ဆံတော်ရှင်မော်တင်စွန်းဘုရား ရင်ပြင်တော်တည်ဆောက်ခြင်း လုပ်ငန်းအတွက် ပါဝင်လှုဒါန်းနိုင်

ဒီနှစ်ဒီဇင်ဘာလမှာ အပြီးခင်းသွားမှာဖြစ်ပါတယ် ၊အဲ့ဒီအတွက်လဲ အလှူရှင်များစွာလိုအပ်ပါတယ်။ လှူဒါန်းလိုသူတွေကိုလဲ ဖိတ်ခေါ်ပါတယ်"လို့ မြတ်‌မော်တင်ဆရာတော်ကမိန့်ကြားပါတယ်
#Yangon_Times/NN
#Local_News
#Published_ 30 October 2023
#YMG #Yangon_Times #Yangon_Media_Group

Published 30 October 2023

ကယန်းလက်ဝှေ့မယ် ဘရော်နီကာသည် အောက်တိုဘာ ၂၉ ရက်ညပိုင်းက ယှဥ်ပြိုင်ခဲ့သည့် Thai Fight မွေထိုင်းလက်ဝှေ့စိန်ခေါ်ပွဲတွင် ထိုင်းနိုင်ငံသူ မွေထိုင်းလက်ဝှေ့မယ်အား အမှတ်ဖြင့်အနိုင်ရရှိခဲ့ကြောင်း Thai Fight- King of Muay ThaiPageမှသိရသည်။

Thai Fight မွေထိုင်းလက်ဝှေ့စိန်ခေါ်ပွဲအား ထိုင်းနိုင်ငံ၊Lopburiတွင်ကျင်းပလျက်ရှိပြီး ကယန်းလက်ဝှေ့မယ် ဘရော်နီကာနှင့်ထိုင်းနိုင်ငံသူ မွေထိုင်းလက်ဝှေ့မယ် Phaya Sing Suwanကို ၃ ချီယှဥ်ပြိုင်ခဲ့ပြီးနောက် ကယန်းလက်ဝှေ့မယ် ဘရော်နီကာမှ အမှတ်ဖြင့်အနိုင်ရရှိခဲ့ခြင်းဖြစ်သည်။

ထိုင်းနိုင်ငံတွင်ကျင်းပနေသည့် Thai Fight မွေထိုင်းလက်ဝှေ့စိန်ခေါ်ပွဲကို Via Channel8 (နံပါတ်၂၇) Facebook LIVEနှင့် Thai Fight Offical YouTueတွင် ထိုင်းဘာသာစကားဖြင့် ထုတ်လွှင့်ပေးလျက်ရှိသလို Thai Fight: King Of Muay Thai Face Book Pageတွင်လည်း ပွဲရလဒ်များတင်ပေးလျက်ရှိကြောင်းသိရသည်။
#Yangon_Times/tthl
#Local_News
#Published_ 30 October 2023
#YMG #Yangon_Times #Yangon_Media_Group

Published-30 October 2023

ငွေကြေးလိမ်လည်မှုဖြင့်တရားစွဲခံထားရသူ အကယ်ဒမီ မို့မို့မြင့်အောင်တို့ဇနီးမောင်နှံ တင်ထားသည့် အမှုချေဖျက်ခွင့် ပလပ်ခံလိုက်ရကြောင်း တရားရုံးနှင့် နီးစပ်သူများထံမှ သိရသည်။

သရုပ်ဆောင်အကယ်ဒမီ မို့မို့မြင့်အောင်နှင့် ခင်ပွန်းဖြစ်သူတို့ အား ကျပ် သိန်း ၅၀၀၀ လိမ်လည်မှုဖြင့် ပဲခူးတိုင်း ဒေသကြီး၊ အင်းတကော်မြို့ရှိ အင်းတကော်ရဲစခန်း၌ တရားလို ဦးစိုးလှိုင်(ခ)ဦးအောင်အောင်မိုးက ယခုနှစ် ဖေ ဖော် ဝါရီလ ၁၂ ရက်တွင် အမှုဖွင့်ခဲ့ခြင်း ဖြစ်သည်။

အမှု ရင်ဆိုင်နေရချိန်တွင် အကယ်ဒမီ မို့မို့မြင့်အောင်တို့ဇနီးမောင်နှံ ဘက်က ၎င်းတို့ ယူထားသည့် ငွေကျပ် သိန်း ၅၀၀၀ ကို အကြိမ်ရေ ခွဲ၍ ပြန်လည် ပေးဆပ်ပါမည်ဟု မကြာခဏ ပြောဆိုကြောင်း၊သို့သော်လည်း ပြန်လည် ပေးဆပ်ခဲ့ခြင်း မရှိကြောင်း တရားလို ဦးစိုးလှိုင်(ခ)ဦးအောင်အောင်မိုးက ပြောသည်။

“ဦးမောင်မောင်ကျော်က ဖုန်းလည်း ဆက်တယ်။စာတွေလည်းပို့တယ်။ပိုက်ဆံကို ပြန်ပေးမယ်။

အမှုကို ပိတ်ကြ ရအောင်ဆိုပြီးတော့ပေါ့။ကျွန်တော်က လူမှုရေးအရ သီးခံ စောင့်ဆိုင်းပေးခဲ့တာ အကြိမ်ကြိမ် ဖြစ်ပါတယ်။ အခုကတော့ ဥပဒေအတိုင်းပဲပေါ့”ဟု ၎င်းကပြောသည်။

အကယ်ဒမီ မို့မို့မြင့်အောင်နှင့် ဦးမောင်မောင်ကျော်တို့ ဇနီးမောင် နှံအား ကာယကံရှင် တရား လို ဦးစိုးလှိုင် (ခ)ဦးအောင်အောင်မိုးက အင်းတကော်ရဲစခန်းတွင် အမှုဖွင့်သောကြောင့် အဆိုပါ ရဲစခန်းက (ပ)၂၀/၂၀၂၃ ၊ ရာဇသတ်ကြီးပုဒ်မ ၄၂၀ ဖြင့် ပြီးခဲ့သည့် ဖေဖော်ဝါရီ ၁၂ ရက် အမှု လက်ခံခဲ့ခြင်း ဖြစ်ကြောင်း သိရသည်။
#Yangon_Times/PP
#Local_News
#Published_ 30 October 2023
#YMG #Yangon_Times #Yangon_Media_Group

Published-30 October 2023

မန္တလေးမြို့ရှိ ပေါ်ဦးရွှေဆိုင်ကို သေနတ်ပစ်ဖောက်၍ ဓားပြတိုက်သွားမှု ယနေ့အောက်တိုဘာလ ၃၀ ရက် နံနက်ကဖြစ်ပွားခဲ့ကြောင်း ရဲတပ်ဖွဲ့နှင့်နီးစပ်သည့် အသိုင်းအဝိုင်းက သိရသည်။

အဆိုပါ ရွှေဆိုင်မှာ မန္တလေးမြို့၊ မဟာအောင်မြေမြို့နယ်၊ ၈၄လမ်း ၄၁ နှင့် ၄၂ လမ်းကြားတွင် ရှိပြီး သေနတ် ဖြင့် ဝင်လာသူများက ရွှေထည်များရှိသည့် ကောင်တာကို သေနတ်ဖြင့် ပစ်၍ ရွှေထည်ပစ္စည်းမျိုးစုံ ကို ယူ ဆောင် သွားကြောင်း သိရသည်။

“ပစ္စည်းတန်ဖိုးက သိန်း ၁၂၀၀ ကျော်လောက် ရှိတယ်လို့ ကာလ တန်ဖိုး တွက်ချက်သိရတယ်။ လတ်တလော တော့ စိစစ်ရှာဖွေနေကြပါတယ်။

လုံခြုံရေးလည်းဆောင်ရွက်နေပါတယ်”ဟု ရဲတပ်ဖွဲ့နှင့် နီးစပ်သူက ဆိုသည်။

ဖြစ်စဉ်တွင် အမျိုးသား (၄)ဦးက မော်တော်ဆိုင်ကယ်(၂)စီးဖြင့်ရောက်လာခဲ့ကာ ပါလာသော သေနတ်အတို (၁)လက် ဖြင့် ရွှေဆိုင်အတွင်းဝင်ရောက်၍ ရွှေထည်ပစ္စည်းများထည့်ထားသည့် ရွှေကောင်တာကို သေနတ်ဖြင့် (၂)ချက် ပစ်ကာ ဆွဲကြိုး အကုံး (၄၀) ခန့်၊ ရွှေကလစ် အခု (၃၀)ခုခန့် ကို ယူဆောင်သွားခြင်း ဖြစ်ကြောင်း သိရသည်။

စစ်ကိုင်းတိုင်းဒေသကြီး ၊ မုံရွာမြို့၊ အောင်မင်္ဂလာရပ်ကွက် ၊ ဗိုလ်ချုပ်လမ်း ရှိ ပေါ်ဦးရွှေဆိုင်တွင်လည်း ပြီးခဲ့ သည့် မတ်လ ၂၁ ရက်က ရွှေထည်ပစ္စည်းမျိုးစုံ ၇၀ ကျပ်သားကျော် ကို ဓားပြတိုက်မှု ဖြစ်ပွားခဲ့သေးသည်။
Yangon-Times/PP
#Local_News
#Published_ 30 October 2023
#YMG #Yangon_Times #Yangon_Media_Group

ဓါတ်ဆီ 92တစ်လီတာ ၁၅ကျပ်၊ 95တစ်လီတာ ၃၀ကျပ်ဈေးမြင့် ဒီဇယ် တလီတာ ၇၀ကျပ်ခန့်ဈေးပြန်ကျ

ယခုတပတ် ပြည်တွင်းစက်သုံးဆီဈေးကွက်မှာတော့ ဓါတ်ဆီဈေး ထပ်မြင့်လာပေမယ့် ဒီဇယ်ကတော့ ဈေးကျလာတယ်လို့ စက်သုံးဆီ တင်သွင်းသိုလှောင်ဖြန့်ဖြူးရေးလုပ်ငန်း ကြီးကြပ်ရေးကော်မတီထံက သိရပါတယ်။
#Yangon_Times/LW
#Local_News
#Published_ 30 October 2023
#YMG #Yangon_Times #Yangon_Media_Group

သီတင်းကျွတ်ပေမည့် မိုးမပြတ်သေးဘဲ ရန်ကုန်အပါအဝင်ဒေသ(၉)ခု၌ မိုးသည်းဦးမည်

‘ အောက်တိုဘာလ(၃၁)ရက်၊ နိုဝင်ဘာလ(၁)ရက်နေ့တွေမှာတော့ နေပြည်တော်၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်း ဒေသကြီး၊ တနင်္သာရီတိုင်းဒေသကြီး၊ ရှမ်းပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကျဲကျဲ မိုးထစ်ချုန်းရွာနိုင်သွန်းနိုင်တယ်’ မိုးလေဝသနှင့် ဇလဗေဒညွှန်ကြားမှုဦးစီးဌာန
#Yangon_Times/tthl
#Local_News
#Published_ 30 October 2023
#YMG #Yangon_Times #Yangon_Media_Group

သီတင်းကျွတ်တွင် ပုဂံသို့ ဘုရားဖူးတစ်သိန်းနီးပါး လာရောက်၊ အချို့နေရာများ ကားကြပ်မှုရှိ

‘ ရွှေစည်းခုံ၊ အာနန္ဒာ၊ ဓမ္မာရံကြီး အစရှိတဲ့ ပုဂံတန်ခိုးကြီးဘုရားတွေကို သွားရောက် လည်ပတ်သူတွေများနေပြီး ခရီးသွားတစ်သိန်းနီးပါး လာရောက်လည်ပတ်ပြီး ဘုရားဖူးမြော်နေတယ်။ အချို့နေရာဆိုရင် ကားကြပ်တဲ့အထိ ရှိနေတယ်’ ဟိုတယ်နှင့် ခရီးသွားညွှန်ကြားမှု ဦးစီးဌာန ၊ပုဂံရုံးခွဲတာဝန်ခံ ဒုတိယညွှန်ကြားရေးမှူး ဦးဝင်းအောင်)
#Yangon_Times/tthl
#Local_News
#Published_ 30 October 2023
#YMG #Yangon_Times #Yangon_Media_Group

အောက်တိုဘာလ-၃၀ ရက်

ချင်းပြည်နယ်၊ ထန်တလန်မြို့ကို သီတင်းကျွတ်လပြည့်နေ့ ညနေပိုင်းတွင် ထိန်းချုပ်ထားနိုင်ခဲ့ပြီဖြစ်ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

တပ်မတော်က အဆင့် ၃ ဆင့်ဖြင့် စနစ်တကျတိုက်ခိုက် ဆောင်ရွက်ခဲ့ပြီး ရက်ပေါင်း ၉၀ ခန့်အကြာ အောက်တို ဘာလ ၂၉ ရက် သီတင်းကျွတ် လပြည့်နေ့တွင် ထန်တလန်မြို့ တစ်မြို့လုံးကို အပြီးတိုင် ပြန်လည် ထိန်းချုပ်နိုင် ခဲ့ ခြင်းဖြစ်ကြောင်း အဆိုပါ ထုတ်ပြန်ချက်တွင် ဖော်ပြထားသည်။

ပြီးခဲ့သည့် အောက်တိုဘာလ ၂၇ ရက်မှ စတင်၍ KIA ၊ MNDAA ၊ TNLA ပူးပေါင်းထားသည့် လက်နက်ကိုင် အဖွဲ့အစည်းများက ရှမ်းပြည် နယ်(မြောက်ပိုင်း)နှင့် အရှေ့မြောက်ဒေသရှိ လားရှိုး၊ သန္နီ၊ ကွတ်ခိုင်၊ မူဆယ်၊ ကြူကုတ်၊ မုံးကိုး၊ ဖောင်းဆိုင် ဒေသများ၊ ကွမ်းလုံ၊ ချင်းရွှေဟော်နှင့် လောက်ကိုင် စသည့် နယ်စပ်ဒေသများသို့ အင်အားအလုံးအရင်းဖြင့် ဝင်ရောက်တိုက်ခိုက်သောကြောင့် ယခုအခါ အပြန်အလှန် ထိတွေ့တိုက်ခိုက်မှုများ ပြင်းထန်စွာ ဖြစ်ပွားလျက်ရှိကြောင်း လည်း ယင်းထုတ်ပြန်ချက်တွင် ဖော်ပြထားသည်။

လုံခြုံရေးတာဝန်ထမ်းဆောင်လျက်ရှိသည့် တပ်ဖွဲ့ဝင်များနှင့် ဌာနဆိုင်ရာဝန် ထမ်းများ အလစ်အငိုက် တွင် အင်အားအလုံးအရင်း ဖြင့် ဝင်ရောက်တိုက်ခိုက်ခံခဲ့ရကြောင်း၊ထန်တလန်မြို့အတွင်းမှဒေသခံများ ဖမ်းဆီး သတ်ဖြတ်ခံရခြင်း၊ ဆက်ကြေး ပေးရခြင်း၊ လူနေအိမ်များနှင့် နိုင်ငံပိုင်အဆောက်အဦများ ဖျက်ဆီးခြင်း၊ မီးရှို့ ခံရခြင်း များလည်း ရှိခဲ့ကြောင်း သိရသည်။

အလားတူ အစိုးရ၏ အုပ်ချုပ်မှုယန္တရား များ ရပ်တန့်စေရန် ဌာနဆိုင်ရာအဆောက်အဦများကိုမီးရှို့ဖျက်ဆီးခြင်း၊ ဆက်သွယ် ရေးလမ်းကြောင်းပေါ်ရှိ တံတားများကို ဖောက်ခွဲဖျက်ဆီးခြင်း စသည်တို့ကို ကျူးလွန်နေသော အဖွဲ့များကိုတပ်မတော်က အကြမ်းဖက် ချေမှုန်းရေးစစ်ဆင်ရေး (Counter- Terrorism Operation) ဆောင် ရွက်ခဲ့ခြင်း ဖြစ်ကြောင်း သိရသည်။

ယခုနှစ် ဖေဖော်ဝါရီမှစ၍ မြို့လုံခြုံ ရေးဆောင်ရွက်ပေးလျက်ရှိသည့် တပ်မတော်စစ်ကြောင်းနှင့် မြို့နယ်အဆင့် မြန်မာ နိုင်ငံရဲတပ်ဖွဲ့ဝင်များအလစ်အငိုက်တွင် သာလွန်အင်အားဖြင့် ထန်တလန်မြို့ကိုဝင်ရောက်ပစ်ခတ်ခဲ့ရာ လုံခြုံရေးတပ်ဖွဲ့ဝင်များက ခုခံသော် လည်း ရာသီဥတုအခြေအနေနှင့် နယ်မြေအခြေအနေအရ မြို့၏ တောင် ဘက်အစွန် နေရာသို့ ခေတ္တဆုတ်ခွာခံစစ်ဆင်နွဲခဲ့ရသေးကြောင်း၊ ထန်တလန်မြို့ကိုလည်း ထိန်းချုပ်ခံထားရကာ လုံခြုံရေးတပ်ဖွဲ့ဝင်များအား ဝိုင်းဝန်းပိတ်ဆို့လျက် သီးမြစ် ချောင်းကူးတံတားအထိ တဖြေးဖြေးခြိမ်းခြောက်လာ ခဲ့သဖြင့် တပ်မတော်စစ်ကြောင်း များက ဩဂုတ်လမှစတင်ကာ ပထမအဆင့်အနေဖြင့် ဟားခါးမြို့မှ ၄ မိုင်ခန့် ကွာဝေး သည့် သီးမြစ်ချောင်းကူးတံတားအထိ ကနဦးခြေကုတ်ရယူ တိုက်ခိုက်သိမ်းပိုက်၍ လည်းကောင်း၊ ဒုတိယအဆင့်အနေဖြင့် သီးမြစ်ချောင်းကူးတံတားမှတစ်ဆင့် ထန်တလန်မြို့ အဝင်နေရာ ထိလည်းကောင်း၊ တတိယအဆင့်အနေဖြင့် ထန်တလန်မြို့ နယ် ပြည်သူ့ ဆောက်လုပ်ရေးရုံးနှင့် CB Bank နေရာအထိလည်း ကောင်း၊ စတုတ္ထနှင့် နောက်ဆုံးအဆင့်အဖြစ် ထန်တလန်မြို့ ဆေးရုံကုန်းနှင့် အခြေခံပညာအထက်တန်း ကျောင်း တို့သို့လည်းကောင်း အဆင့်ဆင့်တိုက်ခိုက်သိမ်းပိုက်ခဲ့ရခြင်း ဖြစ်ကြောင်း သိရသည်။

ယခုအခါလုံခြုံရေး တပ်ဖွဲ့ဝင်များက မြို့ပတ်ဝန်းကျင်တဝိုက် လုံခြုံရေးလုပ်ငန်းများ ဆက်လက် ဆောင်ရွက် လျက် ရှိကာ ယိုယွင်းပျက်စီးခဲ့ရသည့် ထန်တလန်မြို့ ပြန်လည်ထူထောင်ရေးလုပ်ငန်းများကို အမြန်ဆုံး ဆောင် ရွက်ပေးနိုင်ရေး စီမံနေကြောင်းလည်း သိရသည်။
Yangon_Yimes/PP
#Local_News
#YMG #Yangon_Times #Yangon_Media_Group

၃၀ အောက်တိုဘာ၊၂၀၂၃

နယ်စပ်ဒေသတွေ လုံခြုံတည်ငြိမ်ရေးအတွက် မြန်မာနိုင်ငံအနေဖြင့် တရုတ်နိုင်ငံနှင့်အတူ လက်တွဲလုပ်ဆောင်မယ်လို့ ‌ယုံကြည်  ကြောင်း တရုတ်ဗဟိုစစ်ကော်မရှင် ဒုတိယဥက္ကဋ္ဌ  ကျန်ယူရှားက မြန်မာအစိုးရ ဒုတိယဝန်ကြီးချုပ်နှင့် ကာကွယ်ရေးဝန်ကြီးဌာန   ပြည်ထောင်စုဝန်ကြီး ဗိုလ်ချုပ်ကြီးတင်အောင်စန်းကို ဘေဂျင်းမြို့မှာ ပြောကြားလိုက်ပါတယ်။

Source CCTV+

Published 30 October 2023

ရန်ကုန်တိုင်းဒေသကြီး၊တိုက်ကြီးမြိုနယ်ရှိ ပန်းတစ်ပွင့်တောင်သာသနာ့နယ်မြေတွင် ပန်းတစ်ပွင့်တောင် ဆရာတော်ဘုရားကြီး၏အဂ္ဂမဟာကမ္မဌာနာစရိယဘွဲပူဇော်ပွဲနှင့် သီတင်းကျွတ်ဆီမီး၉၀၀၀၊ပန်း၉၀၀၀လှူဒါန်း ပူဇော်ပွဲကျင်းပခဲ့ကြောင်းသိရသည်။

အောက်တိုဘာလ၂၈ရက်တွင် ပန်းတစ်ပွင့်တောင် ဆရာတော်ဘုရားကြီး ဒေါက်တာ ဘဒ္ဒန္တပညာသာရ၏ (၁၃)ဘွဲမြောက် အဂ္ဂမဟာကမ္မဌာနာစရိယဘွဲတော်ပူဇော်ပွဲ အခမ်းအနားကို ပန်းတစ်ပွင့်တောင် ဗုဒ္ဓသာသနာပြု တက္ကသိုလ်ငါးထပ်ကျောင်းဆောင်၌ကျင်းပခဲ့သည်။

‘‘ပန်းတစ်ပွင့်တောင်မှာ သီတင်းကျွတ်ကာလ စနေနေ့မှာ ပန်းတစ်ပွင့်တောင် ဆရာတော်ဘုရားကြီး၏အဂ္ဂမဟာ ကမ္မဌာနာစရိယဘွဲပူဇော်ပွဲနဲ့ တနင်္ဂနွေနေ့မှာ နှစ်စဉ်ကျင်းပမြဲဖြစ်တဲ့ ဆီမီး(၉၀၀၀)ပန်း(၉၀၀၀)ပူဇော်ပွဲကျင်းပခဲ့ပါ တယ်။

လာမယ့်တန်ဆောင်တိုင်မှာတော့ ကထိန်ပွဲတော်နဲ့အတူဆရာတော်ကြီးရဲ့မွေးနေ့ရှိပါတယ်’ဟု ဆရာတော်ကြီး၏တပည့်ဒါယကာရင်းများကပြောသည်။

ပန်းတစ်ပွင့်တောင်တွင် ဘုန်းတော်ကြီးသင်စာသင်ကျောင်းလည်းရှိသဖြင့် စာသင်သားများ၊ အလည်အပတ် လာရောက်ကြသည့်ဧည့်သည်များနှင့် စည်ကားသိုက်မြိုက်စွာကျင်းပခဲ့ကြောင်းသိရသည်။

ဆရာတော်ဘုရားကြီး၏ဘွဲတော် ပူဇော်ပွဲတွင် ဖျော်ဖြေရေးအစီအစဉ်များအဖြစ် နိုင်ငံကျော်ရုပ်ရှင်နှင့်ဗီဒီယို ဟာသသရုပ်ဆောင်ရာဇာပေါက်စီ၊လန်ဒန်နှင့်ဟာသရာဇများကလည်းဖျော်ဖြေတင်ဆက်ပြီးကုသိုလ်ပါဝင်ခဲ့ကြောင်း သိရသည်။
Yangon_Times/tthl
#Local_News
#YMG #Yangon_Times #Yangon_Media_Group

Published 30 October 2023

တနင်္လာနေ့ အစောပိုင်းမှာ လေကြောင်းနဲ့ အမြောက်ပစ်ခတ်မှုများ အပြင်းအထန် ခံစားခဲ့ရတယ်လို့ ဂါဇာမြောက်ပိုင်းရှိ ပါလက်စ်တိုင်းများက သတင်းပို့လာကြပါတယ်။

အစ္စရေးလ်တပ်များက တင့်ကားများဖြင့် ဂါဇာကမ်းမြောင်ဒေသသို့ မြေပြင်မှ ဝင်ရောက်တိုက်ခိုက်မှု ပြုလုပ်နေကာ အရပ်သားများကို ကာကွယ်ပေးရေးအတွက် နိုင်ငံတကာမှ တောင်းဆိုမှုများ မြင့်တက်နေပါတယ်။

အစ္စရေးလ်တို့ရဲ့ လေကြောင်းတိုက်ခိုက်မှုတွေက ဂါဇာမြို့ ရှီဖာဆေးရုံနဲ့ အယ်လ်ကဒ်စ်ဆေးရုံအနီး နေရာများကို ထိမှန်ခဲ့ပြီး ဂါဇာတောင်ပိုင်း ခန်ယူနစ်မြို့အရှေ့ဘက် နယ်စပ်နေရာမှာ ပါလက်စ်တိုင်း စစ်သွေးကြွတွေက အစ္စရေးလ်တပ်များနဲ့ တိုက်ပွဲဖြစ်ပွားနေတယ်လို့ ပါလက်စ်တိုင်းမီဒီယာမှ ဖော်ပြထားပါတယ်။

ဂါဇာရဲ့ အဓိကမြို့ကို ဝိုင်းရံဖို့ကြိုးစားလာတဲ့ အစ္စရေးလ်တို့က အနောက်ဘက် ကမ်းရိုးတန်းမှာ ယင်းတို့ရဲ့ တင့်ကားပုံရိပ်တွေကို ချပြပြီး နာရီပိုင်းအကြာမှာပဲ အခုလို ဗုံးကျဲတိုက်ခိုက်မှုတွေ ပြုလုပ်လာတာ ဖြစ်ပါတယ်။

ဟားမတ်စ်စစ်သွေးကြွတွေကို အစ္စရေးလ်တို့ တိုက်ခိုက်နေပုံတွေဟာ သိပ်ပြီးထင်သာမြင်သာ မရှိဘဲ အစ္စရေးလ်တပ်တွေက အမှောင်ထုထဲကနေ ရွေ့လျားနေကြသလို ပါလက်စ်တိုင်းဘက်ကို အင်တာနက် ဖုန်းလိုင်းဆက်သွယ်ရေးများ ဖြတ်တောက်ထားပါတယ်။

တနင်္ဂနွေနေ့က ဖုန်းနဲ့အင်တာနက်လိုင်းများ ပြန်လည်ရရှိမလို ဖြစ်ခဲ့ပေမယ့် ဟားမတ်စ်တို့ စစ်ဌာနချုပ်များ တည်ရှိရာ မြောက်ပိုင်းနေရာတွေကို အစ္စရေးလ်တို့ လေကြောင်းတိုက်ခိုက်မှုများ ပြုလုပ်ခဲ့သဖြင့် ပြန်ပြီးပြတ်တောက်သွားခဲ့ကြောင်း ဆက်သွယ်ရေးကုမ္ပဏီ Paltel က ပြောကြားလိုက်ပါတယ်။

အစ္စရေးလ်အာဏာပိုင်များက လူပေါင်း ၁၄,၀၀၀ ခန့်ခိုလှုံနေတဲ့ အယ်လ်ကဒ်စ်ဆေးရုံက လူတွေကို ချက်ချင်းစွန့်ခွာထွက်ပြေးဖို့ သတိပေးချက်ထုတ်ပြန်ပြီးနောက် ဆေးရုံတွေအနီးမှာ တိုက်ခိုက်မှုတွေ ဖြစ်ပွားခဲ့တာ ဖြစ်ပါတယ်။

ဟားမတ်စ်တို့က ဂါဇာဆေးရုံတွေမှာ စစ်ဌာနချုပ်တွေနဲ့ အခြားစစ်ဘက်ဆိုင်ရာ ဌာနတွေကို အခြေချထားတယ်လို့ အစ္စရေးလ်က စွပ်စွဲထားပါတယ်။

လူပေါင်း ၅ သောင်းခန့်ရှိတဲ့ ရှီဖာဆေးရုံမှာလည်း တိုက်ခိုက်မှုခံရမှာကို ပါလက်စ်တိုင်းအရာရှိများ စိုးရိမ်နေကြပါတယ်။

အောက်တိုဘာ ၇ ရက်နေ့က ဟားမတ်စ်စစ်သွေးကြွများ နယ်စပ်ဖြတ်ကျော်ပြီး အစ္စရေးလ်ကို ဝင်ရောက်တိုက်ခိုက်ခဲ့ပြီးနောက် အစ္စရေးလ်တို့က နယ်စပ်ပိတ်ဆို့မှုကို ပိုမိုတင်းကြပ်လိုက်ကာ ဂါဇာကို ပစ်ခတ်တိုက်ခိုက်နေခဲ့ပါတယ်။

ဝိုင်းရံခံထားရတဲ့ ဂါဇာကမ်းမြောင်သို့ အကူအညီများနဲ့ လောင်စာများ ထောက်ပံ့ရေးအတွက် အပြန်အလှန်အနေဖြင့် စစ်သွေးကြွများ ဖမ်းဆီးထားတဲ့ ဓားစာခံများ လွှတ်ပေးနိုင်ရန် ဟားမတ်စ်တို့က ၅ ရက်တာ အပစ်အခတ်ရပ်စဲရေးကို အလိုရှိနေပါတယ်။
Source: Reuters
#World_News #အစ္စရေးလ် #ဂါဇာ #ပါလက်စ်တိုင်း
#YMG #Yangon_Times #Yangon_Media_Group

#World_Health
Published 30 October 2023

လေထုညစ်ညမ်းမှုက အဆုတ်ကျန်းမာရေးအပေါ် သိသိသာသာ အန္တရာယ်ခြိမ်းခြောက်နေပါတယ်။

နှလုံးနှင့်အဆုတ်ဆိုင်ရာ ရောဂါဖြစ်ပွားခြင်းရဲ့ နဝမမြောက် အကြောင်းအရင်း ဖြစ်နေပြီး မြို့ပြနေထိုင်သူတွေ ၁၀ ဦးမှာ ၉ ဦးက ခံစားနေရပါတယ်။

အဆုတ်အပေါ်မှာ လေထုညစ်ညမ်းမှုရဲ့ သက်ရောက်မှုက လက်ရှိအခြေအနေကို ပိုမိုဆိုးရွားစေသလို ရောဂါအသစ်ကိုလည်း ဖြစ်စေနိုင်ပါတယ်။

လေထုညစ်ညမ်းစေတဲ့ အရာတွေကို ကြာရှည်ထိတွေ့တဲ့အခါ ရင်ကြပ်၊ COPD အဆုတ်ပြွန်ရောင်ရောဂါတို့လို အသက်ရှူလမ်းကြောင်း နာတာရှည်ရောဂါများ ဖြစ်လာစေပါတယ်။

အမှုန်အမွှားများ၊ အိုဇုန်း၊ နိုက်ထရိုဂျင်အောက်ဆိုဒ်တို့က အန္တရာယ်ဖြစ်စေပြီး ရောင်ရမ်းခြင်းနဲ့ အဆုတ်လုပ်ဆောင်ချက် ပြောင်းလဲခြင်းတို့ကို ဖြစ်စေပါတယ်။

ထိုညစ်ညမ်းမှုန်တွေနဲ့ ထိတွေ့တဲ့အခါ အဆုတ်ကင်ဆာ ဖြစ်တဲ့အထိပင် ဆိုးရွားနိုင်ပါတယ်။

ပဋိဇီဝ ပိုးသတ်ဆေးများကို ကိုယ်တိုင်သောက်သုံးတာမျိုး မပြုလုပ်ဖို့ အကြံပြုထားသလို မီးခိုးမြူများအုံ့ဆိုင်းနေတဲ့ မနက်ခင်းမှာ လမ်းလျှောက်ထွက်တာမျိုး ရှောင်ရှားသင့်ပါတယ်။
လေထုညစ်ညမ်းမှုက အဆုတ်အပေါ် သက်ရောက်မှုကို လျှော့ချနိုင်မယ့် နည်းလမ်းတွေလည်း ရှိနေပါတယ်။

သင့်ပတ်ဝန်းကျင်ရဲ့ လေထုအရည်အသွေးကို ပုံမှန်စစ်ဆေးနေသင့်ပါတယ်။

အပြင်ဘက်မှာ လှုပ်ရှားလေ့ကျင့်ခန်း ပြုလုပ်သင့်ပေမယ့် ညစ်ညမ်းမှုများတဲ့ နေရာတွေမှာတော့ အပြင်မထွက်သင့်ပါဘူး။

လမ်းမတွေက လေထုညစ်ညမ်းမှုများတဲ့ နေရာတွေကို ရှောင်ရှားကာ မဖြစ်မနေ သွားရမယ်ဆိုရင် နှာခေါင်းစည်းတပ်ဆင်သင့်ပါတယ်။

အိမ်တွင်း လေထုအရည်အသွေးကလည်း အရေးကြီးပြီး လေအဝင်အထွက် ကောင်းအောင် ပြုလုပ်သင့်ပါတယ်။

ဆေးလိပ်ငွေ့၊ မီးခိုးငွေ့တွေ မရှိအောင် ရှင်းလင်းထားသင့်ပါတယ်။

ရောဂါအခံရှိတဲ့သူတွေမှာ အလုံပိတ်အခန်းအတွင်း လေသန့်စင်စက် ထားရှိသင့်ပါတယ်။

#World_Health #လေထုညစ်ညမ်းမှု #အဆုတ်ရောဂါပြဿနာ
#Source: India Today