Published_ 5 September 2023
ပြည်ထောင်စုရွေးကောက်ပွဲကော်မရှင်(UEC)အနေဖြင့် လာမည့်ရွေးကောက်ပွဲ၌အသုံးပြုမည့် မြန်မာအီလက်ထ ရောနစ်မဲပေးစက်အကြောင်းနှင့်အသုံးပြုပုံကို မှတ်ပုံတင်ခွင့်ပြုထားသော နိုင်ငံရေးပါတီ(၃၆)ပါတီကိုမိတ်ဆက်ပေးခဲ့ပြီးလက်တွေ့သရုပ်ပြပေးခဲ့ကြောင်းသိရသည်။
အဆိုပါ မိတ်ဆက်လက်တွေ့သရုပ်ပြသည့်အခမ်းအနားကို ရွေးကောက်ပွဲကော်မရှင်မှကြီးမှူး၍ ဩဂုတ်လ(၅) ရက်တွင် ရန်ကုန်တိုင်းဒေသကြီးအစိုးရအဖွဲ့အစည်းအဝေးခန်း၌ ကျင်းပခဲ့ခြင်းဖြစ်သည်။
အခမ်းအနားကိုလာရောက်တက်ရောက်သည့်ဒီမိုကရက်တစ်ပါတီဒုဥက္ကဌ ဦးတင်ရွှေက ‘‘အရင်တုန်းက အသုံးပြုခဲ့တဲ့မဲစနစ်ဟာ တံဆိပ်တုံးထုတဲ့အခါ အကွက်ကကျော်သွားရင် အငြင်းပွားဖွယ်တွေရှိခဲ့ပြီး အခုမြန်မာအီလက်ထရော်နစ်မဲပေးစက်ဟာ အငြင်းပွားဖွယ်မရှိတော့သလို အသုံးပြုရတာလွယ်ကူတဲ့အတွက် အဆင်ပြေတယ်’’ဟု ပြောသည်။
ယခုမိတ်ဆက်ပေးသည့် မြန်မာအီလက်ထရော်နစ်မဲပေးစက်သည် လျှပ်စစ်မီးမရှိသောဒေသများတွင် အသုံးပြုနိုင်မည်ဖြစ်သောကြောင့် ဝေးလံခေါင်ဖျားသောဒေသများမှ တိုင်းရင်းသားပြည်သူများအတွက် အဆင်ပြေနိုင်မည်ဖြစ်ကြောင်း အာခါအမျိုးသားဖွံ့ဖြိုးတိုးတက်ရေးပါတီဥက္ကဌ ဦးထွန်းအောင်ကလည်း ပြောသည်။
မြန်မာအီလက်ထရောနစ်မဲပေးစက်သည် ဘက်ထရီနှင့်အသုံးပြုနိုင်ပြီး ဆိုင်ကယ်ဘက်ထရီအပါအဝင်12Vရှိ သောဘက်ထရီတိုင်းဖြင့်အသုံးပြုနိုင်မည်ဖြစ်ကြောင်း ရွေးကောက်ပွဲကော်မရှင်ဥက္ကဌနှင့်ရွေးကောက်ပွဲ ကော်မရှင်မှဒုတိယညွှန်ကြားရေးမှူးချုပ်တို့မှထည့်သွင်းပြောကြားခဲ့သည်။
မြန်မာအီလက်ထရော်နစ်မဲပေးစက်ဟာ အသုံးပြုရလွယ်ပြီး မီးစိမ်းလားအရင်ကြည့်ပြီး မီးစိမ်းပါက မိမိကြိုက်နှစ်သက်သောပါတီရှိသည့်အပြာရောင်ခလုတ်ကို တစ်ချက်နှိပ်ပေးလိုက်ရုံနဲ့မဲပေးပြီးသားဖြစ်မည် ဖြစ်သည်။
ယခုမိတ်ဆက်ပေးလိုက်သော မြန်မာအီလက်ထရောနစ်မဲပေးစက်သည် ရွေးကောက်ပွဲတစ်ခုတည်းသာမက နောက်ပိုင်းအချိန်များတွင်ကျင်းပပြုလုပ်မည့် ရွေးကောက်ပွဲများ၊ကြားဖြတ်ရွေးကောက်ပွဲများ၊စည်ပင်ရွေးကောက်ပွဲများတွင်လည်း ပြန်လည်အသုံးပြုနိုင်မည်ဖြစ်သောကြောင့် ရွေးကောက်ပွဲကုန်ကျစရိတ်တွေကိုလည်းခြွေတာနိုင်မည်ဖြစ်ကြောင်း သိရသည်။
Yangon_Time/tthl
#Local_News
#YMG #Yangon_Times
မျှင်ဖမ်းရာသီချိန် စောသိမ်းရတဲ့အတွက် ယခုနှစ်မျှင်ငါးပိ ကုန်ရှားပါးနေ
ပြီးခဲ့တဲ့ မျှင်ဖမ်းရာသီချိန်မှာ ဖမ်းဆီးရမယ့်ကာလထက် တစ်လကျော်စော သိမ်းခဲ့ရတာကြောင့် ဈေးကွက် အတွင်းမျှင်ငါးပိကုန်ရှားပါးမှုနဲ့ ကြုံတွေနေရတယ်လို့ ငါးပိအရောင်းဝယ်ပြုလုပ်သူတွေထံက သိရပါတယ်။
#Yangon_Times/LW
#Local_News
#Published_ 5 September 2023
#YMG #Yangon_Times
လက်ဝှေ့ထိုးခြင်းမှ မနားမယူခင် ဒေဝနှင့်ဖြစ်စေ ပရွမ်ဆွမ်နန်နှင့်ဖြစ်စေ တစ်ပွဲထိုးသတ်ချင်သေးဟု ထွန်းထွန်းမင်းပြော
ထွန်းထွန်းမင်းက သူတို့နှစ်ယောက်ထဲက ဘယ်သူနိုင်နိုင် ကျွန်တော်လက်ဝှေ့အနားမယူခင် တစ်ပွဲလောက် ဆုံချင်သေးတယ်
#Yangon_Times/MY
#Local_News
#Published_ 5 September 2023
#YMG #Yangon_Times
ကြိုတင်မှာပြီး ဝယ်ထားတဲ့ EV ကားတွေ ဝယ်သူလက်ထဲမရောက်သေးတာကြောင့် တိုင်ကြားသူတွေ ရှိလာနေတယ်လို့ ရန်ကုန်မှာ ရှိတဲ့ မော်တော်ကားရောင်းဝယ်ရေးအသင်း (ဗဟို) က သိရပါတယ်။
#Yangon_Times/pp
#Local_News
#Published_ 5 September 2023
#YMG #Yangon_Times
တရုတ်- မြန်မာ နယ်စပ် မူဆယ် ၁၀၅ မိုင် ကုန်သွယ်ရေးဇုန်မှာ ရှိတဲ့ ကျင်စန်းကျော့ ဂိတ်ပေါက်ကနေ တရုတ်နိုင်ငံကို တွဲကား အစီး ၃၀၀ ကျော်နဲ့ ကုန်ကူးသန်းရောင်းဝယ်တာတွေ နေ့တိုင်း လုပ်နေတယ်လိုသိရပါတယ်။
#Yangon_Times/pp
#Local_News
#Published_ 5 September 2023
#YMG #Yangon_Times
ပြည်တွင်းရွှေဈေးကွက်တွင် အခေါက်ရွှေတစ်ကျပ်သားလျှင် ပျှမ်းမျှ၂ သိန်း ခန့်ကျဆင်းလာ ဟုဆို
ပြည်တွင်းရွှေဈေးကွက်မှာ ရွှေအရောင်းအဝယ် အေးစက်နေတဲ့အပြင် အခေါက်ရွှေတစ်ကျပ်သားကို ပျှမ်းမျှ အနေနဲ့ ၂ သိန်း နီးပါး ကျဆင်းလာနေတယ်လို ရန်ကုန်တိုင်း ရွှေလုပ်ငန်းရှင်အသင်းက သိရပါတယ်။
#Yangon_Times/pp
#Local_News
#Published_ 5 September 2023
#YMG #Yangon_Times
Published-5 September 2023
မွန်ပြည်နယ်၊ သံဖြူဇရပ်မြို့တွင် ဆိုင်ကယ်နှင့် ကားဝင်တိုက် မိ၍ ဆိုင်ကယ်ပေါ်ပါ ၂ဦး ပွဲချင်းပြီးသေဆုံးခဲ့ကြောင်း စေတနာရှင်လူမှုကယ်ဆယ်ရေးအသင်းကသိရသည်။
စက်တင်ဘာလ ၅ရက် နံနက် ၈နာရီ ၄၀မိနစ်အချိန်က စွပ်ပလောင်ကျေးရွာအနီးရှိ သံဖြူဇရပ်-ရေးသွားလမ်းမကြီးပေါ်မှာ ကားနှင့်ဆိုင်ကယ်ဝင် မျက်နှာချင်းဆိုင် တိုက် မိခဲ့၍ဆိုင်ကယ်ပေါ်ပါ ၂ ဦးသေဆုံးခဲ့ကြောင်း သိရသည်။
"ဆိုင်ကယ်တို့ မျက်နှာချင်းဆိုင်တိုက်တာမှာ၂ယောက်က နေရာမှာပဲသေသွားပါတယ်"ဟု အသင်းကဆိုသည်။
အဆိုပါယာဉ်တိုက် မှုဖြစ်စဉ်ကြောင့် ဆိုင်ကယ်စီးနင်းလာသူ အမျိုးသားတစ်ဦးနှင့် အမျိုးသမီးတစ်ဦးတို့ အခင်းဖြစ်ပွားရာနေရာ၌ ပွဲချင်းပြီးသေဆုံးခဲ့ကြောင်း သိရသည်။
#Yangon-Times/PP
#Local_News
#YMG #Yangon_Times
Page 1143 of 2278
