နဂါးကိုးကောင်စေတီတော်အား ပရိတ်ချည်မျှင်ဖြင့်ထီးတော်တင်လှူပွဲ ၊ကထိန်ပွဲ နဲ့ စေတီတော်ဌာပနာပိတ်ပွဲတွေကို ရန်ကုန်_မန္တလေး အမြန်လမ်း ၉၈မိုင်ရှိ နဂါးညီနောင်ကျောင်းတိုက်မှာ ကောဇာသက္ကရာဇ် ၁၃၈၇ ခုနှစ် တန်ဆောင်မုန်းလပြည့်နေ့မှာပြုလုပ်ခဲ့တယ်လို့ သိရပါတယ်။

#Local_News
Published 06 November 2025
#နဂါးကိုးကောင်စေတီတော် #တန်ဆောင်မုန်းလပြည့်နေ့
#YMG/NN #Yangon_Times

#Daily_News

Published 06 November 2025

၁။‌ ‎‎‎နဂါးညီနောင်ကျောင်းတိုက်၌ ပရိတ်ချည်မျှင်ဖြင့်ထီးတော်တင်လှူပွဲ ၊ဌာပနာပိတ်ပွဲနှင့်ကထိန်ပွဲများပြုလုပ်
‎
၂။ ‌‌‌‌‌‎မွေးမြူရေးထွက်ကုန်အေးခဲသားများ ပြည်ပသို့တိုက်ရိုက်တင်ပို့နိုင်ရေး ချိတ်ဆက်ညှိနှိုင်းဆောင်ရွက်နေ
‎
‎‎၃။‌‎‎ ‎‎‎‎တိုင်ဖွန်းမုန်တိုင်းမှ ပြတ်ထွက်လာသော တိမ်တိုက်များကြောင့်  ဒေသအလိုက်နေရာကွက်၍ မိုးကြီးနိုင်
‎
‎၄။‎ ‎‎‎‎ဗြိတိန်ရထားပေါ်၌ဓားထိုးမှုဖြစ်ပွားသဖြင့် အများပြည်သူဘေးကင်းလုံခြုံရေးစိုးရိမ်စရာမြင့်တက်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 06 November 2025

▪️ ဖက်ဒရယ်အစိုးရယန္ထယားများ ရပ်တန့်နေမှု အဆုံးသတ်ဖို့ သဘောတူညီမှုမရပါက သောကြာနေ့ကစပြီး အမေရိကန် အဓိကလေဆိပ်ကြီး ၄၀ မှာ ခရီးစဉ် ၁၀ ရာခိုင်နှုန်း လျှော့ချသွားဖို့ အမေရိကန် ပို့ဆောင်ဆက်သွယ်ရေးဝန်ကြီး ရှောင်ဒပ်ဖီက ဗုဒ္ဓဟူးနေ့မှာပြောပါတယ်။

▪️ ရပ်တန့်နေမှုက အခုဆိုရင် ၃၆ ရက်မြောက်နေ့ ရောက်လာကာ အမေရိကန်သမိုင်းမှာ အကြာရှည်ဆုံးဖြစ်လာပြီး လေကြောင်းထိန်းချုပ်ရေးမှူး ၁၃,၀၀၀ နဲ့ ပို့ဆောင်မှုလုံခြုံရေးစီမံအေးဂျင့် ၅၀,၀၀၀ ခန့်ဟာ လုပ်အားခမရဘဲ အလုပ်လုပ်နေရပါတယ်။

▪️ ဒါကြောင့် ဝန်ထမ်းအင်အားနည်းပါးမှု ပိုမိုဆိုးရွားလာကာ လေကြောင်းခရီးစဉ်နောက်ကျခြင်း၊ လေဆိပ်လုံခြုံရေးစစ်ဆေးဂိတ်တွေမှာ လူတန်းစီများလာခြင်းတို့ ဖြစ်လာစေပါတယ်။

▪️ အစိုးရက လေဆိပ် ၄၀ ကို အမည်မဖော်ပြသွားပေမယ့် နယူးယော့ခ်စီးတီး၊ ဝါရှင်တန်ဒီစီ၊ ချီကာဂို၊ အတ္တလန်တာ၊ လော့စ်အိန်ဂျလိစ်နဲ့ ဒဲလက်စ်အပါအဝင် အသွားအလာအများဆုံး လေဆိပ် ၃၀ ပါဝင်နိုင်ပါတယ်။

▪️ ထိုကနေ ခရီးစဉ် ၁,၈၀၀ နဲ့ ထိုင်ခုံနေရာပေါင်း ၂၆၈,၀၀၀ ကျော် လျော့နည်းသွားနိုင်တယ်လို့ Cirium လေကြောင်းဆန်းစစ်ရေးက ခန့်မှန်းထားပါတယ်။

▪️ လေကြောင်းပြဿနာတွေ ထပ်ပြီးထွက်ပေါ်ပါက သောကြာနေ့နောက်ပိုင်း ပျံသန်းရေးထိန်းချုပ်ကန့်သတ်ချက်တွေ ပိုပြီးချမှတ်သွားနိုင်တယ်လို့လည်း အမေရိကန်ဖက်ဒရယ်လေကြောင်းစီမံကွပ်ကဲရေးက သတိပေးထားပါတယ်။

▪️ အမေရိကန်လေယာဉ်ကုမ္ပဏီတွေကို ကိုယ်စားပြုတဲ့ Airlines for America အဖွဲ့က ယခုလိုလျှော့ချရခြင်း အသေးစိတ်တွေကို နားလည်ဖို့နဲ့ ခရီးသည်တွေ ကုန်တင်ပို့သူတွေကို အနည်းဆုံးသာသက်ရောက်စေဖို့ အစိုးရနဲ့အတူ လုပ်ဆောင်နေကြောင်း ပြောထားပါတယ်။

▪️ ဒီလိုရပ်တန့်နေရခြင်းက ရီပတ်ဘလစ်ကန်တွေနဲ့ ဒီမိုကရက်တွေကြား နိုင်ငံရေးသဘောထား ကွဲလွဲမှုတွေကနေ အခြေခံတာ ဖြစ်ပါတယ်။

▪️ ဒီလိုရပ်တန့်မှုတွေကြောင်း လေကြောင်းစတော့တွေ ၁ ရာခိုင်နှုန်းခန့် ကျဆင်းသွားကာ ခရီးသည်ပေါင်း ၃.၂ သန်းကျော် ခရီးစဉ်နှောင့်နှေးဖျက်သိမ်းထားရပါတယ်။

Source: Reuters

#World_Health
Published 06 November 2025

■ လူအများစုက အသက် ၅၅ နဲ့ ၆၀ ကြား အသက်အရွယ်တွေမှာ စိတ်ပိုင်းဆိုင်ရာ စွမ်းဆောင်ရည်အမြင့်ဆုံး ရောက်ရှိတယ်လို့ လေ့လာတွေ့ရှိထားပါတယ်။

■ ဆုံးဖြတ်ချက်ချခြင်း၊ ခေါင်း‌ဆောင်မှုပိုင်း၊ ပြဿနာဖြေရှင်းခြင်း အပိုင်းတို့မှာ ဒီအသက်အရွယ်က အမြင့်ဆုံးလို့ ယူဆထားကြပါတယ်။

■ ဒီအချက်အလက်တွေက ယာယီထက်စာရင် အချိန်နဲ့အမျှ ကိုက်ညီနေပြီး တကယ့်လက်တွေ့ဘဝ လုပ်ဆောင်ချက်တွေမှာ လွှမ်းမိုးမှုရှိနေပါတယ်။

■ တွေ့ရတဲ့ လက္ခဏာတွေထဲမှာ မှတ်ဉာဏ်အသိပညာ၊ စိတ်ပိုင်းဆိုင်ရာ ဉာဏ်ရည်၊ စဉ်းစားနိုင်စွမ်းအမြန်နှုန်းတို့အပြင် အခြားစရိုက်လက္ခဏာများလည်း ပါဝင်ပါတယ်။

■ စိတ်ပိုင်းဆိုင်ရာ လုပ်ဆောင်ချက်တွေကို တွက်ချက်ကြည့်တဲ့အခါ အသက် ၅၅ နှစ်နဲ့ ၆၀ နှစ်ကြား အမြင့်ဆုံးဖြစ်နေပြီး ၆၅ နှစ်ဝန်းကျင်မှာ ကျဆင်းလာတယ်လို့ တွေ့ရှိထားပါတယ်။

■ ဒါကြောင့် အချို့စီးပွားရေးလုပ်ငန်းတွေမှာ အသက် ၅၀ ၊ ၆၀ ဝန်းကျင်တွေက ရာထူးကြီးပိုင်းတွေမှာ ဦးဆောင်နေကြတာကို တွေ့ရတာညဖြစ်ပါတယ်။

■ ဒါတောင်မှ ထိုအသက်အရွယ်တွေမှာ ပင်စင်ယူရမယ့်အရွယ်၊ ခွဲခြားဆက်ဆံခံရမှုတွေ တွေ့ကြုံရပါသေးတယ်။

Source: The Jerusalem Post.

#World_Health
Published 06 November 2025

■ အသက်အရွယ် ကြီးလာတဲ့အခါ အမျိုးသားတွေက အမျိုးသမီးတွေထက် ဦးနှောက်ကျုံ့တာ ပိုမြန်တယ်လို့ သုတေသီတွေ တွေ့ရှိခဲ့ပါတယ်။

■ ၄၇၂၆ ဦးကို လေ့လာရာမှာ ဦးနှောက်တစ်ရှူး ဆုံးရှုံးမှုနဲ့ ပတ်သက်ပြီး ကွာခြားမှုရှိကာ အမျိုးသားတွေမှာ ဦးနှောက်အစိတ်အပိုင်းဆုံးရှုံးမှု ပိုများကြောင်း တွေ့ရှိခဲ့ကြပါတယ်။

■ အသက်ကြီးလာတာနဲ့အမျှ ဦးနှောက်က သဘာဝအတိုင်း ကျူံ့သွားကြကာ အယ်ဇိုင်းမားလူနာတွေက ပိုပြီးဆုံးရှုံးမှုများကြပါတယ်။

■ ဒါဟာ အမျိုးသမီးတွေက ဦးနှောက်ဆုံးရှုံးမှုအပိုင်းမှာ အမျိုးသားတွေထက် ပိုနှေးတဲ့သဘော ဖြစ်နေပါတယ်။

■ အမျိုးသမီးတွေရဲ့ ဦးနှောက်ကျဆင်းလေ အယ်ဇိုင်းမားဖြစ်နိုင်ခြေ ပိုများလေဖြစ်ကြောင်း တွေ့ရှိရပါတယ်။

■ သုတေသီတွေက အသက် ၁၇ နှစ်မှ ၃၅ နှစ်အတွင်း ဦးနှောက်ဓာတ်မှန်ပေါင်း ၁၂,၀၀၀ ကျော်ကို စစ်ဆေးခဲ့ကြပါတယ်။

■ ထိုအခါမှာ အမျိုးသားတွေရဲ့ ဦးနှောက်က ပိုပြီးကျဆင်းလွယ်တာ တွေ့ခဲ့ရပါတယ်။

■ အမျိုးသမီးတွေရဲ့ ဦးနှောက်တွေကတော့ ကျဆင်းမှုနှေးသလို သက်ရောက်တဲ့ ဦးနှောက်နေရာတွေ ပိုမိုနည်းပါးပါတယ်။

■ ကျားမကွဲပြားမှုအပေါ် မူတည်ပြီး ဦးနှောက်အိုမင်းခြင်း ကွဲပြားတယ်လို့ ယူဆထားပေမယ့် နောက်ထပ်သုတေသနတွေနဲ့ အတည်ပြုဖို့ လိုအပ်ပါသေးတယ်။

■ ဦးနှောက်ထုထည်၊ မျက်နှာပြင်တို့မှာ ကျားမကွဲပြားမှုအရ ကွဲပြားမှုရှိတာ တွေ့ခဲ့ကြပါတယ်။

■ ဦးနှောက်ကျုံ့ခြင်းက ဆိုးကျိုးဖြစ်နိုင်တယ်ဆိုပေမယ့် အချို့သော အကြောင်းအရာတွေမှာ အကျိုးဖြစ်စေနိုင်ပါသေးတယ်။

■ ဒီလိုတွေ တွေ့ရှိထားပေမယ့် အမျိုးသားတွေနဲ့ အမျိုးသမီးတွေကြား ဦးနှောက်ကျဆင်းခြင်း ကွဲပြားပြီး အမျိုးသမီးတွေရဲ့ ဦးနှောက်အိုမင်းလာခြင်းအပေါ် သုတေသနပြုလုပ်ဖို့ လိုအပ်နေပါသေးတယ်။

Source: NDTV.

တရုတ်နည်းပညာကုမ္ပဏီကြီး Tencent နဲ့ တရုတ်တောင်ပိုင်းရှိ ကွမ်ကျိုးဆေးတက္ကသိုလ် ပထမဦးဆုံးဆက်နွယ်ဆေးရုံတိုက တစ်မိနစ်အတွင်း မျိုးဗီဇပြောင်းလဲခြင်းကို ရှာဖွေတွေ့ရှိနိုင်မယ့် စွမ်းအားမြင့်ဉာဏ်ရည်တုပုံစံတစ်မျိုးကို ထုတ်လုပ်လိုက်ပြီး အဆုတ်ကင်ဆာ အစောပိုင်းရောဂါရှာဖွေခြင်းနဲ့ ကုသခြင်းတိုအတွက် အခွင့်အလမ်းများလာစေမှာ ဖြစ်ပါတယ်။

#World_News
Published 05 November 2025
#Tencent #ကွမ်ကျိုးဆေးတက္ကသိုလ်
#YMG #Yangon_Times #Yangon_Media_Group

ဆေးပေါင်းခပွဲကို တန်ဆောင်မုန်းလပြည့်နေ့မှာ ရန်ကုန်_မန္တလေး အမြန်လမ်း ၉၈မိုင်ရှိ နဂါးညီနောင်ကျောင်းတိုက်မှာ ပြုလုပ်ခဲ့တယ်လို့ သိရပါတယ်။

#Local_News
Published 05 November 2025
#ဆေးပေါင်းခပွဲတော် #တန်ဆောင်မုန်းလပြည့်နေ့
#YMG/NN #Yangon_Times

ယခုရက်ပိုင်းအတွင်း ကမ္ဘာ့ရွှေဈေးမှာတစ်‌အောင်စကို ဒေါ်လာ၄၀၀၀အောက်ကျဆင်းလာပြီး မြန်မာ့ရွှေဈေးလည်းလိုက်ကျလာတယ်လို့ ရွှေဈေးကွက်အတွင်းမှ စုံစမ်းသိရှိရပါတယ်။

#Local_News
Published 05 November 2025
#ရွှေ
#YMG/SW #Yangon_Times

ပြည်တွင်းမှထွက်ရှိတဲ့ ဒူးရင်းသီးတွေကို GACC မှာ မှတ်ပုံတင်ပြီး တရုတ်ဈေးကွက်သို ထိုးဖောက်သွားမယ်လို့ မြန်မာနိုင်ငံဒူးရင်းသီးစိုက်ပျိုးထုတ်လုပ်တင်ပို့ရောင်းချသူများအသင်းမှ သိရပါတယ်။

#Local_News
Published 05 November 2025
#ဒူးရင်းသီး #GACC
#YMG/SW #Yangon_Times

အားကောင်းသောလေဖိအားနည်းရပ်ဝန်းဟာ နောက်(၆) နာရီအတွင်း မြောက်ဘက်ကန အနောက်မြောက်ဘက်သို့ ရွေ့လျားနိုင်ပြီး ဘင်္ဂလားဒေ့ရှ်နိုင်ငံကမ်းရိုးတန်းဒေသများကို ဖြတ်ကျော်နိုင်တယ်လို့ မိုးဇလက ယနေ့ အသိပေးထုတ်ပြန်ထားပါတယ်။

#World_News
Published 05 November 2025
#ဘင်္ဂလားဒေ့ရှ်နိုင်ငံကမ်းရိုးတန်း
#YMG/NN #Yangon_Times

#Daily_News

Published 05 November 2025

၁။‌ ‎‎‎မြန်မာ့ဒူးရင်းသီးကို GACCတွင် မှတ်ပုံတင်ကာ တရုတ်ဈေးကွက်သို့ ထိုးဖောက်မည်
‎
၂။ ‌‌‌‌‌‎‎ကမ္ဘာ့ရွှေဈေးကျဆင်းလာပြီး မြန်မာ့ရွှေဈေးလည်းလိုက်ကျ
‎
‎‎၃။‌‎‎ ‎‎‎ဆေးပေါင်းခပွဲတော် တန်ဆောင်မုန်းလပြည့်နေ့၌ပြုလုပ်
‎
‎၄။‎ ‎‎‎Tencentနှင့်ကွမ်ကျိုးဆေးတက္ကသိုလ်တို့ပူးပေါင်းကာ အဆုတ်ကင်ဆာမျိုးဗီဇပြောင်းလဲမှုရှာဖွေရေးဉာဏ်ရည်တုစနစ်ထုတ်လုပ်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 05 November 2025

■ အမေရိကန် ကန်တက်ကီ လူဝီဗီလ်မှာ UPS ကုန်တင်လေယာဉ်တစ်စီး ပျက်ကျခဲ့ရာ အနည်းဆုံး ၃ ဦးသေဆုံးပြီး ၁၁ ဦး ဒဏ်ရာရခဲ့ပါတယ်။

■ လေယာဉ်ထွက်ခါနီး ခဏအကြာမှာပဲ ပျက်ကျခဲ့တာဖြစ်ကာ မီးတွေထွက်လာတယ်လို့ ကန်တက်ကီအုပ်ချုပ်ရေးမှူး အန်ဒီဘက်ရှီယာက အင်္ဂါနေ့မှာ ပြောသွားပါတယ်။

■ အချို့လူတွေ ဒဏ်ရာပြင်းထန်ပြီး မီးငြိမ်းသတ်နေစဉ်မှာ နောက်ထပ်ထိခိုက်သူတိုးလာနိုင်တယ်လို့ ဆိုပါတယ်။

■ WLKY ရုပ်သံမှ ပြသရာမှာ လေယာဉ်ထွက်ခွာရာမှာ တောင်ပံတစ်ဖက် မီးစွဲနေတာ မြင်ရပြီး မြေပြင်ကိုထိတဲ့အခါ မီးလုံးကြီးပေါက်ထွက်သွားခဲ့ပါတယ်။

■ ပျက်ကျပြီးနောက် လေယာဉ်ပြေးလမ်းအပေါ် စက်မှုနေရာမှာ အဆောက်အအုံ အများအပြား မီးစွဲခဲ့ပြီး မီးခိုးငွေ့တွေ ထွက်လာခဲ့ပါတယ်။

■ ပျက်ကျမှုမဖြစ်ခင် အင်ဂျင်သီးခြားထွက်သွားလားဆိုတာကို စစ်ဆေးရေးတွေ အဓိကရှာဖွေရမှာ ဖြစ်တယ်လို့ သိရှိသူတစ်ဦးက ပြောပါတယ်။

■ အင်ဂျင်တစ်ခု လောင်ကျွမ်းသွားရင် ကျန်တဲ့နှစ်ခုဖြင့် ပျံသန်းနိုင်သင့်တယ်လို့ အမေရိကန်လေကြောင်းဘေးကင်းရေးပညာရှင်နဲ့ လေယာဉ်မှူးဖြစ်သူ ဂျွန်ကော့စ်က ပြောပါတယ်။

■ လေယာဉ်ထိုးမဆင်းသွားခင်မှာ အမြင့်ပေ ၁၇၅ ပေသို့ တက်သွားခဲ့ပါတယ်။

■ ဒီဖြစ်ရပ်ထဲမှာ သက်တမ်း ၃၄ နှစ်ရှိတဲ့ MD-11 ကုန်တင်လေယာဉ်တစ်စီး ပါဝင်ခဲ့တာလည်း တွေ့ရပါတယ်။

■ UPS ကတော့ မတော်တဆမှုကြောင့် ထိခိုက်ပျက်စီးမှုတွေကို အတည်မပြုနိုင်သေးပါဘူး။

■ ဒီနောက် လေယာဉ်ကွင်း ပိတ်ထားခဲ့ရကာ ပို့ဆောင်ရေးပစ္စည်းတွေ အနှောင့်အယှက် ဖြစ်ခဲ့ရပါတယ်။

Source: Reuters