Published_ 23 August 2023
မန္တလေးတိုင်းဒေသကြီး၊အမရပူရမြို့နယ်၊ ရတနာပုံတက္ကသိုလ်အနီး နေအိမ်တစ်အိမ်တွင်မီးလောင်မှုဖြစ်ခဲ့၍ လေဖြတ်နေသူ ၁ဦးအပါအဝင် လူ ၃ ဦး သေဆုံးခဲ့ကြောင်း လူမှုကူညီရေးအသင်းကသိရသည်။
အမရပူရမြို့နယ်၊ ရတနာပုံတက္ကသိုလ်အနီး၊တောင်သမန်ကျေးရွာအုပ်စု၊ အိုးဘိုရွာရှိ နေအိမ်တစ်အိမ်တွင်ဩဂုတ်၂၂ ရက်၊ ည ၁၁ နာရီကျော်က မီးလောင်ကျွမ်းမှုဖြစ်ခဲ့၍ ယင်းအိမ်ရှိ လေဖြတ်လူနာ ၁ဦးအပါအဝင် သေဆုံးသူ ၃ဦးခဲ့ကာ သေဆုံးသူများတွင် မီးလောင်ဒဏ်ရာများတွေ့ရကြောင်းလည်းသိရသည်။
"မီးဘယ်က စလောင်တာလဲမသိရသေးဘူး။ မီးသတ်ဘက်က စစ်ဆေးနေတယ်။ မီးလောင်မှုဖြစ်တဲ့အချိန် အပြင်မှာ မိုးတွေလည်းသည်းနေတယ်"ဟု လူမှုကူညီရေးအသင်းကသိရသည်။
မီးလောင်မှု ဖြစ်ပွားတဲ့ နေရာသို့ မီးသတ်တပ်ဖွဲ့၊ လူမှုကူညီရေးအဖွဲ့ဝင်များနှင့် ပရဟိတအဖွဲ့များ သွားရောက်ကူညီ ငြိမ်းသတ်ပေးခဲ့ကြောင်းသိရသည်။
#Yangon-Times/PP
#Local_News
#YMG #Yangon_Times
