#Local_News
Published_ 19 May 2023

တောင်တရုတ်ပင်လယ်တွင် နိုင်ငံများလိုက်နာရမည့် လုပ်ထုံးလုပ်နည်းဆိုင်ရာ ကြေညာ ချက် (DOC) အကောင်အထည်ဖော်ရေးနှင့်စပ်လျဉ်းသည့် (၂၀) ကြိမ်မြောက် အာဆီယံ− တရုတ် အဆင့်မြင့်အရာရှိကြီးများအစည်းအဝေးကို ကိုဗစ်-၁၉ ကူးစက်ရောဂါဖြစ်ပွားခြင်းကြောင့် (၂) နှစ်ကြာမျှ ကွာဟပြီးနောက် ၂၀၂၃ ခုနှစ်၊ မေလ ၁၇ ရက်နေ့တွင် ဗီယက်နမ်နိုင်ငံ၊ ဟလောင်မြို့၌ ကျင်းပခဲ့ပါတယ်။

အစည်းအဝေးတွင် နိုင်ငံခြားရေးဝန်ကြီးဌာန၊ အမြဲတမ်းအတွင်းဝန် ဦးချမ်းအေးနှင့် တရုတ်ပြည်သူ့သမ္မတနိုင်ငံ၊ နိုင်ငံခြားရေးဝန်ကြီးဌာန၊ နယ်နိမိတ်နှင့် ပင်လယ် သမုဒ္ဒရာဆိုင်ရာဌာန၊ ညွှန်ကြားရေးမှူးချုပ် Mr. Hong Liang တို့က ပူးတွဲဥက္ကဋ္ဌများအဖြစ် ဆောင်ရွက်ခဲပါတယ်။

အဆိုပါ အစည်းအဝေးသို့ အာဆီယံအဖွဲ့ဝင်နိုင်ငံများနှင့် တရုတ်ပြည်သူ့သမ္မတနိုင်ငံ တို့မှ အဆင့်မြင့် အရာရှိကြီးများနှင့် ကိုယ်စားလှယ်အဖွဲ့ဝင်များနှင့် အာဆီယံအတွင်းရေးမှူးချုပ်ရုံးမှ ဒုတိယ အတွင်းရေးမှူးချုပ်နှင့် ကိုယ်စားလှယ်အဖွဲ့ဝင်များ တက်ရောက်ခဲ့ကြပါတယ်။

အစည်းအဝေးတွင် တောင်တရုတ်ပင်လယ်တွင် နိုင်ငံများလိုက်နာရမည့် လုပ်ထုံးလုပ်နည်း ဆိုင်ရာကြေညာချက် (DOC) အကောင်အထည်ဖော်မှု၏ တိုးတက်မှုများကို ပြန်လည်သုံးသပ်ခဲ့ ကြပြီး တောင်တရုတ်ပင်လယ်တွင် ဖြစ်ပေါ်တိုးတက်မှုအခြေအနေများ ဆွေးနွေးခဲ့ကြပါတယ်။

ထို့နောက် DOC အပြည့်အဝ ထိရောက်စွာ အကောင်အထည်ဖော်ရေးကို အားပေးမြှင့်တင်ရန် လက်တွေ့ကျသည့် ပင်လယ်ရေကြောင်းပူးပေါင်းဆောင်ရွက်ရေး လုပ်ငန်းစဉ်အသစ်များ ကြိုဆို ခဲ့ကြပြီး ၂၀၂၃ ခုနှစ်အတွက် DOC အကောင်အထည်ဖော်ရေးဆိုင်ရာ နှစ်အလိုက် လုပ်ငန်းစီမံ ချက်များကို အတည်ပြုခဲ့ကြပါတယ်။

ဆက်လက်၍ တောင်တရုတ်ပင်လယ်ဆိုင်ရာ ကျင့်ထုံး တစ်ရပ်၏ တစ်ခုတည်းသောညှိနှိုင်းစာသား ဆောလျင်စွာ အပြီးသတ်ရေးအတွက် ဆွေးနွေး ညှိနှိုင်းမှုများကို အရှိန်မြှင့်တင်ရန် DOC ဆိုင်ရာ အာဆီယံ−တရုတ် ပူးတွဲလုပ်ငန်းအဖွဲ့အနေဖြင့် အားသွန်ခွန်စိုက် ဆောင်ရွက်သွားဖို့ တာဝန်ပေးအပ်ခဲ့ပါတယ်။

ထို့ပြင် တောင်တရုတ်ပင်လယ်တွင် နိုင်ငံများလိုက်နာရမည့် လုပ်ထုံးလုပ်နည်းဆိုင်ရာကြေညာ ချက် (DOC) အပြည့်အဝ ထိရောက်စွာ အကောင်အထည်ဖော်ရေးနှင့် ၁၉၈၂ ခုနှစ် ပင်လယ်ပြင် ဥပဒေဆိုင်ရာကုလသမဂ္ဂကွန်ဗင်ရှင်းအပါအဝင် နိုင်ငံတကာဥပဒေနှင့်အညီ ထိရောက်၍ အနှစ် သာရပြည့်ဝသည့် တောင်တရုတ်ပင်လယ်ဆိုင်ရာ ကျင့်ထုံးတစ်ရပ် (COC) ဆောလျင်စွာ အပြီး သတ်ရေး ကြိုးပမ်းဆောင်ရွက်ဖို့ ကတိပြုကြပါတယ်။

DOC အကောင်အထည်ဖော်ရေးဆိုင်ရာ (၂၁)ကြိမ်မြောက် အာဆီယံ-တရုတ် အဆင့်မြင့် အရာရှိကြီးများအစည်းအဝေးကို ၂၀၂၃ ခုနှစ်၊ စတုတ္ထ သုံးလပတ်ကာလတွင် တရုတ်နိုင်ငံ၌ ကျင်းပရန် သဘောတူညီခဲ့ကြောင်း သတင်းရရှိပါတယ်။.
#YMG #Yangon_Media_Group

#Asia_Health
Published_ 19 May 2023

သကြားအစားထိုးအမှုန့်တွေက လူကြီးတွေနဲ့ကလေးတွေမှာ ကိုယ်အလေးချိန်၊ အဆီတို့ကို မကျစေတဲ့အပြင် နာတာရှည်ရောဂါဖြစ်နိုင်ချေကိုလည်း မလျှော့ချနိုင်သလို ရေရှည်မှာ မလိုလားအပ်တဲ့ ကျန်းမာရေးပြဿနာများ ဖြစ်လာနိုင်ပါတယ်။

သကြားကိုလည်း ရှောင်ရှားသင့်သလို သကြားအစားထိုးအမှုန့်(NSS)အသုံးပြုတဲ့အခါ ဆီးချိုဒုတိယအမျိုးအစား၊ နှလုံးသွေးကြောရောဂါနဲ့ သေဆုံးနိုင်ချေတို့မြင့်မားစေကြောင်း လမ်းညွှန်ထားပါတယ်။

NSS တွေက လိုအပ်တဲ့အစားအစာမျိုးမဟုတ်သလို အာဟာရတန်ဖိုးမရှိကြောင်း၊ အချိုများတဲ့အစားအစာတွေကို အစကတည်းက လျှော့ချစားသုံးသင့်ကြောင်း WHO အာဟာရနှင့်အစားအစာဘေးကင်းရေး ညွှန်ကြားရေးမှူး'ဖရန်ဆက်စ်ကိုဘရန်ကာ'က ပြောကြားခဲ့ပါတယ်။

သကြားအစားထိုးပစ္စည်းများ အစားများခြင်းဖြင့် အဝလွန်ခြင်းနဲ့ဆက်စပ်နေပြီး ကမ္ဘာတဝှမ်းရှိ ကလေးလူကြီး ၄၀ ရာခိုင်နှုန်းနီးပါးကိုသက်ရောက်နေကာ နာတာရှည်ရောဂါများလည်း ဖြစ်နိုင်ချေများကြောင်း WHO ကဆိုပါတယ်။

WHO ရဲ့အကြံပြုချက်တွေက မူလကတည်းက ဆီးချိုဖြစ်ချင်နေတဲ့သူတွေကလွဲပြီး လူအားလုံးပါဝင်ကာ ထုပ်ပိုးရောင်းချတဲ့အစားအသောက်တွေမှာ ပါဝင်တဲ့ သကြားအစားထိုးပစ္စည်းများနဲ့ သဘာဝအတိုင်းရရှိတဲ့ အချိုဓာတ်အားလုံးပါဝင်ပါတယ်။

ဆီးချိုအစပျိုးနေတဲ့သူတွေအတွက်တော့ ဒီလမ်းညွှန်ချက်ထက် များစွာပိုပြီးထိန်းသိမ်းရမှာဖြစ်ပါတယ်။

ဒီဖော်ပြချက်မှာ NSS ပါဝင်တဲ့ သွားတိုက်ဆေး၊ အသားအရည်ထိန်းခရင်မ်၊ ဆေးဝါးတို့လို တစ်ကိုယ်ရည်သုံးနဲ့ သန့်ရှင်းရေးပစ္စည်းတွေတော့ မပါဝင်ဘဲ သကြားဆင်းသက်ပစ္စည်းတွေကိုတော့ NSS လို့မသတ်မှတ်ပါဘူး။

ဒီအကြံပြုချက်ဟာ တသက်တာလုံး ကျန်းမာတဲ့စားသောက်မှုအလေ့အထများ ချမှတ်ရန်၊ အစားအသောက်အရည်အသွေးမြှင့်တင်ရန်နဲ့ ကမ္ဘာတဝှမ်းရောဂါဖြစ်နိုင်ချေလျှော့ချရန်ရည်ရွယ်တဲ့ လမ်းညွှန်ချက်စုစည်းမှုတစ်စိတ်တစ်ပိုင်းသာဖြစ်ကြောင်း WHO က ဖော်ပြထားပါတယ်။
Source: The Jerusalem Post
#Asia_Health #သကြားအစားထိုးအမှုန့်များ #ကိုယ်အလေးချိန်လျှော့ချ #WHOဆို
#YMG #Yangon_Media_Group

Published 18 May 2023

အိန္ဒိယနိုင်ငံက မြန်မာနိုင်ငံတွင် မိုခါ ဆိုင်ကလုန်းဒဏ်သင့် ပြည်သူများအတွက် လူသားချင်းစာနာထောက်ထားခြင်းဆိုင်ရာ အကူအညီများကို ဒေသတွင်းနိုင်ငံများထဲတွင် ပထမဦးဆုံးအဖြစ်ပေးအပ်ခဲ့ပြီး ဆက်လက်ကူညီဦးမယ်လို့ အိန္ဒိယနိုင်ငံခြားရေးဝန်ကြီး  အက်စ် ဂျေးရှန်ကာက ယနေ့ မေလ ၁၈ ရက်နေ့မှာ တွစ်တာတွင် ရေးသားခဲ့ပါတယ်။

“ ဆိုင်ကလုံး မိုခါ ရဲ့ အကျိုးဆက်ခံစားနေကြရတဲ့ မြန်မာပြည်သူတွေအတွက် အိန္ဒိယနိုင်ငံဟာ မိတ်ဆွေအနေနှင့် ကရုဏာစစ်ဆင်ရေး Operation Karuna အဖြစ် ကူညီမှုတွေ ပြုလုပ်ဆောင်ရွက်နေပါပြီ။ ပြန်လည်ထူထောင်ရေးပစ္စည်းတွေတင်ဆောင်လာတဲ့ အိန္ဒိယရေတပ်စစ်သင်္ဘော (၃)စီးဟာ ဒီကနေ့ ရန်ကုန်ကိုရောက်ရှိလာပါပြီ။ စတုတ္ထမြောက်သင်္ဘောဟာ မနက်ဖန်ဆိုက်ကပ်ပါလိမ့်မယ်။ သင်္ဘောတွေဟာ အရေးပေါ် အစားအသောက်တွေ၊တဲတွေ၊မရှိမဖြစ်ဆေးဝါးတွေ၊ရေပန့်တွေ၊ အပေါ့သုံးမီးစက်တွေ၊အဝတ်အထည်တွေ၊  တစ်ကိုယ်ရေသန့်ရှင်းရေးပစ္စည်းတွေစသဖြင့် သယ်ဆောင်လာပါတယ်” လို့ နိုင်ငံခြားရေးဝန်ကြီးက တွစ်တာမှာရေးခဲ့ပြီး ပုံတွေပါတင်ခဲ့ပါတယ်။

Source: twitter

#YangonMediaGroup

#မိုခါဆိုင်ကလုန်း

#မြန်မာ_မိုခါမုန်တိုင်း

#Local_News
Published_ 18 May 2023

ရခိုင်ပြည်နယ် သဘာဝဘေး အကူအညီပေးနိုင်ရေးအတွက် ၊ YESC မှ လျှပ်စစ်ဝန်ထမ်း ၁၀၄ ဦး ပါဝင်တဲ့ အဖွဲ ရန်ကုန်မြိုမှ တပ်မတော် ရေယာဉ် ကမ်းထိုးစစ်သင်္ဘော မုတ္တမ နဲ့အတူ လိုက်ပါသွားခဲ့တယ်လို YESC က ထုတ်ပြန်ပါတယ်။

#Local_News #EPC #မုန်တိုင်း #ရခိုင်မှာမီးစက်ဖြင့်လျှပ်စစ်မီးပေး
#YMG #Yangon_Media_Group

#Asia_Culture
Published_ 18 May 2023

မလေးရှားအထည်ဆိုင်တစ်ခုမှာ စက်ချုပ်သမများက အပ်ချုပ်စက်တွေမှာထိုင်ပြီး တောင်ပတဲ့ပန်း၊ အရွက်များဖြင့် ကီဘာယာရိုးရာအမျိုးသမီးအင်္ကျီများ ချုပ်လုပ်နေကြပါတယ်။

#Asia_Culture #ကီဘာယာဝတ်စုံ #ဒေသတွင်းယဉ်ကျေးမှု #အရှေ့တောင်အာရှနိုင်ငံ
#YMG #Yangon_Media_Group

#Local_News
Published_ 18 May 2023

တိုင်းရင်းသားရိုးရာဂီတ ဖန်တီးမှုတွေကို နိုင်ငံတကာပြိုင်ပွဲတွေမှာ ပါဝင်ယှဉ်ပြိုင်နိုင်အောင် မြန်မာနိုင်ငံဂီတအစည်းအရုံးမှ ဖိတ်ခေါ်ဆောင်ရွက်ပေးနေတယ်လို့ သိရပါတယ်၊၊

#Local_News #တိုင်းရင်းသားဂီတဖန်တီးမှုမျာ #နိုင်ငံတကာအထိထိုးဖောက်
#YMG #Yangon_Media_Group

#Local_News
Published_ 18 May 2023

မေလ(၁၉)ရက်မှစပြီးအခုရက်ပိုင်းအတွင်းမှာ မိုးတိမ်တောင်ဖြစ်ပေါ်မှုကြောင့်စစ်ကိုင်း၊မကွေး၊ပဲခူး၊ ချင်းတိုတွင်မိုးသက်လေပြင်းတိုက်ခတ်နိုင်တယ်လို မိုးလေဝသနှင့်ဇလဗေဒညွှန်ကြားမှုဦးစီးဌာနမှသိရပါတယ်၊၊

#Local_News #မိုးတိမ်တောင်များ #စစ်ကိုင်း၊မကွေး၊ပဲခူး၊ချင်းဒေသ #မိုးသက်လေပြင်း
#YMG #Yangon_Media_Group

#Local_News
Published_ 18 May 2023

မုန်တိုင်းဘေးသင့် ပြည်သူတွေအတွက် လိုအပ်တဲ့စားနပ်ရိက္ခာနဲ့ အသုံးအဆောင်ပစ္စည်းတွေကိုရန်ကုန်မြို့ရှိ လူမှုကူညီရေးအဖွဲတွေထံ ပေးပို့လှူဒါန်းထားနိုင်တယ်လို့ ရန်ကုန်မြိုရှိ လူမှုကူညီရေးအဖွဲ့တွေထံမှ သိရပါတယ်၊၊

#Local_News #ရခိုင်ဒေသ #မုန်တိုင်းဘေးသင့်ပြည်သူများ #လိုအပ်သောပစ္စည်းများ #ရန်ကုန်မြို့ #လူမှုကူညီရေးအဖွဲ့
#YMG #Yangon_Media_Group

#Daily_News
Published_ 18 May 2023

၁။ ရခိုင်ဒေသရှိ မုန်တိုင်းဘေးသင့် ပြည်သူများအတွက် လိုအပ်သောပစ္စည်းများကို ရန်ကုန်မြို့ရှိလူမှုကူညီရေးအဖွဲ့ အချို့ထံပေးပို့ လှူဒါန်းထားနိုင်

၂။ မိုးတိမ်တောင်များကြောင့် စစ်ကိုင်း၊မကွေး၊ပဲခူး၊ချင်းဒေသတို့တွင် မိုးသက်လေပြင်း တိုက်ခတ်နိုင်

၃။ တိုင်းရင်းသား ဂီတဖန်တီးမှုများ နိုင်ငံတကာအထိ ထိုးဖောက်နိုင်အောင် ဆောင်ရွက်နေဟုဆို

၄။ ကီဘာယာဝတ်စုံကို ဒေသတွင်းယဉ်ကျေးမှုအဖြစ် အသိအမှတ်ပြုရန် အရှေ့တောင်အာရှနိုင်ငံအချို့ ကြိုးပမ်းလျက်ရှိ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Local_News
Published_ 18 May 2023

သီပေါမြေငလျင်စခန်းမှ အရှေ့မြောက်ဘက် (၉၄) မိုင်ခန့်အကွာ၊ မြန်မာနိုင်ငံ ပြည်တွင်း (ကွမ်းလုံမြို့၏ အနောက်တောင်ဘက် (၉) မိုင်ခန့်အကွာ) မြောက်လတ္တီတွဒ် (၂၃.၂၉) ဒီဂရီ၊ အရှေ့လောင်ဂျီတွဒ် (၉၈.၅၉)ဒီဂရီ၊ အနက် (၉) ကီလိုမီတာကို ဗဟိုပြု၍ အင်အားရစ်(ခ်) တာစကေး (၄.၅) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်းမိုးဇလကထုတ်ပြန်ထားပါတယ်။

#Local_News #ကွမ်းလုံမြို့ #ငလျင်လှုပ်ခတ်
#YMG #Yangon_Media_Group

#Local_News
Published_ 18 May 2023

ဟောင်ကောင်တွင်ကျင်းပမည့်အာဆီယံရုပ်ရှင်ပွဲတော်Asean Film Festival၌ပါဝင်ရန် မြန်မာရုပ်ရှင်ဖန်တီးထုတ်လုပ်သူများကိုဖိတ်ခေါ်ထားကြောင်း မြန်မာနိုင်ငံရုပ်ရှင်အစည်းအရုံးမှသိရသည်၊၊

ယင်းပွဲတော်ကို ဟောင်ကောင်အထူးအုပ်ချုပ်ရေး ဒေသ၌၂၀၂၃ဇွန်လမှသြဂုတ်လအတွင်း တစ်လကြာ ကျင်းပမည်ဖြစ်သည်၊၊

အဆိုပါအစီအစဉ်တွင် မြန်မာနိုင်ငံမှရုပ်ရှင်ဇာတ်ကားများ၊ဇာတ်လမ်းတိုရုပ်ရှင်များ ပါဝင်ပြသခြင်းဖြင့် တရုတ်-ဟောင်ကောင်နှင့်အာဆီယံဒေသအကြား မျှဝေခံစားခြင်းနှင့် ယဉ်ကျေးမှုဖလှယ်ခြင်းတို့ကို တိုးမြှင့်နိုင်မည်ဖြစ်သကဲ့သို့ မြန်မာရုပ်ရှင်ဖန်တီးသူများ အတွက်လည်း ဈေးကွက်ချိတ်ဆက်ထိုးဖောက်ရန် အလွန်ကောင်းမွန်သောအခွင့်အလမ်းဖြစ်ကြောင်း သိရသည်၊၊

ဟောင်ကောင် အာဆီယံဖောင်ဒေးရှင်းသည် အာဆီယံဒေသတွင်းနိုင်ငံများမှ ဖန်တီးထားသည့် အကြောင်းအရာအမျိုးမျိုး ရုပ်ရှင်ဇာတ်ကားများပြသခြင်း၊ထင်ရှားသူများပါဝင်သည့် ရုပ်ရှင်စကားဝိုင်းများ၊ ရုပ်ရှင်ပွဲဦးထွက်ပြသခြင်းများ၊VIP Screening များပါဝင်ကျင်းပသွားမည်ဖြစ်သည်၊၊

ဟောင်ကောင်တွင်ကျင်းပမည့် Asean Film Festival သို့ပါဝင်ဆင်နွဲရန်စိတ်ဝင်စားသည့် မြန်မာရုပ်ရှင်ဖန်တီးထုတ်လုပ်သူများသည် မြန်မာနိုင်ငံရုပ်ရှင်အစည်းအရုံး၊နိုင်ငံတကာဆက်ဆံရေးကော်မတီသို့ ဇွန်လ(၁၀)ရက်နောက်ဆုံးထားပြီး စာရင်းပေးဆက်သွယ်ကြရန်အသိပေးကြေညာထားကြောင်း သိရသည်၊၊
ymg/tthl
#YMG #Yangon_Media_Group

#Local_News
Published_ 18 May 2023

မေလ(၁၈)ရက်မှစပြီးရန်ကုန် - စစ်တွေ - ရန်ကုန် ပုံမှန်လေကြောင်းခရီးစဉ်ကို မြန်မာအမျိုးသားလေ ကြောင်းနှင့် အပြည်ပြည်ဆိုင်ရာမြန်မာလေကြောင်းတို့မှ ပြေးဆွဲပေးလျက်ရှိကြောင်း သိရသည်၊၊

ရခိုင်ပြည်နယ်အတွင်းရှိ သံတွဲ၊ ကျောက်ဖြူ၊ အမ်း လေဆိပ်များသို့လည်း လေကြောင်းလိုင်းများက ပုံမှန်ခရီးစဉ်များ ပြေးဆွဲပေးလျက်ရှိသည်ဟုဆိုသည်၊၊

မိုခါမုန်တိုင်းတိုက်ခတ်မှုကြောင့် ပျက်စီးဆုံးရှုံးမှုများ ဖြစ်ပေါ်ခဲ့သည့် ရခိုင်ပြည်နယ်သို့ ကူညီကယ်ဆယ်ရေး ပစ္စည်းများ ပေးပို့နိုင်ရေး၊ ပြန်လည်ထူထောင်ရေးလုပ်ငန်းများ ဆောင်ရွက်ရာတွင် အထောက်အပံ့ဖြစ်စေရေးနှင့် ပြည်သူများ ခရီးသွားလာမှု လွယ်ကူချောမွေ့စေရေးအတွက် ပျက်စီးဆုံးရှုံးမှုများစွာရှိခဲ့သည့် စစ်တွေလေဆိပ်ကို မေ ၁၅ ရက်တွင် ဌာနအကြီးအကဲနှင့်အတူ တာဝန်ရှိသူများ စေလွှတ်၍ လိုအပ်သည်များ အမြန်ဆုံး ပြန်လည်ပြင်ဆင်စေခဲ့ပြီး မေလ(၁၈)ရက်တွင် ပုံမှန်ပြန်လည်ပြေးဆွဲပေးလျက်ရှိကြောင်းသိရသည်၊၊
ymg/tthl
#Local_News #ရခိုင်ပြည်နယ် #လေကြောင်းခရီးစဉ် #ပုံမှန်ပြေးဆွဲလျက်ရှိ
#YMG #Yangon_Media_Group