Published 30 June 2022

ဂရမ်မီဆုရှင် R&B အဆိုတော် အာရ်ကယ်လီကို သူ့ရဲ့အောင်မြင်ကျော်ကြားမှုနှင့် ချမ်းသာကြွယ်ဝမှုတွေကို အမြတ်ထုတ်ပြီး သူ့ရဲ့ လိင်မှာနယ်ပယ်ထဲ အမျိုးသမီးတွေနှင့် အသက်မပြည့်သေးတဲ့မိန်းကလေးတွေကို သွေးဆောင်ဖြားယောင်းခဲ့တာ ပြစ်မှုထင်ရှားလို့ ဇွန်လ(၂၉)ရက် ဗုဒ္ဓဟူးနေ့က ထောင်ဒဏ် အနှစ်(၃၀) ချမှတ်ခံလိုက်ရပါတယ်။

အသက်၅၅နှစ်ရှိပြီဖြစ်တဲ့ ကယ်လီဟာ  တရားမဝင်လုပ်ငန်းဖြင့်အသက်မွေးမှုနှင့် လိင်ရာဇဝတ်မှုတွေကြောင့် ကိုးလကြာ အမှုရင်ဆိုင်နေရပြီးနောက် ယခုလိုထောင်ဒဏ်အပြစ်ပေးခံရတာဖြစ်ပါတယ်။ သူဟာ လွန်ခဲ့တဲ့ ဆယ်စုနှစ်နှစ်စုခန့်က "I Believe I Can Fly" ဆိုတဲ့ နာမည်ကျော်တေးအယ်ဘမ်နှင့် ဂရမ်မီဆုရခဲ့တာဖြစ်ပါတယ်။

ဘရွတ်ကလင်း ဖက်ဒရယ်တရားရုံံးက အမေရိကန်ခရိုင်တရားသူကြီး အန်း ဒွန်နယ်လီက ကယ်လီရဲ့ လူသားတွေ ထိခိုက်ခံစားရအောင် ဥပက္ခာပြမူခြင်းနှင့် ကျူးလွန်ခံရသူတွေကို လူသားမဆန်စွာရက်စက်ခြင်းတွေလုပ်ခဲ့တာတွေဟာ အထောက်အထားတွေမှာ ပေါ်လွင်နေတယ်လို့ ပြောပါတယ်။

“ဒီအမှုဟာ လိင်သက်သက်မဟုတ်ဘူး။အကြမ်းဖက်မှု၊ကြမ်းတမ်းရက်စက်မှုနှင့်ထိန်းချုပ်မှုတွေအကြောင်းဖြစ်တယ်” လို့ တရားသူကြီးကပြောပါတယ်။

နာမည်အပြည့်အစုံအရ ရောဘတ်ဆိုင်ဗက်စတားကယ်လီလို့ပေးထားတဲ့ ကယ်လီဟာ ဗုဒ္ဓဟူးနေ့ကြားနာပွဲမှာ စကားမပြောခဲ့ပါဘူး။ဒါပေမယ့် သူဟာ လိင်အကြမ်းဖက်မှုစွပ်စွဲချက်တွေကိုတော့ ထပ်ခါတလဲလဲ ငြင်းဆိုခဲ့ပါတယ်။

ထောင်ဒဏ်အမိန့်ဖတ်ကြားအပြီးမှာ ထောင်ဒဏ်ဟာ စိတ်ထိခိုက်စရာကောင်းပြီး အယူခံဝင်မယ်။ ထောင်အနှစ်၃၀ဆိုတာ သူ့ကို ထောင်ဒဏ်တစ်သက်ချလိုက်တာနှင့်အတူတူပဲလို့ သူ့ရှေ့နေ ဂျနီဖာဘွန်ဂျိန်းက ပြောပါတယ်။

“ဆယ်ကျော်သက်တစ်ဦးအနေနှင့် အာရ်ကယ်လီက သူ့ကို ပါးစပ်နှင့်ဆက်ဆံပေးဖို့ပြောတဲ့အခါ ‘ဟင့်အင်း” လို့ ကျွန်မ ဘယ်လိုပြောရမှန်းတောင်မသိဘူး” လို့ ဂျိန်းဒိုးအမှတ်(၂)လို့ အမည်သတ်မှတ်ထားတဲ့ အမျိုးသမီးကပြောပါတယ်။

အဲဒီနောက်သူမက စကားကိုခေတ္တရပ်လိုက်ပါတယ်။ အဲဒီနောက် ကယ်လီကိုစေ့စေ့ကြည့်ပြီး” ရှင်ဒါကိုမှတ်မိလား” လို့ မေးလိုက်ပါတယ်။

ကယ်လီဟာ နှာခေါင်းစည်း အမည်းရောင်တပ်ဆင်ထားပြီး ထောင်ဝတ်စုံဝတ်ဆင်ထားပါတယ်။

ငါးပတ်ခွဲကြာ စစ်ဆေးမှုမှာ စွပ်စွဲသူ တော်တော်များများက ကယ်လီဟာ သူတို့ကို သူ့စည်းမျည်းတွေအတိုင်း တိတိကျကျလိုက်နာဖို့ ဘယ်လိုတောင်းဆိုတယ်ဆိုတာတွေကို ထွက်ဆိုခဲ့ပါတယ်။

Source Reuters

#Local_News
Published_30 June 2022

ထိုင်းနိုင်ငံသို့ MOU စနစ်ဖြင့် အလုပ်သမား ၈၀၀ ခန့် ဇွန်လ ၂၉ ရက်တွင် မြဝတီ - မဲဆောက်ချစ်ကြည်ရေးအမှတ် (၂) တံတားမှတစ်ဆင့် ထပ်မံသွားရောက်ခွင့်ရခဲ့ကြကြောင်း သိရသည်။

အဆိုပါ အလုပ်သမားများအား ယွန်းနဒီ၊ ဝင်းဖြိုးအောင်၊ စွမ်းတော်ဝင်၊ New Covenant Ovessea Employment၊ People Diligence အေဂျင်စီများ အနေဖြင့် တာဝန်ယူထားခြင်းဖြစ်ပြီး ယွန်းနဒီ အေဂျင်စီ ကုမ္ပဏီမှ စေလွှတ်သည့် လုပ်သား (၅၀) ဦးမှာ ထိုင်းနိုင်ငံ၊ လုပ်ဘူရီမြို့ရှိ စဟာဖန် ကြက်သားစက်ရုံသို့ သွားရောက်လုပ်ကိုင်ရမည် ဖြစ်ကြောင်း သိရသည်။

ယင်းအပြင် စွမ်းတော်ဝင် အေဂျင်စီမှ တာဝန်ယူ စေလွှတ်သည့် လုပ်သား (၄၀၀) ဦးမှာ ထိုင်းနိုင်ငံ၊ မဟာချိုင်မြို့ရှိ ငါးသေတ္တာ စက်ရုံသို့လည်းကောင်း၊ ဝင်းဖြိုးအောင် အေဂျင်စီမှ တာဝန်ယူစေလွှတ်သည့် လုပ်သား (၁၁၉) ဦးမှာ နခွန်လာချစီမာခရိုင်၊ ဆီခယုမြိုရှိ ထိုင်း - တရုတ် လျှပ်စစ်အမြန်ရထားလမ်း တည်ဆောက်ရေး လုပ်ငန်းခွင်သို့ လည်းကောင်း၊ New Covenant Ovessea Employment အေဂျင်စီမှ လုပ်သား (၂၀၀) ဦးမှာ ထိုင်းနိုင်ငံ၊ ဖစ်ဘူရီမြို့ရှိ၊ အီလက်ထရောနစ်စက်ရုံသို့လည်းကောင်း အသီးသီးသွားရောက်လုပ်ကိုင်ကြမည် ဖြစ်ကြောင်း သိရသည်။

ထို့အပြင် People Diligence အေဂျင်စီမှ လုပ်သား (၃၀) ဦး အနက် လုပ်သား (၁၀) ဦးမှာ နွန်းထဘူရီမြို့ရှိ ဆီဆိုင်၊ လုပ်သား (၂၀) ဦးမှာ ‌ပရိဘောဂစက်ရုံတို့တွင် အလုပ်လုပ်ကြရမည် ဖြစ်ကြောင်း သိရသည်။

ymg/mt
#Yangon_Media_Group

#WorldHealth
Published 30 June 2022

တုပ်ကွေးကာကွယ်ဆေးအနည်းဆုံး ၁ ကြိမ်ထိုးနှံထားသူတွေဟာ ကာကွယ်ဆေးမထိုးထားတဲ့သူတွေနဲ့ယှဉ်ရင် အယ်လ်ဇိုင်းမားရောဂါဖြစ်ပေါ်နိုင်ချေ ၄၀ ရာခိုင်နှုန်းပိုမိုနည်းပါးကြောင်း ၄ နှစ်တာလေ့လာမှုတစ်ရပ်မှာတွေ့ရှိခဲ့ရတယ်လို့ UTHealth Houston က ဖော်ပြခဲ့ပါတယ်။

ထိုလေ့လာမှုမှာ အမေရိကန်မှ အသက် ၆၅ နှစ်နဲ့အထက်လူကြီး ၁ သန်းနီးပါးကိုလေ့လာခဲ့ပြီး တုပ်ကွေးကာကွယ်ဆေးအနည်းဆုံး ၁ ကြိမ်ထိုးထားသူတွေနဲ့ မထိုးထားသူတွေကို အယ်လ်ဇိုင်းမားရောဂါဖြစ်ပေါ်နိုင်မှုနဲ့ပတ်သက်ပြီး နှိုင်းယှဉ်ကြည့်ခဲ့ကြပါတယ်။

တုပ်ကွေးကာကွယ်ဆေးထိုးခြင်းနဲ့ အယ်လ်ဇိုင်းမားဝေဒနာလျော့ကျခြင်းတို့ကြား ဆက်စပ်မှုကို UTHealth Houston မှ သုတေသီများက အရင် ၂ နှစ်လောက်ကတည်းကတွေ့ရှိခဲ့ပြီးနောက် အခုလိုလေ့လာဖော်ထုတ်လာကြတာဖြစ်ပါတယ်။

အခုတစ်ခါလေ့လာမှုက အရင်လေ့လာမှုထက် နမူနာလူများပိုမိုပါဝင်လာပြီး တုပ်ကွေးကာကွယ်ဆေးထိုးထားသူ ၉၃၅,၈၈၇ ဦးနဲ့ ကာကွယ်ဆေးမထိုးထားသူ ၉၃၅,၈၈၇ ဦးတို့ပါဝင်ခဲ့ပါတယ်။

“တုပ်ကွေးကာကွယ်ဆေးထိုးထားတဲ့ သက်ကြီးရွယ်အိုတွေမှာ နှစ်တွေအတော်ကြာတဲ့တိုင်အောင် အယ်လ်ဇိုင်းမားရောဂါဖြစ်ပွားနိုင်ချေကို လျှော့ချပေးနိုင်ပါတယ်၊ နှစ်စဉ်ကာကွယ်ဆေးထိုးတိုင်း ထိရောက်မှုက နှစ်တွေကြာတဲ့အထိ တာရှည်ခံပါတယ်၊ ဒါကြောင့်နှစ်စဉ်တုပ်ကွေးကာကွယ်ဆေး ပုံမှန်ထိုးနေသူများက အယ်လ်ဇိုင်းမားဖြစ်နိုင်ချေအနည်းဆုံးဖြစ်နေပါတယ်” လို့ သုတေသနအဖွဲ့မှ ‘ဘက်ခ်ဘိုင်ဒါ’က ပြောပြခဲ့ပါတယ်။

တုပ်ကွေးကာကွယ်ဆေးထိုးခြင်းက အယ်လ်ဇိုင်းမားလက္ခဏာများခံစားရတဲ့လူတွေမှာလည်း ဘယ်လိုပတ်သက်နေမလဲဆိုတာကို လေ့လာသွားဦးမှာဖြစ်ပါတယ်။

၄ နှစ်တာလေ့လာချက်မှာတော့ တုပ်ကွေးကာကွယ်ဆေးထိုးထားသူ ၅.၁ ရာခိုင်နှုန်းဟာ အယ်လ်ဇိုင်းမားရောဂါဖြစ်ပွားလာပြီး ကာကွယ်ဆေးမထိုးထားသူ ၈.၅ ရာခိုင်နှုန်းကတော့ ရောဂါဖြစ်ပွားလာခဲ့ပါတယ်။

ကာကွယ်ဆေးအများအပြားက အယ်လ်ဇိုင်းမားလက္ခဏာဖြစ်နိုင်ချေကို လျှော့ချနိုင်ဖွယ်ရှိနေပြီး တုပ်ကွေးကာကွယ်ဆေးတစ်မျိုးတည်းမဟုတ်ပါဘူး။

လျှော့ချပေးနိုင်ခြင်းရှိ/မရှိက ရှုပ်ထွေးတဲ့ကိုယ်ခံအားစနစ်အပေါ်လည်း မူတည်နေပါတယ်။
အချို့ရောဂါများကြောင့် အယ်လ်ဇိုင်းမားပိုဆိုးတာမျိုးရှိသလို အချို့အခြေအနေတွေကလည်း ကာကွယ်ပေးနိုင်တာမျိုးရှိပါတယ်။

အခုခေတ်မှာ အယ်လ်ဇိုင်းမားရောဂါအကြောင်း ဦးစားပေးလေ့လာနေကြသလို မှတ်ဉာဏ်ချို့တဲ့တဲ့ ဝေဒနာတွေအကြောင်း ရှာဖွေနေကြပါတယ်။

ထိုလေ့လာမှုတွေကနေ ကုသဖို့နည်းလမ်းတွေတွေ့ရှိဖို့ မျှော်လင့်နေကြပါတယ်။

Source: The Jerusalem Post
#Yangon_Media_Group

Published 29 June 2022

နစကဥက္ကဋ္ဌဗိုလ်ချုပ်မှူးကြီးမင်းအောင်လှိုင်ဟာ ထိုင်းဘုရင့်တပ်မတော်မှ ဒုတိယဗိုလ်ချုပ်ကြီး Apichet Suesat ကို နေပြည်တော်တွင် တွေ့ဆုံကာ နစကရဲ့ ဖိတ်ခေါ်ကမ်းလှမ်းချက်အရ  မြန်မာနိုင်ငံဘက်သို့ပြန်လည်ဝင်ရောက်လိုသူတွေ အလွယ်တကူဝင်ရောက်နိုင်ရေးကိစ္စကို ဆွေးနွေးခဲ့ကြတယ်လို့ နစကရဲ့ သတင်းထုတ်ပြန်ချက်အရသိရပါတယ်။

ထိုင်း ဒုတိယဗိုလ်ချုပ်ကြီး အာပီချက် ဆူဆက်ဟာ မြန်မာနိုင်ငံတွင် ကျင်းပခဲ့တဲ့ မြန်မာ-ထိုင်းဒေသဆိုင်ရာ နယ်ခြားကော်မတီ အစည်းအဝေးကို ထိုင်းဘုရင့်တပ်မတော်ဘက်မှ ဦးဆောင်ပြီးလာရောက်တက်ခဲ့တာဖြစ်ပါတယ်။

အချို့သော ကျောင်းသားကျောင်းသူ လူငယ်များနှင့် CDM ဝန်ထမ်းတွေ နယ်စပ်ဒေသတွေကနေ မြန်မာနိုင်ငံသို့ ဥပဒေဘောင်အတွင်း ပြန်လည်ဝင်ရောက်နိုင်ရေးအတွက် မြန်မာနိုင်ငံဘက်သို့ အလွယ်တကူ ပြန်လည်ဝင်ရောက်နိုင်ဖို့ ထိုင်းတပ်မတော်ဘက်က ကူညီဆောင်ရွက်ပေးသွားမည့် အခြေအနေတွေကိုလည်း အမြင်ချင်းဖလှယ်ခဲ့ကြတာဖြစ်တယ်လို့ သတင်းမှာ ဖော်ပြထားပါတယ်။

နစကဥက္ကဋ္ဌနှင့် ထိုင်းဒုတိယဗိုလ်ချုပ်ကြီးတို့ဟာ နှစ်နိုင်ငံတပ်မတော်များအကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှု ပိုမိုတိုးတက်မြှင့်တင်ဆောင်ရွက်သွားမယ့်ကိစ္စတွေ၊နယ်စပ်ဒေသတည်ငြိမ်အေးချမ်းရေး၊တရားဥပဒေစိုးမိုးရေးနှင့် မူးယစ်ဆေးဝါးတားဆီးနှိမ်နှင်းရေးကိစ္စတွေနှင့် အခြားကိစ္စတွေပူးပေါင်းဆောင်ရွက်သွားမှာတွေကို ဆွေးနွေးခဲ့တယ်လို့ နစကရဲ့သတင်းထုတ်ပြန်ချက်အရ သိရပါတယ်။

အချို့သော ကျောင်းသားကျောင်းသူ လူငယ်များနှင့် CDM ဝန်ထမ်းတွေ နယ်စပ်ဒေသတွေကနေ မြန်မာနိုင်ငံသို့ ဥပဒေဘောင်အတွင်း ပြန်လည်ဝင်ရောက်နိုင်ရေးအတွက် မြန်မာနိုင်ငံဘက်သို့ အလွယ်တကူ ပြန်လည်ဝင်ရောက်နိုင်ဖို့ ထိုင်းတပ်မတော်ဘက်က ကူညီဆောင်ရွက်ပေးသွားမည့် အခြေအနေတွေကိုလည်း အမြင်ချင်းဖလှယ်ခဲ့ကြတယ်လို့ သတင်းမှာ ဖော်ပြထားပါတယ်။

#WorldBusiness 
Published 29 June 2022

ဂျာမနီမော်တော်ကားထုတ်လုပ်ရေးကုမ္ပဏီ BMW က တရုတ်နိုင်ငံအရှေ့မြောက်ပိုင်း လျောင်နင်ဒေသ ရှန်ယန်မြို့မှာ စက်ရုံအသစ်တစ်ရုံကို ပြီးခဲ့တဲ့ကြာသပတေးနေ့က ဖွင့်လှစ်ခဲ့ပါတယ်။

#Yangon_Media_Group

Published 29 June 2022

အိန္ဒိယနိုင်ငံရဲ့ မဟာမြို့ကြီးဖြစ်တဲ့ မွမ်ဘိုင်းမှာ  မုတ်သုန်မိုးကြောင့် လေးထပ်တိုက်တစ်တိုက် ပြိုကျရာ အနည်းဆုံး လူ(၁၉)ဦး သေဆုံးခဲ့ရတယ်လို့ အာဏာပိုင်တွေက ပြောပါတယ်။

အဲဒီတိုက်ဟာ မြို့လယ်ခရိုင်တစ်ခုရဲ့ ဆင်းရဲသားရပ်ကွက်နှင့်ကပ်လျက်တည်ရှိပြီး တနင်္လာနေ့ သန်းခေါင်မတိုင်ခင် ပြိုကျသွားခဲ့တာဖြစ်တယ်လို့ ဒေသအရာရှိတွေက ပြောပါတယ်။

အင်္ဂါနေ့ညနေအထိ လူ(၁၄)ဦး ကို ကယ်ထုတ်နိုင်ခဲ့ပေမယ့် အပျက်အစီးတွေကြားထဲက  ရုပ်အလောင်း(၁၉)လောင်းကိုရှာဖွေတွေ့ရှိခဲ့ကြပါတယ်။

ကယ်ဆယ်ရှာဖွေရေးလုပ်ငန်းတွေ ဆက်လုပ်နေကြတယ် လို့ အမျိုးသား သဘာဝဘေးအန္တရာယ်တုန့်ပြန်ရေးတပ်ဖွဲ့ရဲ့ ပြောရေးဆိုခွင့်ရသူ ကပြောပါတယ်။

သေဆုံးသူတွေထဲက ခြောက်ဦးဟာ အသက်၁၈နှစ်နှင့် ၂၁ နှစ်အကြား လူငယ်တွေဖြစ်ကြတယ်လို့ အာဏာပိုင်တွေက ပြောပါတယ်။

သေဆုံးသူရဲ့ညီမဖြစ်သူလို့ထင်ရတဲ့ အမျိုးသမီးတစ်ဦဟာ သေဆုံးတဲ့ရုပ်အလောင်းတစ်ခု လူနာတင်ယာဉ်နှင့်သယ်ဆောင်သွားတဲ့အချိန်ငိုယိုပြီးကျန်ရစ်ခဲ့ပါတယ်။

ဇွန်လကစင်တင်ဘာထိ မုတ်သုန်မိုးတွေဟာ အိန္ဒိယနိုင်ငံမှာ မြစ်တွေနှင့်တွင်းရေတွေအတွက် ပြန်ဖြည့်ပေးဖို့ အရေးကြီးပေမယ့် မိုးကြောင့် ပျက်စီးဆုံးရှုံးမှုတွေလည်း များတတ်ပါတယ်။

မိုးတွင်းမှာ တိုက်တွေပြိုကျတာဟာ အိန္ဒိယမှာဖြစ်နေကြပါ။ မရပ်မနားရွာနေတဲ့ မိုးတွေရဲ့အောက်မှာ ဟောင်းနွမ်းပြီး ခနော်နီ ခနောနဲ့ဖြစ်နေတဲ့ တိုက်တွေဟာ ပြိုလဲတတ်ကြပါတယ်။

မွမ်ဘိုင်းမြို့တော်ရဲ့ အနောက်ပိုင်းပြည်နယ်မဟာရာရှထရာမှာ မနှစ်က မုတ်သုန်မိုးကြောင့်ရေကြီးရေလျှံနှင့် မြေပြိုမှုတွေ ဖြစ်ခဲ့ပြီး လူပေါင်း ၂၀၀ခန့်သေဆုံးခဲ့ကြရပါတယ်။ လူပေါင်း တစ်သန်းခန့်ကိုလည်း နေရာရွှေ့ပြောင်းပေးခဲ့ရတာဖြစ်ပါတယ်။

Published_29 June 2022

The ASEAN  special envoy, Cambodia's deputy Prime Minister and minister for foreign affair and international cooperation, Mr. PRAK Sokhonn arrived in Yangon.

U Zaw Phyo Win, Director-General of the Department of Strategic Studies and Training, Ministry of Foreign Affairs , U Zaw Tun Oo ,Deputy Director General of the Department of Protocol , officials, Cambodian Ambassador to Myanmar Mr. CHHOUK Bunna and embassy officials welcomed the delegation at Yangon International Airport.

Published_29 June 2022

အာဆီယံအလှည့်ကျဥက္ကဋ္ဌ၏ မြန်မာနိုင်ငံဆိုင်ရာအထူးကိုယ်စားလှယ်၊ ကမ္ဘောဒီးယားနိုင်ငံ ဒုတိယဝန်ကြီးချုပ်၊ နိုင်ငံခြားရေးနှင့် အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီး H.E.Mr.PRAK Sokhonn နှင့် ကိုယ်စားလှယ်အဖွဲသည် ရန်ကုန်မြိုသို့ရောက်ရှိလာကြောင်း သိရပါတယ်။

 အဆိုပါကိုယ်စားလှယ်အဖွဲ့အား နိုင်ငံခြားရေးဝန်ကြီးဌာန ဗဟာဗျူဟာလေ့လာရေးနှင့်လေ့ကျင့်ရေးဦးစီးဌာန ညွန်ကြားရေးမှူးချုပ် ဦးဇော်ဖြိုးဝင်း၊ သံတမန်ရေးရာဦးစီးဌာန ဒုတိယညွှန်ကြားရေးမှုးချုပ် ဦးဇော်ထွန်းဦးနှင့် တာဝန်ရှိသူများ၊ မြန်မာနိုင်ငံဆိုင်ရာ ကမ္ဘောဒီးယားနိုင်ငံသံအမတ်ကြီး H.E.Mr.CHHOUK Bunna နှင့် သံရုံးမှတာဝန်ရှိသူများက ရန်ကုန်အပြည်ပြည်ဆိုင်ရာလေဆိပ်၌ ကြိုဆိုခဲ့ကြပါတယ်။

H.E.Mr.PRAK Sokhonn နှင့် ကိုယ်စားလှယ်အဖွဲ၏ ခရီးစဉ်အတွင်း ၂၀၂၂-ခုနှစ်၊ မေ ၆ ရက်က ကျင်းပခဲ့သော အာဆီယံလူသားချင်းစာနာမှုဆိုင်ရာ အကူအညီပေးရေး အစည်းအဝေးရလဒ်များနှင့် အာဆီယံဘုံသဘောတူညီမှုငါးရပ် အကောင်အထည်ဖော်ဆောင်ရန်၊ ခရီးစဉ်အတွင်း တွေ့ဆုံမှုများမှတစ်ဆင့် အားလုံးပါဝင်နိုင်သော နိုင်ငံရေးဆွေးနွေးပွဲအတွက် အထောက်အကူဖြစ်စေရန်၊ မြန်မာနိုင်ငံအတွင်းဖြစ်ပွားနေသော ပဋိပက္ခများတွင် ငြိမ်းချမ်းသောနည်းလမ်းဖြင့် အမျိုးသားရေးပြန်လည်ရင်ကြားစေ့ရေး လုပ်ငန်းစဉ်တစ်ရပ်ကို အမြန်ဆုံးအကောင်အထည်ဖော်ဆောင်နိုင်ရန် ကြိုးပမ်းဆောင်ရွက်သွားမှာဖြစ်ကြောင်း သိရပါတယ်။

ymg_mnn

#Local_News

Published_29 June 2022

ပြီးခဲ့တဲ့ ဇွန်လ ၁၆ ရက်နေ့က ရခိုင်ပြည်နယ်မောင်တောမြို့နယ်၊ ဇီးပင်ချောင်းကျေးရွာအနီးမှာ ပြန်ပေးဆွဲခံခဲ့ရတဲ့ တောင်ပြိုလက်ဝဲမြို့ သင်္ဘောလှကျေးရွာမူလွန် ကျောင်းအုပ်ဆရာကြီး ဦးဘိုဝင်းနဲ့ လက်ထောက်ဆရာမ ဒေါ်ဥမ္မာကျော်တို့ နှစ်ဦးဟာ သူတို့ရဲ့ နေအိမ်အသီးသီးကို ဇွန်လ ၂၈ ရက်မှာ ရောက်ရှိသွားကြပါပြီ။ပြန်ပေးသမားတွေက ငွေမပေးရင် သတ်ပစ်မယ်လို့ ပြောတာကို ရင်ဆိုင်ကြုံတွေ့ခဲ့ရတဲ့ ဆရာကြီး ဦးဘိုဝင်းကတော့ သူ့အနေနဲ့ သေလူလို ကိုယ့်ကိုကိုယ် သဘောထားလိုက်တော့တယ်လို့ YMG ကို ရင်ဖွင့်ပြောပြပါတယ်။

#Yangon_Media_Group

#LocalNews
Published - 29 June 2022

မျိုးရိုးဗီဇပြောင်း အိုမီခရွန်နှင့် ၎င်း၏ မျိုးစိတ်အသစ်များကို ကာကွယ်ရန် ကိုဗစ်-၁၉ ရောဂါကာကွယ်ဆေး အကြိမ်ပြည့်ထိုးနှံခြင်းနှင့် ထပ်ဆောင်းကာကွယ်ဆေးထိုးနှံထားရန် လိုအပ်ကြောင်း ကျန်းမာရေးဝန်ကြီးဌာနမှ ထုတ်ပြန်ထားသည်။

ကိုဗစ်-၁၉ ကူးစက်မှုကာကွယ်ရန် ပြည်သူများအနေဖြင့် သက်ဆိုင်ရာ ကျန်းမာရေးဌာနများတွင် ထပ်ဆောင်းကာကွယ်ဆေးကို မပျက်မကွက်ထိုးနှံမှုခံယူရန်လိုအပ်ကြောင်း၊ ကိုဗစ်-၁၉ ရောဂါ ကာကွယ်ထိန်းချုပ်ရေးအတွက် တိုင်းဒေသကြီး/ပြည်နယ်များတွင် ကိုဗစ်-၁၉ ရောဂါကာကွယ်ဆေးကို ဦးတည်အုပ်စုများသတ်မှတ်၍ ထိုးနှံပေးလျက်ရှိရာ ဇွန် ၂၅ ရက်အထိ အသက် ၁၈ နှစ်နှင့်အထက် လူဦးရေစုစုပေါင်း ၂၉၈၄၇၆၅၁ ဦး နှင့် အသက် ၁၈ နှစ် အောက် လူဦးရေစုစုပေါင်း ၅၃၅၉၉၉၁ ဦး တို့ကို ထိုးနှံထားရှိပြီးဖြစ်ကြောင်း စာရင်းများအရ သိရသည်။

ယင်းအပြင် ကာကွယ်ဆေးအကြိမ်ပြည့် ထိုးနှံပြီးစီးသူ ၂၇၅၄၅၃၂၉ ဦးနှင့် ထပ်ဆောင်း ကာကွယ်ဆေး ထိုးနှံပြီးစီးသူ ၂၄၀၄၈၀၂ ဦး ရှိပြီဖြစ်ကြောင်းလည်း သိရသည်။

ပြည်တွင်း၌ လက်ရှိအချိန်ထိ ဓာတ်ခွဲနမူနာစုစုပေါင်း (၈) သန်းကျော်အားစစ်ဆေးခဲ့ပြီး COVID-19 ဓာတ်ခွဲအတည်ပြုလူနာပေါင်း (၆)သိန်းကျော်ရှိပြီး ယင်းတွင်ပြန်လည်ကောင်းမွန်လာသူ စုစုပေါင်း ၅သိန်း ၉ သောင်းကျော်ရှိနေပြီဖြစ်ကာ သေဆုံးသူ စုစုပေါင်း ၁၉၄၃၄ ဦးရှိကြောင်း သိရသည်။

ymg/sth
#Yangon_Media_Group

#Local_News
Published - 29 June 2022

စစ်ကိုင်းတိုင်းဒေသကြီး၊ ဝက်လက်မြို့နယ်အတွင်းမှာ ရှေးဟောင်းအမွေအနှစ်ပစ္စည်းတွေ တူးဖော်ရောင်းချနေကြတယ်ဆိုတဲ့ သတင်းတွေ လူမှုကွန်ရက်ပေါ်မှာ ပျံ့နှံ့နေပါတယ်။

#Yangon_Media_Group

#Local_News
Published_29 June 2022

ဥမင်လှိုဏ်ခေါင်း ၆၀ ကျော် ပါဝင်မယ့် မူဆယ်-မန္တလေး မီးရထားလမ်းစီမံကိန်းကို ပြန်လည်စတင်မယ်လို့ နစက တာဝန်ရှိသူက ပြောပါတယ်။

#Yangon_Media_Group