#World_Science
Published 02 July 2025

▪️ နှစ်ပေါင်း ၁,၅၀၀ သက်တမ်းရှိတဲ့ မြေပုံတစ်ခုကနေ ဘီဇန်တင်အင်ပါယာမှ ပျောက်ဆုံးနေတဲ့မြို့တစ်ခုကို တွေ့ရှိခဲ့ပါတယ်။

▪️ Madaba Mosaic မြေပုံကို အေဒီ ၅၂၇ - ၅၆၅ အင်ပါယာဂျက်စတီနီယံ အုပ်စိုးစဉ်ကာလက ဖန်တီးခဲ့တာဖြစ်ပြီး ဂျော်ဒန် အထွတ်အမြတ်ဒေသတွေထဲက နေရာပေါင်း ၁၅၇ နေရာ ပါဝင်ပါတယ်။

▪️ မူတာတက္ကသိုလ်‌ ရှေးဟောင်းသုတေသန တွဲဖက်ပရော်ဖက်ဆာ မူဆာလမ်ယ်ရာဝါနာက တွေ့ရှိဖော်ပြခဲ့တာ ဖြစ်ပါတယ်။

▪️ သယ်ရေ့စ်လို့ခေါ်တဲ့ မြို့ကို ၂၀၂၁ ခုနှစ်က စတင်ရှာဖွေခဲ့ရာ နောက် ၄ နှစ်အကြာမှာ တွေ့ရှိခဲ့ပြီလို့ ရှေးဟောင်းတူးဖော်ရေး သုတေသီများ ယူဆခဲ့ကြပါတယ်။

▪️ ထိုနေရာမှာ ရောင်စုံမှန်ကြမ်းပြင်များ၊ ဖန်ထည်ပစ္စည်းများ၊ ကိရိယာအမျိုးမျိုး တွေ့ရှိခဲ့သဖြင့် မြို့ဟောင်းတစ်ခု ရှိခဲ့ဖွယ်ရှိကြောင်း သုတေသီများပြောပါတယ်။

▪️ Madaba Mosaic မြေပုံမှ ပျောက်ဆုံးနေတဲ့မြို့ရဲ့ ဂိတ်တံခါးတွေ၊ အပျက်အစီးနေရာတွေ၊ မျှော်စင်တွေက တွေ့ရှိခဲ့တဲ့ သယ်ရေ့စ်နဲ့ ကိုက်ညီနေတာကြောင့် သုတေသီတွေက အသေအချာ ဆိုလာတာဖြစ်ပါတယ်။

▪️ ထိုနေရာမှာ ဂရိနဲ့ လက်တင်အရေးအသား စာထွင်းများ တွေ့ရှိတာကြောင့်လည်း ဒီနေရာမှာ ခရစ်ယာန်ဘာသာ ရှိခဲ့မယ်လို့ ယူဆရပါတယ်။

▪️ သယ်ရေ့စ်နဲ့ ဘုရားကျောင်းတည်ဆောက်ပုံကို တွေ့ရှိတာဟာ ယဉ်ကျေးမှုအရသာမက အထွတ်အမြတ်နေရာနဲ့ သွားလာလည်ပတ်ရေးနေရာလည်း ဖြစ်ခဲ့နိုင်တယ်လို့ သုံးသပ်ထားပါတယ်။

▪️ သယ်ရေ့စ်မြို့က ဘာသာတရားသာမကက စီးပွားရေးပေါကြွယ်ဝခဲ့ဟန်လည်း ရှိပါတယ်။

#Source: WION

#World_Health
Published 02 July 2025

▪️ ခြေသည်းတွေကိုကြည့်ပြီး ကိုယ့်ရဲ့ကျန်းမာရေးအကြောင်း သိရှိနိုင်ပါတယ်။

▪️ ဆေးပေးဆေးညွှန်းပညာရှင် ရှီနာဘက်ဂါက ခြေသည်းနဲ့ လက်သည်းကျန်းမာရေးအကြောင်း သိစရာများနဲ့ လက္ခဏာများအကြောင်း ဖော်ပြသွားပါတယ်။

(၁) ခြေသည်းအဝါရောင်ပေါ်ခြင်း
▪️ ဒါဟာ ရောဂါပိုးကူးစက်တဲ့လက္ခဏာဖြစ်ပြီး ခြေသည်းခွံအရင်းကနေ ကြွတက်လာနိုင်ကာ ခြေသည်းကို သန့်ရှင်းအောင်ထားပြီး ကာကွယ်နိုင်ပါတယ်။

(၂) ခြေသည်းအစင်းကြောင်းပေါ်ခြင်း
▪️ ခြေသည်းမှာ အမည်းရောင်အစင်းကြောင်းများပေါ်ပြီး များသောအားဖြင့် အရောင်ပြောင်းလဲတဲ့သဘောဖြစ်ကာ ခြေသည်းသန့်ရှင်းရေးကို ဂရုစိုက်သင့်ပါတယ်။

(၃) ခြေချောင်းဖောခြင်း
▪️ တစ်ရှူးတွေ၊ သွေးစီးဆင်းမှုမကောင်းတာတွေ၊ လေးဖက်နာရောဂါတို့ကြောင့် ဖြစ်တတ်ပြီး အဆစ်အမြစ်တွေမှာ ယူရစ်အက်ဆစ် စုပြုံလာတဲ့သဘော ဖြစ်ပါတယ်။

(၄) ခြေသည်းဖြူခြင်း
▪️ ခြေသည်းပေါ်မှာ အဖြူစင်းတွေ၊ အစက်အပျောက်တွေပေါ်တာက ပရိုတိန်း၊ ဇင့်၊ သံဓာတ်တို့ ချို့တဲ့တဲ့လက္ခဏာဖြစ်ကာ ခန္ဓာကိုယ်အခြားနေရာတွေမှာ ပြဿနာဖြစ်တာလည်း ဖြစ်ပါတယ်။

(၅) အပြာရောင်သမ်းခြင်း
▪️ ခြေသည်းတွေ အပြာရောင်ဖြစ်နေပြီး အေးနေတယ်ဆိုရင် သွေးလည်ပတ်မှုမကောင်းတဲ့ လက္ခဏာဖြစ်ကာ ခြေဖျားလက်ဖျားတွေဆီ သွေးအလုံအလောက် မရောက်တဲ့အခြေအနေ ဖြစ်ပါတယ်။

(၆) ခြေမယားယံခြင်း
▪️ အားကစားသမားခြေထောက်မျိုးက မှိုရောဂါကူးစက်မှုဖြစ်ပြီး ခြေချောင်းတွေကြား ယားယံကာ အကွက်တွေဖြစ်နေတတ်ကာ ခြေထောက်ဆေးပြီးရင် ခြောက်သွေ့အောင်ထားသင့်ပါတယ်။

(၇) အနာဖြစ်ခြင်း
▪️ အရေပြားမှာ အနာဖြစ်ပြီး ရောဂါပိုးမွှားများ ဝင်ရောက်နိုင်တာကြောင့် သေချာဂရုစိုက်သင့်ပါတယ်။

(၈) ဇွန်းပုံစံခြေသည်း
▪️ ဇွန်းလိုမျိုး ခုံးခွက်နေတဲ့ပုံသဏ္ဍာန် ပြောင်းသွားတာက သံဓာတ်ချို့တဲ့လက္ခဏာဖြစ်ပြီး သံဓာတ်ဖြည့်တင်းရမှာ ဖြစ်ပါတယ်။

#Source: DailyMail

#Local_News
Published 2 July   2025

▪️ မန္တလေးတက္ကသိုလ် ရာပြည့်အထိမ်းအမှတ် ဂုဏ်ပြုတေးဂီတဖျော်ဖြေပွဲကို ၂၀၂၅ ခုနှစ် ဇူလိုင် ၄ ရက်တွင် နေပြည်တော် တပ်ကုန်းမြို့ရှိ မြန်မာ့အသံနှင့် ရုပ်မြင်သံကြားမှ Friday Night Live Show အစီအစဉ်အဖြစ် တိုက်ရိုက် (Live) ရိုက်ကူးထုတ်လွှင့်မည်ဖြစ်ကြောင်း သိရသည်။

▪️ အဆိုပါ အစဉ်အလာကြီးမားသည့် မန္တလေးတက္ကသိုလ်ကြီးမှ ပညာရှင်များ၊ ထူးချွန်ပုဂ္ဂိုလ်များ၊ အနုပညာရှင်များ စသည့်ထူးချွန်ပုဂ္ဂိုလ်ပေါင်းများစွာ မွေးထုတ်ပေးနိုင်ခဲ့ခြင်းဖြစ်ရာ “မန္တလေးတက္ကသိုလ်ကြီး၏ ရာပြည့်အထိမ်းအမှတ်” ဂုဏ်ပြုတေးဂီတဖျော်ဖြေပွဲကို MRTV-HD Channel နှင့် MRTV Entertain-ment Channel တို့မှ တိုက်ရိုက် (Live) ထုတ်လွှင့်ပြသမည်ဖြစ်ပြီး MRTV App ၏ Entertainment Sector နှင့် MRTV Telegram တို့မှလည်း တစ်ပြိုင်တည်း Streaming လွှင့်တင်မည်ဖြစ်၍ တစ်ချိန်တည်းဝင်ရောက်ကြည့်ရှုနိုင်မည့်အပြင် ဇူလိုင် ၆ ရက် တနင်္ဂနွေနေ့နံနက် ၁၀ နာရီခွဲတွင် MRTV HD Channel မှ Replay ထပ်မံပြသမည်ဖြစ်ကြောင်း သိရသည်။  

▪️ မန္တလေးတက္ကသိုလ်ကြီးကို ၁၉၂၅ ခုနှစ် တွင် စတင်တည်ထောင်ခဲ့ခြင်းဖြစ်ရာ ၂၀၂၅ ခုနှစ် ဇူလိုင် ၄ ရက်တွင် နှစ် (၁၀၀) ပြည့်မြောက်မည်ဖြစ်သကဲ့သို့ မန္တလေးမြို့မ တူရိယာအသင်းကြီးကလည်း ရာပြည့်အချိန်နှင့် တိုက်ဆိုင်နေသဖြင့် ဂုဏ်ယူစွာတီးခတ်ဖျော်ဖြေပေးမည်ဖြစ်သည်။

▪️ ထို့အပြင်  နိုင်ငံကျော်တေးသံရှင်များ ဖြစ်ကြသည့် သန်းမြတ်စိုး၊ ဖိုးသောကြာ၊ အိအိ ချွန်၊ မစံပယ်တို့နှင့်အတူ မန္တလေးမြို့မ တူရိယာအသင်း၏ ပင်တိုင်တေးသံရှင်များဖြစ်ကြသည့် ညီနေမင်း (မြို့မ)၊ အောင်မျိုးမြင့်၊ ကျော်ဌေးအောင်၊ စွမ်းရည်ထက်၊ ကျော်ဇင်၊ မြတ်နုသွေးနှင့် ပန်းအိန္ဒြေထက် (ပန်းလေး) တို့ကလည်း မန္တလေးတက္ကသိုလ်၏ အနှစ်သာရများကို ပေါ်လွင်ထင်ရှားစေသည့် ခေတ်အဆက်ဆက် ကျော်ကြားခဲ့သည့် မြို့မတေးသံသာများဖြင့် သီဆိုဖျော်ဖြေကြမည်ဖြစ်ကြောင်း သိရသည်။

#YMG/NN #Yangon_Times

တရုတ်နိုင်ငံပိုင် CHN Energy Investment Group (CHN Energy)က ဓာတ်အားထုတ်လုပ်ရေးကဏ္ဍအတွက် ပထမဆုံး AI မော်ဒယ်'ကျင်ယွမ်'ကို ပေကျင်းမှာ စတင်လိုက်ပါတယ်။
#Asia_Development
Published 1 July 2025
#တရုတ်စွမ်းအင်ကုမ္ပဏီ #CHN_Energy_Investment_Group
#YMG #Yangon_Times #Yangon_Media_Group

#Daily_News

Published 1 July 2025

၁။ ‌‎ရွေးကောက်ပွဲလုပ်ချိန်အထိ မှတ်ပုံတင်မရှိသူများတင်ပြပါက ကွင်းဆင်းဆောင်ရွက်မည်

၂။ ‌ကိုဗစ်-၁၉ ရောဂါဓါတ်ခွဲ အတည်ပြုလူနာသစ်(၁၆)ဦးထပ်မံတွေ့ရှိ

၃။ ‎‎‎‎‎ဇူလိုင်လအတွင်း မြစ်ရေများစိုးရိမ်ရေမှတ်သို့ တစ်ကြိမ်စီကျရောက်နိုင်

၄။ ‎ဓာတ်အားထုတ်လုပ်ရေးကဏ္ဍအတွက်ပထမဆုံး AI စနစ်အား တရုတ်စွမ်းအင်ကုမ္ပဏီစတင်လုပ်ဆောင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 1 July 2025

▪️ ဂျပန်နိုင်ငံသို့ ပြည်ပအလုပ်အကိုင် အကျိုးဆောင်လိုင်စင်ရအေဂျင်စီများမှတစ်ဆင့် သွားရောက်အလုပ်လုပ်ကိုင်မည့် မြန်မာလုပ်သား ၅၁ဦးကိုပြည်ပအလုပ်အကိုင် လမ်းညွှန်သင်တန်းတက်ရောက်ခွင့်နှင့် ပြည်ပအလုပ်အကိုင် အလုပ်သမား သက်သေခံကတ် ( OWIC) ပြုလုပ်ခွင့်ပြုလိုက်‌ကြောင်းအလုပ်သမားဝန်ကြီးဌာနက ယနေ့ထုတ်ပြန်‌ေကြညာလိုက်သည်။

▪️ အဆိုပါ ၅၁ဦး၏ အမည်စာရင်းကို အလုပ်သမားဝန်ကြီးဌာန၏ Safe Migration Channel မှ ထုတ်ပြန်ပေးခဲ့ခြင်းဖြစ်ပြီး ထိုသူများသည် ၂-၇-၂၀၂၅ ရက်နေ့တွင် ပြည်ပအလုပ်အကိုင် လမ်းညွှန်သင်တန်းတက်ရောက်ပြီးOWIC  ကတ် ပြုလုပ်ရမည်ဖြစ်‌ကြောင်း သိရသည်။

▪️ သတ်မှတ်နေ့ရက်တွင် သင်တန်းတက်ရောက်ခြင်း၊ OWIC ကတ် ပြုလုပ်နိုင်ခြင်းမရှိပါက ပြန်လည်တင်ပြရမည်ဖြစ်ကြောင်း၊ ထို့ပြင် အေဂျင်စီများအနေဖြင့် OWIC  ရရှိပြီးသည့်အလုပ်သမားများအတွက်စေလွှတ်ခွင့်အား ထွက်ခွာလိုသည့်ရက် ရက်သတ္တ တစ်ပတ်အတွင်းဖော်ပြပြီး စေလွှတ်မည့်အလုပ်သမားစာရင်း၊ နိုင်ငံကူးလက်မှတ် မိတ္တူ၊ OWIC ကတ်မိတ္တူတို့နှင့်အတူ Excel Soft Copy ပြုစု၍ အလုပ်သမားညွှန်ကြားရေးဦးစီးဌာန၊ This email address is being protected from spambots. You need JavaScript enabled to view it. သို့အမြန် ပြန်လည်တင်ပြရမည် ဖြစ်‌ေကြာင်း သိရသည်။

#YMG/SW #Yangon_Times

မြန်မာ့စီးပွားရေးနှင့် လူမှုရေးဖွံ့ဖြိုးတိုးတက်မှုကို အထောက်အကူဖြစ်‌စေဖို့အတွက် ICBC ဘဏ်အနေနဲ့ဘဏ္ဍာရေးကဏ္ဍရဲ့တံတားတစ်စင်းအဖြစ် ပါဝင်ဆောင်ရွက်သွားမှာဖြစ်တယ်လို့ သိရပါတယ်။
#Local_News
Published 1 July 2025
#ICBCဘဏ် #ဘဏ္ဍာရေးတံတားတစ်စင်း
#YMG/SW #Yangon_Times

လာမယ့်ဇူလိုင်လအတွင်း လေဖိအားနည်းရပ်ဝန်းနှစ်ကြိမ်ဖြစ်ပေါ်နိုင်ပြီး တစ်ကြိမ်မှာ မုန်တိုင်းငယ်အဖြစ် ရောက်ရှိနိုင်သလို ဧရာဝတီမြစ်‌အပါအဝင် ဒေသအသီးသီးရှိမြစ်အချို့ရဲ့  မြစ်ရေများစိုးရိမ်ရေမှတ်သို့ တစ်ကြိမ်စီကျရောက်နိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနက ထုတ်ပြန်တဲ့ ဇူလိုင်လပတ်အတွက် မိုးလေဝသခန့်မှန်းချက်မှာ ဖော်ပြထားပါတယ်။
#Local_News
Published 1 July 2025
#မြစ်ရေများစိုးရိမ်ရေမှတ် #တစ်ကြိမ်စီကျရောက်နိုင်
#YMG/NN #Yangon_Times

ယခုတစ်ပတ်ဓာတ်ခွဲစမ်းသပ်ချက်တွေအရ ကိုဗစ်-၁၉ ရောဂါဓါတ်ခွဲ အတည်ပြုလူနာသစ်(၁၆)ဦးထပ်မံတွေ့ရှိခဲ့တယ်လို့ ကျန်းမာရေးဝန်ကြီးဌာနက ယမန်နေ့ညပိုင်းမှာ အတည်ပြုထုတ်ပြန်ခဲ့ပါတယ်။
#Local_News
Published 1 July 2025
#ကိုဗစ်-၁၉ရောဂါ #အတည်ပြုလူနာသစ်(၁၆)ဦးတွေ့ရှိ
#YMG/SW #Yangon_Times

လာမယ့်ရွေးကောက်ပွဲလုပ်ချိန်အထိ မှတ်ပုံတင်မရှိသူတွေတင်ပြလာပါကပန်းခင်းစီမံချက်နဲ့ ကွင်းဆင်းဆောင်ရွက်ပေးသွားမယ်လို့ လူဝင်မှုကြီး
ကြပ်ရေးနှင့်ပြည်သူ့အင်အားဝန်ကြီးဌာနကသိရပါတယ်။
#Local_News
Published 1 July 2025
#မှတ်ပုံတင်မရှိသူများ #ပန်းခင်းစီမံချက်
#YMG/NN #Yangon_Times

#World_News
Published 01 July 2025

▪️ အမေရိကန်ပြည်ထောင်စုမှ ဒီမိုကရက်ထောက်ခံသူ ၃၆ ရာခိုင်နှုန်းကပဲ အမေရိကန်သားဖြစ်ခွင့်ရတာကို အလွန်ဂုဏ်ယူမိကြတယ်လို့ Gallup စစ်တမ်းတစ်ခုအရ တွေ့ရှိရပြီး ဒါဟာ လူငယ်တွေကြား အမေရိကန်အဖြစ် ဂုဏ်ယူရခြင်းမျိုး သိသိသာသာ ကျဆင်းလာတာကို မြင်တွေ့နေရပါတယ်။

▪️ အမေရိကန်တွေဟာ ပြီးခဲ့တဲ့ ဆယ်စုနှစ်အတွင်း ယင်းတို့ပြည်ထောင်စုမှာ လူဖြစ်ရတာကို ဂုဏ်ယူတဲ့ခံစားချက်မျိုး လျော့ကျလာတာ ဖြစ်ပါတယ်။

▪️ ဒီမိုကရက်တွေနဲ့ ရီပတ်ဘလစ်ကန်တွေကြား စိတ်ဝမ်းကွဲခြင်းက ၅၆ ရာခိုင်နှုန်းမှာရှိနေပြီး ၂၀၀၁ ခုနှစ်နောက်ပိုင်း ကွာခြားမှုအကြီးမားဆုံး ဖြစ်နေပါတယ်။

▪️ ပြီးခဲ့တဲ့ ၅ နှစ်အတွင်း ကောက်ယူခဲ့တဲ့စစ်တမ်းတွေမှာ ၁၉၉၇ မှ ၂၀၁၂ ခုနှစ်အတွင်းမွေးဖွားတဲ့ Generation Z အရွယ်တွေမှာ ၁၀ ယောက်လျှင် ၄ ယောက်ကပဲ အမေရိကန်ဖြစ်ခွင့်ရတာကို ဂုဏ်ယူနေကြပါတယ်။

▪️ ၁၉၈၀ မှ ၁၉၉၆ အတွင်းမွေးဖွားသူ သက်လတ်ပိုင်းတွေမှာတော့ ၁၀ ယောက်မှာ ၆ ယောက်နှုန်းနဲ့ သက်ကြီးပိုင်းတွေမှာ ၁၀ ယောက်လျှင် ၇ ယောက်နှုန်း ရှိနေပါတယ်။

▪️ မျိုးဆက်အသစ်တစ်ခု ပေါ်ထွက်လာတိုင်း မျိုးချစ်စိတ်လျော့ပါးလာကြပြီး လက်ရှိ သက်ကြီးမျိုးဆက်တွေတောင် ယခင်ယင်းတို့ရှေ့မျိုးဆက်တွေထက် မျိုးချစ်စိတ် လျော့ပါးလာကြတယ်လို့ Gallup မှ အကြီးတန်းအယ်ဒီတာ ဂျက်ဖရီဂျုံးစ်က ပြောပါတယ်။

▪️ အမေရိကန်တို့ ဂုဏ်ယူဝင့်ကြားစိတ်တွေက ၂၀၀၁ ဇန်နဝါရီနောက်ပိုင်းကစလို့ ပုံမှန်ကျဆင်းလာတာ တွေ့ရပါတယ်။

▪️ အီရတ်စစ်ပွဲအစောပိုင်းနှစ်များအတွင်း ရီပတ်ဘလစ်ကန်ရော ဒီမိုကရက်တွေပါ အများစုက အမေရိကန်ဖြစ်ရတာကို အလွန်ဂုဏ်ယူခဲ့ကြသလို ၂၀၀၁ စက်တင်ဘာ ၁၁ ဖြစ်ရပ်ဆိုးနောက်ပိုင်းမှာပင် မျိုးချစ်စိတ် မြင့်မားနေဆဲဖြစ်ခဲ့ပါတယ်။

▪️ ယခုနှစ် CNN/SSRS စစ်တမ်းအရဆိုရင် အမေရိကန်အများစုဟာ နိုင်ငံရေးအခြင်းအရာများကြောင့် စိတ်ပျက်လက်ပျက် ဖြစ်ရတယ်လို့ ကောက်ယူရရှိခဲ့ပါတယ်။

#Source: AP News

#Local_News
Published 1 July   2025

▪️ ပို့ကုန်တင်ပို့ခဲ့ပြီး ပို့ကုန်ရငွေပြန်လည်ဝင်ရောက်ရန်ကျန်ရှိသည့် ကုမ္ပဏီ (၁၉၇) ခုနှင့် ကုမ္ပဏီ၏ ဒါရိုက်တာအဖွဲ့ဝင်များကို အမည်မည်းစာရင်းထည့်သွင်းကြောင်း မြန်မာနိုင်ငံတော်ဗဟိုဘဏ်က ဇွန်လ ၂၇ ရက် ရက်စွဲဖြင့် အသိပေးထုတ်ပြန်ထားသည်။

▪️ ပြီးခဲ့သည့် ဇွန်လ ၂၃ ရက်နေ့ စိစစ်ချက်အရ ၂ဝ၁၆ ခုနှစ်မှ ၂ဝ၂ဝ ပြည့်နှစ် အတွင်း ပို့ကုန်တင်ပို့ခဲ့ပြီး ပို့ကုန်ရငွေပြန်လည်ဝင်ရောက်ရန်ကျန်ရှိသည့် ပူးတွဲပါကုမ္ပဏီ (၁၉၇) ခုသည် နိုင်ငံခြားသုံးငွေ စီမံခန့်ခွဲမှုဥပဒေ၊ စည်းမျဉ်း၊ အမိန့်ကြော်ငြာစာတို့ပါ သတ်မှတ်ချက်များအား လိုက်နာ ခြင်းမရှိသဖြင့် ကုမ္ပဏီနှင့်ကုမ္ပဏီ၏ ဒါရိုက်တာအဖွဲ့ဝင်များအား အမည်မည်းစာရင်း ထည့်သွင်းကြောင်း ကြေညာခဲ့ခြင်းဖြစ်ကြောင်း သိရသည်။ 

▪️ အဆိုပါ ၂ဝ၁၆ ခုနှစ်မှ ၂ဝ၂ဝ ပြည့်နှစ်အတွင်း ပို့ကုန်တင်ပို့ခဲ့သည့် ပို့ကုန် လုပ်ငန်းရှင်များသည် ပို့ကုန်ရငွေများကို သတ်မှတ်ကာလအတွင်း ယင်း၏ ဘဏ်ငွေစာရင်းသို့ နိုင်ငံခြားသုံးငွေဖြင့် မပျက်မကွက် ပြန်လည်ထည့်သွင်းစေရေးအတွက် ကုန်သွယ်မှုနှင့် ကုန်စည်စီးဆင်းမှုများ မှန်ကန်မြန်ဆန်စေရေး ဗဟိုကော်မတီ၊ စီမံကိန်းနှင့်ဘဏ္ဍာရေးဝန်ကြီးဌာန၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာနိုင်ငံတော် ဗဟိုဘဏ်နှင့် AD လိုင်စင်ရဘဏ်များပူးပေါင်း၍ ဆက်သွယ်ခေါ်ယူ စာရင်းရှင်းလင်းခဲ့ပြီးနောက် စာရင်းရှင်းလင်းခြင်းမရှိသည့် ကုမ္ပဏီများအား ပို့ကုန်သွင်းကုန်လုပ်ငန်းရှင် မှတ်ပုံတင်လက်မှတ် ပိတ်သိမ်းခြင်းကို ဆောင်ရွက်ခဲ့ပြီးဖြစ်ကြောင်း  သိရသည်။

▪️ ထို့အပြင် နိုင်ငံတော်အတွင်းသို့ နိုင်ငံခြားသုံးငွေများ ဝင်ရောက်လာသည့် အဓိကလမ်းကြောင်းဖြစ်သော ပို့ကုန်တင်ပို့မှုမှ ရငွေများအပြည့်အဝရရှိရန်မှာ အဓိကကျသည့် အချက်ဖြစ်သဖြင့် နိုင်ငံခြားသုံးငွေ စီမံခန့်ခွဲမှု ဥပဒေပုဒ်မ ၃၈-ခ နှင့် နိုင်ငံခြားသုံးငွေစီမံခန့်ခွဲမှုစည်းမျဉ်း အပိုဒ်-၃၅၊ အမိန့်ကြော်ငြာစာအမှတ် ၂၇/၂ဝ၂၃ တို့တွင် အာရှနိုင်ငံများသို့ တင်ပို့ခြင်းဖြစ်ပါက ပို့ကုန်တင်ပို့သည့်နေ့မှ (၃ဝ) ရက်အတွင်း၊ အာရှနိုင်ငံများမှအပ အခြားနိုင်ငံများသို့ တင်ပို့ခြင်းဖြစ်ပါက ပို့ကုန်တင်ပို့သည့်နေ့မှ (၆ဝ) ရက်အတွင်း ပို့ကုန်တင်ပို့သူ၏ မြန်မာနိုင်ငံအတွင်းရှိ ဘဏ်ငွေစာရင်းသို့ နိုင်ငံခြားငွေဖြင့် မပျက်မကွက် ထည့်သွင်းရန်ဖြစ်ကြောင်း ပြဋ္ဌာန်းသတ်မှတ်ထားကြောင်း ဗဟိုဘဏ်၏ ထုတ်ပြန်ချက်တွင် ဖော်ပြထားသည်။ 

▪️ ထို့အတူ နိုင်ငံခြားသုံးငွေစီမံခန့်ခွဲမှုဥပဒေ (FEML) အခန်း(၁၁)၊ ပုဒ်မ ၃၈-ခ တွင် “မည်သူမျှ ပို့ကုန်ရငွေအားလုံးကို သတ်မှတ်ကာလအတွင်း နိုင်ငံတော်အတွင်းရှိ ယင်း၏ဘဏ်ငွေစာရင်းသို့ နိုင်ငံခြားသုံးငွေဖြင့် ထည့်သွင်းရန် ပျက်ကွက်ခြင်းမရှိစေရ” ဟုလည်းကောင်း၊ အဆိုပါတားမြစ်ချက်ကို ဖောက်ဖျက်ကျူးလွန်ပါက FEML ပုဒ်မ ၄၂-က အရ “ထိုသူကို တစ်နှစ်ထက်မပိုသည့် ထောင်ဒဏ်ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေချမှတ်ရမည်”ဟုလည်းကောင်း ပြဋ္ဌာန်းထားပါသဖြင့် ပို့ကုန်တင်ပို့သူများအနေဖြင့် သတ်မှတ်ကာလအတွင်း ပို့ကုန်ရငွေများ ပြန်လည်ဝင်ရောက်ရန် ဆောင်ရွက်ရမည်ဖြစ်ကြောင်းလည်း ဖော်ပြပါရှိသည်။ 

#YMG/NN #Yangon_Times