#World_Health
Published 16 August 2026

■ ထောပတ်သီးကို ပုံစံအမျိုးမျိုးဖြင့် စားသုံးနိုင်သလို ကျန်းမာရေးညီညွတ်စေတဲ့ အစားအစာတွေထဲမှာလည်း တစ်ခုအပါအဝင် ဖြစ်ပါတယ်။

■ Nutrition, Health and Aging ဂျာနယ်မှာ ဖော်ပြထားတဲ့ ၆ လကြာ စမ်းသပ်ချက်တစ်ခုမှာ ထောပတ်သီး နေ့စဉ်စားသုံးခြင်းက ဦးနှောက်လုပ်ဆောင်ချက် တိုးတက်စေသလားဆိုတာကို ဆန်းစစ်ခဲ့ကြပါတယ်။

■ အဝလွန်သူ ၂၄၁ ဦးကို နှစ်ဖွဲ့ခွဲကာ ထောပတ်သီးစားတဲ့အဖွဲ့နဲ့ ထောပတ်သီး မစားတဲ့အဖွဲ့ဆိုပြီး ခွဲခြမ်းလိုက်ပါတယ်။

■ ဒီနောက် မှတ်ဉာဏ်၊ လုပ်ဆောင်မှုအမြန်နှုန်း၊ တုံ့ပြန်မှုနှုန်း၊ လုပ်ဆောင်နိုင်စွမ်းတို့ အပါအဝင် ဦးနှောက်အသိဉာဏ်နဲ့ အဓိကပတ်သက်တဲ့ နေရာများကို သုတေသီများ အကဲဖြတ်ခဲ့ကြပါတယ်။

■ နှစ်ဝက်လောက်ကြာအောင် ထောပတ်သီးတစ်လုံး နေ့စဉ်စားသုံးခြင်းက မစားသူတွေထက် ဦးနှောက်အသိဉာဏ် သိသိသာသာ တိုးတက်ခြင်းမရှိခဲ့ပါဘူး။

■ ထောပတ်သီးမှာ ဦးနှောက်အတွက် အကျိုးပြုစေတဲ့ ပိုလီဖီနော၊ အမျှင်ဓာတ်၊ ကောင်းကျိုးပြုအဆီများလိုမျိုး အာဟာရဓာတ်တွေ ပါဝင်တာကြောင့် ယခုလိုတွေ့ရှိချက်ကြောင့် သုတေသီတွေ အံ့အားသင့်ရပါတယ်။

■ အခြားသော နေထိုင်စားသောက်မှုပုံစံများ မပါဝင်ဘဲနဲ့ နေ့စဉ်ထောပတ်သီးပဲ စားသုံးနေမယ်ဆိုရင်တော့ ဦးနှောက်စွမ်းဆောင်ရည်ကို သိသိသာသာ တိုးမြှင့်ပေးနိုင်ဖို့ မလုံလောက်ပါဘူး။

■ ဒါပေမဲ့ ထောပတ်သီးဟာ အစားအစာအရည်အသွေး၊ နှလုံးသွေးကြောကျန်းမာရေးတို့အတွက် အကျိုးပြုနေဆဲ ဖြစ်ပါတယ်။

■ ဦးနှောက်ကျန်းမာရေး အကောင်းဆုံးဖြစ်ဖို့အတွက်ဆိုရင် အစားအစာတစ်ခုတည်း မှီခိုမယ့်အစား လေ့ကျင့်ခန်း၊ ကောင်းမွန်တဲ့ အိပ်စက်မှု၊ အာဟာရဓာတ်အမျိုးမျိုးတို့ ပေါင်းစပ်ပါဝင်တဲ့ နည်းလမ်းမျိုး လိုအပ်ပါတယ်။

Source: The Jerusalem Post

ပြင်သစ်၊ စပိန်၊ ဂရိတိုလို ဥရောပနိုင်ငံတွေမှာ တောမီးလောင်ကျွမ်းမှုများကို မီးသတ်ဖို့ကြိုးပမ်းအားထုတ်နေကြရာ အများအားဖြင့် ထိန်းချုပ်နိုင်ပြီဖြစ်ပြီး ခန့်မှန်းခြေ ဆုံးရှုးမှုပမာဏမှာ ယူရို ၃.၁ ဘီလီယံအထိ ရှိနေပါတယ်။

#World_Disaster
Published 15 August 2026
# ဥရောပတောမီးလောင်ကျွမ်း
#YMG #Yangon_Times #Yangon_Media_Group

ရန်ကုန်မြို့တွင်းပြေးဆွဲနေတဲ့ YBS ယာဉ်လိုင်းတွေရဲ့ ယာဉ်စီးခနှုန်းထားတွေကို လာမယ့် စက်တင်ဘာ(၁)ရက်ကစပြီး တိုးမြှင့်ကောက်ခံသွားမယ်လို့ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC) က သြဂုတ်(၁၄)ရက်မှာ အသိပေးထားပါတယ်။

#Local_News
Published 15 August 2026
#YBS #YRTC
#YMG/SW #Yangon_Times

၂၀၂၆-၂၀၂၇ ဘဏ္ဍာနှစ် ဇူလိုင်လတစ်လတာအတွင်း ဆန်နဲ့ဆန်ကွဲတန်ချိန် တစ်သိန်း‌ခုနှစ်သောင်းကျော်တင်ပို့ထားပြီး ပြီးခဲ့တဲ့ ဇွန်လနဲ့ နှိုင်းယှဉ်ပါက တန်ချိန်ငါးသောင်းကျော်အထိ လျော့နည်းတင်ပို့ထားတယ်လို့ မြန်မာနိုင်ငံဆန်စပါးအသင်းချုပ်ကသိရပါတယ်။

#Local_News
Published 15 August 2026
#ဆန် #ဆန်ကွဲ
#YMG/NN #Yangon_Times

#Daily_News
Published 15 August 2026

၁။‌ ရင်းနှီးမြှုပ်နှံမှုလုပ်ငန်းအသစ်(၁၄)ခုခွင့်ပြု၊ အလုပ်အကိုင် ၃,၃၃၆ နေရာ ဖန်တီးပေးနိုင်မည်

၂။ ‌‌တစ်လအတွင်းဆန်နှင့်ဆန်ကွဲတန်ချိန် တစ်သိန်း‌ခုနှစ်သောင်းကျော်တင်ပို့ထား

၃။‌‌‎ YBS ယာဉ်စီးခနှုန်းထား စက်တင်ဘာ(၁)ရက်မှစ၍တိုးမြှင့်ကောက်ခံမည်

၄။‎ ယူရိုငွေဘီလီယံနှင့်ချီဆုံးရှုံးထားစေသည့်ဥရောပတောမီးလောင်ကျွမ်းမှုအား မီးငြှိမ်းသတ်ထိန်းချုပ်ထားပြီ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မြန်မာနိုင်ငံရင်းနှီးမြှုပ်နှံမှုကော်မရှင်ရဲ့ (၅/၂၀၂၆) ကြိမ်မြောက်အစည်းအဝေးကို ယမန်နေ့ မနက်ပိုင်းက နေပြည်တော်ရှိ ရုံးအမှတ်(၅) အစည်းအဝေးခန်းမမှာကျင်းပခဲ့ပြီး ရင်းနှီးမြှုပ်နှံမှုလုပ်ငန်းအသစ်(၁၄)ခုကို ခွင့်ပြုပေးခဲ့တယ်လို့ သိရပါတယ်။

#Local_News
Published 15 August 2026
#မြန်မာနိုင်ငံရင်းနှီးမြှုပ်နှံမှုကော်မရှင်
#YMG/SW #Yangon_Times

#Local_News
Published 15 August 2026

■ မြန်မာသံရုံး (တိုကျိုမြို့)အနေဖြင့် ဂျပန်နိုင်ငံရောက် မြန်မာနိုင်ငံသားများ၏ ကောင်စစ်ဆိုင်ရာကိစ္စရပ်များကို လူကိုယ်တိုင်သော်လည်းကောင်း၊ စာတိုက်မှတစ်ဆင့်သော်လည်းကောင်း လက်ခံဆောင်ရွက်ပေးလျက်ရှိရာ ဂျပန်နိုင်ငံတွင် ရောက်ရှိနေထိုင်ပြီး အလုပ်လုပ်ကိုင်လျက်ရှိသည့် မြန်မာနိုင်ငံသားများအနေဖြင့် နိုင်ငံကူးလက်မှတ် (Passport) သက်တမ်းတိုးရန် ၅ နှစ်နှင့်အထက် ပျက်ကွက်နေပါက မြန်မာနိုင်ငံသို့ ပြန်လည်ထွက်ခွာ၍ သက်တမ်းတိုး ဆောင်ရွက်ရမည်ဖြစ်ကြောင်း တိုကျိုမြို့ရှိ မြန်မာသံရုံးကအသိပေးထုတ်ပြန်ထားသည်။

■ အဆိုပါမြန်မာနိုင်ငံသို့ ပြန်လည်ထွက်ခွာနိုင်ရေးအတွက် မြန်မာသံရုံးအနေဖြင့် မည်သူမည်ဝါဖြစ်ကြောင်း သက်သေခံလက်မှတ်(CI) ထုတ်ပေးသွားမည်ဖြစ်ကြောင်း သိရသည် ။

■ ထို့အပြင် ဂျပန်နိုင်ငံရောက် မြန်မာ နိုင်ငံသားများအနေ ဖြင့် မိမိတို့၏နိုင်ငံကူးလက်မှတ်များကို သက်တမ်းမကုန်ဆုံးမီ ၆ လအလိုကတည်းက ကြိုတင်၍သက်တမ်းတိုးဆောင်ရွက်ကြရန် မြန်မာသံရုံးကတိုက်တွန်းထားကြောင်း သိရသည် ။

#YMG/NN #Yangon_Times

#Local_News
Published 15 August 2026
 
■ ရန်ကုန်မြို့ရှိ လသာမြို့နယ်အပါအဝင် မြို့နယ် ရှစ်ခု၌သန့်ရှင်းသောသောက်သုံးရေ ရရှိရေး Chlorine Booster dosing လုပ်ငန်း ၂၁ နေရာဆောင်ရွက်ပေးနေကြောင်း ရန်ကုန်မြို့တော် စည်ပင်သာယာရေး ကော်မတီအင်ဂျင်နီယာဌာန (ရေနှင့်သန့်ရှင်းမှု)မှ
သိရသည်။
     
■ ရန်ကုန်မြို့နေ ပြည်သူတွေကို သန့်ရှင်းပြီးကျန်းမာရေးနှင့်ညီညွတ်သည့် သောက်သုံးရေပေးဝေနိုင်ဖို့အတွက် ရေသန့်စင်စက်ရုံကြီးများ၏ ရေသန့်စင်စနစ်များ၌ ကလိုရင်းဆေးခတ်ပိုးသတ် ခြင်းလုပ်ငန်းကို ကမ္ဘာ့ကျန်းမာရေးအဖွဲ့၏ သတ်မှတ်စံချိန်စံညွှန်းများအတိုင်း ပုံမှန်ဆောင်ရွက်နေသည့် အပြင် မိုးရာသီတွင် ဖြစ်ပွားလေ့ရှိသည့် ဝမ်းရောဂါကို ကြိုတင်ကာကွယ်နိုင်ရန်လည်း အရေးပေါ်အခြေအနေ၌ ရေဖြန့်ဖြူးပေးဝေသည့် မြို့နယ်များ၏ ရေပေးဝေရေး ကွန်ရက်အတွင်း ရေထဲမှာပိုးသတ်နိုင်စွမ်းရှိသည့် ကလိုရင်းကျန်ရှိမှု (Residual Chlorine) သတ်မှတ်ပမာဏရှိစေရန် Chlorine Booster dosing (Superchlorination) ဆေးခတ်ခြင်းလုပ်ငန်းကို ဆောင်ရွက်ပေးနေခြင်းဖြစ်ကြောင်း သိရသည်။

■ ရန်ကုန်မြို့တွင်ဖြစ်ပွားနေသည့် ဝမ်းပျက်ဝမ်းလျှောရောဂါ ကာကွယ်နိုင်ရန် ရန်ကုန်မြို့တော် စည်ပင်သာယာရေးကော်မတီ၊ ဥက္ကဋ္ဌ (မြို့တော်ဝန်)၊ အတွင်းရေးမှူး၊ တွဲဖက်အတွင်းရေးမှူး၊ ကော်မတီဝင်တွေ၊ ဌာနမှူးတွေ၊ တိုင်းကျန်းမာရေးဦးစီးဌာနက တာဝန်ရှိသူတွေ၊ ခရိုင်၊ မြို့နယ်အုပ်ချုပ် ရေးအဖွဲ့တွေပါဝင်တဲ့ ပူးပေါင်းအဖွဲ့နှင့် ရန်ကုန်မြို့တော် စည်ပင်သာယာရေး ကော်မတီက ရေဖြန့်ဖြူးပေးဝေနေသည့် မြို့နယ်များကို ကွင်းဆင်းပြီးရေဖြန့်ဖြူးပေးဝေရေး ပိုက်လိုင်းကွန်ရက်အတွင်း Chlorine Booster dosing ခတ်မှုအခြေအနေကိုလည်း နေ့စဉ်လိုက်လံ ကြည့်ရှုစစ်ဆေးနေကြောင်းသိရသည်။
 
■ လက်ရှိ ရေဖြန့်ဖြူးပေးဝေရေး ပိုက်လိုင်းကွန်ရက်အတွင်း Chlorine Booster dosing (Superchlorina-tion) လုပ်ငန်းကို လသာမြို့နယ်တွင် ရှစ်နေရာ၊ လမ်းမတော်မြို့နယ်တွင် ငါးနေရာ၊ အလုံမြို့နယ်တွင် တစ်နေရာ၊ ပုဇွန်တောင်မြို့နယ်တွင် တစ်နေရာ၊ မင်္ဂလာတောင်ညွန့် မြို့နယ်တွင် တစ်နေရာ၊ ကျောက်တံတား မြို့နယ်တွင် နှစ်နေရာ၊ ပန်းဘဲတန်းမြို့နယ်တွင် နှစ်နေရာနှင့် ဒဂုံမြို့နယ်တွင် တစ်နေရာ စုစုပေါင်း ၂၁ နေရာမှာ ဆောင်ရွက်နေကြောင်းသိရသည်။

■ ထို့အပြင်   Chlorine Booster dosing (Superchlorination) ဆောင်ရွက်မှုကြောင့် ရေဖြန့်ဖြူးပေးဝေရေးကွန်ရက် အတွင်း Residual Chlorine ပါဝင်မှုကို လေ့လာဆန်းစစ်နိုင်ရန် ရေနမူနာရယူပြီး ရေအရည်အသွေးတိုင်းတာကာ စောင့်ကြည့်လေ့လာမှုများဆောင်ရွက်နေရာ မူလကလည်း Residual Chlorine အထိုက်အလျောက်ရှိသည့်အတွက် ထွက်ပေါ်လာသည့် အဖြေအရ သင့်လျော်မှုရှိကြောင်း သိရသည်။

#YMG/NN #Yangon_Times

#World_News
Published 15 August 2026

■ အင်ဒိုနီးရှားနိုင်ငံ အရှေ့ပိုင်း ဖလိုရက်စ်ကျွန်းအလွန်မှာ ဩဂုတ် ၁၅ ရက်နေ့ နံနက်အစောပိုင်းက ပြင်းအား ၇.၇ အဆင့်ရှိ အင်အားပြင်းငလျင်တစ်ခု လှုပ်ခတ်သွားခဲ့ပြီး ဆူနာမီသတိပေးချက် ထုတ်ပြန်ခဲ့ကာ လူပေါင်းရာပေါင်းများစွာ ဘေးလွတ်ရာသို့ ရွှေ့ပြောင်းခဲ့ကြရကြောင်း အမေရိကန် ဘူမိဗေဒလေ့လာရေးအဖွဲ့(USGS)နဲ့ အင်ဒိုနီးရှားအာဏာပိုင်များ ပြောကြားခဲ့ပါတယ်။

■ ငလျင်ဗဟိုချက်က ဖလိုရက်စ်ကျွန်း မြောက်ဘက်ကမ်းလွန်၊ အင်ဒယ်မြို့ရဲ့ အနောက်မြောက်ဘက် ၆၈ ကီလိုမီတာခန့်အကွာမှာ တည်ရှိကြောင်း USGS က ဆိုပါတယ်။

■ ပထမအကြိမ် လှုပ်ခတ်ပြီးနောက် ပြင်းအား ၆.၁ အဆင့်ရှိ ငလျင်တစ်ခု အပါအဝင် နောက်ဆက်တွဲငလျင်များစွာ ထပ်မံလှုပ်ခတ်ခဲ့ပါတယ်။

■ အင်ဒိုနီးရှား မိုးလေဝသ၊ ဇလဗေဒနဲ့ ဘူမိရူပဗေဒအေဂျင်စီက အရှေ့နူဆာတန်ဂါရာ၊ တောင်ဆူလာဝေစီနဲ့ အနောက်နူဆာတန်ဂါရာ ပြည်နယ်များအတွက် ဆူနာမီသတိပေးချက် ထုတ်ပြန်ခဲ့ပါတယ်။

■ ဆူနာမီလှိုင်းလုံးများက ၀.၅ မီတာမှ ၃ မီတာအထိ မြင့်တက်နိုင်တယ်လို့ အာဏာပိုင်များ သတိပေးခဲ့ပါတယ်။

■ ပင်လယ်ရေ ရုတ်တရက်ကျဆင်းသွားသဖြင့် ကမ်းရိုးတန်းနေပြည်သူများ အမြင့်နေရာသို့ အလျင်အမြန် ရွှေ့ပြောင်းခဲ့ကြပါတယ်။

■ ကနဦးထုတ်ပြန်ချက်များအရ ၁၉ မှ ၃၀ စင်တီမီတာရှိတဲ့ အသေးစားဆူနာမီလှိုင်းများ စမ်းသပ်တွေ့ရှိခဲ့ကြောင်း အတည်ပြုခဲ့ပါတယ်။

■ အဆောက်အအုံအချို့ နံရံများ အက်ကြောင်းထင်ပြီး ပျက်စီးမှုများ ရှိခဲ့ပေမယ့် ထိခိုက်ဒဏ်ရာရသူနဲ့ သေဆုံးသူစာရင်းကိုတော့ ထုတ်ပြန်ခြင်း မရှိသေးပါဘူး။

Source: CNA

#World_Health
Published 15 August 2026

■ အမေရိကန် အစားအသောက်နဲ့ ဆေးဝါးကွပ်ကဲရေးအဖွဲ့(FDA)က မကောင်းတဲ့ ကိုလက်စထရော(LDL-C) လျှော့ချရန်အတွက် လစ်ဖန်ဒရာသောက်ဆေးပြားကို တစ်နေ့တစ်ကြိမ် သောက်သုံးရန် အတည်ပြုလိုက်ပြီ ဖြစ်ပါတယ်။

■ ယခင်က ထိုးဆေးများဖြင့်သာ ကုသနိုင်ခဲ့တဲ့ PCSK9 ပရိုတိန်းဓာတ်ကို တားဆီးရန် ထုတ်လုပ်ထားတဲ့ ပထမဆုံးသောက်ဆေး ဖြစ်ပါတယ်။

■ ဒီဆေးက ကိုလက်စထရော မြင့်မားနေသူများနဲ့ မျိုးရိုးလိုက် ကိုလက်စထရော လွန်ကဲတဲ့ရောဂါ(HeFH)ရှိတဲ့ လူကြီးများအတွက် အစားအသောက်နဲ့ လေ့ကျင့်ခန်းတို့အပြင် ပူးတွဲသုံးစွဲရန် ဖြစ်ပါတယ်။

■ PCSK9 ပရိုတိန်းဓာတ်ကို တားဆီးပေးခြင်းဖြင့် အသည်းမှ သွေးအတွင်းရှိ မကောင်းတဲ့ ကိုလက်စထရောများကို ပိုမိုဖယ်ရှားပေးနိုင်ပါတယ်။

■ စမ်းသပ်ချက်များအရ သွေးကြောကျဉ်းရောဂါ ဖြစ်နိုင်ခြေ မြင့်မားသူတွေမှာ LDL-C ကို ပျမ်းမျှ ၅၆ ရာခိုင်နှုန်းနဲ့ မျိုးရိုးလိုက် ကိုလက်စထရော လွန်ကဲသူတွေမှာ ၅၉ ရာခိုင်နှုန်းအထိ လျှော့ချပေးနိုင်ကြောင်း တွေ့ရှိရပါတယ်။

■ စတက်တင်ဆေးများဖြင့်သာ လိုချင်တဲ့ ကိုလက်စထရော အနေအထား မရောက်နိုင်သူများ၊ ထိုးဆေးမလိုချင်သူများအတွက် သောက်ဆေးနည်းလမ်းသစ်တစ်ခု ဖြစ်လာစေပါတယ်။

■ လစ်ဖန်ဒရာဆေးဟာ သာမန်အားဖြင့် ခန္ဓာကိုယ်မှ လက်ခံနိုင်စွမ်းရှိပြီး ဝမ်းလျှောခြင်း၊ ခေါင်းမူးခြင်းစတဲ့ ဘေးထွက်ဆိုးကျိုးတွေသာ ဖြစ်ကြပါတယ်။

■ ဒီဆေးဟာ နေထိုင်စားသောက်မှုပုံစံတွေ နေရာမှာ အစားထိုးဖို့ မဟုတ်ဘဲ ဖြည့်စွက်ကုသမှုအဖြစ်သာ အသုံးပြုသင့်တယ်လို့ အလေးပေးပြောထားပါတယ်။

Source: Indian Express

#World_Science
Published 15 August 2026

■ အယ်ဆာဗေးဒိုးနိုင်ငံမှာ ဘီစီ ၈၅၀ ခန့်က လူရုပ်ကြွင်းများကို ဇူလိုင် ၂၁ ရက်နေ့မှာ တူးဖော်တွေ့ရှိခဲ့ကြောင်း ယဉ်ကျေးမှုဝန်ကြီးဌာနက ပြောပါတယ်။

■ သက်တမ်းနှစ်ပေါင်း ၃ ထောင်နီးပါးရှိပြီလို့ ယူဆရတဲ့ ရုပ်ကြွင်းများကို ဆန်ဆာဗေးဒိုးမြို့ ဆင်ခြေဖုံးဒေသ အန်တီဂိုကော့စ်ကတ်လန်ရှိ မြှုပ်နှံရာနေရာတစ်ခု မီးတောင်ပြာလွှားများအောက်မှာ တူးဖော်တွေ့ရှိခဲ့ခြင်း ဖြစ်ပါတယ်။

■ မီးတောင်ပြာလွှာများကြောင့် အရိုးစုနဲ့ ပတ်ဝန်းကျင်ရှိ ရောဂါမကူးစက်နိုင်တဲ့ သဘာဝပစ္စည်းများကို ရာစုနှစ်ပေါင်းများစွာ ကြာရှည်ခံအောင် ထိန်းသိမ်းပေးနိုင်ခဲ့ပါတယ်။

■ လူရုပ်ကြွင်းများနဲ့အတူ ပင်လယ်လိပ်ပုံသဏ္ဍာန်ရှိတဲ့ Usulutan ပုံစံမြေထည်အိုးတစ်လုံးကိုလည်း တွေ့ရှိခဲ့ရပါတယ်။

■ အရိုးစုကို မှောက်လျက်အနေအထား မြှုပ်နှံထားတာကို တွေ့ရှိရသဖြင့် သုတေသီများက ဆက်လက်စုံစမ်းစစ်ဆေးလျက် ရှိပါတယ်။

■ မီးတောင်ပြာလွှာများအောက်မှာ ပျက်စီးခြင်းမရှိဘဲ ကျန်ရစ်ခဲ့တဲ့ ရှေးဟောင်းပီလောပီနံခက်များရဲ့ အစိတ်အပိုင်းများကိုလည်း တွေ့ရှိခဲ့ပါတယ်။

■ သိပ္ပံပညာရှင်များက တိကျတဲ့သက်တမ်း အတည်ပြုနိုင်ရန် ရေဒီယိုကာဗွန်နည်းဖြင့် ရက်စွဲသတ်မှတ်ခြင်း၊ ကျားမလိင်အမျိုးအစား ခွဲခြားသတ်မှတ်နိုင်ရန် DNA စစ်ဆေးခြင်းများ ပြုလုပ်သွားမှာ ဖြစ်ပါတယ်။

■ အဆိုပါနေရာဟာ ဘာသာရေးဆိုင်ရာ ယဇ်ပူဇော်မှု အထောက်အထားများ၊ ဒါမှမဟုတ် မီဆိုအမေရိကရဲ့ ထူးခြားတဲ့ ရှေးဟောင်းဓလေ့ထုံးစံများကို ဖော်ပြနေခြင်းရှိမရှိ သိရှိနိုင်ရန် ကျွမ်းကျင်သူများက Chalchuapa စိုက်ပျိုးရေးနယ်မြေဟောင်းနဲ့ နှိုင်းယှဉ်လေ့လာနေပါတယ်။

Source: WION

ဇူလိုင် ၂၈ ရက်နေ့က ဂျပန်နိုင်ငံ ကူမာမိုတိုမြိုမှာ လှုပ်ခတ်ခဲ့တဲ့ ပြင်းအား ၇.၁ အဆင့်ငလျင်ကြောင့် ပြည်တွင်း တစ်ပိုင်းလျှပ်ကူးပစ္စည်းနဲ့ မော်တော်ယာဉ် ထုတ်လုပ်ရေးစက်ရုံများ လုပ်ငန်းရပ်ဆိုင်းထားရပါတယ်။

#Asia_Disaster
Published 14 August 2026
#ငလျင် #ဂျပန်
#YMG #Yangon_Times #Yangon_Media_Group