ကိုဗစ်-၁၉ ရန်ပုံငွေကနေ ချေးငွေရယူထားပြီး ပြန်လည်ပေးဆပ်ခြင်းမရှိတဲ့ ကုမ္ပဏီလေးရာကျော်ရဲ့ အမည်စာရင်းကို ထုတ်ပြန်ကြေညာသွားမယ်လို့ ကိုဗစ်-၁၉ ကြောင့် ဖြစ်ပေါ်လာနိုင်သည့် စီးပွားရေးသက်ရောက်မှုများအပေါ် ကုစားရေးလုပ်ငန်းကော်မတီက ထုတ်ပြန်ထားပါတယ်။
#Local_News
Published  25 February 2025
#ချေးငွေပြန်မဆပ်သည့်ကုမ္ပဏီ #လေးရာကျော်စာရင်းထုတ်ပြန်
#YMG/SW #Yangon_Times

#Local_News
Published 25 February 2025

▪️ မြန်မာနိုင်ငံရှိ တက္ကသိုလ်များနှင့် ချုံချင့် တက္ကသိုလ်တို့အကြားပညာရေးကဏ္ဍပူးပေါင်းဆောင်ရွက်မှုများ မြှင့်တင်ဆောင်ရွက်ရေးကိစ္စရပ် များကိုယခုလ၂၄ရက်က မြန်မာကောင်စစ်ဝန်ချုပ်ရုံး၊ ချုံချင့်မြို့မှ ကောင်စစ်ဝန်ချုပ် ဦးကျော်ဇေယျာလင်းနှင့်ချုံချင့်မြူနီစီပယ်မြို့ရှိ ချုံချင့်တက္ကသိုလ်(Chongqing University) မှ ဒုတိယပါမောက္ခချုပ် Mr. Jun Yangတို့ တွေ့ဆုံဆွေးနွေးခဲ့ကြောင်း သိရသည်။

▪️ ထိုသို့တွေ့ဆုံစဉ် မြန်မာနိုင်ငံရှိ တက္ကသိုလ်များနှင့် ချုံချင့်တက္ကသိုလ်တို့အကြား သုတေ သနလုပ်ငန်းများ ပူးပေါင်းလုပ်ဆောင်နိုင်ရေးကိစ္စရပ်များ၊ နှစ်ဖက်တက္ကသိုလ်များအကြား ဆရာ/ဆရာမများနှင့် ကျောင်းသား/ ကျောင်းသူများ အပြန်အလှန်ဖလှယ်ရေးကိစ္စရပ်များ၊ ချုံချင့် တက္ကသိုလ်မှ ပညာသင်ဆုပေးအပ်နေမှုများနှင့် ပညာရေးကဏ္ဍအောက်မှ အခြားပူးပေါင်း ဆောင်ရွက်မှုများ တိုးမြှင့်လုပ်ဆောင်ရေးကိစ္စရပ်များကို အမြင်ချင်းဖလှယ် ဆွေးနွေးခဲ့ကြကြောင်း သိရသည်။

#YMG/SW #Yangon_Times

စက်သုံးဆီလုပ်ငန်းရှင်‌အတွက်အတွက် အမေရိကန် ဒေါ်လာ၂၃သန်းနဲ့ ထိုင်းဘတ်သန်း၁၅၀ရောင်းချပေးသွားမယ်လို့ မြန်မာနိုင်ငံတော်ဗဟိုဘဏ်က ထုတ်ပြန်ထားပါတယ်။
#Local_News
Published  25 February 2025
#စက်သုံးဆီလုပ်ငန်းရှင်များ #မြန်မာနိုင်ငံတော်ဗဟိုဘဏ်
#YMG/SW #Yangon_Times

နေရာဒေသအနှံအပြားမှာ ခရမ်းချဉ်သီးထွက်ရှိနေချိန်ဖြစ်တာကြောင့် ရှမ်းဒေသက ထွက်ခရမ်းချဉ်သီးတွေကို ဝယ်လိုအားမရှိဘဲ ဈေးနှုန်းတွေထိုးကျ‌နေပြီး စိုက်ပျိုးသူတောင်သူတွေ အရှုံးပေါ်နေတယ်လို့ စိုက်ပျိုးရောင်းချသူတွေဆီက သိရပါတယ်။
#Local_News
Published  25 February 2025
#ခရမ်းချဉ်သီးဈေးကျ #တောင်သူများအရှုံးပေါ်
#YMG/NN #Yangon_Times

ကမ္ဘာ့ရှေးဟောင်းယဉ်ကျေးမှုနယ်မြေဖြစ်တဲ့ ပုဂံမြို့မှာ မဲခေါင်ဒေသတွင်း ပန်းချီပညာရှင်တွေ ပြည်တွင်းက ပညာရှင်တွေ  Outdoor Painting ရေးဆွဲနေတယ်လို့ သာသနာရေးနှင့်ယဉ်ကျေးမှုဝန်ကြီးဌာနက သိရပါတယ်။
#Local_News
Published  25 February 2025
#မဲခေါင်ဒေသတွင်း #Outdoor Paintingရေးဆွဲ
#YMG/NN #Yangon_Times

#Local_News
Published 25 February 2025

▪️ ကိုယ်ဝန်ဆောင်မိခင်များနှင့် ၎င်းတို့မှ မွေးဖွားလာ‌သော အသက် ၂ နှစ်အောက် ကလေးသူငယ်များကို ငွေကြေးထောက်ပံ့နိုင်ရေး စီစဉ်ဆောင်ရွက်နေ‌ကြောင်း နစက ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်းက ဖေဖော်ဝါရီ ၂၄ ရက်က ကျင်းပသည့် လူမှုကာကွယ်စောင့်ရှောက်ရေးဆိုင်ရာ အမျိုးသားကော်မတီ အစည်းအဝေး၌ပြောကြားခဲ့သည်။

▪️ ၂၀၂၄-၂၀၂၅ ဘဏ္ဍာနှစ်မှစ၍အသက် (၈၅) နှစ်နှင့် အထက် သက်ကြီးပုဂ္ဂိုလ်များကို ထောက်ပံ့သည့် လူမှုရေးပင်စင်နှင့်ကိုယ်ဝန်ဆောင်မိခင်များနှင့်၎င်းတို့မှ မွေးဖွားလာသည့် အသက် ၂ နှစ်အောက် ကလေးသူငယ်များကို ငွေကြေးထောက်ပံ့သည့် အစီအစဉ်များက အကျိုးခံစားခွင့် ရရှိသူများကိုလူမှုကာကွယ်စောင့်ရှောက်ရေးဆိုင်ရာ ငွေကြေးအထောက်အပံ့ပေးရေး အစီအစဉ်မှ တဆင့်ထောက်ပံ့ပေးသွားမည်ဖြစ်ကြောင်း သိရသည်။

▪️ အသက် ၂ နှစ်အောက် ကလေးငယ်များကို ထောက်ပံ့နိုင်ရေး စီစဉ်ဆောင်ရွက်ရာတွင် ကလေးငယ်အားလုံး တစ်ဦးတစ်ယောက်မျှ မကျန်ခဲ့စေရေး  ဆောင်ရွက်သွားမည်ဖြစ်ပြီးမြန်မာ့စီးပွားရေးဘဏ်ခွဲများမှ တစ်ဆင့် ထောက်ပံ့နိုင်ရေး စီစဉ်ဆောင်ရွက်နေကြောင်း သိရသည်။

#YMG/SW #Yangon_Times

#World_News
Published 25 February 2025

▪️ အမေရိကန်သမ္မတ ဒေါ်နယ်ထရမ့်က ယူကရိန်း-ရုရှားစစ်ပွဲ ငြိမ်းချမ်းရေးရရှိရန် ကြားဝင်စေ့စပ်ဖို့ ကြိုးပမ်းနေတဲ့အချိန်မှာ ကုလသမဂ္ဂလုံခြုံရေးကောင်စီက အမေရိကန်မူကြမ်းရေးဆွဲထားတဲ့ ပဋိပက္ခဖြေရှင်းချက်အတိုင်း ကျင့်သုံးဖို့ တနင်္လာနေ့က အတည်ပြုဆုံးဖြတ်လိုက်ပြီး ၃ နှစ်ပြည့်မြောက်လာပြီဖြစ်တဲ့ စစ်ပွဲပဋိပက္ခမှာ ကြားနေအဖြစ် ရပ်တည်သွားမှာ ဖြစ်ပါတယ်။

▪️ အဆိုပါ ဆုံးဖြတ်ချက်ဟာ ပြီးခဲ့တဲ့လ ထရမ့်သမ္မတတာဝန်ယူပြီးချိန်ကစလို့ ယူကရိန်းအပေါ်ထားတဲ့ အမေရိကန်မူဝါဒ ပြောင်းလဲလာပုံနဲ့ ရုရှားဘက်ကို ပြေရာပြေကြောင်းပေးလိုတဲ့ သဘောထားကို ဖော်ပြနေပါတယ်။

▪️ သမ္မတဟောင်း ဂျိုးဘိုင်ဒင်လက်ထက်ကတော့ အမေရိကန်ကဦးဆောင်ပြီး ကုလသမဂ္ဂကနေ ယူကရိန်းကို ထောက်ခံခဲ့တာ ဖြစ်ပါတယ်။

▪️ အမေရိကန်ရဲ့ ရပ်တည်ချက် ပြောင်းလဲလာပုံကို ကုလသမဂ္ဂဆိုင်ရာ ရုရှားသံအမတ် ဗက်ဆလီနီဘင်ဇီယာက အသိအမှတ်ပြုလိုက်ပြီး ကောင်စီရဲ့ဆုံးဖြတ်ချက် အကောင်းကြီး မဟုတ်ပေမယ့် အနာဂတ်မှာ ငြိမ်းချမ်းရေးရရှိဖို့အတွက် စမှတ်ဖြစ်လာနိုင်တယ်လို့ ပြောပါတယ်။

▪️ ရုရှားနိုင်ငံက ဗီတိုအာဏာကိုင်ထားတာကြောင့် အဖွဲ့ဝင် ၁၅ နိုင်ငံပါတဲ့ ကုလလုံခြုံရေးကောင်စီဟာ စစ်ပွဲတလျှောက် ဘာမှမလုပ်နိုင်ဘဲ ဖြစ်နေခဲ့ပါတယ်။

▪️ ဒါပေမဲ့ ၁၉၃ နိုင်ငံပါဝင်တဲ့ အထွေထွေညီလာခံမှာတော့ ယူကရိန်း အချုပ်အခြာအာဏာကို အကြိမ်ကြိမ်ထောက်ခံခဲ့ကြပြီး ကုလသမဂ္ဂပဋိဉာဉ်အတိုင်း တည်တံ့ခိုင်မြဲတဲ့ ငြိမ်းချမ်းရေးရဖို့ တောင်းဆိုခဲ့ကြပါတယ်။

▪️ ဖြေရှင်းဆုံးဖြတ်ချက်ထဲမှာ ပဋိပက္ခအတွင်း အသက်ဆုံးရှုံးသူများအတွက် ဝမ်းနည်းကြေကွဲကြောင်း ဖော်ပြထားကာ ကုလရဲ့ရည်ရွယ်ချက်က နိုင်ငံတကာ ငြိမ်းချမ်းရေးနဲ့ လုံခြုံရေး ထိန်းသိမ်းခြင်း၊ ငြိမ်းချမ်းစွာ ဖြေရှင်းခြင်းတို့ဖြစ်ပြီး ပဋိပက္ခ အမြန်ဆုံးအဆုံးသတ်ရေးနဲ့ ရေရှည်တည်မြဲတဲ့ ငြိမ်းချမ်းရေး ရရှိရန် တောင်းဆိုထားပါတယ်။

▪️ အမေရိကန်ရဲ့ မူကြမ်းဆုံးဖြတ်ချက်ဟာ ထောက်ခံမဲ ၁၀ မဲဖြင့် အတည်ပြုခဲ့တာဖြစ်ပြီး ပြင်သစ်၊ ဗြိတိန်၊ ဒိန်းမတ်၊ ဂရိ၊ ဆလိုဗေးနီးယားတို့က ကြားနေမဲ ပေးခဲ့ပါတယ်။

▪️ ထရမ့်ကြားဝင်စေ့စပ်တဲ့ ဖြစ်စဉ်မှာ ရုရှားကို အာရုံစိုက်နေခြင်းအပေါ် ယူကရိန်းနဲ့ ဥရောပမဟာမိတ်များအတွက် သတိမူစရာဖြစ်လာပြီး စစ်ပွဲအဆုံးသတ်ရေး ဆွေးနွေးမှုတွေမှာ ချန်လှပ်ခံခဲ့ရမှာကို စိုးရိမ်လာကြပါတယ်။

#Source: Reuters

#Local_News
Published 25 February 2025

▪️ ပဲခူးမြို့နယ်၊ အင်းတကော်မြို့အနီး၊ ပဲခူး-ရန်ကုန်ကားလမ်းမ၌ အိမ်စီးကားနှင့်တွဲကားတိုက်မိ၍ ရုပ်ရှင်နှင့်ဗီဒီယိုသရုပ်ဆောင် နှစ်ဦးအပါအဝင် စုစုပေါင်းလေးဦးဒဏ်ရာရရှိမှု ယမန်နေ့ ညနေပိုင်းက ဖြစ်ပွားခဲ့ကြောင်းသိရသည်။

▪️ ဖြစ်စဥ်မှာ ရန်ကုန်တိုင်းဒေသကြီး၊ စမ်းချောင်းမြို့နယ်နေယာဥ်မောင်း ကိုစိုင်းသီဟန်မောင်းနှင်ပြီး ယာဥ်ရှေ့ခန်းတွင် ဓာတ်ပုံဆရာကိုအောင်သူအောင်၊ ယာဥ်နောက်ခန်းတွင် ရုပ်ရှင်နှင့် ဗွီဒီယိုသရုပ်ဆောင်မေတ္တာမြင့်မြတ်ဟိန်းနှင့် မေမြတ်နိုးခင်တို့ စီးနင်းလိုက်ပါလာသည့် မော်တော်ယာဥ်အမှတ် MDY-12/9E-8717 TOYOTA MARK II အမျိုးအစားယာဥ်သည် ဖေဖော်ဝါရီ၂၄ရက် ညနေ၅နာရီကျော်အချိန်ခန့်က ပဲခူး-ရန်ကုန်ကားလမ်းအတိုင်း ပဲခူးဘက်မှ ရန်ကုန်ဘက်သို့မောင်းနင်လာစဥ် အင်းတကော်မြို့၊ အမှတ်(၆)ရပ်ကွက် မိုင်တိုင်(၁၆/၁)နှင့်(၁၆/၂)အကြားအရောက်တွင် လမ်းဖြတ်ကူးသူ အမျိုးသားတစ်ဦးအားတိမ်းရှောင်ရာမှ ယာဥ်မှာလမ်း၏ယာဘက်ခြမ်းသို့ရောက်ရှိသွားခဲ့ပြီး လမ်းဘေးတွင်စုံမီးဖွင့်၍ရပ်ထာသော ခြောက်မူးသံလုံးများတင်ဆောင်ထားသည့် FORTON အမျိုးအစားအဖြူရောင်တွဲကားယာဥ်အား နောက်မှဝင်ရောက်တိုက်မိခဲ့ခြင်းဖြစ်ကြောင်း သိရသည်။

▪️ အဆိုပါ ယာဥ်တိုက်မှုကြောင့် ယာဥ်မောင်း ကိုစိုင်းသီဟန်တွင် ညာလက်မောင်းပေါက်ပြဲဒဏ်ရာ၊ ညာခြေထောက်ကျိုးဒဏ်ရာ၊ ကိုအောင်သူအောင်တွင် ဝဲဘက်လည်ပင်ပွန်းခြစ်ဒဏ်ရာ၊ ရင်ညွှန့်အောက်ဒဏ်ရာ၊ သရုပ်ဆောင် မေတ္တာမြင့်မြတ်ဟိန်းတွင် ခါးပွန်းပဲ့ဒဏ်ရာ၊ တင်ပါးပွန်းခြစ်ဒဏ်ရာ၊ သရုပ်ဆောင် မေမြတ်နိုးခင်တွင် နှာခေါင်းသွေးထွက်၊ ဝဲဘက်လက်မောင်းကျိုးဒဏ်ရာ၊ ဝဲ/ယာခြေမပွန်းခြစ်ဒဏ်ရာများ အသီးသီးရရှိခဲ့ကြသဖြင့် ပဲခူးမြို့ ခုတင်(၅၀၀)အထွေထွေရောဂါကု ပြည်သူ့ ဆေးရုံကြီးသို့ ပို့ဆောင်ကာဆေးကုသမှုခံယူကြကြောင်း သိရသည်။

▪️ ထို့ကြောင့် ယာဥ်အားမဆင်မခြင်မောင်းနင်းသူ စိုင်းသီဟန်ကို ဥပဒေအရအရေးယူနိုင်ရန် အင်းတကော်ရဲတပ်ဖွဲ့စခန်း၌ အမှုဖွင့် လှစ်ဆောင်ရွက်ထားရှိကြောင်း သိရသည်။

#YMG/NN #Yangon_Times

#Local_News
Published 25 February 2025

▪️ တက္ကသိုလ်ဝင်စာမေးပွဲ ဝင်ရောက်ဖြေဆိုမည့်ကျောင်းသူ၊ကျောင်းသားများအနေဖြင့် ဖြေဆိုခွင့်ကတ်ပြားများကို ယခု လာမည့်  ဖေဖော်ဝါရီ ၂၇ ရက်မှစတင်၍ သက်ဆိုင်ရာ စာသင်ကျောင်းအသီးသီး၌ ထုတ်ယူနိုင်ကြောင်း မြန်မာနိုင်ငံစာစစ်ဦးစီးဌာနက အသိပေးထားသည်။

▪️ ပညာရေးဝန်ကြီးဌာန၊ မြန်မာနိုင်ငံစာစစ်ဦးစီးဌာ နမှကျင်းပမည့် တက္ကသိုလ်ဝင် တန်းစာမေးပွဲကို မတ် ၁၇ ရက်မှ ၂၂ ရက်အထိ တစ်နိုင်ငံလုံးအ တိုင်းအတာဖြင့် ကျင်းပသွားမည်ဖြစ်သည်။

▪️ ထို့ကြောင့် ကျောင်းသား၊ကျောင်းသူများအနေဖြင့် မိမိတို့၏ ဓာတ်ပုံကပ်ထားသည့် ခုံအမှတ်စဥ်ပါသော တက္ကသိုလ်ဝင်စာမေးပွဲဖြေဆိုခွင့်ကတ်ပြားများအား ယခုအပတ် ဖေဖော်ဝါရီ၂၇မှ စတင်၍ သက်ဆိုင်ရာ စာသင်ကျောင်းအသီးသီး၌ ထုတ်ယူနိုင်ပြီဖြစ်ကြောင်း သိရသည်။

▪️ ထို့အတူ အခြေခံပညာအထက်တန်းကျောင်း၊ (ကျောင်းခွဲ)၊ (တွဲဖက်)အခြေခံပညာအထက်တန်းကျောင်း၊ ကိုယ်ပိုင်အထက်တန်းကျောင်းမှ ကျောင်းသား၊ ကျောင်းသူများသည် မိမိတို့၏ စာမေးပွဲဖြေဆိုခွင့်ကတ်ပြားများကို မိမိတို့ ကျောင်းအုပ်ကြီးများထံတွင် ထုတ်ယူရမည်ဖြစ်ကြောင်း၊ ပြင်ပမှဖြေဆိုသူများသည် စာမေးပွဲဖြေဆိုခွင့်ကတ်ပြားများအား မိမိတို့ဖြေဆိုရမည့် စာစစ်ဌာန၊ ကြီးကြပ်ရေးမှူးများထံမှ ထုတ်ယူရမည် ဖြစ်သည်။

▪️ အဆိုပါ  တက္ကသိုလ်ဝင်စာမေးပွဲဖြေဆိုခွင့်ကတ် ပြားများထုတ်ယူရာ၌ အခက်အခဲများရှိပါက သက်ဆိုင်ရာ ကျောင်းအုပ်ကြီးများ၊ ကြီးကြပ်ရေးမှူးများ၊ မြို့နယ်ပညာရေးမှူးများနှင့် မြန်မာ နိုင်ငံစစ်ဦးစီးဌာနထံ တိုက်ရိုက်စုံစမ်းမေးမြန်းနိုင် ကြောင်းလည်း သိရသည်။

#YMG/NN #Yangon_Times

#World_Science
Published 25 February 2025

▪️ သုတေသီတွေက ပစိဖိတ်သမုဒ္ဒရာ အောက်ခြေကြမ်းပြင်မှာ ရေဒီယိုသတ္တိကြွအိုင်ဆိုတုပ် ဘယ်ရီလီယံ-၁၀ကို မမျှော်လင့်ဘဲ တွေ့ရှိခဲ့ကြပါတယ်။

▪️ ဒါဟာ ဘူမိဗေဒ သက်တမ်းတွက်ချက်မှုတွေမှာ အမှတ်အသားသစ်တစ်ခု ဖြစ်လာနိုင်ဖွယ် ရှိပါတယ်။

▪️ ဘယ်ရီလီယံ-၁၀က ရှားပါးတဲ့ ရေဒီယိုသတ္တိကြွအိုင်ဆိုတုပ်ဖြစ်ကာ နိုက်ထရိုဂျင်နဲ့ အောက်ဆီဂျင် ပြန့်ကျဲနေတဲ့ အာကာသဓာတ်ရောင်ခြည်ကနေ ကမ္ဘာ့လေထုမှာ အဓိကဖြစ်ပေါ်ပြီး ကမ္ဘာ့ဘူမိဗေဒသမိုင်းမှာ အရေးပါတဲ့ အချက်အလက်တွေ ရလာနိုင်ပါတယ်။

▪️ အိုင်ဆိုတုပ်တွေ စုပြုံလာတာဟာ အာကာသရောင်ခြည် နှောင့်ယှက်မှုကြောင့်လို့ သုတေသီများ ဖော်ပြခဲ့ကြပါတယ်။

▪️ ဒါတွေက လွန်ခဲ့တဲ့ နှစ်ပေါင်း ၁၀ သန်းခန့်ကဖြစ်နိုင်ကာ ရှေးခေတ် ကမ္ဘာအနီး စူးရှတဲ့ကြယ်ကြောင့် ဖြစ်နိုင်ပါတယ်။

▪️ ကာဗွန်ဟာ သက်တမ်း ၅,၇၀၀ နှစ်ရှိပြီး နှစ်ပေါင်း ၅ သောင်းကျော်ရင် အိုင်ဆိုတုပ်တွေ ရှာလို့မရတော့ပါဘူး။

▪️ ဘယ်ရီလီယံ-၁၀လိုမျိုး အိုင်ဆိုတုပ်တွေကတော့ သက်တမ်း ၁.၄ သန်းနှစ်ရှိတာကြောင့် ဆန်းစစ်သုံးသပ်လို့ ရနိုင်ပါတယ်။

▪️ ဒါပေမဲ့ ရေဒီယိုကာဗွန်နည်းလမ်းကတော့ နှစ်ပေါင်း ၅ သောင်းကျော်ရင် လေ့လာရာမှာ အကန့်အသတ် ရှိလာတယ်လို့ HZDR ဆရာဝန် ဒေါက်တာ ဒိုမီနစ်ကိုးလ်က ပြောထားပါတယ်။

▪️ ဒီထက်သက်တမ်းရင့်တဲ့ နမူနာတွေကို လေ့လာဖို့က ကော့စ်မိုဂျင်းနစ် ဘယ်ရီလီယံ-၁၀လိုမျိုး အိုင်ဆိုတုပ်တွေ လိုအပ်ကြောင်း ထည့်သွင်းပြောသွားပါတယ်။

#Source: WION

#World_Health
Published 25 February 2025

▪️ အပင်အခြေပြု စားစရာတွေက ကျန်းမာခြင်းနဲ့ အသက်ရှည်ခြင်းတို့ကို မြှင့်တင်ပေးနိုင်မယ်လို့ ဒေါက်တာ လူဂျီဖွန်တာနာက အကြံပြုထားပါတယ်။

▪️ အသက်ရှည်ကျန်းမာအောင် နေထိုင်ခြင်းက ခန္ဓာကိုယ်ကို သင့်လျော်တဲ့ အာဟာရဓာတ်များဖြင့် ဖြည့်တင်းပေးပြီး ဆဲလ်ပြုပြင်ခြင်းနဲ့ အူလမ်းကြောင်းကျန်းမာရေးကို လှုံ့ဆော်ပေးတယ်လို့ ဆစ်ဒနီတက္ကသိုလ်မှ ဖွန်တာနာက ဆိုပါတယ်။

▪️ အပင်အခြေပြုအစာများကို တစ်ပတ် ၂ ကြိမ်ကနေ စတင်စားသုံးကြည့်ပြီး ၅ ကြိမ်အထိ တိုးမြှင့်သွားနိုင်တယ်လို့ အကြံပြုထားပါတယ်။

▪️ မှန်ကန်သင့်လျော်စွာ ရွေးချယ်စားသုံးပါက အိုမင်းရင့်ရော်ခြင်းနဲ့ ရောင်ရမ်းမှုကို နှောင့်နှေးစေပြီး ဇီဝကမ္မဖြစ်စဉ်တွေ အားကောင်းစေကြောင်း၊ အပင်အခြေပြု စားစရာများ မလုံလောက်ပါက အူလမ်းကြောင်း အကျိုးပြုဘက်တီးရီးယားများ သေဆုံးစေပြီး ကိုယ်ခံအားစနစ် အားနည်းလာနိုင်ပါတယ်။

▪️ ဘက်စုံအာဟာရရှိတဲ့ စားစရာတွေထဲမှာ အသားဆိုတာထက် များစွာပတ်သက်နေပြီး လူတွေက အသားမစားဘဲနေပေမယ့် အဆင့်ဆင့်ထုတ်လုပ်ထားတဲ့ စားစရာတွေ ဆက်စားနေတာကြောင့် လေဖြတ်ခြင်း၊ ဒီမန်ရှာ၊ အရွယ်မတိုင်ခင် သေဆုံးခြင်းတို့ ဖြစ်နိုင်ခြေများလာတယ်လို့ ပြောပါတယ်။

▪️ လေ့လာချက်တစ်ခုမှာဆိုရင် အပင်အခြေပြု အဆင့်ဆင့်ထုတ်လုပ်ထားတဲ့ စားစရာများကနေ ကယ်လိုရီ ၁၀ ရာခိုင်နှုန်း ပိုစားမိတိုင်းမှာ နှလုံးသွေးကြောပြဿနာတွေကြောင့် သေဆုံးနိုင်ခြေ ၁၂ ရာခိုင်နှုန်းနဲ့ နှလုံးရောဂါ ဖြစ်နိုင်ခြေ ၅ ရာခိုင်နှုန်း ပိုများလာတယ်လို့ တွေ့ရှိထားပါတယ်။

▪️ ရိုးရိုးရှင်းရှင်း အပင်အခြေပြုစားစရာများသာ အဓိကစားသုံးသူတွေကတော့ နှလုံးသွေးကြောရောဂါနဲ့ အသက်သေဆုံးနိုင်ခြေ လျော့ကျတာ တွေ့ခဲ့ကြပါတယ်။

▪️ အပင်အခြေပြုပြီး အမျှင်ဓာတ်ကြွယ်ဝတဲ့ စားစရာတွေထဲမှာ အဓိကအမျိုးအစား ၆ ခုက ဆန်ညို၊ ဂျုံ၊ မုယောစပါး၊ ပဲတောင့်၊ ကုလားပဲ၊ ပဲနီလေးတို့ ဖြစ်ပါတယ်။

▪️ ဒါတွေစားသုံးခြင်းဖြင့် ဆီးချို၊ နှလုံးရောဂါတို့ ဖြစ်နိုင်ခြေ လျော့နည်းစေတဲ့အပြင် အမျှင်ဓာတ်၊ ပရိုတိန်း၊ ဓာတ်တိုးဆန့်ကျင်ပစ္စည်းများ ထောက်ပံ့ပေးနိုင်တာကြောင့် နှလုံး၊ အစာခြေစနစ်နဲ့ အရိုးကျန်းမာရေးတို့ကို ကူညီပေးပါတယ်။

▪️ ဒါ့အပြင် အခွံမာသီးများ၊ အစေ့အဆံများ၊ သံလွင်ဆီလိုမျိုး ကျန်းမာရေးနဲ့ ညီညွတ်တဲ့အဆီများ၊ အသီးအနှံများ၊ ဟင်းရွက်များကိုလည်း စားသုံးခြင်းဖြင့် ဘက်စုံကျန်းမာရေးကို ထောက်ကူပေးမှာ ဖြစ်ပါတယ်။

#Source: New York Post

တရုတ်နိုင်ငံထုတ် Animationဇာတ်ကား "Ne Zha 2"ဟာ အမေရိကန်ရုပ်ရှင်ရုံတွေမှာ ပထမအပတ် စတင်ပြသနေပြီး အမေရိကန်ဈေးကွက်မှာ ပရိသတ်အားပေးမှု ထင်ထင်ရှားရှား ရရှိလာပါတယ်။
#World_Entertainment
Published 24 February 2025
#'Ne_Zha 2' #ပရိသတ်အားပေးမှုထင်ထင်ရှားရှားရှိလာ
#YMG #Yangon_Times #Yangon_Media_Group