#DailyNews
Published - 11 August 2022

၁။ မြန်မာ့ထွက်ကုန်များကို ဘင်္ဂလားဒေ့ရှ်သို့သင်္ဘောဖြင့် တိုက်ရိုက်တင်ပို့မည့်ကိစ္စ အမြန်ဆုံးစတင်ရန် စီစဉ်

၂။ ရန်ကုန်တိုင်းတွင် ကိုဗစ်ကာကွယ်ဆေးထိုးပြီးသူ (၉၀) ရာခိုင်နှုန်းရှိပြီဖြစ်၊ ဆက်လက်ထိုးနှံပေးနေ

၃။ အောက်တိန်း 92 Ron တစ်လီတာ ၂၁၄၀ ကျပ်အထိ မြင့်တက်လာ

၄။ ဂျာကာတာလူကူးမျဉ်းကြားတွင် မော်ဒယ်လ်ရှိုးလျှောက်ပွဲ ဖန်တီးလာကြသည့် အင်ဒိုနီးရှားလူငယ်များ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published _ 11 August 2022

အခုဘဏ္ဍာနှစ် လေးလတာ ကာလအတွင်းမှာ ပြည်ပကို ပဲမျိုးစုံတန်ချိန် ငါးသိန်းခွဲကျော် တင်ပို့ထားရှိပြီး နိုင်ငံခြားဝင်ငွေ အမေရိကန်ဒေါ်လာသန်း ၄၂၀ ကျော်ရရှိထားတယ်လို စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာနရဲ့ ထုတ်ပြန်ချက်အရ သိရပါတယ်။

#Yangon_Media_Group

#Local_News
Published - 11 August 2022

ဧပြီလမှ ဇူလိုင်လကုန်အထိ လေးလတာကာလအတွင်း ရန်ကုန်အပြည်ပြည်ဆိုင်ရာ လေဆိပ်မှ နိုင်ငံခြားသား ၂၀၀၀၀ ကျော် ၀င်ရောက်ခဲ့ပြီး ပြည်တော်ပြန်ဦးရေ ၉၀၀၀၀ ကျော် ပြန်လာကြောင်း ရန်ကုန်တိုင်းဟိုတယ်နှင့် ခရီးသွားညွှန်ကြားမှု ဦးစီးဌာနမှ သိရသည်။

ရန်ကုန်အပြည်ပြည်ဆိုင်ရာ လေဆိပ်ကို ယခုနှစ် လေးလတာအတွင်း နိုင်ငံခြားခရီးသွား ဧည့်သည် နှစ်သောင်း ကျော်လာရောက်ခဲ့ပြီး နိုင်ငံပေါင်း ၆၄ နိုင်ငံကလာရောက်ခဲ့ကြောင်း သိရသည်။

ယင်းအပြင် ပြည်ပတွင်သွားရောက်အလုပ်လုပ်ကိုင်နေသည့် မြန်မာနိုင်ငံသားများနှင့် ပြည်ပအလည်အပတ်သွားပြီး မြန်မာကို ပြန်လည်ဝင်ရောက်မှု ဦးရေ ၉၀၀၀၀ ကျော်ရှိကြောင်း သိရသည်။

၂၀၂၂ ခုနှစ် မေလ ၂၀ ရက်နေ့တွင် Tourist Visa ဖြင့် ကမ္ဘာလှည့်ခရီးသွားဧည့်သည်များကို ခွင့်ပြုပေးခဲ့ပြီးနောက်ပိုင်း ပြည်ပခရီးသွားဧည့်သည်များ စတင်ဝင်ရောက်လာခဲ့ခြင်းဖြစ်ကြောင်း သိရသည်။

မြန်မာနိုင်ငံအနေဖြင့် နိုင်ငံတကာလေကြောင်းလိုင်းများကို ဧပြီလ ၁၇ ရက်နေ့မှစတင်ဆင်းသက်ခွင့်ပြုခဲ့ပြီး ပြည်ပလေကြောင်းလိုင်းများများဆင်းသက်ပါက ပြည်ပခရီးသွားဦးရေတိုးတက်လာမည်ဖြစ်ကြောင်း သိရသည်။

ymg/sth
#Yangon_Media_Group

#Local_News
Published _ 11 August 2022

မင်းပြား-ပေါက်တော ကားလမ်းဘေး ချောင်းရှည်ရွာ ငါးသားဖောက်စခန်းတွင် ဩဂုတ်လမှ စတင်ကာ ငါးမြစ်ချင်း သားဖောက်လုပ်ငန်းများကို မွေးမြူရေးဧက ၁၀၀၀ အထိ ဆောင်ရွက်နေပြီး ဘင်္ဂလားဒေ့ရှ် နိုင်ငံသို့ တင်ပို့နိုင်ရန်ဆောင်ရွက်မည်ဖြစ်ကြောင်း သိရသည်။

ရခိုင်ပြည်နယ် ငါးလုပ်ငန်း ဦးစီးဌာနအနေ ဖြင့် ရေချို ငါး၊ ပုစွန်မွေးမြူမှုနည်းသောနေရာ၌ ဝယ်လိုအားရှိနေသော ငါးမြစ်ချင်းကို အနီးဆုံးဈေးကွက်သို ကုန်ကျစရိတ်သက်သာစွာတင်ပိုနိုင်ရန် ရှေ့ပြေး Pilot Project အနေဖြင့် ငါးမွေးမြူရေးဇုန်ကို စတင်ဆောင်ရွက်ခြင်းဖြစ်ကြောင်း သိရသည်။

ရေချိုမွေးမြူရေး ဧက ၁၀၀၀ နှင့် ရေငန်မွေးမြူရေးဧက ၁၅၀၀ ရှိသည့်အနက် ရေချိ မွေးမြူရေးကို ကနဦး အကောင်အထည်ဖော်ခြင်းဖြစ်ပြီး၊ ဒေသခံ မွေးမြူရေးလုပ်သားများအနေဖြင့် ယင်းကိုစိတ်ဝင်စားပါက တာဝန်ယူဆောင်ရွက်နေသော ကုမ္ပဏီမှ နည်းပညာနှင့် အရင်းအနှီးစိုက်ထုတ်၍ ပူးပေါင်းဆောင်ရွက်သွားမည်ဖြစ်ကြောင်း သိရသည်။

မွေးမြူရေးကန် ဧက ၁၀၀၀ မှ ထွက်ရှိသော ငါးမြစ်ချင်းကို အိမ်နီးချင်း ဘင်္ဂလားဒေ့ရှ်နိုင်ငံသို့ တင်ပို့ပြီး ရေချိုငါးဈေးကွက်ကြီးတစ်ခုပေါ်ထွန်းလာရန် ကြိုးပမ်းဆောင်ရွက်မည်ဖြစ်ပြီး၊ မြေပြင်တွင် ရေချို၊ ရေငန် အမှန်တကယ်မွေးမြူမှု အဆင်ပြေစေရန်အတွက် ပြည်နယ်အစိုးရက သက်ဆိုင်ရာဝန်ကြီးဌာနများနှင့် ပေါင်းစပ်ညှိနှိုင်း ဆောင်ရွက်ပေးလျက်ရှိသည်။

ငါးမြစ်ချင်းကို ပြည်ပပို့ကုန် အတွက် ၂ နှစ် မွေးမြူလေ့ရှိပြီး ပထမတစ်နှစ်တွင် သား ပေါက်မှ ငါးဖျန်းအရွယ် ဒုတိယနှစ်တွင် ငါးဖျန်းမှ ရောင်းတန်းဝင် နှစ်ကီလိုကျော်အရွယ် မွေးမြူကြကြောင်း သိရသည်။

ymg/NN
#Yangon_Media_Group

Published 11 August 2022

တရုတ်ပြည်သူ့သမ္မတနိုင်ငံ ၊နိုင်ငံတော်ကောင်စီ ထိုင်ဝမ်ရေးရာရုံးနှင့် နိုင်ငံတော်ကောင်စီ ပြန်ကြားရေးရုံးတို့က “ ထိုင်ဝမ် အရေးကိစ္စနှင့် ခေတ်သစ်တွင် တရုတ်၏  ပြန်လည်ပေါင်းစည်းရေး” အမည်ဖြင့် စက္ကူဖြူ စာတမ်းတစ်ခုကို ထုတ်ဝေလိုက်ပါတယ်။

တရုတ်ဟာ ထိုင်ဝမ်ရဲ အစိတ်အပိုင်းဖြစ်တယ်ဆိုတဲ့ အချက်ကိုထပ်လောင်းအတည်ပြုခြင်း၊ အမျိုးသား ပြန်လည်ပေါင်းစည်းရေးအပေါ် တရုတ်ကွန်မြူနစ်ပါတီ၊ တရုတ်ပြည်သူတွေနှင့် သူတို့ရဲ့ ကတိကဝတ်တွေကို လက်တွေ့ပြသခြင်းနှင့် ခေတ်သစ် တရုတ်ကွန်မြူနစ်ပါတီနှင့် တရုတ်အစိုးရတို့ရဲ့ ရပ်တည်ချက်နှင့် မူဝါဒတွေကို အလေးပေးဖော်ပြခြင်းတို့အတွက် အဲဒီစက္ကူဖြူစာတမ်းကို ထုတ်ဝေလိုက်တာဖြစ်တယ်လို့ ဆင်ဟွာသတင်းမှာဖော်ပြထားပါတယ်။

ကုလသမဂ္ဂ အထွေထွေညီလာခံ ဆုံးဖြတ်ချက် ၂၇၅၈ဟာ တရုတ် တစ်နိုင်ငံတည်း သဘောတရားရဲ့ တရားဝင်အာဏာဟာ သံသယဖြစ်စရာမလိုဘဲ တစ်ကမ္ဘာလုံးက အသိအမှတ်ပြုတယ်ဆိုတာကို အတိုဆုံးနှင့်အရှင်းဆုံးဖော်ပြတဲ့ နိုင်ငံရေးစာရွက်စာတမ်းတစ်ခုဖြစ်တယ်လို့ စက္ကူဖြူ စာတမ်းက ရေးသားထားပါတယ်။

တရုတ်တစ်နိုင်ငံတည်း အခြေခံသဘောတရားဟာ နိုင်ငံတကာအသိုက်အဝန်းရဲ့ အားလုံးသဘောတူတဲ့ အမျာဆန္ဒကို ကိုယ်စားပြုပြီး နိုင်ငံတကာဆက်ဆံရေးရဲ့ အခြေခံစံနှုန်းတွေပါဝင်တယ်လို့ အဆိုပါစာတမ်းကပြောပါတယ်။

“ ကျွန်ုပ်တို့ဟာ တရုတ်တစ်နိုင်ငံဖြစ်သည်။ထိုင်ဝမ်သည် တရုတ်၏ အစိတ်အပိုင်းဖြစ်သည်။ ယင်းသည် သမိုင်းနှင့် ဥပဒေက ထောက်ခံပေးထားသော အငြင်းပွားစရာမလိုသည့် အချက်ဖြစ်သည်။ ထိုင်ဝမ်သည် နိုင်ငံတစ်နိုင်ငံ ဘယ်တော့မှမဟုတ်။ တရုတ်၏ အစိတ်အပိုင်းဟူသော အဆင့်အတန်းသ်ည ဘယ်သောအခါမှပြောင်းလဲမည်မဟုတ်ပေ” လို့ စာတမ်းကရေးပါတယ်။

ထိုင်ဝမ်အရေးကိစ္စဖြေရှင်းရန်နှင့် တရုတ်၏ ပြီးပြည့်စုံသော ပြန်လည်ပေါင်းစည်းခြင်းကို လက်တွေ့နားလည်သည် သမိုင်းပေး မစ်ရှင်တစ်ခုကို တရုတ်ကွန်မြူနစ်ပါတီက ဆောင်ရွက်ရန် ကတိကဝတ်ပြုတယ်လို့လည်းဆိုပါတယ်။

တရုတ်ကွန်မြူနစ်ပါတီရဲ့ ခိုင်မာတဲ့ ခေါင်းဆောင်မှုအောက်မှာ ထိုင်ဝမ်ရေလက်ကြားက နှစ်ဘက်သောပြည်သူတွေဟာ ရေလက်ကြားတစ်လျောက် တင်းမာမှုလျှော့ချရေးအတွက် အတူတကွအလုပ်လုပ်ခဲ့ကြတယ်လို့လည်းပြောပါတယ်။

သူတို့ဟာ ငြိမ်းချမ်းသော ဖွံဖြိုးတိုးတက်ရေးလမ်းကြောင်းကို ချမှတ်ခဲ့ကြပြီး ရေလက်ကြားဖြတ်ကျော်ဆက်ဆံရေးတွေ တိုးတက်စေဖို့ များစွာသော အောင်မြင်ဖြစ်ထွန်းမှုတွေလုပ်ခဲ့ကြတယ်လို့လည်း စာတမ်းမှာရေးပါတယ်။

ဒီမိုကရက်တစ်တိုးတက်ရေးပါတီ အာဏာပိုင်တွေရဲ့ လုပ်ဆောင်မှုဟာ ရေလက်ကြားဖြတ်ကျော်တင်းမာမှုတွေ ရရှိခဲ့ပြီး ထိုင်ဝမ်ရေလက်ကြားရဲ့ ငြိမ်းချမ်းရေးနှင့်တည်ငြိမ်ရေးကို အန္တရာယ်ဖြစ်စေခဲ့တယ်။ပြီးတော့ ငြိမ်းချမ်းစွာ ပြန်လည် ပေါင်းစည်းဖို့ အလားအလာတွေကို လျော့ပါးစေပြီး ခွင်ကို ကန့်သတ်သွားစေတယ်။ ငြိမ်းချမ်းစွာ ပြန်လည်ပေါင်းစည်းရေး လုပ်ငန်းစဉ်တွေ တိုးတက်ဖို့ ဒီအတားအဆီးတွေကို ဖယ်ရှားရမယ်လို့ စာတမ်းမှာ ဖော်ပြထားပါတယ်။

ထိုင်ဝမ်ခွဲထွက်ရေးသမားတွေဟာ ပြင်ပအင်အားတွေအပေါ်မှီခိုနေလို့ ဘာမှရမှာမဟုတ်ဘဲ ထိုင်ဝမ်ကိုအသုံးချပြီ တရုတ်ကို ထိန်းချုပ်ဖို့လုပ်ဆောင်တာတွေဟာ ပျက်စီးခြင်းကြုံပြီးကျရှုံးရလိမ့်မယ်။ အမျိုးသားပြန်လည်ပေါင်းစည်းရေးကို ရှေ့ရှုလည်ပတ်တဲ့ သမိုင်းဘီးတွေကို ဘယ်လို့ တစ်ဦးချင်း ဘယ်လို အင်အားတွေနှင့်မှ ရပ်တန့်နိုင်လိမ့်မယ်မဟုတ်ဘူးလို့လည်း စာတမ်းကရေးသားပါတယ်။

“ ငြိမ်းချမ်းစွာပြန်လည်ပေါင်းစည်းရေးကို လက်တွေ့သဘောပေါက်ဖို့  ပြည်မနှင့်ထိုင်ဝမ်တို့ဟာ သူတို့ကိုယ်ပိုင် လူမှုရေးစနစ်နှင့် အတွေးအခေါ်တွေရှိတယ်ဆိုတာ ကျွန်ုပ်တို့ အသိအမှတ်ပြုကြရမှာဖြစ်တယ်။ နိုင်ငံတစ်ခု ၊စနစ်နှစ်ခု အခြေခံသဘောတရားဟာ ဒီပြဿနာအတွက် အကျုံးဝင်ဆုံးသော အဖြေဖြစ်တယ်။ ထိုင်ဝမ်အရေးကိစ္စအတွက် ငြိမ်းချမ်းသောအဖြေရှာရန်မှာ ဒီမိုကရေစီသဘောတရားကို အခြေခံပြီး စိတ်ရင်းစေတနာရင်းဖြင့် ချည်းကပ်ကြကာ နှစ်ဖက်အကျိုးရှိအောင်လုပ်ဆောင်ကြရမှာဖြစ်တယ်။ မတူညီတဲ့ လူမှုစနစ်ဟာ ပြန်လည်ပေါင်းစည်းရေးအတွက် အတားအဆီးမဖြစ်သလို ခွဲထွက်ဖို့ အကြောင်းပြချက်လည်းမဟုတ်ဘူး” လို့ စာတမ်းတစ်နေရာမှာ ဖော်ပြထားပါတယ်။

“ငြိမ်းချမ်းစွာပြန်လည်ပေါင်းစည်းဖို့ အရိုးသားဆုံးနှင့် အတတ်နိုင်ဆုံးကြိုးပမ်းအားထုတ်မှုတွေနှင့်လုပ်ဆောင်မယ်။ ဒါပေမယ့် အင်အားအသုံးပြုတာကိုတော့ ငြင်းဆိုမှာမဟုတ်ဘူး။ လိုအပ်တဲ့အရေးယူမှုလုပ်ဆောင်မှုအတွက် နည်းလမ်းကိုအရန်သင့် လုပ်ထားမယ်။ ဒါဟာ ပြင်ပ စွက်ဖက်မှုနှင့် ခွဲထွက်ရေးလှုပ်ရှားမှုတွေကို စောင့်ကြပ်ဖို့ဖြစ်တယ်။ထိုင်ဝမ်က  ကျွန်ုပ်တို့ရဲ့ တရုတ်ရောင်းရင်းတွေကို ရည်ရွယ်စရာ အကြောင်းကိုမရှိဘူး။ တောင်းဆိုတဲ့ အခြေအနေတစ်ခုခုကြောင့်သာ အင်အားသုံးတာကို နောက်ဆုံးနည်းလမ်းအဖြစ်အသုံးပြုမယ်” လို့ စာတမ်းကရေးသားထားပါတယ်။

Source: Xinhua

#White_paper_CPC

#Taiwan_China

#CPC_White_Paper_Reunification

#World_Business
Published 11 August 2022

အိန္ဒိယကုမ္ပဏီ‌တွေက ရုရှားကျောက်မီးသွေး တင်သွင်းဝယ်ယူရာမှာ အနောက်နိုင်ငံတွေမှ ရုရှားအပေါ်ချမှတ်ထားတဲ့ ပိတ်ဆို့မှုတွေကို မချိုးဖောက်မိစေရန်နဲ့ အမေရိကန်ဒေါ်လာကို အသုံးမပြုချင်တာကြောင့် အာရှငွေကြေးများကို အသုံးပြုလာကြကြောင်း အကောက်ခွန်မှတ်တမ်းများနဲ့ စက်မှုလုပ်ငန်းအရင်းအမြစ်များမှ သိရှိရပါတယ်။

ရိုက်တာရဲ့ဖော်ပြချက်ရဲ့အရ အိန္ဒိယက ကျောက်မီးသွေးဝယ်ယူခြင်းမှာ တရုတ်ယွမ်ငွေပါဝင်လာပြီး အကောက်ခွန်အချက်အလက်တွေမှာတော့ ဒေါ်လာမဟုတ်တဲ့ငွေကြေးများ သုံးစွဲလာတဲ့အကြောင်းကို ဖော်ပြနေပါတယ်။

ယူကရိန်းစစ်ပွဲစကတည်းက အိန္ဒိယဟာ ရုရှားထံမှ ရေနံနဲ့ ကျောက်မီးသွေးများကို ပိုမိုတိုးမြှင့်ဝယ်ယူလာပါတယ်။

ဒါဟာ ဒဏ်ခတ်ပိတ်ဆို့မှုခံနေရတဲ့ ရုရှားကို အထောက်အကူဖြစ်စေသလို အိန္ဒိယအနေနဲ့လည်း အခြားနိုင်ငံတွေထံမှ ဝယ်ယူတာထက်စာရင် သဘာဝလောင်စာတွေကို လျှော့ဈေးနဲ့ ရရှိနိုင်မှာဖြစ်ပါတယ်။

အိန္ဒိယကို ကျောက်မီးသွေးတင်ပို့တဲ့အထဲမှာ ရုရှားက တတိယအများဆုံးဖြစ်လာခဲ့ပြီး ဇွန်လက တန်ချိန် ၂.၀၆ သန်း တင်သွင်းခဲ့ပါတယ်။

ဇွန်လအတွင်း ရုရှားကျောက်မီးသွေး ၇၄၂,၀၀၀ တန်ချိန် ဝယ်ယူခြင်းအတွက် အမေရိကန်ဒေါ်လာမဟုတ်ဘဲနဲ့ အခြားငွေကြေးများဖြင့် ပေးချေခဲ့ကြပါတယ်။

အိန္ဒိယသံမဏိထုတ်လုပ်ရေးလုပ်ငန်းများနဲ့ ဘိလပ်မြေထုတ်လုပ်ရေးလုပ်ငန်းများက လတ်တလော ရုရှားကျောက်မီးသွေးဝယ်ယူရာမှာ ယူအေ‌အီးငွေ၊ ဟောင်ကောင်ဒေါ်လာ၊ တရုတ်ယွမ်နဲ့ ယူရိုတိုဖြင့် ဝယ်ယူခဲ့ကြပါတယ်။

ထိုထဲမှာမှ ယွမ်က ၃၁ ရာခိုင်နှုန်း၊ ဟောင်ကောင်ဒေါ်လာက ၂၈ ရာခိုင်နှုန်း၊ ယူရိုက ၂၅ ရာခိုင်နှုန်းအောက်နဲ့ ယူအေအီးငွေက ၆ ပုံ ၁ ပုံခန့်ရှိပါတယ်။

အိန္ဒိယဘဏ္ဍာရေးဝန်ကြီးဌာနက အဆိုပါမှတ်တမ်းများနဲ့ ပတ်သက်ပြီး အတည်ပြုပေးဖိုတောင်းဆိုထားတဲ့ အီးမေးလ်များကို ဖြေကြားခြင်းမရှိသလို စီးပွားရေးနှင့်စက်မှုဝန်ကြီးဌာနတိုကလည်း မှတ်ချက်ပေးဖို့ ငြင်းဆန်ထားပါတယ်။

အိန္ဒိယဗဟိုဘဏ်ကလည်း မှတ်ချက်ပေးဖို့တောင်းဆိုမှုများကို မဖြေကြားခဲ့ပါဘူး။

ဗဟိုဘဏ်က လူသုံးကုန်ပစ္စည်းများအတွက် အိန္ဒိယငွေရူပီးနဲ့ပေးချေဖို့ ခွင့်ပြုလိုက်ပြီး ရုရှားနဲ့ နှစ်နိုင်ငံကုန်သွယ်ရေးမြှင့်တင်နိုင်ဖို့ မျှော်လင့်နေပါတယ်။

အမေရိကန်ဒေါ်လာက အိန္ဒိယလူသုံးကုန်တင်သွင်းခြင်းမှာ အဓိကငွေကြေးဖြစ်လာပြီး နိုင်ငံခြားအရန်ငွေထဲမှာ အများဆုံးထားရှိတဲ့ငွေကြေးဖြစ်ပါတယ်။

အခြားငွေကြေးတွေနဲ့ ရောင်းဝယ်ဖို့အတွက်ဆိုရင်တော့ လိုချင်တဲ့ငွေကြေးနဲ့ပေးချေနိုင်ရန် ချေးငှားသူတွေက သူတို့နဲ့ချိတ်ဆက်ထားတဲ့ဘဏ်တွေဆီကို ဒေါ်လာပိုပေးရမှာ ဖြစ်ပါတယ်။

Source: Reuters
#Yangon_Media_Group

#Local_News
Published _ 11 August 2022

နှစ်နိုင်ငံသဘောတူစာချုပ် MOU Zero Cost (အခမဲ့စနစ်)နှင့် ထိုင်းနိုင်ငံမှာ အလုပ်လုပ်ကိုင်မည့် မြန်မာလုပ်သား ၁၀၀ဦးကို ယမန်နေ့က ကော့သောင်းခရိုင် ရွှေဝက်ဝံတံတားမှ ထပ်မံစေလွှတ်ခဲ့သည်။

ထိုင်းနိုင်ငံ ကန်ချနဘူရီမှ အီလက်ထရောနစ်စက်ရုံများ၌ အလုပ်လုပ်ကိုင်ရန် မြန်မာလုပ်သား အမျိုးသား ၂၀ ဦးနှင့် အမျိုးသမီး ၈၀ ဦးကို ကော့သောင်း - ရနောင်း ရေလမ်းကြောင်းမှ စေလွှတ်ခဲ့သည်။

ယင်းတို့ဟာ MOU Zero Cost စနစ်နှင့် ထိုင်းနိုင်ငံမှာ အလုပ်လုပ်ရန် လာရောက်သည့် ပဉ္စမမြောက်အုပ်စု ဖြစ်သည်။

ထိုင်းစက်ရုံများမှာ တစ်ရက်ကို လုပ်အားခ ဘတ် ၃၂ဝ ဖြင့် တရားဝင်အလုပ်လုပ်ကိုင်ခွင့်ရမှာ ဖြစ်သည်။

ယခုနှစ် ဇူလိုင်မှ ဩဂုတ်လအတွင်း MOU Zero Cost စနစ်နှင့် အလုပ်လုပ်ရန် ကော့သောင်း-ရနောင်း ရေလမ်းကြောင်းမှသွားရောက်သည့် မြန်မာအလုပ်သမား ၅၀၄ ဦး ရှိပြီဖြစ်သည်။

ymg/NN
#Yangon_Media_Group

#World_Health
Published 11 August 2022

အစားအစာထုပ်ပိုးခြင်းနဲ့ အချို့မီးဖိုချောင်သုံးပစ္စည်းတွေမှာ ပါဝင်တဲ့ ဓာတုဓာတ်တွေဟာ ကင်ဆာဖြစ်နိုင်ချေ ၄ ဆကျော်လောက် ပိုများစေနိုင်ကြောင်း လေ့လာချက်တစ်ခုမှာ သတိပေးထားပါတယ်။

ထိုအရာတွေမှာပါဝင်တဲ့ တာရှည်ခံဓာတုပစ္စည်းတွေက လူတွေမှာ အသည်းကင်ဆာကို ဖြစ်ပွားစေနိုင်ကြောင်း လော့စ်အိန်ဂျလိစ် ကယ်လီဖိုးနီးယားတောင်ပိုင်းတက္ကသိုလ်မှ သုတေသီများက တွေ့ရှိခဲ့ပါတယ်။
အဲဒီအဆိပ်အတောက်ဓာတုတွေကို အများဆုံးထိတွေ့မိတဲ့သူတွေဟာ ကင်ဆာဖြစ်နိုင်ချေ ၄.၅ ဆပိုများနေခဲ့ပါတယ်။

ရောဂါထိန်းချုပ်ကာကွယ်ရေးစင်တာ(CDC)ရဲ့ ထုတ်ပြန်ချက်အရ ထိုဓာတုပစ္စည်းတွေဟာ အိုးကပ်ခြင်းမဖြစ်စေတဲ့ မီးဖိုချောင်သုံးဒယ်အိုးများ၊ ဘေစင်ရေပိုက်ခေါင်းမှရေများ၊ ပင်လယ်စာများ၊ မိုးကာအင်္ကျီများ၊ သန့်ရှင်းရေးသုံးပစ္စည်းများနဲ့ ခေါင်းလျှော်ရည်အထိပါ ပါဝင်နေပါတယ်။

ဒီဓာတ်ပစ္စည်းတွေဟာ လူတွေကို ထိခိုက်ပျက်စီးစေလျက်ရှိပြီး အနာဂတ်မှာလည်း ကျန်းမာရေးကိုပိုမိုဆိုးရွားလာစေနိုင်ကြောင်း ကျွမ်းကျင်သူများက သတိပေးထားပါတယ်။

ပိုလီဖလိုရိုအယ်လ်ကိုင်း(PFAS)လို့ခေါ်တဲ့ တာရှည်ခံဓာတုပစ္စည်းဟာ ပတ်ဝန်းကျင်နဲ့ ခန္ဓာကိုယ်ထဲမှာ ပြိုကွဲဖို့နှစ်ပေါင်းများစွာ ကြာမြင့်ပါတယ်။

အသည်းကင်ဆာက အသည်းရောဂါတွေထဲမှာ နောက်ဆုံးအဆင့်ဖြစ်ပြီး PFAS က ကင်ဆာဖြစ်ပွားမှုနဲ့ဆက်စပ်နေခြင်းကို ပထမဆုံးအကြိမ် လေ့လာတွေ့ရှိခဲ့တာဖြစ်ကြောင်း ဒေါက်တာ'ဂျက်ဆီဂွတ်ဒ်ရစ်ချ်'က ဖော်ပြခဲ့ပါတယ်။

အသည်းကင်ဆာဖြစ်ပွားသူ အယောက် ၅၀ ကို ရောဂါမရှိတဲ့သူအယောက် ၅၀ နဲ့နှိုင်းယှဉ် လေ့လာခဲ့ကြပါတယ်။

ကင်ဆာဖြစ်ပွားတဲ့သူတွေရဲ့သွေးထဲမှာ ဓာတုဓာတ်ပစ္စည်းမျိုးစုံရှိနေတာကို တွေ့ရှိခဲ့ကြပါတယ်။

အစာစားရင်းနဲ့ ဓာတုပစ္စည်းတွေဟာ အသည်းထဲရောက်ရှိလာပြီး ခန္ဓာကိုယ်အနှံကို ရောက်ရှိသွားပါတယ်။

တာရှည်ခံဓာတုပစ္စည်းတွေက အသည်းထဲမှာစုပုံလာပြီးနောက် အသည်းရဲ့လုပ်ငန်းစဉ်များကို နှောင့်ယှက်လာကြပါတယ်။

အသည်းပတ်ဝန်းကျင်မှာ အဆီတွေပုံလာစေပြီး အသည်းအဆီဖုံးခြင်းရောဂါတွေ ဖြစ်လာနိုင်ပါတယ်။

ဒီလိုဖြစ်ပွားလာရင် အသည်းကင်ဆာလည်း ဖြစ်နိုင်ချေပိုများလာကာ ဒါဟာ လတ်တလောကာလတွေမှာ အဖြစ်များလာတာကိုတွေ့ရပါတယ်။

ဒါကြောင့် အိမ်သုံးပစ္စည်းတွေမှာ တာရှည်ခံဓာတုပစ္စည်းများကို လျှော့ချထည့်သွင်းဖို့ အကြံပြုလာကြပါတယ်။

ဒါပေမဲ့ လူသုံးပစ္စည်းတွေမှာ ဓာတုဓာတ်များပါဝင်မှုကိုတော့ လက်ခံနိုင်လောက်တဲ့ပမာဏအတိုင်းအတာတစ်ခုအထိ ခွင့်ပြုသွားမှာဖြစ်ပါတယ်။

အရင်က ခွင့်ပြုခဲ့တဲ့ပမာဏက အလွန်မြင့်မားလွန်းတဲ့အတွက် အခုအခါတော့ များစွာလျှော့ချသတ်မှတ်ထားပါတယ်။

Source: Daily Mail
#Yangon_Media_Group

#Local_News
Published -11 August 2022

ထိုင်းနိုင်ငံ၊ ကန်ချနဘူရီပြည်နယ်တွင် ၂၀၂၂ ခုနှစ် ဇန်နဝါရီ ၂၀ ရက်က ဖြစ်ပွားခဲ့သည့် ယာဉ်တိမ်းမှောက်မှုကြောင့် သေဆုံးသွားသည့် မြန်မာလုပ်သားလေးဦးအတွက် လျော်ကြေးငွေ ဘတ်ငါးသိန်းစီကို ၎င်းတို့၏ မိသားစုတွေထံ ပေးအပ်သွားမည်ဖြစ်ကြောင်း မြန်မာအလုပ်သမားသံအရာရှိရုံးမှ ထုတ်ပြန်ထားသည်။

ဇန်နဝါရီ၂၀ ရက်က ကန်ချနဘူရီပြည်နယ်၊ သွန်ဖာဖမ်ခရိုင် အမှတ် (၃၂၃)လမ်းမကြီးပေါ်မှာ တရားမဝင် ရွှေ့ပြောင်းလုပ်သားများ တင်ဆောင်လာသည့်ကားသည် စစ်ဆေးရေးဂိတ်ကိုတွေ့ပြီး နောက်ကြောင်းပြန်ကွေ့ခဲ့ရာမှ ရှေ့ကမောင်းနှင်နေသည့် ဆယ်ဘီးကားကို ၀င်တိုက်မိခဲ့ခြင်းဖြစ်သည်။

အဆိုပါ ကားပေါ်တွင် တရားမ၀င် မြန်မာလုပ်သား ၁၀ ဦးလိုက်ပါလာသည့်အနက် ငါးဦး သေဆုံးခဲ့ ပြီး၎င်းတို့သည် ဘုရားသုံးဆူမြို့နယ်မှ ထိုင်းနိုင်ငံ၊ သွန်ဖာဖမ်ခရိုင်ကို ၀င်ရောက်ပြီး တောလမ်းခရီးကနေ စိုင်ရိုခရိုင်နယ်စပ်၊ ယင်းမှ ကန်ချနဘူရီပြည်နယ်ကို ကားဖြင့်၀င်ရောက်စဉ် ယာဉ်တိမ်းမှောက်ခဲ့ခြင်း ဖြစ်သည်။

ယင်းယာဉ်တိမ်းမှောက်မှုကြောင့် သေဆုံးသွားသည့်သူတွေထဲမှ လေးဦး သေဆုံးသူ မည်သူမည်ဝါဖြစ်ကြောင်း အထောက်အထားအပြည့်အစုံရရှိထားခြင်းကြောင့် လေးဦးအတွက်သာ ကျန်ရစ်သည့်မိသားစုကို လျော်ကြေးငွေ ပေးအပ်နိုင်ကြောင်း မြန်မာအလုပ်သမားသံအရာရှိရုံးက သတင်းထုတ်ပြန်ထားသည်။

ဖြူးမြို့နယ်ရှိ မောင်သက်နိုင်ဖြိုး(အသက် ၂၀ နှစ်)၊ မောင်နိုင်၀င်းစိုး(အသက် ၃၃ နှစ်)၊ ရသေ့တောင်မြို့နယ်က ဦးအောင်ရွှေ၀င်း(အသက် ၃၈ နှစ်)၊ မခင်မာနွယ်(အသက် ၂၇ နှစ်)တို့အတွက် လျော်ကြေးငွေ ဘတ် ငါးသိန်းစီကို မြန်မာအလုပ်သမား၀န်ကြီးဌာန၏ လမ်းညွှန်မှုဖြင့် မိသားစုတွေထံ အဖိတ်အစင်မရှိ လွှဲပြောင်းပေးအပ်မည်ဖြစ်ကြောင်းလည်းမြန်မာအလုပ်သမားသံအရာရှိရုံးက အသိပေးထုတ်ပြန်ထားသည်။

ymg/sth
#Yangon_Media_Group

#Local_News
Published -11 August 2022

စက်သုံးဆီစျေးနှုန်းများ သြဂုတ် ၁၁ ရက်(ယနေ့) တွင် ၂၁၄၀ ကျပ်အထိမြင့်တက်လာခဲ့ကြောင်း စက်သုံးဆီအရောင်းဆိုင်များ၏ စျေးနှုန်းများအရ သိရသည်။

သြဂုတ် ၁၀ ရက်နေ့တွင် ၉၂ တစ်လီတာလျှင် ၁၈၆၀ ကျပ် ရှိခဲ့ရာမှ ယနေ့တွင် ၂၁၄၀ ကျပ် သို့လည်းကောင်း ၊ ၉၅ တစ်လီတာဈေး ၁၉၂၀ ကျပ် ရှိခဲ့ရာမှ ယနေ့တွင် ၂၂၁၀ ကျပ်သို့လည်းကောင်း စျေးနှုန်းမြင့်တက်ခဲ့ခြင်းဖြစ်သည်။

ယင်းအပြင် သြဂုတ်လ ၁၀ ရက်က ၉၇ တစ်လီတာလျှင် ၂၃၃၅ ကျပ် ၊ ဒီဇယ် တစ်လီတာလျှင် ၂၁၂၀ ကျပ် ၊ ပရီမီယံ ဒီဇယ်တစ်လီတာလျှင် ၂၁၈၅ ကျပ် ရှိခဲ့ရာမှ ယနေ့ ( သြဂုတ်လ ၁၁ ရက်)တွင် ၉၇ တစ်လီတာလျှင် ၂၄၄၀ ကျပ် ၊ ဒီဇယ် တစ်လီတာလျှင် ၂၅၁၅ ကျပ် ၊ ပရီမီယံဒီဇယ်တစ်လီတာလျှင် ၂၅၁၅ ကျပ် အထိ စျေးမြင့်တက်လာခြင်းဖြစ်သည်။

ရန်ကုန်မြို့နှင့် မန္တလေးမြို့တို့တွင် ရည်ညွှန်းလက်ကားဈေးနှုန်းများနှင့် နေပြည်တော်၊ တိုင်းဒေသကြီးနှင့် ပြည်နယ်များတွင် ရည်ညွှန်းလက်လီဈေးနှုန်းများဖြင့်လည်း ရောင်းချပေးနေကြောင်း စက်သုံးဆီတင်သွင်း သိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ သိရသည်။

ဗဟိုဘဏ်၏ ဒေါ်လာရည်ညွှန်းဈေး ၁၈၅၀ ကျပ် သတ်မှတ်ချိန်က တစ်လီတာ ၁၆၀၀ ကျပ်စွန်းစွန်းသာ ရှိခဲ့သော်လည်း ၂၁၀၀ ကျပ်ကို တိုးမြှင့်လိုက်ချိန်ကစပြီး ဈေးထိုးတက်လာခြင်းဖြစ်ကာ တစ်လီတာ ၁၈၀၀ ကျပ်အောက် ပြန်လည်ရောက်ရှိဖို့ မရှိကြောင်း ဈေးကွက်အကဲခတ်အချို့က သုံးသပ်ပြောဆိုထားသည်။

ymg/sth
#Yangon_Media_Group

#World_Health
Published 11 August 2022

ယောကျ်ားတွေက မိန်းမတွေထက် ကင်ဆာဖြစ်နိုင်ချေပိုများကြတာဟာ နေထိုင်မှုနဲ့ ပတ်ဝန်းကျင်အခြေအနေများကြောင့်လို အချို့က ယူဆနေပါတယ်။

လေ့လာချက်အသစ်တစ်ခုမှာတော့ ဇီဝနောက်ခံဖြစ်ပျက်မှုများကြောင့်လို့ ရည်ညွှန်းနေပါတယ်။

ထိုလေ့လာချက်အရ ကျား/မအပေါ်မူတည်ကာ ကင်ဆာဖြစ်နိုင်ချေအမျိုးမျိုးရှိနေတယ်ဆိုတာကို ဖော်ပြနေပြီး ကင်ဆာကာကွယ်ခြင်းနဲ့ ကုသခြင်းတို့မှာ တိုးတက်ဖွံ့ဖြိုးလာအောင် ကူညီပေးနိုင်မှာဖြစ်ပါတယ်။

ကင်ဆာဆိုတာက တစ်ကမ္ဘာလုံးမှာဖြစ်ပွားလျက်ရှိကာ လူများသေဆုံးရခြင်းရဲ့ အဓိကအကြောင်းအရင်းတွေထဲက တစ်ခုဖြစ်ပါတယ်။

အမေရိကန်မှာဆိုရင် လူပေါင်း ၁ သိန်းတိုင်းမှာ ကင်ဆာဖြစ်ပွားသူ ၄၄၈ ဦးရှိပြီး ၁၅၆ ဦးသေဆုံးနေရပါတယ်။

အမျိုးသားရော အမျိုးသမီးမှာပါ ကင်ဆာရောဂါဖြစ်နိုင်ချေက အကြမ်းအားဖြင့်တော့ ညီတူမျှတလောက်ရှိပါတယ်။

ဒါဟာ ကျား/မ ကွဲပြားမှုအပေါ်မူတည်ပြီး ဆီးကျိတ်ကင်ဆာ၊ သားအိမ်ကင်ဆာတို ဖြစ်နိုင်ချေကိုလည်း ထည့်သွင်းထားပါတယ်။

ကျန်တဲ့ကင်ဆာအမျိုးအစားတွေမှာတော့ အမျိုးသားတွေက အမျိုးသမီးတွေထက် ကင်ဆာဖြစ်နိုင်ချေ ၂ ဆကျော်လောက် ပိုများနေကြောင်း လက်တွေ့အချက်လက်များက ဖော်ပြနေပါတယ်။

ဆေးလိပ်သောက်ခြင်း၊ အယ်လ်ကိုဟောသုံးစွဲခြင်း၊ ကျန်းမာရေးစောင့်ရှောက်ခံယူခြင်း၊ ကင်ဆာစစ်ဆေးခြင်း၊ အစားအသောက်ပုံစံနဲ့ အခြားအခြေအနေများပေါ်မူတည်ပြီး ကွဲပြားသွားကြတာဖြစ်နိုင်ပါတယ်။

ယောက်ျားတွေက မိန်းမတွေထက် ကင်ဆာဖြစ်နိုင်ချေပိုများရတဲ့အကြောင်းအရင်းကို သိရဖို့အတွက် အမျိုးသား ၁၇၀,၀၀၀ ဦးနဲ့ အမျိုးသမီး ၁၂၂,၀၀၀ ဦးတို့ကို သိပ္ပံပညာရှင်များက စမ်းသပ်မေးမြန်းခဲ့ကြပါတယ်။

သူတို့အားလုံးက အသက် ၅၀ နှစ်မှ ၇၁ နှစ်ကြားတွေဖြစ်ပြီး အမေရိကန်ပြည်နယ် ၆ ခုမှ လူတွေဖြစ်ပါတယ်။

သူတို့ထဲကမှ အမျိုးသား ၁၇,၉၅၁ ဦးနဲ့ အမျိုးသမီး ၈,၇၄၂ ဦးတို့က ကင်ဆာဖြစ်ပေါ်လာခဲ့ပါတယ်။

အမျိုးသမီးတွေက အမျိုးသားတွေထက် သိုင်းရွိက်နဲ့ သည်းခြေအိတ်ကင်ဆာ ဖြစ်နိုင်ချေပိုများပါတယ်။

အမျိုးသားတွေမှာ ဖြစ်နိုင်ချေပိုများတဲ့ ကင်ဆာတွေကတော့ ဆီးအိတ်ကင်ဆာ၊ လည်ချောင်းနဲ့ အစာအိမ်၊ အစာရေမျိုတို့ဖြစ်ပါတယ်။

ဆေးလိပ်၊ အရက်သေစာသောက်စားခြင်းတို့လို နေထိုင်မှုပုံစံတွေက အမျိုးသားတွေမှာ ကင်ဆာဖြစ်နိုင်ချေကို ပိုများစေသလို မျိုးဗီဇဆိုင်ရာနဲ့ ဇီဝကမ္မဖြစ်စဉ်တို့ကြောင့်လည်း ကင်ဆာဖြစ်နိုင်ချေပိုများနေနိုင်ပါတယ်။

Source: The Jerusalem Post
#Yangon_Media_Group

#Local_News
Published _ 10 August 2022

စားသုံးသူ ပြည်သူတွေကို သက်သာဈေးနှုန်းနဲ့ ဆန်ရောင်းချပေးနေရာမှာ ဆန်အိတ်နှစ်ထောင် ရောင်းချပေးပြီး ဖြစ်တယ်လို့ မြန်မာနိုင်ငံဆန်စပါးကုန်သည်များအသင်းထံမှ သိရပါတယ်။

#Yangon_Media_Group