#World_News
Published 20 January 2026

■ စပိန်တောင်ပိုင်းမှာ တနင်္ဂနွေညက အမြန်ရထားတစ်စင်း လမ်းလွဲပြီး ဆန့်ကျင်ဘက်လာနေတဲ့ ရထားတစ်စင်းနဲ့ တိုက်မိသဖြင့် အနည်းဆုံး လူ ၄၀ သေဆုံးကာ ဥရောပမှာ နှစ် ၈၀ အတွင်း အဆိုးရွားဆုံး ရထားမတော်တဆမှုဆွေထဲက တစ်ခုဖြစ်လာပါတယ်။

■ မက်ဒရစ်တောင်ပိုင်း ၃၆၀ ကီလိုမီတာခန့်က ကော်ဒိုဘာပြည်နယ် အက်ဒါမက်ဇ်အနီး ဖြစ်ပွားခဲ့တာဖြစ်ပြီး ၁၂ ယောက်ကို အထူးကြပ်မတ်ကုသနေရပါတယ်။

■ ရထားလမ်းဆုံ ချွတ်ချော်မှုကြောင့် မတော်တဆမှု ဖြစ်ရတယ်လို့ ကျွမ်းကျင်သူတွေ ပြောပါတယ်။

■ "ရထားက တစ်ဖက်ကို စောင်းသွားပြီးတော့ အော်သံတွေ ကြားရတော့တာပဲ" လို့ ကြက်ခြေနီဌာနမှာ ကုသနေရတဲ့ အန်နာဂါစီယာအာရန်ဒါက ပြောပါတယ်။

■ အခုအချိန်အထိ ပျောက်ဆုံးသူတိုင်ကြားချက် ၄၃ ခု ရှိထားတယ်လို့ ရဲဌာနတွေဆိုပါတယ်။

■ ရထားတိုက်တဲ့နေရာက တောင်ကုန်းဖြစ်ပြီး ကားတစ်စီးစာလမ်းကြောင်းသာ ပေါက်ရောက်တာကြောင့် လူနာတင်ယာဉ်တွေ ရောက်ဖို့ခက်နေပါတယ်။

■ ဒရုန်းဗီဒီယိုရိုက်ချက်တွေထဲမှာ ရထားတစ်စင်းရဲ့ ရထားတွဲတွေ နှစ်ခြမ်းကွဲသွားပြီး စက်ခေါင်းက ကြေမွသွားပါတယ်။

■ လေ့လာချက်များအရ ရထားလမ်းကြောင်းပြောင်းတဲ့ အဆက်က ပျက်ယွင်းနေပါတယ်။
စပိန်အမြန်ရထားလမ်းကြောင်း ကွန်ရက်တွေက ဥရောပမှာ အကြီးဆုံးဖြစ်ပြီး ကမ္ဘာပေါ်မှာ တရုတ်ပြီးရင် ဒုတိယအကြီးဆုံး ဖြစ်ပါတယ်။

■ ယခု မတော်တဆဖြစ်ပွားတဲ့ Iryo ရထားဟာ သက်တမ်း ၄ နှစ်အောက်သာရှိပြီး အက်ဒါမက်ဇ်အနီး ရထားလမ်းကို ပြီးခဲ့တဲ့ မေလကမှ ပြုပြင်မွမ်းမံထားသလို ရထားကိုလည်း ဇန်နဝါရီ ၁၅ ရက်နေ့ကမှ စစ်ဆေးခဲ့ပါ‌ေသးတယ်။

Source: Reuters

ဒဂုံ(ဆိပ်ကမ်း)မြို့နယ်မှာ ဖွဲနုဆီကြိတ်ခွဲသန့်စင်စက်ရုံ တည်ဆောက်နေတယ်လို့ သိရပါတယ်။

#Local_News
Published 20 January 2025
#ဖွဲနုဆီ #ဒဂုံဆိပ်ကမ်းမြို့နယ်
#YMG/NN #Yangon_Times

#Local_News
Published 20 January 2025

▪️ မြန်မာနိုင်ငံမသန်စွမ်းအားကစားအဖွဲ့ချုပ်ဥက္ကဋ္ဌ ဗိုလ်ချုပ်လှမိုး ASEAN Para Sports Federation (APSF) Board of Governor (BoG) အစည်းအဝေးတက်ရောက်ခဲ့ကြောင်းသိရသည်။

▪️ အဆိုပါ (၁၃) ကြိမ်မြောက် အာဆီယံမသန်စွမ်း အားကစားပြိုင်ပွဲ အောင်မြင်စွာကျင်းပနိုင် ရေးအတွက် Asean Para Sports Fe-deration (APSF) Board of Governor (BoG) အစည်းအဝေးကို ယမာန်နေ့နံနက်ပိုင်းတွင် နာခွန်ရစ်ချာဆီးမား (ခိုရတ်) မြို့ Kantary Hotel ရှိ Lamtakong ခန်းမ၌ကျင်းပရာ အာဆီယံနိုင်ငံများမှ အားကစားအဖွဲ့ခေါင်းဆောင်များ၊ မြန်မာနိုင်ငံ မသန်စွမ်းအားကစားအဖွဲ့ချုပ်ဥက္ကဋ္ဌ ဗိုလ်ချုပ်လှမိုးနှင့်အတူ မြန်မာမသန်စွမ်း အားကစားအဖွဲ့ခေါင်းဆောင် ဒုတိယဥက္ကဋ္ဌဒေါက်တာ တင်မောင်လှိုင်နှင့် တာဝန်ရှိသူများ တက်ရောက်ကြသည်။

▪️ Board of Governor (BoG) Chairman Dr. Kittipong Potimu က အဖွင့်အမှာစကားပြောကြားပြီး Thailand ASEAN Para Games Organization Committee (THASOC)မှ တာဝန်ရှိသူ တစ်ဦးက (၁၃) ကြိမ်မြောက် အာဆီယံမသန်စွမ်းအားကစားပြိုင်ပွဲကျင်းပမည့် အစီအစဉ်များနှင့် ပြင်ဆင်ဆောင်ရွက် ထားရှိမှုများ၊ ၂၀၂၇ ခုနှစ်တွင် (၁၄) ကြိမ်မြောက် အာဆီယံမသန်စွမ်းအားကစားပြိုင်ပွဲကို အိမ်ရှင်အဖြစ် လက်ခံကျင်းပမည့် မလေးရှားနိုင်ငံမှ Board of Governor (BoG) က ပြိုင်ပွဲဆိုင်ရာကိစ္စရပ်များကို ရှင်းလင်းတင်ပြဆွေးနွေးသည်။

▪️ ထို့နောက် တက်ရောက်လာသူများ က 31st ASEAN Para Sports Federa-tion(APSF) Board of Governor (BoG) အစည်းအဝေးမှတ်တမ်းကိုလည်းကောင်း၊ 36th EXCO အစည်းအဝေးမှတ်တမ်းနှင့် ၂၀၂၆ ခုနှစ် ဇွန်လတွင် APSF အထွေထွေ ညီလာခံကို အင်ဒိုနီးရှားနိုင်ငံ၌ ကျင်းပနိုင်ရေးကိုလည်းကောင်း ဝိုင်းဝန်းဆွေးနွေးအတည်ပြုခဲ့ပြီး Board of Governor (BoG) Chairman က နိဂုံးချုပ်အမှာစကားပြောကြားခဲ့ပြီး အားကစားအဖွဲ့ခေါင်းဆောင်များ (Chef-de-Mission) အစည်းအဝေးကို Kantary Hotel (Korat) ရှိ Lamtakong ခန်းမ၌ကျင်းပရာ မြန်မာနိုင်ငံ မသန်စွမ်းအားကစားအဖွဲ့ခေါင်းဆောင် ဒေါက်တာတင်မောင်လှိုင်အပါအဝင် အာဆီယံနိုင်ငံများမှ အားကစားအဖွဲ့ခေါင်းဆောင်များတက်ရောက်ကြသည်။

▪️ အဆိုပါအစည်းအဝေးတွင် အားကစားသမားများ တည်းခိုနေထိုင်စားသောက်ရေး ဆိုင်ရာကိစ္စရပ်များ၊ ၂၀၂၆ ခုနှစ် ဇန်နဝါရီ ၂၀ ရက်တွင်ကျင်းပမည့် (၁၃) ကြိမ်မြောက် အာဆီယံ မသန်စွမ်းအားကစားပြိုင်ပွဲ ဖွင့်ပွဲအခမ်းအနားအစီအစဉ်များနှင့်ပတ်သက်၍ သက်ဆိုင်ရာကော်မတီများက ရှင်းလင်းပြောကြားပြီး တက်ရောက်လာသည့် အာဆီယံနိုင်ငံများမှ အားကစားအဖွဲ့ခေါင်းဆောင်များက သိရှိလိုသည်များကို မေးမြန်းဆွေးနွေးခဲ့ကြကြောင်း သိရသည်။     

#YMG/NN #Yangon_Times

ရှမ်းပြည်နယ် (မြောက်ပိုင်း)၊ မူဆယ်မြို့မှ တရုတ်နိုင်ငံရွှေလီမြို့သို့ သွားရောက်အလုပ်လုပ်သူ၊ ကျန်းမာရေး၊ လူမှုရေးနှင့်အလည်အပတ်သွားရောက်မယ့်သူတွေအတွက် မြန်မာ-တရုတ်နယ်စစ်သွားလာခွင့်လက်မှတ် BP စာအုပ်တွေကို လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ မူဆယ်ခရိုင်ဦးစီးမှူးရုံးက ပိတ်ရက်မရှိ ဆောင်ရွက်ပေးလျက်ရှိတယ်လို့သိရပါတယ်။

#Local_News
Published 20 January 2025
#မြန်မာ_တရုတ် #BPစာအုပ်
#YMG/SW #Yangon_Times

#Daily_News
Published 20 January 2025

၁။‌ ‎‎‎‎မန်းရွှေစက်တော်ဘုရားပွဲကာလတွင် ဆင်ပြတိုက်ဖွင့်လှစ်သွားမည်
‎
‎‎၂။ ‌‌‌‌‌‌‌‌‌‌‌‎‎‎‎‎ဂျပန်မှ  မျှစ်ခြောက်တန်ချိန် (၂၀၀)အထိ အမှာရှိနေ
‎
‎‎၃။‌‌‎ ‌‌‌‌‌‌‌‌‌‎‎‎ဖွဲနုဆီကြိတ်ခွဲသန့်စင်စက်ရုံ ရန်ကုန်၌တည်ဆောက်နေ
‎
‎‎၄။‎ ‌‌‌‌‌‌‌‌‌‎‎အမေရိကန်သိမ်းပိုက်မည်ကို ဂရင်းလန်းသားများအကြိမ်ကြိမ်ငြင်းဆန် ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 20 January 2025

▪️ ရန်ကုန်တိုင်းဒေသကြီး၊တိုက်ကြီးမြို့နယ်နှင့်ဒလမြို့နယ်များ၌ ယနေ့မနက်အစောပိုင်းတွင် မီးလောင်မှုများဖြစ်ပွားခဲ့ကြောင်းသိရသည်။

▪️ ဇန်နဝါရီ ၂၀ရက်နေ့၊ မနက် ၇ နာရီ ၂၉မိနစ် အချိန်ခန့်က ရန်ကုန်တိုင်းဒေသကြီး၊ တိုက်ကြီးမြို့နယ်၊ ဘူတာရုံရပ်ကွက်တွင် မီးလောင်မှုဖြစ်ပွားခဲ့ကြောင်း သိရသည်။

▪️ အဆိုပါ သတင်းရရှိသဖြင့် level 1 ယာဉ်အုပ်စုများထွက်ခွာခဲ့ကာ
၇ နာရီ၃၅ မိနစ်အချိန် တွင် မီးထိန်းနိုင်ခဲ့ပြီး ၇နာရီ ၄၀ မိနစ် အချိန်တွင်မီးငြိမ်းနိုင်ခဲ့ကြောင်းသိရသည်။

▪️ အလားတူ ဇန်နဝါရီ ၂၀ ရက်နေ့၊ မနက်၅နာရီ ၃၇ မိနစ်အချိန်ခန့်က ရန်ကုန်တိုင်းဒေသကြီး၊
ဒလမြို့နယ်၊ ပျော်ဘွယ်ကြီးကျေးရွာတွင် နွားခြံမီးလောင်နေကြောင်း သတင်းရရှိသဖြင့် ဒလမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ ထွက်ခွာငြှိမ်းသတ်ခဲ့ရာ မနက် ၆ နာရီ၁၅မိနစ်အချိန်တွင် မီးငြိမ်းနိုင်ခဲ့ကြောင်းသိရသည်။

#YMG/NN #Yangon_Times

#Local_News
Published 20 January 2026

▪️ ယမန်နေ့ညပိုင်းနှင့် ယနေ့နံနက်အစောပိုင်းက လှုပ်ခတ်ခဲ့သည့် ပြင်းအား(၄ ဒသမ ၅) အဆင့်ရှိ ငလျင်နှစ်ကြိမ်လှုပ်ခတ်မှုကို ရန်ကုန်မြို့နေပြည်သူများ သိသာစွာခံစားခဲ့ရကြောင်းသိရသည်။

▪️ "အစကငလျင်လှုပ်တယ်မထင်ဘူး။လူကနေမကောင်းလို့ မူးနေတယ်ထင်တာ။ နောက်ရေဗူးတွေကြည့်လိုက်မှ ရေတွေလှုပ်နေတေယ့ ငလျင်လှုပ်မှန်းသိတာ ။ သိသိသာသာတော့လှုပ်သွားတယ်" ဟု ဗဟန်းမြို့နယ်တွင်နေထိုင်သူတစ်ဦးကပြောသည်။

▪️ မိုးလေဝသနှင့် ဇလဗေဒညွှန်ကြားမှုဦးစီးဌာန၏ ထုတ်ပြန်ချက်အရ ဇန်နဝါရီ ၁၉ ရက် ည ၁၀ နာရီ ၁၄ မိနစ်ခန့်အချိန်တွင် ကမ္ဘာ‌အေးမြေငလျင်စခန်းမှ အနောက်မြောက်ဘက် (၃၄) မိုင်ခန့်ကွာဝေးသော မြန်မာနိုင်ငံ ပြည်တွင်း (တိုက်ကြီးမြို့၏ အနောက်တောင်ဘက် (၁၈) မိုင်ခန့်အကွာ)၊ မြောက်လတ္တီတွဒ် (၁၇ ဒသမ ၁၆) ဒီဂရီ၊ အရှေ့လောင်ဂျီတွဒ် (၉၅ ဒသမ ၇၅) ဒီဂရီ၊ အနက် (၁၀) ကီလိုမီတာကို ဗဟိုပြု၍ အင်အား ရစ်(ခ်)တာစကေး (၄ ဒသမ ၅) အဆင့်ရှိ အင်အားအနည်းငယ်ရှိသော မြေငလျင်တစ်ခုလှုပ်ရှားသွားကြောင်း သိရသည်။

▪️ ထို့အတူဇန်နဝါရီလ ၂၀ ရက်နေ့၊ မြန်မာစံတော်ချိန် (၀၁) နာရီ၊ (၂၆) မိနစ်၊ (၃၁) စက္ကန့်အချိန်တွင် ကမ္ဘာ‌အေးမြေငလျင်စခန်းမှ အနောက်မြောက်ဘက် (၃၅) မိုင်ခန့်ကွာဝေးသော မြန်မာနိုင်ငံ ပြည်တွင်း (ညောင်တုန်းမြို့၏ အရှေ့မြောက်ဘက် (၁၁) မိုင်ခန့်အကွာ)၊ မြောက်လတ္တီတွဒ် (၁၇.၁၇) ဒီဂရီ၊ အရှေ့လောင်ဂျီတွဒ် (၉၅.၇၃) ဒီဂရီ၊ အနက် (၁၀) ကီလို မီတာကို ဗဟိုပြု၍ အင်အား ရစ်(ခ်)တာစကေး (၄.၅) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း သိရသည်။

#YMG/SW #Yangon_Times

#Local_News
Published 20 January 2026

▪️ မြန်မာ-ရုရှားနှစ်နိုင်ငံဗီဇာကင်းလွတ်ခွင့်(၂၇) ရက်နေ့တွင် စတင်အသက်ဝင်မည်ဖြစ်ကြောင်း သိရသည်။

▪️ ၂၀၂၅ ခုနှစ် အောက်တိုဘာလ ၂၈ ရက်နေ့က မင့်ခ်မြို့ (Minsk) တွင် လက်မှတ်ရေးထိုးခဲ့သော ရုရှားဖက်ဒရေးရှင်းနိုင်ငံ အစိုးရနှင့် ပြည်ထောင်စုသမ္မတမြန်မာနိုင်ငံတော် အစိုးရတို့အကြား နှစ်နိုင်ငံ နိုင်ငံသားများ ဗီဇာလိုအပ်ချက် ကင်းလွတ်ခွင့်ပြုရေး သဘောတူစာချုပ်သည် ၂၀၂၆ ခုနှစ် ဇန်နဝါရီလ ၂၇ ရက်နေ့တွင် စတင်အသက်ဝင်မည် ဖြစ်ကြောင်း၊အဆိုပါ သဘောတူစာချုပ်အရ ရုရှားနိုင်ငံသားများသည် မြန်မာနိုင်ငံသို့ ဝင်ရောက်ရာတွင် အမြဲတမ်းနေထိုင်ခြင်း၊ ပညာသင်ကြားခြင်း သို့မဟုတ် အလုပ်လုပ်ကိုင်ခွင့်လက်မှတ် (Work Permit) လိုအပ်သည့် မည်သည့်လုပ်ငန်းကိုမျှ လုပ်ကိုင်ခြင်းမရှိပါက ဗီဇာမလိုဘဲ တစ်ခေါက်လျှင် ရက်ပေါင်း ၃၀ အထိ နေထိုင်ခွင့်ရရှိမည်ဖြစ်‌ကြောင်း သိရသည်။

▪️ အဆိုပါ သဘောတူစာချုပ်အရ မြန်မာနိုင်ငံသားများအနေဖြင့်လည်း ရုရှားနိုင်ငံသို့ သွားရောက်လည်ပတ်ရာတွင် အလားတူ အခွင့်အရေးများကို ရရှိမည်ဖြစ်ကြောင်း၊ထို့ပြင် ပြက္ခဒိန်တစ်နှစ်အတွင်း စုစုပေါင်း နေထိုင်ခွင့်ကာလသည် ရက်ပေါင်း ၉၀ ထက် ကျော်လွန်ခွင့်မရှိကြောင်း သိရသည်။

#YMG/SW #Yangon_Times

#World_Health
Published 20 January 2026

■ သွေးပေါင်ချိန်တိုးခြင်းဟာ ခန္ဓာကိုယ်ကို တိတ်တဆိတ် ဒုက္ခပေးနေပြီး နှလုံး၊ ဦးနှောက်၊ ကျောက်ကပ်၊ မျက်လုံးတို့ကို ဘေးဖြစ်စေပါတယ်။

■ သွေးတိုးနေသူ အများစုဟာ ကြံ့ခိုင်တယ်လို့ မြင်ရပေမယ့် အတွင်းအင်္ဂါတွေကတော့ တဖြည်းဖြည်း ထိခိုက်ပျက်စီးလာကာ မကုသဘဲထားပါက နှလုံးဖောက်ခြင်း၊ လေဖြတ်ခြင်း၊ ကျောက်ကပ်ရောဂါ စတဲ့ပြဿနာတွေ ဖြစ်လာနိုင်ပါတယ်။

■ ဒါကြောင့် အသက် ၃၀ နောက်ပိုင်းမှာ ပုံမှန်ကျန်းမာရေးစစ်ဆေးဖို့ အကြံပြုထားကြပါတယ်။

■ သွေးတိုးခြင်းကို မထိန်းချုပ်နိုင်ပါက ခန္ဓာကိုယ်ထဲက စနစ်တိုင်းနီးပါးမှာ ဖိအားများစေပြီး နှလုံးဆိုရင် အားနည်းလာနိုင်ပါတယ်။

■ ဦးနှောက်ဆိုရင် သွေးကြောတွေ ထိခိုက်လာပြီး လေဖြတ်နိုင်ခြေ များလာပါတယ်။

■ ရေရှည်မှာ မှတ်ဉာဏ်နဲ့ အသိဉာဏ်လုပ်ဆောင်ချက်များပါ ထိခိုက်လာနိုင်ပါတယ်။

■ သွေးတိုးခြင်းကြောင့်ဖြစ်တဲ့ ကျောက်ကပ်ထိခိုက်ခြင်းကလည်း အသံတိတ်ဖြစ်နေပြီး လုပ်ဆောင်ချက်တွေ ယိုယွင်းလာသလို မျက်လုံးထဲက နူးညံ့တဲ့သွေးကြောတွေလည်း ထိခိုက်တာကြောင့် ကြာလာတာနဲ့အမျှ အမြင်အာရုံပျက်ယွင်းလာနိုင်ပါတယ်။

■ အနည်းငယ်မျှ သွေးတိုးရင်တောင် ကျောက်ကပ်၊ နှလုံး၊ ဦးနှောက်တို့ ထိခိုက်နိုင်ပြီး ပုံမှန်ဆေးကုသခြင်း၊ နေထိုင်စားသောက်မှုပုံစံ ပြောင်းလဲခြင်းတို့ဖြင့် ဘေးအန္တရာယ်တွေ လျှော့ချနိုင်မှာ ဖြစ်ပါတယ်။

■ အတွင်းအင်္ဂါတွေပါ ထိခိုက်လာပြီဆိုရင် နေထိုင်စားသောက်မှုပုံစံ တစ်ခုတည်းနဲ့ မလုံလောက်ဘဲ ဆေးကုသခြင်း၊ ပုံမှန်စစ်ဆေးခြင်းတို့ပါ လိုအပ်လာပါတယ်။

■ အသက် ၃၀ ကျော်တဲ့အခါ သွေးပေါင်ချိန်ကို စောင့်ကြည့်တိုင်းတာပေးပြီး အချိန်မီ ဆေးကုသမှုခံယူဖို့က အရေးကြီးပါတယ်။

Source: Indian Express.

#World_Health
Published 20 January 2026

■ ညဘက်ကောင်းစွာ အိပ်စက်နိုင်ဖို့က ထင်ထားတာထက် ပိုအရေးကြီးကာ အိပ်ရေးမဝခြင်းက အသက်တိုခြင်းနဲ့ ဆက်စပ်နေနိုင်တယ်လို့ အော်ရီဂွန်ကျန်းမာရေးနဲ့ သိပ္ပံတက္ကသိုလ်က သုတေသနလုပ်ထားပါတယ်။

■ သုတေသီတွေက ၂၀၁၉ မှ ၂၀၂၅ အထိ ရောဂါထိန်းချုပ်ရေးစင်တာများမှ စစ်တပ်များကို နှိုင်းယှဉ်ခဲ့ကြပါတယ်။

■ ထိုအခါမှာ အိပ်စက်ခြင်းက အစားအသောက်၊ လှုပ်ရှားမှု၊ လူမှုရေး စတဲ့အချက်တွေထက် ပိုပြီး လူ့သက်တမ်းအပေါ် သက်ရောက်နေပါတယ်။

■ အိပ်ချိန် ၇ နာရီမှ ၉ နာရီကြား ရရှိဖို့က ထင်ထားတာထက် များစွာပိုပြီးအရေးကြီးကြောင်း အော်ရီဂွန်တက္ကသိုလ်မှ တွဲဖက်ပရော်ဖက်ဆာ အန်ဒရူးမက်ဟေးလ်က ပြောပါတယ်။

■ အိပ်ချိန်လုံလောက်ခြင်းက ကျန်းမာရေးကောင်းမွန်ဖို့အတွက် ကဏ္ဍအရပ်ရပ်မှာ ထောက်ပံ့ပေးတယ်လို့ သုတေသီတွေ အသိအမှတ်ပြုထားပါတယ်။

■ အိပ်ချိန်နဲ့ လူ့သက်တမ်းတို့ကြား ဆက်စပ်မှုအခြေအနေက သာမန်ထက်ပိုပြီး ပြင်းထန်နေတာ ဖြစ်ပါတယ်။

■ အိပ်စက်ခြင်းက နှလုံးသွေးကြော ကျန်းမာရေး၊ ကိုယ်ခံအားစနစ်၊ ဦးနှောက်ကျန်းမာရေးတို့ကို သက်ရောက်နေတာကြောင့် အိပ်စက်ခြင်းကို အရေးပေးဖို့ လိုအပ်ကြောင်း သုတေသီတွေ သတိပေးထားပါတယ်။

■ တစ်ခါတရံမှာ လူတွေက အိပ်စက်ခြင်းကို သိပ်ပြီးအလေးမထားတတ်ကြဘဲ အလုပ်နားတဲ့ရက်မှ စုပေါင်းအိပ်မယ်ဆိုပြီး စဉ်းစားတတ်ကြကြောင်း၊ ညဘက်ကောင်းစွာ အိပ်စက်ခြင်းက အသက်ဘယ်လောက်ရှည်လဲဆိုတာကိုပါ သက်ရောက်နေကြောင်း မက်ဟေးလ်က ပြောသွားပါတယ်။

Source: SciTechDaily

ကြာသပတေးနေ့က ကနေဒါနိုင်ငံ တိုရွန်တိုမြို့နဲ့ အနီးတဝိုက်မှာ အင်အားကြီး ဆောင်မုန်တိုင်းတိုက်ခတ်ပြီး ဆီးနှင်းသည်းထန်တာကြောင့် မြင်ကွင်းကျဆင်းပြီး သွားလာပို့ဆောင်ရေးတွေထိခိုက်ကာ ကျောင်းတွေပိတ်ထားရသလို ခရီးသွားလာမှုတွေနှောင့်နှေးရပါတယ်။

#World_Climate
Published 19 January 2025
#တိုရွန်တိုမြို့ #ကနေဒါနိုင်ငံ
#YMG #Yangon_Times #Yangon_Media_Group

#Local_News
Published 19 January 2025

▪️ နိုင်ငံ့အကျိုးပြု ဆိုလာနှင့် အသေးစားလေအားလျှပ်စစ် သုတေသနလုပ်ငန်းများ မြှင့်တင်ဆောင်ရွက်နေကြောင်း သိပ္ပံနှင့်နည်းပညာဝန်ကြီးဌာန ကပြောသည်။

▪️ သိပ္ပံနှင့်နည်းပညာဝန်ကြီးဌာန ဒုတိယဝန်ကြီး ဒေါက်တာအောင်ဇေယျသည် ဇန်နဝါရီ ၁၇ ရက်က ရန်ကုန်မြို့ သုတေသနနှင့်တီထွင်ဆန်းသစ်မှုဦးစီးဌာနရှိ ပြန်ပြည့်မြဲစွမ်းအင်နှင့် အီလက်ထရောနစ်နည်းပညာသုတေသနဗဟိုဌာနရှိ ဆိုလာနှင့် အသေးစားလေအားလျှပ်စစ် သုတေသနလုပ်ငန်းများ ဆောင်ရွက်နေမှုများနှင့် ရလဒ်အခြေအနေများကို ကြည့်ရှုစစ်ဆေးပြီး နိုင်ငံတော်ရှိ ပေါကြွယ်ဝသော ပြန်လည်ပြည့်ဖြိုး မြဲစွမ်းအင်ရင်းမြစ်များကို “နိုင်ငံတော်သာယာဖို့ သဘာဝပတ်ဝန်းကျင်ထိန်းကြ စို့” အမျိုးသားရေးဆောင်ပုဒ်နှင့်အညီ နိုင်ငံတော်သာယာပြီး စဉ်ဆက်မပြတ် ဖွံ့ဖြိုးတိုးတက်ရေးအတွက် စိုက်ပျိုး-မွေးမြူရေး ကုန်ကြမ်းအခြေပြု Agro-based Industries နှင့် MSME များတွင် အကျိုးရှိထိရောက်စွာ အသုံးချနိုင်ရန်အတွက် တီထွင်ဆန်းသစ်နည်းပညာ သုတေသနလုပ်ငန်းများ မြှင့်တင်ဆောင်ရွက်ရန်၊ သုတေသနရလဒ်များကို ဆက်စပ်ဌာနများ၊ MSME များတွင် အမှန်တကယ်အကျိုးရှိစွာသုံးစွဲနိုင်ရေး ဆက်လက်ဖြန့်ဝေလွှဲပြောင်းသွားရန် တိုက်တွန်းမှာကြားသည်။

▪️ ယင်းနောက် ဒုတိယဝန်ကြီးသည် Wind Tunnel မှရရှိသော လေအားအရင်းအမြစ်ဖြင့် ဒေါင်လိုက်ဝင်ရိုး (Vertical Axis) ကြောင်လိမ်လှေကားပုံစံ (Helical Design) တာဘိုင်အပါအဝင် အသေးစားလေအားလျှပ်စစ် သုတေသနလုပ်ငန်းများ စမ်းသပ်ဆောင်ရွက်နေမှုနှင့် ရလဒ်အခြေအနေတို့ကို ကြည့်ရှုစစ်ဆေးကာ ရေရှည် ကြံ့ခိုင်မှုရှိသောဒီဇိုင်းဖြစ်ရန်၊ တာဘိုင်များ ထပ်မံတိုးချဲ့ပေါင်းစပ်တပ်ဆင်ကာ ထုတ်လုပ်ရရှိသည့် လျှပ်စစ်စွမ်းအား၏ အရည်အသွေး (Power Quality) ကောင်းမွန်ရေး စနစ်တကျထိန်းချုပ် ဆောင်ရွက်ရန်၊ လျှပ်စစ်ရေတင်စနစ်များတွင် စမ်းသပ်တပ်ဆင်သုံးစွဲရန်၊ ပြင်ပသဘာဝပတ်ဝန်းကျင်ရှိ သင့်လျော်သည့် နေရာများတွင်ပါ လက်တွေ့ကျကျ စမ်းသပ်တပ်ဆင်ကြည့်ရန်မှာကြားသည်။

▪️ ထို့နောက် မဲခေါင်-လန်ချန်း ပူးပေါင်းဆောင်ရွက်မှုအထူးရန်ပုံငွေစီမံကိန်း(၂၀၂၂)ဖြင့် ပူးပေါင်းဆောင်ရွက်ထားသော နေရောင်ခြည်စွမ်းအင်ပြခန်းစင်တာသို့ ရောက်ရှိ၍ စင်တာအတွင်းပြသထားသော ဆိုလာပြားနှင့် ဆိုလာစနစ်အမျိုးမျိုး၊ ဆိုလာ EV Charging Station၊ Smart City စနစ်အပါအဝင် ပြကွက်များကို လှည့်လည်ကြည့်ရှုစစ်ဆေးပြီး နည်းပညာဆိုင်ရာလိုအပ်သည်များ မှာကြားသည်။

▪️ ယင်းနောက် ဒုတိယဝန်ကြီးသည် စင်တာအပြင်ဘက်၌ ဆိုလာရေတင်စနစ်၊ ရန်ကုန်အနောက်ပိုင်း နည်းပညာတက္ကသိုလ်နှင့် သုတေသနပူးပေါင်း ဆောင်ရွက်နေသော MSME ဖွံ့ဖြိုးရေး တစ်တပ်တစ်အား အထောက်အကူပြုနိုင်ရေး သီးနှံများကို ဆိုလာစွမ်းအင်ဖြင့် တစ်ပိုင်တစ်နိုင်အခြောက်လှန်းနိုင်သော တန်ဖိုးနည်း Portable Solar Dryer သုတေသနလုပ်ငန်းရလဒ်များကို ကြည့်ရှုစစ်ဆေးကာ နည်းပညာဆိုင်ရာ ဆက်လက်ဆောင်ရွက်ရမည့်လုပ်ငန်းများကို မှာကြားခဲ့ကြောင်း သိရသည်။

#YMG/NN #Yangon_Times