#Local_News
Published 13 June 2026

■ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၏ (၃၁)နှစ်မြောက် နှစ်ပတ်လည်နေ့အထိမ်းအမှတ်စုပေါင်းသွေးလှူဒါန်းပွဲကိုယမာန်နေ့က ပြုလုပ်ခဲ့ကြောင်း သိရသည်။

■ ဇွန် ၁၅ ရက်တွင်ကျရောက်မည့် (၃၁) နှစ်မြောက်နှစ် ပတ်လည်နေ့ကို ကြိုဆိုဂုဏ်ပြုသည့်အနေဖြင့် ဝန်ကြီးရုံးနှင့် ဦးစီးဌာနများမှဝန်ထမ်းများက နေပြည်တော်ပြည်သူ့ဆေးရုံကြီး (ခုတင်-၁၀၀၀) ရှိ သွေးလှူဘဏ်ခန်းမဆောင်၌ စုပေါင်းသွေးလှူဒါန်းခဲ့ကြခြင်းဖြစ်သည်။

■ အဆိုပါ စုပေါင်းသွေးလှူဒါန်းမှုကို လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီးဦးမြင့်ကြိုင်၊ ကျန်းမာရေးဝန်ကြီးဌာန ပြည်ထောင်စုဝန် ကြီးဒေါက်တာသက်ခိုင်ဝင်းနှင့် တာဝန်ရှိသူများကြည့်ရှုအားပေးခဲ့ကြပြီး
ကျန်းမာရေးဝန်ထမ်းများကသွေးလှူဒါန်းမည့် ဝန်ထမ်းများအား သွေးပေါင်ချိန်တိုင်းစစ်ဆေးမှု၊ သွေးအမျိုးအစားခွဲခြားသတ်မှတ်မှုနှင့် သွေးအလှူရှင်အား နည်းပညာအသုံးပြုမှတ်တမ်းတင်နေမှုတို့ကိုကြည့်ရှုပြီး သွေးလှူရှင်များကိုအာဟာရဖြည့်စွက်စာများ ထောက်ပံ့ပေးအပ်ခဲ့ကြ ကြောင်းသိရသည်။

#YMG/NN #Yangon_Times

#Daily_News
Published 13 June 2026

၁။‌ ကုန်သွယ်မှုပမာဏ ဒေါ်လာ ၂၉ ဒဿမ ၁ ဘီလီယံ လျာထားဆောင်ရွက်နေ

‌‎၂။ ‌‌‌‌စားအုန်းဆီရည်ညွန်းဈေး တစ်ပိသာကျပ်(၇၃၀၀)သတ်မှတ်သော်လည်း ပြင်ပပေါက်ဈေး ၁၃၀၀၀ကျပ်အထိရှိနေ

‎၃။‌‌‎ တစ်နိုင်ငံလုံးတွင် ဒူးရင်းစိုက်ဧက ၂၇,၀၀၀ ကျော်စိုက်ပျိုးထား

၄။‎ ‌‌‌‌‌‌‌‌‌အရှေ့အလယ်ပိုင်းတင်းမာမှုများကြောင့် ဂျပန်ထောက်ပံ့ပို့ဆောင်ရေးလုပ်ငန်းလည်ပတ်မှုအခက်အခဲတိုးများစေသည်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 12 June 2026

■ နိုင်ငံတော်သမ္မတ ဦးမင်းအောင်လှိုင်သည် တရုတ်ပြည်သူ့သမ္မတနိုင်ငံ သမ္မတ ရှီကျင့်ဖျင်၏ ဖိတ်ကြားချက်အရ မကြာမီတရုတ်နိုင်ငံသို့ နိုင်ငံတော်အဆင့်ချစ်ကြည်ရေးခရီးသွားရောက် မည်ဖြစ် သည်။

■ အဆိုပါခရီးစဉ်သည် ဇွန်လ ၁၅ ရက်မှ ၁၉ ရက်အထိ ကြာမြင့်မည်ဖြစ်ကြောင်းလည်း တရုတ် ပြည်သူ့သမ္မတနိုင်ငံ နိုင်ငံခြားရေဝန်ကြီးဌာနက သတင်းထုတ်ပြန်ထားသည်။

#Local_News
Published 12 June 2026

■ မုတ်သုံရာသီ အတွင်း ရာသီဥတုဆိုးရွာချိန် ငါးဖမ်းလုပ်ငန်းဆောင်ရွက်နေသူများ ရာသီဥတုခိုလှုံနိုင်မည်နေရာများ အသိပေးထားကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ငါးလုပ်ဦးစီးဌာနမှ အသိပေးထားသည်။

■ မြန်မာ့ပင်လယ်ငါးလုပ်ငန်းရေပြင်ပတွင်း ငါးဖမ်းလုပ်ငန်းလုပ်ကိုင်ဆောင်ရွက်နေသည့် နိုင်ငံသားပိုင် ကမ်းဝေးငါးဖမ်းရေယာဉ်များနင့် ကမ်းနီးငါးဖမ်းရေယာဉ်များအတွက် ရာသီဥတုခိုလှုံနိုင်သည့် နေရာ ၁၃ ခုကို အသိပေးထုတ်ပြန်ထားခြင်းဖြစ်သည်။

■ အဆိုပါနေရာများသည် ရခိုင်ပြည်နယ် စစ်တွေ၊ ပေါက်တော၊ ကျောက်ဖြူ၊ သံတွဲ၊ တောင်ကုတ်၊ ဂွ၊ မြို့နယ် ဧရာဝတီတိုင်း ငပုတော၊ ဘိုကလေး၊ မွန်ပြည်နယ်ရေး၊ တနင်္သာရီတိုင်း လောင်းလုံ၊မြိတ်၊ ကျွန်းစုမြို့နယ်အတွင်း၌ဖြစ်ကြောင်း သိရသည်။

■ မုတ်သုံရာသီအတွင်း ရာသီဥတုဆိုးရွားချိန်များတွင် လှိုင်းဒ-ဏ်လေဒ-ဏ်များ ခိုလှုံနိုင်ရန်အတွက်ရာသီဥတုခိုလှုံနိုင်သည့် နေရာများကို အသိပေးထားခြင်းဖြစ်ကာ ရာသီဥတုခိုလှုံခြင်းကိုအကြောင်းပြု၍ ကမ်းနီးဒေသအတွင်း ငါး၊ပုစွန်ဖမ်းဆီးနေသည်ကို စစ်ဆေးတွေ့ရှိပါကထိရောက်စွာအရေးယူသွားမည်ဖြစ်ကြောင်း အသိပေးထားသည်။

#YMG/NN #Yangon_Times

#Local_News
Published 12 June 2026

■ နိုင်ငံတော် လျှပ်စစ်ဓာတ်အားစနစ်၏ အစိတ်အပိုင်းဖြစ်သည့် ပို့လွှတ်မှုနှင့် ဖြန့်ဖြူးမှု အပိုင်းတို့တွင် ထုတ်လုပ်လျှပ်စစ်ဓါတ်အား၏ ၁၈ရာခိုင်နှုန်းကျော် ယူနစ် (၃၅၅၉ သန်း) သည် ပျှမ်းမျှအားဖြင့် နှစ်စဉ် ဆုံးရှုံးနေကြောင်း လျှပ်စစ်နှင့်စွမ်းအင်ဝန်ကြီးဌာနမှ သိရသည်။

■ အဆိုပါ ဆုံးရှုံးမှုများကြောင့် ပြည်သူများသို့ လျှပ်စစ်ဓာတ်အားပိုမိုဖြန့်ဖြုးပေးနိုင်ခြင်းမရှိသည့်အပြင် နေ့စဉ်ဆုံးရှုံးမှုများ ဖြစ်ပေါ်စေကြောင်းဆိုထားသည်။

■ ထို့အပြင် နည်းပညာပိုင်းဆိုင်ရာ ဆုံးရှုံးမှု နှင့် လူတို့၏ မသမာမှုများကြောင့် ဖြစ်ပေါ်နေသည့် ဆုံးရှုံးမှုများကို လျော့နည်းပပျောက်စေရေးအတွက် အလေးထားကြိုးပမ်းဆောင်ရွက်နေ ကြောင်းလည်းသိရသည်။

■ နည်းပညာဆိုင်ရာဆုံးရှုံးမှုများကို နိုင်ငံတကာတွင် လက်ခံထားသည့် ပျောက်ဆုံးမှုရာခိုင်နှုန်း စံနှုန်းများအတိုင်း ရှိစေရေးအတွက် နည်းပညာပိုင်ဆိုင်ရာ မြှင့်တင်မှုများ၊ ဓာတ်အားလိုင်းနှင့်ထရန်စဖော်မာများကို ပုံမှန်ထိန်းသိမ်းခြင်း၊ smart မီတာများ တပ်ဆင်ခြင်းနင့် လျှပ်စစ်ဓာတ်အားသုံးစွဲမှုကို အချိန်နှင့်တပြေးညီစောင့်ကြည့်သည့်စနစ်များကို အရှိန်အဟုန်မြှင့်တင် ဆောင်ရွက်သွားမည်ဖြစ်ကြောင်း သိရသည်။

■ ထိုကြောင့် လူတို့၏ မသမာမှုများကြောင့် ဆုံးရှုံးမှုများကိုလည်း ဖော်ထုတ်၍ ဥပဒေနှင့်အညီ ထိရောက်စွာဟန့်တားဆောင်ရွက်သွားမည်ဖြစ်ပြီး ပြည်သူများ အနေဖြင့် မသမာပြုလုပ်သူများကို တွေ့ရှိပါကလည်း သတင်ပေးတိုင်ကြားနိုင်ကြောင်းလည်း သိရသည်။

#YMG/NN #Yangon_Times

#Daily_News
Published 11 June 2026

၁။‌ အိန္ဒိယကရူပီး(၁၇)ဒသမ(၇၅)သန်းကျော် တန်ဖိုးရှိစက်ပစ္စည်းကိရိယာများပေးအပ်

‌‎၂။ ‌‌‌‌သဘာဝဘေးအန္တရာယ်ကာကွယ်နိုင်သည့် အကျိုးပြုဧရိယာဒေသအဖြစ်ဆယ်အိမ်တန်းကမ်းခြေကိုဖော်ဆောင်သွားမည်ဟုဆို

‎၃။‌‌‎ ဆန်ဈေးနှုန်းကြီးမြင့်မှုမရှိစေရေး ဆန်ဆိုင်များကိုအဖွဲ့စုံဖြင့်စစ်ဆေးနေ

၄။‎ ‌‌‌‌‌‌‌‌‌ကမ္ဘာ့ဖလားပွဲမတိုင်မီဆန္ဒပြထုတ်ဖော်ရန် အမေရိကန်အလုပ်သမားများပြင်ဆင်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group