#World_Health
Published 29 August 2026

■ အယ်ကိုဟောကြောင့်ဖြစ်တဲ့ အသည်းအဆီဖုံးရောဂါဟာ အရက်သောက်ခြင်း တစ်ခုတည်းကြောင့် မဟုတ်ဘဲ ခေတ်သစ်လူနေမှုဘဝ ပုံစံများကြောင့် အဖြစ်များလာပါတယ်။

■ (၁) မကောင်းတဲ့ အဆီတွေ၊ ဆားနဲ့ပြုပြင်ထားတဲ့ ကာဗိုဟိုက်ဒရိတ်များပါဝင်တဲ့ ပြုပြင်ဖန်တီးစားစရာများ စားသုံးခြင်းကအသည်းမှာအဆီစုပြုံခြင်းဖြစ်စေပါတယ်။

■ (၂) သကြားဓာတ်များတဲ့ အချိုရည်များ နေ့စဉ်သောက်သုံးခြင်းက အသည်းမှပိုလျှံနေတဲ့ သကြားများကို အဆီအဖြစ် ပြောင်းလဲပေးရန် တွန်းအားပေးပါတယ်။

■ (၃) ပြုပြင်ထားတဲ့ စားစရာတွေမှာ ပါဝင်တဲ့ High-Fructose Corn Syrup မှ ဖရပ်တို့စ်သကြားဓာတ် အလွန်အမင်းရရှိခြင်းက အသည်းလုပ်ဆောင်ချက်ကို ဝန်ပိစေပြီး အဆီသိုလှောင်မှုကို တိုးပွားစေပါတယ်။

■ (၄) အထိုင်များပြီး လှုပ်ရှားမှုနည်းတဲ့ လူနေမှုဘဝပုံစံဟာ ခန္ဓာကိုယ်ဇီဝကမ္မဖြစ်စဉ်ကို နှေးစေပြီး အသည်းအဆီများကို ချေဖျက်နိုင်စွမ်း နှောင့်ယှက်စေပါတယ်။

■ (၅) နာတာရှည် အိပ်ရေးပျက်ခြင်းက ခန္ဓာကိုယ် အစာချက်လုပ်မှု၊ ဟော်မုန်းမျှခြေနဲ့ အင်ဆူလင်ထိန်းညှိမှု ပျက်စီးစေပြီး အသည်းရောဂါဖြစ်နိုင်ခြေ မြင့်တက်စေပါတယ်။

■ (၆) အမြဲတမ်း စိတ်ဖိစီးမှုခံစားရခြင်းက ခန္ဓာကိုယ်အနှံ့ ရောင်ရမ်းမှုများကို ဖြစ်ပေါ်စေပြီး ဟော်မုန်းမျှခြေကို ပြောင်းလဲစေကာ အသည်းကို သွယ်ဝိုက်စွာ ထိခိုက်စေပါတယ်။

■ (၇) ဆရာဝန်ညွှန်ကြားချက်မပါဘဲ ဆေးသောက်ခြင်း၊ အကိုက်အခဲပျောက်ဆေးများ အလွန်အကျွံသုံးစွဲခြင်းတို့က အသည်းကို အဆိပ်အတောက်ဖြစ်စေပြီး ဝန်ပိစေနိုင်ပါတယ်။

■ (၈) အဝလွန်ခြင်း၊ ဆီးချိုမထိန်းနိုင်ခြင်း၊ ကိုလက်စထရောလ် မြင့်မားခြင်းတို့လို ဇီဝကမ္မဖြစ်စဉ်ဆိုင်ရာ ပြဿနာများကို လစ်လျူရှုခြင်းက အသည်းအဆီစုပြုံမှုကို ပိုမြန်စေပါတယ်။

■ (၉) ပုံမှန်ကျန်းမာရေးစစ်ဆေးမှုများ မပြုလုပ်ခြင်းက ရောဂါရှာဖွေတွေ့ရှိမှုကို ကြန့်ကြာစေပြီး အသည်းပျက်စီးမှုကို ပျောက်ကင်းအောင် ကုသနိုင်မယ့် အခွင့်အရေး ဆုံးရှုံးစေပါတယ်။

Source: India Today

#World_Business
Published 28 August 2026
#တရုတ် #အီသီယိုးပီးယား
#YMG #Yangon_Times #Yangon_Media_Group

#Daily_News
Published 28 August 2026

၁။‌ စက်မှု၊ စိုက်ပျိုး၊ မွေးမြူရေးတက္ကသိုလ်ဝင်စာမေးပွဲဖြေဆိုခွင့်လျှောက်လွှာများကို စက်တင်ဘာ(၁)ရက်၌စတင်ရောင်းချပေးမည်

၂။ ‌ရေဘေးသင့်ပြည်သူများအတွက် ငွေကျပ်သိန်းပေါင်း ၃၁,၀၀၀ ခန့် ထောက်ပံ့ထား

‎၃။‌‌‎ ၂၀၂၇ တက္ကသိုလ်ဝင်စာမေးပွဲလျှောက်လွှာများ စက်တင်ဘာ(၁)ရက်တွင်စတင်ရောင်းမည်

၄။‎ ‌‌‌‌‌‌‌‌‌တရုတ်ဆောက်လုပ်ပေးထားသောရထားလိုင်းကွန်ရက်ကြောင့် အီသီယိုးပီးယား၏သွားလာရေးကဏ္ဍပြောင်းလဲတိုးတက်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၂ဝ၂၇ ခုနှစ်၊ စက်မှု၊ စိုက်ပျိုး၊ မွေးမြူရေးတက္ကသိုလ်ဝင်စာမေးပွဲဖြေဆိုခွင့်လျှောက်လွှာပုံစံများနဲ့ ငွေသွင်းတံဆိပ်ခေါင်းများကို စက်တင်ဘာ (၁)ရက်မှစတင်၍ ရောင်းချပေးသွားမယ်လို့သိရပါတယ်။

#Local_News
Published 28 August 2026
#စက်မှု_စိုက်ပျိုး_မွေးမြူရေးတက္ကသိုလ်ဝင်စာမေးပွဲ
#YMG/NN #Yangon_Times

နိုင်ငံတစ်ဝန်း ဇူလိုင်လကုန်ပိုင်းကစပြီးဖြစ်ပွားခဲ့တဲ့ ရေကြီးရေလျှံမှုတွေကြောင့် ရေဘေးသင့်ပြည်သူတွေအတွက် လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာနနဲ့ တိုင်းဒေသကြီး၊ ပြည်နယ်အစိုးရအဖွဲ့တွေက ငွေကျပ်သိန်းပေါင်း ၃၁,၀၀၀ ခန့် ထောက်ပံ့ပေးထားတယ်လို့ သိရပါတယ်။

#Local_News
Published 28 August 2026
#ရေဘေးသင့်ပြည်သူ
#YMG/SW #Yangon_Times

၂၀၂၇ ခုနှစ် တက္ကသိုလ်ဝင်စာမေးပွဲ ဖြေဆိုခွင့်လျှောက်လွှာတွေကို လာမယ့် စက်တင်ဘာ(၁)ရက်ကစတင်ပြီး ရောင်းချပေးသွားမယ်လို့ မြန်မာနိုင်ငံစာစစ်ဦးစီးဌာနက အသိပေးထားပါတယ်။

#Local_News
Published 28 August 2026
#တက္ကသိုလ်ဝင်စာမေးပွဲ
#YMG/SW #Yangon_Times

ရန်ကုန်မြို့ရှိ ရွှေတိဂုံစေတီတော်မြတ်ကြီး၌ ဒီကနေ့ မနက်ပိုင်းကမေတ္တာအခါတော်နေ့ အခမ်းအနားများကို စည်ကားသိုက်မြိုက်စွာကျင်းပခဲ့တယ်လို့ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့ကနေ သိရပါတယ်။

#Local_News
Published 28 August 2026
#ရွှေတိဂုံစေတီတော်မြတ်ကြီး #၀ါခေါင်လပြည့်မေတ္တာအခါတော်နေ့
#YMG/NN #Yangon_Times

#Local_News
Published 28 August 2026

■ နေပြည်တော်၊ ဒက္ခိဏသီရိမြို့နယ်၌ ယာဉ်တစ်စီး သဘာဝရေကန်ထဲသို့ ထိုး ကျ၍ နှစ်ဦး‌ေ-သဆုံးခဲ့ကြောင်း မြန်မာမီးသတ်တပ်ဖွဲ့မှသိရသည်။

■ ဩဂုတ်၂၈ ရက်နေ့၊ မနက် ၉ နာရီ၁၀မိနစ် အချိန်ခန့်က ၊ နေပြည်တော်၊ ဒက္ခိဏသီရိမြို့နယ်၊ ထန်းတစ်ပင်၊ ကျောက်မျက် ဝန်းတွင် ယာဉ်(၁)စီးသည် အရှိန်လွန်ပြီး လမ်းဘေးရှိ သဘာဝရေကန်ထဲသို့ ကျသွားကြောင်း သိရသည်။

■ အဆိုပါ သတင်းရရှိသဖြင့် ဒက္ခိဏခရိုင်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး ၊ ဒက္ခိဏသီရိမြို့နယ်မီးသတ်စခန်းမှ မီးငြှိမ်းသတ်ယာဉ်(၁) စီး၊ ကြာပင်နယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ရာ ယင်းဖြစ်စဉ်ကြောင့် ကျား(၁)ဦး( ‌ေ-သဆုံး)၊ မ(၁)ဦး( ‌ေ-သဆုံး)တို့အား လူငယ်တွဲလက်လူမှုကူညီရေးအသင်းယာဉ်ဖြင့် နေပြည်တော်ကုတင်(၁၀၀၀)ပြည်သူ့ဆေးရုံသို့ ပို့ဆောင်ပေးခဲ့ကြောင်းသိရသည်။

#YMG/NN #Yangon_Times

#Local_News
Published 28 August 2026

■ ဂျပန်နိုင်ငံတွင် ကျင်းပမည့် နိုင်ငံတကာ လူငယ်ဖိတ်ခေါ် ပြိုင်ပွဲ ဖြစ်သည့် (၂၈) ကြိမ်မြောက် "2026 International Youth Football in Niigata" ပြိုင်ပွဲ၌ ပါဝင်ယှဉ်ပြိုင်ရန် မြန်မာယူ၁၇ အသင်း ဖိတ်ကြားခံရ၍ သွား‌ ရောက်ယှဉ်ပြိုင်မည်ဖြစ်ကြောင်းမြန်မာနိုင်ငံဘောလုံးအဖွဲ့ချုပ်မှသိရသည်။

■ အဆိုပါ ပြိုင်ပွဲကိုဂျပန်ဘောလုံးအဖွဲ့ချုပ် (JFA) က ကြီးမှူး၍ လာမယ့် စက်တင်ဘာ ၁၅ ရက်မှ ၂၂ ရက်အထိ ဂျပန်နိုင်ငံ၊ နီဂါတာမြို့၌ ကျင်းပမည့်ဖြစ်ပြီး မြန်မာလူငယ်အသင်း ပါဝင်ယှဉ်ပြိုင်ရန် JFA မှဖိတ်ကြားခဲ့ရာ မြန်မာ U-17 အမျိုးသား လက်ရွေးစင်ဘောလုံးအသင်းအား MFF မှစေလွှတ်ယှဉ်ပြိုင်မည်ဖြစ်ကြောင်းဆိုထားသည်။

■ ယင်းပြိုင်ပွဲသည် ဂျပန်နိုင်ငံ၊ နီဂါတာမြို့တွင် နှစ်ပေါင်း ၂၀ ကျော်တိုင် အစဉ်အလာမပျက် နှစ်စဉ်ကျင်းပလာခဲ့သည့် နိုင်ငံတကာ U-17 ဖိတ်ခေါ်ဘောလုံးပြိုင်ပွဲဖြစ်ပြီး ဂျပန်ဘောလုံးအဖွဲ့ချုပ် (JFA) နှင့် နီဂါတာဒေသ ဘောလုံးအဖွဲ့ချုပ်တို့ ပူးပေါင်းကျင်းပခြင်းဖြစ်ကာ 2026 FIFA U-17 World Cup အပါအဝင် နိုင်ငံတကာ ပြိုင်ပွဲကြီးများ မတိုင်မီ လူငယ်ကစားသမားများ၏ အရည်အသွေးကို စမ်းသပ်ရန်နှင့်အတွေ့အကြုံရရှိရန်ရည်ရွယ်ကျင်းပခြင်းဖြစ်သည်။

■ ယခုနှစ် ပြိုင်ပွဲတွင် အိမ်ရှင် ဂျပန် U-17 အသင်း၊ နီဂါတာ လက်ရွေးစင်အသင်း (Niigata Selection Team) နှင့် ဖိတ်ခေါ် အမျိုးသား U-17 လက်ရွေးစင် အသင်းများဖြစ်ကြသည့် မြန်မာ U-17 အသင်းနှင့် နယူးဇီလန် U-17 အသင်းတို့သည် ပတ်လည်စနစ် (Round-robin) ဖြင့် တစ်သင်းလျှင် ၃ ပွဲစီ ယှဉ်ပြိုင်ရမည်ဖြစ်ပြီး အမှတ်အများဆုံးရရှိသည့် အသင်းကချန်ပီယံဆုကို ဆွတ်ခူးရရှိမည်ဖြစ်သည်။

■ မြန်မာ U-17 အသင်းသည် စက်တင်ဘာ ၁၅ ရက်တွင် ဂျပန်နိုင်ငံ၊ နီဂါတာမြို့သို့ ရောက်ရှိမည်ဖြစ်ပြီး ပထမပွဲစဉ်ကို စက်တင်ဘာ ၁၇ ရက်၊ ဒုတိယပွဲစဉ်ကို စက်တင်ဘာ ၁၉ ရက်၊ တတိယပွဲစဉ်ကို စက်တင်ဘာ ၂၁ ရက်တို့တွင် အသီးသီးယှဉ်ပြိုင်ကစားသွားမည်ဖြစ်ကြောင်း သိရသည်။

#YMG/NN #Yangon_Times

#World_News
Published 28 August 2026

■ ဟိမဝန္တာဒေသမှာ ရေဘေးအန္တရာယ်ကြီးမားစွာ ကျရောက်ခဲ့ပြီးနောက် နီပေါနဲ့ တရုတ်နိုင်ငံတို့က ရေကြီးရေလျှံမှု သတိပေးချက်အသစ်များကို ထုတ်ပြန်လိုက်ပါတယ်။

■ ရေခဲမြစ်ပြိုကျမှုကြောင့် ရွှံ့နွံပြိုကျမှုများ ဖြစ်ပွားခဲ့ပြီး လူပေါင်း ၃၆၀ ကျော် သေဆုံးကာ ၁ ထောင်နီးပါး ပျောက်ဆုံးလျက်ရှိပါတယ်။

■ အပျက်အစီးများကြောင့် နယ်စပ်နှစ်ဖက်စလုံးရှိ မြစ်ကြောင်းများ ပိတ်ဆို့သွားကာ ရေပြင်ပမာဏ အရှိန်အဟုန်ဖြင့် မြင့်တက်နေတဲ့ ရေကန်ကြီးနှစ်ခု ဖြစ်ပေါ်လာခဲ့ပါတယ်။

■ စက်တင်ဘာ ၁ ရက်နေ့ မရောက်ခင်အတွင်း ၃ ကုဗမီတာပမာဏရှိတဲ့ ရေထုကြီးကြောင့် သဘာဝရေကန်ကြီး ကျိုးပေါက်နိုင်ကြောင်း တရုတ်က သတိပေးထားပါတယ်။

■ ပိတ်ဆို့သွားတဲ့ ရေကန်အတွင်း ရေပြင်ပမာဏ ရုတ်တရက် မြင့်တက်လာပြီး အချိန်မရွေး ကျိုးပေါက်နိုင်တဲ့ အန္တရာယ်ရှိနေကြောင်း နီပေါ ဘေးအန္တရာယ်ဆိုင်ရာ အာဏာပိုင်အဖွဲ့က အတည်ပြုခဲ့ပါတယ်။

■ ရှေ့လာမယ့် သီတင်းပတ်အတွင်း မိုးသည်းထန်စွာ ရွာသွန်းနိုင်ကြောင်း ခန့်မှန်းထားတာကြောင့် အန္တရာယ် ပိုမိုကြီးမားလာဖွယ် ရှိနေပါတယ်။

■ အာဏာပိုင်များက မြစ်ကမ်းပါး အနိမ့်ပိုင်းမှာ နေထိုင်ကြသူများ၊ ခရီးသွားများနဲ့ ကယ်ဆယ်ရေးအဖွဲ့များကို ဘေးလွတ်ရာသို့ ရွှေ့ပြောင်းကြဖို့ တိုက်တွန်းထားပါတယ်။

■ ကယ်ဆယ်ရေးအဖွဲ့များ ဘေးကင်းရာ ကုန်းမြင့်ပိုင်းသို့ ဆုတ်ခွာနေရသဖြင့် ရှာဖွေကယ်ဆယ်ရေး လုပ်ငန်းဆောင်ရွက်မှုများ အကြီးအကျယ် အဟန့်အတားဖြစ်ပေါ်စေပါတယ်။

Source: Reuters

#Local_News
Published 28 August 2026

■ လူမှုကွန်ရက်ပေါ်တွင် BL (Boys’ Love)၊ GL (Girls’ Love) စာအုပ်များကို ကြော်ငြာရောင်းချနေသည့် Facebook Page ၉ ခုသည် ပုံနှိပ်ခြင်းနှင့် ထုတ်ဝေခြင်းလုပ်ငန်းဥပဒေပါ ပြဋ္ဌာန်းချက်များကို ဖောက်ဖျက်ထားသည့် တရားမဝင်စာမျက်နှာများဖြစ်ကြောင်း ပြန်ကြားရေးဝန်ကြီးဌာနက အသိပေးကြေညာထားသည်။

■ အဆိုပါ Facebook Page များသည် သက်ဆိုင်ရာလုပ်ငန်းအသိအမှတ်ပြုလက်မှတ်မရှိဘဲ ပုံနှိပ်ခြင်း၊ ထုတ်ဝေခြင်းနှင့် စာအုပ်ရောင်းချခြင်းလုပ်ငန်းများ ဆောင်ရွက်နေကြောင်း စိစစ်တွေ့ရှိရသည်ဟု ဆိုသည်။

■ ထို့ပြင် ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေပါ သတ်မှတ်ချက်များအရ ထုတ်ဝေသူများအနေဖြင့် ထုတ်ဝေစာများကို မှတ်ပုံတင်စာရင်းသွင်းနိုင်ရန် သက်ဆိုင်ရာဝန်ကြီးဌာနသို့ ပေးပို့ရမည်ဖြစ်ပြီး လုပ်ငန်းအသိအမှတ်ပြုလက်မှတ်မရှိဘဲ ပုံနှိပ်ခြင်း၊ ထုတ်ဝေခြင်းလုပ်ငန်းများ လုပ်ကိုင်ခြင်းမပြုရကြောင်း သိရသည်။

■ ဥပဒေပါ စည်းကမ်းချက်များကို ဖောက်ဖျက်သည့် ထုတ်ဝေစာများကို ထုတ်ဝေသူ၊ ပုံနှိပ်သူများနှင့် ပုံနှိပ်မှတ်တမ်းမပါရှိသည့် တရားမဝင်ထုတ်ဝေစာများကို ရောင်းချနေသည့် စာအုပ်အရောင်းဆိုင်များကို တည်ဆဲဥပဒေများနှင့်အညီ တရားစွဲဆိုအရေးယူလျက်ရှိကြောင်း ပြန်ကြားရေးဝန်ကြီးဌာနက ထုတ်ပြန်ထားသည်။

■ သို့ဖြစ်၍ ပုံနှိပ်သူ၊ ထုတ်ဝေသူများနှင့် BL၊ GL စာအုပ်များ ရောင်းချနေသည့် တရားမဝင်စာအုပ်အရောင်းဆိုင်များ၊ Facebook Page များအနေဖြင့် ပုံနှိပ်ခြင်းနှင့် ထုတ်ဝေခြင်းလုပ်ငန်းဥပဒေပါ စည်းကမ်းချက်များကို လေးစားလိုက်နာကြရန်နှင့် ဥပဒေကို ဖောက်ဖျက်၍ ထုတ်ဝေစာများ ရောင်းချပါက တည်ဆဲဥပဒေများနှင့်အညီ တရားစွဲဆိုအရေးယူသွားမည်ဖြစ်ကြောင်း အသိပေးထားသည်။

#YMG/SW #Yangon_Times

#World_Health
Published 28 August 2026

■ သွေးပေါင်ချိန် ပိုမိုထိန်းသိမ်းနိုင်ဖို့အတွက် ညနေခင်းပိုင်း ကျင့်ကြံနေထိုင်သင့်တဲ့ နည်းလမ်းတွေ ဖော်ပြသွားပါမယ်။

■ အိပ်ရာမဝင်မီ ၂ နာရီ - ၃ နာရီအလိုမှာ ညစာအပြီးစားခြင်းက အစာကြေလွယ်စေပြီး အိပ်စက်မှု အနှောင့်အယှက်မဖြစ်စေရန် ကူညီပေးပါတယ်။

■ သဘာဝအပင်ထွက် အစားအစာများနဲ့ ဆိုဒီယံလျှော့ထားတဲ့ အစားအစာများ ဦးစားပေး စားသုံးသင့်တဲ့အပြင် ပိုတက်စီယံနဲ့ မဂ္ဂနီစီယံဓာတ် ကြွယ်ဝတဲ့ ဟင်းရွက်များ၊ ကောက်နှံများ၊ အဆီနည်းတဲ့ ပရိုတိန်းများလည်း အဓိကထားသင့်ပါတယ်။

■ ညနေပိုင်းမှာ အရက်၊ ကဖင်းဓာတ်၊ နီကိုတင်းတို့လို နှလုံးခုန်နှုန်းမြန်စေပြီး သွေးတိုးစေနိုင်တဲ့အရာများ မသောက်သုံးသင့်ပါဘူး။

■ ညစာစားပြီးနောက် ၁၅-၂၀ မိနစ်ခန့် ပေါ့ပေါ့ပါးပါး လမ်းလျှောက်ခြင်းဖြင့် အစာကြေစေပြီး သွေးတွင်းသကြားဓာတ်နဲ့ သွေးလှည့်ပတ်မှု ကောင်းမွန်စေပါတယ်။

■ အိပ်ရာမဝင်မီ စာဖတ်ခြင်း၊ ရေနွေးဖြင့် ရေချိုးခြင်း၊ အသက်ပြင်းပြင်း ရှူထုတ်သွင်း လေ့ကျင့်ခန်းတို့လို စိတ်အေးငြိမ်းစေမယ့် အလေ့အထများ ပြုလုပ်ခြင်းဖြင့် စိတ်ဖိစီးမှု လျော့ကျစေပါတယ်။

■ ဖုန်း၊ ကွန်ပျူတာဖန်သားပြင်မှ ထွက်လာတဲ့ အပြာရောင်အလင်းတန်း ထိတွေ့မှုကို လျှော့ချကာ အိပ်ရာမဝင်မီ အနည်းဆုံး ၁ နာရီအလိုမှာ အီလက်ထရွန်နစ်ပစ္စည်း အသုံးပြုမှု ရပ်နားသင့်ပါတယ်။

■ ခန္ဓာကိုယ်ရဲ့ သဘာဝအိပ်စက်မှုစက်ဝန်း မထိခိုက်စေရန် နေ့စဉ် အိပ်ချိန်ထချိန် ပုံမှန်သတ်မှတ်ထားရှိသင့်ပါတယ်။

■ သွေးထိန်းဆေး အသုံးပြုနေရပါက ဆရာဝန် ညွှန်ကြားထားတဲ့ အချိန်အတိုင်း တိကျစွာ သောက်သုံးရပါမယ်။

Source: EatingWell