#Local_News
Published 22 October 2025

▪️ ရန်ကုန်မြို့ရှိ ပြည်ထောင်စု တိုင်းရင်းသားကျေးရွာ(ရန်ကုန်)၌ အဆင့်မြှင့်တင်ရေးလုပ်ငန်းများဆောင်ရွက်‌နေပြီး ဝင်ငွေများလည်းလျာထားချက်များလည်း တိုးတက်ရရှိနေကြောင်းသိရသည်။

▪️ အဆိုပါ ပြည်ထောင်စုတိုင်းရင်းသားကျေးရွာ(ရန်ကုန်)၏ ၂၀၂၅-၂၀၂၆ ဘဏ္ဍာနှစ်တွင် မူလခန့်မှန်း လျာထားငွေအပေါ် အောက်တိုဘာ ၁၉ ရက်အထိ ကောက်ခံငွေရရှိမှုသည် ၈၉ ဒသမ ၂၅ ရာခိုင်နှုန်းရှိသည့်အတွက် ဝင်ငွေတိုးတက်လျက်ရှိကြောင်း သိရသည်။

▪️ တိုင်းရင်းသားကျေးရွာသို့ တိုင်းရင်းသားလူမျိုးများရေးရာဝန်ကြီးဌာန ဒုတိယဝန်ကြီး ဦးဇော်အေးမောင်သည် အောက်တိုဘာ၂၀ရက် က ပြည်ထောင်စုတိုင်းရင်းသားကျေးရွာ (ရန်ကုန်) အစည်းအဝေးခန်းမ၌ ဝန်ထမ်းများနှင့် တွေ့ဆုံခဲ့စဉ် ၂၀၂၅-၂၀၂၆ ဘဏ္ဍာနှစ်အတွင်း အကောင်အထည်ဖော်ဆောင်ရွက်လျက်ရှိသည့် လုပ်ငန်းများအား ဘဏ္ဍာရေးစည်းမျဉ်း၊ စည်းကမ်းများ၊ သတ်မှတ်စံချိန်စံညွှန်းနှင့်အညီ အချိန်မီပြီးစီးရေးဆောင်ရွက်သွားရမည်ဖြစ်ပါကြောင်း ပြောကြားသည်။

▪️ ထို့နောက် ပြည်ထောင်စုတိုင်းရင်းသားကျေးရွာ (ရန်ကုန်)အတွင်းရှိ ရိုးရာအိမ်များနှင့် ဆောင်ရွက်လျက်ရှိသည့် ပြည်ထောင်စုတိုင်းရင်းသားကျေးရွာ အဆင့်မြှင့်တင်ရေးလုပ်ငန်းများကို ကြည့်ရှုစစ်ဆေးပြီး လိုအပ်သည်များ ညှိနှိုင်းပေါင်းစပ်ပေးကာ ဒုတိယဝန်ကြီးကဝန်ထမ်းများ စည်းလုံးညီညွတ်စွာဖြင့် ပြည်ထောင်စုတိုင်းရင်းသားကျေးရွာ(ရန်ကုန်) ဝင်ငွေပိုမိုတိုးတက်ရရှိရေး ကြိုးပမ်းဆောင်ရွက်သွားကြရန် မှာကြားခဲ့ကြောင်းသိရသည်။

#YMG/NN #Yangon_Times

#Local_News
Published 22 October 2025

▪️ စစ်ကိုင်းတိုင်းအတွင်း ပြန်လည်ထူထောင်ရေးနှင့် တည်ဆောက်ရေးလုပ်ငန်းများအတွက် သံချောင်းလုံးနှင့် အမိုးသွပ်ပြားများအား အထူးကုန်ရထားဖြင့် ယမာန်နေ့က ပို့ဆောင်ခဲ့ကြောင်းသိရသည်။

▪️ အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုကော်မတီအစီအစဉ်ဖြင့် ငလျင်ဘေးဒဏ်ပြန်လည်ထူထောင်ရေးနှင့်တည်ဆောက်ရေးလုပ်ငန်းများအတွက် လိုအပ်လျက်ရှိသော သံချောင်းလုံးများကို ရန်ကုန်မြို့မှ အထူးကုန်ရထားများဖြင့် ပို့ဆောင်ပေးလျက်ရှိခြင်းဖြစ်သည်။

▪️ ထိုသို့ပို့ဆောင်ပေးလျက်ရှိရာ စစ်ကိုင်းတိုင်းဒေသကြီးအတွင်းရှိ ပြန်လည်ထူထောင်ရေးနှင့် တည်ဆောက်ရေးလုပ်ငန်းများအတွက် HRB 500 အမျိုးအစား သံချောင်းလုံး တန်ချိန် ၅၅၃ ဒသမ ၀၀၆ တန် ၊ 4 Angle 0.33 mm အမိုးသွပ်ပြား ချပ်ရေ ၇၀၀၀ ( တန်ချိန် ၃၂ ဒသမ ၅၆ တန်) နှင့် မန္တလေးတိုင်းဒေသကြီးအတွင်းရှိ ပြန်လည်ထူထောင်ရေးနှင့် တည်ဆောက် ရေးလုပ်ငန်းများအတွက် လိုအပ်သော 4 Angle 0.33 mm အမိုးသွပ်ပြား ချပ်ရေ ၇၀၀၀ (တန်ချိန် ၃၂ ဒသမ ၅၆ တန်) တင်ဆောင်လာသော အထူးကုန်ရထားသည် ယမာန် နေ့မနက်ပိုင်းက မန္တလေးရွှေကြက်ယက်ဘူတာသို့ရောက်ရှိခဲ့ရာ တာဝန်ရှိသူများကလာရောက်ကြည့်ရှုစစ်ဆေးလက်ခံပြီး တိုင်းဒေသကြီးအတွင်း ပြန်လည်ထူထောင်ရေးနှင့်တည်ဆောက်ရေးလုပ်ငန်းများအတွက် ဆက်လက်ဖြန့်ဖြူးပေးသွားမည်ဖြစ်ကြောင်းသိရသည်။

#YMG/NN #Yangon_Times

#Local_News
Published 22 October 2025

▪️ ကျေးရွာသစ်လှုပ်ရှားမှု  စီမံကိန်းတွင်ပါဝင်သည့်ကျေးရွာများ၏ ဝင်ငွေတိုးပွားရေးကဏ္ဍပြပွဲကို အောက်တိုဘာလ၂၁ရက်က နေပြည်တော်ရှိ  စိုက်ပျိုးပညာပေးရေးနှင့် ကျေးလက်ဒေသဖွံ့ဖြိုးတိုးတက်မှု လေ့ကျင့်ရေးသင်တန်းကျောင်း (ရေဆင်း)၌ ကျင်းပခဲ့ကြောင်း သိရသည်။

▪️ အဆိုပါပြပွဲတွင် စီမံကိန်းကျေးရွာများဖြစ်သည့် နေပြည်တော် ပျဉ်းမနားမြို့နယ် ငကောင်းကံကျေးရွာမှ ထုတ်လုပ်သော စပါးမျိုးစေ့အမျိုးမျိုး၊  ရန်ကုန်တိုင်းဒေသကြီး ဝဲကြီးကျေးရွာမှ Recycle အမှိုက်အိတ်နှင့် ဟာလဝါ၊ အုန္နဲကုန်းကျေးရွာမှ ဆပ်ပြာဆီ၊ ပဲခူးမြို့နယ် တောင်သူစုကျေးရွာနှင့် မယင်းရွာမကျေးရွာတို့မှ ဆပ်ပြာဆီအမျိုးမျိုး၊ ပျော်ဘွယ်မြို့နယ်မယ်ဇလီအိုင့်ကျေးရွာမှ ဖိနပ်နှင့်လက်ဆွဲခြင်းအမျိုးမျိုး၊ ကလောမြို့နယ် လက်ပံပင်ကျေးရွာမှ ထောပတ်သီး၊ နောင်လယ်ကျေးရွာမှ သနပ်ဖက်၊ သာမိုင်းခမ်းကျေးရွာမှ စတော်ဘယ်ရီဝိုင်နှင့်ဂျင်းလက်ဖက်ရည် ထွက်ကုန်၊ တောင်ကြီးမြို့နယ် ဘန်းကန်နှင့်  လူရိုးတောင်ကျေးရွာတို့မှ မြန်မာမျိုးရင်းကြက်သွန်ဖြူ၊ ညောင်စဉ်ကျေးရွာနှင့် ကျောက်စုကျေးရွာတို့မှ ထောပတ်သီးထွက်ကုန်များကို ပြသခဲ့ကြကြောင်း သိရသည်။

▪️ ပြပွဲနှင့်အတူ စွမ်းဆောင်ရည်မြှင့်တင်ရေးကဏ္ဍ၊ လူနေမှုပတ်ဝန်းကျင်ဖွံ့ဖြိုးရေးကဏ္ဍ၊ ဝင်ငွေတိုးပွားရေးကဏ္ဍတို့တွင် အကောင်းဆုံးဆောင်ရွက်နိုင်သည့်ကျေးရွာများကို ဆုများချီးမြှင့်ပေးအပ်ခဲ့ကြောင်း သိရသည်။

▪️ ထို့ပြင် စိုက်ပျိုးရေးဦးစီးဌာနသည် ပြပွဲနှင့်အတူ ကျေးရွာသစ်လှုပ်ရှားမှုမွမ်းမံသင်တန်း (၁/၂၀၂၅) ကို စိုက်ပျိုးပညာပေးရေးနှင့် ကျေးလက်ဒေသဖွံ့ဖြိုးတိုးတက်မှုလေ့ကျင့်ရေးသင်တန်းကျောင်း(ရေဆင်း)၌  ဖွင့်လှစ်ခဲ့ရာ နေပြည်တော်ကောင်စီနယ်မြေ၊ ပဲခူးတိုင်းဒေသကြီး၊  မန္တလေးတိုင်းဒေသကြီး၊ ရန်ကုန်တိုင်းဒေသကြီးနှင့် ရှမ်းပြည်နယ်တို့မှ ကျေးရွာသစ်လှုပ်ရှားမှုစီမံကိန်း တာဝန်ခံများ၊  စီမံကိန်းဝင်ကျေးရွာ (၄၄) ရွာမှ ကျေးရွာခေါင်းဆောင်များ၊ တောင်သူများတက်ရောက်ကြကြောင်း၊စိုက်ပျိုးရေးဦးစီးဌာနမှ လက်ရှိတွင် ကျေးရွာဖွံ့ဖြိုးရေးလုပ်ငန်းများပါဝင်သည့် ကျေးရွာသစ်လှုပ်ရှားမှုစီမံကိန်းကို ပြည်တွင်းရှိကျေးရွာပေါင်း(၂၅၀) တွင် ဆောင်ရွက်လျက်ရှိ‌ကြောင်း သိရသည်။

#YMG/SW #Yangon_Times

#Asia_News
Published 22 October 2025

■ တရုတ်၊ လာအို၊ မြန်မာ၊ ထိုင်းနိုင်ငံတို့မှ ဥပဒေစိုးမိုးရေးအာဏာပိုင်များက နယ်စပ်ကျော်ဖြတ်ရာဇဝတ်မှုများ တိုက်ဖျက်ရန်အတွက် ၁၅၈ ကြိမ်မြောက် မဲခေါင်မြစ်ကြောင်းကင်းလှည့်ပူးပေါင်းမစ်ရှင်ကို အင်္ဂါနေ့က စတင်လိုက်ပါတယ်။

■ အင်္ဂါနေ့နံနက်ပိုင်းက တရုတ်ဥပဒေစိုးမိုးရေးသင်္ဘော ၃ စင်းနဲ့ လာအိုသင်္ဘော ၃ စင်းတို့ဟာ တရုတ်ယူနန်ပြည်နယ် အနောက်တောင်ဘက် ရှီရွှမ်ဘန်နာဒိုင် ကိုယ်ပိုင်အုပ်ချုပ်ခွင့်ရစီရင်စုရှိ ကျင့်ဟာဆိပ်ကမ်းကနေ ထွက်ခွာလာပြီး ပူးပေါင်းလေ့ကျင့်ရေး စတင်ကြောင်း အချက်ပြလိုက်ပါတယ်။

■ မြန်မာနိုင်ငံမှ သင်္ဘောနှစ်စင်းလည်း ကင်းလှည့်ရေးမှာ ပါဝင်ခဲ့ပါတယ်။

■ ဒီတာဝန်က အွန်လိုင်းလောင်းကစား၊ တယ်လီဖုန်းလိမ်လည်ခြင်း၊ မူးယစ်ဆေးဝါးနဲ့ ကုန်ကူခြင်းစတဲ့ နယ်စပ်ရာဇဝတ်မှုတွေကို ပစ်မှတ်ထားပြီး ရေလမ်းခရီးဘေးကင်းလုံခြုံမှု ထိန်းသိမ်းရန် ရည်ရွယ်ပါတယ်။

■ ဒီမတိုင်ခင်မှာလည်း ၄ နိုင်ငံမှ အာဏာပိုင်များဟာ ပူးပေါင်းအစည်းအဝေးနဲ့ အချက်အလက်လဲလှယ်ရေးကဏ္ဍတို့ တက်ရောက်ခဲ့ကြပြီး မဲခေါင်မြစ်တလျှောက် ရာဇဝတ်မှုများနဲ့ ဒေသတွင်းလုံခြုံရေး အားကောင်းစေရန် ဆွေးနွေးခဲ့ကြပါတယ်။

■ လာအိုသင်္ဘော ၃ စင်းကလည်း ၁၅၈ ကြိမ်မြောက် ပူးတွဲကင်းလှည့်ရေးမှာ ပါဝင်လာပြီး ရှီရွှမ်ဘန်နာသို့ စက်တင်ဘာ ၃၀ ရက်နေ့က ရောက်ရှိခဲ့ပါတယ်။

■ ခရီးစဉ်အတွင်း နှစ်ဖက်နိုင်ငံဟာ လေ့ကျင့်ရေး၊ ဥပဒေစိုးမိုးရေးအတိုင်းအတာ အဆောက်အအုံများ၊ ယဉ်ကျေးမှုဖလှယ်ရေးတို့အပေါ် အမြင်များဝေမျှပြီး ပူးပေါင်းဆောင်ရွက်ရေး ပိုမိုအားထုတ်ခဲ့ကြပါတယ်။

■ မဲခေါင်မြစ်က နယ်စပ်သယ်ယူပို့ဆောင်ရေးအတွက် အရေးပါတဲ့ ရေကြောင်းလမ်းဖြစ်ပြီး တရုတ်၊ လာအို၊ မြန်မာ၊ ထိုင်းနိုင်ငံတို့က ၂၀၁၁ ဒီဇင်ဘာလတည်းက ပူးပေါင်းကင်းလှည့်ခြင်းများ ဆောင်ရွက်နေခဲ့ပါတယ်။

Source: Xinhua

#World_Health
Published 22 October 2025

■ ဆိုဒါမှာပါတဲ့ သကြားနဲ့ ကယ်လိုရီတွေက အဝလွန်ခြင်း၊ ဆီးချို၊ ခံတွင်းပြဿနာများ ဖြစ်နိုင်ခြေများစေတယ်လို့ လေ့လာချက်တွေမှာ ဖော်ပြလာပါတယ်။

■ ယခု ဂျာမနီသုတေသနတစ်ခုမှာတော့ အချိုရည်တွေက စိတ်ဓာတ်ကျရောဂါ ဖြစ်နိုင်ခြေကိုလည်း များစေတယ်လို့ ဆိုလာပါတယ်။

■ ဒါတွေက စိတ်ကျရောဂါရှိတဲ့သူတွေထဲမှာ အများအပြားတွေ့ရတဲ့ Eggerthella အူလမ်းကြောင်းဘက်တီးရီးယားကို မြင့်တက်စေတယ်လို့ တွေ့ရှိထားပြီး အမျိုးသမီးတွေမှာ ဖြစ်နိုင်ခြေပိုများပါတယ်။

■ ဖရန့်ဖတ်တက္ကသိုလ်ဆေးရုံမှ ဒေါက်တာ ရှာမီလီအက်ဒ်ဝင်ထနာရာဂျာတို့ အဖွဲ့က စိတ်ကျရောဂါဖြစ်နေသူ ၄၀၅ ဦးနဲ့ သာမန်လူ ၅၂၇ ဦးတို့ကို လေ့လာခဲ့ကြပါတယ်။

■ ပါဝင်စမ်းသပ်ခံသူတွေက သူတို့ရဲ့ စိတ်ကျန်းမာရေး လက္ခဏာများနဲ့ ဆိုဒါသောက်သုံးမှု အခြေအနေတွေကို ကိုယ်တိုင်တင်ပြပြီး အူလမ်းကြောင်းဘက်တီးရီးယား စစ်ဆေးဖို့အတွက် အညစ်အကြေးနမူနာများ အသုံးပြုခဲ့ပါတယ်။

■ ဆိုဒါသောက်သုံးခြင်းက စိတ်ကျရောဂါ ခံစားရမှုများနဲ့ ဆက်စပ်နေပြီး Eggerthella နဲ့ Hungatella ဘက်တီးရီးယားတို့က အဓိကသက်ဆိုင်နေတယ်လို့ ယူဆခဲ့ကြပါတယ်။

■ ဒါပေမဲ့ ယောက်ျားလေးတွေမှာတော့ ဘက်တီးရီးယားတွေနဲ့ ဆက်စပ်မှုသိပ်မရှိခဲ့ပါဘူး။

■ အချိုရည်တွေမှာပါတဲ့ သကြားဓာတ်က အူလမ်းကြောင်းထဲမှာ အကျိုးပြုဘက်တီးရီးယားတွေကို လျော့နည်းစေပြီး ဘက်တီးရီးယားတွေ ဗိုင်းရပ်စ်တွေ မှိုတွေစတဲ့ ပိုးမွှားစနစ်ကို နှောင့်ယှက်ပါတယ်။

■ ဒီဆက်စပ်မှုတွေကို အမျိုးသမီးတွေမှာ ပိုတွေ့ရတာကြောင့် ကျားမဟော်မုန်းတွေကလည်း ပါဝင်ပတ်သက်နေနိုင်တယ်လို့ သုတေသီတွေ ယူဆပါတယ်။

■ ဒါကြောင့် သကြားနဲ့ ကယ်လိုရီပါဝင်တဲ့အရာတွေကို လျှော့ချပြီး ရေကိုသာ အဓိကသောက်သုံးသင့်ပါတယ်။

Source: New York Post

#World_Health
Published 22 October 2025

■ ဆေးလိပ်သောက်ခြင်းက ကျန်းမာရေးကို အန္တရာယ်ဖြစ်စေတယ်လို့ လူအများသိထားပေမယ့် လှုပ်ရှားမှုမရှိခြင်းရဲ့ အန္တရာယ်တွေကို သိပ်ပြီး သတိမထားကြပါဘူး။

■ အစာစားပြီးနောက် ချက်ချင်းထိုင်ခြင်းက ဆေးလိပ်သောက်ခြင်းထက် ပိုမိုဆိုးရွားတယ်ဆိုတဲ့ အထောက်အထားမျိုး မရှိဘူးလို့ KIMSHEALTH နှလုံးဌာနမှ ဒေါက်တာ ဒီနက်ရှ်ဒေးဗစ်က ပြောသွားပါတယ်။

■ တကယ်တမ်းက တစ်နေ့ကို ၈ နာရီကျော်အောင် လှုပ်ရှားမှုမရှိဘဲ အထိုင်များခြင်းက ပိုမိုဆိုးရွားစေပြီး ဆေးလိပ်သောက်ခြင်းလိုမျိုး နှလုံးသွေးကြောပြဿနာများ ဖြစ်စေနိုင်တယ်လို့ ဆိုပါတယ်။

■ မတ်တပ်ရပ်ခြင်း၊ လမ်းလျှောက်ခြင်းတို့နဲ့ နှိုင်းယှဉ်ရင် ထိုင်ခြင်းက ဇီဝကမ္မဖြစ်စဉ် ၃၀ ရာခိုင်နှုန်းနီးပါးလောက် ပိုနှေးစေပြီး ကိုယ်အလေးချိန်တက်စေကာ သွေးကြောတွေထဲမှာ အဆီတွေ အနည်ထိုင်လာပြီး သွေးကြောကျဉ်းစေတယ်လို့ ဆိုပါတယ်။

■ အမ်ရီတာဆေးရုံမှ ဒေါက်တာ မိုဟစ်ရှာမာက တစ်နေ့ကို ၆-၈ နာရီကျော်အောင် ထိုင်တဲ့သူတွေက အရွယ်မတိုင်ခင် အသက်ဆုံးပါးနိုင်ခြေ ပိုများတယ်လို့ ဆိုပါတယ်။

■ ဒါ့အပြင် ကြာရှည်ထိုင်ခြင်းကြောင့် နှလုံးသွေးကြောရောဂါ၊ ကင်ဆာ၊ ဆီးချိုစတဲ့ ရောဂါဘယတွေလည်း ပိုပြီးအဖြစ်များစေတယ်လို့ တွေ့ရှိထားပါတယ်။

■ ဆေးလိပ်သောက်ခြင်းကတော့ ကျန်းမာရေးဆိုးကျိုးတွေ ချက်ချင်းလက်ငင်း ပြင်းထန်စွာ ခံစားရနိုင်ပြီး ကြာရှည်ထိုင်ခြင်းကတော့ နာတာရှည်နဲ့ ကျန်းမာရေး‌ရေရှည်ပြဿနာတွေ ဖြစ်လာနိုင်ပါတယ်။

■ နောက်တစ်ချက်က လှုပ်ရှားမှုနည်းတဲ့အခါ မကောင်းတဲ့ကိုလက်စထရောလ်တွေ များလာပြီး နှလုံးသွေးကြောရောဂါများ ဖြစ်စေနိုင်ပါတယ်။

■ ၂ နာရီခန့်ထိုင်ပြီးတိုင်း ထိပြီးလှုပ်ရှားဖို့က အရေးကြီးပြီးတော့ အနည်းဆုံး ၁၅ မိနစ်ခန့် လမ်းလျှောက်ခြင်း၊ ရေထသောက်ခြင်းတို့ ပြုလုပ်နိုင်ပါတယ်။

Source: Indian Express

တောင်ကိုရီးယားမှာ ငွေဝယ်လိုအားမြင့်တက်နေပြီး ဈေးနှုန်းကလည်း စံချိန်တင်မြင့်မားနေကာ ရွှေထက် သိသိသာသာကျော်လွန်နေပါတယ်။

#Asia_Business
Published 21 October 2025
#တောင်ကိုရီးယား #ငွေချောင်း
#YMG #Yangon_Times #Yangon_Media_Group

စားသုံးသူရေးရာဦးစီးဌာနနှင့် မြန်မာနိုင်ငံဆန်စပါးအသင်းချုပ်တို့ ပူးပေါင်းအကောင် အထည်ဖော်ဆောင်ရွက်လျက်ရှိတဲ့မြန်မာဆန်စပါးအွန်လိုင်း( Myanmar Rice Online - MyRo )မှာ မှတ်ပုံတင်ထားရှိတဲ့ ဆန်စပါးသိုလှောင်ရုံတွေအနေနဲ့ ၎င်းတိုရဲ့ ကုန်ရ၊ ကုန်ထုတ်၊ ကုန်လက်ကျန် စာရင်းများအား လစဉ် ၁ ရက်နေ့မှ ၇ ရက်နေ့အတွင်း ဖြည့်သွင်းပေးရမှာဖြစ်တယ်လို့ သိရပါတယ်။

#Local_News
Published 21 October 2025
#ဆန်စပါး #မြန်မာနိုင်ငံဆန်စပါး
#YMG/SW #Yangon_Times

မိုးတိမ်တောင်တွေကြောင့် ရန်ကုန်တိုင်းအပါအဝင် တိုင်းသုံးတိုင်းမှာ နေရာကွက်ပြီး မိုးလေကြီးနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနက ယနေ့မနက်ပိုင်းမှာအသိပေးလာပါတယ်။

#Local_News
Published 21 October 2025
#ရန်ကုန် #မိုးတိမ်တောင်
#YMG/NN #Yangon_Times

ကမ္ဘာ့ရွှေဈေးနဲ့အတူ ပြည်တွင်းပြင်ပဈေးတွေပါ အတက်အကျဖြစ်နေတယ် လို့ ဈေးကွက်ထဲကသိရပါတယ်။

#Local_News
Published 21 October 2025
#ရွှေဈေး
#YMG/NN #Yangon_Times

တရုတ်နိုင်ငံက နည်းပညာတွေအသုံးပြုပြီးမြန်မာနိုင်ငံရှိ သက်တမ်းရင့်ကုန်းတွင်းရေနံမြေတွေမှာ လာရောက်ရင်းနှီးမြှုပ်နှံကာ အထွက်တိုးစီမံကိန်းတွေ ပူးပေါင်းဆောင်ရွက်ဖို့ ဖိတ်ခေါ်ခဲ့တယ်လို့ စွမ်းအင်ဝန်ကြီးဌာနမှ သိရပါတယ်။

#Local_News
Published 21 October 2025
#တရုတ် #မြန်မာနိုင်ငံ
#YMG/SW #Yangon_Times

#Daily_News
Published 21 October 2025

၁။‌ ‎‎‎‎‎‎‎တရုတ်နည်းပညာဖြင့်သက်တမ်းရင့်ကုန်းတွင်းရေနံမြေများတွင် လာရောက်ရင်းနှီးမြှုပ်နှံရန် ဖိတ်ခေါ်

၂။ ‌‌‌‌‎‎‎‎ကမ္ဘာ့ဈေးနှင့်အတူ ပြင်ပရွှေဈေးအတက်အကျဖြစ်နေ

‎‎၃။‌‎ ‎‎‎‎‎‎ရန်ကုန်အပါအဝင် တိုင်းသုံးတိုင်း၌  မိုးတိမ်တောင်ကြောင့်နေရာကွက်၍မိုး‌လေကြီးနိုင်
‎
၄။ ‎တောင်ကိုရီးယား၌ငွေချောင်းဝယ်လိုအား စံချိန်တင်ဆက်တိုက်မြင့်တက်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group