အခုဘဏ္ဍာနှစ် နှစ်လတာအတွင်း နေလှန်းဆား ပိဿာချိန်တစ်သိန်းကျော် ကို ဧရာဝတီတိုင်း၊ ငပုတောမြို့နယ်ကနေ ရန်ကုန်ဈေးကွက်ကို
တင်ပို့ရောင်းချခဲ့တယ်လို့ နေလှမ်းဆားထုတ်လုပ်ငန်းလုပ်ကိုင်သူတွေ ဆီကသိရပါတယ်။
#Local_News
Published 16 June 2025
#နေလှမ်းဆားထုတ်လုပ်ငန်း #ငပုတောမြို့နယ်
#YMG/NN #Yangon_Times

ယခု၂၀၂၅-၂၀၂၆ ဘဏ္ဍာနှစ်မှာပြည်ပသို့ဆန်၊ ဆန်ကွဲ တန်ချိန်စုစုပေါင်း ၃ သန်း တင်ပို့ဖို့ လျာထားပြီး လက်ရှိဘဏ္ဍာနှစ်စောပိုင်းကာလမှာ တန်ချိန်‌ေလးသိန်း‌ကျော် တင်ပို့ထားပြီးဖြစ်တယ်လို့ မြန်မာနိုင်ငံဆန်စပါးအသင်းချုပ်မှ သိရပါတယ်။
#Local_News
Published 16 June 2025
#ဆန်၊ဆန်ကွဲ #ပြည်ပသို့တင်ပို့
‎#YMG/SW #Yangon_Times

#Local_News
Published 16 June  2025

▪️ ရေပြင် ရှာဖွေ/ကယ်ဆယ်ရေး စပိဘုတ် အသုံးပြု/မောင်းနှင်ရေးသင်တန်းမှ သင်တန်းသားများသည်ဒုဌဝတီမြစ်ရေပြင်၊ ကန်တော်ကြီးရေပြင် ရေသေများ၌Jet Ski မောင်းနှင်ခြင်းများကို လက်တွေ့ မောင်းနှင်ခြင်းများကို ယမန်နေ့က ပြုလုပ်ခဲ့ကြောင်း မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်းဒေသကြီးကော်မတီ)မှ သိရသည်။

▪️ ရေကြီး/ရေလျှံမှုဖြစ်စဉ်များ တွင် ရှာဖွေကယ်ဆယ်ရေး Speed Boat များ ဖြင့် ရေပြင်ရှာဖွေကယ်ဆယ်ရေး လုပ်ငန်းများ အား ပူးပေါင်းဆောင်ရွက် နိုင်စေရန် နှင့် စနစ်ကျပြီး စွမ်းရည်မြင့်မားသော ရေပြင် ရှာဖွေကယ်ဆယ်ရေးသမားများ မွေးထုတ်ပေးရန် ရည်ရွယ်ကာ ရေပြင်ရှာဖွေကယ်ဆယ်ရေးသုံး Speed Boat ‌အသုံးပြု/မောင်းနှင်ခြင်း သင်တန်း (၂/၂၀၂၅) ကို ဇွန်၁၁ရက်မှ ၁၅ရက်နေ့အထိ ပြုလုပ်ခဲ့ခြင်းဖြစ်သည်။

▪️ ထို့ကြောင့်  ဇွန်လ ၁၅ ရက်တွင် အောင်မြင်စွာ ပြီးမြောက်ခဲ့ရာ သင်တန်းနောက်ဆုံးနေ့သင်ခန်းစာများအဖြစ် သင်တန်းသားများသည်
ဒုဌဝတီမြစ်ရေပြင်တွင် ကန်တော်ကြီးရေပြင် ရေသေ၌ သင်ကြားမှုများကို ရေရှင်တွင် လက်တွေ့ လေ့ကျင့်မှုများကို ပြုလုပ်ခဲ့ပြီး Jet Ski မောင်းနှင်ခြင်းများကိုလည်း လက်တွေ့ မောင်းနှင်ခဲ့ကြခြင်းဖြစ်သည်။

▪️ ယခုရှာဖွေ‌ကယ်ဆယ်ရေးသုံး Speed Boat အသုံးပြု /မောင်းနှင်ခြင်း သင်တန်းကို KBZ Foundation (KBZ Center - Mandalay) မှ အဓိက ကူညီပံ့ပိုးလှူဒါန်းပေးခဲ့ခြင်းဖြစ်ကာ သင်တန်းဆင်းပွဲအခမ်းအနားကို KBZ Center - Mandalay တွင် ကျင်းပပြုလုပ်ခဲ့ပြီး မြန်မာနိုင်ငံလူမှုကယ်ဆယ်ရေးအဖွဲ့ - ဗဟိုကော်မတီ ဒုတိယဥက္ကဋ္ဌ ဦးလှိုင်မင်းဦးမှ သင်တန်းသားများအား သင်တန်းဆင်းလက်မှတ်များပေးအပ်ခဲ့ပြီး အမှတ်တရဓါတ်ပုံများ စုပေါင်းရိုက်ကူးခဲ့ကြောင်း သိရသည်။

#YMG/NN #Yangon_Times

#Local_News
Published 16 June 2025

▪️ မြန်မာနိုင်ငံတော်ဗဟိုဘဏ်က သွင်းကုန်လုပ်ငန်းရှင်များအတွက် နိုင်ငံခြားငွေကြေး ဈေးကွက် (FX Trading Platform)မှ တဆင့်အမေရိကန်ဒေါ်လာ ၁၀ သန်း ထုတ်ရောင်းပေးမည်ဖြစ်ကြောင်း ယနေ့အသိပေးထုတ်ပြန်ထားသည်။

▪️ ထိုသို့ရောင်းချမှုကို ရက်သတ္တပတ်အတွင်း ထုတ်ရောင်းပေးမည်ဖြစ်ပြီး ထုတ်ရောင်း ပေးမည့် ငွေပမာဏအတွက် ရည်ညွှန်းငွေလဲနှုန်းကိုမှု သီးခြားဖော်ပြထားတာမျိုး မရှိသည်ကို တွေ့ရှိရသည်။

▪️ လက်ရှိတွင် ဗဟိုဘဏ်အနေဖြင့် FX Trading Platform ၌ အမေရိကန်တစ်ဒေါ်လာကို ငွေလဲနှုန်းကို ၃၆၁၅ ကျပ် ဖြင့် သတ်မှတ်ရောင်းဝယ်လျက်ရှိကြောင်း သိရသည်။

▪️ ဗဟိုဘဏ်သည် ပြီးခဲ့သည့်ရက်ပိုင်းကလည်း စက်သုံးဆီလုပ်ငန်းရှင်များနှင့် သွင်းကုန်လုပ်ငန်းရှင်များအတွက် အမေရိကန်ဒေါ်လာနှင့် ထိုင်းဘတ်များကို ထုတ်ရောင်းပေးထားခဲ့သေးသည်။

#YMG/SW #Yangon_Times

#Local_News
Published_15 June 2025

▪️ PDF များက ကျောင်းအုပ်ဆရာမကြီးနှင့် ခင်ပွန်းဖြစ်သူတို့အား သတ်ဖြတ်၍ ဆရာမ ၁ ဦးအား ဖမ်းဆီးခေါ် ဆောင်သွားကြောင်း နစက သတင်းထုတ်ပြန်ရေးအဖွဲ့က သိရသည်။

▪️ ဖြစ်စဉ်မှာ ယနေ့ဇွန်လ ၁၅ ရက် နံနက် ၈ နာရီခန့်တွင် မန္တလေးတိုင်းဒေသကြီး၊ ညောင်ဦးမြို့နယ်၊ ကုန်းဘုရား(ညောင်ပင်ကန်)ကျေးရွာရှိအခြေခံပညာအထက်တန်းကျောင်း(ခွဲ)မှ ကျောင်းအုပ်ဆရာမကြီး ဒေါ်နီလာဝင်း (၄၂)နှစ် သည် ကျောင်းဝန်းအတွင်းရှိ ဝန်ထမ်းလိုင်းခန်း၌ ခင်ပွန်းဖြစ်သူ ဦးဇော်လတ် (၄၅)နှစ်၊ ညီမဖြစ်သူ မရွှေရည်ဝင်း (၁၉)နှစ်တို့နှင့်အတူ ရှိနေစဉ် PDF အမည်ခံ အကြမ်းဖက်သမား ၇ ဦးက ဆိုင်ကယ် ၄ စီးဖြင့် ရောက်ရှိလာပြီး ၎င်းတို့၏ အကြမ်းဖက်လုပ်ရပ်များကို ထောက်ခံအားပေးမှုမရှိသည့်အတွက် ကျောင်းအုပ် ဆရာမကြီး ဒေါ်နီလာဝင်းနှင့် ဦးဇော်လတ်တို့ ၂ ဦးအား ဝန်ထမ်းလိုင်းခန်းအတွင်းမှ ဆွဲခေါ်ကာ လိုင်းခန်းရှေ့မြေကွက်လပ်၌ ပစ်ခတ်သတ်ဖြတ်ခဲ့ရာ ရရှိဒဏ်ရာများဖြင့် သေဆုံးခဲ့ကြောင်း သိရသည်။

▪️ အလားတူ မကွေးတိုင်းဒေသကြီး၊ ပခုက္ကူမြို့နယ်၊ အမှတ်(၃)ရပ်ကွက်ရှိအလား အမှတ်(၁၇)အခြေခံပညာ မူလ တန်းလွန်ကျောင်းမှ လက်ထောက်မူလတန်းပြဆရာမ ဒေါ်ဇင်မီလှိုင် (၂၈)နှစ်သည် ၎င်း၏နေအိမ်၌ရှိနေစဉ် ဇွန်လ ၁၄ ရက် နံနက် ၁၁ နာရီ ၂၀ မိနစ်ခန့်တွင် PDF အမည်ခံအကြမ်းဖက်သမား ၅ ဦးက သေနတ်များ ကိုင်ဆောင်ကာဆိုင်ကယ် ၅ စီးဖြင့် ရောက်ရှိလာပြီး ဒေါ်ဇင်မီလှိုင်အား လက်နောက်ပြန် ကြိုးတုပ်၍ ဖမ်းဆီးခေါ်ဆောင်သွားခဲ့ကြောင်း သိရသည်။

▪️ ကျောင်းအုပ်ဆရာမကြီးနှင့် ခင်ပွန်း ဖြစ်သူတို့အား ရက်စက်စွာသတ်ဖြတ်ခဲ့သူများနှင့် ကျောင်းဆရာမ ၁ ဦးအား ဖမ်းဆီးခေါ်ဆောင်သွားသည့် PDF အမည်ခံအစွန်းရောက်အကြမ်းဖက်သမားများကို ဖော်ထုတ်ဖမ်းဆီးအရေးယူနိုင်ရေး လုံခြုံရေးတပ်ဖွဲ့ဝင်များက ဒေသခံပြည်သူများနှင့် ပူးပေါင်း၍ လိုအပ်သည့်လုံခြုံရေးလုပ်ငန်းများ ဆက်လက်ဆောင်ရွက်လျက်ရှိကြောင်း သိရသည်။

#Yangon_Times/PP

#Daily_News

Published 14 June 2025

၁။ ‌‎‎‎Article 33 ၏ အကြံပြုချက်များအား lLO နှင့် ပူးပေါင်းဆောင်ရွက်သွားမည်ဟု MGMA ဆို

၂။ ‌‎‎‎စင်္ကာပူနိုင်ငံတွင် ကျင်းပမည့် နိုင်ငံတကာ မီးသတ်စွမ်းရည်ပြိုင်ပွဲတွင် မြန်မာပါဝင်ယှဉ်ပြိုင်မည်

၃။ ‎ပြည်ပသို့ ပြောင်းတင်ပို့မှုတွင် အမြင့်ဆုံးဈေးကောင်းရရှိနေ

၄။ ‎‎AI စက်ရုပ်များအတွက် ကမ္ဘာ့ပထမဆုံး 4S စတိုး ပေကျင်းတောင်ပိုင်း၌ဖွင့်လှစ်သွားမည် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group