#TV Yangon Times Matters အစီအစဉ်
Published_ 26 March 2023

အစီအစဉ်တင်ဆင်သူ ဆရာဟိန်းလတ်က ဒေါ်လွင်မီမီကို(ဦးမေတ္တာ၏ဇနီး) သက်လျာမိုး(ဦးမေတ္တာသမီး)နှင့်အတူ

- "ဦးမေတ္တာနဲ့က ညီမ(၉)တန်းအရွယ်က စတွေ့ခဲ့တာ။ပွဲကြိုက်သူဆိုတော့ဦးမေတ္တာပြတ်လုံးပျက်တဲ့ပွဲတိုင်းမှာ‌ အားပေးဖြစ်ခဲ့ပြီး ပန်းကုံးစွပ်ပေးခဲ့ပြီး ညီမ အသက်( ၂၄)နှစ် ဦးမေတ္တာ (၄၂)နှစ်မှာအိမ်ထောင်ကျခဲ့တာဖြစ်ကြောင်း

-ဦးမေတ္တာမရှိတဲ့အချိန် အလုပ်တစ်ခုလုပ်ရမယ်ဆိုပြီး စဉ်းစားမိတော့ကိုယ်ဝါသနာပါတဲ့အလုပ်လည်းဖြစ်တဲ့ အခမ်းအနားမှူးအဖြစ် လုပ်ကိုင်ဆောင်ရွက်ပေးဖြစ်နေတဲ့အကြောင်း

-ဦးမေတ္တာအရိပ်အောက်မှာရှိနေတဲ့စိတ်လေးဖြစ်အောင်"မေတ္တာရိပ်"ဆိုတဲ့ အဖွဲ့လေးဖွဲ့ထားဖြစ်ပြီး မတူညီတဲ့နေရာတွေမှာ လစဉ်လတိုင်းအလှူလေးတွေလှူပေးဖြစ်နေတဲ့အကြောင်း"စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။
#TV Yangon Times Matters #ဆရာဟိန်းလတ်(စာရေးဆရာ) #YMG #Yangon_Media_Group

#LocalNews
Published -26 March 2023

မလေးရှားနိုင်ငံ ဓမ္မဆာရာတွင်နေထိုင်ပြီးစားသောက်ဆိုင်တွင်အလုပ်လုပ်ကိုင်နေကိုင်သူ မြန်မာနိုင်ငံသား ၁ ဦးသည် အလုပ်လုပ်ရင်း ရုတ်တရက်ကွယ်လွန်သွားကြောင်း နှလုံးလှပရဟိတလူငယ်များအဖွဲ့(ကွာလာလမ်ပူ-မလေးရှား)က သိရသည်။

ကွယ်လွန်သူအမျိုးသားမှာ မကွေးတိုင်း၊ စေတုတ္တရာမြို့နယ်,ဘူးရွာမှအသက် ၂၇ နှစ်အရွယ် ကိုဝင်းဆန်းလင်းဖြစ်ကြောင်း သိရသည်။

ကွယ်လွန်သူကို မတ်လ ၂၅ ရက်က ကွယ်လွန်သူ၏ မိတ်ဆွေများနှင့်အတူ နှလုံးလှမိသားစုမှ  ကွာလာလမ်ပူ,ချဲရတ်ဂျ

ကွာလီသုဿန်သို့ကုသိုလ်ယူပို့ဆောင်ပေးခဲ့ကြောင်းလည်း ယင်းအသင်းက သိရသည်။
#ymg/mt
#Yangon-Media-Group

Published 26 March 2023

မြဝတီကုန်သွယ်ရေးဇုန်အား  မတ်လ (၂၅)ရက်က KKO (ခွဲထွက်)အဖွဲ့နှင့် PDFအဖွဲ့တို့ လာရောက်ပစ်ခတ်တိုက်ခိုက်ခဲ့သဖြင့် ဌာနဆိုင်ရာဝန်ထမ်း တစ်ဦးနှင့် ဒေသခံပြည်သူတစ်ဦးတို့သေဆုံးခဲ့ကြကြောင်း နစက၏သတင်းထုတ်ပြန်ချက်အရသိရှိရပါတယ်။

ဖြစ်စဉ်မှာ မြဝတီကုန်သွယ်ရေးဇုန်အား မတ် ၂၅ ရက် နံနက် ၆ နာရီခွဲခန့်တွင်KKO(ခွဲထွက်)အဖွဲ့နှင့် PDF များက ကုန်သွယ်ရေးဇုန်၏ အနောက်ဘက် မီတာ ၂၀၀ ခန့်အကွာမှနေ၍ လက်နက်ကြီး/လက်နက်ငယ်များဖြင့် ပစ်ခတ်တိုက်ခိုက်ခဲ့သဖြင့် ပတ်ဝန်းကျင်တစ်ဝိုက်တွင် လုံခြုံရေးလုပ်ငန်းများဆောင်ရွက်လျက်ရှိသည့် လုံခြုံရေးတပ်ဖွဲ့ဝင်များက ပြန်လည်ပစ်ခတ်တိုက်ခိုက်ခဲ့ရာ လက်နက်ကိုင်များ တောင်ဘက်သို့ ဆုတ်ခွာထွက်ပြေးသွားခဲ့တယ်လို့ သတင်းမှာဖော်ပြထားပါတယ်။

ထိုကဲ့သို့ လာရောက်ပစ်ခတ် တိုက်ခိုက်မှုကြောင့် ဌာနဆိုင်ရာဝန်ထမ်း ၁ ဦးနှင့် ဒေသခံပြည်သူ ၁ ဦး သေဆုံးခဲ့ပြီး လုံခြုံရေးတပ်ဖွဲ့ဝင်အချို့ထိခိုက်ကျဆုံးဒဏ်ရာများ  ရရှိခဲ့ကာ ကုန်သွယ်ရေးဇုန် အဆောက်အဦ နှင့် X- Ray စက်တို့ မီးလောင်ပျက်စီးခဲ့ကြောင်းလည်းသိရှိရပါတယ်။

ထိုသို့ ပစ်ခတ်တိုက်ခိုက်ခဲ့ခြင်းများ လုပ်ဆောင်နေသည့်အပေါ် လုံခြုံရေးတပ်ဖွဲ့ဝင်များက ထိန်းထိန်းသိမ်းသိမ်းဖြင့် တုန့်ပြန်တိုက်ခိုက်ခဲ့ပြီး လုံခြုံရေး တိုးမြှင့်ဆောင်ရွက်လျက်ရှိတယ်လို့လည်း သတင်းထုတ်ပြန်ချက်မှာဖော်ပြထားပါတယ်။

-ymg/knl

#မြဝတီကုန်သွယ်ရေးဇုန်တိုက်ခိုက်ခံရ

#KKO (ခွဲထွက်)အဖွဲ့နှင့် PDF 

#YangonMediaGroup

Published 26 March 2023

 မြန်မာနှင့်တရုတ် နှစ်နိုင်ငံပူးပေါင်းဆောင်ရွက်ဆဲနှင့် ဆက်လက်ဆောင်ရွက်မည့် လျှပ်စစ်စွမ်းအားဆိုင်ရာ စီမံကိန်းများကို ဆက်လက်ကူညီသွားမယ်လို့ တရုတ်အစိုးရကပြောပါတယ်။

တရုတ်ပြည်သူ့သမ္မတနိုင်ငံသို့ သွားရောက်ခဲ့တဲ့ နစက လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီး ဦးသောင်းဟန်ဟာ တရုတ်နိုင်ငံ ဘေဂျင်းမြို့ရှိ အမျိုးသားစွမ်းအင်စီမံအုပ်ချုပ်ရေးအဖွဲ့(National Energy Administration- NEA) နှင့်တွေ့ဆုံစဉ် အဖွဲ့ ဒုတိယဥက္ကဋ္ဌ မစ္စတာရန်ဂျင်းဒန်ကပြောကြားခဲ့တာဖြစ်တယ်လို့ သတင်းထုတ်ပြန်ချက်အရသိရပါတယ်။

နယ်စပ်ဖြတ်ကျော် ဆောင်ရွက်လျက်ရှိတဲ့  စီမံကိန်းတွေကိုလည်း အမြန်ဆုံး အကောင်အထည်ဖော်ဆောင်ရွက်သွားဖို့ကိုလည်း မစ္စတာရန်ဂျင်းဒန်ကပြောပါတယ်။ အဆိုပါ စီမံကိန်းဟာ  နောင်တွင် မြန်မာနိုင်ငံမှ လျှပ်စစ်ဓာတ်အားလိုအပ်ပါက ရောင်းချနိုင်ရန်ဖြစ်ပြီး ပိုမိုထုတ်လုပ်နိုင်ချိန်တွင် ဝယ်ယူရန်ရည်ရွယ်ချက်ဖြင့် ဆောင်ရွက်ခဲ့ခြင်း ဖြစ်တယ်လို့လည်း သူကပြောပါတယ်။

မြန်မာဝန်ကြီး ဦးသောင်းဟန်က ယခုကာလတွင် မြန်မာနိုင်ငံ၌ လျှပ်စစ်ဓာတ်အားလိုအပ်ချက်ရှိနေသော်ငြား ၂၀၂၅ ခုနှစ်တွင် တတ်နိုင်သမျှ လိုအပ်ချက်ကို ထပ်မံဖြည့်ဆည်းနိုင်ရန် စီမံဆောင်ရွက်လျက်ရှိတယ်လို့ ဆွေးနွေးပြောကြားပါတယ်။ အဲဒါကြောင့် မိမိတို့နိုင်ငံ၏ လိုအပ်ချက်များကို ဖြည့်ဆည်းနိုင်ဖို့ အတွက် ရင်းနှီးမြှုပ်နှံရန် လာရောက်သူများကို (NEA) အနေဖြင့် ခွင့်ပြုပံ့ပိုးပေးဖို့၊ လူသားအရင်းအမြစ် ဖွံ့ဖြိုးတိုးတက်စေရန် နည်းပညာဖလှယ်သည့် ဆွေးနွေးပွဲနှင့် သင်တန်းများကိုလည်း ဖိတ်ခေါ်ပေးဖို့ တရုတ်ဘက်ကို မေတ္တာရပ်ခံပြောကြားခဲ့တယ်လို့ သတင်းထုတ်ပြန်ချက်မှာ ဖော်ပြထားပါတယ်။

လျှပ်စစ်ဓာတ်အားလိုအပ်ချက်ကို ဖြည့်ဆည်း နိုင်ရန်အတွက် မြန်မာနိုင်ငံတွင် အများဆုံးဖြစ်သော ရေအားလျှပ်စစ်စီမံကိန်းများကို ထုတ်လုပ်ဆောင် ရွက်ရန် လိုအပ်တယ်လို့ NEA ဒုတိယဥက္ကဋ္ဌက ပြန်လည်ဆွေးနွေးပေးခဲ့ပါတယ်။

ယခု ၂၀၂၃ ခုနှစ်သည် တရုတ်-မြန်မာ သံတမန် ဆက်ဆံမှု (၇၃)နှစ်မြောက် ဖြစ်သကဲ့သို့ တရုတ်-မြန်မာ ပူးပေါင်းဆောင်ရွက်မှု Belt and Road (၁၀)နှစ် ပြည့်မြောက်သောနှစ် ဖြစ်သည့်အလျောက် မဟာဗျူဟာမြောက် ဆက်ဆံရေးများကို နက်နက်ရှိုင်းရှိုင်း တိုးတက်အောင် ဆောင်ရွက်သွားမည်ဖြစ်ပါကြောင်းနှင့် အခွင့်သင့်ပါက NEA အဖွဲ့အနေဖြင့် မြန်မာနိုင်ငံသို့ လာရောက်မည်ဖြစ်ပါကြောင်းလည်း သူကဆက်လက်ပြောကြားခဲ့ပါတယ်။

မြန်မလျှပ်စစ်စွမ်းအားဝန်ကြီးဟာ တရုတ်နိုင်ငံမှာရှိနေစဉ်အတွင်း တရုတ်နိုင်ငံရဲ့ လျှပ်စစ်ဓာတ်အားထုတ်လုပ်မှုလုပ်ငန်း တွေကိုသွားရောက်လေ့လာခဲ့တဲ့အပြင် မြန်မာနိုင်ငံမှာလျှပ်စစ်ကဏ္ဍရင်းနှီးမြှပ်နှံနေတဲ့ တရုတ်ကုမ္ပဏီတွေနှင့်လည်း တွေ့ဆုံခဲ့တယ်လို့ သတင်းထုတ်ပြန်ချက်အရသိရပါတယ်။

လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီး ဦးသောင်းဟန်နှင့်မြန်မာကိုယ်စားလှယ်အဖွဲ့ ဟာ တရုတ်ပြည်သူ့သမ္မတနိုင်ငံ၏ လျှပ်စစ်ဓာတ်အားထုတ်လုပ်နေမှုကို လေ့လာနိုင်ရန် တရုတ်နိုင်ငံ၏ ဖိတ်ကြား ချက်အရ မတ် ၁၇ ရက်မှ ၂၂ ရက်အထိ တရုတ်ပြည်သူ့ သမ္မတနိုင်ငံ ကူမင်းမြို့နှင့် ပေကျင်းမြို့များသို့ သွားရောက်ခဲ့ကြတာဖြစ်ပါတယ်။

-ymg/knl

#လျှပ်စစ်စွမ်းအားဝန်ကြီးဌာနပြည်ထောင်စုဝန်ကြီးဦးသောင်းဟန်တရုတ်နိုင်ငံသွားရောက်လေ့လာ

#တရုတ်နိုင်ငံအမျိုးသားစွမ်းအင်စီမံအုပ်ချုပ်ရေးအဖွဲ့

#မြန်မာ_တရုတ်_လျှပ်စစ်ကဏ္ဍပူးပေါင်းဆောင်ရွက်မှု

#YangonMediaGroup

#LocalNews
+++++++++++++++++++++++++++++++++++
Published_ 25 March 2023

ကမ္ဘာ့ရွှေဈေးဟာ မတ်လ ၂၅ ရက်နေ့မှာ တစ်အောင်စကို ၁၉၇၈ ဒေါ်လာ ဈေးပိတ်ခဲ့ကြောင်း ရွှေဈေးကွက်ထဲမှ သိရပါတယ်။ကမ္ဘာ့ရွှေဈေးဟာ မတ် တတိယအပတ် တစ်ပတ်လုံး ၁၉၀၀ အထက်မှာရှိခဲ့ပြီး မတ်လ၂၄ ရက်နေ့လည်ပိုင်းမှာ ၂၀၀၀ ဝန်းကျင်အထိ မြင့်တက်ခဲ့ပါတယ်။

#YMG#Yangon_Media_Group

#LocalNews
Published_ 25 March 2023

မြဝတီမြို့သင်္ဃန်းညီရဲစခန်း၊ကုန်သွယ်ဇုန် နဲ့ ဌာနဆိုင်ရာ ရုံးတချို့ကို ဒီကနေ့ မတ်လ ၂၅ ရက်နေ့ မနက်ပိုင်းက ဒရုန်းဗုံးနဲ့ တိုက်ခိုက်ခဲ့ကြတယ်လို့ သိရပါတယ်။

#YMG#Yangon_Media_Group