#Daily_News
Published_ 02 April 2024

၁။ အိန္ဒိယနှင့် ဘင်္ဂလားဒေရှ့် ဝယ်လိုအားကြောင့် နနွင်းတတ်ဈေးထက်ဝက်ခန့် မြင့်တတ်လာ

၂။ သင်္ကြန်အတွင်း ပုံမှန်နှင့် အထူးပြေးဆွဲပေးမည့်ရထားများရှိ၊ ရန်ကုန်-မန္တလေးပုံမှန်သွားနိုင်

၃။ သင်္ကြန်ကာလအတွက် နေရပ်ပြန်သူများပြား၍ အဝေးပြေးကားလက်မှတ် ကြိုတင် ဝယ်ယူသူများနေ

၄။ အမေရိကန်ဘောလ်တီမိုးမြို့မှ တံတားပြိုကျမှုဖြစ်ရပ်သည် ဘယ်လိုမှမဖြစ်သင့်ဟု ဒေသခံများယူဆ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published 2 April 2024.

သုံးစွဲရန် မသင့်သော တိုင်းရင်းဆေးဝါး အချို့ ကို Facebook ကဲ့ သို့Oline media များ တွင် ရောင်းချနေသဖြင့် အများပြည်သူ သိရှိစေရန် တိုင်းရင်းဆေးပညာဦးစီးဌာန က ဧပြီ ၂ ရက် တွင် အသိပေးကြေညာလိုက်သည်။

အဆိုပါ ဆေးများသည် တိုင်းရင်းဆေးပညာဦးစီးဌာန မှ တိုင်းရင်းဆေးဝါးမှတ်ပုံတင် နှင့် တိုင်းရင်းဆေးဝါး ထုတ်လုပ်ခွင့် လိုင်စင် ရရှိ ထားခြင်း မရှိသဖြင့် အရည်သွေး စစ်မှန်ကောင်းမွန် ပြီး ဘေးအန္တရာယ်ကင်း၍ အာနိသင် ထိရောက်မှု အတွက် အာမခံချက် မပေး နိုင်သောကြောင့် အများပြည်သူ သုံးစွဲရန် မသင့်ကြောင်း အသိပေးထားသည်။

ယင်းဆေးဝါးများ မှာ Body Art အမှတ်တံဆိပ် ပါ B1 -သွေးတွင်းအဆီကျဆေး၊B2-လေမဖြတ်ရလိမ်းဆေး၊B3-ခရေမနွမ်းလိမ်းဆေး၊B4-ရင်/တင် ချမ်းသာလိမ်းဆေး၊B5-ကြည်ရှင်းတောက်လိမ်းဆေး၊B7သရဖူလိမ်းဆေး၊B9-သဘာဝလိမ်းဆေး တို့ ဖြစ်ကြောင်း သိရသည်။

ကျန်းမာရေးဝန်ကြီးဌာန တိုင်းရငါးဆေးပညာဦးစီးဌာန သည် အရည်သွေးစစ်မှန် ကောင်းမွန်ပြီးဘေးအန္တရာယ် ကင်းရှင်းသော တိုင်းရင်းဆေးဝါးများ ကို အများပြည်သူ တို့ သုံးစွဲရန် စဉ်ဆက်မပြတ် ဆောင်ရွက်လျက်ရှိကြောင်း အသိပေးချက်တွင် ဖေါ်ပြထားသည်။
Yangon_Times/LW
#Local_News
#Published_ 02 April 2024
#YMG_News #Yangon_Times #Yangon_Media_Group

Published_ 02 April 2024

ယခု၂၀၂၄ ခုနှစ်၊ မြန်မာရိုးရာမဟာသင်္ကြန် နေပြည်တော်သင်္ကြန်ပွဲ၌ ရုရှားနိုင်ငံအပါအဝင် နိုင်ငံသုံးနိုင်ငံမှ  အနုပညာရှင်များ ပါဝင် ဖျော်ဖြေမည်ဖြစ်ကြောင်း နေပြည်တော်စည်ပင်သာယာရေးကော်မတီ၊ စီမံရေးရာဌာနမှ သိရသည်။

တောင်ကိုရီးယားနိုင်ငံ၊ တရုတ်နိုင်ငံနှင့် ရုရှားနိုင်ငံ တို့မှ အနုပညာရှင်များ ပါဝင်ဖျော်ဖြေသွားမည်ဖြစ်သည်။

  အဆိုပါ နေပြည်တော်မဟာသင်္ကြန်ပွဲတော်၏ ဖျော်ဖြေရေးအစီအစဉ်များတွင်  ရုရှားနိုင်ငံ လူငယ်အနုပညာအဖွဲ့ Tavrida-Art မှ ပင်တိုင်အမျိုးသမီးတေးသံရှင် Nika Dubik ဦးဆောင်ပါဝင်သော အနုပညာရှင်များ၊  တရုတ်နိုင်ငံနှင့် ရုရှားနိုင်ငံတို့မှပူးပေါင်းကာ ရုရှားနိုင်ငံသံရုံးနှင့် မြန်မာ-တရုတ်ချစ်ကြည်ရေးအသင်းတို့မှရေကစား မဏ္ဍပ်များဖွင့်လှစ်ပြီး ပါဝင်ဖျော်ဖြေသွားမည်  ဖြစ်ကြောင်းသိရသည်။

ထို့အပြင် တောင်ကိုရီးယားနိုင်ငံမှ K-POP အဆိုတော်များနှင့် နာမည်ကြီးအနုပညာရှင်များ လာရောက်ဆင်နွှဲမည်ဖြစ်သကဲ့သို့နေပြည်တော်မဟာသင်္ကြန်ပွဲတော်တွင် နေပြည်တော်မြို့တော်ဝန်မဏ္ဍပ်နှင့် လမ်းလျှောက်သင်္ကြန် မဏ္ဍပ် နှစ်ခုစလုံးတွင် ပြည်သူများနှင့်အတူ ပျော်ရွှင်စွာဆင်နွှဲနိုင်ရန် အနုပညာရှင်များကိုပါ ဖိတ်ကြားထားပြီးဖြစ်ကြောင်း သိရသည် ။
Yangon_Times/NN
#Local_News
#Published_ 02 April 2024
#YMG_News #Yangon_Times #Yangon_Media_Group

'  ၂၀၂၄ခုနှစ်ကမ်းဝေး ငါးမဖမ်းရရာသီကို ငါးရစ်ငါးသန်ကာလဖြစ်တဲ့ ဧပြီလ၁ရက်နေ့ ကနေဇွန်လ၃၀ရက်နေ့အထိ သတ်မှတ်ထားတာဖြစ်ပါတယ်၊ ငါးရစ်ငါးသန်ကာလဖြစ်တာကြောင့် ကမ်းဝေးငါးမဖမ်းရရာသီကို သုံးလသတ်မှတ်ထားသော် လည်းတိုင်းဒေသကြီးနဲ့ ပြည်နယ်အချို့မှ အခက်အခဲအချို့ တင်ပြလာတဲ့အတွက် သက်ဆိုင်ရာကို ထပ်မံတင်ပြပေးပြီး ငါးဖမ်းရေယာဉ်အမျိုးအစားအလိုက် အချို့ကို လအလိုက်ခွင့်ပြုပေးထားပါတယ်။
Yangon_Times/NN
#Local_News
#Published_ 02 April 2024
#YMG_News #Yangon_Times #Yangon_Media_Group

ရာသီဥတုပူလို့ ကြက်ဥအထွက်နှုန်းတွေလျော့လာတယ်။ မတ်လထဲမှာ လက်ကားဈေးအနေနဲ့ ကြက်ဥတစ်ပိဿကိုကျပ်၅၆၀၀၊ ကြက်ဥတစ်လုံး ချင်းကျပ်(၂၀၀)မှ(၂၃၀)ကျပ်ရှိခဲ့ပြီး ဧပြီလ(၂)ရက်မှာ‌တော့ ကြက်ဥတစ်ပိဿကို ကျပ်၅၇၀၀ရှိတယ်။ သင်္ကြန်တွင်းဈေးကွက်အေးမယ်။
Yangon_Times/tthl
#Local_News
#Published_ 02 April 2024
#YMG_News #Yangon_Times #Yangon_Media_Group

လာမယ့် သင်္ကြန်ကာလပိတ်ရက်မှာ နေရပ်ပြန်သူများပြားတာကြောင့် အဝေးပြေးကား လက်မှတ်ကြိုတင်ဝယ်ယူသူများနေတယ်လို့ အဝေးပြေးယာဉ်လိုင်းတွေက သိရပါတယ်
Yangon_Times/NN
#Local_News
#Published_ 02 April 2024
#YMG_News #Yangon_Times #Yangon_Media_Group

Published_ 2 April 2024

မြန်မာနိုင်ငံတော် ဗဟိုဘဏ်က အကောင်အထည်ဖော် ဆောင်ရွက်နေသည့် MMQR (Digital Payment Switch) အကောင်အထည်ဖော် ဆောင်ရွက်နိုင်မှု အစည်းအဝေးကို ဧပြီ ၁ ရက်တွင် မြန်မာနိုင်ငံတော်ဗဟိုဘဏ် ရန်ကုန်ဘဏ်ခွဲ၌ ကျင်းပရာ ဗဟိုဘဏ်ဥက္ကဋ္ဌ ဒေါ်သန်းသန်းဆွေ က SIT/UAT စမ်းသပ်ဆောင်ရွက်မှုများ သတ်မှတ်ချိန်အတွင်း ပြီးစီးအောင်ဆောင်ရွက်ဖို့ တိုက်တွန်းပြောကြားခဲ့ပါတယ်။

ဗဟိုဘဏ်ဥက္ကဋ္ဌက MMQR (Digital Payment Switch) ကို အကောင်အထည်ဖော် ဆောင်ရွက်လျက်ရှိရာ Project တွင် ပါဝင်ဆောင်ရွက်လျက်ရှိသည့် Payplus Co.,Ltd ၊ BPC Ltd နှင့် Adaman Capital Partners Co., Ltd တိုမှ တာဝန်ရှိသူများအနေဖြင့် ဗဟိုဘဏ်မှချမှတ်ထားသည့် စီမံကိန်းကိုသတ်မှတ် ကာလအတွင်း ပြီးစီးအောင် ဆောင်ရွက်ရန် အရေးကြီးတယ်လို့ ဆိုပါတယ်။

Application နှင့် Software Testing ပိုင်းဆိုင်ရာ တာဝန်ယူဆောင်ရွက်နေသည့် BPC Ltd နှင့် Adaman Capital Partners Co.,Ltd တိုအနေဖြင့်လည်း သတ်မှတ်ချိန် အတွင်း လုပ်ငန်းတာဝန်အလိုက် ပြီးစီးအောင်ဆောင်ရွက်နိုင်ရေး လက်ရှိလုပ်ငန်း ဆောင်ရွက်မှုအခြေအနေများကို တိကျမှန်ကန်စွာတင်ပြရန်လိုအပ်တယ်လို့ ပြောပါတယ်။

ထိုနောက် Payplus Co.,Ltd က Application အချင်းချင်း အပြန်အလှန် ပေးချေမှုများကို Transaction အမျိုးအစားအလိုက် End to End Demonstration ပြသပြီး ဥက္ကဋ္ဌ၏ မှာကြားချက်အတိုင်း သတ်မှတ်ကာလအတွင်း ပြီးစီးနိုင်ရန်အတွက် သင်္ကြန်ပိတ်ရက်များအပါအဝင် ကြိုးစားဆောင်ရွက်နေတယ်လို့ ဆိုပါတယ်။

လူအင်အားနှင့် အရင်းအမြစ်များ (Resource) ထည့်သွင်း၍ ဆောင်ရွက်နေ ပါကြောင်း၊ Develop ပြုလုပ်ရမည့်အပိုင်းများရှိသည့်အတွက် စီမံကိန်းပြီးဆုံးမည့် ကာလကို ၂၀၂၄ ခုနှစ် ဩဂုတ်လကုန်အထိ သတ်မှတ်ပေးရန် လိုတယ်လို့ ပြောဆိုပါတယ်။

ယခု Project မှာ ASEAN Payment Connectivity နှင့်ဆက်စပ်နေသည့် နိုင်ငံတော် အဆင့် Project ဖြစ်သည်နှင့်အညီ ပူးပေါင်းပါဝင်ဆောင်ရွက်ရန်၊ စီမံကိန်းကို မြန်ဆန်စွာ ပြီးမြောက်အောင် ဆောင်ရွက်ရာ၌ အဆင့်အလိုက်အကောင်အထည်ဖော် ဆောင်ရွက်ရမှာ ဖြစ်ပါတယ်။

အဆိုပါအစည်းအဝေးသို့ MMQR (Digital Payment Switch) အကောင်အထည် ဖော်ခြင်းနှင့် သက်ဆိုင်သည့် မြန်မာနိုင်ငံတော်ဗဟိုဘဏ်မှ တာဝန်ရှိသူများ၊ ဘဏ်များမှ နည်းပညာဆိုင်ရာ အကြံပေးအဖွဲဝင်များ၊ နည်းပညာပိုင်းဆိုင်ရာ တာဝန်ယူ ဆောင်ရွက် လျက်ရှိသည့် Payplus Co.,Ltd ၊ BPC Ltd နှင့် Adaman Capital Partners Co.,Ltd တိုမှ ကိုယ်စားလှယ်များ တက်ရောက်ကြကြောင်း သတင်းရရှိပါတယ်။
Ymg_mnn
#Local_News
#Published_ 02 April 2024
#YMG_News #Yangon_Times #Yangon_Media_Group

၂ ဧပြီ ၂၀၂၄

မြန်မာရဲတပ်ဖွဲ့က အွန်လိုင်းလိမ်လည်မှုများလုပ်ကိုင်နေကြတဲ့ တရုတ်နိုင်ငံသား ၃၅၂ ဦးကို မတ်လ ၃၁ရက်က တရုတ်နိုင်ငံသို့ ပြန်လည်လွှဲပြောင်းပေးအပ်ခဲ့တယ်လို့ တရုတ်အစိုးရ ပြည်သူ့လုံခြုံရေးရာဝန်ကြီးဌာနက တနင်္လာနေ့က ပြောပါတယ်။

မြန်မာနိုင်ငံမြောက်ပိုင်း မူဆယ်မြို့မှာ မြန်မာနှင့်တရုတ် နှစ်နိုင်ငံရဲတပ်ဖွဲ့ပူးပေါင်းပြီး  တရားဥပဒေစိုးမိုးရေးအတွက် ပထမဆုံး ပူးတွဲစစ်ဆင်ရေးလုပ်ဆောင်ခဲ့ရာမှာ နယ်စပ်ဖြတ်ကျော် အွန်လိုင်းလိမ်လည်မှုသံသယတရားခံ ၈၀၇ ဦးကို ဖမ်းဆီးရမိခဲ့တာဖြစ်ပါတယ်။

Source CCTV+

ပုံမှန်‌ ပြေးဆွဲမှုအဖြစ် ဧပြီ(၁၄)ရက်မှအပ ကျန်သင်္ကြန်ရက်တိုင်းမှာ ရန်ကုန်-မန္တလေးရထားအစုန်အဆန်‌တွေ နေ့စဉ်ပြေးဆွဲ‌ပေးမှာဖြစ်ပြီး အထူးရထားအဖြစ် ရန်ကုန်-မော်လမြိုင်၊ရန်ကုန်-ပြည်ရထားတွေ ဧပြီ(၁၂)ရက်၊(၂၀)ရက်နဲ့ (၂၁)ရက်မှာ ပြေးဆွဲပေးသွားဖို့ ရှိတယ်။
Yangon_Times/tthl
#Local_News
#Published_ 02 April 2024
#YMG_News #Yangon_Times #Yangon_Media_Group

အိန္ဒိယနှင့်ဘင်္ဂလားဒေရှ့် နိုင်ငံတို့က ဝယ်ယူနေတဲ့အတွက် ပြည်တွင်းနနွင်းတတ်ဈေးကွက်ဟာ ဈေးထက်ဝက်ခန့် မြင့်လာတယ်လို့ ကုန်သည်တွေထံက သိရပါတယ်။
Yangon_Times/LW
#Local_News
#Published_ 02 April 2024
#YMG_News #Yangon_Times #Yangon_Media_Group

Published 2 April 2024

မြန်မာနိုင်ငံ၊ ရှမ်းပြည်နယ်၊ မူဆယ်မြို့သို့ တရားမဝင် ဝင်ရောက်နေထိုင်ပြီး အွန်လိုင်းလိမ်လည်မှုလုပ်ငန်းများ လုပ်ကိုင်နေသည်ဟု သံသယရှိသူ တရုတ်နိုင်ငံသား ၃၅၂ ဦးနှင့် မြန်မာ နိုင်ငံသား ၄၈၆ ဦးတို့အား ဖော်ထုတ်ဖမ်းဆီးရမိခဲ့ကြောင်း နိုင်ငံပိုင်သတင်းစာ၏ထုတ်ပြန်ချက်အရသိရသည်။

မြန်မာ - တရုတ် နှစ်နိုင်ငံအကြား အွန်လိုင်းလိမ်လည်မှုလုပ်ငန်းများတိုက်ဖျက်ရေးအတွက် နှစ်နိုင်ငံတရားဥပဒေစိုးမိုးရေးအဖွဲ့အစည်းများအကြား ပူးပေါင်းဆောင်ရွက်မှုတစ်ရပ်အား ၂၀၂၄ ခုနှစ်၊ မတ်လအတွင်း မြန်မာနိုင်ငံ၊ ရှမ်းပြည်နယ် (မြောက်ပိုင်း)၊ မူဆယ်မြို့တွင် ဆောင်ရွက်ခဲ့ကြကြောင်းသိရသည်။

စစ်ဆင်ရေးကာလအတွင်း ၂၀၂၄ ခုနှစ်၊ မတ်လ ၂၈ ရက်နေ့မှ ၃၁ ရက်နေ့အထိ မြန်မာနိုင်ငံ၊ ရှမ်းပြည်နယ်၊ မူဆယ်မြို့သို့ တရားမဝင် ဝင်ရောက်နေထိုင်ပြီး အွန်လိုင်းလိမ်လည်မှုလုပ်ငန်းများ လုပ်ကိုင်နေသည်ဟု သံသယရှိသူ တရုတ်နိုင်ငံသား ၃၅၂ ဦး (ကျား ၃၃၇ ဦး ၊ မ ၁၅ ဦး) နှင့် မြန်မာ နိုင်ငံသား ၄၈၆ ဦးတို့အား ဖော်ထုတ်ဖမ်းဆီးရမိခဲ့ပြီး ဥပဒေနှင့်အညီ အရေးယူဆောင်ရွက်ခဲ့ကြောင်းသိရသည်။

ဖမ်းဆီးရမိသော တရုတ်နိုင်ငံသား ၃၅၂ ဦးကို တရုတ်နိုင်ငံ၌ လုပ်ထုံးလုပ်နည်းနှင့်အညီ ဆက်လက်အရေးယူဆောင်ရွက်နိုင်ရေးအတွက် ပြည်နှင်လွှဲပြောင်းပေးခဲ့ရာ ၃၀၀ ဦးကို ၂၉-၃-၂၀၂၄ ရက်နေ့တွင်လည်းကောင်း၊ ၃၀ ဦးကို ၃၀-၃-၂၀၂၄ ရက်နေ့တွင်လည်းကောင်း၊ ၂၂ ဦးကို ၃၁-၃-၂၀၂၄ ရက်နေ့တွင်လည်းကောင်း မူဆယ်မြို့၊ မြန်မာ - တရုတ် နှစ်နိုင်ငံနယ်စပ်၊ မန့်ဝိန်းဂိတ်မှတစ်ဆင့် တရုတ်နိုင်ငံရဲတပ်ဖွဲ့သို့ လုပ်ထုံးလုပ်နည်းနှင့်အညီ အမြန်ဆုံးပြည်နှင်လွှဲပြောင်းပေးခဲ့ကြောင်းသိရသည်။
Yangon_Times/LW
#Local_News
#Published_ 02 April 2024
#YMG_News #Yangon_Times #Yangon_Media_Group

2 April 2024

လူရွှင်‌တော်၊သရုပ်‌ဆောင်ဦးနေကျော် ရုတ်တရတ်ကျန်းမာရေးချို့တဲ့ပြီး ဆေးရုံတင်ရမည့်အနေအ ထားဖြစ်နေကြောင်း လူရွှင်‌တော်၊သရုပ်‌ဆောင်မေတ္တာမြင့်မြတ်ဟိန်းထံမှသိရသည်။

ယင်းကဲ့သို့ ဦးနေကျော်ကျန်းမာ‌ ရေးချို့တဲ့ပြီး အောက်ဆီဂျင်ရူရကာ ဆေးရုံတင်ဖို့ရှိနေကြောင်းယနေ့ဧပြီလ(၂)ရက်တွင် လူရွှင်‌တော်၊သရုပ်‌ဆောင်မေတ္တာမြင့်မြတ်ဟိန်းမှ သူ၏လူမှုကွန်ရက်စာမျက်နှာ၌ဖော်ပြပြီး အကူအညီတောင်းခံထားခြင်းဖြစ်သည်။

မေတ္တာမြင့်မြတ်ဟိန်းက" အလှူရှင်များခင်ဗျာ လက်ရှိအဖေဦးနေကျော်ဟာ ကျန်းမာရေးချို့တဲ့ပီး အလုပ်တခုမှ အရေးပေါ်ကားနဲ့အိမ်ကိုပြန်ပို့ရတဲ့အနေအထားလေးတခုဖြစ်ခဲ့ပါတယ်။

လက်ရှိအိမ်မှာ အောက်ဆီဂျင်ရှူနေရပါတယ်ခင်ဗျာ အခြေအနေက ဆေးရုံတင်ရမယ့်အနေအထားမျိုးဖစ်နေသည့်အတွက် ကျနော်တယောက်ထဲ အားနဲ့လည်း ခက်ခဲနေလို့ အလှူရှင်များထံမှ အလှူခံခြင်းဖြစ်ပါတယ်။အဖေဦးနေကျော်ကိုချစ်ကြတဲ့မိသားစုများ အလှူရှင်များ မြင်တွေ့ကြပါစေခင်ဗျာ လှူဒါန်းချင်သူများကျနော့်ကိုဆက်သွယ်ပေးပါခင်ဗျာ Kpay - 09450708800 ပါ"ဟုသူ၏
Myittar Myint Myat Heinအကောင့်၌ဖော်ပြထား ကြောင်းသိရသည်။
Yangon_Times/tthl
#Local_News
#Published_ 01 April 2024
#YMG_News #Yangon_Times #Yangon_Media_Group