ရသင့်ရထိုက်သည့် အခွင့်အရေးများရရှိခံစားနိုင်ခြင်း၊ သက်ဆိုင်ရာနိုင်ငံ၏ တည်ဆဲဥပဒေများနှင့်အညီ အကာအကွယ်ရရှိနိုင်ခြင်း စသည့် အကျိုးကျေးဇူးများ ရရှိနိုင်မည်ဖြစ်ပါကြောင်း အလုပ်သမားသံအရာရှိရုံးမှ အသိပေးထုတ်ပြန်ထားသည်။
ယင်းအပြင် ပြည်ပနိုင်ငံများတွင် တရားဝင်ရွှေ့ပြောင်းလုပ်ကိုင်လိုသူများအတွက် ပြည်တွင်း၌ ဖွင့်လှစ်ထားသော ရွှေ့ပြောင်းလုပ်သားများ ထောက်ပံ့ကူညီရေးဗဟိုဌာနများမှ နည်းလမ်းနှင့် အကြံဉာဏ်များ အခမဲ့ရယူနိုင်ကြောင်းလည်း အသိပေးထားသည်။
#ymg/sth
#Yangon_Media_Group
#Local_News
Published_ 10 October 2022
ကိုဗစ်ကာကွယ်ဆေးအကြိမ်ပြည့်မထိုးထားသည့် ပြည်ပရောက် မြန်မာနိုင်ငံသားများအနေဖြင့် RT PCR /RDTနည်းများဖြင့်ကိုဗစ်စစ်ဆေးရန်မလိုဘဲ မြန်မာနိုင်ငံသို့ ကယ်ဆယ်ရေးလေယာဉ်များဖြင့်လိုက်ပါနိုင်ကြောင်း သိရသည်၊၊
အောက်တိုဘာလ(၈)ရက်စပြီး ကာကွယ်ဆေး အကြိမ်ပြည့်မထိုးထားသည့် မြန်မာနိုင်ငံသားများအနေဖြင့် (၄၈)နာရီအတွင်းကိုဗစ်ကင်းရှင်းကြောင်း စစ်ဆေးချက်အထောက်အထားများပြစရာမလိုဘဲကယ်ဆယ်ရေးလေယာဉ်များဖြင့် မြန်မာနိုင်ငံသို့ဝင်ရောက်နိုင်မည်ဟု ကျန်းမာရေးဝန်ကြီးဌာနကထုတ်ပြန်ထားသည်၊၊
ယခင်က ကိုဗစ်ကာကွယ်ဆေးအကြိမ်ပြည့်ထိုးထားသည့်မြန်မာနိုင်ငံသားများကိုခွင့်ပြုခဲ့ခြင်းဖြစ်ပြီး ယခုအခါတွင် ကိုဗစ်ကာကွယ်ဆေးအကြိမ်ပြည့် မထိုးထားသူများကိုလည်း ကိုဗစ်စစ်ဆေးစရာမလိုဘဲကယ်ဆယ်ရေးလေယာဉ်ဖြင့်လိုက်ပါခွင့်ပြုလိုက်ခြင်းဖြစ်သည်၊၊
ကာကွယ်ဆေးအကြိမ်ပြည့်မထိုးထားသည့် မြန်မာ နိုင်ငံသားများအနေဖြင့် ကိုဗစ်စစ်ဆေးစရာမလိုဘဲ မြန်မာနိုင်ငံသို့ ဝင်ရောက်နိုင်မည်ဖြစ်သော်လည်း မြန်မာနိုင်ငံကိုဆိုက်ရောက်လာပါကမြန်မာနိုင်ငံတွင် ကိုဗစ်စစ်ဆေးရမည်ဖြစ်ကြောင်းသိရသည်၊၊
မြန်မာနိုင်ငံသို့ ရောက်ရှိပြီး(၁)ရက်မြောက်နေ့တွင် RDTဖြင့်လည်းကောင်း၊(၃)ရက်မြောက်နေ့တွင် RT-PCRနည်းဖြင့်လည်းကောင်းကိုဗစ်စစ်ဆေးမည် ဖြစ်ပြီး အသွားအလာကန့်သတ်ခြင်းကွာရန်တင်း(၅) ရက်ဆောင်ရွက်မည်ဖြစ်ကြောင်းထုတ်ပြန်ချက်တွင် ဖော်ပြပါရှိသည်၊၊
ကိုဗစ်ပိုးတွေ့ရှိသူများကို ရောဂါအတည်ပြုလူနာများထားရှိသည့် ဆေးရုံ၊ကုသရေးစင်တာ၊ဟိုတယ်များသို့ ပို့ဆောင်၍ကျန်းမာရေးစောင့်ရှောက်မှုခံယူရမည်ဖြစ်ပြီး ပုဂ္ဂလိကဆေးရုံနှင့် သတ်မှတ်ဟိုတယ်များတွင် ကျန်းမာရေးစောင့်ရှောက်မှုခံယူလိုပါက မိမိတို့ အစီအစဉ်ဖြင့်ဆောင်ရွက်ရမည်ဖြစ်ကြောင်း ကျန်းမာရေးဝန်ကြီးဌာနကထုတ်ပြန်ထားသည်၊၊
ymg/tthl
#Yangon_Media_Group
TV Yangon Times Matters အစီအစဉ်
Published - 9 Oct 2022
အစီအစဉ်တင်ဆင်သူ ဆရာဟိန်းလတ်က ဦးဌေးအောင်(ရုပ်ရှင်သရုပ်ဆောင်ဒါရိုက်တာ)နှင့်အတူ
-"၁၉၅၄ ခုနှစ်က အနုပညာအလုပ်စလုပ်ခဲ့တာ အနုပညာသက်တမ်း ၆၈ နှစ်ရှိပြီဖြစ်ကြောင်းအသံတိတ်ရုပ်ရှင်ခေတ်လည်း မီခဲ့သူဖြစ်ကြောင်း
-ယဉ်ကျေးမှုတက္ကသိုလ်မှ ဂုဏ်ထူးဆောင် ပါမောက္ခဝိဇ္ဇာဘွဲ့ရခဲ့ယူပြီး အနုပညာသင်တန်း(၁၂)ခုတွင် သင်တန်းပို့ချ ပေးလျှက်ရှိပြီး ရုပ်ရှင်သရုပ်ဆောင်များစွာ မွေးထုတ်ပေးလျှက်ရှိကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။
#Yangon_Media_Group
TV Yangon Times Matters အစီအစဉ်
Published - 9 Oct 2022
အစီအစဉ်တင်ဆင်သူ ဆရာဟိန်းလတ်က ဦးဌေးအောင်(ရုပ်ရှင်သရုပ်ဆောင်ဒါရိုက်တာ)နှင့်အတူ
-"၁၉၅၄ ခုနှစ်က အနုပညာအလုပ်စလုပ်ခဲ့တာ အနုပညာသက်တမ်း ၆၈ နှစ်ရှိပြီဖြစ်ကြောင်းအသံတိတ်ရုပ်ရှင်ခေတ်လည်း မီခဲ့သူဖြစ်ကြောင်း
-ယဉ်ကျေးမှုတက္ကသိုလ်မှ ဂုဏ်ထူးဆောင် ပါမောက္ခဝိဇ္ဇာဘွဲ့ရခဲ့ယူပြီး အနုပညာသင်တန်း(၁၂)ခုတွင် သင်တန်းပို့ချ ပေးလျှက်ရှိပြီး ရုပ်ရှင်သရုပ်ဆောင်များစွာ မွေးထုတ်ပေးလျှက်ရှိကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။
#Yangon_Media_Group
#LocalNews
Published-9 October 2022
ယနေ့ အောက်တိုဘာလ ၉ ရက်နေ့မှာတော့ ပြည်တွင်းစက်သုံးဆီဈေးနှုန်းတွေဟာ ပြန်လည်မြင့်တက်လာပြီး 92 တစ်လိတာကို ၂၀၀၀ အထက် ပြန်လည်ရောက်ရှိလာတယ်လို စက်သုံးဆီအရောင်းဆိုင်တွေရဲ့ဈေးနှုန်းအရ သိရပါတယ်။
#Yangon_Media_Group
Page 1367 of 1886
