#Local_News
Published 1 Sept 2025

▪️ ရခိုင်ပြည်နယ်နှင့် ချင်းပြည်နယ်တို့ကို ဖြတ်ကျော်ခဲ့သော လေပွေလှိုင်း
အရှိန်ကြောင့် ဒေသအချို့မှာမိုးဆက်ကြီးနိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန၏ ယနေ့ထုတ်ပြန်ချက်အရသိရသည်။

▪️ အဆိုပါ ယနေ့မနက်ပိုင်းထုတ်ပြန်ချက်အရ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေအားကောင်းနေ ယနေ့မြန်မာစံတော်ချိန် ၅ နာရီခွဲအချိန်တိုင်းထွာချက်များအရ ဘင်္ဂလားပင်လယ်အော် အရှေ့မြောက်ပိုင်းနှင့် ယင်းနှင့်ဆက်စပ်လျက်ရှိသော ရခိုင်ပြည်နယ်၊ ချင်းပြည်နယ်တို့ကို ဖြတ်ကျော်ခဲ့သော လေပွေလှိုင်းသည် ဘင်္ဂလားပင်လယ်အော်အရှေ့မြောက်ပိုင်းနှင့် ယင်းနှင့်ဆက်စပ်လျက်ရှိသော ဘင်္ဂလားပင်လယ်အော်အရှေ့အလယ်ပိုင်း တို့တွင်ဆက်လက်တည်ရှိနေ ကြောင်း ၊ယင်းလေပွေလှိုင်းသည် ပိုမိုအားကောင်းလာနိုင်ပြီး၊ နောက် ၂၄ နာရီအတွင်း ဘင်္ဂလားပင်လယ်အော်မြောက်ပိုင်းတွင် လေဖိအားနည်းရပ်ဝန်း (Low Pressure Area) အဖြစ်သို့ ရောက်ရှိနိုင်ကြောင်းခန့်မှန်းရသည်ဟု ဖော်ပြထားသည်။

▪️ ယနေ့ညနေအထိခန့်မှန်းချက်အရ ကယားပြည်နယ်နှင့်ရှမ်းပြည်နယ်(မြောက်ပိုင်း)တို့တွင် နေရာကျဲကျဲ၊ နေပြည်တော်၊ မကွေးတိုင်းဒေသကြီးနှင့် စစ်ကိုင်းတိုင်းဒေသကြီးတို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ စစ်ကိုင်းတိုင်းဒေသကြီးအထက်ပိုင်းနှင့် တနင်္သာရီတိုင်းဒေသကြီးတို့တွင် နေရာကွက်၍မိုးကြီးနိုင်ပြီး ရွာရန်ရာနှုန်းပြည့် ဖြစ်ကြောင်းသိရသည်။

▪️ ထို့အပြင် ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီး၊ တနင်္သာရီတိုင်းဒေသကြီး၊ ချင်းပြည်နယ်၊ မွန်ပြည်နယ်နှင့် ရှမ်းပြည်နယ်(အရှေ့ပိုင်း)တို့တွင် မိုးတိမ်တောင်များဖြစ်ထွန်းမှု အားကောင်း လျက်ရှိပြီး၊ အဆိုပါ မိုးတိမ်တောင်များရွေ့လျားရာနေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုထား ကြောင်းသိရသည်။

#YMG/NN #Yangon_Times

#Local_News
Published 2 Sept 2025

▪️ မြန်မာ့အနာဂတ်မျက်နှာစာလူငယ်မဟာဗျူဟာဖိုရမ်
၂၀၂၅ကို တက်ရောက်လာသည့်လူငယ်အဖွဲ့+အုပ်ချုပ်မှုအဖွဲ့ (၄၇၅)ဦးတို့သည် ယနေ့မနက် (၅)နာရီ (၄၅)မိနစ်တွင် ရွှေတိဂုံစေတီတော်
သို့ လာရောက် ဖူးမျှော်ခဲ့ကြောင်းသိရသည်။

▪️ ၎င်းတို့သည်မြောက်ဘက်မုခ်မှတက်ရောက်ပြီး ရာဟုထောင့် အောင်မြေတွင် ဘုရားဝတ်ပြုကာ စေတီတော်ကြီးအား လက်ယာရစ်ပူဇော်၍ မနက် (၆)နာရီ (၃၀)မိနစ်တွင် အနောက်ဘက်စောင်းတန်းမှ ပြန်လည်ထွက်ခွာသွားကြကြောင်းသိရသည်။

#YMG/NN #Yangon_Times

#World_News
Published 02 September 2025

▪️ အာဖဂန်နစ္စတန်မှာ အဆိုးရွားဆုံးမြေငလျင် လှုပ်ခတ်ခဲ့သဖြင့် ၈၀၀ ကျော်သေဆုံးကာ အနည်းဆုံး ၂,၈၀၀ ခန့် ဒဏ်ရာရထားကြောင်း အာဏာပိုင်များက တနင်္လာနေ့မှာ ပြောသွားပါတယ်။

▪️ ကြမ်းတမ်းတဲ့ တောင်တန်းဒေသတွေနဲ့ ရာသီဥတုအခြေအနေကြောင့် ဝေးလံတဲ့နေရာတွေဆီ ကယ်ဆယ်ရေးတွေ ရောက်ရှိဖို့ ခက်ခဲနေပါတယ်။

▪️ စစ်ပွဲဒဏ်ခံနေရတဲ့နိုင်ငံမှာ နိုင်ငံခြားအကူအညီ ကျဆင်းခြင်းပြဿနာကစလို့ အိမ်နီးချင်းနိုင်ငံတွေကနေ အာဖဂန်လူမျိုးသိန်းချီကို နေရပ်ပြန်ပို့ခြင်းပြဿနာအထိ ကြုံတွေ့နေရတဲ့အချိန်မှာ ယခုလို ငလျင်ဘေးက ပိုမိုဆိုးရွားစေပါတယ်။

▪️ ဒေသစံတော်ချိန်ညသန်းခေါင်မှာ ပြင်းအားအဆင့် ၆ ရှိတဲ့ ငလျင်က အနက် ၁၀ ကီလိုမီတာမှာ လှုပ်ခတ်ခဲ့ပြီး အာဖဂန် ကာဘူးမြို့ရှိ ကျန်းမာရေးဝန်ကြီးဌာနမှ ပြောရေးဆိုခွင့်ရှိသူ ရှာရာဖက်ဇာမန်က နိုင်ငံတကာအကူအညီများ တောင်းခံလိုက်ပါတယ်။

▪️ လူအများအပြား အသက်အိုးအိမ်များ ဆုံးရှုံးနေတာကြောင့် အကူအညီလိုအပ်နေတယ်လို့ ပြောသွားပါတယ်။

▪️ ရေညစ်ညမ်းမှုမဖြစ်စေရန် ကယ်ဆယ်ရေးအဖွဲ့တွေက တိရိစ္ဆာန်အလောင်းတွေကို အလျင်အမြန်ဖယ်ရှားဖို့ ကြိုးစားနေကြပါတယ်။

▪️ စစ်ကယ်ဆယ်ရေးအဖွဲ့တွေက ဖြန့်ကျက်ရှာဖွေနေရာ ဒဏ်ရာရသူနဲ့ သေဆုံးသူ ၄၂၀ ကို သယ်ဆောင်ခဲ့ပါတယ်။

▪️ ငလျင်က ကူနာရှိ ရွာသုံးရွာကို ဖျက်ဆီးခဲ့ပြီး အခြားဒေသများမှာလည်း ထိခိုက်မှုများခဲ့ပါတယ်။

▪️ လူနာတင်ယာဉ်တွေ၊ ဆရာဝန်တွေ၊ လိုအပ်သမျှအရာအားလုံး လိုအပ်နေတယ်လို့ အသက်ရှင်ကျန်သူတစ်ဦးက ပြောပါတယ်။

▪️ တာလီဘန်တွေရဲ့ အမျိုးသမီးတွေအပေါ်ထားတဲ့ ပေါ်လစီတွေကြောင့် လှူဒါန်းဖို့စိတ်မဝင်စားကြကာ အခုထက်ထိ နိုင်ငံခြားအစိုးရတွေမှ ကယ်ဆယ်ကူညီရေး မပေးကြသေးဘူးလို့ အာဖဂန်နိုင်ငံခြားရေးဌာနမှ ပြောရေးဆိုခွင့်ရှိသူက ပြောသွားပါတယ်။

Source: Reuters

#World_Health
Published 02 September 2025

▪️ အသက် ၃၀ ကျော်လာတဲ့အခါ ခွန်အားကျဆင်းလာခြင်း၊ ဇီဝကမ္မဖြစ်စဉ် အလွန်အမင်းပြောင်းလဲလာခြင်း၊ အရိုးများ ဆွေးလာခြင်း၊ အဆစ်နာခြင်း၊ လှုပ်ရှားနိုင်စွမ်းကျဆင်းလာခြင်းစသဖြင့် ကျန်းမာရေးပြဿနာများ ဖြစ်လာတတ်ပါတယ်။

▪️ အစားအသောက်ဖြင့် လိုအပ်တဲ့အာဟာရဓာတ်တွေ မဖြည့်ဆည်းနိုင်တဲ့အခါ အာဟာရဓာတ်ချို့တဲ့မှုတွေ ဖြစ်လာပါတယ်။

▪️ အမျိုးသားတွေက ဒီလိုပြဿနာတွေ ပိုမိုခံစားရနိုင်ကာ ဖြည့်စွက်အားဆေးတွေ ပိုမိုလိုအပ်နိုင်တယ်လို့ ဝေါ့ဟာ့ဒ်ဆေးရုံမှ ဒေါက်တာအန်နီကက်မြူးလ်က ပြောသွားပါတယ်။

▪️ ဇင့်သတ္တုဓာတ်ဆိုရင် ကျားဟော်မုန်းအကာအကွယ်ပေးခြင်း၊ မျိုးပွားလုပ်ဆောင်ချက်၊ ကြွက်သားပြန်လည် တည်ဆောက်ခြင်းတို့အတွက် လိုအပ်ပြီး ဂုံး၊ အမဲသား၊ ဖရုံစေ့၊ ကုလားပဲတို့မှာ ပါဝင်ပါတယ်။

▪️ ဗိုက်တာမင်-ဒီ၃နဲ့ ကေ၂ဆိုရင် အရိုး၊ ကိုယ်ခံအား၊ ကျားဟော်မုန်းထုတ်လုပ်ခြင်း၊ ကယ်စီယံစုပ်ယူခြင်း၊ နှလုံးသွေးကြော ကျန်းမာရေးတို့အတွက် လိုအပ်ကာ နေရောင်ခြည်ထိတွေ့မှုကနေ ဒီ၃ ရရှိသလို အဆီပါသောငါး၊ အချဉ်ဖောက်သော စားစရာတွေကနေ ကေ၂ ရရှိနိုင်ပါတယ်။

▪️ ကြွက်သားနဲ့ အာရုံကြောလုပ်ဆောင်ချက်၊ ခွန်အားထုတ်လုပ်ခြင်း၊ နှလုံးကျန်းမာရေး၊ ဖိစီးမှုထိန်းချုပ်ခြင်း၊ အိပ်စက်မှုတို့အတွက် မဂ္ဂနီဆီယံအရေးကြီးကာ အစိမ်းရောင်ဟင်းရွက်များ၊ အခွံမာသီးများ၊ အစေ့များမှာ ကြွယ်ဝစွာ ပါဝင်ပါတယ်။

▪️ အိုမီဂါ-၃ ဖက်တီးအက်ဆစ်က နှလုံးကျန်းမာရေး ထောက်ကူပေးခြင်း၊ ရောင်ရမ်းမှု လျှော့ချခြင်း၊ ဦးနှောက်လုပ်ဆောင်ချက် တိုးမြှင့်ပေးခြင်းတို့အတွက် အရေးပါကာ အဆီပါသောငါး၊ လျှော်စေ့၊ ချီယာစေ့တို့မှာ ပါဝင်ပါတယ်။

▪️ ဗိုက်တာမင်- ဘီ၆ ဘီ၉ ဘီ၁၂တို့က ခွန်အားထုတ်လုပ်ခြင်း၊ ဦးနှောက်နဲ့ အာရုံကြောလုပ်ဆောင်ချက်တို့အတွက် အရေးပါကာ အစေ့အဆန်များ၊ ဥ၊ အသား၊ အစိမ်းရောင်ဟင်းရွက်တို့မှာ ပါဝင်ပါတယ်။

▪️ ဖြည့်စွက်အားဆေးက လူတိုင်းလိုအပ်တာမဟုတ်ဘဲ ကျန်းမာရေးနဲ့ ညီညွတ်မျှတစွာ စားသုံးရင် မရှိမဖြစ် အာဟာရဓာတ်များ ရရှိနိုင်ပါတယ်။

Source: India Express

‎#World_Health
Published 02 September 2025

▪️ သံဓာတ်ဆိုတာက သွေးနီဥဆဲလ်တွေအတွက် အဓိကျရုံသာမက စိတ်ဓာတ်ကျခြင်းကိုလည်း သက်သာစေပါတယ်။

▪️ သံဓာတ်ချို့တဲ့ခြင်းနဲ့ စိတ်ဓာတ်ကျလက္ခဏာများကြား ဆက်စပ်မှုရှိနေကြောင်းကို လတ်တလောသုတေသနမှာ ဖော်ပြထားပါတယ်။

▪️ အထူးသဖြင့် ကလေးလွယ်နိုင်တဲ့အရွယ် အမျိုးသမီးတွေမှာ သံဓာတ်ချို့တဲ့ခြင်းကြောင့် စိတ်ဓာတ်ကျလက္ခဏာ ခံစားရနိုင်ခြေ ၁ ဆခွဲနီးပါးပိုများပါတယ်။

▪️ ဝင်ငွေနည်းပါးတဲ့အမျိုးသမီးတွေမှာလည်း သံဓာတ်ချို့တဲ့နိုင်ခြေ ပိုများပါတယ်။

▪️ စပီရူလိုင်းနား၊ ပေါက်ပေါက်ဆုပ်တို့လို အစားအစာတွေမှာ သံဓာတ်ကြွယ်ဝပေမယ့် သိပ်ပြီးမသိကြပါဘူး။

▪️ သံဓာတ်ကြွယ်ဝတဲ့ စားစရာတွေကို ဗိုက်တာမင်-စီနဲ့ ပေါင်းစပ်တဲ့အခါ အာဟာရဓာတ်စုပ်ယူမှု ပိုအားကောင်းစေပါတယ်။

▪️ ဒီအတွက် စိတ်ကျန်းမာရေးထိန်းသိမ်းနိုင်ဖို့ အာဟာရဓာတ်ချို့တဲ့မှုတွေကို ဖြေရှင်းနိုင်ဖို့က အရေးပါတဲ့ ကာကွယ်မှုဖြစ်နေပါတယ်။

▪️ အချို့သော ဆေးဖက်ဝင်ပစ္စည်းတွေက သံဓာတ်ချို့တဲ့မှုအတွက် သဘာဝနည်းလမ်းတွေ ပေးစွမ်းနိုင်ပါတယ်။

▪️ သံဓာတ်ချို့တဲ့မှုက တစ်ကမ္ဘာလုံးအတိုင်းအတာဖြင့် စိတ်ပိုင်းဆိုင်ရာ ကျန်းမာရေးကို သက်ရောက်နေကာ သမားရိုးကျကုသနည်းများအပြင် အစားအသောက်များဖြင့် ဖြည့်တင်းဖို့လည်း အရေးကြီးပါတယ်။

Source: NaturalNews

တရုတ်ယူနန်ပြည်နယ်အနောက်တောင်ပိုင်းရှိ ယူနန်တောရိုင်းတိရိစ္ဆာန်ဥယျာဉ်မှာ ဆိုက်ဘေးရီးယားကျားတစ်စုံရဲ့ နှစ် (၂၀) ပြည့်အထိမ်းအမှတ်အတွက် ပြင်ဆင်ခဲ့ကြပါတယ်။

#Asia_Animal
Published 1 Sept 2025
#ဆိုက်ဘေးရီးယားကျားစုံတွဲ #တရုတ်ယူနန်ပြည်နယ်အနောက်တောင်ပိုင်း
#YMG #Yangon_Times #Yangon_Media_Group

#Daily_News
Published 1 Sept 2025

၁။‌‎ ‎ရှားပါးမျိုးစိတ် ပန်ဒါနီ(၄)ကောင်တိရစ္ဆာန်ဥယျာဉ် (ရန်ကုန်)သို့ထပ်မံရောက်ရှိလာ
‎
‌‎၂။‎ အသက်(၁၄)နှစ်အောက် အမျိုးသား/အမျိုးသမီး ကစားသမားရွေးချယ်ပွဲများ ကျင်းပမည်
‎
၃။‌‎ ‎အွန်လိုင်းရွှေရောင်းသူများလိုင်စင် ပြုလုပ်ရန်ထပ်မံသတိပေး

‎၄။ ‎‎‎‎ဆိုက်ဘေးရီးယားကျားစုံတွဲ၏နှစ်(၂၀)ပြည့်အထိမ်းအမှတ်ပွဲ ယူနန်တောရိုင်းတိရိစ္ဆာန်ဥယျာဉ်၌ကျင်းပ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးဆီတင်သွင်းသို လှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီက အပတ်စဉ်ထုတ်ပြန်ပေးနေတဲ့ စားအုန်းဆီအခြေခံလက်ကားရည်ညွှန်းဈေးနှုန်းတွေ ဆက်တိုက်မြင့်တက်လာတယ်လို့ သိရပါတယ်။

#Local_News
Published 1 Sept 2025
#စားအုန်းဆီ #စီးပွားရေးနှင့်ကူးသန်းရောင်းဝယ်ရေးဝန်ကြီးဌာန
#YMG/SW #Yangon_Times

#Local_News
Published 1 Sept 2025

▪️ YBS ယာဉ်များနှင့် အငှားယာဉ် (Taxi) များကို ဦးစားပေး၍ သက်သာသည့်ဈေးနှုန်းဖြင့် CNG များစိုက်ထုတ်ရောင်းချပေးနေကြောင်းစွမ်းအင်ဝန်ကြီးဌာန ပြည်ထောင်စုဝန်ကြီးဦးကိုကိုလွင်ကပြောသည်။

▪️ ယမာန်နေ့ကရန်ကုန်တိုင်းဒေသကြီးအတွင်းရှိ စွမ်းအင်ဝန်ကြီးဌာန မြန်မာ့ရေနံနှင့် သဘာဝဓာတ်ငွေ့လုပ်ငန်း၊ အောက်မြန်မာပြည်ရုံးခွဲ (စိမ်းလဲ့မေ) ၌ ကျင်းပသည့် နိုင်ငံ့စီးပွားဖွံ့ဖြိုးတိုးတက်ရေးအတွက် ပြည်တွင်းသဘာဝဓာတ်ငွေ့သုံးစွဲမှု အကျိုးရှိထိရောက်စွာ အသုံးပြုနိုင်ရေးညှိနှိုင်းအစည်းအဝေး၌ စွမ်းအင်ဝန်ကြီးဌာနပြည်ထောင်စုဝန်ကြီး ဦးကိုကိုလွင် က ထည့်သွင်းပြောကြားခဲ့ခြင်းဖြစ်သည်။

▪️ ထိုသို့ပြောကြားရာတွင် ပြည်ထောင်စုဝန်ကြီးက နိုင်ငံ့စီးပွားဖွံ့ဖြိုးတိုးတက်ရေးအတွက် စွမ်းအင်ကဏ္ဍသည် လွန်စွာအရေးကြီးပါကြောင်း၊ စွမ်းအင်လုံခြုံရေးနှင့် စွမ်းအင်ဖူလုံရေးအတွက်အဓိကတာဝန်ရှိသည့် စွမ်းအင်ဝန်ကြီးဌာနအနေဖြင့်နိုင်ငံအတွက်လိုအပ်သော ရေနံနှင့်သဘာဝဓာတ်ငွေ့များ တိုးတက်ထုတ်လုပ်နိုင်ရေးနည်းလမ်းမျိုးစုံဖြင့်ကြိုးပမ်းဆောင်ရွက်နေသကဲ့သို့ထွက်ရှိလာသည့် သဘာဝဓာတ်ငွေ့ကို ပြည်ပသို့တင်ပို့ဖြန့်ဖြူးရောင်းချခြင်းအပြင် ပြည်တွင်းတွင်လျှပ်စစ်ဓာတ်အားထုတ်လုပ်နိုင်ရေးနှင့် စက်ရုံအလုပ်ရုံများ၏ ကုန်ထုတ်လုပ်မှုလုပ်ငန်းများဆောင်ရွက်နိုင်ရန် ဖြန့်ဖြူးပေးခြင်း၊ အများပြည်သူသယ်ယူပို့ဆောင်ရေးကဏ္ဍ အဆင်ပြေချောမွေ့စေရေးအတွက် ဖိအားမြှင့်သဘာဝဓာတ်ငွေ့ (Compressed Natural Gas–CNG) ဖြန့်ဖြူးပေးခြင်းတို့ကို ဆောင်ရွက်ပေးလျက်ရှိ ကြောင်းပြောကြားခဲ့သည်။

▪️ ထို့အပြင်လက်ရှိတွင် မိမိတို့နိုင်ငံ၌ပြည်တွင်းသုံးသဘာဝဓာတ်ငွေ့၏ ၈၅ ရာခိုင်နှုန်းကို လျှပ်စစ်ဓာတ်အားကဏ္ဍနှင့် ၈ ရာခိုင်နှုန်းကို စက်မှု/ကုန် ထုတ်လုပ်မှုကဏ္ဍတို့တွင် အသုံးပြုနေပြီးသယ်ယူပို့ဆောင်ရေးကဏ္ဍ၌ ၇ ရာခိုင်နှုန်းခန့် သုံးစွဲလျက်ရှိကြောင်း၊ မော်တော်ယာဉ်များတွင် CNG သုံးစွဲခြင်းသည် ဓာတ်ဆီ၊ ဒီဇယ်ဆီများ သုံးစွဲခြင်းထက်ကုန်ကျစရိတ်များစွာသက်သာပြီး ကာဗွန်ထုတ်လွှတ်မှုလျော့နည်းသောကြောင့် သယ်ယူပို့ဆောင်ရေးကဏ္ဍတွင် CNG သုံးစွဲမှုကို မြှင့်တင်နိုင်ရေးဆောင်ရွက် ရှိကြောင်း ၎င်းကဆိုသည်။

▪️ နိုင်ငံတော်အနေဖြင့် ပြည်သူများ ခရီးသွားလာရာတွင် ဈေးနှုန်းသက်သာစေရန် CNG ကို YBS ယာဉ်များနှင့် အငှားယာဉ် (Taxi) များအားဦးစားပေး၍ အထူးသက်သာသော ဈေးနှုန်းဖြင့်စိုက်ထုတ်ရောင်းချပေးလျက်ရှိပါကြောင်း ဆက်လက် ပြောကြားသည်။

▪️ ထို့နောက် သာကေတကမ်းလွန်ရေနံအခြေစိုက်စခန်း အထွေထွေမန်နေဂျာက ရေနံနှင့်သဘာဝဓာတ်ငွေ့ရှာဖွေတူးဖော်ထုတ်လုပ်ခြင်းလုပ်ငန်းများအတွက် အထောက်အကူပြုလုပ်ငန်းများဆောင်ရွက်ပေးနေမှုနှင့် ပစ္စည်းများ ထိန်းသိမ်းဖြန့်ဖြူးပေးနေမှု အခြေအနေများကိုလည်းကောင်း၊ မော်တော်ယာဉ်သုံးသဘာဝဓာတ်ငွေ့ဌာန အထွေထွေမန်နေဂျာက မော်တော်ယာဉ်သုံးသဘာဝဓာတ်ငွေ့များအား ဖြန့်ဖြူးရောင်းချပေးနေမှု အခြေအနေများနှင့် ပြုပြင်ပြောင်းလဲဆောင်ရွက်သွားမည့် အစီအမံများကိုလည်းကောင်း၊ မြန်မာ့ရေနံနှင့် သဘာဝဓာတ်ငွေ့လုပ်ငန်း ဒုတိယညွှန်ကြားရေးမှူး (ထုတ်လုပ်ရေး) က သဘာဝဓာတ်ငွေ့များ လေလွင့်ဆုံးရှုံးမှုလျော့နည်း သက်သာစေရေးသဘာဝဓာတ်ငွေ့ ထိန်း/ဖြန့်စခန်းများမှ Metering စနစ်အသုံးပြု၍ ဖြန့်ဖြူးဆောင်ရွက်သွားမည့် အခြေအနေများကိုလည်းကောင်း၊ အသုံးချသုတေသနဌာန (ထောက်ကြန့်) မှ သုတေသနအရာရှိချုပ်က ဓာတ်ခွဲခန်းများနှင့် စက်ပစ္စည်းများအဆင့် မြှင့်တင်ရေးအစီအစဉ်များကိုလည်းကောင်း၊ အမှတ် (၂) နှင့် အမှတ် (၃) ရေနံဓာတ်ငွေ့ရည်စက်ရုံ (ညောင်တုန်း) စက်ရုံမှူးများက ရေနံဓာတ်ငွေ့ရည် (ပရိုပိန်း၊ ဗြူတိန်း) နှင့် နက်ဖ်သာထုတ်လုပ်ဖြန့်ဖြူးရောင်းချမှု အခြေအနေများကိုလည်းကောင်း ရှင်းလင်းတင်ပြကြပြီး ပြည်ထောင်စုဝန်ကြီးရုံး ညွှန်ကြားရေးမှူးချုပ်နှင့် မြန်မာ့ရေနံဓာတုဗေဒလုပ်ငန်းဦးဆောင်ညွှန်ကြားရေးမှူးနှင့် တာဝန်ရှိသူများကလိုအပ်သည်များကို ဖြည့်စွက်ရှင်းလင်းတင်ပြကြရာ ပြည်ထောင်စုဝန်ကြီးက လိုအပ်သည်များကို မှာကြားခဲ့ကြောင်းသိရသည်။

#YMG/NN #Yangon_Times

အွန်လိုင်းရွှေရောင်းသူတွေကို လိုင်စင်ပြုလုပ်ကြဖို့ ရန်ကုန်တိုင်းဒေသကြီး ရွှေလုပ်ငန်းရှင်များအသင်း(YGEA)ကဒီကနေ့မှာ ထပ်မံသတိပေးတိုက်တွန်း လိုက်ပါတယ်။

#Local_News
Published 1 Sept 2025
#အွန်လိုင်းရွှေရောင်းသူ #ရွှေလုပ်ငန်းရှင်များအသင်း
#YMG/NN #Yangon_Times

FIFA/MFF Regional Training Center ကိုဒေသအလိုက်ဖွင့်လှစ်နိုင်ဖို့အတွက်အသက် (၁၄) နှစ်အောက် အမျိုးသား/အမျိုးသမီး ကစားသမား ရွေးချယ်ပွဲတွေကျင်းပနေပြီလို့ မြန်မာနိုင်ငံဘောလုံးအဖွဲ့ချုပ်(MFF)က သိရပါတယ်။

#Local_News
Published 1 Sept 2025
#FIFA_MFF_Regional_Training_Center #မြန်မာနိုင်ငံဘောလုံးအဖွဲ့ချုပ်
#YMG/SW #Yangon_Times

ရှားပါးမျိုးစိတ်ဖြစ်ပြီး အလွန်ချစ်စဖွယ်ကောင်းတဲ့ ပန်ဒါနီ(၄)ကောင် yangon zoo သို့ထပ်မံရောက်ရှိလာပြီလို့ တိရစ္ဆာန်ဥယျာဉ် (ရန်ကုန်)

ကသိရပါတယ်။

#Local_News
Published 1 Sept 2025
#ရှားပါးမျိုးစိတ်ပန်ဒါနီ(၄)ကောင် #တိရစ္ဆာန်ဥယျာဉ် (ရန်ကုန်)
#YMG/NN #Yangon_Times