#World_Health
Published 26 July 2022

မိမိရဲ့အတွေးအခေါ်တွေ၊ စိတ်ခံစားမှုတွေ၊ ပြုမူပုံတွေကိုပုံမှန်သုံးသပ်လေ့ရှိတဲ့ လူကြီးတွေဟာ အယ်လ်ဇိုင်းမားရောဂါဖြစ်နိုင်ချေလျော့နည်းကြောင်း လေ့လာတွေ့ရှိထားပါတယ်။

တစ်နေ့ကို ၁၀ မိနစ်မျှ မိမိကိုယ်မိမိပြန်လည်သုံးသပ်ခြင်းဖြင့် ဦးနှောက်ကျန်းမာရေးနဲ့ အသိဉာဏ်စွမ်းရည်တွေကို သိသိသာသာကောင်းမွန်စေနိုင်တယ်လို သုတေသီများတွေ့ရှိခဲ့ပါတယ်။

မှတ်ဉာဏ်ချို့ယွင်းလာခြင်းဝေဒနာနဲ့ ပတ်သက်ပြီး ကုသဆေးမရှိတာကြောင့် ယခုလိုတွေ့ရှိချက်က စိတ်ပိုင်းဆိုင်ရာနဲ့ သက်ဆိုင်တဲ့ဝေဒနာ ဖြစ်လာနိုင်ချေကို လျှော့ချပေးနိုင်ဖို့ အထောက်အကူဖြစ်လာဖွယ်ရှိနေပါတယ်။

လန်ဒန်တက္ကသိုလ်ကောလိပ်မှ သုတေသနအဖွဲ့ကဦးဆောင်ပြီး အသက် ၇၀ ဝန်းကျင် လူ ၂၅၉ ယောက်ကို စမ်းသပ်မှု ၂ ခုပြုလုပ်ပြီး ရရှိလာတဲ့အချက်အလက်များကို ဆန်းစစ်ခဲ့ကြပါတယ်။

စမ်းသပ်ခံတဲ့သူတွေကို သူတို့ရဲ့အတွေးအခေါ်၊ ခံစားမှုတွေနဲ့ပတ်သက်ပြီး ပြန်လည်စဉ်းစားသုံးသပ်လေ့ ရှိသလဲဆိုတာကို မေးမြန်းခဲ့ကြပါတယ်။

မိမိကိုယ်ကိုပြန်လည်သုံးသပ်လေ့ရှိသူတွေက မှတ်ဉာဏ်စွမ်းရည်၊ အာရုံစူးစိုက်မှု၊ ပြဿနာဖြေရှင်းနိုင်စွမ်း၊ ဦးနှောက်ကျန်းမာရေးတို့မှာ ပိုမိုသာလွန်ကြကြောင်း 'ဟာရီယက်ဒမ်နစ်ဇ်ကင်း'ရဲ့တင်ပြချက်ကို Neurology ဂျာနယ်မှာ ဖော်ပြထားပါတယ်။

မိမိကိုယ် မိမိသုံးသပ်ခြင်းက ရုပ်ပိုင်းဆိုင်ရာ လူမှုရေးဆိုင်ရာအချက်များနဲ့မသက်ဆိုင်ဘဲ ဘယ်သူမဆိုဆောင်ရွက်နိုင်ပါတယ်။

ဒီလိုသုံးသပ်ခြင်းက ဘာကြောင့်မှတ်ဉာဏ်စွမ်းရည်တွေကို ကာကွယ်ပေးနိုင်လဲဆိုတာကို သုတေသီတွေသေချာ မသိရှိသေးပါဘူး။

ဒါပေမဲ့ စိတ်ပိုင်းဆိုင်ရာအခြေအနေကို တိုးတက်စေသလို ခန္ဓာကိုယ်ထဲက ဖိစီးမှုကိုလျှော့ချပြီး စိတ်တည်ငြိမ်ခြင်းတိုကို ဖြစ်ပေါ်စေနိုင်ပါတယ်။

နေ့တိုင်းအချိန်ပေးပြီး အလုပ်အကိုင်၊ လူမှုဆက်ဆံရေးကိစ္စတွေမှာ မျှမျှတတပြန်လည်တွေးတောခြင်းက မှတ်ဉာဏ်ချိုယွင်းမှုဖြစ်နိုင်ချေကိုလျှော့ချပေးနိုင်ပါတယ်။

"မိမိကိုယ်ကိုသုံးသပ်ခြင်းက ဦးနှောက်လုပ်ဆောင်ချက်ကို ကောင်းမွန်အောင်ပြုလုပ်နိုင်တယ်ဆိုရင် စိတ်ပိုင်းဆိုင်ရာ ပြဿနာတွေဖြစ်နိုင်ချေကိုလည်း လျှော့ချနိုင်ဖွယ်ရှိနေပါတယ်" လို့ ဒေါက်တာ'ရစ်ချတ်အုတ်ကလေ'က ရှင်းပြခဲ့ပါတယ်။

၂၀၄၀ အရောက်တွင် ယူကေမှာ မှတ်ဉာဏ်ချို့ယွင်းတဲ့ဝေဒနာခံစားရသူ ၁.၆ သန်းရှိလာမယ်လို ခန့်မှန်းရပါတယ်။

Source: DailyMail
#Yangon_Media_Group

#Local_News
Published_26 July 2022

ရန်ကုန်တွင် ကျောင်းတက်ရင်းပျောက်သွားသည့် ရခိုင်မှ အသက် ၁၄ နှစ်အရွယ် Grade 10 ကျောင်းသူ မလဲ့လဲ့ရွှေရည်(ခ)မေပြည့်ဖြိုးအား ပြန်တွေ့ပြီဖြစ်ကြောင်း ရန်ကုန်ရှိ ရခိုင်အမျိုးသားကွန်ရက်က သိရသည်။

မလဲ့လဲ့ရွှေရည်(ခ)မေပြည့်ဖြိုးသည် ရခိုင်ပြည်နယ်၊ မင်းပြားမြို့နယ်၊ မေလွန်းကျေးရွာမှဖြစ်ပြီး ထောက်ကြန့်မြို့နယ်ရှိ စွယ်စုံကိုယ်ပိုင်အထက်တန်းကျောင်းတွင် Grade 10 အတွဲ(၇) ဇီဝဘာသာတွဲကိုတက်နေသူဖြစ်သည်။

သူမအား ဇူလိုင်လ ၂၅ ရက် နံနက်တွင် ရန်ကုန်တိုင်းဒေသကြီး၊ တိုက်ကြီးမြို အိုးတန်းရပ်ကွက်၊ ဇေယျာသီရိ(၂)လမ်းရှိ ဒေါ်မူမူမြင့်ဆိုသူ၏နေအိမ်တွင် တွေ့ရှိခဲ့ခြင်းဖြစ်ကြောင်း၊ လမ်းပျောက်သွားသည့်အချိန် အမျိုးသမီးတစ်ဦးနှင့်တွေ့ကာ ယင်းအမျိုးသမီးက သူမ ကျောင်းတက်နေသည့် စွယ်စုံကျောင်းသို့ အကြောင်းကြားခဲ့ခြင်း ဖြစ်ကြောင်း သိရသည်။

ယင်းမှာ ရန်ကုန်တိုင်းဒေသကြီး ထောက်ကြန့်မြို့နယ်၊ မြောက်ပိုင်းရပ်ကွက်၊ အောင်သပြေ(၅)လမ်း၌ အဒေါ်ဖြစ်သူ ဒေါ်ကျော့စန္ဒာမြင့်နှင့်အတူနေထိုင်စဉ် ပြီးခဲ့သည့် ဇူလိုင်လ ၁၉ ရက် နံနက် ၁၁ နာရီခန့်က အိမ်တွင် လူမရှိခိုက် နေအိမ်မှ တစ်ဦးတည်းထွက်သွားခဲ့ပြီးနောက် ပျောက်ဆုံးခဲ့ခြင်းဖြစ်သည်။

Photo – TinHtooAung
ymg/mt
#Yangon_Media_Group

#Local_News
Published_26 July 2022

ရန်ကုန်တိုင်းဒေသကြီးအတွင်း စိုက်ပျိုးရေးလုပ်ငန်းလုပ်ဆောင်ကြသည့် တွံတေး၊ ကော့မှူး၊ သန်လျင်နှင့် လှည်းကူးမြို့နယ်တို့တွင် သဘာဝ အခြေခံခရီးသွားလုပ်ငန်းဖော်ဆောင်မည်ဖြစ်ကြောင်း မြန်မာနိုင်ငံခရီးသွားလုပ်ငန်းရှင်များအသင်းက သိရသည်။

“ပြင်ပသွင်းအားစုများကို အသုံးပြုခြင်းထက် ဂေဟစနစ်အစီအမံတွေအပေါ်မှာအားထားရတဲ့ ဓာတုသွင်းအားစုများဖြစ်တဲ့ ဓာတ်မြေသြဇာတွေ၊ ပိုးသတ်ဆေးနဲ့ ပေါင်းသတ်ဆေးတွေ ၊ တိရစ္ဆာန် မွေးမြူရေးဆိုင်ရာဆေးဝါးတွေ၊ မျိုးဗီဇပြုပြင်ထားတဲ့ မျိုးစေ့နဲ့ စပ်မျိုးတွေ ၊ တာရှည်ခံဆေးတွေ ၊ အစားအစာဖြည့်စွက်ပစ္စည်းတွေ၊ ဓာတ်ရောင်ခြည်သုံးပြုပြင်တာတွေကို ရှောင်ထားတဲ့ အော်ဂဲနစ်စိုက်ပျိုးရေးစနစ်ရှိနေတဲ့ နေရာပေါ့။ ပတ်ဝန်းကျင်နဲ့လူမှုဘဝတွေအပေါ် ဆိုးကျိုးမသက်ရောက်စေတဲ့ စနစ်ဖြစ်လို ပြည်တွင်းပြည်ပခရီးသွားတွေ စိတ်ဝင်တစားလည်ပတ်နိုင်တဲ့ နေရာတွေကို အကောင်အထည်ဖော်ဆောင်ရွက်သွားမှာပါ"ဟု အသင်းတာဝန်ရှိသူက ပြောသည်။

သစ်သီးနှင့် စပါးစိုက်ခင်းများကို သွားရောက်လေ့လာခွင့် လည်ပတ်ခွင့်အတွက် စိုက်ခင်းပိုင်ရှင်များနှင့် ချိတ်ဆက်၍ လာမည့် ပွင့်လင်းရာသီတွင် ဆောင်ရွက်မည်ဖြစ်ကြောင်း၊ လက်ရှိတွင် ပြင်ဦးလွင်မြို့ ဟိုတယ်ဇုန်အနီး ကျွဲနားထောက်ကျေးရွာမှာ ၂၀၁၇ ခုနှစ်၊ ဖေဖော်ဝါရီလကစတင်ခဲ့သည့် မြန်မာ့ဆေးဖက်ဝင်အပင် အမျိုးပေါင်း ၈၅ မျိုးကျော်စိုက်ပျိုးထားသော Fame Organic Farming စိုက်ခင်းများကိုပြည်တွင်း၊ ပြည်ပခရီးသွားများ ဝင်ရောက်လေ့လာနိုင်သည့်နေရာအဖြစ် အကောင်အထည်ဖော်ထားကြောင်းလည်း သိရသည်။

ymg/mt
#Yangon_Media_group

#Local_News
Published - 26 July 2022

ဒေါ်လာဈေးဂယက်ရိုက်ခတ်မှုများကြောင့် ပြည်တွင်းကုန်ဈေးနှုန်းသည်လည်းမြင့်တက်လာပြီး ဆန်ဈေးနှုန်းမှာလည်းမြင့်တက်လာကြောင်း ဆန်ရောင်းချသူများနှင့် ဝယ်ယူသုံးစွဲသူများထံမှ သိရသည်။

ပြည်တွင်း စားသုံးမှုများသည့် ရွှေဘိုပေါ်ဆန်းနှင့် ဆန်ချောဈေးနူန်းတွေသည် ဝယ်လိုအားနှင့်အပြိုင် ဈေးများ ထပ်မံမြင့်တက်လာပြီး စပါးလက်ကျန် လျော့နည်းနေချိန် ဝယ်လိုအားများ ခြင်းကြောင့် ဈေးမြင့်တက်လာခြင်းဖြစ်ကြောင်း သိရသည်။

"ဈေးကတော့ တခေါက်နဲ့တခေါက်မြင့်တက်လာတယ်။ ဝယ်တဲ့သူတွေက မဖြစ်မနေမို့လို့သာ ဝယ်နေကြရတာ။ အဆင်မပြေကြဘူး။ ဈေးကျ ဖို့တော့ လမ်းမမြင်ဘူး"ဟု ဆန်ရောင်းချသူတစ်ဦးက ပြောသည်။

ရန်ကုန်ဆန်ဈေးကွက်တွင် ရွေဘိုပေါ်ဆန်းတစ်အိတ် ကျပ် ၇၀၀၀ မှ ၁၀၀၀၀ လောက် အထိ မြင့်တက်လာပြီး၊ ကြားပျံရှယ်တစ်အိတ်လျှင် ကျပ်၂၀၀၀ မှ ၅၀၀၀ ကြားထိ မြင့်တက်လာပြီး တချို့ဆန်ဈေးနှုန်းတွေသည်လည်း အသီးသီး မြင့်တက်နေကြောင်း သိရသည်။

"ကိုယ်တွေကတနေ့လုပ်မှ တနေ့စားရတာ။ ကုန်ဈေးနှုန်းတွေကဆက်တိုက်တတ်နေတော့အဆင်မပြေဘူး။ ဝင်ငွေနဲ့ထွက်ငွေကလုံးဝမမျှဘူးဖြစ်နေတယ်။ အခက်အခဲတွေကအများကြီးရှိတာပေါ့"ဟုဈေးသည်တစ်ဦးက ပြောသည်။

မြန်မာနိုင်ငံ ဆန်ကုန်သည်များအသင်းမှ ပုံမှန်ထုတ်ပြန်သည့် ဈေးနှုန်းစာရင်းများအရ ရွှေဘိုပေါ်ဆန်း တစ်အိတ်လျှင် ကျပ် ၇၀၀၀၀ မှ ၇၆၀၀၀ ကြား ပေါက်ဈေးရှိပြီး၊ မြောင်းမြ၊ ပုသိမ်ပေါ်ဆန်းဆန် တစ်အိတ်လျှင် ကျပ် ၅၃၀၀၀ မီ ၅၅၀၀၀ ကြား၊ ကြားပျံရှယ်ဆန် တစ်အိတ် ၅၅၀၀၀ မှ ၆၀၀၀၀ ကြားဈေးရှိကြောင်း သိရသည်။

ymg/sth
#Yangon_Media_Group

#World_Health
Published 25 July 2022

ပါးစပ်ခြောက်သွေ့လာတဲ့အခါ များသောအားဖြင့် ရေသောက်ဖို့ လိုအပ်တာ သိပြီးသားပါ။

များသောအားဖြင့် ရေသောက်ရင်ပျောက်သွားပေမယ့် တချိန်လုံးရေငတ်နေတယ်ဆိုရင်တော့ ကျန်းမာရေးပြဿနာတွေ ရှိနေနိုင်တာဖြစ်ပါတယ်။

ပါးစပ်ခြောက်သွေ့ခြင်းမျိုး အချိန်ကြာရှည်စွာဖြစ်ပွားနေရင်တော့ တံတွေးထွက်ရှိခြင်းမှာ ပြဿနာရှိနေတာဖြစ်နိုင်ပါတယ်။

အသက်အရွယ်ကြီးလာတာနဲ့အမျှ အဖြစ်များလာပြီး အသက် ၆၅ နှစ်နဲ့အထက်လူကြီး ၃၀ ရာခိုင်နှုန်းလောက်မှာ တွေ့ရတတ်ပါတယ်။

အာခံတွင်းမှာ တံတွေးထွက်ခြင်းနည်းပါးပြီး ပါးစပ်ခြောက်သွေ့ခြင်းမျိုးက စိတ်ဖိစီးမှုများပြီး ရေသောက်နည်းတဲ့အခါမျိုးမှာ ဖြစ်တတ်ပါတယ်။

တံတွေးထွက်တဲ့ ဂလင်းတွေရဲ့လုပ်ဆောင်ချက် ချို့ယွင်းလာပြီး တံတွေးထွက်ရှိမှု နည်းပါးတာဖြစ်ကြောင်း ခံတွင်းကျန်းမာရေးအထူးကုဒေါက်တာ'အာယဲလက်ဇလိုတိုဂေါစကီး'က ရှင်းပြသွားပါတယ်။

"တံတွေးက ခံတွင်းကျန်းမာရေးအတွက် မရှိမဖြစ်လိုအပ်တဲ့အရည်ပါ၊ အစားအစာတွေကို အရသာခံဖို့နဲ့ မျိုချဖို့အတွက် တံတွေးက အရေးပါပါတယ်၊ အစားအစာတွေနဲ့ ပွတ်တိုက်ခြင်းနဲ့ ရောဂါပိုးမွှားဝင်ရောက်ခြင်းတို့မှကာကွယ်ပေးပြီး သွားနဲ့သွားဖုံးကျန်းမာရေးကို ထိန်းသိမ်းပေးပါတယ်" လို့ ပြောပြခဲ့ပါတယ်။

တံတွေးထွက်ရှိမှု ချို့ယွင်းခြင်းနဲ့ ပါးစပ်ခြောက်သွေ့ရတဲ့ အခြားအကြောင်းအရင်းတွေထဲမှာ ဆေးဝါးသုံးစွဲရခြင်း၊ ကင်ဆာရောဂါသည်များတွင် ဓာတ်ရောင်ခြည်ဖြင့်ကုသခြင်း၊ ခုခံအားကျဆင်းရောဂါများ၊ အဆစ်အမြစ်ရောင်ရောဂါ၊ ကူးစက်ရောဂါများဖြစ်တဲ့ အသည်းရောင်အသားဝါစီ၊ အေအိုင်ဒီအက်စ်၊ ဆီးချိုရောဂါ၊ ပါကင်ဆန်ရောဂါ စတဲ့အခြေအနေတွေမှာ ဖြစ်တတ်ပါတယ်။

ခံတွင်းခြောက်သွေ့ခြင်းပြဿနာက အသက် ၆၅ နှစ်အထက်လူကြီးတွေမှာ ပိုအဖြစ်များပေမယ့် အသက်ကြီးလာလို့ တံတွေးထွက်ရှိခြင်းနည်းလာတာမျိုးတော့ မဟုတ်ပါဘူး။

တကယ်တမ်းကတော့ တံတွေးထွက်နည်းခြင်းက ရောဂါထူပြောလာခြင်းနဲ့ သုံးစွဲရတဲ့ ဆေးဝါးတွေများလာခြင်းကြောင့်ဖြစ်ပြီး နှစ်တွေကြာလာတာနဲ့အမျှ ပိုဆိုးလာတတ်ပါတယ်။

ခံတွင်းခြောက်လာတဲ့အခါ အစားဝါးရခက်ခဲခြင်း၊ မျိုချရခက်ခဲခြင်းတို့ဖြစ်လာကာ အစာခြေစနစ်နဲ့ အဟာရရရှိမှု ချို့တဲ့လာနိုင်တဲ့အပြင် သွားနဲ့ခံတွင်း ရောဂါများဖြစ်လာနိုင်ပါတယ်။

အချိန်ကြာရှည်စွာ ပါးစပ်ခြောက်သွေ့ခြင်းခံစားလာရရင်တော့ ခံတွင်းအထူးကုဆရာဝန်နဲ့ တိုင်ပင်သင့်ပါတယ်။

ထိုအခြေအနေတွေအတွက် တံတွေးထွက်ရှိခြင်းကိုအားပေးတဲ့ ဆေးဝါးပေးခြင်းနဲ့ ပုံမှန်သုံးစွဲနေတဲ့ဆေးတွေကိုပြောင်းလဲတာမျိုး ပြုလုပ်ပေးလေ့ရှိပြီး ခံတွင်းခြောက်သွေ့ခြင်းကို အတော်လေးသက်သာစေပါတယ်။

မသက်သာစေနိုင်ဘူးဆိုရင်တော့ ပါးစပ်ခြောက်ခြင်းကြောင့် ဖြစ်လာနိုင်တဲ့ နောက်ဆက်တွဲရောဂါအခြေအနေတွေကို သက်သာအောင်ပြုလုပ်ပေးပါတယ်။

"သွားပိုးစားခြင်းနဲ့ သွားဖုံးရောဂါကာကွယ်ဖို့ အလွန်အရေးကြီးပါတယ်၊ နောက်ဆက်တွဲ အခြေအနေတွေအဖြစ်များတာကြောင့် ဆရာဝန်ရဲ့အကူအညီနဲ့ တံတွေးထွက်ရှိခြင်းကို ပုံမှန်စစ်ဆေးသင့်ပါတယ်" လို့ 'ဇလိုတိုဂေါစကီး'က ရှင်းပြခဲ့ပါတယ်။

Source: The Jerusalem Post
#Yangon_Media_Group

Published 26 July 2022

ကနေဒါနိုင်ငံ ဗြိတိသျှကိုလံဘီယာ ပြည်နယ်မှာ တနင်္လာနေ့ စောစောပိုင်းမှာ ဆက်တိုက်သေနတ်ပစ်မှုတွေဖြစ်ပွားခဲ့ရာမှာ သေနတ်သမားဟုသံသယဖြစ်သူအပါအဝင် (၃) ဦးသေဆုံးသွားပါတယ်။

ဗန်ကူဗားမြို့ဆင်ခြေဖုံးရှိ လန်ဂလေးမြို့မှာ တနင်္လာနေ့ ညသန်းခေါင်ခန့်မှာ အမျိုးသားသေနတ်သမားတစ်ဦးတည်းလို့ ယုံကြည်ရတဲ့သူတစ်ဦးရဲ့ ပစ်ခတ်မှုကြောင့် (၄)ဦး သေနတ်ထိမှန်ခဲ့ပါတယ်။ အဲဒီအထဲမှာ လူ(၂)ဦးသေဆုံးခဲ့ရပြီး နောက်ထပ် အမျိုးသားတစ်ဦးနှင့် အမျိုးသမီးတစ်ဦး ဒဏ်ရာရရှိသွားခဲ့ပါတယ်။  အမျိုးသမီးဟာ ဆေးရုံမှာ စိုးရိမ်ရတဲ့ အနေအထားရှိနေပါတယ်။

သေနတ်သမားကို တွေ့တဲ့အချိန်မှာ သူဟာ ဒဏ်ရာတွေနှင့်ဖြစ်ပြီး အရာရှိတွေကပစ်ခတ်လို့ အဲဒီသူ သေဆုံးသွားတယ်လို့ ရဲက ပြောပါတယ်။

“ သေနတ်သမားဟာ တစ်ဦးတည်းကျူးလွန်တာလားဆိုတာကို ကျွန်တော်တို့ဆက်လက်စုံစမ်းစစ်ဆေးနေပါတယ်။ အခုစစ်ဆေးနေတာတွေအထိ အခြားသူတစ်ဦးဦးပါဝင်ပတ်သက်တဲ့ အနေအထားမတွေ့ရပါဘူး။ ပြီးတော့ အများပြည်သူ ဘေး အန္တရာယ်ကင်းရှင်းရေးအတွက် နောက်ထပ်ခြိမ်းခြောက်မှုလည်းမရှိပါဘူး” လို့ ဒေသဆိုင်ရာ ကနေဒါတော်ဝင် ရဲတပ်ဖွဲ့ ရဲမှူး ဂါလစ်ဘာယာနီကပြောပါတယ်။

သေနတ်ပစ်မှုတွေဟာ လန်ဂလေမြို့တစ်လျောက် အနည်းဆုံးနေရာငါးနေရာမှာဖြစ်ခဲ့တာပါ။ပြည်သူတွေကို ကာစီနိုတစ်ခုနှင့် ဘတ်စ်ကားမှတ်တိုင်တစ်ခုအပါအဝင် အချို့နေရာတွေ မသွားလာကြဖို့တော့ ရဲကပြောထားပါတယ်။

အသတ်ခံရသူတွေဟာ အိုးအိမ်မဲ့တွေလို့ပြောနေကြပေတယ့် ရဲအရာရှိ ဒေးဗစ်လီကတော့ သူတို့ဒါကို ဆက်လက်စုံစမ်းနေတုန်းလို့ ပြောပါတယ်။အသတ်ခံရသူတွေဟာ သေနတ်သမားနှင့် ဘယ်လို ဆက်ဆံမှုရှိသလဲဆိုတာကိုလည်း အရာရှိတွေက ကြိုးစားအဖြေထုတ်နေကြပါတယ်။

အသတ်ခံရသူတွေနှင့်သေနတ်သမားဘယ်သူဆိုတာ သိပေမယ့် ရဲတွေက သတင်းအချက်တွေ မထုတ်ပြန်သေးပါဘူး။

ဒါပေမယ့်သေနတ်သမားဟာ လူဖြူတစ်ဦးဖြစ်ပြီး ပျောက်ကျားတီရှပ်ဝတ်ထားပါတယ်။

ကနေဒါမှာ အဆိုးရွားဆုံးသေနတ်ပစ်မှုဖြစ်ခဲ့တာ ၂၀၂၀ခုနှစ်တုန်းကဖြစ်ပြီး အဲဒီတုန်းက သေနတ်သမားဟာ ရဲကားအတုကို မောင်းနှင်ပြီး လူ၁၃ ဦးကိုပစ်ခဲ့ကာ နောက်ထပ်လူ(၉)ဦးကိုလည်း နိုဗာစကော့ရှားမှာ မီးရှို့ပြီး သတ်ခဲ့တာဖြစ်ပါတယ်။

#Source: Reuters

#British_Columbia_shooting_killed_3 _people

#Canada_shooting

#Gun_violence_Canada

Published 25 July 2022

ဒရိုပါဒီ မာမူဟာ အိန္ဒိယနိုင်ငံရဲ့ သမ္မတအဖြစ် တနင်္လာနေ့က ကျမ်းသစ္စာကျိန်ဆိုခဲ့ပါတယ်။ မာမူဟာ အိန္ဒိယနိုင်ငံရဲ့ ဘေးဖယ်ခံထားရတဲ့ လူမျိုးစုနွယ်တွေထဲမှာ ပထမဆုံး နိုင်ငံခေါင်းဆောင်ဖြစ်လာသူတစ်ဦးပါ။

ကျောင်းဆရာမဟောင်းနှင့် ပြည်နယ်အုပ်ချုပ်ရေးမှူးဟောင်းတစ်ဦးဖြစ်တဲ့ မာမူဟာ အိန္ဒိယပါလီမန်နှင့်ပြည်နယ်လွှတ်တော်တွေရဲ့ ၆၄ ရာခိုင်နှုန်းထောက်ခံမဲနှင့် အိန္ဒိယရဲ့ အဆောင်အယောင် သမ္မတရာထူးကို ရရှိခဲ့တာဖြစ်ပါတယ်။

ဆန်သာ မျိုးနွယ်စုက လာတဲ့မာမူဟာ အိန္ဒိယနိုင်ငံ ဩရိသပြည်နယ်မှာ မွေးဖွားခဲ့ပါတယ်။ သူမဟာ ကျမ်းသစ္စာမကျိန်ဆိုခင်မှာ အိန္ဒိယလွတ်လပ်ရေးသူရဲကောင်း မဟတ္တမ ဂန္ဒီကို ရည်စူးထားတဲ့ အမှတ်တရနေရာ သွားရောက်ပြီး အလေးပြုခဲ့ပါတယ်။

မျိးနွယ်စုရွာကလေးတစ်ရွာကနေ ကျွန်မရဲ့ဘဝခရီးကိုစတင်ခဲ့ပါတယ် လို့ အသက် ၆၄နှစ်အရွယ်ရှိပြီဖြစ်တဲ့ မာမူက ပါလီမန်မှာ ကျမ်းသစ္စာကျိန်ပြီးတဲ့နောက်  ပြောပါတယ်။

“ကျွန်မလာခဲ့တဲ့ နောက်ခံကိုကြည့်ရင် ကျွန်မလိုလူမျိုးအတွက် မူလတန်းစာသင်ဖို့တောင် အိပ်မက်တစ်ခုပါ” လို့လည်း သူမက ပြောပါတယ်။

“ ဒါပေမယ့် အခက်အခဲအတားအဆီးတွေကြားထဲကပဲ ကျွန်မရဲ့ ဆုံးဖြတ်ချက်ဟာ ခိုင်မာလျက်ရှိတယ်။ ကျွန်မဟာ ရွာကနေ ကောလိပ်တက်တဲ့ ပထမဆုံးသမီးတစ်ယောက်ဖြစ်လာခဲ့တယ်” လို့ မာမူကပြောပါတယ်။

မာမူရဲ့အနိုင်ရမှုဟာ သေချာခဲ့တဲ့ကိစ္စပါ။ ဘာဖြစ်လို့လဲဆိုတော့ အာဏာရပါတီ ဘာရာတီရာ ဂျန်နာတာနှင့် ယင်းရဲ့ မဟာမိတ်ပါတီတွေရဲ့အင်အားကြောင့်ဖြစ်ပါတယ်။

မာမူ သမ္မတဖြစ်လာခြင်းဟာ ၂၀၂၄ ရွေးကောက်ပွဲမှာ ဝန်ကြီးချုပ် နာရင်ဒရာမိုဒီ ပြန်အရွေးခံရဖို့ သူ့ရဲ့ ဆင်းရဲသား မျိုးနွယ်စုအခြေခံအင်အားတွေ ချဲ့ထွင်ပေးလိုက်သလိုဖြစ်သွားပါတယ်လို့ သုံးသပ်သူတွေကဆိုပါတယ်။

“ သူမ  သမ္မတဖြစ်လာတာဟာ အိန္ဒိယ အထူးသဖြင့် ဆင်းရဲသားတွေ၊အပယ်ခံတွေနှင့် နင်းပြားတွေ အတွက် အရေးပါတဲ့ အခိုက်အတန့်တစ်ခုဖြစ်တယ်” လို့ မာမူရဲ့မိန့်ခွန်းအပြီးမှာ ဝန်ကြီးချုပ်မိုဒီက တွစ်တာမှာပို့စ်တင်ပါတယ်။

သူမရွေးကောက်ခံရတာဟာ အိန္ဒိယရဲ့လက်ရှိဖွံ့ဖြိုးတိုးတက်မှုရဲ့ နောက်မှာကျန်ရစ်ခဲ့ရသူတွေကို မျှော်လင့်ချက်တွေ ဖြစ်စေတယ် လို့ မာမူက ပြောပါတယ်။

“ ရာစုနှစ်များစွာ ချို့တဲ့နွမ်းပါးခဲ့ရသူတွေအတွက်  ဖွံ့ဖြိုတိုးတက်မှုရဲ့အကျိုးခံစားခွင့်တွေနှင့် ဝေးနေရသူတွေဟာ ကျွန်မအပေါ် အလေးအနက်ထားရှိကြတာကို  ကျွန်မ အထူးပဲ နှစ်ထောင်းအားရဖြစ်ပါတယ်” လို့ သူမကပြောပါတယ်။

အိန္ဒိယနိုင်ငံမှာ ဝန်ကြီးချုပ်ဟာ အုပ်ချုပ်ရေးအာဏာကို စွဲကိုင်ထားပါတယ်။ ဒါပေမယ့် အချို့သောပါလီမန်ဥပဒေကြမ်းတွေကို သမ္မတအနေနှင့် ပါလီမန်ကိုပြန်ပို့နိုင်ပါတယ်။အဲဒီ့အပြင် အစိုးရဖွဲ့စည်းတဲ့ လုပ်ငန်းစဉ်မှာလည်း ကွပ်ကဲကြီးကြပ်သူအဖြစ် ပါဝင်ရပါတယ်။

မာမူဟာ အိန္ဒိယနိုင်ငံမှာ ၂၀၀၇ခုနှစ်ကနေ ငါးနှစ်တာဝန်ယူခဲ့တဲ့ သမ္မတ ပရက်တီဘာပက်တီလ် ပြီးရင် ဒုတိယမြောက် အမျိုးသမီး သမ္မတတစ်ဦးဖြစ်ပါတယ်။

မာမူဟာ  ဟိန္ဒိူဇာတ်ခွဲခြားမှုစနစ်အခြေခံတဲ့ ဒါလစ်လူ့အဖွဲ့အစည်းရဲ့ ဒုတိယမြောက်သမ္မတဖြစ်သူ ရမ်နတ်ကိုဗင်းရဲ့ အရိုက်အရာ ကို ဆက်ခံသူဖြစ်ပါတယ်။

#Source_AFP

#India’s_First_Tribal_President

#Droupadi_Murmu

#India_Politics

#World_Wildlife
Published 25 July 2022

တောင်အာဖရိကမှ တိရိစ္ဆာန်စောင့်ရှောက်ရေးအဖွဲ့တွေက မိဘမဲ့ကြံ့ငယ်လေးတွေအကောင် ၃၀ ကျော်ကို လုံခြုံမှုရှိသည့် ဘေးမဲ့တောထဲသို့ရွှေ့ပြောင်းပေးခဲ့ပါတယ်။

#Yangon_Media_Group

#Local_News
Published - 25 July 2022

ကမ္ဘာ့ရွှေဈေးကျနေပေမယ့် ပြည်တွင်းရွှေဈေးကွက်မှာတော့ ဈေးမကျသေးပဲ ဈေးအမြင့်ပိုင်းနဲ့ အရောင်းအေးနေတယ်လို ရန်ကုန်တိုင်းရွှေလုပ်ငန်းရှင်များအသင်းကနေ အခုလို သိရပါတယ်။

#Yangon_Media_Group

#Local_News
Published - 24 July 2022

လတ်တလောမှာ ရွှေချည်ထိုးဝတ်စုံလုပ်ငန်းတွေ အရောင်းပြန်ဖြစ်နေသော်လည်း ရွှေချည်ထိုးဈေးကွက်တစ်ခုလုံးကတော့ အရောင်းအေးစက်နေဆဲဖြစ်တယ်လို့ ရွှေချည်ထိုးလုပ်ငန်းလုပ်ကိုင်တဲ့ ကိုရဲလင်းအောင် ကပြောပါတယ်၊၊

#Yangon_Media_Group

#Local_News
Published _ 25 July 2022

မော်လ်ဒိုက်၌ ဇူလိုင်လ ၁၇ ရက်မှ ၂၁ ရက်အထိ ကျင်းပခဲ့သည့် ၅၄ ကြိမ်မြောက် အာရှကာယဗလနှင့် ကာယကြံ့ခိုင်မှု ချန်ပီယံရှစ်ပြိုင်ပွဲအား မြန်မာနိုင်ငံကာယဗလနှင့် ကာယကြံ့ခိုင်မှုအားကစားအဖွဲ့ချူပ်မှ အမျိုးသား ၃ ဦးနှင့် အမျိုးသမီး ၃ ဦးတို့ ဝင်ရောက်ယှဉ်ပြိုင်ခဲ့ကြောင်း သိရသည်။

ဝင်ရောက်ယှဉ်ပြိုင်ရာ၌ မအေးသန္တာခိုင်မှ အမျိုးသမီး Model Physique (အသက် ၄၀ နှစ်အထက်)ပြိုင်ပွဲ၌ ရွှေတံဆိပ်ဆု၊ ကိုရဲထွန်းနောင်မှ အမျိုးသား(၇၀) ကီလိုတန်းမောင်ပြိုင်ပွဲ၌ ငွေတံဆိပ်ဆုများ ရရှိခဲ့သည်။

ယင်းအပြင် မမီမီကျော်နိုင်မှ အမျိုးသမီး Model Physique (၁၆၀ စင်တီမီတာအောက်)ပြိုင်ပွဲ၌ အဆင့်(၄)၊ မဝတ်ရည်ဖြိုးမှ အမျိုးသမီး Model Physique (Women Athletic Physique)ပြိုင်ပွဲ၌ အဆင့်(၄)၊ ကိုခင်မောင်ကျော်မှ အမျိုးသား(၈၀) ကီလိုတန်း မောင်ပြိုင်ပွဲ၌ အဆင့်(၄)၊ ကိုကျော်မင်းသန်းက အမျိုးသား (၅၅)ကီလိုတန်း မောင်ပြိုင်ပွဲ၌ အဆင့်(၅) အသီးသီးရရှိခဲ့ကြောင်း သိရသည်။

၅၄ ကြိမ်မြောက် အာရှကာယဗလနှင့် ကာယကြံ့ခိုင်မှုချန်ပီယံရှစ်ပြိုင်ပွဲအားဝင်ရောက်ယှဉ်ပြိုင်ခဲ့သည့် မြန်မာအားကစားအဖွဲ့သည် ဇူလိုင်လ ၂၄ ရက်တွင် ရန်ကုန်လေဆိပ်သို့ပြန်လည်ရောက်ရှိလာခဲ့ပြီး မြန်မာအားကစားအဖွဲ့အား ရန်ကုန်မြို့တော်စည်ပင် ဥက္ကဋ္ဌဦးဗိုလ်ဌေးနှင့် ရန်ကုန်တိုင်းအားကစားနှင့် ကာယပညာကော်မတီ ဥက္ကဋ္ဌ၊ ဥပဒေချူပ်ဦးဌေးအောင်အပါအဝင် တာဝန်ရှိသူများ၊ ပြည်သူများက လာရောက်ကြိုဆိုခဲ့ကြောင်း သိရသည်။

ymg/NN
#Yangon_Media_Group

#Local_News
Published - 25 July 2022

(၁)နှစ်ကျော်ကာလအတွင်း ပြည်ပနိုင်ငံတွေက မြန်မာအလုပ်သမားဦးရေ ၃၆,၀၀၀ ကျော် ပြည်ပသို့ စေလွှတ်ခွင့်ပြုခဲ့ကြောင်း အလုပ်သမားဝန်ကြီးဌာနမှ သိရသည်။

အဆိုပါ အလုပ်သမားများကို ၂၀၂၁ ခုနှစ် ဖေဖော်ဝါရီ ၁ရက်မှ ၂၀၂၂ ခုနှစ် ဇွန်လ ၃၀ ရက်အထိ ပြည်ပအလုပ်အကိုင်သက်သေခံကတ် (OWIC) ပြုလုပ်ပြီး စေလွှတ်ခဲ့ကြောင်း သိရသည်။

ယင်းသို့စေလွှတ်ရာတွင် ထိုင်းနိုင်ငံသို့ ၁၁,၁၂၃ ဦး၊ စင်ကာပူနိုင်ငံသို့ ၁၀,၅၆၁ ဦး၊ ကိုရီးယားနိုင်ငံသို့ ၂,၀၈၃ ဦး၊ ဂျပန်နိုင်ငံသို ၇,၅၅၈ ဦး၊ မလေးရှားနိုင်ငံသို့ ၃,၂၈၆ ဦး အပါအဝင် ပြည်ပ ၅၇နိုင်ငံကို စုစုပေါင်းလုပ်သား ၃၆,၃၆၅ ဦးဖြစ်ကြောင်း သိရသည်။

ပြည်ပသို့ သွားရောက်လုပ်ကိုင်မည့် အလုပ်သမားများကို တာဝန်ယူစေလွှတ်ရန် အေဂျင်စီ ၃၀၀ ကျော်အား အကျိုးဆောင်လိုင်စင်ထုတ်ပေးထားကြောင်း သိရသည်။

ymg/sth
#Yangon_Media_Group