#Local_News
Published 09 January 2025

▪️ စားသုံးဆီများကို မသမာသော နည်းလမ်းများဖြင့် ဖြန့်ဖြူးရောင်းချမှုများကို စစ်ဆေးဖော်ထုတ်မှုများ ဆောင်ရွက်နေကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးချစ်ဆွေကပြောသည်။

ယမာန်နေ့မွန်းလွဲပိုင်းက စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ရုံးအမှတ်(၃)၌ ကျင်းပသည့် စားသုံးဆီတင်သွင်းသိုလှောင် ဖြန့်ဖြူးခြင်းလုပ်ငန်းများနှင့်စပ်လျဉ်းသည့် ညှိနှိုင်းအစည်းအဝေး၌ ပြည်ထောင်စုဝန်ကြီး ဦးချစ်ဆွေကထည့်သွင်းပြောကြားခဲ့ခြင်းဖြစ်သည်။

▪️ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးချစ်ဆွေက စားသုံးဆီ တင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီအနေဖြင့် ပြည်တွင်းစားသုံးဆီ စားသုံးမှု၊ သုံးစွဲမှု၊ ထုတ်လုပ်နိုင်မှုနှင့်တင်သွင်းရန် လိုအပ်မှုတို့ကိုအခြေခံပြီး ပြည်ပမှစားသုံးဆီတင်သွင်းရန် လိုအပ်ချက်ကို တွက်ချက်ကာ တင်သွင်းခွင့်ပြုလျက်ရှိပါကြောင်း၊ ဖြစ်သင့်ဖြစ်ထိုက်သည့် ရည်ညွှန်းဈေးနှုန်းဖြစ်စေရေးအတွက် စားသုံးဆီရည်ညွှန်းဈေးနှုန်း စိစစ်တွက်ချက်ရေးအဖွဲ့မှ သေချာစွာစိစစ်တွက်ချက်၍ အပတ်စဉ်ထုတ်ပြန်ပေးလျက်ရှိကြောင်း၊ မလိုအပ်သော ကုန်ကျစရိတ်များကို လျှော့ချခြင်းနှင့် ပြည်ပ CIF ဈေးနှုန်းများ ပြန်လည်ကျဆင်းလာခြင်းတို့ကြောင့် စက်တင်ဘာလ စတုတ္ထပတ်မှ ဒီဇင်ဘာလအထိ စားသုံးဆီ တစ်ပိဿာဈေးနှုန်းမှာ ငွေကျပ် ၅၆၀ ကျဆင်းလာခဲ့ပါကြောင်း၊ ဈေးကွက်ဖြန့်ဖြူးမှုအနေဖြင့်လည်း တိုင်းဒေသကြီး၊ ပြည်နယ်အလိုက် ခွဲဝေလျာထားသည့် ပမာဏအတိုင်း ရောက်ရှိနိုင်စေရန် တိုင်းဒေသကြီး စားအုန်းဆီဖြန့်ဖြူးမှု ကြီးကြပ်ရေးကော်မတီများ၊ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း၊ ကုမ္ပဏီများနှင့်ညှိနှိုင်းပေးလျက်ရှိပါကြောင်း၊
အချို့သောမြို့နယ်များတွင် ကော်မတီမှ သတ်မှတ်သည့်ဈေးနှုန်းထက် မြှင့်တင်ရောင်းချလျက် ရှိသကဲ့သို့ အချို့မြို့နယ်များတွင် ခွဲတမ်းကို အပြည့်အဝရောင်းချမှုမရှိခြင်းတို့ကို ကြားသိရသည့်အတွက် သတ်မှတ်ကာလအတွင်း သက်ဆိုင်ရာဒေသသို့ သတ်မှတ်ဈေးနှုန်း၊ အရည်အသွေး၊ အခြင်အတွယ် မှန်ကန်စွာဖြင့် ရောင်းချစေရေးနှင့် မသမာသော နည်းလမ်းများဖြင့် ဖြန့်ဖြူးရောင်းချမှုများကို စစ်ဆေးဖော်ထုတ်မှုများ ဆောင်ရွက်လျက်ရှိပါကြောင်း ပြောကြားသည်။သို့ဖြစ်ရာ ကုမ္ပဏီများအနေဖြင့် တင်သွင်းခွင့်ရရှိသော စားအုန်းဆီများကို ပြည်သူများထံ အပြည့်အဝ ဖြန့်ဖြူးရောင်းချခြင်း၊ မိမိတို့၏ လက်ကား/ လက်လီ ကိုယ်စားလှယ်များကို ကြီးကြပ်ထိန်းကျောင်းခြင်းတို့ ဆောင်ရွက်သွားကြစေလိုပါကြောင်းနှင့်တင်သွင်း ဖြန့်ဖြူးရာတွင် တွေ့ကြုံရသည့် အခက်အခဲများရှိပါက ဝန်ကြီးဌာန၏ သက်ဆိုင်ရာဦးစီးဌာနများနှင့် ဆက်သွယ်ပြီး ဆွေးနွေးကြစေလိုကြောင်းပြောကြားသည်။

▪️ ထို့နောက် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးမင်းမင်းက စားသုံးဆီတင်သွင်းခြင်း၊ သိုလှောင်ခြင်း၊ ဖြန့်ဖြူးရောင်းချခြင်းနှင့်စပ်လျဉ်း၍ ဆောင်ရွက်ရမည့်စံလုပ်ငန်းစဉ် (SOP)များအား တိကျစွာလိုက်နာဆောင်ရွက်ရေး၊ စားသုံးဆီကဏ္ဍ အထောက်အကူပြုအဖွဲ့များဖြစ်သည့် ဆီကန်ကြီးကြပ်ရေးလုပ်ငန်းအဖွဲ့နှင့် လေ့လာစောင့်ကြည့် သုတေသနအဖွဲ့တို့အနေဖြင့် မြေပြင်အခြေအနေမှန်များအား တင်ပြရေး၊ မီဒီယာများနှင့်တွေ့ဆုံ၍ အများပြည်သူ သိသင့်သိထိုက်သည့် သတင်း အချက်အလက်များကို ရှင်းလင်းပြောကြားရေးနှင့် တိုင်းဒေသကြီး/ပြည်နယ်များသို့ ကွင်းဆင်းစစ်ဆေးရေး လုပ်ငန်းစဉ်များကို ရှင်းလင်းပြောကြားသည်။

▪️ ယင်းနောက် စားသုံးသူရေးရာဦးစီးဌာန ညွှန်ကြားရေးမှူးချုပ် ဦးခင်မောင်လှိုင်၊ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းဥက္ကဋ္ဌ ဦးမောင်မောင်ဇော်နှင့် စားသုံးဆီတင်သွင်းဖြန့်ဖြူးသည့်ကုမ္ပဏီများမှ တာဝန်ရှိသူများက လုပ်ငန်းဆောင်ရွက်မှုအခြေအနေ၊ အခက်အခဲများနှင့်စပ်လျဉ်း၍ တင်ပြဆွေးနွေးမှုများအပေါ် ပြည်ထောင်စုဝန်ကြီးက လိုအပ်သည်များကို ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။

#YMG/NN #Yangon_Times

#World_Health
Published 09 January 2026

■ အအေးမိတယ်ဆိုတာက ရေအေးကြောင့်မဟုတ်ဘဲ ဗိုင်းရပ်စ်ကြောင့် ဖြစ်ကာ ရေအပူချိန်က အအေးမိလက္ခဏာတွေကို ပိုဆိုးရွားစေရုံဖြစ်တယ်လို့ ဒေါက်တာ ပူရ်နာပရာနာက အင်စတာဂရမ်မှာ ပြောထားပါတယ်။

■ ဒါ့အပြင် မွမ်းဘိုင်းစင်ထရယ် ဝေါ့ခ်ဟာ့ဒ်ဆေးရုံမှ ဒေါက်တာ ရီတူဂျာအူဂယ်မူဂေးကလည်း အအေးမိခြင်းကြောင့် ရောဂါဘယဖြစ်စေတာ မဟုတ်ဘဲ ဗိုင်းရပ်စ်ဝင်လာတာကြောင့်လို့ ပြောပါတယ်။

■ ရေအေး၊ အဲကွန်း၊ မိုးရေ၊ ချမ်းအေးတဲ့ပတ်ဝန်းကျင်တို့က ခန္ဓာကိုယ်ထဲမှာ ဗိုင်းရပ်စ်ဖြစ်စေတာ မဟုတ်ဘဲ ရှိပြီးသားလက္ခဏာတွေကို ပိုဆိုးစေတာဖြစ်တယ်လို့ ဆိုပါတယ်။

■ လူတွေ နေရာထိုင်ခင်းထဲ နေခြင်း၊ အတူထိုင်ခြင်း၊ ဒီလေကိုပဲ ရှူမိခြင်း စတာတွေကြောင့် ဗိုင်းရပ်စ်အလွယ်တကူ ကူးစက်နိုင်ပါတယ်။

■ အအေးသောက်တဲ့အခါ လည်ချောင်းနာတတ်ခြင်း၊ နှာပိတ်ခြင်း၊ ချောင်းဆိုးခြင်းတို့ ယာယီဖြစ်တတ်ပေမယ့် ဒါဟာ ရောဂါကူးစက်မှုမဟုတ်ဘဲ ဗိုင်းရပ်စ်ကြောင့်သာ ဖျားနာခြင်း၊ ကိုက်ခဲခြင်း၊ နှာရည်ယိုခြင်းတို့ ဖြစ်စေတာလို့ ရှင်းပြပါတယ်။

■ လက်သန့်စင်စွာထားခြင်း၊ အရာဝတ္ထုမျက်နှာပြင် မကြာခဏထိတွေ့မှုမှ ရှောင်ရှားခြင်း၊ ချောင်းဆိုး နှာချေသူတွေနဲ့ ဝေးဝေးနေခြင်း၊ လေဝင်လေထွက်ကောင်းအောင် ထားခြင်းတို့ဖြင့် ဗိုင်းရပ်စ်ထိတွေ့ခြင်းမှ လျှော့ချနိုင်မှာ ဖြစ်ပါတယ်။

■ ခြောက်သွေ့အေးမြတဲ့ လေကိုရှူရှိုက်ခြင်းက အထူးသဖြင့် ရင်ကြပ်သမားတွေမှာ အသက်ရှူလမ်းကြောင်းတွေ ကြပ်သွားကြပြီး နွေးထွေးစွာနေခြင်း၊ ရေဓာတ်ဖြည့်ပေးခြင်းတို့ဖြင့် ခန္ဓာကိုယ် သက်တောင့်သက်သာ ရှိစေမှာ ဖြစ်တယ်လို့ ပြောပြသွားပါတယ်။

Source: Indian Express.

#World_Health
Published 09 January 2026

■ တစ်နေ့တာ အလုပ်ခွင်ကြာရှည်ခြင်း၊ ညနက်တဲ့အထိ ဖုန်း ကွန်ပျူတာကြည့်ခြင်း စတာတွေကြောင့် ညစာစားချိန်နောက်ကျပြီး အိပ်ချိန်နဲ့ အလွန်နီးသွားတတ်ကြပါတယ်။

■ ဒါဟာ ဂလူးကို့စ်ဖြစ်စဉ်၊ အက်ဆစ်လျှံတက်ခြင်း၊ အိပ်စက်မှုအခြေအနေတို့ကို သက်ရောက်စေပါတယ်။

■ ညစာစားချိန်နဲ့ အိပ်ချိန်ကြား ၂ နာရီခြားခြင်းဖြင့် အစာချေဖျက်ရန် အချိန်ရစေတဲ့အပြင် အခြားသော အကျိုးကျေးဇူးတွေလည်း ရနိုင်ပါတယ်။

■ (၁) ညစာစားပြီး အနည်းဆုံး ၂ နာရီကြာတဲ့အထိ ခန္ဓာကိုယ်မတ်နေခြင်းဖြင့် အစာအိမ်အက်ဆစ် လျှံတက်ခြင်းကို လျှော့ချနိုင်ကာ အစာကြေစေပါတယ်။

■ (၂) နောက်ကျမှ စားခြင်းက သွေးတွင်းသကြားဓာတ်ကို ထိန်းချုပ်ဖို့ ခက်ခဲတာကြောင့် စောစောစားခြင်းဖြင့် ညဘက်မှာ သွေးတွင်းသကြားဓာတ် တည်ငြိမ်အောင် ကူညီပေးပါတယ်။

■ (၃) နောက်ကျမှ စားခြင်းဟာ ကယ်လိုရီတွေက အဆီအဖြစ်သိမ်းဆည်းသွားကာ အချိန်မှန်စားရင်တော့ ကယ်လိုရီထိန်းချုပ်ပေးပြီး ကိုယ်အလေးချိန် ကျန်းမားရေးညီညွတ်စေပါတယ်။

■ (၄) အစားများများစားတဲ့အခါ စွမ်းအင်လိုအပ်ပြီး ခန္ဓာကိုယ်တွင်း လှုပ်ရှားစေကာ အိပ်စက်မှုဟော်မုန်းကို နှောင့်ယှက်တာကြောင့် အချိန်ခြားပြီးစားခြင်းဖြင့် ခန္ဓာကိုယ် အနားရစေကာ ကောင်းစွာအိပ်စက်စေပါတယ်။

■ (၅) နောက်ကျမှစားတဲ့အခါ သွေးပေါင်ချိန်၊ ကိုလက်စထရောတို့ မြင့်တက်စေတာကြောင့် အချိန်ခြားပြီးစားခြင်းဖြင့် နှလုံးလုပ်ဆောင်ချက် ကောင်းမွန်စေမှာ ဖြစ်ပါတယ်။

■ (၆) အိပ်ချိန်နီးကပ်မှ စားခြင်းဖြင့် ကောင်းစွာအစာမကြေဘဲ လေပွခြင်း၊ မအီမသာဖြစ်ခြင်းတို့ ကြုံရနိုင်ကာ ၂ နာရီခြားစားခြင်းဖြင့် လေတွေကျေပျက်ဖို့ အချိန်ရရှိစေပါတယ်။

■ (၇) တစ်ရှူးပြုပြင်ခြင်းနဲ့ အဆီဖြစ်စဉ်တို့မှာ ပါဝင်တဲ့ ကြီးထွားမှုဟော်မုန်းတွေလိုမျိုး ဟော်မုန်းတွေကို ထိန်းညှိပေးကာ စားချင်စိတ်ကို ထိန်းသိမ်းပေးပါတယ်။

■ (၈) နောက်ကျမှစားခြင်းကြောင့် အသည်းကို ဝန်ထုပ်ဝန်ပိုးဖြစ်စေကာ ကြာလာရင် အသည်းမှာ အဆီစုပြုံလာနိုင်ပါတယ်။

■ (၉) အူလမ်းကြောင်း ပိုးမွှားစနစ်က တစ်နေ့တာအချိန်မှန် လှုပ်ရှားတဲ့စနစ်ဖြစ်တာကြောင့် အချိန်မှန်စားမှ အူလမ်းကြောင်း၊ ရောင်ရမ်းမှု၊ ကိုယ်ခံအားစနစ်တို့ ဟန်ချက်ညီမှာ ဖြစ်ပါတယ်။

■ (၁၀) ညစာအချိန်မှန်စားခြင်းဖြင့် အချိန်မတော်ကြီး မုန့်ထစားတတ်တဲ့အကျင့် လျော့စေကာ မကောင်းတဲ့အဆီတွေ အချိုတွေ အငန်တွေ မစားမိစေတော့ပါဘူး။

Source: NDTV.

ဗင်နီဇွဲလားသမ္မတ နီကိုလတ်စ်မဒူရိုနဲ့ ဇနီးသည်တို့ အမေရိကန်ကို ခေါ်ဆောင်သွားပြီးနောက် ဗင်နီဇွဲလားအစိုးရအဖွဲက နိုင်ငံရေးတည်ငြိမ်မှုရဖိုအတွက် ပြန်လည်တည်ဆောက်ရေး လုပ်ငန်းစဉ်များ အရှိန်မြှင့်လုပ်ဆောင်နေပါတယ်။

#World_Politics
Published 08 January 2026
#ဗင်နီဇွဲလားသမ္မတ #အမေရိကန်
#YMG #Yangon_Times #Yangon_Media_Group

Rice Export Zone များကို စိုက်ဧကသုံးသိန်းကျော်နဲ့ စတင်စိုက်ပျိုးသွားမှာဖြစ်ပြီးတစ်ဧကကို လေးသိန်းခွဲနှုန်းနဲ့ စိုက်ပျိုးထုတ်လုပ်မှု အထောက်အကူပြု ပံ့ပိုးကူညီမှုတွေပြုလုပ်သွားမယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။

#Local_News
Published 08 January 2026
#Rice_Export_Zone #ဆန်စပါး
#YMG/NN #Yangon_Times

(၇၁) ကြိမ်မြောက် အောင်ဘာလေထီဆုမဲပေါင်း ၁၇,၀၀၀ ကျော် လာရောက်ထုတ်ယူဖို့ ကျန်ရှိနေပြီး သတ်မှတ်ရက်အတွင်း လာရောက်ထုတ်ယူခြင်းမရှိပါက အခွန်ဘဏ္ဍာအဖြစ် သိမ်းယူသွားမယ်လို့ အောင်ဘာလေထီရုံးကနေ သိရပါတယ်။

#Local_News
Published 08 January 2026
#အောင်ဘာလေထီဆု #အခွန်ဘဏ္ဍာ
#YMG/NN #Yangon_Times

ကုန်စည်ဈေးကွက်အတွင်း စစ်ဆေးရေးအရာရှိ ၅၆၆ ဦးနဲ့ ဈေးကွက်စောင့်ကြည့်စစ်ဆေးရေးလုပ်ငန်း‌ တွေဆောင်ရွက်သွားမယ်လို့ ယမန်နေ့ကပြုလုပ်တဲ့မြန်မာနိုင်ငံ စားသုံးသူကာကွယ်ရေးကော်မရှင်လုပ်ငန်းညှိနှိင်းအစည်းအဝေး (၁/၂၀၂၆)မှ သိရပါတယ်။

#Local_News
Published 08 January 2026
#စားသုံးသူကာကွယ်ရေး #ကုန်စည်ဈေးကွက်
#YMG/SW #Yangon_Times

တရုတ်နိုင်ငံသို့ ပဲတီစိမ်းပြန်လည်တင်သွင်းခွင့် ရရှိပြီးနောက် ပြည်တွင်းမှာ ပဲတီစိမ်း ဈေးပြန်လည်မြင့်တက်လာတယ်လို့ ဈေးကွက်အတွင်းက သိရပါတယ်။

#Local_News
Published 08 January 2026
#ပဲတီစိမ်း #တရုတ်နိုင်ငံ
#YMG/SW #Yangon_Times

#World_News
Published 08 January 2026

■ အမေရိကန် နိုင်ငံခြားရေးဝန်ကြီး မာကိုရူဘီယိုက လာမယ့်သီတင်းပတ်အတွင်း ဒိန်းမတ်ခေါင်းဆောင်တွေနဲ့ တွေ့ဆုံသွားမယ်လို့ ဗုဒ္ဓဟူးနေ့က ပြောခဲ့ပြီး သမ္မတဒေါ်နယ်ထရမ့်က ဂရင်းလန်းကို သိမ်းယူမယ့်ရည်ရွယ်ချက် နောက်ဆုတ်မယ့်ပုံမပေါ်ပါဘူး။

■ ဗင်နီဇွဲလားခေါင်းဆောင်ကို အမေရိကန် စစ်ဆင်ရေးဖြင့် ဖမ်းဆီးခဲ့ပြီးနောက် ဂရင်းလန်းအပေါ်လည်း စိုးရိမ်စရာ ဖြစ်လာပါတယ်။

■ ထရမ့်ရဲ့ ရည်ရွယ်ချက်တွေကို စစ်အင်အားဖြင့် ဖြေရှင်းသွားမလားဆိုတဲ့ အကြောင်းအရာနဲ့ ပတ်သက်ပြီး ရူဘီယိုက စစ်ရေးမပါနိုင်ဘူးလို့ မပြောသွားသလို နည်းလမ်းမျိုးစုံဖြင့် ဖြေရှင်းရန်ကြိုးပမ်းနေကြတယ်လို့ ပြောပါတယ်။

■ ဒိန်းမတ်ရဲ့ သတ္တုကြွယ်ဝတဲ့ ဂရင်းလန်းကျွန်းကို အမေရိကန် စစ်ရေးဖြင့် သိမ်းယူမယ့်ကိစ္စက နေတိုးမဟာမိတ်အတွင်း ရိုက်ခတ်နိုင်ပြီး ထရမ့်နဲ့ ဥရောပခေါင်းဆောင်များကြား ကွဲပြားလာနိုင်ပါတယ်။

■ အမေရိကန် ဂရင်းလန်းကို ပိုင်ဆိုင်ဖို့ ကြိုးပမ်းနေရာမှာ ထရမ့်က ဒီကျွန်းကို ဗျူဟာမြောက်နေရာနဲ့ အမေရိကန်လုံခြုံရေးအတွက် အရေးပါတဲ့ရင်းမြစ်အဖြစ် မြင်ထားပါတယ်။

■ ဥရောပမဟာမိတ်တွေဖြစ်တဲ့ ပြင်သစ်၊ ဂျာမနီ၊ ကနေဒါတို့ အပါအဝင် နိုင်ငံတွေဟာ ဂရင်းလန်းရဲ့ အချုပ်အခြာအာဏာကို အလေးထားပြီး အမေရိကန် သိမ်းလိုတဲ့အပေါ် ပြင်းထန်စွာ ကန့်ကွက်နေပါတယ်။

■ ဒိန်းမတ်နဲ့ ဂရင်းလန်းတို့က ဂရင်းလန်းကို ရောင်းချသွားမှာမဟုတ်ဘူးလို့ အခိုင်အမာဆန့်ကျင်နေပြီး သံတမန်ရေးရာနည်းလမ်းဖြင့် ထပ်မံဖြေရှင်းသွားဖို့ တောင်းဆိုထားပါတယ်။

■ ဥရောပခေါင်းဆောင်တွေကလည်း ဒိန်းမတ်နဲ့ ဂရင်းလန်းကို ထောက်ခံအားပေးဖို့ အတူတကွ လုပ်ဆောင်နေပြီး ဘယ်လိုပူးပေါင်းဆောင်ရွက်မလဲဆိုတာ ဆွေးနွေးနေကြပါတယ်။

■ ဂရင်းလန်းအနီး ရုရှားနဲ့ တရုတ်လှုပ်ရှားမှုတွေအကြောင်း ထရမ့်ရဲ့ တင်ပြချက်တွေကို ဒိန်းမတ်က အငြင်းပွားပြောကြားထားပါတယ်။

Source: Reuters

#Daily_News
Published 08 January 2026

၁။‌ ‎ဈေးကွက်စောင့်ကြည့်စစ်ဆေးရေးလုပ်ငန်းများကို စစ်ဆေးရေးအရာရှိ (၅၆၆) ဦးဖြင့်ဆောင်ရွက်မည်
‎
‎‌‎၂။ ‌‌‌‌‌‌‌‌‌‌‌‎‎‎‎‎‎အောင်ဘာလေ ထီ ဆုမဲပေါင်း ၁၇,၀၀၀ ကျော် လာရောက်ထုတ်ယူခြင်းမရှိ၊ သတ်မှတ်ရက်အတိုင်း မထုတ်ယူပါက အခွန်ဘဏ္ဍာအဖြစ်သိမ်းယူမည်
‎
‎‎၃။‌‌‎ ‌‌‌‌‌‌‌‌‌‎‎‎Rice Export Zone ၌ တစ်ဧကလျှင် လေးသိန်းခွဲနှုန်းဖြင့် စိုက်ပျိုးထုတ်လုပ်မှု အထောက်အကူပြု ပံ့ပိုးကူညီမှုများပြုလုပ်မည်

‎၄။‎ ‌‌‌‌‌‌‌‌‌‎သမ္မတနှင့်ဇနီးအားအမေရိကန်ဖမ်းဆီးပြီးနောက် ဗင်နီဇွဲလားအစိုးရပြန်လည်ဖွဲစည်းရေးများအရှိန်မြှင့်လုပ်ဆောင်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 08 January 2025

▪️ မြန်မာနိုင်ငံတော် ဗဟိုဘဏ်က ပို့ကုန်တင်ပို့ခြင်းမှရရှိသည့် ပို့ကုန်ရငွေပမာဏ၏ (၂၅) ရာခိုင်နှုန်းအစား (၁၅)ရာခိုင်နှုန်းကိုသာ မြန်မာကျပ်ငွေဖြင့် လဲလှယ်ဆောင်ရွက်ရန် ဇန်နဝါရီ (၇) ရက်နေ့တွင် ထုတ်ပြန်လိုက်ကြောင်းသိရသည်။

▪️ ယခင်ကပြည်ပနိုင်ငံများသို့ ကုန်ပစ္စည်းများတင်ပို့ရာမှရရှိသည့် နိုင်ငံခြား ပို့ကုန်ရငွေအပေါ်တွင် မြန်မာနိုင်ငံတော် ဗဟိုဘဏ်၏ အမိန့်ကြော်ငြာစာအမှတ် ၁၂/၂၀၂၂ ညွှန်ကြားချက်ဖြင့် ၂၀၂၄ ခုနှစ် သြဂုတ်လ (၇)ရက် ရက်စွဲပါ အမိန့်ကြော်ငြာစာ အမှတ် ၃၇/၂၀၂၄ ဖြင့်(၂၅/၇၅) အချိုးကို မြန်မာကျပ်ငွေဖြင့်လဲလှယ်ရမည် ဖြစ်ကြောင်း သတ်မှတ်ခဲ့ရာမှ ဇန်နဝါရီ (၇) ရက်နေ့မှ စတင်ကာ (၁၅/၈၅) အဖြစ် အသစ်ပြန်လည်ပြင်ဆင်ထုတ်ပြန်ခဲ့ခြင်း ဖြစ်သည်။

▪️ ထို့ကြောင့်ပို့ကုန်တင်ပို့သူများအနေဖြင့် ပို့ကုန်ရငွေများကို (၂၅) ရာခိုင်နှုန်းအစား (၁၅)ရာခိုင်နှုန်းကိုသာ မြန်မာကျပ်ငွေဖြင့် လဲလှယ်ဆောင်ရွက်နိုင်တော့မည်ဖြစ်ကြောင်းသိရသည်။

#YMG/NN #Yangon_Times

#Local_News
Published 08 January 2025

▪️ ရန်ကုန်- မော်လမြိုင် လမ်းမကြီး၌ Probox ယာဉ်(၁)စီးသည် လမ်းဘေးတွင်ရပ်ထားသော (၂၂)ဘီးကုန်သည်ယာဉ်အား ဝင်ရောက်တိုက်မိရာ သုံးဦး‌ေ-သဆုံး တစ်ဦးဒဏ်ရာပြင်းထန်ခဲ့ကြောင်းသိရသည်။

▪️ ဇန်နဝါရီ ၇ ရက်နေ့၊ည ၁၁နာရီ ၈ မိနစ်အချိန်ခန့်က ပဲခူးတိုင်းဒေသကြီး၊ ပဲခူးခရိုင်၊ ဝေါမြို့နယ်၊ ရန်ကုန်- မော်လမြိုင် လမ်းမကြီး၊ မိုင်တိုင်အမှတ် (၆/၄) ဖာလုံတွင် Probox ယာဉ်(၁)စီးသည် လမ်းဘေးတွင်ရပ်ထားသော (၂၂)ဘီးကုန်သည်ယာဉ်အား ဝင်ရောက်တိုက်မိမှုဖြစ်ပွားခဲ့ကြောင်းသိရသည်။

▪️ အဆိုပါ သတင်းရရှိသဖြင့် ဝေါမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ရာ
ယင်းဖြစ်စဉ်ကြောင့် Probox ယာဉ်ပေါ်ပါ ကျား(၂)ဦး၊ မ(၂)ဦး စုစုပေါင်း(၄)ဦးအနက် ကျား(၂)ဦး(‌ေ-သဆုံး)၊ မ(၁)ဦး (ေ-သဆုံး)၊ မ(၁)ဦး ထိခိုက်ဒဏ်ရာ (စိုးရိမ်ရ) တို့အား ဝေါပရဟိတ လူမှုကူညီရေးအသင်းမှ သူနာတင်ယာဉ်ဖြင့် ဝေါမြို့နယ်ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်းသိရသည်။

#YMG/NN #Yangon_Times