#World_Health
Published_ 4 April 2023

လမ်းလျှောက်ခြင်းနဲ့ ပြေးခြင်းတို့ဟာ နှလုံးသွေးကြောကျန်းမာရေးအတွက် အဓိကလေ့ကျင့်ခန်းတွေဖြစ်ပြီး ပိုမိုအသက်ပြင်းပြင်းရှူစေကာ နှလုံးခုန်မြန်စေပါတယ်။

နှလုံးက သွေးကိုမြန်မြန်ညှစ်ထုတ်တဲ့အခါ သွေးကြောတွေမှာပိတ်နေတဲ့ အစအနတွေကို ဖယ်ရှားပေးပြီး လေဖြတ်ခြင်း နှလုံးရောဂါစတာတွေ ဖြစ်နိုင်ချေနည်းစေပါတယ်။

နှလုံးလေ့ကျင့်ခန်းပြုလုပ်ခြင်းဖြင့် သွေးတွင်းသကြားဓာတ်ကောင်းမွန်စေခြင်း၊ စိတ်ပျော်ရွှင်စေခြင်း၊ မှတ်ဉာဏ်တိုးတက်စေခြင်း၊ ဒီမန်ရှာဖြစ်နိုင်ချေနည်းစေခြင်း၊ ကိုလက်စ်ထရောပမာဏသင့်တင့်ခြင်းတို့ အကျိုးကျေးဇူးရရှိစေပါတယ်။

လူအများစုက အခြေခံလေ့ကျင့်ခန်းဖြင့် စတင်ပြုလုပ်ကြပါတယ်။

တစ်နေ့တာခန္ဓာကိုယ်လှုပ်ရှားခြင်းဖြင့် သက်ရှည်ကျန်းမာတဲ့ဘဝအတွက် အကောင်းဆုံးဖြစ်စေမှာဖြစ်ပါတယ်။

ပြေးခြင်းနဲ့ လမ်းလျှောက်ခြင်းနှစ်မျိုးစလုံးဟာ နှလုံးအတွက်ကောင်းမွန်စေတယ်ဆိုပေမယ့် နှလုံးကျွမ်းကျင်ပညာရှင်များကတော့ ခပ်သွက်သွက်လမ်းလျှောက်ခြင်းကို ပိုအားပေးထားပါတယ်။

ပြေးခြင်းက နှလုံးကြွက်သားတွေအပေါ် ဖိအားသက်ရောက်စေပေမယ့် အရွယ်မတိုင်ခင်သေဆုံးနိုင်ချေကိုတော့ လျှော့ချနိုင်ဖွယ်မရှိကြောင်း၊ ခပ်သွက်သွက်လမ်းလျှောက်ခြင်းကတော့ နှလုံးအပေါ် ဖိအားနည်းစေကာ အရွယ်မတိုင်ခင်သေဆုံးနိုင်ချေကို လျှော့ချနိုင်ကြောင်း ဒေါက်တာ'နက်ရှ်ကမ်ဒင်'က ဆိုပါတယ်။

၂၀၁၃ ခုနှစ်က ပြေးခြင်းလေ့ကျင့်ခန်းပြုလုပ်သူ ၃၃,၀၆၀ ဦးနဲ့ လမ်းလျှောက်လေ့ကျင့်ခန်းပြုလုပ်သူ ၁၅,၀၄၅ ဦးတို့ကို လေ့လာခဲ့ရာ ခပ်သွက်သွက်လမ်းလျှောက်ခြင်းက နှလုံးရောဂါဖြစ်နိုင်ချေလျှော့ချရာမှာ ပြေးခြင်းထက် ပိုမိုထိရောက်ကြောင်း တွေ့ရှိခဲ့ပါတယ်။

ဒါ့အပြင် လမ်းလျှောက်ခြင်းဖြင့် ဒူး၊ ခြေကျင်းဝတ်၊ ကျောပြဿနာရှိသူတွေနဲ့ အဝလွန်သူတွေမှာ ကိုယ်အလေးချိန်ကိုလည်း လျှော့ချပေးနိုင်ပါတယ်။

ကြွက်သားတွေကို အကြောလျှော့ပြီးတဲ့အခါ သွေးပူလေ့ကျင့်ခန်း ၁၀ မိနစ်ခန့်ပြုလုပ်ပြီး အဆစ်အမြစ်အားလုံးလှုပ်ရှားကာ လမ်းလျှောက်သင့်ပါတယ်။

Source: India Today
#World_Health #လမ်းလျှောက်ခြင်း #ပြေးခြင်း
#YMG#Yangon_Media_Group

Published_ 4 April 2023

ရန်ကုန်တိုင်းဒေသကြီး ၊ သင်္ဃန်းကျွန်းမြို့နယ်၊ (ဆ)သုမင်္ဂလာရပ်ကွက်၊ ဝေဇယန္တာလမ်းမပေါ်၊ သုဝဏ္ဏဘောလုံးအားကစားကွင်းရှေ့တွင် ဧပြီလ ၃ ရက် ည ၁၁ ခွဲခန့်က ယာဉ်တိမ်းမှောက်မှု တစ်ခုဖြစ်ပွားခဲ့ရာနှစ်ဦးသေပြီး တစ်ဦး ဒဏ်ရာ ပြင်းထန်
ကြောင်း သိရသည်။

"လူနာတွေအကုန်လုံးကတော့ ခန့်မှန်း အသက်၂၀ ဝန်းကျင်လောက်ရှိမယ်၊ယောင်္ကျားလေး ၂ ယောက်ထဲမှာ တစ်ယောက်က နေရာမှာပဲဆုံးသွားတယ်။ကျန်တဲ့ ယောင်္ကျားလေး တစ်ယောက်ကတော့ ၁၁ နာရီခွဲကျော်ကျော်လောက်မှာဆုံးသွားတယ်၊ကောင်မလေးကတော့ခွဲစိပ်ခန်းထဲဝင်နေတယ်။လက်ရှိအချိန်ထိကတော့ ဘာမှမသိရသေးဘူးလို့ပြောတယ်"ဟု သွားရောက် ကူညီခဲ့သူ တစ်ဦးက YMG ကို ပြောသည်။

ymg/ynzw
Yangon_Media_Group

Published 3 April 2023

နစက ဥက္ကဋ္ဌဗိုလ်ချူပ်မှူးကြီးမင်းအောင်လှိုင်ဟာ တရုတ်ပြည်သူ့သမ္မတနိုင်ငံ ယူနန်ပြည်နယ် ပါတီကော်မတီအတွင်းရေးမှူး H. E. Mr. Wang Ningကို  ဧပြီ(၃)ရက် ဒီကနေ့မှာ နေပြည်တော်မှာလက်ခံတွေ့ဆုံပြီး နှစ်နိုင်ငံနယ်စပ်ဒေသ တည်ငြိမ်အေးချမ်းရေးဆိုင်ရာကိစ္စရပ်တွေနှင့်  ချစ်ကြည်ရင်းနှီးမှုများ ပိုမိုတိုးတက်စေရေး ပူးပေါင်းဆောင်ရွက်သွားမည့်အခြေအနေတွေအပါအဝင် နှစ်နိုင်ငံပူးပေါင်းဆောင်ရွက်ရေးကိစ္စတွေကို ဆွေးနွေးခဲ့ကြတယ်လို့ သိရပါတယ်။

တွေ့ဆုံရာမှာ နှစ်နိုင်ငံနယ်စပ်ဒေသ တည်ငြိမ်အေးချမ်းရေးဆိုင်ရာကိစ္စရပ်များနှင့် ချစ်ကြည်ရင်းနှီးမှုများ ပိုမိုတိုးတက်စေရေး ပူးပေါင်းဆောင်ရွက်သွားမည့်အခြေအနေများအပြင်  မြန်မာနိုင်ငံနှင့် ယူနန်ပြည်နယ်အကြား နှစ်ဖက်ဖွံ့ဖြိုးတိုးတက်စေရေးပူးပေါင်းဆောင်ရွက်သွားမည့်ကိစ္စရပ်များ၊ မြန်မာနိုင်ငံ၏လျှပ်စစ်ကဏ္ဍ၊ လယ်ယာစိုက်ပျိုးရေးကဏ္ဍ၊ မွေးမြူရေးကဏ္ဍနှင့် စက်မှုကဏ္ဍများ ဖွံ့ဖြိုးတိုတက်ရေးနှင့် နယ်စပ်ကုန်သွယ်မှုလုပ်ငန်းများ၊ ခရီးသွားလုပ်ငန်းများ ဖွံ့ဖြိုးတိုးတက်စေရေး ပူးပေါင်းဆောင်ရွက်သွားမည်ကိစ္စရပ်များ၊ နှစ်နိုင်ငံယဉ်ကျေးမှုဖလှယ်ခြင်းနှင့် ကျန်းမာရေးစောင့်ရှောက်မှု လုပ်ငန်းများတွင် ပူးပေါင်းဆောင်ရွက်ရေးနှင့် မြန်မာနိုင်ငံနှင့်ယူနန်ပြည်အကြား တိုက်ရိုက်လေကြောင်းပြေးဆွဲရေးဆိုင်ရာကိစ္စရပ်များနှင့် စပ်လျဉ်းပြီး ရင်းရင်းနှီးနှီးဆွေးနွေးခဲ့ကြတာဖြစ်တယ်လို့ နစက သတင်းမှန်ပြန်ကြားရေးက သတင်းထုတ်ပြန်ထားပါတယ်။

အဆိုပါတွေ့ဆုံပွဲသို့ ဗိုလ်ချုပ်မှူးကြီးနှင့်အအတူ  ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကိုကိုလှိုင်နှင့်တာဝန်ရှိသူများ တက်ရောက်ကြပြီး တရုတ်ပြည်သူ့သမ္မတနိုင်ငံ၊ ယူနန်ပြည်နယ်ပါတီကော်မတီအတွင်းရေးမှူးနှင့်အတူ မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံအမတ်ကြီး H.E. Mr. Chen Hai နှင့် တာဝန်ရှိသူများ တက်ရောက်ခဲ့ကြတယ်လို့လည်း သတင်းမှာဖော်ပြထားပါတယ်။

ယူနန်ပြည်နယ် ပါတီကော်မတီအတွင်းရေးမှူး H. E. Mr. Wang Ning ဟာ မြန်မာနိုင်ငံသို့ ဧပြီ(၁)ရက်က အလုပ်သဘော ရောက်ရှိလာခဲ့ပြီးနောက် ဧပြီ(၂)ရက်နေ့တွင်  နေပြည်တော်မှာ ကျင်းပတဲ့ မြန်မာနှင့် တရုတ်နှစ်နိုင်ငံအကြား ဆန်စပါးထောက်ပံ့ရေး ပူးပေါင်းဆောင်ရွက်မှု သဘောတူညီချက်၊ ဓာတ်မြေဩဇာ ထောက်ပံ့ရေးပူးပေါင်းဆောင်ရွက်မှု သဘောတူညီချက်၊ ကျောက်ဖြူ အနာဂတ် ရွေ့လျားဆေးခန်းစီမံကိန်း သဘောတူညီချက်၊ မြန်မာနိုင်ငံမှစိုက်ပျိုးကုန်များ တင်ပို့ရေး ပူးပေါင်းဆောင်ရွက်မှုဆိုင်ရာ နားလည်မှု စာချွန်လွှာ၊ တာပိန် (၁) ရေအားလျှပ်စစ်စခန်း သဘောတူညီချက်တွေ လက်မှတ်ရေးထိုးပွဲတက်ရောက်ခဲ့ပါတယ်။

 Ymg/knl

#ယူနန်ပြည်နယ်ပါတီကော်မတီအတွင်းရေးမှူး H. E. Mr. Wang Ning

#ဗိုလ်ချူပ်မှူးကြီးမင်းအောင်လှိုင်

#YangonMediaGroup

#Local_News
Published_ 3 April 2023

ဧပြီလ ၃ ရက်နေ့ကစပြီး ရန်ကုန်အပြည်ပြည်ဆိုင်ရာလေဆိပ်အတွင်း Grab မိုဘိုင်း application နဲ့ ပြေးဆွဲနေတဲ့ Taxi ယာဉ်များမှလွဲ၍ တခြား taxi ယာဉ်တွေကို ပြေးဆွဲခွင့်မပြုတော့ဘူးလို့ လေဆိပ်အတွင်းပြေးစွဲနေတဲ့ taxi ယာဉ်မောင်းတစ်ဦးက YMG ကိုပြောပါတယ်။အရင်က လေဆိပ်အတွင်းရှိ Taxi ယာဉ်ရပ်နားစခန်းမှာ ပြင်ပ Taxi တွေရပ်နားခွင့် ပြေးစွဲပြုထားပေမယ့် အခု ဧပြီလ ၃ ရက်နေ့မနက်ပိုင်းကစပြီး ကန့်သတ်လိုက်တာဖြစ်တယ်လို့ Taxi ယာဉ်မောင်းတစ်ဦးကပြောပါတယ်။

#Local_News #Grab #Taxi #Grabမိုဘိုင်းapplication
#YMG#Yangon_Media_Group

Published_ 3 April 2023

ရုရှားသိပ္ပံအကယ်ဒမီ၊ အရှေ့တိုင်းလေ့လာရေးအင်စတီကျူမှ ပေးအပ်ချီးမြှင့်သည့် “ဂုဏ်ထူးဆောင်ဒေါက်တာဘွဲ့” ကို  နစက ဥက္ကဋ္ဌ  နိုင်ငံတော်ဝန်ကြီးချုပ် ဗိုလ်ချုပ်မှူးကြီး  မင်းအောင်လှိုင် က ယနေ့ ဧပြီလ ၃ ရက်တွင် လက်ခံရယူခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

ရုရှားသိပ္ပံအကယ်ဒမီ၊ အရှေ့တိုင်းလေ့လာရေး အင်စတီကျူ့၏ President က ရုရှားဇာဘုရင် ပထမ အလက် ဇန်းဒါးလက်ထက် ၁၈၁၈ ခုနှစ်ကတည်းက တည်ထောင်ခဲ့သည့် သမိုင်းအရှည်ကြာ ဆုံးနှင့် အကြီးမားဆုံး အရှေ့တိုင်းတက္ကသိုလ်ကြီးတွင် မိမိနှင့် ပါမောက္ခပညာရှင်များသည် မြန်မာနိုင်ငံနှင့်ပတ်သက်သည့် အကြောင်းအရာများကို စိတ်ပါဝင်စားစွာ လေ့လာသင်ယူလျက်ရှိကြောင်း “ဂုဏ်ထူးဆောင်ဒေါက်တာဘွဲ့ ” ပေးအပ်ခြင်းနှင့် ပတ်သက်၍ ရှင်းလင်း တင်ပြရာတွင် ထည့်သွင်းပြောကြားခဲ့သည်။

သိပ္ပံနှင့် နည်းပညာကဏ္ဍအပါအဝင် မိမိတို့ရုရှားဖက်ဒရေးရှင်းနိုင်ငံ နှင့် ကဏ္ဍပေါင်းစုံ ပူးပေါင်းဆောင်ရွက်မှုများ၊ ဆက်ဆံမှုများသည်လည်း တိုးတက် လျက်ရှိပြီး မိမိတို့တက္ကသိုလ်အနေဖြင့်လည်း မြန်မာနိုင်ငံနှင့် ပူးပေါင်း ဆောင်ရွက်မှုများကို လက်တွဲဆောင်ရွက်သွားမည်ဖြစ်ကြောင်း၊ လူသားချင်းစာနာ ထောက်ထားမှုနယ်ပယ် အပါအဝင် ဘက်စုံ ပူးပေါင်းဆောင်ရွက်ရေး ဖွံ့ဖြိုးတိုးတက် ရေးဆောင်ရွက်မှုများတွင် စွမ်းစွမ်းတမံ ဆောင်ရွက်မှုအတွက် “ဂုဏ်ထူးဆောင်ဒေါက်တာဘွဲ့" ကို ဂုဏ်ပြုချီးမြှင့်ပေးအပ်ရန် ရုရှားသိပ္ပံအကယ်ဒမီ၊ အရှေ့တိုင်းလေ့လာရေး အင်စတီကျူ၊ ပညာရေးကောင်စီမှ တညီတညွတ်တည်း မဲခွဲ ဆုံးဖြတ်ခဲ့ကြကြောင်းပြောကြားခဲ့သည်။

 “ဂုဏ်ထူး ဆောင် ဒေါက်တာဘွဲ့” လက်ခံရယူခဲ့သော နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌ နိုင်ငံတော်ဝန်ကြီးချုပ်ကလည်း  ရုရှားသိပ္ပံအကယ်ဒမီ၊ အရှေ့တိုင်းလေ့လာရေး အင်စတီကျူ့ သည် အာရှနိုင်ငံများနှင့် အာဖရိက မြောက်ပိုင်းနိုင်ငံများ၏ သမိုင်း၊ ဘာသာစကားနှင့် စာပေ၊ စီးပွားရေးနှင့် လူမှုရေး၊ လူမျိုးရေးနှင့် ယဉ်ကျေးမှု စသည်တို့ကို သုတေသနပြု လေ့လာနိုင်ရန် တည်ထောင်ထားခြင်းဖြစ်ပြီး တက္ကသိုလ်မှ မွေးထုတ်ပေးလိုက်သူများ မှာလည်း စွမ်းဆောင်ရည်မြင့်မားသည့်အတွက် ၁၉၈၀ ပြည့်နှစ်တွင် Order of the Red Banner of Labour တံဆိပ် ချီးမြှင့်ခြင်းခံရကြောင်းကို မှတ်သား သိရှိရကြောင်း ပြောကြားခဲ့သည်။

မြန်မာနိုင်ငံမှ ပညာတော်သင်များသည်လည်း ရုရှားဖက်ဒရေးရှင်းနိုင်ငံမှ တက္ကသိုလ်အသီးသီးတွင် ပညာသင်ကြားခဲ့ပြီး အဆင့်မြင့်ဘွဲ့များစွာကို ရရှိခဲ့ကြောင်း နှင့် ဆက်လက်၍လည်း ပညာတော်သင် သင်တန်းသား အများအပြား တက်ရောက် သင်ကြားလျက်ရှိပါကြောင်း နှင့် နှစ်နိုင်ငံနှင့် နှစ်နိုင်ငံတပ်မတော်နှစ်ရပ်အကြား ကာလကြာရှည်စွာ တည်ဆောက် ခဲ့သည့် စစ်ဘက်နည်းပညာ၊ ပညာရေး၊ သိပ္ပံနှင့် ယဉ်ကျေးမှုနယ်ပယ်၌ ပူးပေါင်း ဆောင်ရွက်မှုများအပါအဝင် နှစ်နိုင်ငံ ကဏ္ဍစုံ ပူးပေါင်းဆောင်ရွက်မှုနှင့် ဆက်ဆံမှုများတိုးမြှင့်နိုင်ရေး ဆက်လက်ကြိုးပမ်းဆောင်ရွက်သွားမည်ဖြစ်ကြောင်း ပြောကြားခဲ့သည်။

ymg/mt

Yangon_Media_Group

#ရုရှားသိပ္ပံအကယ်ဒမီ၊ အရှေ့တိုင်းလေ့လာရေးအင်စတီကျူ

#ဗိုလ်ချုပ်မှူးကြီးမင်းအောင်လှိုင်

#မြန်မာရုရှား

#Asia_Trade
Published_ 3 April 2023

ဒေသတွင်း ဘက်စုံစီးပွားရေး ပူးပေါင်းဆောင်ရွက်မှု(RCEP)ကို ပြဌာန်းပြီးနောက်ပိုင်း ဗီယက်နမ်မှာစိုက်ပျိုးပြီး တင်ပို့လိုက်တဲ့ဒူးရင်းသီ ပထမအသုတ်ဟာ တရုတ်နိုင်ငံတောင်ပိုင်းရှိ လေဆိပ်တစ်ခုသို့ ကြာသပတေးနေ့က ရောက်ရှိလာပါတယ်။

#Asia_Trade #ဗီယက်နမ် # ဒူးရင်းသီး #တရုတ်လေဆိပ်
#YMG#Yangon_Media_Group

#Local_News
Published_ 3 April 2023

ဧပြီလ ၃ရက်နေ့ရန်ကုန်ရွှေအသင်းရဲ့ ရွှေအဖွင့်ဈေးဟာ ၂၂သိန်း၉သောင်းနှုန်း ဈေးဖွင့်လာပြီး ရွှေဈေးအတွင်းအရောင်းဝယ်အေးနေတယ်လို့ ရန်ကုန်ရွှေအသင်းကသိရပါတယ်။ မတ်လတစ်လလုံးရွှေဈေးဟာ အမြင့်ဘက်ရှိနေပြီ အနည်းငယ်သာပြန်ကျဆင်းခဲ့တာဖြစ်ပါတယ်။ ဈေးနူန်းမတည်ငြိမ်မူတွေကြောင့် ပြည်တွင်းဈေးကွက်ထဲမှာအရောင်းအဝယ်အေးနေတာဖြစ်တယ်လို့ ရန်ကုန်ရွှေအသင်းဥက္ကဌကပြောပါတယ်။

#Local_News #ရန်ကုန်ရွှေအသင်း #ဈေးကွက် #အရောင်းအဝယ်အေးနေ
#YMG#Yangon_Media_Group

#Local_News
Published_ 3 April 2023

လက်တလောရက်ပိုင်းအတွင်းပြင်ပစားသုံးဆီဈေးကွက်မှာစားအုံးဆီတစ်ပိသာကို ၇၀၀ကျပ်ကျော်အထိရောက်ရှိနေပါတယ်။

သင်္ကြန်ကာလ စားသုံးဆီဈေးမတက်အောင် အလုံအလောက်တင်သွင်းဆောင်ရွက်ထားတယ်လို့ ဆီကုန်သည်အသင်းနဲ့ ရန်ကုန်တိုင်း စားသုံးသူရေးရာဦးစီးဌာနက ပြောကြားထားပေမယ့် ပြင်ပလက်လီဈေးကွက်မှာ စားအုန်းဆီတစ်ပိဿာ ကျပ်၇၀၀၀ ကျော်ထိ ဆက်လက်မြင့်တက်နေဆဲဖြစ်ပါတယ်။

#Local_News #သင်္ကြန်ကာလ #စားသုံးဆီဈေး
#YMG#Yangon_Media_Group

#Local_News
Published_ 3 April 2023

ရခိုင်တိုင်းရင်းသားတို့ရဲ့ ရိုးရာအစဉ်အလာမပျက် ကျင်းပလေ့ရှိတဲ့ ရခိုင်ရိုးရာသင်္ကြန်နံ့သာသွေးပွဲနှင့်ဘုရားရေသပ္ပာယ်ပွဲကို ရန်ကုန်မြို့မှာကျင်းပသွားဖို့ရှိတယ်လို့ ရခိုင်စာပေနှင့်ယဉ်ကျေးမှုအဖွဲ့(ရန်ကုန်)မှသိရပါတယ်၊၊

#Local_News #ရခိုင်ရိုးရာသင်္ကြန် #နံ့သာသွေးပွဲနှင့်ဘုရားရေသပ္ပာယ်ပွဲ #
#YMG#Yangon_Media_Group

#Daily_News
Published_3 April 2023

၁။ရခိုင်ရိုးရာသင်္ကြန် နံ့သာသွေးပွဲနှင့်ဘုရားရေသပ္ပာယ်ပွဲ ရန်ကုန်မြိုတွင်ကျင်းပမည်

၂။သင်္ကြန်ကာလ မတိုင်မှီမှာပင် စားသုံးဆီဈေးတစ်ပိဿာ ကျပ်၇၀၀၀ကျော်ထိရောက်ရှိ

၃။ရန်ကုန်ရွှေအသင်း ၂၂သိန်း၉သောင်းနှုန်း ရန်ကုန်ရွှေအသင်းသတ်မှတ် ဈေးကွက်အတွင်း အရောင်းအဝယ်အေးနေ

၄။ဗီယက်နမ်မှ ပထမဆုံးအသုတ်ဒူးရင်းသီးများ တရုတ်လေဆိပ်သို့တင်ပို့ရောက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#LocalNews
Published_ 3 April 2023
သင်္ကြန်ကာလနီးလာပြီဖြစ်လို့ ဆံပင်ကာလာအမျိုးမျိုးဆိုးသူတွေ များပြားလာပြီဖြစ်ပါတယ်၊၊အချို့အမျိုးသား၊အမျိုးသမီးတွေဟာ ဆံပင်အရောင်ဆိုးဆေးနဲ့ဓာတ်မတည့်ဘဲ အသက်သေဆုံးတဲ့အထိ ဖြစ်ပွားတာမျိုးတွေလည်းရှိတဲ့အတွက် သတိပြုဆိုးကြဖို့လိုတယ်လို့ ဆိုပါတယ်၊၊

#Local_News #ဆံပင်ဆိုးဆေး #အရေပြားရောဂါ #ဓာတ်မတည့်သူ #သင်္ကြန်ကာလ
#YMG#Yangon_Media_Group

#Local_News
Published_ 3 April 2023

ရန်ကုန် အပြည်ပြည်ဆိုင်ရာဆိပ်ကမ်း သို့ ယခု ဧပြီလအတွင်း နိုင်ငံတကာ ကုန်တင်သင်္ဘောအစင်းရေ ၅၀ ဝင်ရောက်ဆိုက်ကပ် ကုန်သွယ်ကြမည်ဖြစ်ကြောင်း မြန်မာ့ ဆိပ်ကမ်းအာဏာပိုင် အဖွဲ့၏ စာရင်းများအရ သိရသည်။

Sealand Maersk Asia၊ VASI Shipping ၊ SITC ၊ M.S.C ၊ Samudera ၊ Ever Green ၊ X-Press Feeders ၊ P.I.L ၊ COSCO Shipping ၊ BLPL ၊ RCL ၊ Land and Sea ၊ CMA-CGM ၊ I.A.L ၊ Gold Star ၊ MITT Shipping ၊ One နှင့် PIL သင်္ဘောလိုင်း ၁၈ လိုင်းကဝင်ရောက်ဆိုက်ကပ် ကုန်သွယ်မည်ဟု ယင်း စာရင်းများတွင် ဖော်ပြထားသည်။

ဆိုက်ကပ်ကြမည့် သင်္ဘောများမှာ Sealand Maersk Asia သင်္ဘောလိုင်းမှ သင်္ဘော ၁၁ စင်း၊ VASI Shipping သင်္ဘောလိုင်း မှ တစ်စင်း၊ SITC သင်္ဘောလိုင်းမှ သုံးစင်း၊ M.S.C သင်္ဘောလိုင်းမှ လေးစင်း၊ Samu-dera သင်္ဘောလိုင်းမှ လေးစင်း၊ Ever Green သင်္ဘောလိုင်းမှ နှစ်စင်း၊ X-Press Feeders သင်္ဘောလိုင်းမှ နှစ်စင်း၊ P.I.Lသင်္ဘောလိုင်းမှ တစ်စင်း၊ COSCO Shipping သင်္ဘောလိုင်းမှ လေးစင်း၊ BLPL သင်္ဘောလိုင်းမှ တစ်စင်း၊ RCL သင်္ဘော လိုင်းမှ ခုနစ်စင်း၊ I.A.L သင်္ဘောလိုင်းမှ နှစ်စင်း၊ Land and Sea သင်္ဘောလိုင်းမှ တစ်စင်း၊ CMA-CGM သင်္ဘောလိုင်းမှ တစ်စင်း၊ Gold Star သင်္ဘောလိုင်းမှ တစ်စင်း၊ MITT Shipping သင်္ဘောလိုင်းမှ နှစ်စင်း၊ One သင်္ဘောလိုင်းမှ နှစ်စင်းနှင့် PILသင်္ဘောလိုင်းမှ တစ်စင်း တို့ဖြစ်ကြောင်း သိရသည်။

ရန်ကုန်အပြည်ပြည်ဆိုင်ရာ ဆိပ်ကမ်းသို့ ပြီးခဲ့သည့် ဇန်နဝါရီလက ဆိုက်ကပ်ခဲ့သည့် နိုင်ငံတကာ သင်္ဘော ၅၂ စင်း၊ ဖေဖော်ဝါရီလက ၅၁ စင်း ၊ မတ်လက ၅၅ စင်း ဆိုက်ကပ်ကုန် သွယ်မှုပြုခဲ့ကြောင်း သိရသည်။

ymg/mt
#Local_News #ရန်ကုန်ဆိပ်ကမ်#ကုန်တင်သင်္ဘော#ကုန်သွယ်မည်
#YMG #Yangon_Media_Group