Published 19 March 2023

အမေရိကန်သမ္မတဟောင်း ဒေါ်နယ်ထရမ့်က လာမယ့် အင်္ဂါနေ့မှာ သူ့ကိုဖမ်းဆီးလိမ့်မယ်လို့ မျှော်လင့်ထားတဲ့အကြောင်း မတ်၁၈ရက်က ပြောကြားလိုက်ပြီး သူ့ကိုထောက်ခံသူတွေအနေနှင့် ဆန္ဒပြပွဲတွေ စတင်ကြဖို့ လှုံ့ဆော်လိုက်ပါတယ်။

အဆိုပါကိစ္စဟာ မန်ဟန်တန်ဒိစတြိတ်ရှေ့နေရုံးက ပေါက်ကြားလာတာဖြစ်တယ်လို့  ထရမ့်က ကိုးကားလိုက်ပြီး သူ့ရဲ့ Truth လူမှုပလက်ဖောင်းမှာ သူကရေးသားလိုက်ပါတယ်။ “ ဦးဆောင်ရီပတ်ဘလီကန်ကိုယ်စားလှယ်လောင်းနှင့် အမေရိကန်ပြည်ထောင်စုရဲ့ သမ္မတဟောင်းဟာ လာမယ့်အပတ် အင်္ဂါနေ့မှာ ဖမ်းဆီးခံရပါလိမ့်မယ်။ ကန့်ကွက်ဆန္ဒပြကြ။ နိုင်ငံကိုပြန်ဆောင်ယူကြ” လို့ သူကရေးသားခဲ့ပါတယ်။

ထရမ့်နှင့် နှစ်ပေါင်းများစွာအကြာက ဇာတ်လမ်းရှုပ်ခဲ့တဲ့ စက်ဖနီကလစ်ဖို့အမည်ရင်းရှိတဲ့ စတုန်းမီဒန်နီယယ်ကို ထရမ့်က ၂၀၁၆ ရွေးကောက်ပွဲမတိုင်ခင် သူတို့ကိစ္စတွေလူသိရှင်ကြားမလုပ်ဖို့ နှုတ်ပိတ်တဲ့အနေနှင့် ဒေါ်လာ တစ်သိန်း  သုံးသောင်းပေးခဲ့တဲ့အပေါ် စုံစမ်းစစ်ဆေးရေးတွေက အာရုစိုက်ထားကြပါတယ်။

တရာလိုရှေ့နေတွေဟာ ဒီအမှုနှင့်ပတ်သက်လို ထရမ့်ကို တရားစွဲဖို့သင့်မသင့် ချိန်ဆနေကြပါတယ်။

တကယ်လို့ မန်ဟန်တန်ဒိစတြိတ်ရှေ့နေရုံးက ထရမ့်ကို စွဲချင်တင်ခဲ့မယ်ဆိုရင် အသက် ၇၆နှစ်အရွယ်ရှိပြီဖြစ်တဲ့ ဒေါ်နယ်ထရမ့်ဟာ ရာဇဝတ်မှုနှင့် ပထမဆုံးတရားစွဲခံရတဲ့ အမေရိကန်သမ္မတဖြစ်လာတော့မှာပါ။

တကယ်လို မန်ဟန်တန်တရားသူကြီးက သူ့ကိုစွဲချင်တင်ခဲ့ရင် သူ့အမှုသည်အနေနှင့် အမှုကိုရင်ဆိုင်လိမ့်မယ်လို့ ထရမ့်ရှေ့နေက စီအင်န်ဘီစီရုပ်သံကိုပြောပါတယ်။

ထရမ့်က ဒင်နီယယ်နှင့် ဇာတ်လမ်းရှုပ်ခဲ့တယ်ဆိုတဲ့အပေါ်ငြင်းဆိုထားပါတယ်။

စာလုံးကြီးတွေနှင့်ရေးထားတဲ့ ပို့စ်မှာ ထရမ့်က “ အကျင့်ပျက်ခြားပြီးအကြီးအကျယ်နိုင်ငံရေးလုပ်စားနေတဲ့ မန်ဟန်တန်  ဒိစတြိတ်ရှေ့နေများရုံးဆီက တရားမဝင်ပေါက်ကြားလာမှု” လို့ရေးသားထားပါတယ်။

ဗုဒ္ဒဟူးနေ့တုန်းက ဒန်နီယယ်ဟာ အမှုစွဲရှေ့နေတွေနှင့်တွေ့ဆုံခဲ့ပြီး “လိုအပ်လာရင် သက်သေအဖြစ်ထွက်ဆိုပေးမယ်” လို့ ကတိပေးခဲ့တယ်လို့ သူမရဲ့ရှေ့နေ ချားလ်စ် ဘရူးစတားကပြောပါတယ်။

ဒီလစောစောပိုင်းတုန်းက ဒိစတြိတ်ရှေ့နေ အယ်ဗင်ဘရက်ရဲ့အဖွဲ့နှင့် ထရမ့်ကိုတွေ့ဖို့အခွင့်အရေးပေးခဲ့ပေမယ့် ထရမ့်က သူ့ကိုယ်သူ အပြစ်ရှိသလိုဝန်ခံတဲ့သဘောသက်ရောက်နိုင်လို့ ရှောင်ရှားခဲ့ပါတယ်။

ဒီလိုဖိတ်ခေါ်ခြင်းဟာ သူ့ကိုတရားစွဲတော့မယ်ဆိုတာ သေချာသလောက်ဆိုတဲ့သဘောပဲလို့ ကျွမ်းကျင်သူတွေက ပြောဆိုနေကြပါတယ်။

Source WION

#သူ့ကိုဖမ်းရင်ဆန္ဒပြကြဖို့ထရမ့်ပြော

#ဒေါ်နယ်ထရမ့်#စတုန်းမီဒန်နီယယ်လ်

#YangonMediaGroup

#World_Health
Published 19 March 2023

ချက်ကြိုးသွေးမှရပြီး HIV ခံနိုင်ရည်ရှိတဲ့ ပင်မစတမ်ဆဲလ်အစားထိုးခွဲစိတ်ခြင်းဖြင့် HIV ဗိုင်းရပ်စ်ရောဂါကို ကုသနိုင်မယ့်နည်းလမ်းအသစ်ကို သိပ္ပံပညာရှင်များ တွေ့ရှိခဲ့ကြပါတယ်။

အဆိုပါနည်းလမ်းဖြင့် သွေးကင်ဆာနဲ့ HIV ရောဂါရှိတဲ့ လူမျိုးစပ်သက်လတ်ပိုင်းအမျိုးသမီးတစ်ဦးကို အောင်မြင်စွာကုသနိုင်ခဲ့ကြောင်း Cell ဂျာနယ်မှာ ကြာသပတေးနေ့က ဖော်ပြခဲ့ပါတယ်။

အလှူရှင်တွေထံမှရတဲ့ ပင်မစတမ်ဆဲလ်အစား ချက်ကြိုးသွေးမှရတဲ့ ပင်မစတမ်ဆဲလ်အသုံးပြုခြင်းဖြင့် လူမျိုးကွဲအားလုံးမှာ ရောဂါကိုကုသအောင်မြင်နိုင်ချေ ပိုများနေပါတယ်။

HIV ရောဂါက လူမျိုးအရ ကွဲပြားစွာဖြစ်ပွားတတ်ကာ ဗီဇကိုက်ညီတဲ့ သူစိမ်းအလှူရှင်ကိုရှာတွေ့ဖို့ဆိုတာ အလွန်ရှားပါးကြောင်း ကယ်လီဖိုးနီးယားတက္ကသိုလ်မှ ယဗွန်းဘရိုင်ဆန်က ပြောပြခဲ့ပါတယ်။

ကမ္ဘာတဝှမ်းမှာ HIV ဝေဒနာခံစားနေရသူ ၃၈ သန်းခန့်ရှိပြီး ဗိုင်းရပ်စ်ကုသဆေးများ ထိရောက်မှုရှိပေမယ့် တစ်ဘဝလုံးသုံးစွဲသွားဖို့ လိုအပ်ပါတယ်။

၂၀၀၉ ခုနှစ်ကတည်းက လူအများအပြားမှာ HIV ကုသနိုင်ခဲ့ပြီးဖြစ်ပါတယ်။

ကင်ဆာကုသနည်းမှာသုံးတဲ့ ပင်မစတမ်ဆဲလ်အစားထိုးခြင်းနဲ့ CCR5-delta32 မျိုးဗီဇပြောင်း ၂ ခုရှိတဲ့ အလှူရှင်ထံမှ ဆဲလ်များ လက်ခံရယူတာဖြစ်ပါတယ်။

အဆိုပါမျိုးဗီဇပြောင်းဟာ HIV ကိုခံနိုင်ရည်ရှိပြီး ဗိုင်းရပ်စ်တွေ ဆဲလ်ထဲသို့ ဝင်ရောက်မကူးစက်အောင် ကာကွယ်ပေးပါတယ်။

လူဖြူတွေထဲက တစ်ရာခိုင်နှုန်းခန့်သာ CCR5-delta32 ပုံစံတူ ၂ ခုရှိကာ အခြားလူမျိုးတွေမှာတော့ ထိုရာခိုင်နှုန်းထက် နည်းပါသေးတယ်။

ပင်မစတမ်ဆဲလ်အစားထိုးခြင်းဟာ အလှူရှင်နဲ့ လူနာကြား အတော်လေးကိုက်ညီဖို့ လိုတာကြောင့် လူမျိုးကွဲပြားသွားတဲ့အခါ အစားထိုးဖို့ခက်ခဲပါတယ်။

ဒါကြောင့် သိပ္ပံပညာရှင်တွေဟာ ချက်ကြိုးဘဏ်ထဲက CCR5-delta32 သယ်ဆောင်ထားတဲ့ ပင်မစတမ်ဆဲလ်တွေနဲ့ အစားထိုးကုသပေးခဲ့တာဖြစ်ပါတယ်။

ထိုခွဲစိတ်မှုကို ဒေါက်တာ'ကျင်မေရှု'နဲ့ 'ကွန်ဗန်ဘေဆန်'တို့ဦးဆောင်တဲ့အဖွဲ့က ၂၀၁၇ ခုနှစ်မှာ ပြုလုပ်ခဲ့ပါတယ်။

အစားထိုးပြီး ၄ နှစ်ကျော်အကြာမှာ လူနာရဲ့ HIV ရော သွေးကင်ဆာရောပါ သက်သာပျောက်ကင်းသွားပါတယ်။

HIV မတွေ့ရတာ လပေါင်း ၃၀ ကျော်ရှိလာပြီဖြစ်ပြီး ဆေးတွေလည်း မသောက်သုံးရတော့ပါဘူး။

ကင်ဆာရော HIV ပါရှိတဲ့လူနာကို အစားထိုးကုသမယ်ဆိုရင် CCR5-delta32 နဲ့ကုသဖို့ ဦးစားပေးစဉ်းစားသင့်ကြောင်း ဖော်ပြသွားပါတယ်။

Source: The Jerusalem Post #World_Health #ပင်မစတမ်ဆဲလ်
#HIV ကုသနိုင် #YMG #Yangon_Media_Group

Published 19 March 2023

အမေရိကန်ကိုတိုက်ခိုက်ရန်အတွက် မြောက်ကိုရီးယားစစ်တပ်တွင်  ဆန္ဒအလျောက် ဆန္ဒပြုသူများ သို့မဟုတ် စာရင်းပေးသွင်းကြတဲ့ ပြည်သူတွေ ရှစ်သိန်းခန့်ရှိတယ်လို့ မြောက်ကိုရီးယားနိုင်ငံပိုင်သတင်းစာတွင် သတင်း ရေးသားပါတယ်။

မြောက်ကိုရီးယားနိုင်ငံတစ်လွှားက ကျောင်းသားတွေနှင့်အလုပ်သမား ရှစ်သိန်းခန့်ဟာ အမေရိကန်ကို တန်ပြန်ဖို့အတွက် မြောက်ကိုရီးယားစစ်တပ်တွင် စာရင်းပေးသွင်းရန် ဆန္ဒရှိကြတယ်လို့ ရော့ဒွန်ဆင်မွန်းသတင်းစာကလည်းသတင်း ရေးသားပါတယ်။

“လူငယ်တွေ စစ်တပ်ထဲဝင်လိုတဲ့ စိတ်ဓာတ်ပြင်းပြမှုတွေမြင့်တက်လာတာဟာ ကျွန်ုပ်တို့ရဲ့ တန်ဖိုးရှိလှတဲ့ ဆိုရှယ်လစ် နိုင်ငံကိုပျက်သုဉ်းစေဖို့ စစ်ရူးတွေရဲ့ နောက်ဆုံးကြိုးပမ်းမှုကို ဖျက်ထုတ်ပစ်မယ့် မျိုးဆက်သစ်လူငယ်တွေရဲ့ မယိမ်းယိုင်တဲ့ဆန္ဒတွေ၊ ကျရှုံးမှုမရှိတဲ့ အမျိုးသားပြန်လည်ပေါင်းစည်းရေးရရှိမှုနှင့်  သူတို့ရဲ့ အလွန်တက်ကြွတဲ့ မျိုးချစ်စိတ်ကိုရှင်းလင်းပြတ်သားစွာပြသနေတာဖြစ်တယ်” လို့ အဆိုပါသတင်းစာကရေးသားပါတယ်။

အမေရိကန်နှင့်တောင်ကိုရီးယားတို့ရဲ့ လက်ရှိပြုလုပ်နေတဲ့ စစ်ရေးလေ့ကျင့်မှုတွေကို တုန့်ပြန်တဲ့အနေနှင့် မြောက်ကိုရီးယားက Hwasong-17 တိုက်ချင်းပစ် ပဲ့ထိန်းဒုံးကျည် စမ်းသပ်ပစ်လွှတ်ပြီး မြောက်ကိုးရီးယားရဲ့ ယခုကြေညာ ချက်ထွက်ပေါ်လာခဲ့တာပါ။

မြောက်ကိုရီးယားဟာ တိုက်ချင်းပစ်ပဲ့ထိန်းဒုံးကျည်ကို ကိုရီးယားကျွန်းဆွယ်နှင့် ဂျပန်အကြားပင်လယ်ပြင်ထဲ စမ်းသပ်ပစ်လွှတ်ခဲ့ပါတယ်။ တောင်ကိုရီးယားသမ္မတ ထိပ်သီးအစည်းအဝေးအတွက် တိုကျိုကို မသွားရောက်ခင် နာရီ အနည်းငယ်အကြာမှာ ပစ်လွှတ်ခဲ့တာပါ။

ကုလသမဂ္ဂ လုံခြုံရေးကောင်စီရဲ့ဆုံးဖြတ်ချက်နှင့် မြောက်ကိုးရီးယားရဲ့ တိုက်ချင်းပစ်ပဲ့ထိန်းဒုံးကျည်ကိုတားမြစ်ထားပြီး ဒီလိုပစ်လွှတ်တာတွေကို တောင်ကိုရီးယား၊အမေရိကန်နှင့် ဂျပန်အစိုးရတွေက ရှုတ်ချထားပါတယ်။

တောင်ကိုရီးယားနှင့် အမေရိကန်စစ်တပ်တွေဟာ ၁၁ရက်ကြာ စစ်ရေးလေ့ကျင့်မှုတွေကို Freedom Shield 23 အမည်နှင့် တနင်္လာနေ့ကစတင်ဆောင်ရွက်နေကြပါတယ်။ဒီလောက်ကြီးမားတဲ့ စစ်ရေးလေ့ကျင့်မှုမျိုးကို ၂၀၁၇ခုနှစ်နောက်ပိုင်း ကတည်းကမတွေ့ခဲ့ကြရတာဖြစ်ပါတယ်။

မြောက်ကိုရီးယားခေါင်းဆောင်ကင်မ်က အမေရိကန်ပြည်ထောင်စုနှင့် တောင်ကိုရီးယားတို့ဟာ စစ်ရေးလေ့ကျင့်မှုနှင့်  အတူ တင်းမာမှုတွေတိုးပွားလာအောင်လုပ်နေတယ်လို့ စွပ်စွဲထားပါတယ်။

Source Reuters

#မြောက်ကိုရီးယား

#အမေရိကန်နှင့်စစ်တိုက်ရန်ဆန္ဒပြုထားသူ#မြောက်ကိုရီးယားလူငယ်ရှစ်သိန်းခန့်ရှိ

#YangonMediaGroup

#Sports_News
Published - 19 March 2023

မြန်မာ့လက်ရွေးစင် အသင်းသည် ရှမ်းယူနိုက်တက်အသင်းမှ မြတ်ကောင်းခန့်အား ထပ်မံအားဖြည့် ခေါ်ယူခဲ့ပြီး  ပြည်တွင်းကစားသမားများဖြင့် မတ် ၁၈ ရက် ညပိုင်းတွင် လေ့ကျင့်မှု စတင်ခဲ့ပါတယ်။

အိန္ဒိယ၊ ကာဂျစ္စတန် တို့နှင့် ခြေစမ်းပွဲများအတွက် ပြည်တွင်းကစားသမားများပါဝင်သော လက်ရွေးစင်အသင်း ပထမအသုတ်သည် မနက်ဖြန် မတ်လ ၁၉ ရက်နေ့တွင် အိန္ဒိယနိုင်ငံသို့ ထွက်ခွာမည်ဖြစ်ပြီး ထိုင်းလိဂ်မှ မြန်မာ့လက်ရွေးစင် ကစားသမားများသည် ဒုတိယအသုတ်အနေဖြင့် မတ်လ ၂၀ ရက်တွင် ဘန်ကောက်မြို့မှ ထွက်ခွာလာမှာ ဖြစ်ပါတယ်။

လိဂ်ပွဲစဉ်များကြောင့် ထိုင်း၊ မလေးရှား တို့မှ လက်ရွေးစင် ကစားသမားများသည် ရန်ကုန်မြို့တွင် လာရောက်ပူးပေါင်း လေ့ကျင့်နိုင်ခြင်းမရှိဘဲ အိန္ဒိယနိုင်ငံသို့ ရောက်ရှိမှသာ အသင်းနှင့်အတူတကွ လေ့ကျင့်မှုပြုလုပ်နိုင်မယ်လို့ ဆိုပါတယ်။

မတ်လ ၂၁ ရက်နေ့တွင် မြန်မာ့လက်ရွေးစင်အသင်း လူစုံလေ့ကျင့်မှုပြုလုပ်ပြီးနောက် မတ်လ ၂၂ ရက်တွင် အိန္ဒိယ လက်ရွေးစင်အသင်းနှင့် ခြေစမ်းပွဲ စတင်ကစားမည်ဖြစ်သည်။ ယင်းနောက် ဒုတိယ ခြေစမ်းပွဲအဖြစ် ကာဂျစ္စတန်အသင်းနှင့် မတ်လ ၂၅ ရက်တွင် ဆက်လက်ခြေစမ်းမှာ ဖြစ်ပါတယ်။

#Yangon_Media_Group

#World_Science
Published 19 March 2023

Amazon.com က ၂၀၂၄ ပထမနှစ်ဝက်မှာ သူတို့ရဲ့ပထမဆုံးအင်တာနက်ဂြိုဟ်တုများကို လွှတ်တင်ရန်စီစဉ်နေပြီး မကြာမီမှာ ကနဦးစမ်းသပ်မှုများပြုလုပ်ရန် တောင်းဆိုထားကြောင်း အင်္ဂါနေ့က ပြောကြားခဲ့ပါတယ်။

Amazon က အီလွန်မက်စ်ရဲ့ SpaceX ၊ အခြားကုမ္ပဏီများနဲ့အတူ ကမ္ဘာတဝှမ်းမှာ မြန်နှုန်းမြင့်အင်တာနက်ပံ့ပိုးရန် ပြင်ဆင်နေပါတယ်။
Amazon ဂြိုဟ်တုအင်တာနက်အစီအစဉ် Kuiper စီမံကိန်းဟာ ယခုနှစ်နောက်ပိုင်းမှာ ဂြိုဟ်တုအမြောက်အများထုတ်လုပ်သွားမှာဖြစ်ကြောင်း ဆိုပါတယ်။

ဒါတွေဟာ ကမ္ဘာပတ်လမ်းကြောင်းအနိမ့်မှာ ပထမဆုံးလွှတ်တင်မယ့် ဂြိုဟ်တု ၃ ထောင်ကျော်ဖြစ်လာမှာပါ။

၂၀၂၄ မှာ သုံးစွဲသူများနဲ့ သေချာပေါက်စမ်းသပ်သွားမယ်လို့ Amazon ကိရိယာများ ဒုက္ကဌ'ဒေ့ဗ်လမ့်'က ဝါရှင်တန်မှာ ပြောကြားခဲ့ပါတယ်။

Amazon က သန်းပေါင်းများစွာသော ကိရိယာတွေထုတ်လုပ်နေရာ အာကာသမှာ ဂြိုဟ်တု ၄ ထောင်ခန့်ရှိထားပြီးဖြစ်တဲ့ အီလွန်မက်စ်ရဲ့ SpaceX အပေါ် အနည်းငယ်အသာရနေတယ်လို့ ယူဆရပါတယ်။

ပတ်လမ်းကြောင်းရှိ Kuiper ဂြိုဟ်တုတွေကို သုံးစွဲသူတွေချိတ်ဆက်နိုင်စေရန် အန်တင်နာ ၃ မျိုးကိုလည်း ဖော်ပြခဲ့ပါတယ်။

သုံးစွဲသူတွေထံ တစ်စက္ကန့်ကို ၄၀၀ မဂ္ဂါဘစ်အင်တာနက်မြန်နှုန်းရရှိစေမယ့် ၄၀၀ ဒေါ်လာတန် ၁၁ လက်မစတုရန်းလက်မရှိတဲ့ အန်တင်နာကို Amazon က ဖော်ပြခဲ့ပါတယ်။

ဒီထက်ပိုသေးပြီး ၇ လက်မကျယ်တဲ့ အန်တင်နာကတော့ ပိုမိုတတ်နိုင်ဖွယ်ရှိနေကာ ဈေးနှုန်းကိုတော့ မဖော်ပြထားပါဘူး။

အစိုးရနဲ့ ဆက်သွယ်ရေးကွန်ရက်များအတွက် Amazon ရဲ့ အကြီးဆုံးအန်တင်နာကတော့ ၁၉ x ၃၀ လက်မရှိကာ တစ်စက္ကန့်ကို အင်တာနက်မြန်နှုန်း ၁ ဂစ်ဂါဘစ်အထိရနိုင်ပြီး ရုပ်သံအရည်အသွေးမြင့် ဇာတ်ကားတစ်ကားကို စက္ကန့်မျှဖြင့် ဒေါင်းလုပ်ဆွဲနိုင်မှာဖြစ်ပါတယ်။

#Source: India Today #World_Science #ဂြိုဟ်တုပေါင်း(၃)ထောင် #Amazon #YMG#Yangon_Media_Group

#Local_News
Published_ 18 March 2023

ပြီးခဲ့တဲ့ မတ်လ ၁၁ရက်နေ့ကစပြီး ပြည်တွင်းရွှေဈေးဆက်တိုက်ဆိုသလိုမြင့်တက်လာတာပါ။ အမေရိကန်နိုင်ငံမှာ silicon Valley Bank's holding ကုမ္ပဏီအပါအဝင် ဘဏ်တချို့ ဒေဝါလီခံလိုက်ရတဲ့ ဂယက်ကြောင့် တစ်ကမ္ဘာ့လုံးမှာ ရွှေအဝယ်များလာ ကမ္ဘာ့ရွှေဈေးဆက်တိုက်ဈေးမြင့်လာတာဖြစ်တယ်လို့ ရန်ကုန်ရွှေအသင်းဥက္ကဌဦးမျိုးမြင့်က ပြောပါတယ်။

#Local_News #အမေရိကန် #ဒေဝါလီခံ #ရွှေဈေးမြင့်တက်
#YMG #Yangon_Media_Group

#Local_News
Published_ 18 March 2023

သင်္ကြန်အပြီးနွေကာလမှာ မီးလောင်မှုတွေ ပိုများလာနိုင်တဲ့အတွက် ရပ်ကွက်တိုင်းမှာ ရပ်ကွက်နေပြည်သူတွေအနေနဲ့ အရန်မီးသတ်အဖွဲ့များ ဖွဲ့ထားဖို့လိုအပ်တယ်လို့ မြန်မာနိုင်ငံမီးသတ်အဖွဲ့ချုပ်မှ သိရပါတယ်၊၊

#Local_News #မီးလောင်ကျွမ်းမှု #အရန်မီးသတ်အဖွဲ့
#YMG #Yangon_Media_Group

#World_Nostalgic
Published 17 March 2023

ဗီဂျေးဒါမာလာဟာ ယနေ့ခေတ်လူငယ်တွေလိုမျိုး သီချင်းတွေကို အွန်လိုင်းကနေ ရှာဖွေနားထောင်လေ့ရှိပေမယ့် တဖြည်းဖြည်းနဲ့ သီချင်းဓာတ်ပြားစုဆောင်းရတာကို နှစ်ခြိုက်လာပါတယ်။

#World_Nostalgic #သီချင်းဓာတ်ပြားဟောင်း #စုဆောင်းခြင်း
#YMG #Yangon_Media_Group

#Health_Matters
Published - 18 March 2023

- ကိုဗစ်-၁၉ ကပ်ရောဂါတုန့်ပြန်ဖြေရှင်းရာကနေ အနာဂတ်မှာ အလားတူ ကပ်ရောဂါမျိုးကို ဘယ်လိုကြံ့ကြံ့ခံကျော်လွှားနိုင်မယ်ဆိုတဲ့ အသိအမြင်တွေကော ရခဲ့ပါသလားဆရာ??

#Dr.KML #Health_Matters #ကိုဗစ်-၁၉ #သင်ခန်းစာများနှင့်မြန်မာ
#YMG #Yangon_Media_Group

#Local_News
Published_ 18 March 2023

မတ်လ ၁၃ ရက်တွင် စက်သုံးဆီပေါက်ဈေး၌ ဓာတ်ဆီ ၁ လီတာလျှင် ၂,၀၃၅ ကျပ်အထိ ရောက်ရှိလာပြီး ယနေ့လက်လီရောင်းချဈေးမှာ တစ်လီတာ ၁၉၃၁ အကျနှုန်းထားဖြင့် ဈေးကျဆင်းလာကြောင်း စက်သုံးဆီတင်သွင်းမှုကြီးကြပ်ရေးအဖွဲ့ PPRD ၏ နေ့စဉ် ဈေးနှုန်းအ ပြောင်းအလဲများအရ သိရပါတယ်။

#Local_News #ဓာတ်ဆီဈေး #ပြန်လည်ကျဆင်း
#YMG #Yangon_Media_Group

#Health_Matters
Published - 18 March 2023

- မြန်မာနိုင်ငံရဲ့ ကိုဗစ်-၁၉ ကပ်ရောဂါတုန့်ပြန်ခဲ့ရာမှာ ဘယ်လိုသင်ခန်းစာတွေ ရရှိခဲ့ပါသလဲဆရာ??

#Dr.KML #Health_Matters #ကိုဗစ်-၁၉ #သင်ခန်းစာများနှင့်မြန်မာ
#YMG #Yangon_Media_Group

#DailyNews
Published_ 18 March 2023

၁။ ဓာတ်ဆီ ဈေးတစ်လီတာ ၂၀၃၅ ကျပ်အထိ ပြန်လည်ကျဆင်းလာ

၂။ သင်္ကြန်အပြီးတွင် မီးလောင်ကျွမ်းမှု ပိုများလာနိုင်၍ ရပ်ကွက်တိုင်းတွင် အရန်မီးသတ်အဖွဲ့များ ဖွဲ့ထားရမည်ဟုဆို

၃။ အမေရိကန်ဘဏ်အချို့ ဒေဝါလီခံလိုက်တာကြောင့် ဒေါ်လာအညွှန်းကိန်းမြင့်လာပြီး ရွှေဈေးများ မြင့်တက်နေဟုဆို

၄။ သီချင်းဓာတ်ပြားဟောင်း ဝယ်ယူစုဆောင်းခြင်းပြန်လည်ခေတ်စားလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG