#Local_News
Published 13 June 2025

▪️ မတ်လ ၂၈ရက်က ဖြစ်ပွားခဲ့သည့်ငလျင်ဘေးကြောင့် မြန်မာနိုင်ငံ၏ စီးပွားရေး ၂.၅ ရာခိုင်နှုန်း လျော့ကျမည်ဟု ခန့်မှန်းကြောင်း ကမ္ဘာ့ဘဏ်ကထုတ်ပြန်ထားသည်။

▪️ ကမ္ဘာ့ဘဏ်၏ ဇွန်လ ၁၂ ရက်နေ့ရက်စွဲဖြင့် ထုတ်ပြန်လိုက်သည့် မြန်မာ့စီးပွားရေး စောင့်ကြည့်လေ့လာမှုအစီရင်ခံစာတွင် မြန်မာနိုင်ငံအနေဖြင့် ငလျင်ဒဏ်အကျိုးသက် ရောက်မှုကို ဆိုးရွားစွာခံစားခဲ့ရပြီး စီးပွားရေးလုပ်ငန်းများနှင့် အိမ်ထောင်စုများသည် နောက်ဆက်တွဲရိုက်ခက်မှုများကြောင့် ပေါ်ပေါက်လာသည့် စိန်ခေါ်မှုများနှင့် ရင်ဆိုင်ကြုံ တွေ့နေရ ကြောင်း၊ ပြည်တွင်းပဋိပက္ခ၊ လျှပ်စစ်ဓာတ်အားပြတ်တောက်မှု၊ ကုန်သွယ်ရေး နှင့် နိုင်ငံခြားငွေလဲနှုန်းကန့်သတ်ချက် အစရှိသော လတ်တလောစိန်ခေါ်မှု ကြီးများဖြစ် ပေါ်နေစဉ် ငလျင်ဘေးနောက်ဆက်တွဲသက် ရောက်မှုများ ကြောင့်လည်း စီးပွားရေးဂယက်များ ဖြစ်ပေါ်လာရခြင်းဖြစ်ကြောင်း ရေးသားဖော်ပြထားသည်။

▪️ ထိုငလျင်ဘေးအကျိုးဆက်များကြောင့် လက်ရှိ ၂၀၂၅-၂၀၂၆ ဘဏ္ဍာနှစ်အတွင်း မြန်မာ့စီးပွားရေးတိုးတက်မှုနှုန်း-GDP သည် ၂ ဒသမ ၅ ရာခိုင်နှုန်းခန့် လျော့ကျသွားမည် ဟုလည်း ကမ္ဘာ့ဘဏ်က ခန့်မှန်းထားပြီး အင်အားပြင်းငလျင်ကြောင့် ရုပ်ပိုင်းဆိုင်ရာ အခြေခံအဆောက်အအုံများ၏ တိုက်ရိုက်ထိခိုက်ပျက်စီး ဆုံးရှုံးမှုတန်ဖိုးမှာ အမေရိကန် ဒေါ်လာ ၁၁ ဘီလီယံ ရှိနိုင်သည်ဟု ခန့်မှန်းထားရာ၎င်းမှာ မြန်မာ့ GDP ၏ ၁၄ ရာခိုင်နှုန်း နှင့် ညီမျှကြောင်း၊ ငလျင်ဘေးကြောင့် မန္တလေးတိုင်း၊ စစ်ကိုင်းတိုင်း၊ ပဲခူးတိုင်း၊ မကွေးတိုင်းနဲ့ နေပြည်တော် စသည့်ဒေသများ၌ နေထိုင်ကြသည့် ပြည်သူ ၁၇ သန်းခန့်အပေါ် ထိခိုက်မှုရှိခဲ့ပြီး ၉ သန်းခန့်မှာ အတိဒုက္ခရောက်ခဲ့ရသည်ဟု အစီရင်ခံစာတွင် ဖော်ပြထားသည်။

▪️ ထို့ပြင် ငလျင်ကြောင့် လက်ရှိဘဏ္ဍာနှစ် စီးပွားရေးထုတ်လုပ်မှုပမာဏသည် ယခင်က ထက် အမေရိကန်ဒေါ်လာ ၂ ဘီလီယံခန့် လျော့နည်းမည်ဟု မျှော်မှန်းထားပြီး မန္တလေးနှင့် နေပြည်တော်တို့တွင် ဧပြီလနှင့် စက်တင်ဘာလအကြား ကာလအတွင်း စီးပွားရေးထုတ်လုပ်မှုပမာဏ၏ သုံးပုံတစ်ပုံခန့် ဆုံးရှုံးနိုင်ကြောင်း အစီရင်ခံစာဖော်ပြချက် အရ သိရသည်။

#YMG/SW #Yangon_Times

#Local_News
Published 13 June  2025

▪️ ရန်ကုန်မြို့တော်စည်ပင်သာယာရေးကော်မတီဈေးများ အနီးတစ်ဝိုက်၌ ကားများဖြင့် ပေါ်ဆန်းနှင့်ဧည့်မထဆန်များအား အပတ်စဥ် နှစ်ရက်တာ
ရောင်းချပေးသွားမည်ဖြစ်ကြောင်း မြန်မာနိုင်ငံဆန်စပါးအသင်းချုပ်မှသိရသည်။

▪️ ထိုသို့ရောင်းချရာတွင်  သောကြာနှင့်စနေနေ့များတွင် ဆန်ကားများဖြင့် ဧရာဝတီပေါ်ဆန်း ၅ ပြည်ဝင်တစ်အိတ်လျှင် ၂၅,၀၀၀ကျပ်၊ ရွှေဘိုပေါ်ဆန်း ၅ ပြည်ဝင်တစ်အိတ်လျှင်၃၂,၀၀၀၊ ဧည့်မထ  ၅ပြည်ဝင်တစ်အိတ်လျှင် ၁၄,၀၀၀ ကျပ်ဖြင့် ရောင်းချပေးသွားမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 13 June  2025

▪️ ရန်ကုန်-မန္တလေးအမြန်လမ်းမကြီးတွင် ယနေ့မနက်အစောပိုင်းက ကား(၁)စီးမီးလောင်မှုဖြစ်ပွား ခဲ့ကြောင်းမြန်မာနိုင်ငံမီးသတ်တပ်ဖွဲ့မှ သိရသည်။

▪️ ဇွန် ၁၃ ရက်နေ့၊ မနက်၆ နာရီ အချိန်ခန့်က ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ်(၆၄/၃)နှင့် (၆၄/၂)ကြားတွင် ကား(၁)စီးမီးလောင်မှုဖြစ်ပွားခဲ့ကြောင်း သိရသည်။

▪️ အဆိုပါ သတင်းရရှိသဖြင့် ဉသျှစ်ကုန်းအမြန်လမ်းနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် သွားရောက်ငြှိမ်းသတ်ခဲ့ရာ ၆ နာရီ၂၀ မိနစ်အချိန် မီးငြိမ်းခဲ့ကြောင်း အဆိုပါမီးလောင်မှုကြောင့် လူထိခိုက်ဒဏ်ရာရရှိမှုမရှိကြောင်း သိရသည်။

#YMG/NN #Yangon_Times

Nay Pyi Taw, June 12, 2025- Chairman of the State Administration Council and Prime Minister of Myanmar, Senior General Min Aung Hlaing, sent messages of condolence to Indian President Droupadi Murmu and Prime Minister Narendra Modi following the tragic crash of Air India flight AI-171.

According to Myanmar’s Ministry of Foreign Affairs, the condolence messages were sent on June 12, expressing profound sorrow over the loss of many lives in the air disaster near Ahmedabad, India.

The Air India commercial aircraft, flight AI171, was en route from Ahmedabad to London Gatwick Airport when it crashed shortly after takeoff at 1:38 PM local time on June 12. Reports indicate that out of 242 passengers on board, 204 lost their lives.

Senior General Min Aung Hlaing conveyed his deepest sympathies to the Indian leaders and to the families of the victims, noting the shared grief between the people of Myanmar and India in the face of this tragic incident.

#ymg/knl

၁၂ ဇွန် ၂၀၂၅

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် သည် ဇွန် ၁၂ရက်နေ့တွင် အိန္ဒိယလေကြောင်း Al-171 ပျက်ကျခဲ့မှုကြောင့် လူပေါင်းများစွာ အသက်ဆုံးရှုံး  ခဲ့ရမှုများအတွက် ဝမ်းနည်းကြောင်းသဝဏ်လွှာများကို အိန္ဒိယသမ္မတနိုင်ငံ သမ္မတ  ရှရီမတီဒရောပါဒီ မာမူ နှင့် ဝန်ကြီးချုပ် ရှရီ နာရန်ဒရာ မိုဒီ တို့ထံသို့  ပေးပို့ခဲ့တယ်လို့ နိုင်ငံခြားရေး ဝန်ကြီးဌာနက သတင်းထုတ်ပြန်ပါတယ်။

အိန္ဒိယသမ္မတနိုင်ငံ အမီဒါဘတ်မြို့ အနီး၌ အိန္ဒိယ လေကြောင်း Al-171 ပျက်ကျခဲ့မှုကြောင့် လူပေါင်းများစွာ အသက်ဆုံးရှုံးခဲ့ရမှုများအတွက် ဝမ်းနည်းကြောင်း သဝဏ်လွှာမှာ ဖော်ပြထားပါတယ်။

အိန္ဒိယလေကြောင်းလိုင်း  ခရီးစဉ်အမှတ် AI171 လေယာဉ်ဟာ အိန္ဒိယနိုင်ငံ အာမက်ဒါဘတ် မြို့မှ လန်ဒန် ဂက်ဝစ်လေဆိပ်သို့ ပျံသန်းရန် ဇွန် ၁၂ရက် မွန်းလွဲ ၁နာရီ ၃၈ မိနစ်မှာ လေဆိပ်မှ အတက်ပျက်ကျခဲ့တာဖြစ်ပြီး ခရီးသည် ၂၄၂ဦး အနက်  ၂၀၄ ဦးသေဆုံးခဲ့တယ်လို့ နောက်ဆုံးရသတင်းများအရသိရပါတယ်။

#ymg/knl

#Daily_News

Published 12 June 2025

၁။ ‌‎‎မြန်မာ-ရုရှားခရီးသွားလုပ်ငန်းမြှင့်တင်ရေး ရင်းနှီးကျွမ်းဝင်မှုခရီးစဉ်များအပြန်အလှန်စီစဉ်ရေးဆွေးနွေး

၂။ ‌‎‎ရွှေဘိုနှင့်ဧရာဝတီပေါ်ဆန်းဆန်များကို  သက်သာသောနှုန်းထားများဖြင့် ရောင်းချပေးသွားမည်

၃။ ‎‎အပူပိုင်းမုန်တိုင်းအရှိန်ကြောင့် နေရာကွက်၍ မိုးကြီးနိုင်

၄။ ‎‎တောင်အာဖရိကကမ်းရိုးတန်းမှ ငါးသေတ္တာငါးရွှေ့ပြောင်းမှုဖြစ်စဉ်ကနေ သဘာဝပတ်ဝန်းကျင်ထိန်းသိမ်းရန် လိုအပ်ကြောင်းထောက်ပြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group