#World_News
Published 08 April 2025

▪️ ပဋိပက္ခတွေနဲ့ ရုန်းကန်နေရတဲ့ အာဖဂန်နစ္စတန်၊ ဆီးရီးယား၊ ယီမင်နဲ့ ဆင်းရဲနွမ်းပါးတဲ့ အခြား ၁၁ နိုင်ငံတို့မှ လူသန်းပေါင်းစွာကို ကူညီထောက်ပံ့ပေးနေတဲ့ ကုလသမဂ္ဂ ကမ္ဘာ့စားနပ်ရိက္ခာအစီအစဉ်(WFP) အတွက် ငွေကြေးထောက်ပံ့မှုတွေကို ဒေါ်နယ်ထရမ့်အစိုးရအဖွဲ့က အဆုံးသတ်လိုက်ပြီလို့ ထိုအဖွဲ့အစည်းနဲ့ အရာရှိများက ပြောသွားပါတယ်။

▪️ အကြီးမားဆုံး အစားအစာ ထောက်ပံ့ရေးဖြစ်တဲ့ ကမ္ဘာ့စားနပ်ရိက္ခာအစီအစဉ်က အမေရိကန်ရဲ့ အဆုံးသတ်မှုကို ပြန်လည်ရုပ်သိမ်းပေးဖို့ တနင်္လာနေ့က ဆိုရှယ်မီဒီယာပို့စ်တစ်ခုကနေ မေတ္တာရပ်ခံခဲ့ပါတယ်။

▪️ ယခုလိုမျိုး ကန်ထရိုက်ဖျက်သိမ်းလိုက်တာဟာ နိုင်ငံတကာဖွံ့ဖြိုးရေးဆိုင်ရာ အမေရိကန်အေဂျင်စီမှ ပြုလုပ်နေတဲ့ လူသားချင်းစာနာမှု နောက်ဆုံးပရိုဂရမ်တွေကို ပစ်မှတ်ထား အဆုံးသတ်လိုက်တဲ့သဘော ဖြစ်တယ်လို့ အမေရိကန်အရာရှိနဲ့ ကုလအရာရှိတို့ ပြောကြားချက်များအရ သိရပါတယ်။

▪️ ဒါဟာ အလွန်အမင်း ဆာလောင်ငတ်မွတ်နေတဲ့ လူသန်းပေါင်းများစွာအတွက် သေဒဏ်ချမှတ်ခံရသလို ဖြစ်နိုင်တယ်လို့ WFPက Xဆိုရှယ်မီဒီယာမှာ ပြောထားပါတယ်။

▪️ အသက်ကယ် အစီအစဉ်များအတွက် ဆက်လက်ထောက်ပံ့ပေးဖို့ ထရမ့်အစိုးရအဖွဲ့နဲ့ ဆက်သွယ်နေပြီး ယခင်က ထောက်ပံ့လှူဒါန်းခဲ့တဲ့ အမေရိကန်နဲ့ အခြားနိုင်ငံများကိုလည်း ကျေးဇူးတင်ရှိကြောင်း ပြောပါတယ်။

▪️ အမေရိကန် နိုင်ငံခြားရေးဝန်ကြီး မာကိုရူဘီယိုနဲ့ အစိုးရအဖွဲ့မှ အခြားအရာရှိများကတော့ အရေးပေါ် စားနပ်ရိက္ခာ အစီအစဉ်များနဲ့ အခြားသော သာရေးနာရေးအကူအညီများကိုတော့ အဆုံးသတ်ခြင်းကနေ လျှော့ပေါ့ထားပေးမယ်လို့ ကတိပြုခဲ့ပါတယ်။

▪️ ပြည်တွင်းစစ်ဒဏ်ကြောင့် ဆင်းရဲခေါင်းပါးမှုနဲ့ ရင်ဆိုင်နေရတဲ့ ဆီးရီးယားကို ထောက်ပံ့မှုအဆုံးသတ်လိုက်တဲ့ အစီအစဉ်မှာဆိုရင် လူပေါင်း ၁ သန်းခွဲအတွက် နေ့စဉ် ပေါင်မုန့်နဲ့ အခြားစားစရာများ ထောက်ပံ့နေပြီး ဒေါ်လာ ၁၁၁ သန်းတန်ဖိုး ရှိပါတယ်။

▪️ အမေရိကန်က ပြီးခဲ့တဲ့ ရက်သတ္တပတ်အတွင်း စာချုပ်ဖျက်သိမ်းတဲ့ စာစောင် ၆၀ ခန့်ကို ပေးပို့ခဲ့ပြီး ထိုထဲမှာ ယီမင်၊ လက်ဘနွန်၊ ဂျော်ဒန်တို့လို အထိခိုက်ဆုံးနိုင်ငံတွေ ပါဝင်နေပါတယ်။

▪️ အမေရိကန်ရဲ့ ကူညီထောက်ပံ့ရေး လျှော့ချမှုတွေက တစ်ကမ္ဘာလုံးမှာ မတည်မငြိမ်ဖြစ်စေလာနိုင်တယ်လို့ WFPအကြီးအကဲ စင်ဒီမက်ကိန်းက ပြောသွားပါတယ်။

#Source: AP News

#World_Science
Published 08 April 2025

▪️ အမွှေးရှည်ဆင်ကြီးရဲ့ ရုပ်ကြွင်းတွေကို ရှားရှားပါးပါး တွေ့ရှိခဲ့ရာမှာ ရှေးခေတ်လူသားတွေ ဘယ်လိုမျိုး အမဲလိုက်လဲဆိုတာကို သိရှိလာရပါတယ်။

▪️ ဩစတြီးယားအောက်ပိုင်း Langmannersdorf an der Perschlingမှာ သိပ္ပံပညာရှင်တွေက သက်တမ်းနှစ် ၂၅,၀၀၀ ခန့်ရှိတဲ့ ဧရာမအမွှေးရှည်ဆင်ကြီး ၅ ကောင်ရဲ့ ရုပ်ကြွင်းတွေကို တူးဖော်ရရှိခဲ့ပြီး ရှေးခေတ်လူသားတွေ အမဲလိုက်သတ်ဖြတ်ခြင်း ခံခဲ့ရတဲ့ပုံစံ မြင်တွေ့ရပါတယ်။

▪️ Perschlingတောင်ကြား နေရာငယ်တစ်ခုထဲမှာ ကျောက်ကိရိယာတွေ၊ ရက်ရက်စက်စက် သားဖြတ်ထားတဲ့ လက္ခဏာတွေလည်း တွေ့ခဲ့ကြပြီး ပလိုက်စ်တိုဆင်း နှောင်းပိုင်းခေတ်အတွင်း လူသားတွေရဲ့ အမဲလိုက်ပုံစံကို သိရှိခွင့်ရခဲ့ပါတယ်။

▪️ ဩစတြီးယား ရှေးဟောင်းတူးဖော်ရေး အဖွဲ့အစည်း(OAI)မှ မာ့ခ်ဟန်ဒယ်ဦးဆောင်တဲ့ အဖွဲ့က တူးဖော်ခဲ့ကြတာဖြစ်ပြီး ဥရောပအမွှေးရှည်ဆင်အရိုး စုဆောင်းရေးပရောဂျက်ရဲ့ အစိတ်အပိုင်းဖြစ်ပါတယ်။

▪️ အရိုးတွေမှာ ကိရိယာပစ္စည်းတွေကြောင်ကျန်တဲ့ အမာရွတ်တွေ အမှတ်အသားတွေ တွေ့ရတာကြောင့် သားဖြတ်ခံခဲ့ရတယ်ဆိုတဲ့သဘော ဖြစ်နေပါတယ်။

▪️ ဒါ့အပြင် ဆင်စွယ်ရုပ်ကြွင်းတွေ အပြည့်အစုံရော ကျိုးပဲ့နေတာတွေပါ တွေ့ရှိသဖြင့် ထိုခေတ်ကလူတွေဟာ ဆင်စွယ်တွေကို အသုံးချခဲ့ဟန်ရှိပြီး လှံထိပ်ဖူးအတွက် အသုံးပြုခဲ့ဖွယ်ရှိတယ်လို့ ယူဆနေကြပါတယ်။

▪️ ဒါကြောင့်ပဲ ထိုခေတ်ကလူတွေဟာ ထင်ထားတာထက်ပိုပြီး အသုံးချနိုင်စွမ်းရှိတာကို မြင်တွေ့ရတယ်လို့ မာ့ခ်ဟန်ဒယ်က ပြောပါတယ်။

▪️ တွေ့ရှိချက်အရ ထိုခေတ်ကလူတွေဟာ တိရိစ္ဆာန်တွေရဲ့ အလေ့အထတွေကို နှံ့စပ်စွာသိရှိပြီး အမဲလိုက်ရာမှာ အသုံးချခဲ့တယ်လို့ ထင်စရာဖြစ်နေပါတယ်။

▪️ ဒီပရောဂျက်ရဲ့ ရည်ရွယ်ချက်က လူသားတွေရဲ့ အမဲလိုက်ခြင်းအကြောင်း ပိုမိုသိရှိစေရန်နဲ့ ရှေးခေတ်လူသားတွေ အမွှေးရှည်ဆင်ကြီးတွေကို ဘယ်လိုအသုံးချလဲဆိုတာ ဆန်းစစ်ဖို့ဖြစ်ကြောင်း ဖော်ပြထားပါတယ်။

#Source: WION

#World_Health
Published 08 April 2025

▪️ နေ့ခင်းနေ့လယ် တစ်ရေးတစ်မောအိပ်ပြီး ညရောက်တဲ့အခါ ပုံမှန်အိပ်ပျော်ဖို့ ခက်ခဲတာမျိုး ဖြစ်တတ်ပါတယ်။

▪️ နေ့ခင်းတစ်ရေးအိပ်ခြင်းက အကောင်းရော အဆိုးပါ ဖြစ်နိုင်စေတယ်လို့ ယူကေ ဝါဝစ်ခ်ဆေးတက္ကသိုလ်မှ စိတ်ကျန်းမာရေး တွဲဖက်ပရော်ဖက်ဆာ တယ်လာမော့ခ်တာရီယန်က ဖော်ပြထားပါတယ်။

▪️ မှန်ကန်စွာ အိပ်စက်တတ်ရင် ဦးနှောက်ကို အားဖြည့်ပေးပြီး အာရုံစူးစိုက်မှု၊ ကျန်းမာရေးတို့ကို တိုးတက်စေပေမယ့် ကောင်းစွာအသုံးမချရင်တော့ ညဘက်အိပ်ပျော်ဖို့ ခက်ခဲစေနိုင်ပါတယ်။

▪️ အဓိကကွာခြားသွားတာက အချိန်နဲ့ ကြာချိန်တို့ဖြစ်ပါတယ်။

▪️ အများစုဟာ မွန်းလွဲအစောပိုင်း ၁ နာရီနဲ့ ၄ နာရီကြားမှာ နိုးကြားမှုကျဆင်းသွားလေ့ရှိပါတယ်။

▪️ ခန္ဓာကိုယ်တွင်းစက်ဝန်းက တစ်နေ့တာမှာ နိုးကြားမှုနဲ့ ပင်ပန်းမှုတို့ကို လည်ပတ်ပေးစွမ်းနေပြီး ထိုအချိန်အတွင်းမှာ လူအများစု ငိုက်မျဉ်းတတ်ကြပါတယ်။

▪️ ဒါကြောင့် ထိုအချိန်ဟာ တစ်ရေးအိပ်ဖို့ အသင့်လျော်ဆုံး ဖြစ်ပါတယ်။

▪️ တစ်ရေးအိပ်ပြီးနောက် အလင်းရောင်ကောင်းကောင်းနဲ့ ထိတွေ့လိုက်ရင် နွမ်းနယ်မှုကို သက်သာစေကာ ညအိပ်စက်မှုကို အနှောင့်အယှက်မဖြစ်စေဘဲ ဦးနှောက်စွမ်းရည် တိုးတက်စေနိုင်တယ်လို့ ဆိုပါတယ်။

▪️ ဒါပေမဲ့ တစ်ရေးအိပ်ရာမှာ နှစ်ခြိုက်စွာအိပ်စက်ခြင်းအဆင့်အထိ မရောက်အောင် နာရီဝက်အောက်သာ အိပ်ဖို့က အရေးကြီးပါတယ်။

▪️ နော့သ်ဝဲလ်စတေတင် အိုက်လန်တက္ကသိုလ်ဆေးရုံမှ အိပ်စက်မှုဆေးပညာ ညွှန်ကြားရေးမှူး ဒေါက်တာ သောမတ်စ်မိုက်ကယ်ကီလ်ကင်နီက မွန်းလွဲ ၁ နာရီမှ ၃ နာရီကြား မိနစ် ၂၀ ခန့် တစ်ရေးအိပ်ခြင်းက နိုးကြားမှုနဲ့ ဦးနှောက်စွမ်းရည်တို့ တိုးတက်စေတယ်လို့ ပြောထားပါတယ်။

▪️ ဒီထက်ကြာအောင် အိပ်လိုက်ရင် ဦးနှောက်က ဆက်လက်အိပ်စက်လိုစိတ် ဖြစ်လာပါလိမ့်မယ်။

▪️ ဒါ့အပြင် ပုံမှန်ညအိပ်ချိန် ရောက်တဲ့အခါ အိပ်စက်လိုစိတ်ကို အနှောင့်အယှက် ဖြစ်စေနိုင်ပါသေးတယ်။

#Source: New York Post

တရုတ်ဆေးဘက်ဆိုင်ရာအဖွဲ့တွေဟာ မြန်မာနိုင်ငံအတွင်း မြေငလျင်ဒဏ် အဆိုးဆုံးခံစားခဲ့ရတဲ့ နေရာတွေထဲက တစ်ခုဖြစ်တဲ့ မန္တလေး အမရပူရရှိ ဆေးအကူအညီစခန်းတစ်ခုသို့ ကြာသပတေးနေ့က ရောက်ရှိလာကာ ကုသရေးနဲ့ ဆေးဘက်ဆိုင်ရာ အကြံပေးတိုင်ပင်မှုများအပြင် သဘာဝဘေးကြောင့် ဒုက္ခရောက်နေသူများအတွက် လိုအပ်တဲ့အထောက်အပံ့များ ပေးသွားမှာဖြစ်ပါတယ်။
#Asia_Crisis
Published 07 Apirl 2025
#ငလျင်ဒဏ်အကြီးမားဆုံးခံစားခဲ့ရ #တရုတ်ဆေးဘက်ဆိုင်ရာအဖွဲ့များကုသပေး
#YMG #Yangon_Times #Yangon_Media_Group

၇ ဧပြီ ၂၀၂၅

မြန်မာနိုင်ငံတွင် လှုပ်ရှားခဲ့သော အင်အားပြင်း မန္တလေးငလျင်ကြီးကြောင့် ယနေ့ဧပြီ ၇ရက် ညနေပိုင်း  အထိ သေဆုံးသူ ၃၆၀၀ ဦးရှိသွားပြီလို့သိရပါတယ်။

ဧပြီ ၇ရက် ည (၇)နာရီတွင် နစက သတင်းထုတ်ပြန်ရေးအဖွဲ့ရဲ့ တရားဝင်ထုတ်ပြန်ချက်အရ သေဆုံးသူ ၃၆၀၀ ဦး၊ ထိခိုက်ဒဏ်ရာရရှိသူ ၅၀၁၇ ဦးနှင့် ပျောက်ဆုံးသူ ၁၆၀ ဦး အထိရှိသွားပြီဖြစ်ပါတယ်။

ကူညီကယ်ဆယ်မှုများအနေဖြင့်  နိုင်ငံပေါင်း ၂၀ မှ လေယာဉ် ၉၄ ခေါက်၊ မော်တော်ယာဉ် ၆ စီး နှင့် သင်္ဘော ၅ စီးတို့ဖြင့် ကယ်ဆယ်ရေးကူညီပြီးဖြစ်တယ်လို့ သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်း  က ပြောပါတယ်။ ကယ်ဆယ်ရေးဝန်ထမ်းပေါင်း ၁၇၃၈ ဦး စေလွှတ်ကူညီမှုတွေ ပေးခဲ့တယ်လို့လည်း သူကဆက်ပြောပါတယ်။

ထောက်ပံ့ရေးပစ္စည်း ၁၂၈၁ တန်ကျော်  ကယ်ဆယ်ရေးပစ္စည်း ၈၄၄ တန်ကျော်ရောက်ရှိပြီး လည်းဖြစ်ပါတယ်။

မြန်မာနိုင်ငံမီးသတ်တပ်ဖွဲ့၊ စေတနာ့ဝန်ထမ်းအဖွဲ့တွေနှင့် နိုင်ငံတကာမှကူညီကယ်ဆယ်ရေးအဖွဲ့တွေ ပူးပေါင်းပြီး အသက်ရှင်လျက် အမျိုးသား ၃၃၈ဦး အမျိုးသမီး ၃၁၅ဦး စုစုပေါင်း ၆၅၃ဦး ကယ်ထုတ်နိုင်ခဲ့ ပါတယ်လို့သိရပါတယ်။ သေဆုံးနေသူ အမျိုးသား ၃၄၀ဦး အမျိုးသမီး ၃၆၀ ဦးနှင့် စုစုပေါင်း ၇၀၀ဦးတို့ရဲ့ အလောင်းများကို ဖော်ယူဆွဲထုတ်နိုင်ခဲ့ကြတယ်လို့လည်း ဗိုလ်ချုပ်ဇော်မင်းထွန်းကပြောပါတယ်။

ရုရှား၊ တရုတ်၊တရုတ်(ဟောင်ကောင်)၊အိန္ဒိယ၊ထိုင်း၊စင်္ကာပူ၊ မလေးရှား၊ ဘင်္ဂလားဒေ့ရှ်၊ဗီယက်နမ်၊ ယူအေအီး၊လာအို၊ဘီလာရုစ်၊အင်ဒိုနီးရှား၊ဘူတန်၊ဖိလစ်ပိုင်၊ဂျပန်၊နီပေါ၊ပါကစ္စတန်၊တူကီယဲလ်၊အမေရိကန်၊သီရိလင်္ကာ၊ဟောင်ကောင်စတဲ့ နိုင်ငံ ၂၀ ကကူညီကယ်ဆယ်မှုများ၊ထောက်ပံ့ပစ္စည်းများ  ပေးပိုခဲ့ကြပါ   တယ်။

April 7, 2025

Nay Pyi Taw - A powerful earthquake has devastated Myanmar’s Mandalay region, leaving at least 3,600 people dead and thousands more injured or missing, according to official reports released today.

The News Information Team of the State Administration Council (SAC) confirmed that, as of 7:00 PM on July 7, the disaster has resulted in 5,017 injuries and 160 people still unaccounted for. Rescue operations remain ongoing in the most severely affected zones.

Brigadier General Zaw Min Tun, spokesperson for the News Information Team, reported that 20 countries have joined the international relief mission. So far, 94 flights, six ground convoys, and five ships have delivered aid, while 1,738 rescue personnel have been deployed to assist in search and recovery efforts.

Emergency supplies continue to pour in, with over 1,281 tons of relief goods and 844 tons of specialized rescue equipment arriving to support survivors. Authorities and international partners are racing against time to locate those still trapped beneath the rubble.

In a combined operation involving Myanmar’s Fire Services Department, local volunteers, and international response teams, 653 individuals—338 men and 315 women—have been rescued alive from collapsed buildings. Tragically, recovery teams have also retrieved 700 bodies, comprising 340 men and 360 women.

This tragedy has prompted one of the largest humanitarian responses in Myanmar’s recent history, with medical professionals, engineers, and disaster response specialists working tirelessly to aid the survivors and restore essential services in the affected areas.

#ymg/knl

#Daily_News

Published 07 Apirl 2025

၁။ စင်ကာပူအဖွဲ့မှရှာဖွေကယ်ရေးလုပ်ငန်းသုံး ပစ္စည်းကိရိယာများ မီးသတ်တပ်ဖွဲ့သို့ လှူဒါန်းခဲ့

၂။ ငလျင်ဘေးအတွက် နိုင်ငံပေါင်း၂၀မှ ဝန်ထမ်းနှစ်ထောင်ခန့် လာရောက်ကူညီနေ

၃။ မန္တလေးအပါအဝင်နိုင်ငံအနှံ့အပြား အချိန်အခါမဟုတ်မိုးရွာမည်

၄။ ငလျင်ဒဏ်အကြီးမားဆုံးခံစားခဲ့ရသည့် မန္တလေးတွင် တရုတ်ဆေးဘက်ဆိုင်ရာအဖွဲ့များကုသပေးနေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

'Sky Villa က သေတဲ့သူတွေကဘယ်လိုပြောမလဲ၊ အတွင်းထဲအထိ ကယ်ဆယ်တဲ့ကလေးတွေကို အကူအညီတောင်းတာပေါ့ဗျာ၊ ကလေးတွေရဲ့စိတ်ထဲမှာအကူအညီတောင်းနေတဲ့ သဘောစိတ်စွဲနေလို့ ရက်လည် ဆွမ်းကပ်တာလုပ်ပေးတာပါဗျ ' မြတ်သဒ္ဓါ လူမှုနာမှုကူညီရေးအသင်း ဥက္ကဌ
ဦးဇော်မြင့်နိုင်
#Local_News
Published 07 Apirl 2025
#သစ်တံခါးဆရာတော်ကြီး #သေဆုံးသူများအားရက်လည်ဆွမ်းကပ်
#YMG/NN #Yangon_Times

မန္တလေးတိုင်း၊ စစ်ကိုင်းတိုင်းအပါအဝင် နိုင်ငံအနှံ့အပြားမှာ အချိန်အခါမဟုတ်မိုးရွာနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနက ဒီကနေ့မနက် ၇ နာရီအချိန် ထုတ်ပြန်ချက်အရသိရပါတယ်။
#Local_News
Published 07 Apirl 2025
#အချိန်အခါမဟုတ်မိုးရွာ #နိုင်ငံအနှံ့အပြား
#YMG/NN #Yangon_Times

မြန်မာနိုင်ငံမှာ ကြုံတွေ့ခဲ့ရတဲ့ ငလျင်ဘေးအတွက် နိုင်ငံပေါင်း၂၀မှ ဝန်ထမ်းနှစ်ထောင်ခန့်က ကူညီကယ်ဆယ်ရေးတွေ လာရောက်ဆောင်ရွက်ပေးနေတယ်လို့ နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ပြောပါတယ်။
#Local_News
Published 07 Apirl 2025
#ဝန်ထမ်းနှစ်ထောင်ခန့်လာရောက်ကူညီ #ကူညီကယ်ဆယ်ရေး
#YMG/SW #Yangon_Times

စင်ကာပူနိုင်ငံမှ ရောက်ရှိလာတဲ့မြေငလျင် ကယ်ဆယ်ရေးအဖွဲ့ဟာ မြန်မာနိုင်ငံက ပြန်လည်မထွက်ခွါခင် ရှာဖွေကယ်ဆယ်ရေးပစ္စည်းအချို့ကို မြန်မာနိုင်ငံ မီးသတ်တပ်ဖွဲ့မှာ အသုံးပြုနိုင်ဖို့အတွက် လှူဒါန်းခဲ့တယ်လို့ သိရပါတယ်။
#Local_News
Published 07 Apirl 2025
#စင်ကာပူအဖွဲ့ #မီးသတ်တပ်ဖွဲ့သို့လှူဒါန်း
#YMG/SW #Yangon_Times

#Local_News
Published 7 April 2025

▪️ မြန်မာ့ငလျင်‌ဘေးအတွက် ကနေဒါနိုင်ငံက ဒေါ်လာ ၉. ၇၅သန်း လှူဒါန်းသွားမည်ဖြစ်ကြောင်း ကနေဒါနိုင်ငံဆိုင်ရာ မြန်မာသံရုံးက ယနေ့ (ဧပြီလ ၇ရက်) ထုတ်ပြန်လိုက်သည်။

▪️ လူပေါင်းများစွာ အသက်ဆုံးရှုံးစေခဲ့ပြီး အခြေခံအဆောက်အဦများကို ဖျက်ဆီးခဲ့သည့် မတ်လ (၂၈) ရက်နေ့တွင် မြန်မာနိုင်ငံ၌ လှုပ်ခတ်ခဲ့သော မြေငလျင်ကို တုံ့ပြန်သည့် အနေဖြင့် ကနေဒါနိုင်ငံက လူသားချင်းစာနာမှုဆိုင်ရာ အကူအညီ ဒေါ်လာ ၉. ၇၅သန်း ပေးအပ်သွားမည်ဖြစ်ကြောင်း၊ထောက်ပံ့ငွေများကို အရေးပေါ် ဆေးကုသမှုဆိုင်ရာ ဝန်ဆောင်မှုများ ထောက်ပံ့ပေးခြင်း၊ အမိုးအကာ၊ အစားအသောက်နှင့် အခြား အရေးပေါ်ပစ္စည်းများ ပေးအပ်ခြင်းတို့တွင် အသုံးပြုသွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

▪️ အင်အားပြင်းငလျင်ကြောင့် စစ်ကိုင်းဒေသကြီး၊ မန္တလေးတိုင်းဒေသကြီး၊ နေပြည်တော်ကောင်စီနယ်မြေ၊ ပဲခူးတိုင်းနှင့် ရှမ်းပြည်နယ်တို့တွင် ထိခိုက်ပျက်စီးဆုံး ရှုံးမှုများစွာဖြစ်ပေါ်ခဲ့ပြီး လူသေဆုံးထိခိုက်မှုများလည်းဖြစ်ပေါ်ခဲ့ရပြီး နိုင်ငံပေါင်း ၂၀မှ ကူညီကယ်ဆယ်ရေးများဆောင်ရွက်လျှက်ရှိကြောင်း သိရသည်။

#YMG/SW #Yangon_Times